តាកែវ ៖ បុរសម្នាក់ បានស្លាប់យ៉ាង អណោចអធម៍ ដោយដាច់ក្បាលចេញពីខ្លួន ខណៈពេលកំពុងតែធ្វើកាំជ្រូច នៅផ្ទះរបស់ខ្លួន ស្រាប់តែកាំជ្រួច បានផ្ទុះតែម្ដង។ ហេតុការផ្ទុះកាំជ្រួច បានកើតឡើងនៅព្រឹកថ្ងៃ ទី១៣ ខែកុម្ភៈ ឆ្នាំ២០២០ នៅក្នុងភូមិហនុមាន ឃុំក្រាំងធ្នង់ ស្រុកបាទី ខេត្តតាកែវ ។
លោក ភួន ឈីម អភិបាលស្រុកបាទី បានថ្លែងឲ្យដឹងថា ពិតជាមានករណីផ្ទុះកាំជ្រួចពិតមែន ដោយជនរងគ្រោះមានឈ្មោះ កែវ ឈិន អាយុ ៥០ឆ្នាំ មានមុខរបរជាអ្នកធ្វើកាំជ្រូចលក់គ្រប់ធុន មានទីលំនៅកន្លែងកើតហេតុខាងលើ ។
លោកអភិបាលស្រុក បានមានប្រសាសន៏ បន្តថា ជាជំហ៊ានដំបូងយើង សន្និដ្ឋានថា មូលហេតុផ្ទុះនេះ គឺបណ្ដាលមកពីលាយ រំសែវ ខុសបច្ចេកទេស ដែលនាំឲ្យកាំជ្រូចផ្ទះ បណ្ដាលឲ្យ ជនសាកសព្វជនរងគ្រោះ ដាច់ខ្ទេចខ្ទី តែទោះជាយ៉ាងណាសមត្ថកិច្ច កំពុងតែបន្តសាកសួរ ប្រពន្ធជនរងគ្រោះ និងអ្នកនៅក្នុងហេតុការណ៏ នេះបន្តទៀត៕
