ភ្នំពេញ៖ នៅព្រឹកថ្ងៃព្រហស្បតិ៍ ១០រោច ខែកត្តិកឯកស័កព.ស.២៥៦៣ ត្រូវនឹងថ្ងៃ ទី ២១ ខែវិច្ឆិកា ឆ្នាំ២០១៩នេះ សម្តេចតេជោ ហ៊ុន សែន នាយករដ្ឋមន្ត្រីនៃ ព្រះរាជាណាចក្រកម្ពុជាអញ្ជើញជាអធិបតី ដ៏ខ្ពង់ខ្ពស់ សម្ពោធ «អគារឥន្រ្ទទេវី» របស់
រាជបណ្ឌិត្យសភាកម្ពុជា។
យោងតាមបណ្ដាញទំនាក់ទំនង សង្គមហ្វេសប៊ុកសម្ដចតេជោ ហ៊ុន សែន បានឲ្យដឹងថា អគារនេះមានកម្ពស់បីជាន់ ស្មើនឹង ១៨ម៉ែត្រ មានបណ្តោយប្រវែង៤០ម៉ែត្រ ទទឹង ១៧ម៉ែត្រ។
«អគារឥន្ទ្រទេវី» ជាសមិទ្ធផលថ្មីមួយ សម្រាប់រាជបណ្ឌិត្យសភាកម្ពុជា ដែលជាកន្លែងប្រមូលផ្ដុំ ដោយធនធានបញ្ញា សម្រាប់បម្រើការងារ ជាឧត្តមប្រយោជន៍ដល់សង្គមជាតិ។ អគារនេះ ជាកន្លែងបណ្តុះបណ្តាលនិស្សិត ថ្នាក់បរិញ្ញាបត្រជាន់ខ្ពស់ (អនុបណ្ឌិត) លើគ្រប់មុខជំនាញ ជាមជ្ឈមណ្ឌលបកប្រែភាសាបរទេស និង ជាកន្លែងស្រាវជ្រាវ ប្រមូលផ្តុំបញ្ញាវន្តតាមរយៈការរៀបចំ
សិក្ខាសាលា សន្និសីទ និង កម្មវិធីតុមូលផ្សេងៗ សម្រាប់បញ្ញាវន្ត ធ្វើការវិភាគអំពីបញ្ហាសង្គម នយោបាយ សេដ្ឋកិច្ចបច្ចេកវិទ្យាទំនើបៗរបស់ពិភពលោកថ្មីៗ និងជាទីបម្រើដល់បញ្ញាវន្តទាំងខាងផ្នែក វិទ្យាសាស្រ្តពិតនិងវិទ្យាសាស្រ្ត សង្គម ដើម្បីឱ្យបញ្ញវន្តទាំងឡាយ បានបង្ហាញស្នាដៃរបស់ខ្លួន សម្រាប់ការរួមចំណែកក្នុងការអភិវឌ្ឍ សង្គមជាតិ។
