left
Safe Home
Safe Home
Safe Home

Dap News...Admin

Friday, May 22nd

| English Version | dapnews: 012 571 704, 097 9999 883, email: lim.cheavutha@gmail.com

You are here:
 
Cellcard

កម្លាំងនគរបាល ចុះបង្រ្កាបទីតាំង ទទួលផលចោរកម្ម ទិញអំបោះ និងកៅស៊ូរឹតចង្កេះខោ

E-mail Print PDF

ភ្នំពេញ៖ កម្លាំងនគរបាល ប៉ុស្តិ៍បឹងកក់ទី១ ខណ្ឌទួលគោក  បានសហការ ជាមួយកំលាំង នគរបាល ខណ្ឌឬស្សីកែវ ដោយមានការអនុញ្ញាតពីលោក សុង លី ស្នងការរង និង ជាប្រធានការិយាល័យ កណ្តាលនគរបាលព្រហ្មទណ្ឌ នៅថ្ងៃទី២០ ខែឧសភា ឆ្នាំ២០១៥ វេលាម៉ោង១០ព្រឹក បានចុះបង្រ្កាបទីតាំង ទទួលផលចោរកម្ម (ទិញអំបោះ និង កៅស៊ូរឹតចង្កេះខោ)  នៅចំណុចផ្ទះលេខ៦៦ ផ្លូវលេខ៥៩៨ ក្រុមទី៥ភូមិ២ សង្កាត់បឹងកក់ទី១ ខណ្ឌទួកគោក ។

 មន្រ្តីនគរបាល មូលដ្ឋាន បានឲ្យដឹងថា ទំនិញទាំងនេះ ត្រូវបាន ចោរលួចពីរោងចក្រកាត់ដេរ «ហាយថាង» នៅក្នុងសង្កាត់ ទួលសង្កែ ខណ្ឌឬស្សីកែវ យកមកលក់ កាលពីថ្ងៃទី០៦ ខែឧសភា ឆ្នាំ២០១៥។

ក្នុងកិច្ចប្រតិបត្តិការនេះ កម្លាំងសមត្ថកិច្ច បានធ្វើការឃាត់ខ្លួនម្ចាស់ទីតាំង ឈ្មោះ ស៊ុន គឹមឆាយ ភេទប្រុស អាយុ៦១ឆ្នាំជនជាតិខ្មែរ មុខរបរ ទិញ-លក់ អំបោះ និងកៅស៊ូរឹតចង្កេះខោ និងដកហូបានកៅស៊ូ រឹតចង្កេះខោចំនួន ១៦ដុំ។

បច្ចុប្បន្ន ជនសង្ស័យ និងវត្ថុតាង បានបញ្ជូនទៅអធិការដ្ឋាន នគរបាលខណ្ឌឬស្សីកែវ ដើម្បីចាត់ការបន្តតាមផ្លូវច្បាប់៕

អង្គភាពរដ្ឋាករ​ ទឹកស្វយ័ត ក្រុងភ្នំពេញ ចុះ កិច្ចសន្យា ជាមួយអតិថិជន បានចំនួន ៧៤៣០៥ បន្ទប់

E-mail Print PDF

ភ្នំពេញ ៖ យោងតាមមន្ដ្រី នៅអង្គភាព រដ្ឋាករទឹកស្វយ័តក្រុងភ្នំពេញ បានឱ្យដឹងថា គិតត្រឹមថ្ងៃទី២០ ខែឧសភា ឆ្នាំ២០១៥ អង្គ ភាពរបស់ខ្លួន បានចុះកិច្ចសន្យាជាមួយអតិថិ ជន ដែលជាម្ចាស់ផ្ទះ និងម្ចាស់ បន្ទប់ជួលបាន ចំនួន៣៨៨៦ម្ចាស់ទីតាំង ស្មើ ៧៤៣០៥ បន្ទប់ ស្មើ ៨២,១២ភាគរយ នៅក្នុងរាជធានី ភ្នំពេញ និងក្រុងតាខ្មៅ ខេត្ដកណ្ដាល ។

មន្ដ្រីដដែលនេះ បានបន្ដថា គិតត្រឹមថ្ងៃ ទី២០ ខែឧសភា ឆ្នាំ២០១៥ អង្គភាពរដ្ឋាករ ទឹកស្វយ័តក្រុង ភ្នំពេញ បានចុះកិច្ចសន្យាជា មួយអតិថិជនបានចំនួន១១៨ម្ចាស់ទីតាំង ស្មើ ២៦១៨បន្ទប់ ។

មន្ដ្រីរូបនេះ បានបញ្ជាក់ផងដែរថា យុទ្ធ នាការចុះកិច្ចសន្យាជាមួយម្ចាស់ទីតាំងនៅ ក្នុងរាជធានីភ្នំពេញ និងក្រុងតាខ្មៅ ខេត្ដ កណ្ដាល និងធ្វើឡើងជាបន្ដបន្ទាប់ រហូតគ្រប់ ចំនួនបន្ទប់ និងផ្ទះជួល ។

មន្ដ្រីបានបញ្ជាក់ យ៉ាងដូច្នេះថា “យើង កំពុងធ្វើ ជាបន្ដបន្ទាប់ទៀត នៅទូទាំងរាជ ធានីភ្នំពេញ ដើម្បីឱ្យម្ចាស់ផ្ទះ ជួលយកតម្លៃ ត្រឹម១២០០រៀល ក្នុងមួយម៉ែត្រគូប ពីអ្នក ជួលបន្ទប់ ភាគច្រើនជាកម្មករកម្មការិនីរោង ចក្រកាត់ដេរ និងសិស្ស និស្សិត ខណៈដែល រដ្ឋាករទឹក បានផ្ដល់តម្លៃត្រឹម១០៣០រៀល ជូន ដល់ម្ចាស់ ផ្ទះជួល”។

