left
Safe Home
Safe Home
Safe Home

Dap News...Admin

Friday, Jul 31st

| English Version | dapnews: 012 571 704, 097 9999 883, email: lim.cheavutha@gmail.com

You are here:

អត្តពលិកដែល​ឈ្នះ​មេ​ដាយ​នៅ SEA Games 2015 ទទួល​ប្រាក់​រង្វាន់​ថ្ងៃ​នេះ

ភ្នំពេញ៖ ប្រតិភូ គ្រូបង្វឹក និងកីឡាករ-កីឡាការិនី ដែលបាន បញ្ជូនទៅចូលរួមប្រកួត ក្នុងព្រឹត្តិការណ៍កីឡាថ្នាក់ តំបន់អាស៊ាន SEA Games លើកទី២៨ ឆ្នាំ២០១៥ នៅប្រទេសសិង្ហបុរីដែលឈ្នះមេដាយ សរុបចំនួន១៥ ស្មើនឹង៣៧គ្រឿង គឺទទួលបានប្រាក់រង្វាន់លើកទឹកចិត្តថ្ងៃនេះ នៅទីស្នាក់ការគណៈកម្មាធិការជាតិអូឡាំពិកកម្ពុជា (NOCC) នេះបើយោងតាមរបាយការណ៍ ដែលមជ្ឈមណ្ឌលសារព័ត៌មានដើមអម្ពិល ទទួលបានល្ងាចនេះ ។

ក្នុងការចែករង្វាន់លើកទឹកចិត្តនោះដែរ ក៏មានការអញ្ជើញចូលរួមក្រោមអធិបតីភាពលោក សុខ អាន ឧបនាយករដ្ឋមន្រ្តី រដ្ឋមន្រ្តីទទួលបន្ទុកទីស្តីការ គណៈរដ្ឋមន្រ្តី តំណាងដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា និងលោកជំទាវ ប៊ុន រ៉ានី លោកបណ្ឌិត ថោង ខុន ប្រធានគណៈកម្មាធិការជាតិ អូឡាំពិកកម្ពុជា និងជារដ្ឋមន្រ្តីក្រសួង ទេសចរណ៍ និងលោក វ៉ាត់ ចំរើន អគ្គលេខាធិការ NOCC ។

ចំពោះកម្ពុជា ដែលបានបញ្ជូន២២ប្រភេទកីឡា ដែលមានប្រតិភូសរុបចំនួន២៥៦នាក់ ក្នុងនោះរួមមានកីឡាករ ១៤៨នាក់ កីឡាការិនី២៨នាក់ គ្រូបង្វឹក៤២នាក់ និងថ្នាក់ដឹកនាំ មន្រ្តីការងារចំនួន៣៨នាក់ ដែលឈ្នះមេដាយសរុបបានចំនួន១៥ មេដាយនោះ មានមេដាយមាស១វិញ្ញាសា ទទួលបាន៥០០០ដុល្លារអាម៉េរិក មេដាយប្រាក់ទទួលបាន ៣០០០ ដុល្លារ និងមេដាយសំរិទ្ធទទួលបាន ២០០០ដុល្លារ ។

ក្នុងចំណោមទាំង២២ប្រភេទកីឡានោះ មានតែកីឡា៥ប្រភេទប៉ុណ្ណោះដែលឈ្នះមេដាយ ក្នុងនោះរួមមានកីឡា សីដក់ឈិនឡូន (មេដាយមាស១ និងសំរិទ្ធ១) ប្រដាល់សកល (មេដាយប្រាក់១) ប៉េតង់ (មេដាយប្រាក់៤ និងសំរិទ្ធ៥) តេក្វាន់ដូ (មេដាយសំរិទ្ធ២) និងកីឡាវាយកូនបាល់ (មេដាយសំរិទ្ធ១) ។

