left
Safe Home
Safe Home
Safe Home

Dap News...Admin

Friday, Jul 03rd

| English Version | dapnews: 012 571 704, 097 9999 883, email: lim.cheavutha@gmail.com

You are here:

HUAWEI ចាក់ចំបេះដូងយុវវ័យ តាមរយៈបទចំរៀងថ្មី របស់ មាស សុខសោភា

E-mail Print PDF

បទ«ស្នេហ៍អាថ៌កំបាំង» របស់កំពូលតារា មាស សុខសោភា ដែលវ៉ុលវ៉ុល លើទូស័ព្ទ HUAWEI G7 ជាជាងតួប្រុស បាននិងកំពុងចាក់ចំបេះដូង យុវវ័យខ្មែរ នាពេលបច្ចុប្បន្ន។

មាស សុខសោភា បានសំដែងនូវ ការពេញចិត្តប្រើទូរស័ព្ទស្មាតហ្វូន HUAWEI G7 ដូចជា អ៊ិនធើណិតលឿន ថតរូបលឿន ថ្មប្រើបានយូរ និងមានរូបរាងទាក់ទាញ ស្តើង ស្រាល មាំ ជាមួយនឹងតួរទាំងមូលស្រោបលោហៈធាតុ ដែលមាំ ធុន មិនរបកថ្នាំ ឬទុនដោយប្រើជ័រទន់ ឬជ័រស្រួល ឬសម្ភារដែលងាយបែក ឬខូចដោយគ្រាន់តែបាញ់ថ្នាំពណ៌ អ៊ីណុក ដូចម៉ាកផ្សេងៗ ។

ជាពិសេស កាមេរ៉ាកាន់តែអែម ជាមួយនឹងកាមេរ៉ាសែល ហ្វីអស់ទាស់ និងមុខងារទំនើបៗ ថ្មី ។ ចំណែកឯបទ «ស្រឡាញ់គ្នាបានទេ» របស់មាស សុខសោភា គឺជាបទភ្លេងថ្មីប្លែក ជាមួយនឹងបារ៉ូចំរៀងថ្មី ពាក្យពេជន៍ ពេញនិយម ញាក់បែប Remix ដែលរួមសំដែងជាមួយនឹង DJ ក្តិប ហើយ DJ ក្តិប បែរជាស្រលាញ់ ឬ ទាញស្មាតហ្វូន HUAWEI Mate 7 មកប្រើ ជាជាងចាប់អារម្មណ៍លើ មាស សុខសោភា ។

លោក អែម យុទ្ធូ បានផ្តល់បទសំភាសន៍តាមទូរសព្ទ័ថា  «យើងបន្តកិច្ចសហប្រតិបត្តិ និងគាំទ្រ កំពូលតារាចំរៀងលំដាប់មុខលេខ ១ នៅកម្ពុជា ដែលកំពុងឡើង កូដខ្លាំង តាមរយៈគំរោងជាច្រើន ដូចជា ការចូលរួមពិធីសម្ពោធ ផលិតផលថ្មីៗ ការថតរូបពាណិជ្ជកម្ម សំរាប់សំភារៈផ្សព្វផ្សាយពាណិជ្ជកម្ម ប៉ាណូធំៗ បាដាផ្សព្វផ្សាយ តាមបណ្តាញសង្គម វ៉េបសាយ ការឧបត្ថម្ភផលិតបទចំរៀងថ្មីៗ ពេញនិយមរបស់ មាស សុខសោភា យើងសង្ឈឹមថានឹងជួយជំរុញស្មាតហ្វូន HUAWEI កាន់តែល្បឺ ពេញនិយម នឹងអាចក្លាយជាស្មាតហ្វូនឈានមុខ ពេញនិយម និងឈានដល់លំដាប់លេខ ១ នាពេលអនាគត» ។

គួរកត់សំគាល់ថា HUAWEI បានធ្វើឱ្យគ្រប់គ្នាចាង់អារម្មណ៍ តាមរយៈចេញម៉ូដែលថ្មីៗ ដូចជា HUAWEI Mate 7, Honor 6 និងចេញស៊េរីកាច់ៗ ក្នុងឆ្នាំ 2015 ដូចចជា G7, Honor 6 plus, X2, P8, Mate 8, G8 ដើម្បីផ្តួលម៉ាកផ្សេងៗ ជាដើម៕

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News

កិច្ចសហប្រតិបត្តិការ ក្រុមហ៊ុន Huawei ជា​មួយ​នឹង​ក្រសួង​ប្រៃសណីយ៍ និង​ទូរគមនាគមន៍​កម្ពុជា ឈាន​ដល់ ដំណាក់​កាល​ល្អ​ប្រសើរ

E-mail Print PDF

ភ្នំពេញ៖ រដ្ឋមន្រ្តីក្រសួងប្រៃសណីយ៍ និងទូរគមនាគមន៍នៃប្រទេសកម្ពុជា លោក ប្រាក់ សុខុន បានធ្វើដំណើរ ទស្សនកិច្ចទៅកាន់ទី ក្រុងបាសេឡូណា តាមការអញ្ជើញរបស់មហាសន្និបាតទូរស័ព្ទពិភពលោក និងក្រុមហ៊ុន Huawei ដែលមានស្តង់ពិព័រណ៍របស់ខ្លួន នៅទីក្រុងបាសេឡូណា កាលពីថ្ងៃទី ០៣ ខែមីនា ឆ្នាំ ២០១៥ កន្លងទៅនេះ ។

លោក ប្រាក់ សុខុន រដ្ឋមន្រ្តីក្រសួងប្រៃសណីយ៍ និងទូរគមនាគមន៍ បានដឹកនាំគណៈប្រតិភូ ដែលរួមមានតំណាង ចំនួន៨រូប មកពីក្រសួង ប្រៃសណីយ៍ និងទូរគមនាគមន៍ និយតករទូរគមនាគមន៍នៃប្រទេសកម្ពុជា មន្ត្រីនៃវិទ្យាស្ថានជាតិប្រៃសណីយ៍ ទូរគមនាគមន៍ បច្ចេកវិទ្យាគមនាគមន៍ និងព័ត៌មាន បានធ្វើទស្សនកិច្ចនៅពិព័រណ៍មហាសន្និបាតទូរស័ព្ទពិភពលោក រួមទាំងស្តង់ពិព័រណ៍ដ៏ធំរបស់ក្រុមហ៊ុន Huawei ផងដែរ។

គណៈប្រតិភូបានទស្សនាស្តង់ពិព័រណ៍របស់ក្រុមហ៊ុន Huawei និងការធ្វើបទបង្ហាញនានាលើដំណោះស្រាយប្រព័ន្ធ ICT និងផលិតផលថ្មីៗ ទំនើបៗ ជាច្រើន។