ចាប់ពីមានការ អំពាវនាវ របស់ប្រមុខ នៃរាជរដ្ឋាភិបាល សម្ដេចតេជោ ហ៊ុន សែន ឱ្យថ្នាក់ដឹកនាំ ក្រសួងឧស្សាហកម្ម និងសិប្ប កម្ម ជាពិសេសអ្នកប្រតិបត្ដិផ្ទាល់ គឺអង្គភាព រដ្ឋាករទឹកស្វយ័តក្រុងភ្នំពេញ រិះរកមធ្យោ បាយ ផ្ដល់តម្លៃសមរម្យ ទៅម្ចាស់ផ្ទះជួល ហើយឱ្យម្ចាស់ផ្ទះជួលកំណត់យកតម្លៃណា មួយ សម្រាប់អ្នកជួលបន្ទប់ ចៀសវាងការ កំណត់ថ្លៃស្រេចតែចិត្ដ ដូចពេលទៅនោះ អគ្គនាយករដ្ឋាករទឹកស្វយ័តក្រុងភ្នំពេញ លោក ស៊ឹម ស៊ីថា  បានដឹកនាំ មន្ដ្រីរបស់ខ្លួន សហការជាមួយអាជ្ញាធរមូលដ្ឋានរាជធានី ភ្នំពេញ ចុះទៅជួបផ្ទាល់ជាមួយម្ចាស់ផ្ទះ ជួលឬអ្នកជួលផ្ទះតែម្ដង ដើម្បីផ្សព្វផ្សាយពី បញ្ហានេះ ។

វិធានការដែលត្រូវដោះស្រាយបញ្ហា ចំពោះមុខ ត្រូវបានលោកស៊ឹម ស៊ីថា ប្រាប់ ទៅអតិថិជនជាម្ចាស់ផ្ទះជួលឱ្យដឹងថា ចាប់ ពីពេលនេះតទៅ រដ្ឋនិងកំណត់តម្លៃត្រឹម ១០៣០រៀល ក្នុងមួយម៉ែត្រគូប នៃការ ផ្គត់់ផ្គង់ទឹក បានគិតបញ្ចូល ទាំងថ្លៃថែទាំលូ ទឹកស្អុយចំនួន១០ភាគរយថែមទៀត ហើយ ម្ចាស់ផ្ទះជួល ត្រូវកំណត់តម្លៃ ត្រឹម១២០០ រៀល ក្នុងមួយម៉ែត្រគូបជូនដល់អ្នកជួលផ្ទះ ឬជួលបន្ទប់ ។

យោងតាមមន្ដ្រីរដ្ឋាករទឹកស្វយ័តក្រុង ភ្នំពេញ បានឱ្យដឹងថា រហូតមកដល់ពេលនេះ ក្រុមការងារបាននឹងកំពុងធ្វើការ ផ្សព្វផ្សាយ ជាបន្ដបន្ទាប់ ជូនដល់អតិថិជនរបស់ខ្លួននៅ តាមបណ្ដាខណ្ឌរាជធានីភ្នំពេញ ដើម្បីបំពេញ បញ្ជ្រៀបបញ្ហានេះកាន់តែដឹងទូលំទូលាយ ចំពោះដំណោះស្រាយ របស់រាជរដ្ឋាភិបាល លើការផ្គត់ផ្គង់ទឹក ៕

នគរបាលវរះ៨៩១ បន្តចុះល្បាត ក្នុងមូលដ្ឋាន ទប់ស្កាត់បទល្មើស និងរក្សាសន្តិសុខ

E-mail Print PDF

បន្ទាយមានជ័យ ៖ កម្លាំងនគរបាល តាមវរសេនាតូច ការពារព្រំដែន លេខ៨៩១ នៃស្នង ការដ្ឋាន នគរបាល ខេត្តបន្ទាយមានជ័យ បានបន្តចុះល្បាត ក្នុងមូលដ្ឋានរបស់ខ្លួន នា ព្រឹកថ្ងៃទី២១ ខែឧសភា ឆ្នាំ២០១៥នេះ ដើម្បីចូលរួម រក្សាសុវត្ថិភាព និងទប់ស្កាត់បទល្មើស នានាដែល អាចកើតមានឡើង ដូចជា ការលួចឆ្លងដែន ខុសច្បាប់ គ្រឿងញៀន និងចោរកម្ម ជាដើម ។

មន្រ្តីនគរបាល ខេត្តបន្ទាយមានជ័យ បានបញ្ជាក់ថា ដោយមានការណែនាំ ពី សំណាក់ ស្នងការ នគរបាល ខេត្ត លោកឧត្តមសេនីយ៍ អាត់ ខែម លើការពង្រឹងបញ្ហាសន្តិសុខ និង ទប់ស្កាត់បទល្មើសនោះ កម្លាំងនគរបាល តាមវរបានបន្តការងារ របស់ខ្លួនចុះល្បាត ជាប្រចាំងាយស្រួល ជួយអន្តរាគមន៍ នៅពេលមាន បញ្ហាអ្វីកើតឡើងនោះ ។

ជាក់ស្តែង នៅវេលា ម៉ោង០៧៖៤៥នាទី ព្រឹកថ្ងៃទី២១ ខែឧសភា ឆ្នាំ២០១៥ លោកអនុសេនីយ៍ទោ សាត់ស៊ី សុផាន់ណា នាយប៉ុស្តិ៍អូរល្ហុង នៃវរ៨៩១ បានដឹកនាំកម្លាំង ចំនួន០៦នាក់អាវុធ AK០៥ដើម K៥៤មួយដើម សរុបអាវុធ ចំនួន០៦ដើម បានដើរល្បាត តាមខ្សែ បន្ទាត់ព្រំដែន នៅក្នុងភូមិ សាស្ត្រខ្លួន ឃើញថាគ្មាន អ្វីប្រែប្រួលទេ។ កម្លាំងនគរបាល របស់វរ នឹងបន្តការ ចុះល្បាតជាបន្តបន្ទាប់ទៀត នៅក្នុងភូមិសាស្រ្តរបស់ខ្លួន និងជាប្រចាំ៕