សូមបញ្ជាក់ថា សម្រាប់មេដាយមាស១វិញ្ញាសា ដែលស្មើនឹង៨គ្រឿង ទទួលបានប្រាក់រង្វាន់សរុប ៤០០០០ដុល្លារ មេដាយ ប្រាក់៥វិញ្ញាសា ស្មើនឹង៧គ្រឿងទទួលបានរង្វាន់សរុប២១០០០ដុល្លារ និងមេដាយសំរិទ្ធ៩វិញ្ញាសា ស្មើនឹង២២គ្រឿង ទទួលបានប្រាក់រង្វាន់ចំនួន៤៤០០០ដុល្លារ ដែលសរុបទាំងអស់ស្មើនឹង ១០៥០០០ដុល្លារអាម៉េរិក ស្មើនឹងជាង ៤២០ លានរៀល ៕

កាហ្វេ និងតែ ប្រហែលជាអាច ជួយការពារ ជំងឺខ្លាញ់ក្នុងថ្លើម

ក្រុមអ្នកស្រាវជ្រាវ ជនជាតិអាមេរិក និងសិង្ហបុរី បាននិយាយថា ការទទួលទានកាហ្វេ ក្នុងបរិមាណមួយសមរម្យជារៀងរាល់ថ្ងៃ អាចជួយការពារជំងឺខ្លាញ់ក្នុងថ្លើមបាន។

ក្រុមស្រាវជ្រាវអន្តរជាតិមួយក្រុម ដែលត្រូវបានដឹកនាំ ដោយមហាវិទ្យាល័យ នៃវិទ្យាពេទ្យ Duke នៃរដ្ឋការ៉ូលីណាភាគខាងជើង និងមហាវិទ្យាល័យ នៃប្រទេសសិង្ហបុរី បានធ្វើសេចក្តីណែនាំថា ការទទួលទានជាតិកាហ្វេអ៊ីន អាចកាត់បន្ថយជាតិខ្លាញ់នៅក្នុងថ្លើម។

នៅទូទាំងពិភពលោក មនុស្ស៧០ភាគរយ បានធ្វើការពិនិត្យរកជំងឺទឹកនោមផ្អែម និងជំងឺធាត់ និងជំងឺខ្លាញ់នៅក្នុងថ្លើម ដោយលទ្ធផលបានបង្ហាញ ថាមូលហេតុនៃការកើតជំងឺខ្លាញ់ នៅក្នុងថ្លើម គឺការទទួលជាតិអាកុលច្រើនហួសកំរិត។
ជាមួយគ្នានេះដែរ ការរកឃើញនៃការសិក្សានេះ បានបង្ហាញថា ការទទួលទានតែ និងកាហ្វេ ជាប្រចាំថ្ងៃមានអត្ថប្រយោជន៍ ក្នុងការការពារជំងឺថ្លើម សម្រាប់អ្នកដែលចូលចិត្ត ទទួលទានជាតិអាកុល។

លោក Yen ដែលជាវេជ្ជបណ្ឌិតជនជាតិសិង្ហបុរី បាននិយាយថាៈ "នេះគឺជាការស្រាវជ្រាវ ដ៏ល្អិតល្អន់មួយ ដើម្បីសិក្សាអំពីទំនាក់ទំនង រវាងសារជាតិកាហ្វេអ៊ីន និងថ្លើមរបស់មនុស្ស ហើយលទ្ធលដែលត្រូវបានបង្ហាញ វាគួរឲ្យទាក់ទាញខ្លាំងណាស់។"

គួរបញ្ជាក់ដែរថា ការរកឃើញនេះ នឹងត្រូវចេញផ្សាយនៅក្នុងខែកញ្ញាខាងមុខនេះ នៅក្នុង សៀវទស្សនាវដ្តី Hepatology។ ទោះបីជាយ៉ាងណាក្តី ក្រុមអ្នកស្រាវជ្រាវបានរកឃើញថា កាហ្វេបានផ្តល់ទាំងគុណសម្បត្តិ និងគុណវបត្តិដល់សុខភាព របស់អ្នកទទួលទាន ដោយវាត្រូវពឹងផ្អែកបរិមាណ នៃការទទួលទាន និងអាយុរបស់ពួកគេ៕

