តារា

តារាចម្រៀងល្បី ខេមរៈ សិរីមន្ត ប្រកាសកាន់ទុក្ខ សពប្អូនស្រី១០០ថ្ងៃ ដោយមិនទទួលកម្មវិធីអ្វីទាំងអស់

ភ្នំពេញ៖ក្រោយពេលបាត់បង់ប្អូនស្រីពៅ ជាទីស្រឡាញ់គឺ កញ្ញា ខែម ស្រីពៅ ហៅខេមរៈសិរីពៅដោយ នាងបានទទួលមរណភាព ទៅកាន់លោកខាងមុខហើយនោះ តារាចម្រៀង ដែលត្រូវបានមហាជន ស្រឡាញ់គាំទ្រខ្លាំង លោកខេមរៈ សិរីមន្ត បានប្រកាសកាន់ទុក្ខ សពប្អូនស្រីចំនួន១០០ថ្ងៃ ដោយមិនទទួលច្រៀង និងសម្ដែងពីកម្មវិធីក្រុមហ៊ុនណាទាំងអស់។

យោងតាមបណ្ដាញទំនាក់ទំនងហ្វេសប៊ុក លោកខេមរៈ សិរីមន្តនៅថ្ងៃទី៣០ ខែមករា ឆ្នាំ២០១៩បានឲ្យដឹងថា “ខ្ញុំបាទខេមរៈ សិរីមន្តសូមប្រកាសធ្វើការកាន់ទុក្ខ ប្អូនស្រី ចំនួន១០០ថ្ងៃ និងមិនទទួលការច្រៀង ឬ សំដែងឡើយហើយសូមអគុណ ដល់ក្រុមហ៊ុនទាំងអស់ដែល បានយោគយល់ដល់រូបខ្ញុំបាទ ដែលកំពុងតែមានទុក្ខក្រៀមក្រំ ជាទំងន់ ដោយលុបចោលខនស៊ែត ហើយមិនមានការសងការ ខូចខាតឡើយសូមអរគុណ”។

សូមបញ្ជាក់ថា កញ្ញាខេមរៈ សិរីពៅ បានទទួលមរណភាព កាលពីថ្ងៃទី២៥ ខែមករា ឆ្នាំ២០១៩ នៅប្រទេសឥណ្ឌា ដោយរោគាពាធ៕ ដោយ៖ធី លីថូ

Facebook Comments

To Top