ព័ត៌មានអន្តរជាតិ

លេចធ្លាយដំណឹងថា ចិនមានចេតនា ដកមេដឹកនាំ ហុងកុង លោកស្រិ Carrie Lam

បរទេស៖ រដ្ឋាភិបាលចិនត្រូវបានគេរាយការណ៍ថា មានចេតនាជំនួស ប្រធានប្រតិបត្តិហុងកុង លោកស្រី Carrie Lam ដោយមានប្រធានថ្មី បណ្តោះអាសន្នមួយរូប ដែលនឹងត្រូវបម្រើការ រហូតដល់ដំណាច់ឆ្នាំ ២០២២ ។

យោងតាមសារព័ត៌មាន Sputnik ចេញផ្សាយនៅថ្ងៃទី២៣ ខែតុលា ឆ្នាំ២០១៩ បានឱ្យដឹងថា ប្រសិនបើមានការយល់ព្រម ពីប្រធានាធិបតីចិនលោកស៊ី ជិនពីង ប្រទេសចិន គ្រោងនឹងឱ្យនាយកប្រតិបត្តិបច្ចុប្បន្ន លោកស្រី Carrie Lam លែងពីតំណែង នៅខែមីនាឆ្នាំ ២០២០ ហើយដាក់តួនាទីរបស់លោកស្រី ជាមួយប្រធានបណ្តោះអាសន្ន ហើយឱ្យបុគ្គលនោះបម្រើការ រហូតដល់ចប់អាណត្តិ របស់លោកស្រី នៅឆ្នាំ ២០២២ ។ នេះបើយោងតាមរបាយការណ៍ ពីកាសែត Financial Times ដោយដកស្រង់សំដី “ពីអ្នកបានពន្យល់អំពីការពិភាក្សានេះ។ “

ប្រភពបាននិយាយថា អ្នកជំនាញផ្នែកធនាគារលោក Norman Chan ដែលជាអតីតនាយកប្រតិបត្តិ នៃអាជ្ញាធររូបិយវត្ថុហុងកុង និងជាអតីតប្រធាន លេខាធិការហុងកុង លោក Henry Tang បច្ចុប្បន្នកំពុងឈរឈ្មោះ សម្រាប់តំណែង របស់លោកស្រី Lam ។

ប្រធានបណ្តោះអាសន្នដែលបានជ្រើសរើស នឹងបម្រើសម្រាប់រយៈពេលនៅសល់ នៃសេវាកម្ម, សេវាកម្មរបស់ពួកគេនឹងមិនចាំបាច់ ឈានដល់ រយៈពេលប្រាំឆ្នាំ ខាងមុខទេ៕
ប្រែសម្រួលៈ ណៃ តុលា

To Top