យុវជនរងគ្រោះ រី សុភារិទ្ធ ជាប់ពន្ធនាគារ ត្រូវបានដោះលែង

E-mail Print PDF

កំពង់ឆ្នាំងៈ យុវជនរងគ្រោះឈ្មោះ រី សុភារិទ្ធ អាយុ២១ឆ្នាំ មានទីលំនៅភូមិថ្នល់ថ្មី ឃុំជ្រៃបាក់ ស្រុករលាប្អៀរ ខេត្តកំពង់ឆ្នាំង ដែលត្រូវរងគ្រោះ បែកក្បាល រងរបួសយ៉ាងដំណំ ត្រូវតុលាការខេត្តកំពង់ឆ្នាំង បន្តឲ្យជាប់ពន្ធធនាគារ ខណៈសមត្ថកិច្ចកសាងសំណុំរឿង បញ្ជូនទៅសាលាដំបូងខេត្តកំពង់ឆ្នាំង ដើម្បីដាក់ទោសទណ្ឌនោះ នៅរសៀលថ្ងៃទី២០ ខែឧសភា ឆ្នាំ២០១៥ ត្រូវបានដោះលែងឲ្យមានសេរីភាពវិញហើយ បន្ទាប់ពីលោកព្រះរាជអាជ្ញា និងចៅក្រមស៊ើបអង្កេត និងបញ្ជាក់ថាគ្មានកំហុស ។ យុវជនរងគ្រោះ ត្រូវបានអាណាព្យាបាល មកទទួលយកទៅស្រោចទឹក រំដោះគ្រោះលើករាសី និងធ្វើការព្យាបាលបន្ត ។

សូមរម្លឹកថា ជនរងគ្រោះ បានបញ្ជូនទៅធ្វើការវះកាត់ ឈាមកកក្នុងក្បាល នៅមន្ទីរពេទ្យបង្អែកខេត្តកំពង់ឆ្នាំង តាមបទអន្តរាគមន៍ របស់អភិបាលខេត្តកំពង់ឆ្នាំង លោក ឈួរ ច័ន្ទឌឿន កាលពីថ្ងៃទី១៨ ខែឧសភា ឆ្នាំ២០១៥ ។  រឿងរ៉ាវខាងលើនេះ ត្រូវបានគេអះអាងថា ព្រះរាជអាជ្ញា បានបញ្ជូនសំណុំរឿងទៅឲ្យចៅក្រម ដាក់យុវជនរងគ្រោះ ឲ្យជាប់ឃុំកាលពីថ្ងៃទី១៦ ខែឧសភា ឆ្នាំ២០១៥ ។

សូមបញ្ជាក់ថា ក្រុមក្មេងងស្ទាវចំនួន២ក្រុម បានវាយតប់គ្នានិងគប់កែវ ខណៈដណ្តើមស្រីស្នេហ៍ឱបថើប ក្នុងក្លឹបកម្សាន្ត SH Palace កាលពីវេលាម៉ោង១១និង៣៥នាទី យប់ថ្ងៃទី១៤ ខែឧសភា ឆ្នាំ២០១៥ នៅភូមិទួលក្រឡាញ់ សង្កាត់កំពង់ឆ្នាំង ក្រុងកំពង់ឆ្នាំង ។  
តាមរូបភាពរបស់កាម៉េរ៉ាសុវត្ថិភាព និងការអះអាង របស់សន្តិសុខក្លឹប បានបង្ហាញថា ដំបូងឡើយមានយុវជនមួយក្រុម មានគ្នាប្រមាណពី៧ទៅ៨នាក់  និងមួយក្រុមទៀត កំពុងតែផឹកស៊ីនៅក្នុងតុ ដោយមួយក្រុមបណ្តើរស្រីស្នេហ៍ ចូលទៅក្នុងក្លឹប ដោយអង្គុយតុក្បែរគ្នា ក្រុមក្មេងស្ទាវមួយក្រុម ដែលមានគ្នាប្រមាណ៧ទៅ៨នាក់នោះ បានងើបឡើងមកចាប់ កៀកដៃស្រីរូបនោះឱបថើប ទំនងជាស្គាល់គ្នា ឬជាស្រីស្នេហ៍ផងក៏មិនដឹង ទើបបង្ករឿងវាយបតប់គ្នា និងគប់កែវនោះឡើង បណ្តាលឲ្យជនរងគ្រោះ រី សុភារិទ្ធ ដែលអង្គុយតុក្បែរគ្នាមិនដឹងរឿងហេតុអ្វីផងនោះ បែកក្បាលឈាមហូរកក្លាក់ ត្រូវសន្តិសុខគ្រាចេញមកក្រៅ ។

ដោយឡែកក្រុមក្មេងស្ទាវទាំង២ក្រុម ដែលបង្កជម្លោះនោះ ក្រុមសន្តិសុខបានបញ្ជាក់អះអាងថា គេបានឃាត់ខ្លួនបញ្ជូនឲ្យប៉ូលិសភ្លាមៗ នៅខាងមុខក្លឹបចំនួន៤នាក់ ប៉ុន្តែជាក់ស្តែងហេតុការណ៍ខាងលើនេះ នគរបាលកសាងសំណុំរឿង បញ្ជូនទៅសាលាដំបូងខេត្តកំពង់ឆ្នាំង មានតែយុវជន២នាក់ គឺ ១-ឈ្មោះ សុខ ស្រ៊ី អាយុ ១៨ឆ្នាំ មានទីលំនៅភូមិផ្សារលើ សង្កាត់ផ្សារឆ្នាំង ក្រុងកំពង់ឆ្នាំង ២-ឈ្មោះ ឆៃ ហួត អាយុ១៨ឆ្នាំ មានទីលំនៅភូមិកណ្តាល សង្កាត់ផ្សារឆ្នាំង ក្រុងកំពង់ឆ្នាំង និងយុវជនរងគ្រោះ ឈ្មោះ រី សុភារិទ្ធ ផងដែរ ដោយឡែកយុវជន ២នាក់ផ្សេងទៀត ក្នុងនោះម្នាក់ជាជនដៃដល់ ត្រូវនគរបាលដោះលែង មិនបានកសាងសំណុំរឿង តាមនីតិវិធីឡើយ ។ យុវជន រី សុភារិទ្ធ បច្ចុប្បន្ន មានរបួសជាប់ខ្លួន កំពុងជាប់ពន្ធនាគារ អាចនឹងប៉ះពាល់ដល់សរសៃប្រសាទ បើមិនបានព្យាបាលឲ្យបានត្រឹមត្រូវនោះ   ។

