Dap News...Admin

ភ្នំពេញៈ លោក គិត សុផា អនុប្រធានអចិន្ត្រៃយ៍ គណៈកម្មាធិការ គណបក្សប្រជាជនកម្ពុជា ខណ្ឌពោធិ៍សែន ជ័យ និងជាអភិបាល នៃគណៈអភិបាលខណ្ឌពោធិ៍សែនជ័យ បានអញ្ជើញទៅជួបសំណេះសំណាល ជាមួយ សមាជិក សមាជិកា គណបក្សប្រជាជន សង្កាត់ពន្សាំង ប្រមាណជាជិត ១០០០នាក់ ក្នុងនោះ លោកបានណែ នាំពីចំណុចសំខាន់ៗមួយចំនួន ដល់ប្រធានក្រុម ត្រូវខិតខំនិងពង្រីកសមាជិក របស់ខ្លួនបន្ថែមទៀត ជាពិសេស នោះ លោកបានណែនាំដល់ប្រធានក្រុម១០ ឲ្យចេះរៀបចំបញ្ជីស្នាម ឲ្យបានត្រឹមត្រូវ ។ ដែលពិធីនេះប្រព្រឹត្តទៅ កាលពីព្រឹកថ្ងៃទី ១៨ខែឧសភា ឆ្នាំ២០១៣ ស្ថិតនៅក្នុងបរិវេណ ស្នាក់ការគណបក្សសង្កាត់ពន្សាំង។

នាឱកាសនោះ លោក គិត សុផា បានលើកឡើងថា ក្នុងនាមបងប្អូនជាសមាជិកសកម្ម ដែលជាប្រធានក្រុមនោះ ត្រូវតែចេះការងារបញ្ជីស្នាម ក៏ដូចជាការកសាងសមាជិកបក្ស និងចេះណែនាំ និងមើលសមាជិកបក្សរបស់ខ្លួន ដែលជួបបញ្ហា ដោយប្រការណាមួយ ត្រូវរាយការណ៍មកគណបក្សសង្កាត់ ឲ្យជួយរកដំណោះស្រាយ ប្រសិន បើថ្នាក់សង្កាត់ដោះស្រាយ មិនបានត្រូវប្រញាប់រាយការណ៍ មកថ្នាក់ខណ្ឌបន្តទៀត ដើម្បីបានជួយដល់អ្នកដែល ជួប បញ្ហាទាំងនោះ មិនត្រូវទុកឲ្យសមាជិកមួយណា រស់នៅដោយលំបាកនោះទេ ។ ហើយម្យ៉ាងវិញទៀត ប្រសិនបើ មានសកម្មជនគណបក្សមួយណា គេហ៊ានមកនិយាយរិះគន់ និងវាយប្រហារទៅលើគណបក្ស ប្រជាជននោះ គឺជា ជាសមាជិកត្រូវតែចេះវាយបតទៅវិញភ្លាមៗ កុំទុកឲ្យគេនិយាយ តាមតែអំពើចិត្តនោះ។

លោក គិត សុផា បានរំលឹដែរថា គោលជំហរ របស់គណបក្សប្រជាជន គឺការពារបូរណភាពទឹកដី ស្វែងរកសន្តិ ភាពជូនប្រជាជន ជាពិសេសមកដល់ពេល គឺអភិវឌ្ឍន៍ប្រទេសជាតិ ហើយលោកក៏បានកោតសរសើរផងដែរ ដល់សមាជិក សមាជិកា គណបក្សប្រជាជនសង្កាត់ពន្សាំង ដែលការបោះឆ្នោតជ្រើសរើ ក្រុមប្រឹក្សាសង្កាត់កន្លង មក ធ្វើឲ្យគណបក្សប្រជាជនកម្ពុជា កើនបាន១កៅអីថែមទៀត ។