Photo by DAP-News

ក្រុមឈុតតូច U-16 កម្ពុជា ឈ្នះ U-16 ហ្វីលីពីន ១-០ នៅមុខអ្នកគាំទ្រ ជាង១ម៉ឺននាក់

ភ្នំពេញ៖ក្រុមបាល់ទាត់ឈុតតូច យុវជនអាយុក្រោម១៦ឆ្នាំ កម្ពុជា ទទួលបាន៣ពិន្ទុ នៅថ្ងៃបើកឆាក បន្ទាប់ពីបានយក ឈ្នះ U-16 ហ្វីលីពីន ដោយលទ្ធផល ១-០ ល្ងាចមិញនេះ នៃព្រឹត្តិការណ៍ពានរង្វាន់ AFF U-16 Championship 2015 ដែលកម្ពុជា ធ្វើម្ចាស់ផ្ទះ នៅពហុកីឡដ្ឋានជាតិអូឡាំពិក ។

កីឡាករខ្សែប្រយុទ្ធជួរមុខ ទៀត គឹមហេង បានស៊ុតគ្រាប់នាំសំណាងឲ្យកម្ពុជា ត្រឹមនាទីទី៥៥ បន្តរហូតដល់បញ្ចប់នៃ ការប្រកួតពេញម៉ោង និងធ្វើឲ្យ អ្នកគាំទ្រ ប្រមាណជាង១ម៉ឹននាក់ មានការពេញចិត្តជាខ្លាំង និងឡើងទៅឈរនៅចំណាត់ ថ្នាក់លេខ២ក្នុងពូល A បណ្តោះអាសន្នផងដែរ គ្រាដែល U-16 មីយ៉ាន់ម៉ា ឈរនៅកំពូលតារាង បន្ទាប់ពីឈ្នះ U-16 សិង្ហបុរី ៣-១ លា្ងចមិញដូចគ្នា ។

U-16 កម្ពុជា ត្រូវប៉ះក្រុមភ្ញៀវ U-16 របស់អូស្រ្តាលី ជាបន្តទៀតនៅថ្ងៃទី៣០ ខែកក្កដា ខាងមុខដែលជាការប្រកួតលើក ទី២របស់ខ្លួន ហើយក៏រំពឹងថានឹង ធ្វើបានល្អទៀតដែរក្នុងវគ្គសន្សំពិន្ទុ ៕

ប្រើប្រាស់​ស្វាយ​ទុំ ដើម្បី​បំបាត់​​មុនមុខ

សុខភាព៖ ប្រសិនបើអ្នកកំពុងតែមានការព្រួយបារម្ភទៅ នឹងរោគមុននៅលើផ្ទៃមុខនោះ ស្វាយទុំ អាចជួយដោះស្រាយបានដោយគ្រាន់តែ យកស្វាយទុំមួយផ្លែ លាយជាមួយនឹងទឹកក្រូចឆ្មា ពាក់កណ្តាលស្លាបព្រាបាយ ម្សៅគ្រាប់ ១ ភាគ ៤ស្លាបព្រាបាយ និងទឹកឃ្មុំ ១ស្លាបព្រាកាហ្វេ ហើយយកស្វាយទុំ ទៅឈ្លីឲ្យបែកស្អិតកូរ ជាមួយនឹងចំណែក ផ្សំទាំងអស់ដែលមាន រហូតក្លាយទៅជាល្បាយខាប់មួយ។

បន្ទាប់មកយកមកបិទបំពោកលើផ្ទៃមុខ ទុកចោលប្រមាណ១៥នាទី រួចសឹមលាង សម្អាត ដោយទឹកចេញ។ រោគមុនដែលកំពុងតែចាប់ផ្តើមចេញ សន្សឹមៗនោះវា នឹងធ្វើឲ្យបាត់ទៅវិញ ធ្វើឲ្យផ្ទៃមុខស្រស់ថ្លាបានស្អាតជាងមុនទៀតផង។

