សេអ៊ូលៈ ទីភ្នាក់ងារព័ត៌មានចិនស៊ិនហួ បានចុះផ្សាយនៅរាត្រីថ្ងៃទី១០ ខែធ្នូ ឆ្នាំ២០១២ថា តាមការប៉ាន់ ប្រមាណនៅក្នុងឆ្នាំ២០១៣ ការនាំចេញយានយន្តរបស់កូរ៉េខាងត្បូង នឹងកើនឡើង ៣,១ភាគរយ ។
ក្រសួងសេដ្ឋកិច្ចកូរ៉េខាងត្បូងបានឲ្យដឹងថា តាមការព្យាករណ៍ទុកជាមុនកំណើន នៃការនាំចេញយានយន្តរបស់ ប្រទេសកូរ៉េខាងត្បូង នឹងកើនឡើង ៣,១ភាគរយ នៅឆ្នាំ២០១៣ ។
ក្រសួងខាងលើក៏បានព្យាករណ៍ទៀតថា នៅឆ្នាំ២០១៣ការនាំចេញយានយន្តនឹងកើនឡើង ៣,៣លានគ្រឿង ធៀបនឹងតួលេខនៅក្នុងឆ្នាំនេះ នឹងកើនឡើងប្រហែល ៣,២ភាគរយ ។
ក្នុងឆ្នាំ២០១៣ ការនាំចេញនឹងកើនឡើងដល់ ១,៥៥លានគ្រឿង ព្រោះថា តម្រូវការយានយន្តនៅទូទាំងសកល លោកបន្តកើនឡើងវិញហើយ បើទោះបីជាស្ថានភាពនៅប្លុកអឺរ៉ុបស្ថិតក្នុងភាពទន់ជ្រាយក្តី៕