លោកបន្ថែមទៀតថា គណបក្សប្រជាជនបានដឹក នាំប្រទេសជាតិឆ្ពោះទៅរកភាពរុងរឿង បានស្ថាបនានូវ សមិទ្ធិផលថ្មីកើតឡើង ជាបន្តបន្ទាប់  ទន្ទឹមនឹងនោះដែរ  គណបក្សប្រជាជនបានបង្កើន នូវគោលនយោបាយ ចាស់ លើសកម្មភាពថ្មីលើវិស័យដីធ្លី បានបង្កើតនូវក្រុមនិស្សិតស្ម័គ្រចិត្ត ដើម្បីជួយពន្លឿនការចុះវាស់វែង ផ្តល់ កម្មសិទ្ធិដីធ្លីជូនប្រជាពលរដ្ឋ ដែលចំណុចកន្លងមក ប្រទេសជាតិ ពុំដែលបានអនុវត្តន៍នោះទេ ៕

ភ្នំពេញ ៖នៅព្រឹកថ្ងៃទី ១៨ ខែឧសភា ឆ្នាំ២០១៣ នៅភូមិថ្មី សង្កាត់ទៀន ខណ្ឌដង្កោ បានរៀបចំពិធីសម្ពោធដាក់ឲ្យប្រើប្រាស់ ជាផ្លូវការ ផ្លូវក្រាលខ្សាច់សមួយខ្សែ ក្រោមអធិបតីភាព លោក នុត ពុធដារ៉ា អនុប្រធានក្រុមការងារចុះជួយខណ្ឌដង្កោ និងជាប្រធានគណៈកម្មាធិការ គណបក្សខណ្ឌដង្កោ និង លោក យ៉ា គឹមអ៊ី សមាជិកគណៈ អចិន្ត្រៃយ៍គណៈកម្មាធិការ បក្សរាជធានីភ្នំពេញ និងជាអនុប្រធានក្រុមការងារចុះជួយខណ្ឌដង្កោ។

មានប្រសាសន៍ សំណេះសំណាល ជាមួយបងប្អូនប្រជាពលរដ្ឋ ជាសមាជិកសមាជិកា គណបក្សប្រជាជនកម្ពុជា ដែលមានវត្តមានចូលរួម ប្រមាណ ១៥០០ មកពី ភូមិទាំង៦ ក្នុងសង្កាត់ទៀន នាពេលនោះ លោក នុត ពុធដារ៉ា បានលើកឡើងពីការអភិវឌ្ឍរបស់ប្រទេសជាតិ ក្រោមការដឹកនាំរបស់គណបក្សប្រជាជន ដែលមាន សម្តេច ទាំង បីជាប្រមុខ ដែលមិនត្រឹមតែបានរំដោះជាតិ ឲ្យរួចផុតពីការកាប់សម្លាប់ របស់បនប្រល័យពូជសាសន៍ ប៉ុល ពត ហើយថែមទាំង បាននាំយកមក នូវសន្តិភាពយ៉ាងពេញបរិបូរណ៍ ការបង្រួបបង្រួមជាតិ និងការអភិវឌ្ឍ លើគ្រប់វិស័យ គួរជាទីមោទនៈ។ តួយ៉ាងថ្ងៃនេះ ផ្លូវក្រាលខ្សាច់ស មួយខ្សែដែលជា អំណោយដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន តាមរយៈ លោក យ៉ា គឹមអ៊ី ដែលជាសមិទ្ធផលថ្មីមួយទៀតរបស់គណបក្សប្រជាជនកម្ពុជា មិនដូចគណបក្សប្រឆាំងដែលតែងតែធ្វើនយោបាយប្រជាភិថុត ហើយសន្យាខ្យល់ ដើម្បីចង់បានអំណាចផ្ទាល់ខ្លួន។

លោក យ៉ា គឹមអ៊ី ក៏បានធ្វើការថ្លែង នូវការក្រើនរំលឹក ដល់បងប្អូនប្រជាពលរដ្ឋ ជាសមាជិកគណបក្សប្រជាជនទាំងអស់សូមមេត្តាបោះឆ្នោតជូនគណបក្សប្រជាជន នាថ្ងៃទី២៨ ខែកក្កដា ឆ្នាំ២០១៣ ខាងមុខ ដើម្បីឲ្យគណបក្សប្រជាជនកម្ពុជាមានលទ្ធភាពបន្តការអភិវឌ្ឍប្រទេសជាតិជាបន្តបន្ទាប់ទៀត ពោលគឺ «បើស្រលាញ់ បើអាណិត បើពេញចិត្ត បើជឿទុកចិត្ត សម្តេចតេជោ ហ៊ុន សែន សូមបោះឆ្នោតជូនគណបក្សប្រជាជនកម្ពុជា»      « បោះឆ្នោតជូនគណបក្ស ប្រជាជនកម្ពុជា គឺ បោះឆ្នោតជូនខ្លួនឯង»។

