left
Safe Home
Safe Home
Safe Home

Dap News...Admin

Tuesday, May 26th

| English Version | dapnews: 012 571 704, 097 9999 883, email: lim.cheavutha@gmail.com

You are here:
 
Cellcard

ទំហំពាណិជ្ជកម្ម កម្ពុជា-តួកគី ក្នុងឆ្នាំ ២០១៤ មានចំនួន ១២៤ លានដុល្លារ

E-mail Print PDF

ភ្នំពេញ៖ លោក ពេជ្រ រិទ្ធី អគ្គនាយកពាណិជកម្ម អន្តរជាតិ នៃក្រសួងពាណិជ្ជកម្ម បានឲ្យដឹងថា នៅក្នុងឆ្នាំ២០១៤ កន្លងទៅនេះ ទំហំពាណិជ្ជកម្ម រវាងប្រទេសកម្ពុជា និងប្រទេសតួកគី មានចំនួនប្រមាណ ១២៤លានដុល្លារអាម៉េរិក ។

ថ្លែងនៅក្នុងកិច្ចប្រជុំត្រៀមសម្រាប់ កិច្ចប្រជុំលើកទី១ នៃគណៈកម្មការ ចម្រុះរវាងកម្ពុជា និងតួកគី ដែលភាគីដឹកនាំ ដោយលោក Mustafa Tuzcu អគ្គនាយករង នៃអគ្គនាយកដ្ឋាន ក្រសួងសេដ្ឋកិច្ចតួកគី នៅព្រឹកថ្ងៃទី១០ ខែកុម្ភៈ ឆ្នាំ២០១៥ នាសណ្ឋាគារ លឺរ៉ូយ៉ាល់ លោក ពេជ្រ រិទ្ធី អគ្គនាយកពាណិជ្ជកម្ម អន្តរជាតិ នៃក្រសួងពាណិជ្ជកម្ម បានមានប្រសាសន៍ថា “បើយោងតាមស្ថិតិ របស់ប្រទេសតួកគី បានបង្ហាញថា នៅក្នុងឆ្នាំ២០១៤ កម្ពុជាបាននាំចេញទៅ ប្រទេសតួកគី រហូតដល់ ១១២លានដុល្លារ ហើយប្រទេសតួកគី បាននាំចូលមក ប្រទេសកម្ពុជាវិញ ចំនួនទឹកប្រាក់ប្រហែល ១២លានដុល្លារ អីចឹងយើងនាំចេញទៅ ប្រទេសតួកគី បានច្រើន” ។

លោកបានបញ្ជាក់ថា ផលិតផលកម្ពុជា នាំចេញទៅកាន់ប្រទេស តួកគី គឺមានវិស័យ ខោអាវជាដើម ចំណែកខាងភាគីតួកគី បាននាំចូលមក ប្រទេសកម្ពុជាវិញ មានប្រេងធ្វើរួច, ឱសថ និងសម្ភារៈអំពូលជាដើម។

លោក Selcuk UN ប្រធានផ្នែកនាំចេញទូទៅ របស់ក្រសួងសេដ្ឋកិច្ចតួកគី បានមានប្រសាសន៍ថា ការធ្វើវិនិយោគពាណិជ្ជកម្ម នៅក្នុងប្រទេសកម្ពុជា របស់តួកគី គឺមានចំណុចល្អ ជាច្រើន ។

លោកថា “ចំណុចល្អ ដែលតួកគីមកធ្វើពាណិជ្ជកម្ម នៅក្នុងប្រទេសកម្ពុជានេះ គឺតួកគីបានមើលឃើញថា ការលូតលាស់ ផ្នែកសេដ្ឋកិច្ច របស់ប្រទេសកម្ពុជា បានច្រើន រហូតដល់ទៅ ៧ភាគរយ ដែលចំនួនបានថេរ និងមួយចំណុចទៀត គឺតួកគីបានដាក់ទូត របស់ខ្លួននៅកម្ពុជា ដែលវាមាន លក្ខណៈងាយស្រួល សម្រាប់អ្នកវិនិយោគតួកគី ធ្វើការទំនាក់ទង ជាមួយ” ។

លោក ពេជ្រ រិទ្ធី បានបន្ថែមថា នៅក្នុងថ្ងៃនេះ គឺជាការប្រជុំ របស់គណៈកម្មការ រួមខាងផ្នែកសេដ្ឋកិច្ច រវាងប្រទេសកម្ពុជា និងតួកគី បន្ទាប់ពីចុះហត្ថលេខា លើកិច្ចសហប្រតិបត្តិការ កិច្ចព្រមព្រៀង ពាណិជ្ជកម្ម កាលពីឆ្នាំ២០០២ អីចឹងនេះ គឺជាកិច្ចប្រជុំលើកទី១ ដើម្បីពង្រឹងទំនាក់ទំនង ពាណិជ្ជកម្ម និងវិនិយោគ ក៏ដូចជាពង្រឹង កិច្ចសហប្រតិបត្តិការ លើវិស័យផ្សេងៗទៀត ដូចជា វិស័យទេសចរណ៍, វិស័យដឹងជញ្ជូន, វិស័យកសិកម្ម និងវិស័យ ជាច្រើនទៀត ។

សូមបញ្ជាក់ថា នៅក្នុងកិច្ចប្រជុំថ្ងៃនេះ គឺមិនបានបញ្ជាក់ពី លទ្ធផលអ្វីខ្លះនោះទេ ដោយលទ្ធផលនឹងត្រូវ បានបង្ហាញនៅថ្ងៃទី១១ ខែកុម្ភៈ ឆ្នាំ២០១៥ស្អែកនេះ ៕

ឥឡូវនេះ ស្មាតហ្វូន Lumia 530 អេក្រង់ ៤អ៊ិញ តម្លៃត្រឹម ៧៣ដុល្លារប៉ុណ្ណោះ!

E-mail Print PDF

ភ្នំពេញ៖ ក្នុងចំណោមស្មាតហ្វូន សែស្រឡាយ Lumia ទាំងអស់ បច្ចុប្បន្ននេះ មានតែ Lumia 530 ស៊ីមពីរប៉ុណ្ណោះ មានតម្លៃគួរឲ្យទាក់ទាញ ជាងគេបំផុត គឺត្រូវបានក្រុមហ៊ុនបញ្ចូលទៅ ក្នុងបញ្ជីទូរស័ព្ទ ដែលដាក់លក់ ក្នុងតម្លៃពិសេសត្រឹមតែ $73 ។

យោងតាមក្រុមហ៊ុន Nokia នៅកម្ពុជា បានបញ្ជាក់ថា ការលក់បញ្ចុះតម្លៃ ពិសេសនេះ នឹងផ្តល់ជូនត្រឹមថ្ងៃទី19 ខែកុម្ភៈ ឬអស់ពីចំនួនកំណត់ ហើយកម្មវិធីនេះ ត្រូវបានបង្កើតឡើង ដើម្បីចូលរួមជាមួយ អតិថិជនកម្ពុជា ជាច្រើនដែលនឹងប្រារព្ធ ទិវានៃក្តីស្រលាញ់ និងបុណ្យចូលឆ្នាំចិន ដ៏ខ្លីខាងមុខនេះ ។

Lumia 530 ជាស្មាតហ្វូនស៊ីមពីរ មានលក្ខណៈពិសេស ជាច្រើនដែលក្នុងនោះ រួមមានដូចជា ៖

- ដំណើរការដោយ ប្រព័ន្ធប្រតិបត្តិការ Windows Phone 8.1 ។

- មាន CPU Quad-core processor ដែលធ្វើឲ្យស្មាតហ្វូន ដំណើរការលឿន លេងហ្គែមសប្បាយ និងអានព័ត៌មានតាមបណ្តាញ អ៊ិនធឺណិត បានយ៉ាងស្រួល ។