បន្ទាប់ពីទស្សនកិច្ចនេះ លោក ប្រាក់ សុខុន បានជួបពិភាក្សា និងសំណេះសំណាល ជាមួយតំណាងកំពូលរបស់ថ្នាក់ដឹកនាំក្រុមហ៊ុន Huawei ប្រកបដោយភាពស្និទ្ធស្នាល លើប្រធានបទ ការធ្វើផែនការអភិវឌ្ឍប្រព័ន្ធ ICT បណ្តាញសុវត្ថិភាពអ៊ីនធើណេត និងការបណ្តុះបណ្តាលធនធានមនុស្ស។

លោក ប្រាក់ សុខុន បានលើកឡើងថា៖ «យើងសូមថ្លែងអំណរគុណចំពោះការរួមចំណែក ដ៏ធំធេងរបស់ក្រុមហ៊ុន Huawei លើវិស័យបច្ចេកវិជ្ជាព័ត៌មាន និងទូរគមនាគមន៍នៅកម្ពុជា និង ជំនួយនានាចំពោះរាជរដ្ឋាភិបាលកម្ពុជា ជាពិសេសក្រសួងប្រៃសណីយ៍ និងទូរគមនាគមន៍។ យើងសង្ឃឹមថា ក្រុមហ៊ុន Huawei នឹងបន្តបំពេញបន្ថែមនូវរាល់តម្រូវការនានារបស់សង្គម ក៏ដូចជាការទទួលខុសត្រូវរបស់ក្រុមហ៊ុន ចំពោះសង្គម (CSR) ផងដែរ។ »
 
នាយកប្រតិបត្តិរបស់ក្រុមហ៊ុន Huawei បានបញ្ជាក់ថា៖ «ក្រុមហ៊ុន Huawei នឹងបំពេញតាមការសន្យា របស់ខ្លួន ដើម្បីធ្វើឱ្យកិច្ចខិតខំប្រឹងប្រែង ក្នុងការផ្តល់នូវដំណោះស្រាយ និងសេវាកម្មនានា នៅក្នុងប្រទេសកម្ពុជាឲ្យមានប្រសិទ្ធភាពខ្ពស់ទ្វេឡើង។ ក្នុងនោះ ក្រុមហ៊ុនក៏បានប្តេជ្ញាចិត្តជាថ្មីទៀត ដើម្បីធ្វើការឲ្យកាន់តែជិតស្និទ្ធជាមួយក្រសួងប្រៃសណីយ៍ និងទូរគមនាគមន៍កម្ពុជា ក្នុងការបង្កើនកិច្ចសហប្រតិបត្តិការលើផ្នែកហេដ្ឋារចនាសម្ព័ន្ធទូរគមនាគមន៍ ពិគ្រោះយោបលពីគោលនយោបាយ ICT និងមន្ទីរបណ្តុះបណ្តាធនធានមនុស្សជាដើម។»

ដំណើរទស្សនកិច្ចរបស់ លោក ប្រាក់ សុខុន មកកាន់ស្តង់ពិព័រណ៍ ធំរបស់ក្រុមហ៊ុន Huawei បានលើកកម្ពស់កិច្ចសហប្រតិបត្តិការ រវាងក្រសួងប្រៃសណីយ៍ និងទូរគមនាគមន៍ និងក្រុមហ៊ុន Huawei ឈានដល់ដំណាក់កាល ថ្មីមួយ កាន់តែប្រសើរឡើងតាមរយៈសមិទ្ធផលនានាជាច្រើននាពេលកន្លងមក៕

Honor 6 Plus ល្បីប្លែកពីគេ ដោយមានកាមេរ៉ាភ្លោះ ផ្នែកខាងក្រោយ

E-mail Print PDF

ភ្នំពេញ៖ Honor 6 Plus ជាស៊េរីចុងក្រោយ របស់ Huawei នឹងមកដល់កម្ពុជា អំឡុងខែមេសា ខាងមុខនេះ ។ ទូរស័ព្ទនេះ កំពុងតែល្បីថា មានរូបរាងស្តើងស្អាតដាច់គេ ជាមួយនឹង កាមេរ៉ាភ្លោះ ផ្នែកខាងក្រោយ ដែលចម្លែកពីទូរស័ព្ទស្មាតហ្វូនដទៃទៀត ។

Honor 6 Plus បានបំពាក់ដោយអេក្រង់ទំហំ ៥,៥អ៊ីញ, ដំណើរការជាមួយ Quad-core processor និងកម្រិត Resolution 1920 x 1080 pixels។  វាភ្ជាប់មក Memory ទំហំ 32GB អាចបន្ថែម microSD Card ពីក្រៅបានទំហំ 128GB ជាមួយ RAM  3GB និងថាមពលថ្ម 3600 mAh។

Honor 6 Plus មានរាងស្តើង ស្រស់ស្អាត ហើយអ្វីដែលពិសេសនោះ គឺវា មានកាមេរ៉ាខាងក្រោយ ភ្លោះជាប់គ្នា dual 8.0 MP BSI camera ដែលវាមាន សមត្ថភាព ក្នុងការ ថតរូប បានយ៉ាងច្បាស់។ កាមេរ៉ាមួយនេះ បានបំពាក់បច្ចេកវិទ្យា F0.95 large aperture ដែលអាចចាប់យករូបភាព បានយ៉ាងច្បាស់ ជាមួយរូបភាព ដែលនៅក្បែរ នោះមានសភាព ព្រិលទៅតាមអ្វីដែលយើងចង់បាន ព្រមជាមួយកាមេរ៉ាផ្នែកខាងមុខ 8.0 MP សំរាប់អ្នកចូលចិត្ត ថតរូបស៊ែលហ្វី។
 
ទូរស័ព្ទនេះ ក៏មាន បំពាក់នូវ បច្ចេកវិទ្យា Dual Sim ដែលវា អាចប្រើប្រាស់ sim card 2 ក្នុងពេលតែមួយបាន យ៉ាងល្អប្រសើរ។ ជាមួយគ្នានេះដែរ សំបករបស់ Honor 6 Plus នេះបាន ប្រើប្រាស់ លោហៈធាតុ ពិសេស ដែលវាមាន ដល់ទៅ 6 ស្រទាប់ឯណោះ ហើយអេក្រង់ របស់វា មានទំហំ ដល់ទៅ 5.5 inch។ ខាងក្រោមនេះ គឺជា របាយការណ៍ បញ្ជាក់ពី លក្ខណៈសម្បត្តិ របស់ Honor 6 Plus។

សូមជំរាបថា Honor 6 Plus នឹងចេញលក់ក្នុងទីផ្សារកម្ពុជាក្នុង  តម្លៃចាប់ពី ៤៥០ ដុល្លារឡើងទៅ៕

