ព័ត៌មានអន្តរជាតិ

កូរ៉េខាងជេីង​ ព្រមានថារាល់ការគំរាមកំហែង​ នឹងត្រូវឆ្លេីយតបដោយការវាយប្រហារបន្ទាន់​ និងមានឥទ្ធិពលខ្លាំង

សេអ៊ូល៖​ កាសែតផ្លូវការរបស់ កូរ៉េខាងជើង បានចុះផ្សាយនៅថ្ងៃសុក្រនេះថា​ រាល់ការប៉ុនប៉ង ណាមួយដើម្បីរំលោភលើសេចក្តីថ្លៃថ្នូរ​ និងការរស់រានរបស់រដ្ឋកុម្មុយនិស្ត គួរតែត្រូវបានធ្វើឡើងដោយការវាយប្រហារ “បន្ទាន់​ និងមានឥទ្ធិពល” ដោយអំពាវនាវឱ្យមានកិច្ចខិតខំប្រឹងប្រែងទាំងអស់​ ដើម្បីកសាងសមត្ថភាព ការពារជាតិរបស់ខ្លួន។

 មេដឹកនាំកូរ៉េខាងជើងលោក​ គីម​ ជុងអ៊ុន​ បានគំរាមនៅក្នុងការប្រជុំគណបក្សដ៏សំខាន់ មួយនៅចុងខែធ្នូថា​ ពិភពលោកនឹងឃើញ “អាវុធយុទ្ធសាស្ត្រថ្មី” ឆាប់ៗនេះហើយបានព្រមាន ពីសកម្មភាពជាក់ស្តែងគួរឱ្យភ្ញាក់ផ្អើលមួយ​ ដោយចោទប្រកាន់ សហរដ្ឋអាមេរិកថា​ បានជាប់គាំង​ ដោយខកខានពេលវេលា កំណត់កាលពីចុងឆ្នាំកន្លងទៅ។ 

លោកគីម​ បានលេីកឡេីងថា លោកមើលឃើញថា គ្មានហេតុផលណាមួយ​ ដើម្បីប្រកាន់ខ្ជាប់នូវការប្តេជ្ញាចិត្ត របស់លោកក្នុងការផ្អាកការសាកល្បងមីស៊ីលនុយក្លេអ៊ែ​រ និងរយៈចម្ងាយឆ្ងាយនោះទេ​ ហើយនឹងមិនមានការរំសាយ អាវុធនុយក្លេអ៊ែរ នៅឧបទ្វីបកូរ៉េរហូតដល់សហរដ្ឋអាមេរិក​ លុបចោលគោលនយោបាយអរិភាពប្រឆាំងនឹងទីក្រុងព្យុងយ៉ាង៕

ដោយ​ ឈូក​ បូរ៉ា

To Top