- មានកម្មវិធី Skype, Microsoft Office, OneDrive តម្លើងរួចជាស្រេច ។ មិនត្រឹមតែប៉ុណ្ណោះ អតិថិជនថែមទាំងអាចទាញ យកកម្មវិធីល្បីៗ ជាច្រើនទៀតមានជាអាទិ៍ Uber, Instagram, WhatsApp, Viber, WeChat និងហ្គេមដូចជា Asphalt 8 ។ល។ ពី Windows Phone Store ។

- មានកម្មវិធីថតរូប និងកែរូបភាពជាច្រើនដូចជា Creative Studio និង Lumia Selfie (សម្រាប់បញ្ជាថតរូបខ្លួនឯង) តាមរយៈកាមេរ៉ា 5 MP ។

-អាចបន្ថែមមែម៉ូរីទំហំ 128 GB និងឃ្លាំងឯកសារក្នុង Cloud (OneDrive) ទំហំ 30GB ថែមទៀត ។

សូមបញ្ជាក់ថា ទូរស័ព្ទ Lumia និង Nokia ផ្សេងទៀត ដែលស្ថិតនៅក្នុងបញ្ជីលក់ ក្នុងតម្លៃពិសេសរហូត ដល់ថ្ងៃទី 19 កុម្ភៈ រួមមាន Lumia 1320, Lumia 525, Lumia 630, Lumia 925, Lumia 625, Nokia XL និង Nokia Asha 503 ៕

ពិព័រណ៍ពាណិជ្ជកម្មថៃ បើកដំណើរការ តាំងលក់ផលិតផល ជាផ្លូវការហើយ

E-mail Print PDF

ភ្នំពេញ៖  ពិព័រណ៍ពាណិជ្ជកម្មថៃ ឆ្នាំ២០១៥ ដែលមានក្រុមហ៊ុន ចូលរួមទំាងអស់ ចំនួន២៥០ក្រុមហ៊ុន និងស្តង់ចំនួន២៥០ បានសម្ពោធជាផ្លូវវការហើយ កាលពីល្ងាច ថ្ងៃទី៥ ខែកុម្ភៈ ឆ្នាំ២០៥ នៅមជ្ឈមណ្ឌល ពិព័រណ៍កោះពេជ្រ ។

លោក ឈួន ដារ៉ា រដ្ឋលេខាធិការ នៃក្រសួងពាណិជ្ជកម្ម បានថ្លែងថា ការរៀបចំពិព័រណ៍ថៃ ប្រចាំឆ្នាំជាបន្តបន្ទាប់ នៅកម្ពុជាបានបង្កើត បន្ថែមទៀតនូវការពង្រឹង និងពង្រីកទំនាក់ទំនង ពាណិជ្ជកម្មយ៉ាងជិតស្និទ្ធ ក្នុងឋានៈ ជាប្រទេសភូមិផងរបងជាមួយ និងក្របខ័ណ្ឌសហប្រតិបត្តិការ ពាណិជ្ជកម្មទ្វេភាគី ដើម្បីរួមចំណែកក្នុងការអភិវឌ្ឍ សេដ្ឋកិច្ចនៃ ប្រទេសទាំងពីរ”។

ផលិតផលនៅក្នុង ពិព័រណ៍ខាងមុខនេះ មានដូចជា សម្ភារៈសំណង់ គ្រឿងបន្លាស់ម៉ាស៊ីន អាហារ ភេសជ្ជៈ សម្លៀក បំពាក់ និងវាយនភ័ណ្ឌ ទំនិញផ្នែកសុខភាព និងសម្ផស្ស សម្ភារៈប្រើប្រាស់ក្នុងផ្ទះ និងផ្ទះបាយ វត្ថុអនុស្សាវរីយ៍ សម្ភារៈតុបតែងផ្ទះ គ្រឿងបន្លាស់រថយន្ត និងឧបករណ៍ សម្ភារៈធ្វើពីស្បែក និងស្បែកជើង ជាដើម។

លោក ឈួន ដារ៉ា បាន ឲ្យដឹងថា ការនាំចេញរបស់កម្ពុជាទៅ ប្រទេសថៃបានកើនឡើង ២៥០លានដុល្លារ អាម៉េរិក នៅឆ្នាំ២០១២ ដល់៥៧៦លាន ដុល្លារអាម៉េរិក នៅឆ្នាំ២០១៤។ កំណើន សេដ្ឋកិច្ចនេះ បានមកដោយសារកិច្ច សហប្រតិបត្តិការ រវាងរាជរដ្ឋាភិបាល ក៏ដូចជា វិស័យឯកជន នៃប្រទេសទាំងពីរ។ ប៉ុន្តែ ទោះជាយ៉ាងនេះក្តីក៏ កំណើននាំចេញរបស់ កម្ពុជា នៅមានឱនភាពពាណិជ្ជកម្មថៃ ប្រមាណ៤.៤ពាន់លានដុល្លារអាម៉េរិក ក្នុងឆ្នាំ២០១៤។

លោកបន្តថា ទំហំពាណិជ្ជកម្មទ្វេភាគី រវាងប្រទេស កម្ពុជា និងថៃ ក្នុងឆ្នាំ២០១៤ មានតម្លៃ ៥០០០លានដុល្លារអាម៉េរិក បានកើន ឡើងចំនួន១២ភាគរយ បើធៀបទៅនឹង តួលេខឆ្នាំ២០១៣ ដែលមានទឹកប្រាក់ ចំនួន៤៦០០លានដុល្លារអាម៉េរិក។ ជាមួយគ្នានេះ ទំហំទឹកប្រាក់វិនិយោគរបស់ ប្រទេសថៃនៅកម្ពុជា ដែលបានចុះបញ្ជីនៅក្រុមប្រឹក្សាអភិវឌ្ឍកម្ពុជា បានកើនឡើងដល់ជិត៤០០លានដុល្លារអាម៉េរិក។ ទំហំពាណិជ្ជកម្មទ្វេភាគីនេះ បានកើនឡើងតាមរយៈការធ្វើពិព័រណ៍ទំនិញ ក៏ដូចជា ការស្វែងរកដៃគូពាណិជ្ជកម្មជាមួយគ្នា ផងដែរ។

លោក Nuttavudh photisaro ឯកអគ្គរាជទូតថៃ ប្រចាំកម្ពុជាបានឲ្យដឹងថា” គោលបំណងក្នុងការរៀបចំ ពិព័រណ៍ពាណិជ្ជកម្មថៃ គឺដើម្បីផ្សព្វផ្សាយផលិតផលរបស់ថៃដែលជាផលិតផល មានគុណភាពល្អ តំម្លៃសមរម្យ និងដើម្បីជាការអរគុណ ដល់អតិថិជន ដែលគំាទ្រទំនិញថៃ មានឱកាសបានទិញទំនិញ ពីម្ចាស់រោងចក្រ ដោយផ្ទាល់ក្នុងតំម្លៃ ដែលអាចធានាថា ថោកជាងនៅទីផ្សារពិតប្រាកដ។

សូមបញ្ជាក់ថា ក្នុងពិព័រណ៍ពាណិជ្ជកម្មថៃឆ្នាំនេះ ក៏មានការរៀបចំឲ្យមាន ព្រឹត្តិការណ៍នូវសំខាន់ៗដូចជា សិក្ខាសាលាដើម្បី ផ្តល់ចំណេះដឹងផ្នែកពាណិជ្ជកម្ម រវាងពាណិជ្ជករថៃ និងកម្ពុជា, កម្មវិធីចាប់ដៃគូពាណិជ្ជកម្ម, រាត្រីសមោសថៃឡង់ដ៍, ការបង្ហាញពីរបៀបធ្វើម្ហូប និងនំថៃ ព្រមជាមួយការលក់ម្ហូបអាហារ, រៀបចំស្តង់សម្រាប់ក្រុមហ៊ុនលក់រាយ និងរកតំណាងចែក ចាយទំនិញ, ការប្រគំតន្ត្រីដើម្បីផ្តល់ភាពសប្បាយរីករាយជូនអតិថិជនជាដើម៕