Photo by DAP-News

Photo by DAP-News

តម្លៃរបស់ ទូរស័ព្ទ iPhone 6 មានការប្រែប្រួលខ្លាំង នៅលើទីផ្សារកម្ពុជា

E-mail Print PDF

ភ្នំពេញ៖ សព្វថ្ងៃនេះ ក្រឡេកមើលទៅលើទីផ្សារ ទូរស័ព្ទប្រទេសកម្ពុជា បើទោះជាមានការហូរចូលនូវម៉ាកទូរស័ព្ទស៊េរីថ្មីៗ មួយចំនួនច្រើនយ៉ាងណាក៏ដោយ ក៏ទូរស័ព្ទ iPhone 6 គឺនៅតែជាទូរស័ព្ទដែលមានការពេញនិយម ក៏ដូចជាមានការគំាទ្រយ៉ាងខ្លាំងពី សំណាក់អ្នកប្រើប្រាស់ជាច្រើន នេះគឺដោយសារតែវាមានរូបរាងស្អាត ទាន់សម័យ ព្រមជាមួយនឹងបច្ចេកវិទ្យាទំនើប ហើយ និងមានតម្លៃថ្លៃគួរសម្យបើប្រៀបធៀបជាមួយនិងម៉ាកដទៃទៀត។ 

ស្របពេលជាមួយនឹងពេញការនិយម តម្លៃរបស់ទូរស័ព្ទ ស៊េរីទំនើបមួយនេះ នៅតាមក្រុមហ៊ុនធំៗ និង បណ្តា ហាងលក់ទូរស័ព្ទជាច្រើន គឺមានការប្រែប្រួល និងផ្លាស់ប្តូរជារៀងរាល់ថ្ងៃ គួអោយគត់សំគាល់បំផុត។

ដោយឡែកសំរាប់ក្រុមហ៊ុន iOne ដែលជាក្រុមហ៊ុនធំ មានសិទ្ធិនាំចូល និងចែកចាយផលិតផល Apple មកកាន់ទីផ្សារព្រះរាជាណាចក្រកម្ពុជា នៅលើគេហទំព័រ www.ione2u.com របស់ខ្លួន នៅពេលថ្មីៗនេះ ក៏បានបង្ហាញពីការប្រែប្រួលតម្លៃរបស់ ទូរស័ព្ទនេះផងដែរ ក្នុងនោះគឺទូរស័ព្ទ iPhone 6 Gold (64GB) គឺមានតម្លៃត្រឹមតែ 839 ដុល្លារតែប៉ុណ្ណោះ បើធៀបទៅនឹងបណ្តាហាងផ្សេងៗ គឺមានលក្ខណៈសមរម្យជាង ហើយសម្រាប់ទូរស័ព្ទ iPhone 6 Gold(128GB) វិញគឺមានតម្លៃត្រឹមតែ ៩៣៩ ដុល្លារ។ សម្រាប់ ព័ត៌មានលំអិតពីតម្លៃនេះ លោកអ្នកអាចទំនាក់ទំនងក្រុមហ៊ុន iOne តាមរយះទូរស័ព្ទលេខ 023 99 75 75។

សូមបញ្ជាក់ផងដែរថា ទូរស័ព្ទ iPhone 6 ត្រូវបានរចនាជាមួយ និងរូបរាងប្លែកពី iPhone ពីម៉ូដែលមុនៗ វាមានអេក្រង់ទំហំ 4.7 អ៊ីង (Retina Display) អាចទ្រទ្រង់បានជាមួយនឹងទំហំរូបភាព 1080p HD Video និងមានបចេ្ចកវិទ្យា OS ហើយនិងមានថ្មដែលមានទំហំដូចជា iPhone 5s ដែរ។ ទូរស័ព្ទ iPhone 6 ដំឡើងមកជាមួយនូវបន្ទះឈីប A8 អមមកជាមួយនឹងអង្គប្រតិបត្តិការ M8 motion ហើយនិងបានអភិវឌ្ឍន៍បន្ថែមនូវឧបករណ៍សំរាប់ភ្ជាប់ទៅកាន់បច្ចេកវិទ្យា LTE ដែលអីធើណេតមានល្បឿនលឿន រហូតដល់ 150Mbps លើសពីនេះវាក៏អាចទ្រទ្រង់ ជាមួយមួយនឹងបច្ចេកវិទ្យាថ្មី  AC Wi-Fi ផងដែរ៕

Photo by DAP-News

Photo by DAP-News

Photo by DAP-News

យុវតីខ្មែរ មួយចំនួន ចាប់អារម្មណ៍ លើការប្រើប្រាស់ ទូរស័ព្ទ HUAWEI ស៊េរីថ្មី

E-mail Print PDF

ភ្នំពេញ៖ ក្រោយពីទទួលបាន ការគាំទ្រយ៉ាងខ្លាំង នៅកម្ពុជា ពេលនេះ ស្មាតហ្វូនស៊េរីថ្មីរបស់ HUAWEI ត្រូវបានកោតសរសើរ យ៉ាងខ្លាំងថែមទៀត ពីសំណាក់ យុវតីខ្មែរ ទៅលើរូបរាងទាក់ទាញ ប្រកបដោយ បច្ចេកវិទ្យាទំនើប។ យុវតីមួយចំនួន ដែលបានប្រើប្រាស់ ទូរស័ព្ទដៃ HUAWEI ស៊េរីថ្មី បានលើកឡើងថា ទូរស័ព្ទស៊េរីថ្មីទាំងនេះ មានរូបរាងស្តើង ស្រាល ហើយងាយស្រួលប្រើប្រាស់ ដោយមានកម្មវិធីចម្រុះ ជាច្រើនប្រភេទ។

យុវតី លីណា ជានិស្សិតនៅ សាកលវិទ្យាល័យមួយ នៅទីក្រុងភ្នំពេញ ដែលបានប្រើប្រាស់ HUAWEI G7 បាននិយាយថា ខ្លួនត្រូវបានមិត្តភ័ក្តសរសើរ មិនដាច់ពីមាត់ ថាមានភាពសក្តិសម ក្នុងការប្រើប្រាស់ G7បំផុត ដោយសារតែទូរស័ព្ទនេះ ស្តើងស្រស់ស្អាត មានភាពស៊ីវីល័យ សម្រាប់យុវវ័យ ។ លីណា បាននិយាយថា «HUAWEI G7 ថតរូបបានស្អាតណាស់ ដោយកាមេរ៉ាច្បាស់ល្អ មិនថាយប់ថ្ងៃទេ ហើយលឿនមែនទែន ពេលប្រើ អ៉ីនធើណេត និង កម្មវិធីផ្សេងៗទៀត»។

