អន្តរជាតិ

Google ប្រកាសថាខ្លួនកំពុង ប្រើប្រាស់បច្ចេកវិទ្យា​ AL​ ដើម្បីប្រឆាំងនឹងរំលោភ បំពានផ្លូវភេទកុមារ

អាមេរិកៈ​ ក្រុមហ៊ុនបច្ចេកវិទ្យាយក្ស របស់សហរដ្ឋអាមេរិក Google បានប្រកាសថា​ ខ្លួនកំពុងប្រើប្រាស់បច្ចេកវិទ្យា ស៊ើបការណ៍សម្ងាត់ថ្មី (AI) ដើម្បីប្រឆាំងនឹងការ រីករាលដាលនៃមាតិកា​ ដែលពាក់ព័ន្ធនឹងការ រំលោភបំពានផ្លូវភេទកុមារ​ នេះបើយោងតាមការចុះផ្សាយ របស់ទីភ្នាក់ងារសារព័ត៌មាន​ ចិនស៊ិនហួ នៅថ្ងៃទី៤ ខែកញ្ញា​ ឆ្នាំ២០១៨ ។

Google បានឲ្យដឹងថា​ បច្ចេកវិទ្យាបទំនើបរបស់ខ្លួន ប្រើបណ្តាញសរសៃប្រសាទជ្រៅ​ សម្រាប់ដំណើរការកែច្នៃរូបភាព​ ដើម្បីជួយស្វែងរក​ និងរកឃើញសម្ភារៈ បំពានផ្លូវភេទលើកុមារ (CSAM) លើអ៊ីនធឺណិត ។

ឧបករណ៍ថ្មីដែលមានមូលដ្ឋាន លើបណ្តាញសរសៃប្រសាទជ្រៅ​ នឹងត្រូវបានផ្តល់ជូនដោយឥតគិតថ្លៃ ដល់អង្គការមិនមែនរដ្ឋាភិបាល​ និង “ដៃគូឧស្សាហកម្ម” ដទៃទៀត​ ដែលរាប់បញ្ចូលទាំងក្រុមហ៊ុន បច្ចេកវិទ្យាផ្សេងៗតាមរយៈ សេវាកម្មមាតិកាសុវត្ថិភាព API ថ្មីដែលអាចត្រូវបានផ្តល់ ជូនតាមការស្នើសុំ ៕

ដោយ៖​ ឈូក​ បូរ៉ា

Facebook Comments

To Top