ករណីខាងលើនេះ តុលាការខេត្តកំពង់ឆ្នាំង គួរតែមានវិធានការណ៍ និងពិចារណាឲ្យបានត្រឹមត្រូវ បើមិនដូច្នោះទេ ជនដែលគ្មានកំហុស រងគ្រោះបែកក្បាល ហើយបែរជាមានទោសជាប់ពន្ធធនាគារ ពិតជាអយុត្តិធម៌ហើយ ។ រីឯក្រុមក្នេងស្ទាវបង្កទំនាស់ នៅក្នុងហេតុការណ៍នេះ បែរជារួចខ្លួន ដើរសើចក្អាកក្អាយនៅខាងក្រៅទៅវិញ ដើម្បីបង្ហាញការពិត យើងមានវីដេអូឃ្លីប ថតពីកាមេរាសុវត្ថិភាពបញ្ជាក់ជាភស្តុតាង ។  

មជ្ឈដ្ឋានទូទៅ ក៏ដូចជាអាណាព្យាបាល ដែលបានឃើញវីដេអូឃ្លីប ពីកាមេរាសុវត្ថិភាព មានការរិះគន់យ៉ាងខ្លាំង លើស្ថាប័ននគរបាលយុត្តិធម៌ ពិសេសលើអ្នក ដែលកសាងសំណុំរឿង និងធ្វើរបាយការណ៍ដោះលែងជនដៃដល់ឲ្យរួចខ្លួន និងស្ថាប័នតុលាការ ខណៈជនបង្ករួចខ្លួន ឯជនរងគ្រោះដេកគុក ដោយមានរបួសឈាមកកក្នុងក្បាលយ៉ាងធ្ងន់ធ្ងរ ។

ប្រជាពលរដ្ឋ នៅក្នុងខេត្តកំពង់ឆ្នាំង បន្ទាប់ពីដឹងរឿងរ៉ាវខាងលើនេះ បានសម្តែងការខកចិត្ត ចំពោះចំណាត់ការរបស់ ស្ថាប័ននគរបាលយុត្តិធម៌ និងសំណូមពរដល់ លោក ឈួរ ច័ន្ទឌឿន អភិបាលខេត្តកំពង់ឆ្នាំង ចាត់ការលើមន្ត្រីនគរបាល ដែលកសាងសំណុំរឿងខុសប្រក្រតី និងដោះលែង ជនដៃដល់ ។ ក្នុងនាមមន្ត្រីនគរបាលយុត្តិធម៌ គួរតែគោរពច្បាប់ ក្រមសីលធម៌  ដើម្បីជាគំរូល្អដល់អ្នកជំនាន់ក្រោយ ៕

Photo by DAP-News

Photo by DAP-News

Photo by DAP-News

ស៊ីម៉ាក និងសមត្ថកិច្ច ខេត្ដកណ្ដាល ចុះ ស្រង់យកគ្រាប់ MK82 ទម្ងន់ ២២៧គីឡូ ក្រាម ក្នុងទឹកទន្លេមេគង្គ

E-mail Print PDF

ភ្នំពេញ ៖  កម្លាំងមជ្ឈមណ្ឌលកំចាត់មីន កម្ពុជា  ហៅកាត់ថា ស៊ីម៉ាក បានសហការ ជាមួយកម្លាំង សមត្ថកិច្ច ខេត្ដកណ្ដាល បាន បើកប្រតិបត្ដិការ ចុះស្រង់គ្រាប់បែក ម៉ាកMK82 សម្រាប់ទម្លាក់ ពីលើយន្ដហោះ របស់សហរដ្ឋអាមេរិក ចេញពីទឹកទន្លេមេគង្គ ក្នុងភូមិល្វាសលើ ឃុំល្វាស ស្រុកល្វាឯម ខេត្ដកណ្ដាល កាលពីវេលាម៉ោង៩និង៣០នាទីព្រឹកថ្ងៃទី២១ ខែឧសភា ឆ្នាំ២០១៥។

ប្រភពព័ត៌មានពីសមត្ថកិច្ចខេត្ដកណ្ដាល បានឱ្យដឹងថា កម្លាំងប្រតិបត្ដិការជិត១០នាក់ បានប្រើកាណូត ពីរគ្រឿង ចុះស្រង់យកគ្រាប់បែកមួយគ្រាប់នេះ ដែលមានទម្ងន់ ៥០០ផោន ស្មើ២២៧គីឡូក្រាម ប្រវែង២.២២ម៉ែត្រ មុខកាត់ ២៧៣មិល្លីម៉ែត្រ ។

សមត្ថកិច្ចបានបញ្ជាក់ថា កាលពីអំឡុងខែមេសា ឆ្នាំ២០១៥ មានប្រជាពលរដ្ឋអ្នកនេសាទ បានបង់ សំណាញ់ ស្រាប់តែប្រទះឃើញ គ្រាប់ដ៏ធំមួយនេះ នៅក្នុងទឹកទន្លេមេគង្គ ទើបរាយការណ៍សមត្ថកិច្ច ហើយសមត្ថកិច្ច ខេត្ដកណ្ដាល ក៏រាយការណ៍ខាងស៊ីម៉ាក ។

នៅពេលនោះ ក្រុមមុខទឹករបស់ស៊ីម៉ាក បានមកសាកល្បងម៉ាស៊ីនមុខទឹក ដើម្បីរាវរកគ្រាប់ នៅតាមដង ទន្លេមេគង្គហើយ ក៏បានបើកប្រតិបត្ដិការ ចុះរាវរកនិងស្រង់គ្រាប់ដ៏ធំមួយនេះ ក្នុងជំរៅទឹក៥ម៉ែត្រ មកដាក់លើគោក ។

ក្រោយពីស្រង់គ្រាប់រួចហើយ ក្រុមការងារ បានដឹកយកគ្រាប់ទៅកាត់ក្បាល នៅចំណុចបឹងជោរជន់ ក្នុងឃុំល្វាស មុនពេលដឹកយកទៅរក្សា នៅកន្លែងស៊ីម៉ាក ។