ចំណែកកញ្ញា ទេវី ជាបុគ្គលិកក្រុមហ៊ុន Hello4U ដែលចែកចាយស្រោមទូរស័ព្ទដៃ នៅភ្នំពេញ បានឱ្យដឹងថា រូបនាងបាន ប្រើប្រាស់ទូរស័ព្ទ HUAWEI Mate 7 រយៈពេលជាង ២ខែ មកហើយ។ កញ្ញាបានសម្តែង ការពេញចិត្ត យ៉ាងខ្លាំង ចំពោះការប្រើប្រាស់ទូរស័ព្ទថ្មីនេះ។ កញ្ញា បាននិយាយទាំងទឹកមុខរីករាយថា « សម្រាប់ខ្ញុំ Mate 7 ស្អាតប្លែកមែនទែន ខ្ញុំគិតថាវាពិសេសជាងទូរស័ព្ទដទៃ»។  

Mate7 និង G7 សុទ្ធសឹងតែជាទូរស័ព្ទសេរី ក្រោយមួយ របស់ហួវៃ ដែលបានពេញនិយមយ៉ាងខ្លាំង នៅលើទីផ្សារ ទូរស័ព្ទដៃរបស់ ហួវៃ លើពិភពលោក។ ទូរស័ព្ទ Ascend Mate7 មានអេក្រង់ធំរហូតដល់៦អ៉ីញ នៅលើបន្ទះលោហៈស្ដើង និង ដំណើរដោយអង្គប្រតិបត្តិការខ្លាំង៨core។ ថាមពលថ្មកាន់បានយូរ អាចឲ្យអ្នកប្រើប្រាស់រីករាយ ជាមួយហ្គេម3D និងមើលវីដេអូក្នុងរយៈពេលយូរ។ លើសពីនេះ Ascend Mate7 អាចផ្តិតស្នាមក្រយៅដៃយ៉ាងសុក្រឹត និងរហ័សក្នុងការដោះសោរភ្លាមៗ។ វាមានកាមេរ៉ាទំហំ១៣មេហ្គាភិចសែល និងកាមេរ៉ាមុខទំហំ៥មេហ្គាភិចសែលល្អ សម្រាប់សន្ទនាតាមវីដេអូ។

ចំណែក HUAWEI G7 មានអេក្រង់ធំពេញភ្នែក ទំហំ ៥,៥ អ៉ីញ ប្រភេទ HD IPS LTPS Display (1280X720 pixels) អង្គប្រតិបត្តិការ Quad-core Qualcomm MSM8916 12.GHz ល្បឿនអង្គចងចាំ RAM: 2GB និងទំហំផ្ទុកទិន្នន័យ ROM 16GB និងអាចបន្ថែម អង្គចងចាំរហូតដល់ 32GB ជាពិសេស បច្ចេកវិទ្យាទំនើបៗ នៃកាមេរ៉ា ដែលមានទំហំ 13PM និង 5MP ដោយបំពាក់បច្ចេកវិទ្យាថតរូបលឿន ដោយមិនចាំបាច់បើកទូរស័ព្ទ (Ultra snapshot) ត្រឹមតែ១,៤ វិនាទី កាមេរ៉ាមុខ ថតសែលហ្វីផ្តេកទ្រវែង បានទូលាយច្បាស់ និងកាមេរ៉ា ក្រោយថត Panorama ផ្តេកទ្រវែង និងបញ្ឈរ។

បច្ចុប្បន្នក្រៅពីទូរស័ព្ទហួវៃ ២ប្រភេទនេះ ក៏មានស្មាតហ្វូនហួវៃ មួយចំនួនទៀត ដែលបានពេញនិយមគ្រាន់បើដែរ នៅលើទីផ្សារកម្ពុជា ក្នុងឆ្នាំ ២០១៥ ក្នុងនោះ មានដូចជា Honor 6 plus, X2, P8, Mate 8, G8 ផងដែរ, នេះបើតាមលោក ឯម យុទ្ធូ ប្រធានជាន់ខ្ពស់ផ្នែកទីផ្សាររបស់ក្រុមហ៊ុន Huawei កម្ពុជា។ លោកបាននិយាយថា ក្នុងចំណោម ស្មាតហ្វូនរបស់ ហួវៃទាំងអស់ HUAWEI G7 បានលក់ដាច់ជាងគេ ដោយគ្រាន់តែមួយសប្តាហ៍ដំបូង ប៉ុណ្ណោះ វាលក់អស់ ២០០០គ្រឿង ។

យ៉ាងណាក៏ដោយ ក្នុងថ្ងៃទិវាសិទ្ធិនារីអន្តរជាតិ នៅថ្ងៃទី៨ ខែមីនា ខាងមុខនេះ ក្រុមហ៊ុនក៏បានលើកទឹកចិត្ត អតិថិជនទាំងអស់ ឱ្យទិញទូរស័ព្ទហួវៃស៊េរីថ្មី ដើម្បីធ្វើជាកាដូ ជូនដល់មនុស្សស្រី ដែលខ្លួនស្រឡាញ់ផងដែរ៕

Photo by DAP-News

RMA បង្កើតកម្មវិធី ឱ្យសាធារណជន បើកសាកល្បង រថយន្ត Jaguar និង Rang Rover ស៊េរីថ្មី នៅកោះពេជ្រ

E-mail Print PDF

ភ្នំពេញ៖ ក្រុមហ៊ុនRMA Cambodia ដែលជា ក្រុមហ៊ុនលក់ និងចែកចាយផ្តាច់មុខ រថយន្ត Jaguar និង Rang Rover នៅកម្ពុជា គ្រោងនឹងដាក់ឱ្យសាធារណជន បើកបរសាកល្បង រថយន្តទំនើប ស៊េរីថ្មីចុងក្រោយ របស់ខ្លួន ២ប្រភេទ នៅកោះពេជ្រ នៅថ្ងៃទី២៨ ខែកុម្ភៈ ឆ្នាំ២០១៥ ខាងមុខនេះ ។

ថ្លែងក្នុងសន្និសីទកាសែត នៅព្រឹកថ្ងៃទី២៥ ខែកុម្ភៈ ឆ្នាំ២០១៥នេះ លោក ងន សាំង នាយកប្រតិបត្តិ នៃក្រុមហ៊ុន RMA Cambodia បានឱ្យដឹងថា ការដាក់ឱ្យ សាធារណជន បើកសាកល្បងនេះ ដើម្បីបង្ហាញពីការមកដល់នៃរថយន្ត Jaquar និង Range Rover ស៊េរីថ្មី នៅកម្ពុជា ហើយក៏បញ្ជាក់ឱ្យកាន់តែច្បាស់ថា ក្រុមហ៊ុន RMA តែមួយគត់ ដែលទទួលបានសិទ្ធិ ចែកចាយ ផ្តាច់មុខនូវ រថយន្ត Jaquar និង Range Rover នៅកម្ពុជា ពីក្រុមហ៊ុន Jaquar Land Rover របស់អង់គ្លេស ។ ការដាក់ឱ្យបើកបរសាកល្បងនេះ មានរថយន្តថ្មីប្រភេទ នោះគឺ Jaguar XJ Long Wheelbase និង Range Rover Sport ។