Photo by LookingTODAY

Photo by LookingTODAY

Samsung Electronics បង្ហាញអំពី ទស្សនៈវិស័យ លើបច្ចេកវិទ្យា កម្មវិធី និងសេវាកម្សាន្ត ដើម្បីធ្វើឲ្យជីវិត កាន់តែឆ្លាតវៃ

E-mail Print PDF

ថ្ងៃ 5 មករា 2015 - ក្រោមប្រធានបទ “ការបង្កើតលទ្ធភាព ដើម្បីមើលឃើញពីអនាគត” Samsung Electronics បានលាតត្រដាងក្នុងសន្និសីទ កាសែតតំាងពិព័រណ៍ ផលិតផលអេឡិចត្រូនិកអន្តរជាតិ CES 2015 នូវទស្សនៈវិស័យរបស់ខ្លួនលើបច្ចេកវិទ្យា ដើម្បីជីវិតកាន់តែឆ្លាតវៃ។ ក្នុងនោះ Samsung បានធ្វើការបង្ហាញឧបករណ៍ អេឡិចត្រូនិកជំនាន់ថ្មី និងសេវាដែលនាំមុខគេ ដែលនោះ គឺទូរទស្សន៍ខ្នាតយក្ស SUHD អេក្រង់ 88 អ៊ីញ និងការបន្ថែមមាតិកាលើវ៉ែនតា Samsung Milk VR។  នៅឆ្នាំ 2015 នេះ Samsung ទទួលបានពានរង្វាន់ចំនួន 36 ផ្នែកគំនិតច្នៃប្រឌិតលើ ឧបករណ៍អេឡិចត្រូនិកប្រើប្រាស់ក្នុងផ្ទះ ដែលពោពេញទៅ ដោយភាពឆ្លាតវៃ។

យោងតាមសម្តីរបស់លោក Tim Baxter ប្រធាន និងនាយកប្រតិបត្តនៃ Samsung Electronic ប្រចាំសហរដ្ឋអាមេរិក បានមានប្រសាសន៍ថា “គោលបំណងធំ ដែលយើងយកចិត្តទុកដាក់ក្នុងឆ្នាំ 2015 នេះ គឺការផ្តល់បទពិសោធន៍ ដ៏អស្ចារ្យសម្រាប់អតិថិជន”។ លោកក៏បានបន្ថែមទៀតដែរថា “អ្វីដែលអស្ចារ្យជាងនេះ ទៅទៀតនោះ គឺ Samsung នឹងផ្តោតការយកចិត្ត ទុកដាក់យ៉ាងខ្លាំង លើការរស់នៅដ៏ឆ្លាតវៃ តាមរយៈបច្ចេកវិទ្យា កម្មវិធីកម្សាន្ត និងសេវាផ្សេងៗ។ ហើយអ្វីដែលយើងធ្វើ ការបង្កើតឡើងនោះ គឺផ្តោតទៅលើបទពិសោធន៍ នៃអ្នកប្រើប្រាស់ផលិតផល Samsung។

ទូរទស្សន៍ SUHD ផ្តល់រូបភាពកាន់តែលម្អិត និងច្បាស់ឥតខ្ចោះថែមមួយកម្រិតទៀត

Samsung បានដាក់បង្ហាញទូរទស្សន៍ខ្នាតធំទំហំ 88 អ៊ីញ JS9500  ដែលបំពាក់ដោយបច្ចេកវិជ្ជាផ្ទាល់របស់ Samsung គឺ Eco-friendly nano-crystal ដែលកែពន្លឺ និងពណ៌រូបភាពឲ្យដូចពណ៌ធម្មជាតិពិតៗ ដែលច្បាស់ជាងទូរទស្សន៍ធម្មតា រហូតដល់ទៅ 64 ដងឯណោះ ។ ជាមួយបច្ចេកវិជ្ជាដ៏ភ្ញាក់ផ្អើល SUHD Re-mastering Engine មានលទ្ធភាពកែសម្រួលពន្លឺ និងធ្វើឲ្យ រូបភាពដិតល្អដោយស្វ័យប្រវត្តិ ដើម្បីរូបភាពកាន់តែម៉ត់ ច្បាស់ឥតខ្ចោះក្នុងកម្រិត UHD ក៏ដូចជាគ្មានការរំខានរឿង បញ្ហាផ្លាតពន្លឺផងដែរ។ .

“ពណ៌រូបភាពពិតជាអាចបញ្ជាក់ពីអត្ថន័យនៃ សាច់រឿងរបស់ខ្សែភាពយន្ត” រីឯលោក  Nakamura  ដែលបានផលិតខ្សែភាពយន្ត X-Men, Days of Future Past, Quantum of Solace and Exodus បាននិយាយផងដែរថា “ពណ៌ពិតជាអាចផ្លាស់ប្តូរ និងនាំអារម្មណ៍អ្នកទស្សនាឲ្យចូលទៅ ក្នុងខ្សែភាពយន្តដែលកំពុងទស្សនានោះ” លោកក៏បានបន្ថែមទៀតដែរថា “ថ្មីៗនេះ ខ្ញុំបានធ្វើការលើខ្សែភាពយន្ត Exodus សម្រាប់ដាក់បញ្ចូលទៅក្នុងទូរទស្សន៍ SUHD ដែលនេះពិតជាបទពិសោធន៍ដ៏អស្ចារ្យ។ វាពិតធ្វើឲ្យខ្សែភាពយន្តនេះមានជីវិតរស់រវើក ដែលមិននឹកស្មានថា មានបច្ចេកវិជ្ជាដែលអាចធ្វើបែបនេះទេ។”

ក្នុងសន្និសីទកាសែតនោះ លោក Stephen Nakamura អ្នកជំនាញខាងពណ៌រូបភាពដ៏ល្បីរបស់ហូលីវូដ បានឲ្យដឹងថា ឧបករណ៍ប្រើប្រាស់ឌីជីថល ក្នុងផ្ទះដើម្បីកែខៃជីវិតកាន់តែប្រសើរ ការរចនានៅប្រព័ន្ធ Digital ថ្មីនេះបានធ្វើអាជីវកម្មក្រុមហ៊ុន ទទូលបានភាពជោគជ័យកាន់តែខ្លំាងឡើងនៅឆ្នាំបន្ទាប់ពីការ លក់នៅឧបករណ៍ប្រើប្រាស់ក្នុងផ្ទះមានការកើនឡើងមិនគួរឲ្យជឿ។ បច្ចុប្បន្ននេះ Samsung បានធ្វើការបង្ហាញគម្រោងទី 2  របស់ខ្លូននូវឈុតសម្ភារៈផ្ទះបាយ Chef Collection ដោយភ្ជាប់ មកជាមួយ Tablet និង Chef Collection App សម្រាប់មេផ្ទះគ្រប់រូបទទួលបានចំណេះដឹងក្នុងនិងរបៀបចំអិនម្ហូប។ ក្រៅពីនេះ Samsung ក៏ធ្វើការណែនាំនូវម៉ាស៊ីនអូវិនមានទ្វារពីរ ដែលទើបទទួលបានពានរង្វាន់ Flex Duo TM សម្រាប់ ភាពងាយស្រួល និងធំទូលាយដែលអាចឲ្យអ្នកចម្អិនអាហារ 2 មុខ ដូចជាដុតសាច់ និងដុតនំ។

ម៉ាស៊ីនបោកសម្លៀកបំពាក់ Activewash TM ពិតជាឆ្លាតវៃ ដែលអាចជម្រះ ស្នាមប្រឡាក់ខ្លំាងបានងាយ តាមរយៈបច្ចេកវិទ្យា ផ្ទាល់ដោយបញ្ចេញ កាំរស្មីដែលធ្វើឲ្យការ បោកគក់បានស្អាតល្អ និងចំណាយពេលខ្លី។  

