left
Safe Home
Safe Home
Safe Home

Dap News...Admin

Saturday, Sep 05th

| English Version | dapnews: 012 571 704, 097 9999 883, email: lim.cheavutha@gmail.com

You are here:

កញ្ញាសាសា ចូលបំភ្លឺនៅតុលាការ ក្នុងនាមចុងចោទ ខុសគ្នាពីការ ចូលបំភ្លឺក្នុងនាម ដើមបណ្ដឹង (មានវីដេអូ)

ភ្នំពេញ៖ នៅព្រឹកមិញនេះ កញ្ញា ឯក សុជាតា ហៅ សាសា បានចូលទៅបំភ្លឺនៅអយ្យការអមសាលាដំបូង ខេត្ដបាត់ដំបងហើយ ពាក់ព័ន្ធទៅនឹងសំណុំរឿងករណីគ្រោះថ្នាក់ចរាចរណ៍មួយ នៅកណ្ដាលទីរួមខេត្ដបាត់ដំបង ដែលគេអះអាងថា នាងគឺជាអ្នកបើកបររថយន្ដបង្កគ្រោះថ្នាក់ ទាំងក្នុងអាការៈស្រវឹង រួចហើយគេចខ្លួនមិនទទួល ខុសត្រូវចំពោះមុខច្បាប់ ។

នៅព្រឹកមិញនេះ ខណៈដែលកញ្ញាសាសា ចូលទៅបំភ្លឺនៅចំពោះមុខអយ្យការ ត្រូវបានគេមើលឃើញថា ចរឹកនិងកាយវិការរបស់នាងផ្ទុយពីអ្វី កាល ដែលនាងបានចូលទៅបំភ្លឺនៅតុលាការរាជធានីភ្នំពេញ ខណៈដែលនាងជាដើមបណ្ដឹង ប្ដឹងឧកញ៉ាសុខ ប៊ុន ពីបទបង្កអំពើហិង្សា ។

កាលនាងចូលទៅបំភ្លឺនៅសាលាដំបូងរាជធានីភ្នំពេញ គឺនាងចូលបំភ្លឺក្នុងនាមជាជនរងគ្រោះមួយរូប ប្រកបដោយសេចក្ដីក្លាហាន និងចេញមុខផ្ដល់បទសម្ភាសន៍ដល់អ្នកកាសែតជាចំហរទៀតផង ។ ប៉ុន្ដែពេលនេះ ខណៈដែលនាង ចូលទៅបំភ្លឺនៅអយ្យការអមសាលាដំបូង ខេត្ដបាត់ដំបង ក្នុងនាមជាចុងចោទ គឺផ្ទុយគ្នាស្រឡះ ដោយគេសង្កេតឃើញនាងជិះរថយន្ដ ដោយមានអ្នកជូនទៅ ហើយបានប្រើប្រាស់មួកពាក់ និងយកកន្សែង ឃ្លុមមុខទៅដោយស្ងាត់ៗ របៀបដូចលួចទៅបំភ្លឺ ហើយពេលចេញមកវិញ ក៏នាងប្រើប្រាស់មួកពាក់ និងកន្សែងរុំឃ្លុមមុខជិត ហើយរត់ចេញពីបន្ទប់យ៉ាងលឿន សំដៅចូលទៅរថយន្ដ ដោយមានអ្នកបើក បរបើកចេញទៅយ៉ាងប្រញាប់ប្រញាល់ ដោយមិនបានផ្ដល់ឱកាសឱ្យអ្នកកាសែតថតរូប និងសម្ភាសន៍ជាមួយនាងដូចកាលដែលនាង ចូលទៅបំភ្លឺនៅសាលាដំបូងរាជធានីភ្នំពេញ នោះឡើយ ។

ខាងក្រោមនេះជាវីដេអូ ដែលគេថតបានពីសកម្មភាពនាងរត់ចេញពី បន្ទប់ផ្ដល់ចម្លើយចូលទៅក្នុងរថយន្ដរបស់នាង ដែលឈប់នៅកាំជណ្ដើរតែម្ដង៕

សាសា ចូលបំភ្លឺនៅសាលាដំបូងរាជធានីភ្នំពេញ ករណីប្ដឹងឧកញ៉ាសុខ ប៊ុន ពីបទបង្កអំពើហិង្សា

ឆន សុវណ្ណារាជ និង មាន សុនីតា ចុះ​ជួប​លើក​ទឹក​ចិត្ត​និស្សិត NPIC កំពុង​សិក្សា​ គ្រឿង​អេឡិច​ត្រូនិច ក្នុង​កម្ម​វិធី Samsung Tech Institute

ភ្នំពេញ៖ តារាចម្រៀង និងតារាសម្តែង ដែលចាប់អារម្មណ៍ជាមួយ បច្ចេកវិទ្យា លោក ឆន សុវណ្ណារាជ និងកញ្ញា មាន សុនីតា បានចុះជួបលើកទឹកចិត្ត ដល់និស្សិតដែលកំពុងចូលរួម ក្នុងវគ្គបណ្តុះបណ្តាលវិជ្ជាជីវៈ ផ្នែកផលិតផលអេឡិចត្រូនិច (Samsung Tech Institute) ចំនួន៦២នាក់ ដែលរៀបចំដោយក្រុមហ៊ុនសាមសុងថៃ អេឡិចត្រូនិចប្រចាំនៅកម្ពុជា នៅវិទ្យាស្ថានពហុបច្ចេកទេសនៃកម្ពុជា (NPIC) កាល ពីថ្ងៃទី០២ ខែ កញ្ញានេះ ដើម្បីជួយលើកទឹកចិត្តដល់និស្សិត ដែលចូលរួមឲ្យខិតខំយក ចិត្តទុកដាក់លើការសិក្សាបន្ថែមទៀត។