ទាំងអស់នេះក៏ដោយសារតែស្វាយទុំជាមួយក្រូចឆ្មាវាជួយ វាជួយបំផ្លាស់កោសិកាស្បែកមុខ ស្របពេលដែលម្សៅគ្រាប់ វាជួយកាត់បន្ថយអាការៈហើមរលាកនៃមុន ព្រមទាំងសម្រួល ស្ថានភាពស្បែកទៀតផង។ ក្រៅពីនេះទឹកឃ្មុំវាអាចជួយផ្សះស្នាមដំបៅពីមុន និងជួយ ការពារ មេរោគដែលត្រឡប់មកសន្សំសារជាតិ នៅលើផ្ទៃមុខ រហូតកើតទៅជារោគមុនម្តងទៀតបាន។ រូបមន្តនេះធ្វើឲ្យផ្ទៃមុខស្អាតដោយគ្មានស្លាកស្នាមព្រមទាំងអស់ប្រាក់តិចទៀតផង៕

ចាំបាច់​ត្រូវ​តែ ពាក់​វ៉ែន​តា​ខ្មៅ​ពេល​ដើរ​ហាល​ថ្ងៃ

ក្រុមអ្នកស្រាវជ្រាវជនជាតិអូស្រា្តលីនិយាយថា ការពាក់វ៉ែនតាសម្រាប់ការពារកម្តៅថ្ងៃ អាចកាត់បន្ថយភាពហត់នឿយ ព្រមទាំងមានផលប្រយោជន៍ សម្រាប់អ្នកគេងមិនលក់ និងអ្នកធ្វើការច្រើន។

ក្រុមអ្នកវិទ្យាសាស្រ្តនៅមហាវិទ្យាល័យ Flinders ប្រទេសអូស្រា្តលីនិយាយថា វ៉ែនតា នេះ បញ្ចេញពន្លឺពណ៌បៃតងដ៏ស្រទន់មួយ ដើម្បីបាញ់តម្រង់ទៅផ្នែកមួយរបស់ខួរក្បាលដែលអាច បញ្ជាឲ្យរាងកាយរបស់មនុស្សមានដំណើរការទៀតទាត់។

មិនតែប៉ុណ្ណោះវាជួយឲ្យអ្នក ដែលធ្វើការប្តូរម៉ោងជាញឹកញាប់ អាចសម្របខ្លួនជាមួយនឹងការប្រែប្រួលម៉ោងគេង។
ជាមួយគ្នានេះដែរ ពន្លឺដែលចេញពីវ៉ែនតាអាចផ្លាស់ប្តូរឥរិយាបទនៃ ក្រពេញ កោសិកា ខួរក្បាល ដែលអាចជួយផ្តល់សញ្ញាឲ្យរាងកាយសម្រាកបានស្រួល បើទោះខុសពេល វេលាគេង ឬខុសកន្លែងយ៉ាងណាក៏ដោយ ៕

ឱក សុគន្ធកញ្ញា កាន់​តែ​លេច​ធ្លោ​ជា​មួយ​ជំនួយ​ការ​ថត​រូប​ថ្មី

ភ្នំពេញ៖ ជាមួយនឹងការតុបតែងមុខ យ៉ាងស្រស់ស្អាត កញ្ញា ឱក សុគន្ធកញ្ញា ក្នុងសម្លៀកបំពាក់ដ៏ស៊ីវិល័យ និងថ្លៃថ្នូរ ពិតជាសាកសមឥតខ្ចោះ ជាមួយរូបរាងរបស់ទូរស័ព្ទដៃដ៏ទំនើបរបស់នាង។ រូបភាពដ៏ទាក់ទាញ ដែលត្រូវបានបង្ហោះលើទំព័រហ្វេសប៊ុក របស់តារាចម្រៀងដ៏ល្បីនៅកម្ពុជា ឱក សុគន្ធកញ្ញា ត្រូវបានក្រុម Fan ដែលស្រឡាញ់ និងគាំទ្រនាង ចុច Like និង Share យ៉ាងច្រើនសន្ធឹក។