រឹតតែអស្ចារ្យជាមួយមនុស្សយន្ត Power VR9000 របស់ Samsung ដែលអាចធ្វើការសំអាត ផ្ទះរបស់អ្នកគ្មានចន្លោះ ។ ហើយមនុស្សយន្តប្រភេទថ្មីនេះ មានថាមពលជាងពីមុន 60 ដងជាមួយប្រព័ន្ធ Digital Inverter Motor និង Visionary Mapping Plus ដែលអនុញ្ញាតឲ្យ Powerbot ដែលអាចបញ្ចូលផែនទី ផ្ទះអ្នកទៅក្នុងប្រព័ន្ធចងចាំ និងអាចគណនាការ សម្អាតគ្រប់កន្លែងបាន យ៉ាងមានប្រសិទ្ធិភាព។

MILK VR ផ្តល់កម្នវិធីពិភពកម្សាន្តពិតៗ

ក្រុមហ៊ុន Samsung កំពុងបន្តការច្នៃប្រឌិតបន្ថែមលើទូរស័ព្ទ។ ខណៈពេលដែលឧបករណ៏ ជំនាន់ក្រោយនឹងវិវឌ្ឍចេញពី Galaxy Note Edge, នាឡិកា Gear S និង វ៉ែនតា Gear VR ដែលអាចបន្តពង្រីកលើគំនិត Samsung MIILK។ រហូតដល់ពេលនេះ យើងមានអ្នកប្រើប្រាស់ រាប់លានអ្នកដែលកំពុងប្រើ សេវាកម្មបទចំរៀង ហើយ Samsung MIILK មិនត្រឹមតែបន្ថែមនៅវិដេអូ MILK Video នោះទេ យើងនឹងពង្រីកវានៅក្នុងទូរទស្សន៍ Smart TV និងផ្នែកតន្រ្តីចូលទៅក្នុង Web របស់យើងផងដែរ។

អ្នកគាំទ្រ Samsung Gear VR និងកាសរបស់ Samsung Galaxy Note 4 នឹងអាចរីករាយជាមួយ បទពិសោធន៏របស់ MIILK ជាមួយកម្មវិធីប្រចាំថ្ងៃរបស់ Stream 360 Degree វីដេអូ និងប៉ុស្ត៍ VR សម្រាប់តន្ត្រី កីឡា សកម្មភាពផ្សេងៗ និងភាពស៊ីវិល័យ។ ហើយកម្មវិធីនេះនឹងផ្តល់បានទាំង 2 យ៉ាងរបស់ Instant Play (មើលតាមអ៊ីនធើណិត) និង “Best Quality” សំរាប់ការដោនឡូតដែលមាន ជម្រើសម្រាប់អ្នកក្នុងកម្រិតទំហំ 4K x 2K ទៀតផង។ ដោយមានការបន្ថែមនៅវីដេអូ និងកម្មវិធីថ្មីៗជាច្រើន វាធ្វើឲ្យអ្នកប្រើប្រាស់ អាចស្វែងរក នៅអី្វដែលថ្មីរាល់ថ្ងៃ។ នេះគឺជាការប្រកាសលើកដំបូងដែល Samsung នឹងធ្វើការសហការជាមួយ Sky Entertainment និងផលិតករ The Walking Dead ដើម្បីបង្កើតអ្វីដែលជាអាថ៍កំបាំងសម្រាប់ឆ្នាំ 2015។ បន្ថែមពីនេះទៅទៀត ការសហនេះមានដៃគូសហការ ជាច្រើនផ្សេងទៀតដូចជា the National Basketball Association (NBA), Skybound Entertainment, RedBull, Mountain Dew, Acura, Artists Den, Refinery 29 និង Boiler Room៕

តើលោកអ្នក ចង់ដឹងទេថា រយៈពេល៥០ឆ្នាំ​កន្លង មកនេះ Ford Mustang មានការវិវត្តន៍ រូបរាងយ៉ាងខ្លះ?​

E-mail Print PDF

ភ្នំពេញ ៖ គិតមកដល់ពេលនេះ Ford Mustang បានប្រារព្ធខួបទី៥០ឆ្នាំ សម្រាប់វត្តមាន Ford Mustang នៅ លើពិភពលោក។ ក្នុងអំឡុងឆ្នាំ ១៩៦១ ការចាប់ផ្តើមផលិតនូវប្រភេទរថយន្ត Ford Mustang នេះឡើង ផ្អែក ទៅលើទស្សនៈរបស់លោក Lee Lacocca (Lido Anthony)ដែលជាវិស្វករនៃរយន្ត Ford Mustang។

អគ្គនាយកក្រុមហ៊ុន Ford បានយល់ថា គ្រប់ប្រភេទរថយន្តទាំងអស់ ដែលបានផលិតឡើង គឺសុទ្ធតែបានបំពាក់ ទៅដោយកៅអីចំនួនបួន ដែលតម្រូវឲ្យតួរថយន្តមានទំហំធំ ក៏ដូចជាចំាបាច់ត្រូវការប្រើប្រាស់នូវវត្ថុធាតុដើមច្រើន ហើយធ្វើឲ្យរថយន្តមានតម្លៃថ្លៃ។  ហេតុនេះលោកក៏មានគំនិត ក្នុងការរចនារថយន្តដែលមានកៅអី ចំនួនពីរនេះ ឡើងនៅក្នុងឆ្នាំ១៩៦៤ បន្ទាប់ពីការស្វែងយល់អំពីទីផ្សារ ក៏ដូចជាការផ្លាស់ប្តូរមតិរវាងអ្នកបច្ចេកទេស អ្នករចនា ម៉ូត និងអ្នកគ្រប់គ្រងរបស់ Ford ទាំងអស់។

ជាមួយនឹងការចាប់ផ្តើមនូវខ្សែសង្វាក់ផលិតកម្មដំបូងនៅទីក្រុង Dearborn រដ្ឋ Michigan ប្រភេទរថយន្ត Ford Mustang បានធ្វើការផ្លាស់ប្តូររួបរាង ចំនួន ៦ជំនាន់មកហើយ។ ទន្ទឹមនឹងការផ្លាស់ប្តូររូបរាងនេះ ការផលិត រថយន្ត Ford Mustang នៅតែផ្តោតសំខាន់ទៅលើការផ្តល់ជូនសុវត្ថិភាពសម្រាប់អ្នកបើកបរ ប្រព័ន្ធសន្សំសំចៃ ប្រេង ការរួមចំណែកថែរក្សាបរិស្ថាន គុណភាពនៃផលិតផល និងការអភិវឌ្ឈន៍នូវបច្ចេកវិទ្យាថ្មីៗ ដែលអាច ជួយសម្រួលការបើកបរ ក៏ដូចជាធ្វើឲ្យអ្នកបើកបរកាន់តែមានភាពពេញចិត្តថែមទៀត។

តើរូបរាង Ford Mustang ពីជំនាន់មួយទៅជំនាន់មួយទៀតមានរូបរាងយ៉ាងដូចម្តេចខ្លះ?