លោក ឆន សុវណ្ណារាជ បានថ្លែងលើកទឹកចិត្ត ដល់និស្សិតទាំងអស់ថា៖ «ខ្ញុំយល់ថា នេះ ជាកម្មវិធីសិក្សា ដ៏ពិសេសមួយ ដែលមានសាស្ត្រាចារ្យដ៏ឆ្នើមជាមួយនឹងការបំពាក់ផលិតផល សាមសុងទំនើបៗសម្រាប់ការអនុវត្តជាក់ស្តែង ដូច្នេះសូមប្អូនៗ ទាំងអស់ខិតខំរៀនសូត្រ និងក្រេបជញ្ជក់ចំណេះដឹងពី វគ្គបណ្តុះបណ្តាលវិជ្ជាជីវៈនេះ ឲ្យបានច្រើនតាមលទ្ធភាព ដែលអាចធ្វើបាន។ បើចេះជំនាញពិតប្រាកដ អ្នកទំាងអស់គ្នាពិតជាងាយស្រួលក្នុង ការស្វែងរកការងារធ្វើជាមិនខាន ត្បិតទីផ្សារនៃផលិតផល អេឡិចត្រូនិច របស់ក្រុមហ៊ុន សាមសុងនាពេលបច្ចុប្បន្ន មិនថាតែទូរស័ព្ទដៃ ទូរទឹកកក ទូរទស្សន៍ និង ផលិតផល ផ្ទះបាយផ្សេងៗ សុទ្ធតែកំពុងពេញនិយមប្រើប្រាស់ ទាំងនៅក្នុងប្រទេសកម្ពុជា និងនៅជុំវិញ ពិភពលោក»។

តារាល្បីឈ្មោះ កញ្ញា មាន សុនីតា និង លោក ឆន សុវណ្ណារាជ ក៏បានផ្តល់ឲ្យសម្ភារៈសិក្សា មួយចំនួនដល់និស្សិតទាំងនោះរួមមាន សៀវភៅ ប៊ិក ខ្មៅដៃ បន្ទាត់ ក្រដាសកត់ត្រា និង របស់របរផ្សេងៗទៀតសម្រាប់ប្រើប្រាស់ក្នុងការសិក្សារៀនសូត្រប្រចាំថ្ងៃ ។

វគ្គបណ្តុះបណ្តាលផ្នែកផលិតផលអេឡិចត្រូនិចនេះ មានរយៈពេល៤ខែ ដែលបានចាប់ ផ្តើមតាំងពីថ្ងៃទី២៤ ខែមិថុនា នឹងត្រូវបញ្ចប់នៅថ្ងៃទី២៤ ខែតុលា ឆ្នាំ២០១៥ នេះ។ និស្សិតដែល ចូលរួមទាំងអស់បានទទួលការបណ្តុះបណ្តាលទៅលើការតំឡើង ការជួសជុលនិង ដំណោះស្រាយបញ្ហាផ្សេងៗទៅលើផលិតផលបច្ចេកវិទ្យាមានដូចជា ទូរទស្សន៍ ម៉ាស៊ីនត្រជាក់ ទូរទឹកកក ម៉ាស៊ីនបោកគក់ និងទូរស័ព្ទដៃជាដើម។ និស្សិតឆ្នើមចំនួន6នាក់ នឹងត្រូវបានជ្រើសរើសចុះកម្មសិក្សា នៅមជ្ឈមណ្ឌលផ្នែកសេវាកម្ម របស់ក្រុមហ៊ុនសាមសុង ដែលពួកគាត់ទាំងអស់អាចមានឱកាសក្លាយជាបុគ្គលិកពេញសិទ្ធិ នៅការិយាល័យអេឡិចត្រូនិច របស់សាមសុង។

ឯកឧត្តមនាយក ប៊ុន ភារិន្ទ នាយកនៃវិទ្យាស្ថានពហុបច្ចេកទេស បានមានប្រសាសន៍ថា៖ «ខ្ញុំសូមអរគុណដល់កញ្ញា មាន សុនីតា និង លោក ឆន សុវណ្ណារាជ ដែលបានចំណាយ ពេលដ៏មានតំលៃមកលើកទឹកចិត្ត ក៏ដូចជាផ្តល់ជាសម្ភារៈសិក្សាដល់និស្សិតដែលកំពុង តែខ្វះខាត។ នេះពិតជាទង្វើដ៏គួរឲ្យកោតសរសើរមួយ។»

លោកសាស្រ្តាចារ្យ ស្រី ភារុណ ដែលកំពុងបង្រៀនបច្ចេកទេសគ្រឿងអេឡិចត្រូនិចដល់ និសិ្សតទាំងនេះបានមានប្រសាសន៍ថា៖ «វគ្គសិក្សាគ្រឿងអេឡិចត្រូនិច និងទូរស័ព្ទរបស់ សាមសុងនេះអាចជួយឲ្យនិស្សិតរៀននិងអនុវត្តជាក់ស្តែងជាមួយនឹងផលិតផលទំនើប ដែលកំពុងទទួលការពេញនិយមពីសំណាក់អ្នកប្រើប្រាស់។ »

និស្សិតហួត ជំនិត ដែលកំពុងរៀនឆ្នាំទី៤ នៃ NPIC បានបញេ្ចញចំណាប់អារម្មណ៍ថា៖ «ខ្ញុំបានរៀននូវចំណេះដឹងជាច្រើនទាក់ទងនិងការតំឡើង និងការជួសជុលសំភារៈទំនើប ដែលខ្ញុំអាចយកចំណេះដឹងទាំងនេះ ទៅប្រើបាននៅពេលដែល ខ្ញុំបញ្ចប់ការសិក្សា។»

លោក ឆែ សុខឡេង ប្រធានផ្នែកផ្សព្វផ្សាយរបស់ក្រុមហ៊ុន សាមសុង អេឡិចត្រូនិច ប្រចាំនៅកម្ពុជា បានមានប្រសាសន៍ថា៖ «ក្រុមហ៊ុន សាមសុង នៅតែបន្តគាំទ្រដល់ និស្សិតកម្ពុជាក្នុងការស្វែងយល់អំពី បច្ចេកវិទ្យាថ្មី តាមរយៈវគ្គបណ្តុះបណ្តាល និងការចុះ កម្មសិក្សាផ្សេងៗដើម្បីជាប្រយោជន៍ប្រជាជនទាំងអស់គ្នា»៕

