សេអូល៖ អតីតរដ្ឋមន្រ្តីបង្រួបបង្រួមជាតិ បានឲ្យដឹងថា ការដាក់ទណ្ឌកម្មអន្តរជាតិតែមួយមុខ មិនអាចជំរុញឱ្យកូរ៉េខាងជើង បោះបង់កម្មវិធីនុយក្លេអ៊ែររបស់ខ្លួនបានទេ ពីព្រោះរបបនេះ ត្រូវបានគេជឿថាបានធានាម៉ាស៊ីនកំណើនក្នុងស្រុក ដែលអាចធានាបាននូវ កម្រិតជីវភាពអប្បបរមា សម្រាប់ប្រជាជនរបស់ខ្លួន។
លោក Lee Jong-seok ដែលបានដឹកនាំក្រសួងបង្រួបបង្រួម ក្នុងឆ្នាំ២០០៦ បានលើកឡើងពីសៀវភៅថ្មីរបស់លោក ដែលមានចំណងជើងថា“ Demystifying សេដ្ឋកិច្ចរបស់កូរ៉េខាងជើង” ដោយសង្កត់ធ្ងន់លើភាពចាំបាច់ នៃយុទ្ធសាស្ត្រថ្មីក្នុងការចរចា ដើម្បីបញ្ចប់កម្មវិធីនុយក្លេអ៊ែររបស់កូរ៉េខាងជើង។
លោកបានឲ្យដឹងនៅក្នុងសៀវភៅ ដែលបានសហការជាមួយ អ្នកស្រាវជ្រាវវិទ្យាស្ថានស៊ីជុងលោក Choi Eun-ju ថា“ នៅខាងក្នុងប្រទេសកូរ៉េខាងជើង បានទទួលនូវអំណាច តិចតួចបំផុតរបស់ខ្លួនក្នុងការការពារការដួលរលំ នៃសេដ្ឋកិច្ចទោះបីស្ថិតក្រោម ការដាក់ទណ្ឌកម្មយ៉ាងខ្លាំងក៏ដោយ វាមិនអាចទៅរួចទេ ដែលអាចជំរុញឱ្យប្រទេសកូរ៉េខាងជើង បដិសេធអាវុធនុយក្លេអ៊ែរបានតែតាមរយៈការដាក់ទណ្ឌកម្ម សេដ្ឋកិច្ចប៉ុណ្ណោះ” ៕
ដោយ ឈូក បូរ៉ា