ជាមួយគ្នានោះ គណៈអធិបតីក៏បានប្រគល់ជូននូវវត្ថុអនុស្សាវរីយ៍ជូនដល់ សមាជិកសមាជិកាដែលបានចូលរួមប្រមាណ១៥០០នាក់ ក្នុងម្នាក់ទទួលបាន ប៊ីចេង ២កញ្ចប់ និងថវិកា១ម៉ឺនរៀល ។ គួរបញ្ជាក់ថា ផ្លូវក្រាលខ្សាច់សមួយខ្សែនេះមានប្រវែង ១០៥០ ម៉ែត្រ ទទឹង ៥ម៉ែត្រ តភ្ជាប់ពីផ្លូវលេខ ២០A ចុះទៅភូមិថ្មី និងភូមិថ្ម ចំណាយថវិកាស្ថាបនា ១៥.០០០ ដុល្លារអាមេរិក ៕

ភ្នំពេញ ៖ កម្លាំងនគរបាលប៉ុស្ដិ៍ផ្សារ ថ្មីទី២ សហការជាមួយកម្លាំងការិយាល័យ  ការសម្អាតប្រាក់ មន្ទីរប្រឆាំងគ្រឿងញៀន ក្រសួងមហាផ្ទៃ ដឹកនាំដោយតំណាង អយ្យការ អមសាលាដំបូង រាជធានីភ្នំពេញ កាលពីវេលាម៉ោង២១ថ្ងៃ ទី១៧ ខែឧសភា ឆ្នាំ២០១៣ បានធ្វើការ ឆែកឆេរផ្ទះសំណាក់គង់ហង្ស ដែលមានទី តាំងលេខ១៧-១៩ ផ្លូវលេខ៨១ សង្កាត់ផ្សារ ថ្មីទី២ ខណ្ឌដូនពេញ ។

លោក សាន សុធី នាយការិយាល័យការ សម្អាតប្រាក់មន្ទីរប្រឆាំងគ្រឿងញៀនក្រសួង មហាផ្ទៃបានឱ្យដឹងថា នៅក្នុងប្រតិបត្ដិ ការចុះឆែកឆេរផ្ទះសំណាក់ សមត្ថកិច្ចរបស់ លោកបានឃើញម្ស៉ៅពណ៌ស ០៣កញ្ចប់តូច ជញ្ជីកាស្យូ សម្រាប់ថ្លឹងថ្នាំញៀន២ រកឃើញ នៅក្នុងបន្ទប់លេខ៣០៣-២០៤ និង២០៧ ហើយឃាត់ខ្លួនជនសង្ស័យ ៦នាក់ ។

លោកបានបន្ដថា ម្ចាស់ផ្ទះសំណាក់ខាង លើនេះ មានឈ្មោះ ណុប ដារ៉ា ភេទប្រុស អាយុ៤២ឆ្នាំ ។

បច្ចុប្បន្នជនសង្ស័យទាំង៦នាក់ រួមជា មួយម្ចាស់សំណាក់ខាងលើ ត្រូវបញ្ជូនទៅ កាន់ការិយាល័យប្រឆាំងការសម្អាតប្រាក់នៃ មន្ទីរប្រឆាំងគ្រឿងញៀនក្រសួមហាផ្ទៃ ដោយឡែកបន្ទប់៣ខាងលើ ត្រូវបានបិទជា បណ្ដោះអាសន្ន ៕