តុលាការ ទូរស័ព្ទហៅ ប៉ែន ចំរ៉ុង ឲ្យចូលបំភ្លឺ តាមបណ្តឹង លោក អ៊ិន សុភិន រឿងបាត់កូនស្រី សំណព្វចិត្ត

ភ្នំពេញ៖ សំណុំរឿង ដ៏ចម្រូងចម្រាស់ ពាក់ព័ន្ធទៅនឹងការ បាត់ខ្លួនរបស់តារាសម្តែង ភិន សុដាលីស ដែលឪពុករបស់ នាងបានចោទប្រកាន់ ទៅលើតារាសម្តែង លោក ប៉ែន ចំរ៉ុង ថា បានជាប់ពាក់ព័ន្ធក្នុងរឿងនេះ គឺឈានទៅដល់ ដំណាក់កាល តុលាការកោះហៅ លោក ប៉ែន ចំរ៉ុង ទៅសាកសួរតាមបណ្តឹងរបស់ លោក អ៊ិន សុភិន ប៉ុន្តែអ្វីដែលខុសប្លែក និងគួរឲ្យចាប់អារម្មណ៍នោះ គឺមន្រ្តីតុលាការបានហៅ ទូរស័ព្ទឲ្យ ប៉ែន ចំរ៉ុង ចូលបំភ្លឺតាមបណ្តឹងលោក អ៉ិន សុភិន។

លោក ប៉ែន រស់ បងប្រុសបង្កើតរបស់ ប៉ែន ចំរ៉ុង បានថ្លែងប្រាប់ឲ្យដឹងថា លោកពិតជាទទួលបានដំណឹង ពីការកោះហៅ របស់មន្រ្តីតុលាការឲ្យ ប៉ែន ចំរ៉ុង ចូលបំភ្លឺ ជុំវិញបណ្តឹងរបស់ លោក អ៊ិន សុភិន ក្នុងរយៈពេលពីរថ្ងៃនេះពិតមែន។

លោក ប៉ែន រស់ បាននិយាយថា «កាលពីម្សិលមិញ ខ្ញុំបានទទួលទូរស័ព្ទ ពីខាងតុលាការ ឲ្យ ប៉ែន ចំរ៉ុង ប្អូនខ្ញុំ ចូលទៅ បំភ្លឺទាក់ទងនឹងបណ្តឹង របស់លោក អ៊ិន សុភិន រឿងបាត់កូនស្រីរបស់គាត់ តែខ្ញុំប្រាប់វិញថា ខ្ញុំពុំមានពេលគ្រប់គ្រាន់ ដើម្បីឲ្យប្អូនប្រុសទៅបំភ្លឺទេ ព្រោះការងារសិល្បៈ រវល់ច្រើន ជាប់ថតរាល់ថ្ងៃ។ មួយវិញទៀត ខ្ញុំក៏ឆ្ងល់ដែរថា បើកោះហៅប្អូនខ្ញុំតាមបណ្តឹងមែន គឺប្រាកដជាមានដីកាមកដល់ដៃខ្ញុំហើយ ប៉ុន្តែនេះគ្មានសោះ ហើយហាក់បីដូច ជាលឿនពេក។ ខ្ញុំចង់ឲ្យធ្វើអ្វី តាមច្បាប់ចុះ បើប្អូនខ្ញុំខុសមែន ប្អូនខ្ញុំមិនគេចវេសទេ តែខ្ញុំចង់សួរថា តើការធ្វើបែបនេះ ត្រឹមត្រូវទេ ចំពោះប្អូនប្រុសខ្ញុំ?»។

ទោះបីជាយ៉ាងណា លោក ប៉ែន រស់ បានស្នើឲ្យលោក អ៊ិន សុភិន មុននឹងធ្វើអ្វីមួយ មេត្តាគិតពិចារណា ឲ្យបានវែងឆ្ងាយ កុំធ្វើតាមកំហឹង ព្រោះកូនស្រីរបស់លោក ក៏បានចេញមុខអះអាងហើយថា ពុំមានការពាក់ព័ន្ធ ជាមួយនរណាទាំងអស់ ចំពោះរឿងនាង ចេញពីផ្ទះ រយៈពេលប៉ុន្មានថ្ងៃមកនេះ។

សូមជំរាបថា ជាការពិតរឿងរ៉ាវផ្ទុះឡើងដ៏រសើប ជុំវិញការទំនាក់ទំនង ដែលលោក អ៊ិន សុភិន ឪពុករបស់ ភិន សុដាលីស បានចោទប្រកាន់ថា ជាទំនាក់ទំនង ក្នុងផ្លូវមិនល្អ រវាង ដាលីស និង លោក ប៉ែន ចំរ៉ុង បានក្លាយទៅជា សំណុំរឿងមួយ ចាប់អារម្មណ៍ខ្លាំង ពីសំណាក់មហាជន ហើយគេក៏កំពុងតែ រង់ចាំមើលថា តើដំណោះស្រាយ ក្នុងរឿងដ៏ប្រទាញ ប្រទង់គ្នានេះ នឹងរកច្រកចេញដោយរបៀបណា ខណៈដែលថ្មីៗកន្លងមក កញ្ញា ភិន សុដាលីស បានចេញមុខបកស្រាយ តាមរយៈវីដេអូឃ្លីប ប្រមាណជាង១០នាទី ដើម្បីទទូចឲ្យឪពុករបស់ខ្លួន ឈប់ប្រព្រឹត្តិទង្វើ ប៉ះពាល់ដល់អ្នកដទៃ ព្រោះអ្វី ដែលនាងសម្រេចចិត្តចាកចេញពីផ្ទះ គឺពុំមានពាក់ព័ន្ធជាមួយនឹងអ្នកណាម្នាក់ នោះឡើយ៕