លោកបានបន្ថែមថា ការបង្កើតកម្មវិធីបើកសាកល្បងនេះ ធ្វើទៅតាមតម្រូវការស្តង់ដារ របស់ក្រុមហ៊ុន Jaquar Land Rover ដើម្បីបញ្ជាក់ថា រថយន្ត Jaquar និង Range Rover ត្រូវបានផលិតឡើង ដើម្បីបន្សាំ នឹងស្ថានភាពផ្លូវ និងអាកាសធាតុ នៅកម្ពុជា ។

លោក មាស តុលា ប្រធានប្រតិបត្តិការណ៍ទូទៅJaguar Land Rover បានមានប្រសាសន៍ថា JaguarXJ Long Wheelbase និង Range Rover Sport គឺ ជាប្រភេទរថយន្ត ដែលទំនើប ថ្មីស្រឡាង ហើយពេញនិយមពីសំណាក អតិថិជនគួរឲ្យកត់សម្គាល់។ JaguarXJ Long Wheelbase និង Range Rover Sport គឺជាប្រភេទរថយន្តបែបស៊ីវិល័យ និងមានថាមពលខ្លាំង ប្រកបដោយ ភាពស្រស់សង្ហា រឹងមំារហ័សរហួន រស់រវើកជំនួយដល់អ្នកបើកបរ អាចគ្រប់គ្រង រថយន្ត គ្រប់ស្ថានភាព ដែលធ្វើឲ្យយើងមានទំនុកចិត្តខ្ពស់ រក្សាអារម្មណ៍ឲ្យនឹងធឹង។

លោកបានបញ្ជាក់ដែរថា «ជាទូទៅសម្រាប់ការបើកបរសាកល្បងនោះ គឺយើងធ្វើនូវកំណាត់ ផ្លួវ៥០០ ម៉ែត្រ ជាផ្លូវបទបែនខ្លំាង និងផ្លូវត្រង់សម្រាប់ប្រើនូវសន្ទះ របស់វាដោយចង់ដឹងថា ល្បឿនពីសូនទៅ ១០០គីឡូម៉ែត្រ ត្រូវចំណាយពេលប៉ុន្មាន សេហ្កុង (វិនាទី)»។

សម្រាប់ថ្ងៃសាកល្បងឱ្យបើកបរ រថយន្តថ្មីខាងលើនេះ ក៏មានការដាក់តំាងនូវ រថយន្តទំនើបៗ ចំនួន៤គ្រឿង នៅលើសួនច្បារ Koh Pich CityHall ដោយមាន ការបញ្ចុះតម្លៃ ពិសេស សម្រាប់អតិថិជនដែល មានបំណងចង់ទិញ រថយន្ត ឬកក់រថយន្ត នៅថ្ងៃនោះ៕

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News

ធនាគារ ANZ Royal ចេញផ្សាយ របាយការណ៍ ស្រាវជ្រាវ បរិយាកាស អាជីវកម្មកម្ពុជា

E-mail Print PDF

ភ្នំពេញ៖ធនាគារ ANZ Royal បានចេញផ្សាយ នូវរបាយការណ៍ ស្រាវជ្រាវរបស់ខ្លួន ជុំវិញបរិយាកាស អាជីវកម្មសម្រាប់ ប្រទេសកម្ពុជា ដោយរបាយ ការណ៍នោះ បានឲ្យដឹងថា អាជីវកម្មខ្នាតតូច និងមធ្យម និង វិស័យកសិកម្ម មានភាពប្រសើរឡើង ទៅលើទំនុកចិត្ត ទស្សនៈវិស័យ សម្រាប់រយៈពេល មធ្យម និងរយៈពេលវែង ខណៈអាជីវកម្មខ្នាតធំ មានសុទិដ្ឋិនិយម តិចតួច។

ការកើនឡើង នូវទំនុកចិត្ត របស់អាជីវិកម្ម ខ្នាតតូចឬមធ្យម ខណៈដែល អាជីវកម្មខ្នាតធំ មានភាពសុទិដ្ឋិនិយម តិចតួច

របាយការណ៍របស់ ANZ បញ្ជាក់ថា លទ្ធផលជាមូលដ្ឋាន នៃការស្ទង់មតិ គឺថាអាជីវកម្មខ្នាតតូច និងមធ្យម គឺមានទំនុកចិត្តច្រើនជាងអាជីវកម្ម ខ្នាតធំ ពីព្រោះពួកគេរំពឹងថា នឹងមានកំណើនខ្ពស់ ក្នុងការរកប្រាក់ ចំណេញ-កំណើនតួលេខ មានការកើន ទ្បើងទ្វេដង ។

ជាការពិតទៅ ច្រើនជាង៨០% នៃក្រុមហ៊ុន ទំងអអស់ដែល បានធ្វើការសំភាសន៍ នោះអះអាងថាចំពោះប្រាក់ ចំណេញរបស់ពួកគេ ត្រូវបានគេរំពឹងថា នឹងកើនទ្បើង១០% ឬច្រើនជាងនេះ ក្នុងរយៈពេល១២ខែខាងមុខ ។ លើសពីនេះទៅទៀត គ្រប់វិស័យទំាងអស់នៅតែ មានការរំពឹងទុកខ្ពស់ សម្រាប់វិស័យ របស់ពួកគាត់ឲ្យកាន់តែ ប្រសើរនៅឆ្នាំក្រោយ មានដូចជាការ វិនិយោគកាន់តែច្រើន បច្ចេកវិទ្យាខ្ពស់ ,ផលិតផលមានគុណភាព ,ការផ្គត់ផ្គង់នឹង តម្រូវការមាន កាន់តែច្រើន ទ្បើងនៅលើទីផ្សារ ហើយថែមទំាំង មានការធ្វើកំណែទម្រង់ ទៅលើបទប្បញ្ញតិ្ត នៃអត្រាពន្ធ ។

ទស្សនៈទៅលើ វិស័យឧស្សាហ៍កម្មៈ វិស័យកសិកម្ម នៅតែរក្សាភាព សុទិដ្ឋិនិយមច្រើន សម្រាប់ទស្សនៈវិស័យ ក្នុងឆ្នាំ២០១៥