ភ្នំពេញ ៖ ប្រធានគណបក្ស ប្រជាជនកម្ពុជា ខណ្ឌមានជ័យ លោក គួច ចំរើន និងលោក ជា មុនី ព្រមទាំងលោក សេង សាញ់ ប្រធានគណបក្ស សង្កាត់ស្ទឹងមានជ័យ នៅព្រឹកថ្ងៃទី១៨ ខែឧសភា ឆ្នាំ២០១៣នេះ បានជួបសំណេះសំណាល ជាមួយ សមាជិកបក្ស មេគ្រួសារ បក្ស ប្រធានក្រុមបក្ស ភូមិទ្រា១ សង្កាត់ស្ទឹងមានជ័យ ប្រមាណ៨០៦ នាក់ ។ លោក គួច ចំរើន បានរំលឹក ពីការតស៊ូ សង្រ្គោះជាតិ និងធ្វើឲ្យប្រទេសជាតិ រស់សារជាថ្មី និងមានមុខមាត់ មកដល់ ថ្ងៃនេះ គឺដោយសារ សម្តេចទាំងបី ដែលជាអ្នក ដឹកនាំដ៏ ឆ្នើមនៃគណបក្សប្រជាជន កម្ពុជា។

លោកបានសង្កត់ថា «យើងកុំភ្លេចថា ថ្ងៃ ៧មករា គឺជាថ្ងៃដែលយើង រស់ឡើងវិញ ។ ពួក ប្រឆាំងបានតែ សន្យាបោកប្រាស់ ពេលមានបញ្ហា ដាក់មេប្រូច រត់បាត់អស់ហើយ» ។

លោក គួច ចំរើន បានផ្ដាំផ្ញើ ដល់ប្រធានក្រុម បក្ស មេគ្រួសារបក្ស សង្កាត់ស្ទឹងមានជ័យ ទាំងអស់ ឱ្យខិតខំពង្រឹង សមត្ថភាព ផ្ទាល់ខ្លួន ដើម្បីក្លាយ ជាពលរដ្ឋល្អ ត្រូវប្រព្រឹត្ដ តែអំពើល្អ មិន ត្រូវប្រកាន់បក្ខពួក និន្នាការ នយោបាយ បែងចែក ពណ៌សប្បុរ សាសនា ដែលនាំឱ្យ បែកបាក់ និងបង្កអស្ថេរភាព ក្នុងសង្គម ។

លោក ក៏បានរំលឹកផងដែរ ឱ្យប្រធានក្រុម ទាំងអស់ អនុវត្ដតាម គោលការណ៍ គ្រប់គ្រងខ្លួនឯង គឺត្រូវ ស្គាល់ពី តួនាទី និងភារកិច្ចរបស់ ខ្លួន ដែលត្រូវ បំពេញ និងប្រព្រឹត្ដ តែអំពើល្អ ដើម្បីធ្វើជាគំរូ ដល់កូនក្រុមរបស់ខ្លួន ព្រម ទាំងត្រូវចេះស្គាល់ កូនក្រុម របស់ខ្លួនឲ្យច្បាស់ តាមរយៈ ការសិក្សា ស្រាវជ្រាវបន្ថែម ត្រូវមានអត្តចរិក ស្លូតបូត តែម៉ឺងម៉ាត់ក្នុងការងារ និងត្រូវចេះវាយបកទៅលើ ក្រុមអគតិ បានតែថា មិនឃើញធ្វើអ្វីសោះនោះ ជាពិសេសត្រូវចេះផ្សព្វផ្សាយ នូវគោលនយោបាយ ដ៏ល្អរបស់បក្ស។

លោក គួច ចំរើន ក៏បានស្នើឲ្យមេគ្រួសារ ត្រូវ ចេះណែនាំប្រពន្ធ-កូន ញាត្ដិ មិត្ដ បងប្អូនឱ្យ ប្រព្រឹត្ដ តែអំពើល្អ ចេះគោរច្បាប់ឱ្យ ជៀសវាង នូវអំពើអបាយមុខ ផ្សេងៗ និងត្រូវចេះយក អាសារ អ្នកជិតខាងដោយ មិនរើសអើង និងចេះ ជួយដល់ កូនក្រុមរបស់ ខ្លួន ទាំងអស់ដែល មានទុក្ខលំបាក ដឹងសុខ ដឹងទុក្ខ និងជួយណែនាំឱ្យកូន ក្រុមរបស់ខ្លួន ប្រព្រឹត្ដតែ អំពើល្អ រួមចំណែកការពារ និង អនុវត្ដនូវភូមិ-ឃុំ សុវត្ថិភាពឲ្យ បានល្អប្រសើរ ជូនដល់ប្រជាជន។