SMG ផ្ដល់សេវាកម្ម «កញ្ចប់​ពិ​និត្យ​សុខ​ភាព​លំ​អិត​ប្រចាំ​ឆ្នាំ»

ភ្នំពេញ៖ ជាអ្នកផ្ដល់ការថែទាំសុខភាព ឯកទេសឯកជនមួយ ដែលមានបណ្ដាញគ្រួពេទ្យ ឯកទេសចំនួន ២២រូប។ ក្រុមការងារនេះប្ដេជ្ញាចិត្ដបំពេញ ការសន្យារបស់ខ្លួន ក្នុងការផ្ដល់ការថែទាំ និងបទពិសោធន៍ ផ្នែកវេជ្ជសាស្ដ្រដោយផ្ដោតលើអ្នកជំងឺ ដល់បុគ្គលគ្រប់រូប។

ដោយមើលឃើញពីតម្រូវការ និងផលពិបាករបស់លោកអ្នក ទើប SMG បានផ្ដល់នូវសេវាកម្ម «កញ្ចប់ពិនិត្យសុខភាពលំអិតប្រចាំឆ្នាំ» ដោយនៅក្នុងនោះ បុរសមានតម្លៃត្រឹមតែ ៤៣៣ដុល្លារអាមេរិក (៦០៨ ដុល្លាសាំងហ្គាពួរ) ខណៈដែលនារីមានតម្លៃ ៤៤៩ដុល្លារអាមេរិក (៦៣០ ដុល្លាសាំងហ្គាពួរ)។

ការពិនិត្យ និងវាយតម្លៃរាងកាយ

+ ប្រវត្ដិជំងឺ និងកំរិតហានិភ័យផ្សេងៗ

+ ពិគ្រោះជំងឺ និងការពិនិត្យរាងកាយដោយ វេជ្ជបណ្ឌិត

+ វាស់កំពស់ / ថ្លឹងទំងន់

+ ការវាស់សំពាធឈាម

តេស្ដពិនិត្យផ្សេងទៀត

+ ការពិនិត្យចង្វាក់បេះដូង (ECG)

ការថតពិនិត្យដោយកាំរស្មីអ៊ិច

+ ការថតពិនិត្យសួតដោយកាំរស្មីអ៊ិច

ការធ្វើតេស្ដឈាម

+ ទំរង់លំអិតគ្រាប់ឈាម

- ការររាប់គ្រាប់ឈាម

- ការរកអត្រាគ្រាប់ឈាមអេរីត្រូស៊ីត (ESR)

- ការរុករកប្រភេទឈាម

+ ជំងឺទឹកនោមផ្អែម

- ជាតិស្ករក្នុងឈាម

- HbA1C

+ តេស្ដលំអិតអំពីមុខងារតំរងនោម

+ ជាតិរ៉ែក្នុងឆ្អឹង និងសន្លាក់

- កាល់ស្យូម

- ផូស្វាត

- ប្រគ្រីវ (កំរិតអាស៊ីតអ៊ុយរិច)

+ កំរិតលីពីត/កូឡេស្ដេរ៉ូល (ខ្លាញ់)

+ តេស្ដលំអិតអំពីមុខងារថ្លើម

+ ការពិនិត្យក្រពេញទីរ៉ូអ៊ីត

- Free T3 & T4

- TSH

+ ការរុករកជំងឺរលាកថ្លើម និងអង់ទីគ័រការពារជំងឺថ្លើម

- ការពិនិត្យរកអង់ទីគ័រ និងជំងឺរលាកថ្លើមប្រភេទអា (A)

- ការពិនិត្យរកអង់ទីគ័រ និងជំងឺរលាកថ្លើមប្រភេទបេ (B)

- ការពិនិត្យរកជំងឺរលាកថ្លើមប្រភេទសេ (C)

+ ការរុករកជំងឺកាមរោគ

- ការពិនិត្យរកជំងឺស្វាយ ប្រមះ

- ការពិនិត្យរកមេរោគអេដស៍

+ ការរុករកជំងឺស្លេកស្លាំង

- ជាតិដែកក្នុងឈាម

-  វីតាមីនបេ 12 (B12)

+ ការវិភាគទឹកនោម

+ វិភាគរកឈាមក្នុងលាមក

+ ការរុករកជំងឺមហារីកតាមឈាម

- ការកំណត់កំរិតមហារីក - ថ្លើម (AFP)

- ការកំណត់កំរិតមហារីក - ពោះវៀនធំ និងក្រពះ (CEA)

- ការកំណត់កំរិតមហារីក - លំពែង (CA 19.9)

- ការកំណត់កំរិតមហារីក - ច្រមុះ (EBV EA + EBNA – 1 lgA)

- ការកំណត់កំរិតមហារីក - ក្រពេញប្រ៉ូស្ដាត (PSA) - សំរាប់បុរស

- ការកំណត់កំរិតមហារីក - ពងស្វាស/ ដុំកោសិកាម្យ៉ាងដែលដុះក្នុងដៃស្បូន (Beta HCG)

- ការកំណត់កំរិតមហារីក - អូវ៉ែ (ដៃស្បូន - CA125) - សំរាប់ស្ដ្រី

- ការកំណត់កំរិតមហារីក - សុដន់ (ដោះ - CA15.3) - សំរាប់ស្ដ្រី

+ កំរិតអ័រម៉ូន

+ ការរុករកជំងឺមហារីកមាត់ស្បូនតាមការធ្វើ ផាប់ស្មៀ

ការវាយតំលៃ និងរបាយការណ៍វេជ្ជសាស្ដ្រ

+ ការពិនិត្យឡើងវិញ និងការណែនាំដោយវេជ្ជបណ្ឌិតក្រោយពេលពិនិត្យ

+ របាយការណ៍វេជ្ជសាស្ដ្រ

+ ការណែនាំរបបរស់នៅ និងហូបចុក

សំគាល់៖ ការពិនិត្យសុខភាពនេះធ្វើឡើងក្នុងប្រទេសសាំងហ្គាពួរតែប៉ុណោ្ណះ!