ខាងក្រោមនេះ គឺជារូបភាពនិងវីដេអូនៃការវិវត្តនៃរូបរាងរបស់រថយន្ត Ford Mustang ពីជំនាន់ទី១ ដល់ជំនាន់ទី៦៖

រថយន្តប្រភេទ Mustang ជំនាន់ទី១

រថយន្ត Ford Mustang ផលិតឡើងនៅឆ្នាំ១៩៦៥

រថយន្តប្រភេទ Mustang ជំនាន់ទី២

រថយន្ត Ford Mustang ផលិតឡើងនៅឆ្នាំ១៩៦៧

រថយន្តប្រភេទ Mustang ជំនាន់ទី៣

រថយន្ត Ford Mustang ផលិតឡើងនៅឆ្នាំ១៩៦៩

រថយន្តប្រភេទ Mustang ជំនាន់ទី៤

រថយន្ត Ford Mustang ផលិតឡើងនៅឆ្នាំ២០០៥

រថយន្តប្រភេទ Mustang ជំនាន់ទី៥

រថយន្ត Ford Mustang ផលិតឡើងនៅឆ្នាំ២០១៣

រថយន្តប្រភេទ Mustang ជំនាន់ទី៦

រថយន្ត Ford Mustang ផលិតឡើងនៅឆ្នាំ២០១៥

ពាណិជ្ជករថៃ នំាយកផលិតថ្មីៗ ដើម្បីស្វែងរក ដៃគូពាណិជ្ជកម្ម នៅកម្ពុជា

E-mail Print PDF

ភ្នំពេញ៖ ពាណិជ្ជករថៃ ប្រមាណ៧៥ក្រុមហ៊ុន ដែលបាននំាយក ផលិតផលថ្មី ពុំទាន់មាននៅក្នុង ទីផ្សារកម្ពុជា ដើម្បីត្រៀមខ្លួន សម្រាប់ការដាក់តំាង ពិព័រណ៍ពាណិជ្ជកម្ម នៅថ្ងៃទី៥ ដល់ថ្ងៃទី៨ ខែកុម្ភៈ ឆ្នាំ២០១៥ នៅមជ្ឈមណ្ឌល ពិព័រណ៍កោះពេជ្រ ។

ការដាក់តាំងជាលក្ខណៈខ្នាតតូចមួយត្រូវបាន រៀបចំឡើងនៅសណ្ឋាគារ សូហ្វីតែលភូគីត្រា ភ្នំពេញនា រសៀលថ្ងៃទី៤ ខែកុម្ភៈ ឆ្នាំ២០១៥  ជាមួយគ្នានឹងសិក្ខាសាលាមួយ ដើម្បីឲ្យផ្តល់ឱកាសឲ្យ ពាណិជ្ជករកម្ពុជា និងថៃ ស្វែងរកដៃគូពាណិជ្ជកម្ម ជាមួយគ្នា។

លោកស្រី ជីរ៉ាណាន់ វង្សមង្គល អគ្គទីប្រឹក្សាពាណិជ្ជកម្ម ប្រចាំស្ថានឯកអគ្គរាជទូតថៃ ប្រចាំកម្ពុជាបានថ្លែងថា ពាណិជ្ជករថៃ មកពីប្រទេសថៃ ប្រមាណជា ១៨០ នាក់ ដែលពួកគេទើបតែមក ជាលើកទីមួយ ដើម្បីមក ស្វែងយល់ពី របៀបរបប ច្បាប់ទំលាប់ និងដើម្បីត្រៀមខ្លួន មកវិនិយោគនៅកម្ពុជា ហើយពួកគេមកនេះ ក៏បាននាំទំនិញ យកមកតាំងពិព័រណ៍ នៅថ្ងៃទី៥ ដល់ថ្ងៃទី៨ ខែកុម្ភៈ ឆ្នាំ២០១៥ នៅមជ្ឈមណ្ឌល ពិព័រណ៍កោះពេជ្រ ។

លោកស្រីបានបន្តថា ទំនិញដែលពាណិជ្ជករថៃ នឹងយកមកដាក់តាំងនោះ មានចម្រុះទាំងអស់ មានដូចជា ១-សំភារៈសំណង់ និងគ្រឿងបន្លាស់ម៉ាស៊ីន ២-អាហារ និងភេសជ្ជៈ ៣-សំលៀកបំពាក់ និងវាយនភ័ណ្ឌ ៤-សុខភាព និងសម្ផស្ស ៥-សំភារៈប្រើប្រាស់ និងសំភារៈផ្ទះបាយ ៦-វត្ថុអនុស្សាវរីយ៍ និងតុបតែងផ្ទះ ៧-គ្រឿងបន្លាស់រថយន្ត និងឧបករណ៍ ៨-សំភារៈធ្វើពីស្បែក និងស្បែកជើង ៩-សំភារៈអគ្គិសនី និងអេឡិចត្រូនិក។

លោកស្រី ជីរ៉ាណាន់ វង្សមង្គល បានបន្ថែមថាៈ គោលបំណងធំ ដែលពួកគាត់មកនេះ គឺមកស្វែងរកដៃគូ ហើយគាត់ក៏បាននាំយកទំនិញ មកដាក់លក់មួយចំនួន ដើម្បីអោយកម្ពុជា បានសាកល្បង។

លោកស្រី បានមានប្រសាសន៍ថាៈ " ខ្ញុំរំពឹងថា នឹងទទួលបានជោគជ័យ ព្រោះខ្ញុំបានណែនាំទៅដល់ ពាណិជ្ជករថៃថា បច្ចុប្បន្ន កម្ពុជា មានការអភិវឌ្ឍល្អ មានសេដ្ឋកិច្ចល្អ នឹងត្រូវតែមានសេដ្ឋកិច្ច រីកទៅមុខ តទៅទៀត ដោយឥឡូវនេះ មានអ្នកវិនិយោគទុន មកពីក្រៅប្រទេសច្រើន ហើយតម្រូវការទិញ របស់របរ ក៏ច្រើនដែរ"៕

ការលក់ ទូរស័ព្ទ HUAWEI G7 កើនឡើងយ៉ាងគំហុក នៅក្នុងប្រទេសកម្ពុជា

E-mail Print PDF

ភ្នំពេញ៖ ការលក់ទូរស័ព្ទ Huawei G7 នៅក្នុងប្រទេសកម្ពុជា បានកើនឡើងយ៉ាងគំហុក ត្រឹមរយៈពេលខ្លីប៉ុណ្ណោះ បើធៀបជាមួយ នឹងទូរស័ព្ទស្មាតហ្វូន ម៉ូឌែលដទៃទៀត ដែលកំពុងដាក់លក់ នៅក្នុងប្រទេសកម្ពុជា។ ក្រុមហ៊ុនហួវៃ បាននិយាយថា ត្រឹមរយៈពេល មួយសប្តាហ៍ដំបូងប៉ុណ្ណោះ HUAWEI G7 នៅកម្ពុជា ត្រូវបានលក់អស់ ២០០០គ្រឿង ស្របពេលដែល ពលរដ្ឋ ជាពិសេសយុវវ័យ កំពុងនិយមប្រើប្រាស់ទូរស័ព្ទស្មាតហ្វូន។

 

Huawei G7 មានកម្រាសស្តើងត្រឹម ៧,៦ មីលីម៉ែត្រ ហើយមានទម្ងន់ស្រាលត្រឹម ១៦៥ក្រាម ជាមួយនឹងការបំពាក់ដោយ អេដ្រយ Kitkat (Adriod 4.4.2) ដែលកំពុងពេញនិយម នៅលើសាកលលោក។ ក្នុងអេក្រង់ទំហំ ៥,៥អ៉ីញ ប្រភេទ HD IPS LTPS Display (1280X720 pixels) ទូរស័ព្ទស្មាតហ្វូន HUAWEI G7 មានអង្គប្រតិបត្តិការ Quad-core Qualcomm MSM8916 12.GHz ដែលមានល្បឿន ខណៈដែលមានអង្គចងចាំ RAM: 2GB ។ វាអាចផ្ទុកទិន្នន័យ 16GB និងអាចបន្ថែម អង្គចងចាំរហូតដល់ 32GB ។ ទូរស័ព្ទនេះ បំពាក់កាមេរ៉ាពិសេស ដែលមានទំហំ 13PM អាចថតរូបបានយ៉ាងច្បាស់ និង កាមេរ៉ាមុខ 5MP ដែលបំពាក់បច្ចេកវិទ្យាថតរូបលឿន ដោយមិនចាំបាច់បើកទូរស័ព្ទ (Ultra snapshot) ផងដែរ។

 

តំណាងក្រុមហ៊ុន ហួវៃនៅកម្ពុជា បាននិយាយថា ត្រឹមតែរយៈពេលខ្លីប៉ុណ្ណោះ Huawei G7 បានទទួលការគាំទ្រយ៉ាងខ្លាំង ពីពលរដ្ឋខ្មែរ ជាពិសេស យុវវ័យ ដែលនិយម ប្រើប្រាស់ទូរស័ព្ទស្មាតហ្វូន ហើយក្រុមហ៊ុនរំពឹងថា ទូរស័ព្ទនេះ នឹងនាំមុខគេ នៅលើទីផ្សារកម្ពុជា សម្រាប់រដូវកាល ឆ្នាំថ្មីនេះ ។