ខណៈនោះដែរ លោកប្រធាន គណបក្សប្រជាជន ខណ្ឌមានជ័យ បានផ្តាំផ្ងើនូវ ពាក្យស្លោក មួយបានពោលថា បើស្រលាញ់ បើអាណិត បើពេញចិត្ត បើជឿទុកចិត្ត សម្តេចអគ្គសេនាបតីតេជោ ហ៊ុន សែន សូមបោះឆ្នោត ជូនគណបក្ស ប្រជាជនកម្ពុជា  ដើម្បីបន្តអភិវឌ្ឍន៍ ប្រទេសជាតិឲ្យកាន់តែរីកចំរើនសំបូរណ៍សប្បាយ ។ បោះឆ្នោតជូនគណបក្ស ប្រជាជនកម្ពុជា គឺបោះឆ្នោតឲ្យខ្លួនឯង។

ជាមួយគ្នានេះ ប្រធានគណបក្សប្រជា ជន ខណ្ឌមានជ័យ លោក គួច ចំរើន បាន ចំណាយពេលវេលា ចុះទៅជួប និងសួរសុខ ទុក្ខ ព្រមទាំងចែកអំណោយ ដល់សមាជិក សមាជិកា ក៏ដូចជាប្រជាពលរដ្ឋនៅទូទាំង ខណ្ឌមានជ័យទាំងអស់ ហើយលោកនឹងបន្ដ ទៅសង្កាត់ផ្សេងទៀត ដែលមិនទាន់បានចុះ ទៅ ។

សកម្មភាពចុះជួបផ្ទាល់ជាមួយសមាជិក សមាជិកា គណបក្សប្រជាជនរបស់លោក គួច ចំរើន ខាងលើនេះ បានបង្ហាញឱ្យឃើញ ថា ជាការយកចិត្ដទុកដាក់យ៉ាងខ្ពស់របស់ ថ្នាក់ដឹកនាំ គណបក្សប្រជាជនទាំងថ្នាក់ ក្រោម រហូតដល់ថ្នាក់កំពូល ។

ក្នុងពិធីនោះដែរ លោក គួច ចំរើន បានជូនវត្ថុអនុស្សាវរីយ៍ ដល់មេគ្រួសារបក្ស ប្រធានក្រុមបក្ស ចូលរួម ចំនួន ៨០៦នាក់ ក្នុងម្នាក់ទទួលបានសារុង ១  ទុកជាការកំដរដៃក្នុងពិធីជួប សំណេះសំណាលនេះផងដែរ ៕

ភ្នំពេញ៖ សាខាកាកបាទក្រហមកម្ពុជា ខេត្ដឧត្តរមានជ័យ កាលពីថ្ងៃទី១៧ ខែឧសភា ឆ្នាំ២០១៣បានប្រារឰពិធី រំលឹកខួបលើកទី ១៥០ទិវាកាកបាទក្រហម អឌ្ឍច័ន្ទក្រហម ៨ឧសភា ឆ្នាំ២០១៣ ក្រោមអធិបតីភាព នាយឧត្តម សេនីយ៍ គន់ គីម អគ្គមេបញ្ជាការរង និងជានាយសេនាធិការចម្រុះ នៃកងយោធពលខេមរភូមិន្ទ ព្រមទាំងមានការ ចូលរួមពីសំណាក់ អស់លោក ជាមេបញ្ជាការ មេបញ្ជាការរង ប្រចាំតំបន់ព្រំដែនទិសឧត្តរ និង អស់លោកជា អភិបាលនៃ គណៈអភិបាលខេត្ដ ថ្នាក់ដឹកនាំខេត្ដ សប្បុរសជនជាច្រើនរូបទៀត។