ដោយសារតែគ្រប់រូបភាព ដែលនាងបង្ហោះ មានភាពទាក់ទាញ និងគួរឲ្យចាប់អារម្មណ៍ កញ្ញា ឱក សុគន្ធកញ្ញា តែងតែទទួលបាន Like, Share និង Comment ច្រើនបំផុត (រាប់ពាន់ពេលខ្លះរហូតដល់ រាប់ម៉ឺន) ទៅលើរូបភាពដែលនាងបានចែកចាយ(Post) រហូតធ្វើឲ្យនាងលាន់មាត់ ដោយភាពភ្ញាក់ផ្អើលថា ពេលខ្លះអ្នក like និង comment ច្រើនពេក ឡើងចង់គាំងហ្វេសប៊ុក!។

សុគន្ធកញ្ញា បានថ្លែងថា «តាំងពីពេលដែលខ្ញុំចាប់ផ្តើមប្រើទូរស័ព្ទដៃ Samsung Galaxy S6 Edge មក អ្នកគាំទ្រ កាន់តែចាប់អារម្មណ៌ជាមួយនឹងរូបភាព ដែលខ្ញុំបានថតដោយប្រើទូរស័ព្ទដៃស៊េរីថ្មីនេះ»។

តាមរយៈកិច្ចសម្ភាសន៍ ជាមួយកញ្ញា ឱក សុគន្ធកញ្ញា បានឱ្យដឹងថា ៖ «បើតាមបទពិសោធន៍ របស់ខ្ញុំ Samsung Galaxy S6 edge នេះមានគុណសម្បត្តិយ៉ាងពិសេសៗ ដែលអាចបំពេញគ្រប់ចន្លោះ នៃតម្រូវ ការរបស់ខ្ញុំបាន។ ជាមួយអេក្រង់ធំ Super AMOLED ពិតផ្តល់រូបភាពច្បាស់ឥតខ្ចោះ សម្រាប់មើលវីដេអូ ឬ លេងហ្គេម។ អស់ក្តីកង្វល់រឿង បញ្ហាសាកថ្ម ពេលមើលវីដេអូ ព្រោះ Galaxy S6 មានកម្លាំងថ្មខ្លាំង ដោយភ្ជាប់ជាមួយបច្ចេកវិទ្យាឆ្នាំងសាកឥតខ្សែ»។

កញ្ញាបានបន្តថា «ការថតរូប ពិតជាប្រសើរជាងមុនជាមួយពណ៌កូល័រ ធម្មជាតិស្រស់ស្អាត ផ្តល់ជូន ដោយគុណភាពកាមេរ៉ាក្រោយ ទំហំរហូតដល់ 16 MP និងការថតរូប Selfie ខ្លួនឯង កាន់តែទាក់ទាញ ដោយកាមេរ៉ាមុខទំហំ 5MP។ រឹតតែពិសេស ជាមួយល្បឿនអ៊ីនធើណិត លឿនដែលអាចផ្តល់ភាព ងាយ ស្រួល ពេលលេង Facebook ឬ មើលវីដេអូតាម Youtube ក៏ដូចជាចែកចាយព័ត៌មានផ្សេងៗ បានលឿនផងដែរ»។

តារាចម្រៀងល្បីរូបនេះបានបង្ហើបប្រាប់ថា «ក្រុមហ៊ុនសាមសុងក៏មានការផ្តល់ជូនពិសេសចាប់ពីថ្ងៃនេះតទៅដល់ថ្ងៃទី ២១ សីហា ខែក្រោយនេះ គឺរាល់ការទិញទូរស័ព្ទដៃ Samsung Galaxy S6 ឬ Samsung Galaxy S6 Edge មួយគ្រឿង នឹងមានការផ្តល់ពិសេស ចំនួន $560 ពីក្រុមហ៊ុន Cellcard រួមមាន៖ ការផ្តល់ស៊ីមកាតមួយដោយឥតគិត ថ្លៃ ជាមួយនឹងទឹកប្រាក់ចំនួន $540 សម្រាប់ការប្រើអ៊ីនធឺណែត និងផ្ញើសារ រយៈពេល ៦ខែ ទឹកប្រាក់ចំនួន $20 សម្រាប់ការហៅចេញ រយៈពេល ៣ខែ និងការប្រើប្រាស់ហ្វេសប៊ុក ដោយឥតគិតថ្ងៃគ្មានដែនកំណត់រយៈពេល៦ខែ»៕