 

Huawei G7 ត្រូវបានប្រកាស ចេញលក់នៅលើទីផ្សារពិភពលោក កាលពីខែតុលា ឆ្នាំ២០១៤ ជាមួយនឹងតម្លៃ ជាង៣០០ដុល្លារ ខណៈដែលកិត្តិនាម របស់ស្មាតហ្វូនហួវៃ ជាប់ចំណាត់ថ្នាក់លេខ៣ នៅលើពិភពលោក នាពេលកន្លងទៅនេះ។ ទន្ទឹមនឹងទទួលបានការកោតសរសើរ ជាទូរស័ព្ទស្មាតហ្វូនតម្លៃទាប ដែលមានគុណភាពខ្ពស់បំផុត លើសកលលោក ទូរស័ព្ទ Huawei G7 ក៏ត្រូវបានដាក់លក់ ក្នុងតម្លៃ ២៩៩ដុល្លារ៕

Photo by DAP-News

Photo by DAP-News

Photo by DAP-News

មិត្តហ្វូនរៀបចំ សន្និសិទកាសែត ដំបូងគេបង្អស់​ ជាលក្ខណៈអន្តរជាតិ ស្តីអំពីសេវាកម្មបន្ថែម VAS

E-mail Print PDF

ភ្នំពេញ៖ កាលពីថ្ងៃទី២ ខែកុម្ភៈ ឆ្នាំ២០១៥ កន្លងទៅ មិត្តហ្វូន បានរៀបចំសន្និសិទកាសែត ជាលក្ខណៈអន្តរជាតិ ដំបូងគេបង្អស់ ស្តីអំពី សេវាកម្មបន្ថែម VAS នៅសណ្ឋាគារ Sofitel ។

សន្និសិទកាសែតនេះ បានដំណើរការប្រកប ដោយជោគជ័យ ដោយមានអ្នកចូលរួមពី បណ្តាលប្រតិបត្តិករ ពីប្រទេសផ្សេងៗជាង១០០ នាក់។ នេះគឺជាលើកដំបូងហើយដែល មានប្រតិបត្តិករ ប្រព័ន្ធទូរស័ព្ទក្នុង ប្រទេសកម្ពុជា ដែលរៀបចំព្រឹត្តិការណ៍ ជាលក្ខណៈ អន្តរជាតិ យ៉ាងដូច្នេះ ដើម្បីជជែកពិភាក្សា អំពីឱកាសសហប្រត្តិការ សម្រាប់ទីផ្សារសេវាកម្ម បន្ថែម VAS។ សន្និសិទកាសែតនេះ បានទាក់ទាញចំណាប់ អារម្មណ៍ប្រត្តិបត្តិករ ដែលកំពុងផ្តល់ សេវាកម្មនេះនៅលើ ទីផ្សារពិភពលោក ដែលប្រតិបត្តិករទាំងនោះ រួមមាន ដូចជា នៅប្រទេស ម៉ាឡេស៊ី ឥណ្ឌា ភូមា វៀតណាម និង បណ្តាលប្រទេស ផ្សេងៗទៀត។

មិត្តហ្វូន ត្រូវបានគេទទួលស្គាល់ថា ជាប្រតិបត្តិករដែល នាំមុខគេក្នុងការផ្តល់ ជូននូវ សេវាកម្មបន្ថែម ដែលមានរហូតទៅ ដល់ប្រមាណ ៥០ សេវាកម្មនេះ ដែលចំនួននេះ គឹវាច្រើនជាង ៣ដង បើប្រៀបធៀប ជាមួយ អ្វីដែលប្រត្តបត្តិករ ដទៃកំពុងផ្តល់ជូន។ សេវាកម្មបន្ថែមទាំងនេះ ត្រូវបានបង្កើតឡើងដើម្បី បំពេញតម្រូវការបន្ថែម របស់អតិថិជន នៅក្នុងប្រទេសកម្ពុជា និង ដើម្បីនាំអិតិថិជនមិត្តហ្វូន ឲ្យកាន់តែជិតស្និទ្ធ ជាមួយសេវា បច្ចេកវិទ្យានាពេលបច្ចុប្បន្ន ដូចជា សេវាកម្មតន្ត្រី សេវាកម្មទស្សនាទរទស្សន៍ HD TV និង សេវាកម្មជាច្រើន ទៀតដែលផ្តល់ នូវសារៈប្រយោជន៍ស្តីពី សុខភាព និង ការអប់រំ ។

មិត្តហ្វូន ក៏បានផ្តោតសំ ខាន់ជាពិសេសផងដែរ ទៅលើសេវាកម្ម 3G  ដែលជានិន្នាការថ្មី មួយនៅក្នុង ឧស្សាហកម្មទូរគមនាគមន៍ នៅក្នុងប្រទេសកម្ពុជា។ សម្រាប់ឆ្នាំ ២០១៤ នេះ ប្រាក់ចំណូលសរុបរបស់ មិត្តហ្វូន បានកើនឡើងប្រមាណ ៣០ លានដុល្លារអាមេរិក។ ចំនួននេះ គឺ ៣០% កើនឡើន បើ ប្រៀបធៀបទៅនឹង ប្រាក់ចំនូលឆ្នាំ ២០១៣។

ជាមួយនឹងគោលដៅ អភិវឌ្ឍន៍ទីផ្សារផ្នែកសេវាកម្មបន្ថែមនេះ មិត្តហ្វូន ផ្តល់ឱកាសដល់ ប្រតិបត្តិករទាំងឡាយ ណាដែលអាចផ្តល់ នូវសេវាកម្មបន្ថែម ដល់អតិថិជន របស់បានពេញលេញ ផងដែរ។ លោក ង្វៀន ដេញ ថាយ អគ្គនាយករងក្រុមហ៊ុន មិត្តហ្វូន រំពឹងទុកថា បន្ទាប់ពីសន្និសិទកាសែតនេះទៅ ដៃគូរប្រតិបត្តិផ្នែក សេវាកម្ម បន្ថែម VAS  នឹងយល់បន្ថែម ទៀតអំពីការបង្កើត គោលការណ៍ផ្សេងៗ របស់សេវាកម្មនេះ និង បង្កើតភាព ជាដៃគូររយៈ ពេលវែងជាមួយ មិត្តហ្វូន ទៅលើទីផ្សារ សេវាកម្មបនែ្ថមនេះ។ លោក  ង្វៀន ដេញ ថាយ ក៏ បានសង្កត់ធ្ងន់ផងដែរថា គោលដៅគន្លឹះ សម្រាប់អ្វីដែលយើងកំពុងធ្វើទាំងអស់នេះ គឺដើម្បី ផ្តល់នូវសេវាកម្ម ដែលមានសារៈប្រយោជន៍ ដល់អតិថិជនរបស់ខ្លួន ដើម្បីឲ្យជីវិតរបស់ពួក កាន់តែងាយស្រួល និង មានព័ត៌មាន គ្រប់គ្រាន់។