អំពី អេសអឹមជី - SMG (ស៊ីងហ្គាពួរមេឌីខលគ្រូប Singapore Medical Group)
អេសអឹមជី - SMG គឺជាអ្នកផ្ដល់ការថែទាំសុខភាព ឯកទេសឯកជនមួយ ដែលមានបណ្ដាញគ្រួពេទ្យ ឯកទេសចំនួន ២២ ។ ក្រុមការងារនេះប្ដេជ្ញាចិត្ដបំពេញ ការសន្យារបស់ខ្លួនក្នុងការផ្ដល់ការថែទាំ និងបទពិសោធន៍ ផ្នែកវេជ្ជសាស្ដ្រដោយផ្ដោតលើអ្នកជំងឺ ដល់បុគ្គលគ្រប់រូប។

បច្ចុប្បន្ន ក្រុមការងារនេះ មានគ្លីនិកសរុបចំនួន ១៤ កន្លែង ដែលមានទីតាំងយុទ្ធសាស្ដ្រនៅក្នុង មជ្ឈមណ្ឌលឯកទេស Paragon មជ្ឈមណ្ឌលឯកទេស Mount Elizabeth Novena មជ្ឈមណ្ឌល វេជ្ជសាស្ដ្រ Novena និងមជ្ឈមណ្ឌលវេជ្ជសាស្ដ្រ Gleneagles ដែលមានបណ្ដាញគ្លីនិក SMG Associates កាន់តែច្រើនឡើងៗ។
សម្រាប់ព័ត៌មានបន្ថែមសូមទំនាក់ទំនង
បុគ្គលិកខ្មែរប្រចាំអេសអឹមជី (SMG)
ទូរស័ព្ទទំនាក់ទំនង ២៤ ម៉ោងៈ +65 9842 3560
អ៊ីម៉េលៈvanessa.sophors@smg.sg
ទីស្នាក់ការអេសអឹមជី - SMG ប្រចាំនៅកម្ពុជា
ទូរស័ព្ទ ៖ 092 852 923 / 097 7 668 266
អ៊ីមែល ៖ enquiry@singaporemedical.sg
វែបសាយ៖ www.singaporemedical.sg

ភិន សុដាលីស ៖ ខ្ញុំនឹងត្រឡប់ទៅផ្ទះវិញ នៅពេលមាន ដំណោះស្រាយល្អ, សូមប៉ាឈប់បង្ក បញ្ហាដល់អ្នកដទៃ

ភ្នំពេញ ៖ បន្ទាប់ពីឪពុក របស់នាង លោក អ៊ិន សុភិន បានប្រកាសក្តែងថា ដាក់ពាក្យ បណ្តឹងប្តឹងទៅតុលាការ រឿង ដែលកូនស្រីរត់ចោលផ្ទះ ដោយជាប់មន្ទិល សង្ស័យថា មានអ្នកជាប់ពាក់ព័ន្ធ ពីក្រោយខ្នង បានត្រឹមតែមួយ ថ្ងៃ កូនស្រីរូបស្អាត ដែលអភ័ព្វស្នេហ៍ កញ្ញា ភិន សុដាលីស បានចេញមុខបកស្រាយថា នាងមិនបានរងសម្ពាធ ពីខាងណា ឬក៏ស្តាប់តាមការញុះញង់ពីអ្នកណាឡើយ ហើយនាងក៏មិនបានរត់ចោលផ្ទះ ដូចការលើកឡើង របស់ឪពុកនាងដែរ។

ក្រោយពីតារាសម្តែង ដែលគ្រងតំណែង ជាតួឯកបន្តកន្ទុយ កញ្ញា ភិន សុដាលីស ដោយអត់ទ្រាំនឹងទង្វើឪពុក មិនបាន នាងក៏សម្រេចចិត្តចេញមុខបកស្រាយ តាមបណ្តាញទំនាក់ទំនងសង្គម Facebook ផ្ទាល់ខ្លួនថា «អរគុណចំពោះការ បារម្ភរបស់អ្នកទាំងអស់គ្នា ខ្ញុំមិនបានរត់ចេញពីផ្ទះនោះទេ ខ្ញុំមានការងារត្រូវធ្វើហើយក៏គិត ថា ចេញមកក្រៅដើម្បីបន្ធូរអារម្មណ៍ និងអាចរកកន្លែងមួយស្ងប់ស្ងាត់ជាងនេះ កុំបារម្ភពីខ្ញុំអី …»។

នៅក្នុងនោះដែលនាងក៏បានផ្ញើរសារ ទៅឪពុកនាងថា នាងអាចនឹងត្រឡប់មកផ្ទះ ដោយមិនចាំបាច់តាមរក ឬ ដាក់ពាក្យប្តឹងទេ ដរាបណាមានដំណោះស្រាយ ហើយថែមទាំងបញ្ជាក់ថា គ្មានអ្នកជាប់ពាក់ព័ន្ធក្នុងរឿងនេះទេ ដោយនាងបាននិយាយថា «ខ្ញុំនឹងត្រលប់ទៅវិញ នៅពេលដែលរឿងនេះ មានដំណោះស្រាយរួចរាល់ ហើយ ខ្ញុំសូមបញ្ជាក់ថា ចំពោះការចាកចេញរបស់ខ្ញុំ មិនមានការពាក់ព័ន្ធនឹងអ្នកណាទាំងអស់នេះ ជាការសសម្រេច ចិត្តរបស់ខ្ញុំដោយខ្លួនឯង សូមសំណូមពរដល់ប៉ាមេត្តាឈប់បង្កបញ្ហាដល់អ្នកដទៃទៀតទៅ គ្មានអ្នកណា ពាក់ព័ន្ធនឹងរឿងនេះទេ»។

