ព័ត៌មានជាតិ

​ឃាត់ខ្លួន​ជនសង្ស័យ​ម្នាក់​ ដកហូតគ្រឿងញៀន​១៦៨​គ្រាប់និង២កញ្ចប់ធំ

ភ្នំពេញ៖ កម្លាំង​​នគរបាល ​ខេត្តឧត្តរមានជ័យ​ បានសហការជាមួយនគរបាល​ក្រុង​ សំរោង និងនគរបាល​អូរ​ស្មាច់ ឃាត់ខ្លួនជនសង្ស័យម្នាក់ ដកហូតថ្នាំញៀន១៦៨​គ្រាប់ និង២កញ្ចប់ធំ​​​កាលពីវេលា​ម៉ោង​១៥និង៣០​នាទីថ្ងៃ​ទី​១១​ ខែកុម្ភៈ​ ឆ្នាំ​២០១៩​ ស្ថិតនៅក្នុងភូមិ​ចំការ​ចេក​ សង្កាត់​អូរ​ស្មាច់​ ក្រុង​សំរោង​ ខេត្តឧត្តរមានជ័យ​ ។

​​សមត្ថកិច្ចបានឲ្យដឹងថា ​ជនសង្ស័យ​ម្នាក់មានឈ្មោះ​ សួន​ សា​វ័​រ​ ភេទ​ប្រុស​ អាយុ​ ២៨​ឆ្នាំ​ មុខរបរ​ មិន​ពិតប្រាកដ​ រស់នៅ​ភូមិ​កើតហេតុ​ខាងលើ​ ។ ​វត្ថុ​តាងដកហូតបាន​រួម​មាន​៖​ថ្នាំ​ញៀន​មេ​តំ​ហ្វេ​តា​មីន​គ្រាប់​(WY)​ ពណ៌​ផ្កាឈូក​ចំនួន​ ១៦៨​ គ្រាប់​,ថ្នាំ​ញៀន​មេ​តំ​ហ្វេ​តា​មីន​ICE​ (​ម៉ា​ទឹក​ក​)​ចំនួន​២​កញ្ចប់​ធំ​ និង​ ៤​ កញ្ចប់​តូច​,ទូរ​សព្ទ​ដៃ​ ១​គ្រឿង​,​សម្ភារៈ​វេច​ខ្ចប់​គ្រឿងញៀន​មួយ​ចំនួន​ទៀត ​។​

​ជនសង្ស័យខាងលើ ត្រូវបានសមត្ថកិច្ចកសាង​សំណុំរឿង ​បញ្ជូនទៅតុលាការ ដើម្បីចាត់បន្ត​តាម​នីតិវិធី​ ៕

Facebook Comments

To Top