សភាស្នើទៅ EU ឲ្យជួយរៀបចំប្រព័ន្ធ IT ដើម្បីធានាអព្យាក្រឹត្យភាព ក្នុងការបោះឆ្នោត

E-mail Print PDF

ភ្នំពេញ ៖ តំណាងសភាកម្ពុជា លោក ឈាន វុន ប្រធានគណៈកម្មការទី៥ និងតំណាងសមាជិកគណៈកម្មការទី១ និង ទី៦ បានស្នើទៅសហគមអឺរ៉ុប (EU) ឲ្យជួយរៀបចំប្រព័ន្ធព័ត៌មានវិទ្យា (IT) ដើម្បីធានាអព្យាក្រឹក្យភាព ក្នុងការបោះ ឆ្នោតជាតិ ។

ការស្នើសុំនេះធ្វើឡើង នៅក្នុងជំនួបរវាង លោក ឈាង វុន តំណាងសភាកម្ពុជា និងលោក ស៊ីល វីយ៉ូ ហ្គុនសាតូ ប្រធាននាយកដ្ឋានទទួលបន្ទុក ផ្នែកសិទ្ធមនុស្ស និងប្រជាធិបតេយ្យ នៃសេវាកម្មទំនាក់ទំនង ខាងក្រៅរបស់ EU  នៅ ព្រឹកថ្ងៃទី២១ ខែឧសភា ឆ្នាំ២០១៥នេះ ។

ថ្លែងក្រោយជំនួបចប់ លោក ឈាង វុន បញ្ជាក់ថា «ទី១ គឺឲ្យគាត់ជួយ (EU) ពីប្រព័ន្ធ IT ថ្មី ដែលអាចធានា ដល់ការចូលរួមការគោរពសិទ្ធប្រជាពលរដ្ឋ ក្នុងការបោះឆ្នោតហ្នឹង ឲ្យបាន ១០០ភាគរយ។ ហើយក្នុងនោះមានទាំងម៉ាស៊ីន កំណត់អត្តសញ្ញាណប្រជាពលរដ្ឋ ពេលទៅបោះឆ្នោត ធានាមិនឲ្យមានឈ្មោះ ស្ទួន ធានាមិនឲ្យប្រជាពលរដ្ឋបោះ ឆ្នោតបានពីរដងជាដើម»។  ជាការឆ្លើយតប លោក ស៊ីល វីយ៉ូ ហ្គុនសាតូ បានប្រាប់ទៅលោក ឈាង វុន វិញថា ការ ស្នើសុំនេះ មានខ្លឹមសារ ប្រហាក់ប្រហែលគ្នានឹងការស្នើសុំរបស់ស្ថាប័នគ.ជ.ប ។

នៅក្នុងជំនួបនៅព្រឹកមិញនេះដែរ EU ក៏បានជួបដាច់ដោយឡែក ជាមួយលោក សុន ឆ័យ អនុប្រធាន គណៈ កម្មការ ទី២រដ្ឋសភា និងជាអតីតសមាជិកក្រុមការងារ វិសោធកម្មច្បាប់បោះឆ្នោត។ លោក សុន ឆ័យ បានឲ្យក្រុមអ្នកសារព័ត៌ មានដឹងថា ក្នុងជំនួននោះ EU នឹងជួយរៀបចំការងារបោះឆ្នោតនៅកម្ពុជា ឲ្យមានលក្ខណៈត្រឹមត្រូវ ដោយសហការ រៀបចំជាមួយប្រទេសជប៉ុន ។

លោកថា «ជំនួបព្រឹកមិញនេះ ដើម្បីសួរយោបល់រួមថា តើក្រុមបច្ចេកទេសការងារ បោះឆ្នោត អាចធ្វើការលើផ្នែកអី ជាចម្បង ពាក់ព័ន្ធការងារបោះឆ្នោតហ្នឹងហើយ យើងនៅមានការខ្វល់ខ្វាយ លើបញ្ហាអ្វីខ្លះ ដើម្បីឲ្យដំណើរការកំណែ ទម្រង់នេះ ប្រព្រឹត្តទៅដោយជោគជ័យ» ។

លោក ស៊ីល វីយ៉ូ ហ្គុនសាតូ កំពុងបំពេញទស្សនកិច្ច នៅកម្ពុជា ចាប់ពីថ្ងៃទី១៩ ដល់ថ្ងៃទី២២ ខែឧសភាឆ្នាំ ២០១៥ នៅក្នុងពេលបំពេញទស្សនកិច្ចនេះ លោក ស៊ីល វីយ៉ូ ហ្គុនសាតូ បានជួបជាមួយគណៈ កម្មាធិការជាតិ រៀបចំការ បោះឆ្នោត លោក ស ខេង រដ្ឋមន្ត្រីក្រសួងមហាផ្ទៃ លោក កឹម សុខា អនុ ប្រធានគណបក្សសង្គ្រោះជាតិ និងអនុ ប្រធានសភា ៕

អាជ្ញាធរខណ្ឌដូនពេញ ចុះបង្ក្រាបទីតាំង បើកហ្គេម ដកហូតបាន៣៥ទូ

E-mail Print PDF

ភ្នំពេញ ៖  អាជ្ញាធរខណ្ឌដូនពេញ ដឹកនាំ ដោយលោកចាន់ បណ្ឌិត នាយករងរដ្ឋបាល សាលាខណ្ឌ នៅរសៀលថ្ងៃទី២១ ខែឧសភា ឆ្នាំ២០១៥នេះ បានចុះទៅបង្ក្រាបទីតាំងលួច បើកហ្គេមមួយកន្លែង ស្ថិតនៅផ្ទះលេខ១៥៧ ផ្លូវលេខ៦៣ សង្កាត់ចតុមុខ ខណ្ឌដូនពេញ ។

ក្នុងប្រតិបត្ដិការចុះបង្ក្រាបទីតាំងលួច បើកហ្គេមខាងលើនេះ កម្លាំងអាជ្ញាធរនិង សមត្ថកិច្ចបានដក ហូតទូហ្គេម ចំនួន៣៥ទូ យកមករក្សាទុកនៅសាលាខណ្ឌ ដើម្បីរង់ ចាំការវាយបំផ្លាញចោលនៅ ពេលខាងមុខ។