ក្នុងអំឡុងពេលសន្និសិទកាសែទនេះ ដៃគូរប្រតិបត្តិសេវាកម្មបន្ថែមនេះ ក៏បានបង្ហាញនូវ សំណើរដ៏មានតម្លៃ របស់ពួកគេ ទៅកាន់អ្នកតំណាង មិត្តហ្វូន ផងដែរ។ ZED  រឺ CENTECH បានលើកមកនូវ ដំណោះស្រាយ ដែលមានភាពច្នៃប្រឌិតមួយ ដែលនាំអោយសន្និសិទកា សែតទាំងមូលផ្តោតទៅលើទស្សនៈវិស័យថ្មី ក្នុងវិស័យ ទូរគមនាគមន៍។ រាល់ដៃគូរទាំងអស់ បានចូលរួមពិភាក្សាចែករំលែក ដោយផ្ទាល់ទៅកាន់អ្នកតំណាងក្រុមហ៊ុន មិត្តហ្វូន ដោយស្តី អំពី ការបង្កើតគោលការនៃ កិច្ចសហប្រតិបត្តិការ និង ការផ្តល់សេវាកម្មបន្ថែមនេះ។ ការ ឆ្លើយតបពីដៃគូរទាំងអស់ គឺមានលក្ខណៈជាវិជ្ជមាន។ ពួកគេទទួលស្គាល់ និង កោតសរសើរ ពីគោលការណ៍ ដែលមានលក្ខណៈច្បាស់លាស់ និង ត្រឹមត្រូវដែលមិត្តហ្វូនបានរៀបចំ ។ ហើយភាគច្រើននៃ ដៃគូរដែលបានចូលរួម ក្នុងសន្និសិទកាសែតនេះ គេបានសំរេចចិត្ត ភ្លាមៗ ធ្វើជាដៃគូរសហការយូរអង្វែង ជាមួយមិត្តហ្វូនបន្ទាប់ សន្និសិទកាសែតបានបញ្ចប់ ។

នៅក្នុងសន្នសិទកាសែតនេះ លោក ស៊ូថាន ដែលជាប្រធានគ្រប់គ្រងការអភិវឌ្ឃន៍ របស់ ZED  បានបង្ហាញអំពីជំនឿរបស់ លោកទៅលើកិច្ចសហប្រត្តិការ ជាមួយ មិត្តហ្វូន ថា “ប្រទេសកម្ពុជា គឺជាទីផ្សារ ដែលមានសក្តានុពល និង កំនើននៃតំរូវការ សេវាកម្មបន្ថែម VAS  គឺមានស្ថេរភាពល្អប្រសើរ។ សហប្រតិបត្តិការ ជាមួយមិត្តហ្វូន ដែលជាប្រតិបត្តិករ ធំជាងគេបំផុតនៅកម្ពុជា នឹងនាំមកនូវភាពជោគជ័យ ដល់ដៃគូរទាំងអស់ ហើយសំខាន់ជាង នេះទៀត គឺ ប្រជាជនកម្ពុជា នឹងទទួលអត្ថប្រយោជន៍ ពីសេវាកម្មដែលមានភាព ឆ្នៃប្រឌិត របស់យើងទាំងអស់គ្នា ៕

Bosch បង្ហាញពីការ រីកលូតលាស់ យ៉ាងឆាប់រហ័ស របស់ខ្លួន

E-mail Print PDF

ភ្នំពេញ៖ ក្រុមហ៊ុន Bosch បានបង្ហាញ ពីភាពជោគជ័យរបស់ខ្លួន អំពីការលូតលាស់ យ៉ាងឆាប់រហ័ស ដោយសារ ការបង្កើតថ្មីនៃបច្ចេកវិទ្យា ជាពិសេសកំណើនផ្នែកលក់ និងកម្រិតទឹកប្រាក់ចំណេញជាដើម នៅក្នុងរយៈពេលចុងក្រោយនេះ។

នាយកប្រតិបត្តិក្រុមហ៊ុន Bosch លោក Denner បានមានប្រសាសន៍ថា «យុទ្ធសាស្រ្ត នៃការបង្កើតឡើងថ្មីនៃបច្ចេកវិទ្យា បានផ្តល់មកនូវលទ្ធផលល្អ ធ្វើឱ្យការប្រកួតប្រជែង និងកេរ្តិ៍ឈ្មោះរបស់ Bosch នៅក្នុងទីផ្សារកាន់តែប្រសើរ»។

លោកបន្តថា ការលក់បានកើនឡើង លើការព្យាករណ៍ គិតជាមធ្យមភាគគឺ ៦.២ ភាគរយ ដល់ ៤៨.៩ ពាន់លានអឺរ៉ូ កម្រិតប្រាក់ចំណេញ ពីការលក់កើនឡើង ជិតមួយភាគរយ គិតជាមធ្យម ភាគគឺដល់ទៅ ៦.១ ភាគរយ។ អាជីវកម្មផ្នែកបច្ចេកវិទ្យាយានជំនិះ មានកើនឡើងទ្វេដង បើប្រៀបធៀប ជាមួយទីផ្សារការទិញ (EBIT) រហូត ដល់ទៅជិត បីពាន់លានអឺរ៉ូ ហើយបើប្រៀបធៀបនឹងប្រាក់ចំណូល គឺមានកម្រិត ៦.១ ភាគរយ។

លោកបណ្ឌិត Volkmar Denner ប្រធានក្រុមប្រឹក្សាភិបាល នៃក្រុមហ៊ុន Robert Bosch GmbH បានមានប្រសាសន៍ថា ‹‹ទោះបីជាស្ថានភាពសេដ្ឋកិច្ចមិនល្អ តែយើងបានសម្រេច គោលដៅអាជីវកម្មរបស់យើងសម្រាប់ឆ្នាំ ២០១៤។ យុទ្ធសាស្រ្តនៃការបង្កើតឡើង ថ្មីនៃបច្ចេកវិទ្យា របស់យើង បានផ្តល់មកនូវលទ្ធផលយ៉ាងវិជ្ជមានហើយភាព ជោគជ័យនៃអាជីវកម្ម របស់យើងប៉ុន្មានឆ្នាំមកនេះ គឺជាភស្តុតាងបង្ហាញនូវលទ្ធផលដ៏វិជ្ជមាន។

លោកបន្តថា លើសពីនេះទៀត ការទិញយកភាគហ៊ុនទាំងស្រុងរបស់ ក្រុមហ៊ុន BSH Hausgeräte GmbH និងក្រុមហ៊ុនZF Lenksysteme GmbH នឹងអនុញ្ញាតឱ្យ Bosch ពង្រឹងជំហរនៅលើវិស័យ ដែលកំពុងរីកចម្រើនពីរ គឺ ផ្នែកគេហដ្ឋាន វៃឆ្លាត (Smart Homes) និងផ្នែកបើកបរដោយស្វ័យប្រវត្តិ។ Bosch Group សម្រេច បានកំណើនការលក់ ១៧ភាគរយ នៅក្នុងតំបន់អាស៊ីប៉ាស៊ីហ្វិក។ បន្ទាប់ពីធ្វើ និយ័តកម្មលើអត្រាប្តូរប្រាក់ កំណើតមានចំនួន ប្រមាណជា ២០ភាគរយ។

នៅទូទាំងពិភពលោក ចំនួនបុគ្គលិករបស់ Bosch Group មានការកើនឡើង ដល់២៩០,០០០ នាក់ ច្រើនជាងកាលពីឆ្នាំមុនដល់ទៅ៩,១០០ នាក់។

ប៉ុន្មានឆ្នាំបន្ទាប់ទៅនេះ Bosch Group មានបំណងចាប់យក ឱកាសអាជីវកម្ម នៅក្នុងវិស័យ បច្ចេកវិទ្យាតភ្ជាប់ ស្វ័យប្រវត្តិកម្ម អគ្គិសនីកម្ម និងប្រសិទ្ធភាព ថាមពល ក៏ដូចជាទីផ្សារ ថ្មីដែលទើបចាប់ផ្តើមរីកចម្រើន។

លោក Denner មានប្រសាសន៍ថា "យើងចង់ដើរតួយ៉ាងសកម្មនៅក្នុង ការផ្លាស់ប្តូរដ៏ធំទូលាយ និងស៊ីជំរៅ នៅក្នុងទីផ្សារបច្ចេកវិទ្យា ហើយយើងត្រៀមខ្លួនជាស្រេច សម្រាប់ពិភពដែលពោរពេញទៅដោយការតភ្ជាប់ ទំនាក់ទំនងរវាងបចេ្ចកវិទ្យា››៕

Photo by DAP-News

ក្រុមហ៊ុនខ្មែរ ប្រ៊ូវើរី លីមីតធីត ឧបត្ថម្ភរថយន្ត មួយគ្រឿង ដល់សាលាខណ្ឌ ពោធិ៍សែនជ័យ