លោកស្រី ឃិន មុន្នីរ័ត្ន អនុប្រធានសាខាកាកបាទក្រហម ខេត្ដឧត្តរមានជ័យ បានឲ្យដឹងថា ជារៀងរាល់ឆ្នាំ សាខាកាកបាទក្រហមខេត្ដ តែងតែរៀបចំប្រារឰទិវាពិភពលោក កាកបាទក្រហម អឌ្ឍចន្ទក្រហម ដោយមាន ការចូលរួមជួយគាំទ្រ ពីអស់លោក លោកស្រី អាជ្ញាធរគ្រប់ជាន់ថ្នាក់ ដើម្បីប្រមែប្រមូលកម្លាំងសាមគ្គី ចូលរួម ចំណែកជួយឧបត្ថម្ភ ទាំងស្មារតី សម្ភារៈ ថវិកា ដល់សកម្មភាពការងារ មនុស្សធម៌របស់កាកបាទក្រហមខេត្ដ និងជួយដល់គ្រួសារ ដែលងាយរងគ្រោះទាំងឡាយ ជាពិសេសជនចាស់ជរាគ្មានទីពឹង ស្ដ្រីមេម៉ាយ កុមារកំព្រា និងអ្នកផ្ទុកមេរោគអេដស៍ ផ្ដល់នូវក្ដីសង្ឃឹមនិងភាពកក់ក្ដៅ ក្នុងការរស់នៅ ដែលកាកបាទ ក្រហមខេត្ដបាន ខិតខំយកចិត្ដទុកដាក់អនុវត្ដទៅតាម គោលការណ៍គ្រឹះទាំង៧របស់ចលនាកាកបាទក្រហម រួមមានៈ ភាពមនុស្សធម៌ ភាពមិនលំអៀង អព្យាក្រឹត ឯករាជ្យ សេវាកម្មស្ម័គ្រចិត្ដ ឯកភាព និងសកម្មភាពជាដើមនោះ។

លោកនាយឧត្តមសេនីយ៍ គន់ គីម បានមានប្រសាសន៍ថា៖ កាកបាទក្រហមកម្ពុជា ក្រោមការដឹកនាំដ៏ ឈ្លាសវៃ របស់សម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុន សែន បានបំពេញភារកិច្ចយ៉ាងសកម្មនិងរស់រវើក ហើយបានរួម ចំណែកយ៉ាងសំខាន់ ដល់ការអភិវឌ្ឍជាតិក្នុងការកាត់បន្ថយភាពក្រីក្រ ការលើកស្ទួយសេចក្ដីថ្លៃថ្នូរ និងតម្លៃ មនុស្សជាតិទាំងមូល ធ្វើឲ្យកាកបាទក្រហមកម្ពុជាទទួលបាន នូវការគាំទ្រនិងកោតសរសើរ យ៉ាងខ្លាំងក្លាពី សង្គមជាតិ និងអន្ដរជាតិ ដែលសម្ដេចកិត្ដិព្រឹទ្ធបណ្ឌិតមានសមត្ថភាពជួយដល់ជនរងគ្រោះ ក្នុងគ្រាដែលប្រជាជន ជួបនូវគ្រោះមហន្ដរាយនានា បានទាន់ពេលវេលានៅទូទាំង ប្រទេសកម្ពុជា។ អាស្រ័យហេតុនេះហើយ ទើបក្នុង ឱកាសនៃការប្រារឰខួបទី១៥០ ទិវាពិភពលោកកាកបាទក្រហម អឌ្ឍចន្ទក្រហម ៨ ឧសភា ឆ្នាំ២០១៣នេះ ព្រះករុណាជាអង្គម្ចាស់ជីវិតតម្កល់លើត្បួង ជាទីសក្ការៈដ៏ខ្ពង់ខ្ពស់បំផុត បានប្រោសព្រះរាជទាន គោរម្យងារដ៏ ខ្ពង់ខ្ពស់ ជូនលោកជំទាវ កិត្ដិព្រឹទ្ធបណ្ឌិត ប៊ុន រ៉ានី ហ៊ុន សែន ជាសម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុន សែន ដែលជាមហាកិត្ដិយសដ៏ឧត្ដុង្គឧត្ដមចំពោះកាកបាទក្រហមកម្ពុជាទាំងមូល ក៏ដូចជាចំពោះថ្នាក់ដឹកនាំ សកម្មជន កាកបាទក្រហមកម្ពុជា និងប្រជាជនកម្ពុជាទាំងអស់។

