នយោបាយ

ចូលឆ្នាំខ្មែរ ទេពធីតា ព្រះនាមទុង្សៈទេវី នឹងសោយផ្លែល្វាជាអាហារ

ភ្នំពេញ ៖ សម្រាប់ពិធីបុណ្យចូលឆ្នាំថ្មីប្រពៃណីជាតិឆ្នាំនេះ(១៤-១៦មេសា) ទេពធីតាព្រះនាមទុង្សៈទេវី នឹងយាងមកម៉ោង៣ រសៀលថ្ងៃទី១៤ ខែមេសា ឆ្នាំ២០១៩ ត្រូវនឹងថ្ងៃ១០កើត ខែចេត្រ ព.ស ១៩៦២ ដោយសោយផ្លែល្វាជាអាហារ។ នេះបើតាមការដកស្រងពីគេហទំព័រវិគីភីឌា។

ទេពធីតាឆ្នាំនេះ ចុះមកចំថ្ងៃអាទិត្យ តំណាងឲ្យពណ៌ក្រហម មានព្រះនាម ទុង្សៈទេវី , ផ្កាសៀតត្រចៀក គឺផ្កាទទឹម , គ្រឿងភារណៈ គឺសំលៀកបំពាក់ ពណ៌ក្រហម , គ្រឿងអលង្ការត្បូង គឺប្រដាប់បទុមរាជ (ត្បូងទទឹមពណ៌ក្រហម) , ភក្សាហារ គឺសោយអាហារ ផ្លែឧទុម្ពរ (ផ្លែល្វា) , គ្រឿសាស្រ្តាវុធក្នុង ព្រះហស្តស្តាំ និងព្រះហស្តឆ្វេង គឺស្តាំកងចក្រ ឆ្វេងខ្យងស័ង្ក និងយាន្តជំនិះ គឺគ្រុឌ។

កម្ពុជាជាប្រទេសមួយដែលមានខឿនអរិយធម៌ដ៏ចំណាស់នៅភូមិភាគអាស៊ីអាគ្នេយ៍ ហើយប្រជាជាតិនេះ ក៏មាននៅថ្ងៃចូលឆ្នាំរបស់ខ្លួនផងដែរ ដែលភាគច្រើនប្រជាជាតិប្រទេសនេះ ហៅខ្លួនឯងថា “ជនជាតិខែ្មរ” ។ ប្រវតិ្តពិធីបុណ្យចូលឆ្នាំថ្មីរបស់ប្រទេសកម្ពុជាមានតាំងពីបុរាណកាល និងយូរយាណាស់មកហើយ ហើយមួយភាគធំ គឺផ្សារភ្ជាប់និងសាសនាហិណ្ឌូ នាប្រទេសឥណ្ឌា និង ប្រទេសសេរីលង្កា ។

“ចូលឆ្នាំខ្មែរ” គឺជាឈ្មោះថ្ងៃបុណ្យខ្មែរដែលប្រារព្ធពិធីចូលឆ្នាំថ្មីតាមចន្ទគតិបុរាណ ឬហៅថា ថ្ងៃមហាសង្ក្រាន្ត ។ ជាការពិតណាស់ថ្ងៃចូលឆ្នាំពីបុរាណកាលប្រារព្ធនៅខែមករា តាមកំណត់ហេតុលោក ជីវ តាក្វាន់ ដែលមកដល់អាណាចក្រខ្មែរក្នុងឆ្នាំ១២៩៦ នៃគ.ស នាសត្សវត៍ទី១៣ ក្រោយមក គេបានផ្លាសប្ដូរមកខែមេសាវិញ យកតាម សុរិយាគតិ ហើយត្រូវនិងខែនៃដូវប្រមូលផលផងដែរ ។

ទំនៀមពិធីចូលឆ្នាំប្រព្រឹត្តទៅចំនួន ៣ ថ្ងៃ។ ថ្ងៃដំបូងជាថ្ងៃមហាសង្ក្រាន្ត , ថ្ងៃទី២ ជាថ្ងៃ វនបត និងថ្ងៃទី៣ ជាថ្ងៃឡើងស័ក ។ រីឯការកំណត់ថ្ងៃ ម៉ោងនាទីដែលឆ្នាំចាស់ត្រូវផុតកំណត់ ហើយទេព្តា ឆ្នាំថ្មីត្រូវចុះមកទទួលតំណែងពីទេព្តាឆ្នាំចាស់នោះ គេអាចដឹងបានដោយប្រើក្បួនហោរា សាស្ត្របុរាណ គឺក្បួនមហាសសង្ក្រាន្ត។

ទេពធីតាមហាសសង្ក្រាន្ត សម្ដែងកិរិយា គឺ

បើចេញហែរនៅវេលាព្រឹកព្រលឹម ដល់ថ្ងៃត្រង់ (ទ្រង់ឈរ) ៦ : ០០ ព្រឹក > ១២ : ០០ ថ្ងៃត្រង់

បើចេញហែរវេលាថ្ងៃត្រង់ ទល់នឹងព្រលប់ (ទ្រង់អង្គុយពាក់ឆៀង) ១២ : ០០ ថ្ងៃត្រង់ > ៦ : ០០ ល្ងាច
បើចេញហែរនៅវេលាព្រលប់ ទៅទល់អធ្រាត្រ (ទ្រង់ផ្ទំបើកព្រះនេត្រ) ៦ : ០០ ល្ងាច > ១២ : ០០ អាធ្រាត

បើចេញហែរនៅវេលាអធ្រាត្រ ទៅទល់ភ្លឺ (ទ្រង់ផ្ទំបិទព្រះនេត្រ) ១២ : ០០ រំលងអាធ្រាត > ៦ : ០០ ព្រឹក៕

Facebook Comments

To Top