៣ចំនុច ការពារមិនឲ្យ មានស្នាម លើស្បែក

ដើម្បីចៀសវាងការកើតមុន ឬការរលាកផ្សេងៗ ដែលអាចនាំទៅរកការកើតស្នាមលើ ស្បែកនោះពិបាកនឹងធ្វើបាន ប៉ុន្តែទោះជាយ៉ាងណាក្តី អ្នកអាចការពារកុំឲ្យកើតមានស្នាមខ្មៅ ឬស្នាមផ្លែសាច់លើស្បែករបស់អ្នកបាន ដោយវិធីងាយៗដូចខាងក្រោមៈ

១ កុំអេះឬកេះ: ព្យាយាមចៀសវាងការញេច កេះមុនឬស្នាមកន្ទួលពីសត្វល្អិតខាំ ព្រោះអាចបង្កឲ្យកើតបញ្ហា ដែលកាន់តែធំឡើងបាន។

២ ការពារស្បែកៈ ប្រើក្រែមការពារកម្តៅថ្ងៃ ដែលមានកម្រិត SPF 15 ឡើងទៅជាប្រចាំរាល់ថ្ងៃ និងគួរលាបវាបន្ថែម ក្នុងចន្លោះពេលថ្ងៃ ដើម្បីការពារការកើតអុជៗខ្មៅ ឬស្នាមដំបៅក្លាយនាពេលអនាគត។

៣ កុំខាត់ស្បែកខ្លាំងៗពេកៈ ការខាត់ស្បែកខ្លាំងៗពេក ឬប្រើក្រែមខាត់ស្បែក (Scrub) ប្រភេទដែលមានគ្រាប់គ្រើម និងមុតស្រួចពេក អាចធ្វើឲ្យកើតស្នាមឆូត ឬរបួសជុំវិញ ក្បាលមុនរហូតធ្វើឲ្យការរលាក រាលដាលធ្ងន់ធ្ងរ៕

កញ្ញា ពេជ្រ សូលីកា៖ «ខ្ញុំសូមបដិសេធ ដាច់អហង្កាចំពោះ Account Facebook ឈ្មោះ ពេជ្រ សូលីកា ដែលទើបនឹងបង្កើតថ្មី»

ភ្នំពេញ៖ បន្ទាប់ពីមានព័ត៌មានមួយ ដែលសរសេរវាយប្រហារ បង្ខូចកេរ្តិ៍ឈ្មោះយ៉ាងខ្លាំងទៅលើ កញ្ញា ពេជ្រ សូលីកា តារាចម្រៀងរបស់ផលិតកម្ម អឹម ដោយប្រើប្រាស់ Account Facebook ឈ្មោះ ពេជ្រ សូលីកា ដែលទើបនឹងបង្កើតកាលពីម្សិលមិញ, បន្ទាប់ពីបានដឹងព័ត៌មាននេះ នៅថ្ងៃទី២២ ខែកក្កដា ឆ្នាំ២០១៥នេះ កញ្ញា ពេជ្រ សូលីកា មានការភ្ញាក់ផ្អើលយ៉ាងខ្លាំង បានចេញមុខដោយបដិសេធ ដាច់អហង្កាថានេះ «មិនមែន Account Facebook របស់កញ្ញានោះទេ»។

