សេអ៊ូល៖ ក្រុមហ៊ុនហ៊ីយ៉ាន់ដាយគ្រុប និងក្រុមហ៊ុន Kia Motors Corp. បានឲ្យដឹងនៅថ្ងៃអង្គារនេះថា ក្រុមហ៊ុនទាំងពីរបានផ្អាកបណ្តាញដំឡើងមួយចំនួនរបស់ខ្លួននៅទីនេះដោយសារតែកង្វះខាតផ្នែកពីប្រទេសចិន ចំពេលមានការរីករាលដាលនៃការឆ្លងមេរោគវីរុសកូរ៉ូណា។
អ្នកនាំពាក្យក្រុមហ៊ុនបានឲ្យដឹង តាមទូរស័ព្ទថាក្រុមហ៊ុនហ៊ីយ៉ាន់ដាយបានបញ្ឈប់បណ្តាញ ដំឡើងសម្រាប់ការផលិតម៉ូឌែលសេនឌើររបស់ក្រុមហ៊ុន ផលិតរថយន្តឯករាជ្យនៅរោងចក្រលេខ ៥ របស់ខ្លួននៅអ៊ូសានចម្ងាយ ៤១៤ គីឡូម៉ែត្រភាគអាគ្នេយ៍នៃទីក្រុងសេអ៊ូល ចាប់ពីថ្ងៃអង្គារនេះ។
លោកបាននិយាយថាក្រុមហ៊ុន និងសហជីពរបស់ខ្លួនក៏បានយល់ព្រមផ្អាកបណ្តាញដំឡើងជាបណ្តើរ ៗ នៅឯរោងចក្រចំនួន ៤ ដែលនៅសេសសល់នៅអ៊ូសាន កាលពីថ្ងៃសុក្រដោយមានរោងចក្រក្នុងស្រុកពីរផ្សេងទៀតនៅជុនជូ និងអាសានក៏គ្រោងនឹងបញ្ឈប់ប្រតិបត្តិការនៅថ្ងៃដដែលដូចគ្នានេះ៕ដោយ ឈូក បូរ៉ា