សេវាកម្ម គឺជាវិស័យតែមួយគត់ ដែលមានទំនុកចិត្ត បន្តធ្លាក់ចុះ ក្នុងរយៈពេល២ត្រីមាស កន្លងមកគឺចាប់ពី៨៥/១០០ ក្នុងខែឧសភា ឆ្នាំ២០១៤ រហូតដល់ ៧៨/១០០ ក្នុងខែធ្នូឆ្នាំ ។ ដោយសារតែកំណើន សេដ្ឋកិច្ចមិនស្មើគ្នា ដែលបានផ្តល់ឲ្យ មានការប្រកួត ប្រជែងខ្ពស់នៅក្នុង វិស័យសេវាកម្ម។

ពិភាក្សាទៅលើប្រាក់ខែ អប្បបរមា - ភាគច្រើនជឿជាក់ថា ប្រាក់ខែអប្បបរមាន នឹងមានការកើនឡើងម្តងតិចៗ

ជារួមអ្នកជំនាញ យល់ព្រមជាមួយ នឹងការ តំទ្បើងប្រាក់ខែអប្បបរមា ។ទោះជាយ៉ាងណាក៏ ដោយ១ក្នុងចំណោម៥ មានក្តីបារម្ភថាវានឹងកាត់ បន្ថយការប្រកួត ប្រជែងរបស់ ប្រទេសកម្ពុជា បើប្រៀបធៀបទៅ នឹងប្រទេសជិតខាង ។

ការសហការគ្នា រវាងគណបក្សកាន់ អំណាច និងគណបក្សប្រឆំាង ត្រូវបានគេទទួល ស្វាគមន៍។ យ៉ាងណាមិញប្រពលរដ្ឋ ក៏នៅតែប្រុងប្រយ័ត្ន ចំពោះផលប៉ះពាល ទំាងស្រុងរបស់ ការសហការនេះផងដែរ ។

ស្ទើរតែ៩ ក្នុងចំណោម ១០ជឿជាក់ថា វាជាការល្អសម្រាប់ ប្រទេសជាតិដែល គណបក្សប្រជាជនកម្ពុជា (CPP) និងគណបក្សសង្គ្រោះជាតិ (CNRP) បានចូលសហការ គ្នានៅក្នុងរដ្ឋសភា ។ ការសហការនេះ ផងដែរត្រូវបានជឿជាក់ថា នឹងនំាមកនូវស្ថេរភាពនយោបាយ ៖ ការថយចុះនូវកដកម្ម បាតុកម្មការកាត់បន្ថយ នូវអំពើពុករលួយ ការកើនទ្បើងនូវទំនួស ខុសត្រូវរបស់រាជរដ្ឋាភិបាល និងផ្តល់មកនូវសក្តានុពលភាព ក្នុងការនំាយកនូវ អ្នកវិនិយោគទុន មកកាន់តែច្រើន ។ តែទោះជាយ៉ាង ណាក៏ដោយ មតិមួយចំនួន នូវតែគិតថាភាព ជោគជ័យដ៏វ័យក្មេង ដែលបង្ហាញពីស្ថេរភាព របស់រាជរដ្ឋាភិបាលនេះ មិនអាចមានន័យទំាងស្រុងថា យើងមានរាជរដ្ឋាភិបាល ដែលមាន ដំណើរការល្អបាននោះទេ ។

អំពើពុករលួយនៅ តែរបាំងទី១ ក្នុងការរារាំងនូវ ការធ្វើអាជីវកម្ម ។ ពន្ធ និងបទប្បញ្ញត្តិក៏ជាបញ្ហាមួយផងដែរ សម្រាប់សហគមន៍ អាជីវកម្ម។

ជារួមកត្តាដែលសំខាន់ បំផុត៥សម្រាប់ ការធ្វើអាជីវកម្ម ឬក៏ជាកត្តាដែលអាចជះឥទិ្ធពល ទៅលើការធ្វើ អាជីវកម្មត្រូវបានរៀបតាម លំដាប់ដូចតទៅ៖ អំពើពុករលួយពន្ធ ហេដ្ឋារចនាសម័្ពន្ធ គុណភាពអប់រំ និងកូដកម្មរបស់ពលករ ក្រមសីលធម៌ការងារ នៃព្រះរាជាណាចក្រកម្ពុជា។ ទស្សនៈផ្សេងៗគ្នា ត្រូវបាន លើកទ្បើងទៅលើ ការធ្វើឲ្យប្រសើរទ្បើង ទាក់ទងទៅបញ្ហា ទំាងអស់នេះ ដោយយើងអាចឃើញ យ៉ាងច្បាស់អំពីភាពល្អប្រសើរក្នុងការរឹតបន្តឹង ទៅលើអំពើពុករលួយ យ៉ាងណាមិញ ការរឹតបន្តឹងបន្ថែមលើស នេះទៅទៀតគឺជាការចំាបាច់។

មនុស្សគ្រប់គ្នា ជាទូទៅហាក់ដូចជារីករាយ នឹងការបង្ក្រាបនូវ ការប្រព្រឹត្តអំពើពុករលួយ ក្នុងការ ប្រលងមធ្យមសិក្សាទុតិយភូមិ ។ក៏ប៉ុន្តែមនុស្សជាច្រើនក៏ជឿជាក់ថា ការបង្ក្រាបនេះគួរតែធ្វើទ្បើង ច្រើនជាងនេះទៅទៀត ក្នុងដំណាក់កាលពីមុនៗមក ។ ផលប៉ះពាល់នៃ សមាហរណកម្មអាស៊ាន គឺនៅតែជាភាពមិន ច្បាស់លាស់ដ៏ ធំមួយ ស្របពេលដែលក្រុមហ៊ុន មួយចំនួន កំពុងតែរង់ចំាយ៉ាងអន្ទះសារ នូវការបន្ថយពន្ធគយ និងទីផ្សារធំជាងមុន ។ ទោះជាយ៉ាងណាក្តីក្រុមហ៊ុន ជាច្រើនក៏ព្រួយបារម្ភ អំពីប្រទេសជិតខាងដែរ ដែលពួកគេហាក់ដូចជា ត្រៀមខ្លួនបានល្អងសម្រាប់ ការប្រកួតប្រជែងនេះ ៕

ក្រុមហ៊ុន Draft Adverting Cambodia ទទួលបានពានរង្វាន់ “The Best Performance in Dell Consumer Business Award”

E-mail Print PDF

បាងកក៖ លោក Chantup Desabaedya ដែលជានាយកគ្រប់គ្រង របស់ក្រុមហ៊ុន Draft Adverting Cambodia ក្រុមហ៊ុន Professional Media Cambodia និងក្រុមហ៊ុន Prakit Advertising (ប្រទេសមីយ៉ាន់ម៉ា) ទទួលបានពានរង្វាន់ “The Best Performance in Dell Consumer Business Award” សម្រាប់ប្រទេសកម្ពុជា ឡាវ និងមីយ៉ាន់ម៉ា ពីអ្នកនាង SadananYodpradoo ប្រធានផ្នែកលក់ប្រចាំតំបន់ ឥណ្ឌូចិន របស់ក្រុមហ៊ុន Dell ផ្នែក Dell Consumer Business ។

