អន្តរជាតិ

ជើងហោះហើរ ណូវែលសេឡង់ បកក្បាលត្រលប់ក្រោយវិញ ដោយពុំមានសិទ្ធិ ធ្វើការចុះចត នៅក្នុងប្រទេសចិន

វែលលីងតុន៖ ទូរទស្សន៍សិង្ហបុរី Channel News Asia បានផ្សព្វផ្សាយព័ត៌មាន ឲ្យដឹងនៅថ្ងៃទី១១ ខែកុម្ភៈ ឆ្នាំ២០១៩ថា ក្រុមមន្ត្រីបាននិយាយកាលពីថ្ងៃអាទិត្យថា យន្តហោះ ដឹកអ្នកដំណើរ របស់ក្រុមហ៊ុនអាកាសចរណ៍ Air New Zealand បានហោះចេញពីទីក្រុង Auckland ឆ្ពោះទៅកាន់ក្រុងសៀងហៃ ត្រូវបានបង្ខំឱ្យត្រលប់មកវិញ បន្ទាប់ពីបាន ហោះហើរអស់រយៈពេល៥ម៉ោង នៅលើអាកាស ដោយសារតែពួកគេ មិនមានសិទ្ធិធ្វើការចុះចត នៅក្នុងប្រទេសចិន ។

ជើងហោះហើរ NZ289 ដឹកអ្នកដំណើរប្រហែល២៧០នាក់ បានចាកចេញពីក្រុង Auckland នៅមុនពេលឈានចូល ពាក់កណ្តាលអាធ្រាត កាលពីថ្ងៃសៅរ៍ បានវិលត្រឡប់មកវិញ នៅប្រហែលម៉ោង១០ព្រឹក កាលពីថ្ងៃអាទិត្យម្សិលមិញនេះ ។

ក្រុមអ្នកដំណើរបាននិយាយថា នាយករដ្ឋមន្ត្រី បានជូនដំណឹងដល់ពួកគេថា យន្តហោះអាកាសចរណ៍ Air New Zealand មិនត្រូវបានអនុញ្ញាតឱ្យចុះចតនៅក្នុងប្រទេសចិនឡើយ ហើយនឹងត្រូវត្រឡប់មកវិញ ៕

ដោយ៖ ម៉ៅ បុប្ផាមករា

Facebook Comments

To Top