សូមបញ្ជាក់ថា កាលពីពេលថ្មីៗនេះ អភិ បាលខណ្ឌដូនពេញ លោកគួច ចំរើន បានបង្ហាញវិធានការ ដ៏ម៉ឺនម៉ាត់ចំពោះការបង្ក្រាបនិងបញ្ចប់ទីតាំងបើកហ្គេមទាំងអស់ នៅក្នុងទឹកដី ខណ្ឌដូនពេញ មិនឱ្យបន្ដដំណើរ ការអាជីវកម្មទៀតឡើយ ។ ប៉ុន្ដែសម្រាប់ ទីតាំងហ្គេម ចំនួន៣៩កន្លែងដែលកំពុង ដំណើរការនៅក្នុងខណ្ឌដូនពេញនោះ ត្រូវបាន លោកគួច ចំរើន អះអាងថា មិនទាន់ចប់សុពលភាព នៃច្បាប់សុំបើកអាជីវកម្ម ហើយកាលណាអស់សុពលភាពភ្លាម នោះអាជ្ញាធរនិងចុះទៅបិទនៅពេលនោះដែរ ។

គ.ជ.ប៖ បទបញ្ជា និងនីតិវិធី​នៃ​ការ​បោះ​ឆ្នោត​រៀប​ចំ​ឡើង​បា​​ន​៨០​ភាគ​រយ

E-mail Print PDF

ភ្នំពេញ៖ អ្នកនាំពាក្យគណៈកម្មាធិការជាតិ រៀបចំការបោះឆ្នោត (គ.ជ.ប) លោក ហង្ស ពុទ្ធា បានថ្លែងឲ្យដឹង ក្រោយពីសមាជិក គ.ជ.ប បានបញ្ចប់កិច្ចជំនួបជាមួយ គណៈប្រតិភូជប៉ុន នៅព្រឹក ថ្ងៃទី២១ ខែឧសភា ឆ្នាំ២០១៥ ថា សេចក្ដីព្រាងច្បាប់ស្ដីពី បទបញ្ជាផ្ទៃក្នុង និងនីតិវិធីនៃការបោះឆ្នោត សម្រេចបានប្រមាណ៨០ភាគរយហើយ ។

 លោក ហង្ស ពុទ្ធា បានមានប្រសាសន៍ប្រាប់អ្នកសារព័ត៌មាន នៅទីស្ដីការ គ.ជ.ប ថា “ សេចក្ដីព្រាងប្រមាណ៨០ភាគរយ គឺយើងបានធ្វើរួចហើយពាក់ព័ន្ធនឹង បទបញ្ជា និង នីតិវិធីនៃការបោះឆ្នោត ហើយជប៉ុនក៏ជំរុញចង់ឲ្យ ទទួលបានសេចក្ដីព្រាងនេះឲ្យបានឆាប់ ពីព្រោះជប៉ុន មានឆន្ទៈពិតប្រាកដណាស់ ក្នុងការជួយដល់ការបោះឆ្នោតនៅកម្ពុជា”។

លោកក៏បានបន្ថែមថា ជប៉ុននឹងជួយទៅលើបញ្ហាធំៗចំនួន៣សំខាន់ ក្នុងនោះរួមមាន ទី១-ការចុះឈ្មោះបោះឆ្នោត, ទី២- ការបណ្ដុះបណ្ដាលធនធានមនុស្ស និងការផ្សព្វផ្សាយព័ត៌មានដល់ប្រជាពលរដ្ឋ, និងទី៣-ជប៉ុនចង់ចូលរួមក្នុងកំណែទម្រង់ បទបញ្ជា និង នីតិវិធីផងដែរ។

សូមបញ្ជាក់ថា រហូតមកថ្ងៃទី២០ ខែឧសភា គ.ជ.បថ្មីនេះ ទើបតែបានបំពេញ ការងារតែ១ខែប៉ុណ្ណោះ ហើយគ.ជ.ប មានការងារជាច្រើនដេលត្រូវធ្វើ ដើម្បីត្រៀមរៀបចំ ការចុះឈ្មោះបោះឆ្នោត និងបង្កើតបញ្ជីបោះឆ្នោត ថ្មីឆ្នាំ២០១៦សម្រាប់បម្រើឲ្យ ការបោះឆ្នោតឃុំ-សង្កាត់នៅដើមឆ្នាំ២០១៧ និងការបោះឆ្នោតជ្រើសតាំងតំណាងរាស្រ្ត នៅឆ្នាំ២០១៨នាពេលខាងមុខ៕

Cisco និង Campura សហការ​គ្នា​បង្ហាញ​នូវ​បច្ចេក​វិទ្យា​ជឿន​លឿន​ចុង​របស់ Cisco

E-mail Print PDF

ភ្នំពេញ៖ ក្រុមហ៊ុន Cisco ដែល ឈានមុខគេខាងផែ្នកបច្ចេកវិទ្យាព័ត៌មាន ហើយបច្ចុប្បន្ននេះកំពុងបង្កើន សមត្ថភាព និងប្រសិទ្ធភាពនៃហេដ្ឋារចនាសម្ព័ន្ធ ដ៏សំខាន់ដើម្បីបំពេញតំរូវការអតិថិជន។ ថ្ងៃទី២១ ខែឧសភា ឆ្នាំ២០១៥ នេះ Cisco បាននាំមកនូវ សិក្ខាសាលារបស់ខ្លួន មកកាន់ប្រទេសកម្ពុជា ដែលស្តីអំពី “Cisco Enterprise Network“ ដែលមានគោលបំណងដើម្បីបង្ហាញ Solutions មួយចំនួនរបស់ Cisco ដែលមាន ការជឿនលឿន សម្របខ្លួនទៅតាមការ វិវត្តនៃបច្ចេកវិទ្យា ។

 រួមជាមួយគ្នា Cisco និងក្រុមហ៊ុន Campura Triangulum Corporation ត្រូវបានប្រារព្ធសិក្ខាសាលា មូយឡើងនៅសណ្ឋាគារសណ្ឋាគារ រ៉ាសហ្វល ឡឺរ៉ូយ៉ាល់ (Raffles Hotel Le Royal) រាជធានីភ្នំពេញ នៅថ្ងៃទី ២១ ខែឧសភា ឆ្នាំ២០១៥ ដោយមានអ្នកចូលរួមយ៉ាងច្រើនកុះករពីសំណាក់អតិថិជន ពីអង្គការនានានិង ពីសំណាក់វិនិយោគិន ជាច្រើនទៀត គ្រប់វិស័យ ។