ក្រុមហ៊ុន Draft Adverting Cambodia, Professional Media Cambodia និង Prakit Advertising (មីយ៉ាន់ម៉ា) បាននិងកំពុងសហការជាមួយក្រុមហ៊ុន Dell អស់រយៈពេលជាច្រើនឆ្នាំ មកហើយដោយតែងតែ ផ្ដល់សេវាផ្សព្វផ្សាយ ពាណិជ្ជកម្មប្រកប ដោយលក្ខណៈច្នៃប្រឌិត និងប្រសិទ្ធភាពខ្ពស់បំផុត។ បច្ចុប្បន្នផលិតផល Dell មានភាពល្បីល្បាញ និងការគាំទ្រកើនឡើង ជាលំដាប់នៅលើទីផ្សារ ប្រទេសកម្ពុជា មីយ៉ាន់ម៉ា និងឡាវ។ ពានរង្វាន់នេះ បានបង្ហាញឲ្យឃើញថា ក្រុមហ៊ុនទាំងបី គឺជាដៃគូដែល មានជំនាញខ្ពស់លើការផ្គត់ផ្គង់ សេវាផ្សព្វផ្សាយ ពាណិជ្ជកម្មរបស់ Dell ។

គួរបញ្ជាក់ផងដែរថាក្រុមហ៊ុន Draft Adverting Cambodia, Professional Media Cambodia និង Prakit Advertising (មីយ៉ាន់ម៉ា) គឺជាក្រុមហ៊ុនផ្តល់សេវាកម្ម ទំនាក់ទំនងទីផ្សារ និងពាណិជ្ជកម្មអន្តរជាតិ ឈានមុខគេមួយ ដែលតែងតែផ្ដល់ នូវគំនិតច្នៃប្រឌិតល្អៗថ្មីៗ សម្រាប់អតិថិជន ក្នុងការពង្រីកសក្តានុពល ទីផ្សារតាមរយៈការផ្សព្វផ្សាយ ពាណិជ្ជកម្ម ប្រកបដោយប្រសិទ្ធភាពខ្ពស់ ពីបុគ្គលិកជំនាញគ្រប់ផ្នែក សម្រាប់សេវាផ្សព្វផ្សាយ ពាណិជ្ជកម្មរបស់ខ្លួន ៕

កម្ពុជា នាំប្រេងចូល ១,៥៥លានតោន ក្នុងឆ្នាំ២០១៤

E-mail Print PDF

ភ្នំពេញ៖ របាយការណ៍មួយរបស់ ក្រសួងពាណិជ្ជកម្ម កម្ពុជា បង្ហាញថា ប្រទេសកម្ពុជា បាននាំចូលប្រេង ពីបរទេសចប្រមាណ ១,៥៥លានតោន ក្នុងឆ្នាំ២០១៤ ដែលចំនួននេះមានការកើនឡើង ប្រមាណ ១,៣ភាគរយធៀប នឹងឆ្នាំ២០១៣។

របាយការណ៍ដែលចេញ ផ្សាយនៅថ្ងៃពុធនេះ ឱ្យដឹងថា ប្រទេសកម្ពុជា បានចំណាយលុយច្រើនជាង ១,៤៦ពាន់លានដុល្លារ ដើម្បីទិញប្រេងឥន្ធនៈ សម្រាប់ផ្គត់ផ្គង់ ក្នុងប្រទេស ហើយទំហំទឹកប្រាក់នេះ មានការធ្លាក់ចុះប្រមាណ ០,៦ភាគរយ ដែលកាលពីឆ្នាំ ២០១៣ មាន១,៤៧ពាន់លានដុល្លារ ។ តម្លៃប្រេងក្នុង១លីត្រ មានតម្លៃ៣.៦០០រៀល នៅថ្ងៃពុធនេះ ធ្លាក់ចុះពីតម្លៃឆ្នាំមុន ៥.២០០រៀល កាលពីខែតុលា ឆ្នាំមុន ។

ប្រភពដដែលបន្តថា ប្រទេសកម្ពុជា បានទិញប្រេង ពីប្រទេសវៀតណាម សិង្ហបុរី និងប្រទេសថៃ ខណៈប្រទេសនេះ នៅមិនទាន់អាចធ្វើ អាជីវកម្មប្រេង ដោយខ្លួនឯង បាននៅឡើយ ៕

ទំហំពាណិជ្ជកម្ម កម្ពុជា-តួកគី ក្នុងឆ្នាំ ២០១៤ មានចំនួន ១២៤ លានដុល្លារ

E-mail Print PDF

ភ្នំពេញ៖ លោក ពេជ្រ រិទ្ធី អគ្គនាយកពាណិជកម្ម អន្តរជាតិ នៃក្រសួងពាណិជ្ជកម្ម បានឲ្យដឹងថា នៅក្នុងឆ្នាំ២០១៤ កន្លងទៅនេះ ទំហំពាណិជ្ជកម្ម រវាងប្រទេសកម្ពុជា និងប្រទេសតួកគី មានចំនួនប្រមាណ ១២៤លានដុល្លារអាម៉េរិក ។

ថ្លែងនៅក្នុងកិច្ចប្រជុំត្រៀមសម្រាប់ កិច្ចប្រជុំលើកទី១ នៃគណៈកម្មការ ចម្រុះរវាងកម្ពុជា និងតួកគី ដែលភាគីដឹកនាំ ដោយលោក Mustafa Tuzcu អគ្គនាយករង នៃអគ្គនាយកដ្ឋាន ក្រសួងសេដ្ឋកិច្ចតួកគី នៅព្រឹកថ្ងៃទី១០ ខែកុម្ភៈ ឆ្នាំ២០១៥ នាសណ្ឋាគារ លឺរ៉ូយ៉ាល់ លោក ពេជ្រ រិទ្ធី អគ្គនាយកពាណិជ្ជកម្ម អន្តរជាតិ នៃក្រសួងពាណិជ្ជកម្ម បានមានប្រសាសន៍ថា “បើយោងតាមស្ថិតិ របស់ប្រទេសតួកគី បានបង្ហាញថា នៅក្នុងឆ្នាំ២០១៤ កម្ពុជាបាននាំចេញទៅ ប្រទេសតួកគី រហូតដល់ ១១២លានដុល្លារ ហើយប្រទេសតួកគី បាននាំចូលមក ប្រទេសកម្ពុជាវិញ ចំនួនទឹកប្រាក់ប្រហែល ១២លានដុល្លារ អីចឹងយើងនាំចេញទៅ ប្រទេសតួកគី បានច្រើន” ។

