ព័ត៌មានជាតិ

ដើរទៅ​បង់​ត្រី​ ប្រទះ​ឃើញ​ គ្រាប់​ខូច​គុណភាព​ ៩​គ្រាប់ ​នៅ​វាលស្រែ​

​បាត់ដំបង ៖ ប្រជាពលរដ្ឋ​ ដើរទៅ​បង់​ត្រី​ក្នុង​ប្រឡាយ ប្រទះឃើញ​គ្រាប់​យុទ្ធភ័ណ្ឌ​មិន​ទាន់​ផ្ទុះ ​ចំនួន​៩​គ្រាប់ សល់​ពី​សម័យ​សង្គ្រាម ​ខូចគុណភាព (​គ្រាប់​៨០ ម​.​ម ចំនួន ០៤​គ្រាប់ គ្រាប់​D.K៨២ ចំនួន ៣​គ្រាប់ គ្រាប់​៦០​ម​.​ម ចំនួន ១​គ្រាប់ និង​គ្រាប់បែកដៃ ចំនួន ១​គ្រាប់​) នៅ​ថ្ងៃទី​១០ ខែ​កញ្ញា ឆ្នាំ​២០១៨ នៅ​ចំនុច​វាលស្រែ ភូមិ​ដង្កោ​ក្រ​ម៉ាង ឃុំ​អំពិល​ប្រាំ​ដើម ស្រុក​ប​វេល ខេត្ត​បាត់ដំបង ។

យោងតាម អគ្គស្នងការនគរបាលជាតិ បានឲ្យដឹងថា ក្រោយ​ទទួលដំណឹង នគរបាល​ស្រុក​ប​វេ​ល បាន​ចុះ​ធ្វើការ​ត្រួតពិនិត្យ និង​រាយការណ៍​ជូន​អង្គភាព​ស៊ីម៉ាក់​យកទៅ​កម្ទេចចោល​។​

លោក​វរសេនីយ៍ទោ សុខ​ សារិន អធិការនគរបាល​ស្រុក​ប​វេល បាន​ថ្លែងអំណរគុណ​ដល់​ប្រជាជន ​ដែល​បាន​រាយការណ៍​ ជូន​សមត្ថកិច្ច​ទាន់ពេលវេលា និង​បាន​អំពាវនាវ​ដល់​ប្រជាពលរដ្ឋ​ ដែល​រស់នៅ​ក្នុង​មូលដ្ឋាន​ទាំងអស់ សូមអោយ​មាន​ការប្រុងប្រយ័ត្ន​ខ្ពស់ ​នូវ​យុទ្ធភ័ណ្ឌ​មិន​ទាន់​ផ្ទុះ ឬអាវុធ​ខូចគុណភាព​ផ្សេងៗ ត្រូវ​រាយការណ៍​ជាបន្ទាន់​ជូន​សមត្ថកិច្ច ជៀសវាង​ការកើតមាន​គ្រោះ ថ្នាក់​ដោយសារ​យុទ្ធភ័ណ្ឌ​ និ ង​អាវុធ​ទាំងនោះ​ជា​យថាហេតុ​៕ ដោយ៖ នឿត សុភក្រ្ត

Facebook Comments

To Top