អន្តរជាតិ

​ ក្រុមអ្នកការទូតបរទេស​ ៤៨ប្រទេស​ នឹងទស្សនកិច្ចតំបន់គ្មានយោធា​ នៅព្រំដែនអន្ដរកូរ៉េ​

សេអ៊ូល៖​ អ្នកការទូត​ ដែលមានមូលដ្ឋាននៅទីក្រុងសេអ៊ូល​ ជាច្រើននាក់​ នឹងធ្វើទស្សនកិច្ច នៅតំបន់គ្មានយោធា (DMZ) នៅថ្ងៃសុក្រនេះ​ ក្នុងដំណើរទស្សនកិច្ចរៀបចំ ដោយក្រសួងវប្បធម៌​ ដើម្បីជំរុញកិច្ចខិតខំប្រឹងប្រែង របស់កូរ៉េខាងត្បូង​ ដើម្បីបង្វែរនូវសំណល់នៃសង្គ្រាមកូរ៉េ​ ជានិមិត្តសញ្ញា នៃសន្តិភាព។

ក្រសួងវប្បធម៌កូរ៉េបានឱ្យដឹងថា​ លោក Do Jong-whan រដ្ឋមន្រ្តីក្រសួងវប្បធម៌​ នឹងចូលរួមជាមួយ ឯកអគ្គរដ្ឋទូត​ និងអ្នកតំណាងមកពី ៤៨ប្រទេសដែលរួមមានសហរដ្ឋអាមេរិក​ ចក្រភពអង់គ្លេស​ អេស្ប៉ាញ​ ព័រទុយហ្គាល់​ សឹង្ហបូរី​ អ៊ីរ៉ង់​ និងអ៊ីរ៉ាក់​ ក្នុងដំណើរទស្សនកិច្ច តំបន់គ្មានយោធារវាងកូរ៉េ។

ពួកគេនឹងធ្វើទស្សនកិច្ចនៅភូមិ Jangdan Bean នៅ Paju ដែលជាតំបន់ទេសចរណ៍មួយក្នុងចំណោម ១០​ ដែលទាក់ទាញក្នុងដំណើរសន្តិភាពរបស់ DMZ និងតំបន់ Panmunjom ដែលលោកប្រធានាធិបតី មូន​ ជេអ៊ីន​ និងមេដឹកនាំកូរ៉េខាងជើងលោកគីម​ ជុងអ៊ុន​ បានជួបគ្នាជាលើកដំបូងនៅថ្ងៃទី២៧​ ខែមេសា៕

Facebook Comments

To Top