លោកបានបញ្ជាក់ថា ផលិតផលកម្ពុជា នាំចេញទៅកាន់ប្រទេស តួកគី គឺមានវិស័យ ខោអាវជាដើម ចំណែកខាងភាគីតួកគី បាននាំចូលមក ប្រទេសកម្ពុជាវិញ មានប្រេងធ្វើរួច, ឱសថ និងសម្ភារៈអំពូលជាដើម។

លោក Selcuk UN ប្រធានផ្នែកនាំចេញទូទៅ របស់ក្រសួងសេដ្ឋកិច្ចតួកគី បានមានប្រសាសន៍ថា ការធ្វើវិនិយោគពាណិជ្ជកម្ម នៅក្នុងប្រទេសកម្ពុជា របស់តួកគី គឺមានចំណុចល្អ ជាច្រើន ។

លោកថា “ចំណុចល្អ ដែលតួកគីមកធ្វើពាណិជ្ជកម្ម នៅក្នុងប្រទេសកម្ពុជានេះ គឺតួកគីបានមើលឃើញថា ការលូតលាស់ ផ្នែកសេដ្ឋកិច្ច របស់ប្រទេសកម្ពុជា បានច្រើន រហូតដល់ទៅ ៧ភាគរយ ដែលចំនួនបានថេរ និងមួយចំណុចទៀត គឺតួកគីបានដាក់ទូត របស់ខ្លួននៅកម្ពុជា ដែលវាមាន លក្ខណៈងាយស្រួល សម្រាប់អ្នកវិនិយោគតួកគី ធ្វើការទំនាក់ទង ជាមួយ” ។

លោក ពេជ្រ រិទ្ធី បានបន្ថែមថា នៅក្នុងថ្ងៃនេះ គឺជាការប្រជុំ របស់គណៈកម្មការ រួមខាងផ្នែកសេដ្ឋកិច្ច រវាងប្រទេសកម្ពុជា និងតួកគី បន្ទាប់ពីចុះហត្ថលេខា លើកិច្ចសហប្រតិបត្តិការ កិច្ចព្រមព្រៀង ពាណិជ្ជកម្ម កាលពីឆ្នាំ២០០២ អីចឹងនេះ គឺជាកិច្ចប្រជុំលើកទី១ ដើម្បីពង្រឹងទំនាក់ទំនង ពាណិជ្ជកម្ម និងវិនិយោគ ក៏ដូចជាពង្រឹង កិច្ចសហប្រតិបត្តិការ លើវិស័យផ្សេងៗទៀត ដូចជា វិស័យទេសចរណ៍, វិស័យដឹងជញ្ជូន, វិស័យកសិកម្ម និងវិស័យ ជាច្រើនទៀត ។

សូមបញ្ជាក់ថា នៅក្នុងកិច្ចប្រជុំថ្ងៃនេះ គឺមិនបានបញ្ជាក់ពី លទ្ធផលអ្វីខ្លះនោះទេ ដោយលទ្ធផលនឹងត្រូវ បានបង្ហាញនៅថ្ងៃទី១១ ខែកុម្ភៈ ឆ្នាំ២០១៥ស្អែកនេះ ៕

ឥឡូវនេះ ស្មាតហ្វូន Lumia 530 អេក្រង់ ៤អ៊ិញ តម្លៃត្រឹម ៧៣ដុល្លារប៉ុណ្ណោះ!

E-mail Print PDF

ភ្នំពេញ៖ ក្នុងចំណោមស្មាតហ្វូន សែស្រឡាយ Lumia ទាំងអស់ បច្ចុប្បន្ននេះ មានតែ Lumia 530 ស៊ីមពីរប៉ុណ្ណោះ មានតម្លៃគួរឲ្យទាក់ទាញ ជាងគេបំផុត គឺត្រូវបានក្រុមហ៊ុនបញ្ចូលទៅ ក្នុងបញ្ជីទូរស័ព្ទ ដែលដាក់លក់ ក្នុងតម្លៃពិសេសត្រឹមតែ $73 ។

យោងតាមក្រុមហ៊ុន Nokia នៅកម្ពុជា បានបញ្ជាក់ថា ការលក់បញ្ចុះតម្លៃ ពិសេសនេះ នឹងផ្តល់ជូនត្រឹមថ្ងៃទី19 ខែកុម្ភៈ ឬអស់ពីចំនួនកំណត់ ហើយកម្មវិធីនេះ ត្រូវបានបង្កើតឡើង ដើម្បីចូលរួមជាមួយ អតិថិជនកម្ពុជា ជាច្រើនដែលនឹងប្រារព្ធ ទិវានៃក្តីស្រលាញ់ និងបុណ្យចូលឆ្នាំចិន ដ៏ខ្លីខាងមុខនេះ ។

Lumia 530 ជាស្មាតហ្វូនស៊ីមពីរ មានលក្ខណៈពិសេស ជាច្រើនដែលក្នុងនោះ រួមមានដូចជា ៖

- ដំណើរការដោយ ប្រព័ន្ធប្រតិបត្តិការ Windows Phone 8.1 ។

- មាន CPU Quad-core processor ដែលធ្វើឲ្យស្មាតហ្វូន ដំណើរការលឿន លេងហ្គែមសប្បាយ និងអានព័ត៌មានតាមបណ្តាញ អ៊ិនធឺណិត បានយ៉ាងស្រួល ។

- មានកម្មវិធី Skype, Microsoft Office, OneDrive តម្លើងរួចជាស្រេច ។ មិនត្រឹមតែប៉ុណ្ណោះ អតិថិជនថែមទាំងអាចទាញ យកកម្មវិធីល្បីៗ ជាច្រើនទៀតមានជាអាទិ៍ Uber, Instagram, WhatsApp, Viber, WeChat និងហ្គេមដូចជា Asphalt 8 ។ល។ ពី Windows Phone Store ។

- មានកម្មវិធីថតរូប និងកែរូបភាពជាច្រើនដូចជា Creative Studio និង Lumia Selfie (សម្រាប់បញ្ជាថតរូបខ្លួនឯង) តាមរយៈកាមេរ៉ា 5 MP ។

-អាចបន្ថែមមែម៉ូរីទំហំ 128 GB និងឃ្លាំងឯកសារក្នុង Cloud (OneDrive) ទំហំ 30GB ថែមទៀត ។

សូមបញ្ជាក់ថា ទូរស័ព្ទ Lumia និង Nokia ផ្សេងទៀត ដែលស្ថិតនៅក្នុងបញ្ជីលក់ ក្នុងតម្លៃពិសេសរហូត ដល់ថ្ងៃទី 19 កុម្ភៈ រួមមាន Lumia 1320, Lumia 525, Lumia 630, Lumia 925, Lumia 625, Nokia XL និង Nokia Asha 503 ៕

Page 4 of 6