ជាមួយនោះផងដែរ កញ្ញា ពេជ្រ សូលីកា ក៏បានបង្ហោះនៅលើ Facebook ពិតប្រាកដរបស់កញ្ញាដែលមានន័យយ៉ាងដូច្នេះថា «មួយនេះជា Account ក្លែងក្លាយ ដោយមានគេ មានចេតនាធ្វើបាបដល់ខ្ញុំ ហើយជាពិសេសនោះ Account នេះទើបនឹងបង្កើតកាលពីម្សិលមិញតែប៉ុណ្ណោះ នេះជាទង្វើដ៏អាក្រក់ ជាទីបំផុតដែលខ្ញុំ មិនអាចទទួលយក»។

សូមជំរាបថា នៅថ្ងៃនេះលើ Facebook ដែលមានគណនីឈ្មោះ «ពេជ្រ សូលីកា» បានបង្ហោះរូបថតចំនួន២សន្លឹក និងបានសរសេរថា «រស់នៅជាមួយគ្នា២ឆ្នាំ បានត្រឹមតែឈឺចាប់រងការមាក់ងាយ ប្រច័ណ្ឌឥតស្រាកស្រាន្ត តាមដានឥតឈប់ឈរ សូម្បីតែឡានក៏ដកហូតវិញទៀត»។ ប៉ុន្តែអ្វីៗទាំងអស់នេះត្រូវបានកញ្ញា សូលីកា ធ្វើការបដិសេធទាំងស្រុង៕

ទទួលទានអាហារ ឲ្យបានត្រឹមត្រូវ ដើម្បីកាត់បន្ថយ ភាពនឿយហត់

ប្រសិនបើមានអារម្មណ៍នឿយហត់ ស្រពាប់ស្រពោនធ្លាក់ទឹកចិត្តស្ទើរប្រចាំថ្ងៃនោះ បញ្ជាក់បានថា ខួរក្បាលរបស់អ្នកបញ្ចេញអ័រម៉ូនស្រ្តេស ច្រើនពេក។ ដូច្នេះបើមានបញ្ហាបែបនេះ សូមប្រញាប់ជួយខួរក្បាល ឲ្យមានតុល្យភាពឡើងវិញ ដោយអាហារដូចតទៅនេះ:

- អ្នកត្រូវទទួលទានទឹកក្រូចច្របាច់ស្រស់ព្រមគ្នានឹងអាហារពេលល្ងាច។
ពេលនោះវីតាមីនC ដែលបានពីទឹកក្រូចច្របាច់ វានឹងធ្វើឲ្យរាងកាយបឺតស្រូបយកធាតុដែក បានច្រើនដល់ទៅ ២ដង។

Photo by DAP-News

- ទទួលទានគ្រាប់ល្ពៅ អាម៉ុន ស្វាយចន្ទី ឬទំពាំងបាយជូរក្រៀមជាអាហារសម្រន់ វានឹងជួយភ្ញោចការបញ្ចេញអ័រម៉ូនសេចក្តីសុខ ដែលមានឈ្មោះថា អេនដ្រូហ្វីនក្នុងខួរក្បាលយើងបាន។

Photo by DAP-News

- កម្រិតអ័រម៉ូនមិនមានតុល្យភាព ជាភ្នាក់ងារមួយដែលអាចធ្វើឲ្យកើតស្រ្តេស។ ដូច្នេះការទទួលទានអាហារ ដែលសម្បូរដោយប្រូតេអ៊ីន
និងធ្វើឲ្យខួរក្បាលបញ្ចេញអ័រម៉ូនបានយ៉ាងទៀងទាត់ ប៉ុន្តែគួរតែទទួលទានផ្តោតលើប្រូតេអ៊ីន ដែលងាយរំលាយដូចជា សាច់ត្រី ស៊ុត
តៅហ៊ូ សាច់មាន់សណ្តែកសម្បករឹងផ្សេងៗល្អជាង ដើម្បីកុំឲ្យក្រពះរបស់អ្នកទទួលអម្រែកធ្ងន់ពេក៕

Photo by DAP-News

Page 1 of 2

  •  Start 
  •  Prev 
  •  1 
  •  2 
  •  Next 
  •  End