លោក Tom Koenig អ្នកគ្រប់គ្រងតំណាងអោយក្រុមហ៊ុន Cisco បានថ្លែងថា: «មនុស្សជាច្រើនពឹងផ្អែកលើបច្ចេកវិទ្យាដើម្បីគ្រប់គ្រងអាជីវកម្មរបស់ខ្លូន ហើយ វាជាសរសៃឈាមនៃសេដ្ឋកិច្ចនិង សំខាន់សម្រាប់គាំទ្រដល់អាជីវកម្មរបស់ពួកគេ។ មួយផ្នែកដ៏សំខាន់នៃសិក្ខាសាលានេះគឺបានបង្ហាញពី អត្ថប្រយោជន៍ Cisco Enterprise Network ដែលជាផលិតផល ប្រើបច្ចេកវិទ្យាខ្ពស់ក្នុងការគ្រប់គ្រងប្រពន្ធ័ ទំនាក់ទំនង បានល្អជាងគេ ហើយ វិនិយោគិនទាំងអស់នឹងមានប្រៀបលើដៃគូរ របស់ខ្លួនព្រមទាំងឈានមុខគេក្នុងការទទួលបាននូវឱកាស នៃការធ្វើវិនិយោគ ដោយសារតែការ ផ្តល់ នូវសេវាកម្មយ៉ាងឆាប់រហ័ស ព្រមទាំងគុណភាពខ្ពស់របស់ Cisco។ លោកក៏បានបន្តទៀតថា Cisco តែងតែព្យាយាមរិះរកបច្ចេកវិជ្ជាថ្មីៗ ដើម្បីធ្វើយ៉ាងណាអាចជួយសំរួលដល់តំរូវការផ្នែកពាណិជ្ជ កម្មពីសំណាក់អតិថិជនពីគ្រប់តំបន់”។

 លោក Sokleap Bun ដែលជានាយកគ្រប់គ្រងផ្នែក Pre-Sales របស់ក្រុមហ៊ុន Campura បានមានប្រសាសន៍ថា “ខ្ញុំមានសេចក្តីសោមនស្សរីករាយក្នុងការធ្វើការជាមួយ Cisco ផ្ដល់ឱ្យយើងនូវដំណោះស្រាយដ៏ល្អបំផុតដែលយើងអាចផ្តល់ជូនដល់អតិថិជនរបស់យើងហើយ Cisco ជាផលិតផលលេខមួយ ក្នុងពិភពលោក ដែលត្រូវបានទទួលស្គាល់ថាជាផលិតផលដែលមានប្រសិទ្ធភាពក្នុងកាផ្តល់នូវ Solution ផ្នែកគ្រប់គ្រងប្រពន្ធ័ Network, Security, Collaboration, និង Solution មួយចំនួនទៀត។ហើយលើសពីនេះ Campura ក៏មានអ្នកបច្ចេកទេសដែលមានជំនាញពិតប្រាកដដែលមានការទទួលស្គាល់ពី Cisco ដើម្បី ផ្តល់អោយ អតិថិជននូវសេវាកម្មល្អ មានគុណភាព និងភាពជាដែគូរយូរអង្វែងជាមួយអតិថិជន ផ្ទាល់ផងដែរ។

 Campura គឺជាក្រុមហ៊ុន ដែលបានចុះបញ្ជីក្នុងស្រុកតាំងពី ឆ្នាំ២០០៧ ដែលមានបទពិសោធន៍ យ៉ាងទូលំទូលាយនៅក្នុងចំណែកទីផ្សារនិងកេរ្តិ៍ឈ្មោះសម្រាប់ការ ត្រូវបានត្រង់ក្នុងការផ្តល់សេវាកម្ម។ ហើយបានសហការ ជាមួយក្រុមហ៊ុនឈានមុខគេខាងផ្នែកបច្ចេកវិទ្យា ជាច្រើន នៅលើពិភពលោក ដើម្បីផ្តល់នូវ ដំណោះស្រាយ និង សេវាកម្មផ្នែកព័ត៌មានវិទ្យាទៅកាន់ក្រុមហ៊ុន ទូរគមនាគន៍ក្រុមហ៊ុន ផ្តល់សេវាកម្ម អ៊ីធឺណេត ស្ថាប័នហរិញ្ញវត្ថុ ធនាគារ រោងចក្រ និងក្រុមហ៊ុនធំៗជាច្រើន។ ដើម្បីជួយ ឲ្យមានការ រីកចម្រើនលូតលាស់ខាងតម្រូវការលើផ្នែកព័ត៌មានវិទ្យា នៅក្នុងទីផ្សារប្រទេសកម្ពុជា។ក្រុមហ៊ុន Campura ក៏ផ្គត់ផ្គង់ផងដែនូវផលិតផលជាច្រើន រួមមានបច្ចេកវិទ្យា Network and Security Management, Communication Solution, Business Operation Management, Data Storage, Server/Storage Virtualization, Applications, Backup & Recovery និង Datacenter ផងដែរ៕

រដ្ឋមន្រ្តី ការបរទេស កោះហៅតំណាង អង្គការមកបំភ្លឺរឿង ទិទៀនសេចក្តីព្រៀងច្បាប់

E-mail Print PDF

ភ្នំពេញ៖ ឧបនាយករដ្ឋមន្ត្រី ហោ ណាំហុង រដ្ឋមន្រ្តីក្រសួងការបរទេស និង សហប្រតិបត្តិការ អន្តរជាតិ នាព្រឹកថ្ងៃទី២១ ខែឧសភា ឆ្នាំ២០១៥ បានកោះហៅ តំណាងអង្គការ អន្តរជាតិ ចំនួនប្រាំ ដើម្បីបំភ្លឺជុំវិញ និងការទិទៀនរាជរដ្ឋាភិបាលកម្ពុជា ពាក់ព័ន្ធ និងសេចក្តីព្រៀង ច្បាប់ស្តីពី សមាគម និងអង្គការមិនមែនរដ្ឋាភិបាល។