សូមបញ្ជាក់ផងដែរថា កាលពីព្រឹកថ្ងៃទី៣១ ខែសីហា ម្សិលមិញនេះ ចាងហ្វាងផលិតកម្មមហាហង្ស លោក អ៊ិន សុភិន បានទៅដាក់ពាក្យបណ្តឹងទៅតុលាការ ក្រោយពីកូនស្រីបណ្តូលចិត្តបានបាត់ចេញពីផ្ទះរយៈពេល ៤ថ្ងៃ ដោយនៅក្នុងនោះលោកបានដាក់ការសង្ស័យថា មានអ្នកនៅពីក្រោយខ្នង នៃការបាត់ខ្លួនកូនស្រី ហើយលោកក៏ បានប្រកាសឲ្យដឹងផងដែរថា អ្នកដែលជាប់ពាក់ព័ន្ធរឿងកូនស្រីបាត់ខ្លួននេះ និងត្រូវទទួលទោស តាមផ្លូវច្បាប់ទៀតផង៕

ឪពុក ភិន សុដាលីស ដាក់ពាក្យប្តឹង​ ទៅតុលាការ ក្រោយកូនស្រី បាត់ពីផ្ទះ៤ថ្ងៃ (Video inside)

ភ្នំពេញ ៖ នៅថ្ងៃម្សិលមិញនេះ តារាសម្តែង នាង ភិន សុដាលីស បានបង្ហោះឃ្លីបវីដេអូមួយ រៀបរាប់ពីទុក្ខ សោកលាតត្រដាងការពិតពីបញ្ហា ដែលកើតឡើងនៅក្នុងគ្រួសារ ប្រាប់ដល់មហាជនឲ្យបាន ដឹងពីទំហំ នៃការឈឺចាប់របស់នាង។

បន្ទាប់ពីកញ្ញា ភិន សុដាលីស បានបង្ហាញវីដេអូនេះរៀបរាប់ពីការឈឺចាប់ភ្លាម ឪពុករបស់នាង លោក អ៊ិន សុភិន បានបង្ហោះឃ្លីបវីដេអូមួយ ដោយលោកបានទម្លាយឲ្យដឹងថា តាមរយៈឃ្លីបវីដេអូដែលកូនស្រីបង្ហោះនោះ នាងមិនបាននៅផ្ទះទេ ពោលកូនស្រីបណ្តូលចិត្ត របស់លោកបានបាត់ចេញពីផ្ទះ៤ថ្ងៃ ហើយដែលធ្វើឲ្យលោក ជាឪពុក មានការព្រួយបារម្ភយ៉ាងខ្លាំង ហើយនៅក្នុងនោះ លោកក៏បានប្រកាសឲ្យដឹងផងដែរថា អ្នកដែលជាប់ ពាក់ព័ន្ធ រឿងកូនស្រីបាត់ខ្លួននេះ និងត្រូវទទួលទោសតាមផ្លូវច្បាប់ ។

មជ្ឈមណ្ឌលព័ត៌មានដើមអម្ពិល បានទាក់ទងទៅម្ចាស់ផលិតកម្មមហាហង្ស លោក អ៊ិន សុភិន ដើម្បីសាកសួរ ពីព័ត៌មានខាងលើនេះ ប៉ុន្តែលោក បានថ្លែងប្រាប់យ៉ាងខ្លីថា «ពេលនេះខ្ញុំមិនទាន់អាចផ្តល់ បទសម្ភាសន៍បានទេ ព្រោះជាប់រវល់នៅតុលាការរៀបចំឯកសារប្តឹង…»។ (ខាងជាវិដេអូរបស់លោក អ៉ិន សុភិន)

សូមជំរាបថា នៅរសៀលថ្ងៃទី៣០ ខែសីហា ឆ្នាំ២០១៥នេះ កញ្ញា ភិន សុដាលីស ចេញមុខបកស្រាយតាមរយៈវិដេអូឃ្លីបជិត១៥នាទី ដោយបានរៀបរាប់ទាំងលាយឡំអួលដើមករអំពីរឿងរ៉ាវគ្រប់យ៉ាង ពាក់ព័ន្ធរឿងជីវិតស្នេហា ដោយធ្វើតាមការសម្រេចចិត្តឪពុកគ្រប់យ៉ាងទាំងភ្ជាប់ពាក្យ ផ្តាច់ពាក្យ និងចង់ផ្សារភ្ជាប់ឡើងវិញ។ កញ្ញា ភិន សុដាលីស បាននិយាយថា នាងកំពុងរងសម្ពាធផ្លូវចិត្តយ៉ាងខ្លាំងពីឪពុកនាងចំពោះរឿងរ៉ាវស្នេហារវាងរូបនាង និងលោក ប៉ែន តុលា ដោយបានស្នើសុំតាមរយៈវិដេអូនេះថា សុំឲ្យឪពុកគោរពតាមការសម្រេចចិត្តរបស់កូនលើរឿងស្នេហា និងអនាគត បើទោះបីខុស សូមគោរពតាម ការសម្រេចចិត្តរបស់ខ្ញុំមួយដងចុះ, ជាមួយនឹងទឹកភ្នែករលីងរលោង ភិន សុដាលីស បានគំរាមចេញពីគ្រួសារផងដែរ ព្រោះនាងបានលើកឡើងថា ក្រុមគ្រួសារមិនបានចាត់ទុករូបនាងជាសមាជិកនោះទេ។ (ខាងក្រោមជាវិដេអូរបស់ ភិន សុដាលីស)

ឪពុក ភិន សុដាលីស ដាក់ពាក្យប្តឹងទៅតុលាការ ក្រោយកូនស្រីបាត់ពីផ្ទះ៤ថ្ងៃ

Posted by Fresh News on Sunday, August 30, 2015

 

 ខាងក្រោមនេះវិដេអូឃ្លីបរបស់ ភិន សុដាលីស រៀបរាប់ពីការឈឺចាប់

ភិន សុដាលីស៖ សុំអង្វរឪពុក ឲ្យគោរពតាមការ សម្រេចចិត្តរបស់កូនក្នុងរឿងស្នេហា និងគំរាមដើរចេញពីគ្រួសារ (Video inside)

