បរទេស ៖ ប្រទេសរុស្ស៊ី តាមសេចក្តីរាយការណ៍ បាននិយាយនៅថ្ងៃអង្គារនេះថា ខ្លួនមានការវល់គំនិត ចំពោះការប្តេជ្ញារបស់តួកគី ធ្វើប្រតិបត្តិការយោធាថ្មីមួយ នៅក្នុងប្រទេសស៊ីរី ភាគខាងជើង ប្រសិនបើតំបន់នោះ មិនត្រូវបានបោសសម្អាតមនុស្ស ដែលទីក្រុងអង់ការ៉ាហៅថា ជាភេរវករ ដោយព្រមានថា ទង្វើបែបនេះ នឹងធ្វើឲ្យប៉ះពាល់ដល់កិច្ចខិតខំប្រឹងប្រែងរក្សាស្ថិរភាពក្នុងតំបន់។
រដ្ឋមន្ត្រីការបរទេសតួកគី លោក Mevlut Cavusoglu បានលើកឡើងកាលពីថ្ងៃចន្ទថា ប្រទេសរបស់លោក នឹងចាប់ផ្តើមប្រតិបត្តិការយោធាមួយមួយ នៅក្នុងប្រទេសស៊ីរីភាគខាងជើង ប្រសិនបើតំបន់នោះ នៅតែមិនទាន់បោសសម្អាតពួកកងជីវពលឃឺដ YPG អស់ទេនោះ។
ចំណែកក្រសួងការពារជាតិរុស្ស៊ីបាននិយាយនៅថ្ងៃអង្គារនេះថា ខ្លួនមានការស្លុតចិត្ត ចំពោះសេចក្តីថ្លែងការណ៍របស់រដ្ឋមន្ត្រីការបរទេសតួកគី ចាប់តាំងពីទីក្រុងមូស្គូធ្វើកាតព្វកិច្ចទាំងស្រុងរបស់ខ្លួន ក្រោមកិច្ចព្រមព្រៀងមួយ ដែលបានធ្វើឡើងរវាងប្រធានាធិបតីរុស្ស៊ី លោក វ្លាឌីមៀរ ពូទីន និងប្រធានាធិបតីតួកគី លោក Tayyip Erdogan៕