ឧបនាយករដ្ឋមន្ត្រី ហោ ណាំហុង បានមានប្រសាសន៍ ក្រោយជំនួបនោះថា អ្នកតំណាង អង្គការអន្តរជាតិចំនួន៤ គឺតំណាង ការិយាល័យឧត្តមស្នងការ ទទួលបន្ទុកសិទ្ធិមនុស្ស តំណាងអង្គការយូនីសែហ្វ តំណាង UNFPA និងតំណាងអង្គការ UN Women បានសរសេរិះគន់ រាជរដ្ឋាភិបាលកម្ពុជា អំពីសេចក្តី ព្រៀងច្បាប់ស្តី ពីសមាគម និងអង្គការ មិនមែនរដ្ឋាភិបាល ដែលបានផ្សាយ នៅក្នុងកាសែតភ្នំពេញប៉ុស្តិ៍ កាលពីថ្ងៃទី១២ ខែឧសភា ឆ្នាំ២០១៥។

ឧបនាយករដ្ឋមន្រ្តី ហោ ណាំហុង មានប្រសាសន៍បន្តទៀតថា លោកបានប្រាប់ទៅ តំណាងអង្គការអន្តរជាតិទាំង៤ នោះថា អ្នកទាំងអស់ជាភ្នាក់ងារ អង្គការសហប្រជាជាតិ មកបំពេញភារកិច្ចតួនាទីនៅកម្ពុជា ត្រូវតែគោរព តួនាទីរបស់ខ្លួន ដោយគោរពតាម អង្គការសហប្រជាជាតិ និងកាតព្វកិច្ច ដោយមិនរំលោភ និងជ្រៀតជ្រែកកិច្ចការ ផ្ទៃក្នុងរបស់រាជរដ្ឋាភិបាលកម្ពុជា លោកបាន បន្តទៀតថា ខាងតំណាង អង្គការអន្តរជាតិទាំង៤ បានឆ្លើយតបថា គេធ្វើដើម្បីការពារ កិច្ចសហប្រតិបត្តិការជាមួយ អង្គការនានា ឧបនាយករដ្ឋមន្ត្រី បានតបវិញថា ការដែល សរសេរទិទៀនរាជរដ្ឋាភិបាលកម្ពុជា អំពីពង្រៀងច្បាប់ស្តីពីអង្គការនេះ តើពាក់ព័ន្ធ និងការការពារ សិទ្ធិកុមារឬទេ? ពាក់ព័ន្ធនិងផ្នែកយ៉ែនឌ័រដែរឬទេ? ពាក់ព័ន្ធនិងផ្នែកសិទ្ធិ មនុសដែរឬទេ និងពាក់ព័ន្ធទៅ និងផ្នែកពលរដ្ឋដែរឬទេ ក្នុងលិខិតរបស់ថ្នាក់ដឹកនាំ របស់អង្គការទាំងនេះ ក៏បានសរសេរបញ្ជាក់ផងដែរ ពេលមកបំពេញភារកិច្ច គឺពុំមានពាក្យ ណាមួយ អនុញ្ញាត ឱ្យទិទៀនរាជរដ្ឋាភិបាលក្រៅពី វិស័យរបស់ខ្លួននោះទេ។

ឧបនាករដ្ឋមន្ត្រីបាន សង្កត់ធ្ងន់ថា រាជរដ្ឋាភិបាលកម្ពុជា ធ្វើពង្រៀងច្បាប់នេះ ពុំមែន ប្រឆាំងនិង NGO ជាតិ អន្តរជាតិ អង្គការក្រៅរដ្ឋាភិបាលជាតិ និងអន្តរជាតិ និងសង្គមស៊ីវុល ជាតិ និងអន្តរជាតិនោះទេ សេចក្តីព្រៀងច្បាប់នេះគឺ ចង់ឱ្យមានតម្លាភាពក្នុងអង្គការ សង្គមស៊ីវិល ឱ្យដូចគ្នា និងតម្លាភាពរបស់រាជរដ្ឋាភិបាលដែរ៕

ក្រុមការងារ ចុះជួយខេត្តត្បូងឃ្មុំ បើកកិច្ចប្រជុំ ត្រួតពិនិត្យ និងគាំទ្រការ អនុវត្តកម្មវិធី នយោបាយ និងយុទ្ធសាស្ត្រចតុកោណ ដំណាក់កាលទី៣

E-mail Print PDF

ត្បូងឃ្មុំ ៖ ក្រុមការងារថ្នាក់ជាតិ ចុះជួយខេត្តត្បូងឃ្មុំ កាលពីវេលាម៉ោង៨ព្រឹក ថ្ងៃទី២១ ខែឧសភា ឆ្នាំ២០១៥ បានបើកកិច្ចប្រជុំ បូកសរុបលទ្ធផល កាងារត្រីមាសទី១ និងទិសដៅ អនុវត្តបន្ត ឆ្នាំ២០១៥ របស់ក្រុមការងារ ដើម្បីត្រួតពិនិត្យ និងគាំទ្រការអនុវត្តកម្មវិធី នយោបាយ និងយុទ្ធសាស្ត្រចតុកោណ ដំណាក់កាលទី៣ របស់រាជរដ្ឋាភិបាលកម្ពុជា ។

 ពិធីនេះ បានធ្វើឡើង ស្ថិតក្រោមអធិបតីភាពដ៏ខ្ពង់ខ្ពស់ លោក ជា សុផារ៉ា រដ្ឋមន្ត្រីក្រសួង អភិវឌ្ឍន៍ជនបទ លោក វង សូត រដ្ឋមន្រ្តីសង្គមកិច្ច លោក សាយ សំអាល់ រដ្ឋមន្រ្តី ក្រសួងបរិស្ថាន និងលោក ប្រាជ្ញ ច័ន្ទ អភិបាល ខេត្តត្បូងឃ្មុំ ព្រមទាំងប្រធាន អនុប្រធាន ក្រមការងារថ្នាក់ជាតិ ចុះជួយក្រុងស្រុក និងក្រុមការងារ ខេត្តក្រុងស្រុកជាច្រើននាក់ផ្សេងទៀត៕

Page 8 of 355