ភ្នំពេញ ៖ នៅរសៀលថ្ងៃទី៣០ ខែសីហា ឆ្នាំ២០១៥នេះ កញ្ញា ភិន សុដាលីស ចេញមុខបកស្រាយ តាមរយៈវិដេអូឃ្លីបជិត១៥នាទី ដោយបាន រៀបរាប់ ទាំងលាយឡំអួលដើមករ អំពីរឿងរ៉ាវគ្រប់យ៉ាង ពាក់ព័ន្ធរឿងជីវិតស្នេហា ជាមួយ ប៉ែន តុលា ដោយធ្វើតាមការសម្រេច ចិត្តឪពុកគ្រប់យ៉ាងទាំងភ្ជាប់ពាក្យ ផ្តាច់ពាក្យ និងចង់ផ្សារភ្ជាប់ឡើងវិញ។

កញ្ញា ភិន សុដាលីស បាននិយាយថា នាងកំពុងរងសម្ពាធផ្លូវចិត្តយ៉ាងខ្លាំង ពីឪពុកនាងចំពោះរឿងរ៉ាវស្នេហា រវាងរូបនាង និងលោក ប៉ែន តុលា ដោយបានស្នើសុំតាមរយៈវិដេអូនេះថា សុំឲ្យឪពុកគោរពតាមការសម្រេច ចិត្តរបស់កូនលើរឿងស្នេហា និងអនាគត បើទោះបីខុស សូមគោរពតាម ការសម្រេចចិត្តរបស់ខ្ញុំមួយដងចុះ, ជាមួយនឹងទឹកភ្នែករលីងរលោង ភិន សុដាលីស បានគំរាមចេញពីគ្រួសារផងដែរ ព្រោះនាងបានលើកឡើងថា ក្រុមគ្រួសារមិនបានចាត់ទុករូបនាងជាសមាជិកនោះទេ។

សូមជំរាបថា ឪពុករបស់តារាសម្ដែងវ័យក្មេង កញ្ញា ភិន សុដាលីស គឺលោក អ៉ិន សុភិន ដែលជាចាងហ្វាង ផលិតកម្មមហាហង្ស មានផ្ទុះហិង្សាដេញទាត់តារាសម្ដែងល្បីឈ្មោះ លោក ប៉ែន ចំរ៉ុង ចំនួន៣ជើង ដើម្បីជាការគំរាមទៅនឹងទង្វើដ៏គឃ្លើន ដែលតារារូបនេះ បានលួចលាក់ទាក់ទងកូនស្រីបណ្ដូលចិត្ត និងប្រើសម្ដីមិនសមរម្យដាក់ខ្លួន ហើយព័ត៌មាននេះបានធ្វើឲ្យមានការចាប់អារម្មណ៍យ៉ាងខ្លាំងនាពេលថ្មីៗ ហើយចុងក្រោយនេះ ភិន សុដាលីស បានចេញមុខបកស្រាយរឿងរ៉ាវទាំងអស់ ដើម្បីឲ្យសាធារណជនបានឲ្យដឹង៕

ខាងក្រោមនេះជាការលើកឡើងទាំងស្រុងរបស់ កញ្ញា ភិន សុដាលីស៖

សហព័ន្ធ​បាល់ទាត់​កម្ពុជា​ ប្រកាស​ឧបត្ថម្ភថវិកា​ ១ម៉ឺន​ដុល្លារ​ ដល់​ក្រុម​ U-19 បើ​ឈ្នះ​ថៃ​ល្ងាចនេះ​ និង​ឧបត្ថម្ភ​២ម៉ឺន​ដុល្លារ​ពេលឆ្លង​ទៅវគ្គ​ផ្តាច់ព្រ័ត្ត​

ភ្នំពេញ : លោក ខៀវ សាម៉េត អនុប្រធានសហព័ន្ធបាល់ទាត់កម្ពុជា បានប្រកាសឲ្យដឹងថា តាមការឯកភាព ពីនាយឧត្តមសេនីយ៏ សៅ សុខា ប្រធានសហព័ន្ធ នឹងឧបត្ថម្ភថវិកា ១ម៉ឺនដុល្លារ ដល់ក្រុមជម្រើសជាតិកម្ពុជា U-19 បើសិនប្រកួតឈ្នះ ក្រុមកីឡាករ U-19 របស់ថៃនៅពេលល្ងាចម៉ោង ៤៖០០នាទីថ្ងៃទី៣០ ខែសីហា ឆ្នាំ២០១៥នេះ ហើយបានត្រៀមថវិកា ២ម៉ឺនដុល្លារ ទៀត បើសិនក្រុម U-19 អាចឆ្លងទៅវគ្គផ្តាច់ព្រ័ត្តនៃការប្រកួតពានរង្វាន់ជើងឯកយុវជនអាស៊ាន AFF U-19 Chapionship 2015 ដែលមានឡាវធ្វើម្ចាស់ផ្ទះ។

បើតាមលោក ខៀវ សាម៉េត សហព័ន្ធបាល់ទាត់កម្ពុជា បានឧបត្ថម្ភថវិកា ចំនួន៥ពាន់ដុល្លារ ដល់ក្រុម U-19 នៅពេលឈ្នះមួយប្រកួត ដូច្នេះក្រោយឈ្នះ២ប្រកួត គឺឈ្នះក្រុមកីឡាករ របស់ប្រទេស ប្រ៊ុយណេ និងក្រុមហ្វីលីពីន ក្រុម U-19 របស់កម្ពុជា ទទួលបានថវិកា ១មឺុនដុល្លារ ខណ:ដែលប្រកួតស្មើជាមួយក្រុមម្ចាស់ ផ្ទះឡាវ ទទួលបាន២៥០០ដុល្លារ។

