សន្តិសុខ និង សង្គម

រោងចក្រថ្មីចំនួន៤ជាមួយទុនវិនិយោគ ជាង៧លានដុល្លារ ត្រូវបានអនុម័ត ឲ្យបើកដំណើរការ នៅកម្ពុជា

ភ្នំពេញ៖គម្រោងវិនិយោគបង្កើត រោងចក្រថ្មីៗចំនួន៤ទៀត ត្រូវបានក្រុមប្រឹក្សា អភិវឌ្ឍន៍កម្ពុជា (CDC) ចេញវិញ្ញាបនបត្រចុះ បញ្ជីជាស្ថាពរ ឲ្យបើកដំណើរការវិនិយោគនៅកម្ពុជា ដែលសរុបទុនវិនិយោគចំនួនជាង ៧លានដុល្លារអាមេរិក និងបង្កើតការងារថ្មីចំនួន ១៤០៦កន្លែង។

តាម Facebook ផ្លូវការពីCDC បានចុះផ្សាយថា តាមសំណើសុំវិនិយោគ របស់ក្រុមហ៊ុន គណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជាបានសម្រេចចេញ «វិញ្ញាបនប័ត្រចុះបញ្ជីជាស្ថាពរ» ជូនដល់ក្រុមហ៊ុន ដូចខាងក្រោម៖

១៖ គម្រោងបង្កើតរោងចក្រផលិតថង់ប្លាស្ទិក កេសកាតុង ស្លាកសញ្ញាសម្លៀកបំពាក់ និងបោះពុម្ភ របស់ក្រុមហ៊ុន «HUICAI PACKAGING (CAMBODIA) CO.,LTD» មានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេសសានដុង សាន់សែល ខេត្តស្វាយរៀង មានទុនវិនិយោគប្រមាណ ៣.៥៦លានដុល្លារអាមេរិក និងអាចបង្កើតការងារបានចំនួន ៤៧៦កន្លែង។

២៖ គម្រោងបង្កើតរោងចក្រផលិតបំពង់ទីបដែកអ៊ីណុក របស់ក្រុមហ៊ុន «ROBUSTAHL CO.,LTD»មានទីតាំងវិនិយោគស្ថិតនៅ ក្នុងតំបន់សេដ្ឋកិច្ចពិសេសក្រុងព្រះសីហនុ ខេត្តព្រះសីហនុ មានទុនវិនិយោគចំនួន១លានដុល្លារអាមេរិក និងអាចបង្កើតការងារ បានចំនួន ៥៥២កន្លែង។

៣៖ គម្រោងបង្កើតរោងចក្រផលិតព្យាណូកែឆ្នៃ របស់ក្រុមហ៊ុន «UNION GAKKI (CAMBODIA) CO.,LTD» មានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេសកំពង់ផែក្រុងព្រះសីហនុ ខេត្តព្រះសីហនុ មានទុនវិនិយោគចំនួន ៣៧៨,២០០ដុល្លារអាមេរិក និងអាចបង្កើតការងារបានចំនួន ៥៥កន្លែង។

៤៖ គម្រោងបង្កើតរោងចក្រផលិតសម្ភារៈអេឡិចត្រូនិក របស់ក្រុមហ៊ុន «CAMBO HONGSHENG ELECTRONICS CO.,LTD» មានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេសឈីលូ ជាន ពុ ចាយ ខេត្តស្វាយរៀង មានទុនវិនិយោគប្រមាណ ២.១៤លានដុល្លារអាមេរិក និងអាចបង្កើតការងារបានចំនួន ៣២៣កន្លែង៕

Facebook Comments

Leave a Reply

Your email address will not be published.

To Top