E-mail Print PDF

ភ្នំពេញ៖ ក្រុមហ៊ុនខ្មែរប្រ៊ូវើរី លីមីតធីត នៅថ្ងៃទី២ ខែមករា ឆ្នាំ២០១៥នេះ បានឧបត្ថម្ភ រថយន្តម៉ាក Motor Kia ប្រភេទតោនកន្លះ មួយគ្រឿង ដល់សាលាខណ្ឌ ពោធីសែនជ័យ រាជធានីភ្នំពេញ ដើម្បីសម្រួលដល់កិច្ចការផ្សេងៗ នៅក្នុងមូលដ្ឋាន។

ពិធីនេះ បានធ្វើឡើង ក្រោមអធិបតីភាពលោកឧកញ៉ា លាង ឃុន ប្រធានអគ្គនាយក ក្រុមហ៊ុនខ្មែរប្រ៊ូវើរី លីមីតធីត និងលោក ហែម ដារិទ្ធ អភិបាលខណ្ឌពោធិ៍សែនជ័យ រួមទាំងមន្រ្តីសាលាខណ្ឌជាច្រើនរូប ។

លោកឧកញ៉ា លាង ឃុន ប្រធានអគ្គនាយកក្រុមហ៊ុន ខ្មែរប្រ៊ូវើរីលីមីតធីត បានថ្លែងថា ការឧបត្ថម្ភ រថយន្ត ដល់ សាលាខណ្ឌពោធិ៍សែនជ័យនេះ ជាការរួចចំណែកជាមួយនឹង រាជរដ្ឋាភិបាល ក្នុងការសម្រួល ដល់កិច្ចការផ្សេងៗ របស់សាលាខណ្ឌពោធិ៍សែនជ័យ ។ លោកបានបន្ថែមថា នាពេលកន្លងមក ក្រុមហ៊ុន ខ្មែរប្រ៊ូវើរី លីមីតធីត ក៏ធ្លាប់បាន ធ្វើការឧបត្ថម្ភ យានយន្ត និងសម្ភារផ្សេងៗ ដល់អាជ្ញាធរខណ្ឌ ក្នុងរាជធានីភ្នំពេញ មួយចំនួនទៀត ផងដែរ ។ មិនតែប៉ុណ្ណោះ ក្រុមហ៊ុន ក៏បានចូលរួមចំណែក ជាមួយរដ្ឋាភិបាល ក្នុងការឧបត្ថម្ភ ចូលរួមកម្មវិធី សប្បុរសធម៌ នានា ជាមួយកាកបាទក្រហមកម្ពុជា មន្ទីរពេទ្យគន្ធបុប្ផា រួមអង្គការផ្សេងៗទៀតជាដើម ។

លោក ហែម ដារិទ្ធ អភិបាលខណ្ឌពោធិ៍សែនជ័យ បានថ្លែងអំណរគុណ ដល់ក្រុមហ៊ុនខ្មែរប្រ៊ូវើរី លីមិតធីត ដែលបានឧបត្ថម្ភរថយន្ត ដល់អង្គភាពរបស់លោក ។ លោកថា នេះជាការលើកទឹកចិត្ត ដល់មន្រ្តី ក៏ដូចជាអាជ្ញាធរ ក្នុងការងាយស្រួលក្នុងការបំពេញការងារផ្សេងៗ ដើម្បីបម្រើ ប្រជាពលរដ្ឋ ។

សូមជំរាបថា រថយន្តនេះ មានតម្លៃរថយន្ត Kia ដែលក្រុមហ៊ុនខ្មែរប្រ៊ូវើរី លីមីតធីត ដែលផលិតស្រាបៀរកម្ពុជា ឧបត្ថម្ភនាពេលនេះ មានតម្លៃចំនួន ១៤.៥០០ដុល្លារ សហរដ្ឋអាមេរិក ៕

Photo by DAP-News

Photo by DAP-News

ក្រុមហ៊ុន ជីបម៉ុង ខនគ្រីត បើកសិក្ខាសាលា បង្ហាញ​ បច្ចេកទេសបេតុង សម្រាប់ភាពរឹងមាំ នៃអគារ

E-mail Print PDF

ភ្នំពេញ៖ក្រុមហ៊ុន ជីបម៉ុងខនគ្រីត ដែលជាក្រុមហ៊ុនធំមួយ ក្នុងការផលិតបេតុងលាយស្រេច នៅកម្ពុជា នាថ្មីៗនេះ បានបើកសិក្ខាសាលាមួយ នៅសណ្ឋាគារណាហ្គាវើល ដើម្បីបង្ហាញពី បច្ចេកទេសបេតុង តាមស្តង់ដារត្រឹមត្រូវ ដើម្បីធ្វើឱ្យសំណង់អគារ កាន់តែរឹងមាំ ។

សិក្ខាសាលានេះ មានការចូលរួមពី ភ្ញៀវកិត្តិយសជាវិស្វករសំណង់ ឬអ្នកម៉ៅការសំណង់ ជាច្រើន ដែលមកពីបណ្តាក្រុមហ៊ុននានា នៅក្នុងប្រទេសកម្ពុជា។

លោកឧកញ៉ា លាង ម៉េង អគ្គនាយកក្រុមហ៊ុន ជីបម៉ុងខនគ្រីត បានមានប្រសាសន៍ថា សិក្ខាសាលា ស្តីពីបច្ចេកទេសបេតុង ដែលរៀបចំឡើងពេលនេះ ក្នុងគោលបំណង ផ្សព្វផ្សាយអំពីបច្ចេកទេសថ្មីៗ ក្នុងការប្រើប្រាស់ បេតុងលាយជាស្រេច សម្រាប់វិស័យសំណង់ អគាររឹងមាំ នៅកម្ពុជា ។

លោកឧកញ៉ា លាង ម៉េង បានបន្ថែមថា ក្រុមហ៊ុនជីបម៉ុងខនគ្រីត ជាផ្នែកមួយ របស់ក្រុមហ៊ុន ជីបម៉ុងគ្រុប ដែលត្រូវបានបង្កើតឡើង តាំងពីឆ្នាំ១៩៨២ ដោយអ្នកវិនិយោគទុន ក្នុងស្រុក សុទ្ធសាធ។ ក្រុមហ៊ុនបានរីកចំរើន មកដល់សព្វថ្ងៃ ក្រោមការដឹកនាំដ៏ប៉ិនប្រសព្វ និង យកចិត្ត ទុកដាក់ខ្ពស់ ពីគណៈគ្រប់គ្រង ដែលមានបទពិសោធន៍ យូរឆ្នាំមានគោលការណ៍ ទស្សនៈ វិស័យច្បាស់លាស់ និងយូរអង្វែងដោយធ្វើឲ្យក្រុមហ៊ុន មានកេរ្ត៍ឈ្មោះល្បីល្បាញ និងទទួលបាន ជោគជ័យជាច្រើន នៅក្នុងការប្រកបអាជីវកម្ម របស់ខ្លួន។

គួរបញ្ជាក់ថា ម៉ុងខនគ្រីត ជាក្រុមហ៊ុន ឈានមុខគេក្នុងការ ផ្គត់ផ្គង់បេតុងលាយ ស្រេចនៅកម្ពុជា។ ក្រុមហ៊ុនមានប្រពន្ធ័ គ្រប់គ្រងដោយម៉ាស៊ីន ស្វ័យប្រវត្តិ មកពីប្រទេសអ៊ីតាលី តាមកំរឹតស្តង់ដារ អន្តរជាតិ ទទួលស្គាល់ដោយ ISO:9001-2008 មកពីចក្រភពអង់គ្លេស មានអ្នកបច្ចេកទេស ប្រកបដោយ ជំនាញ និងបទពិសោធន៍ រាប់សិបឆ្នាំ៕

Photo by DAP-NEWS

Photo by DAP-NEWS

Page 4 of 5