លោក ខៀវ សាម៉េត បានបញ្ជាក់ថា ទឹកប្រាក់ឧបត្ថម្ភរបស់ សហព័ន្ធបាល់ទាត់កម្ពុជា U-19 ខាងលើនេះ គឺជាការលើកទឹកចិត្ត ដល់ក្រុមកីឡាករ របស់យើង ខិតខំប្រឹងប្រែង ឲ្យអស់ពីសមត្ថភាព ពេលប៉ះក្រុមជើងខ្លាំងប្រចាំតំបន់ គឺ U-19 ថៃ នៅល្ងាចថ្ងៃនេះតែម្តង៕

ជួយអបអរ! កីឡា​ល្បុក្ក​តោ​ខ្មែរ ឡើង​វគ្គ​ផ្ដាច់​ព្រ័ត្រ​នៃ​ព្រឹត្តិការណ៍ World Martial Art Union នៅកូរ៉េ

ភ្នំពេញ៖ អ្នកលេងក្បាច់គុនបុព្វបុរសខ្មែរ គឺកីឡាល្បុក្កតោ២នាក់ រួមមានកីឡាកររ ហត សេងហ៊ន និងកីឡាការិនី សំ ថារ័ត្ន បានធ្វើឲ្យពិភពលោកភ្ញាក់ផ្អើលទៀតហើយ បន្ទាប់ពីពួកគេប្រជែងបានកៅអីវគ្គផ្ដាច់ព្រ័ត្រនៅក្នុងព្រឹត្តិការណ៍ មហាស្របកីឡាយុទ្ធសិល្ប៍ចម្រុះពិភពលោក (World Martial Art Union) លើកទី១៤ ដែលកំពុងរៀបនៅទីក្រុង Chungiu សាធារណៈរដ្ឋកូរ៉េ ។

លោក វ៉ាត់ ចំរើន ប្រធានសហព័ន្ធកីឡាចំបាប់កម្ពុជា និជាអគ្គលេខាធិការគណៈកម្មាធិការជាតិអូឡាំពិកកម្ពុជា បានឲ្យ ដឹងនៅព្រឹកថ្ងៃទី២៩ ខែសីហានេះថា កាលពីម្សិលមិញ កីឡាករ ហត សេងហ៊ន និងកីឡាការិនី សំ ថារ័ត្ន បានប្រកួត ឈ្នះអ្នកលេងក្បាច់គុនបុរាណ មកពី៨ប្រទេសនៅ ក្នុងការប្រកួតវគ្គ ពាក់កណ្ដាលផ្ដាច់ ព្រ័ត្រលើវិញ្ញាសាសម្ដែងជាគូបុរស-នារី ។ ដូច្នេះថ្ងៃនេះអត្តពលិកតំណាងឲ្យក្បាច់គុនបុរាណខ្មែរទាំង ២នាក់ នឹងបន្ដការប្រកួតក្នុងវគ្គផ្ដាច់ព្រ័ត្រ ដោយត្រូវ ជួបក្រុមកីឡាករ-កីឡាការិនីមកពី ៤ប្រទេសផ្សេងទៀត ដែលសុទ្ធតែក្បាច់គុនបុរាណដូចគ្នា ។

ប្រធានសហព័ន្ធរូបនេះ បានបន្ដថា លទ្ធផលដ៏ល្អនាពេលនេះ គឺបានបញ្ជាក់ឲ្យឃើញពីភាពអស្ចារ្យនៃកីឡាក្បាច់គុន បុរាណខ្មែរ ដែលបន្សល់ទុកដោយ បុព្វបុរសជំនាន់ដើម បង្ហាញឲ្យពីពិភពលោកបានដឹង និងបានស្គាល់កាន់តែច្បាស់ អំពីវប្បធម៌អរូបិយតំណាងឲ្យប្រទេសជាតិកម្ពុជា ។ ជាងនេះទៅទៀត លោកក៏បានប្ដេជ្ញាធ្វើឲ្យណា ជំរុញឲ្យកីឡាល្បុក្កតោខ្មែរ ក្លាយទៅជាកីឡាបុរាណជាងគេក្នុងបញ្ជីបេតិកភ័ណ្ឌអរូបិយរបស់មនុស្សជាតិ ដែលទទួលស្គាល់ដោយ អង្គការ UNESCO ។

លោក វ៉ាត់ ចំរើន បានបញ្ជាក់ដែរថា នៅក្នុងព្រឹត្តិការណ៍ World Martial Art Union លើកទី១៤នេះ គឺមានការចូលរួម ពីបណ្ដាប្រទេស ដែលមានក្បាច់គុនបុរាណចំនួន ២៦ប្រទេស ប៉ុន្ដែក្នុងនោះមានតែ ២៤ប្រទេសប៉ុណ្ណោះ ដែលជាសមាជិករបស់សហព័ន្ធកីឡាយុទ្ធសិល្ប៍ចម្រុះពិភពលោក ។ លោកបានសង្កត់ធ្ងន់ថា «ចំពោះការប្រកួត ខាងលើ គឺគ្រាន់តែជាការបង្ហាញឲ្យគេបានឃើញ និងបានស្គាល់អំពីការក្បាច់គុនបុរាណតំណាងឲ្យប្រទេសនីមួយៗ ប៉ុន្ដែការ កាត់សេចក្ដីរកលទ្ធផលឈ្នះ-ចាញ់ វាអាស្រ័យលើការសម្ដែងស្រុះគ្នា និងមានមូលដ្ឋានក្បាច់គុណច្បាស់លាស់ឬក៏អត់ ។ តែបើកាត់សេចក្ដីដោយវិភាគពីក្បាច់គុណ គឺមិនអាចនោះទេ ព្រោះកីឡាក្បាច់គុនបុរាណ សុទ្ធតែជាតំណាង និងជា ដួងព្រលឹងនៃប្រទេសជាតិនីមួយៗដែលមិនអាចឲ្យតម្លៃបានឡើយ» ៕

Page 1 of 6

  •  Start 
  •  Prev 
  •  1 
  •  2 
  •  3 
  •  4 
  •  5 
  •  6 
  •  Next 
  •  End