ជាមួយនឹងពិធីរំលឹកខួបលើក ទី១៥០ ទិវាកាកបាទក្រហម អឌ្ឍច័ន្ទក្រហមនេះដែរ សាខាកាកបាទក្រហមខេត្ត ឧត្តរមានជ័យ ក៏បានគៀងគរប្រមូលថវិកាបានចំនួន ៥ ម៉ឺនដុល្លាអាមេរិក ដែលថវិកាទាំងនេះ បានមកពីការ ចូលរួម ជួយឧបត្ថម្ភពីបណ្តាថ្នាក់ដឹកនាំ សប្បុរសជននានាជុំវិញខេត្ត ដើម្បីបន្តរួមចំណែកដល់ការជួយសង្រ្គោះ ការគាំទ្រសកម្មភាពមនុស្សធម៌ និងការ ផ្តល់ភាពកក់ក្តៅដល់គ្រួសាររងគ្រោះទាំងឡាយ មាន៖ ជនចាស់ជរា ជនគ្មានទីពឹង ស្រ្តីមេម៉ាយ កុមារកំព្រា អ្នកផ្ទុក និងកើតមេរោគអេដស៍ជាដើម៕

បាត់ដំបង ៖ ប្រធានសហភាព សហព័ន្ធ យុវជនខេត្ដបាត់ដំបង លោក ជាម ច័ន្ទ សោភណ្ឌ និងប្រធានសហភាពសហព័ន្ធយុវ ជន ខេត្ដព្រៃវែង លោក ស សុខា ព្រមទាំង ក្រុមការងារមួយចំនួនទៀត នៅព្រឹកថ្ងៃទី ១៨ ខែឧសភា ឆ្នាំ ២០១៣ នេះ បានចុះ ទៅសួរសុខទុក្ខ និងចែកអំណោយជាគ្រឿង ឧបភោគបរិភោគ និងថវិកាជូនដល់ប្រជា ពលរដ្ឋ ជាជនចាស់ជរា និងជួបការលំបាក ប្រចាំថ្ងៃ ចំនួន ១០គ្រួសារ ស្ថិតនៅភូមិ កំប៉ង់កើត ឃុំកន្ទឺ២ ស្រុកបាណន់ ខេត្ដបាត់ ដំបង ។

លោកជាម ច័ន្ទសោភណ្ឌ និងលោក ស សុខា ដែលតំណាងឱ្យលោក ហ៊ុន ម៉ានី ប្រធានសហភាពសហព័ន្ធ យុវជនកម្ពុជា នៅចំពោះមុខប្រជាពលរដ្ឋទាំងនេះ បានផ្ដាំផ្ញើ ការសួរសុខទុក្ខពីថ្នាក់ដឹកនាំនៃ រាជរដ្ឋាភិបាល ចំពោះការរស់នៅប្រចាំថ្ងៃ របស់ប្រជាពលរដ្ឋ ហើយការចុះមកសួរ សុខទុក្ខផ្ទាល់ តាមលំនៅដ្ឋានខាងលើនេះ ដើម្បីចង់ដឹង ពីការលំបាកផ្សេងៗដែល ប្រជាពលរដ្ឋកំពុងជួបប្រទះ ។

នៅក្នុងឱកាសនោះ ប្រធានសហភាព សហព័ន្ធ ខេត្ដទាំងពីរបានលើកឡើងពី សមិទ្ធផលនានា ដែលកើតចេញនៅទូទាំង ប្រទេស ដោយសារគណបក្សប្រជាជន កម្ពុជា ជាពិសេសក្រោមការដឹកនាំរបស់ សម្ដេចតេជោ ហ៊ុន សែន នាយករដ្ឋមន្ដ្រី នៃកម្ពុជា ។

ជាមួយគ្នានេះ លោកទាំងពីរបានអំពាវ នាវ ឱ្យប្រជាពលរដ្ឋទៅចូលរួមការបោះ ឆ្នោតទាំងអស់គ្នា នាថ្ងៃទី២៨ ខែកក្កដា ឆ្នាំ ២០១៣ ហើយគាំទ្រគណបក្សប្រជាជន ដើម្បីឱ្យសម្ដេចតេជោ ហ៊ុន សែន ធ្វើជា នាយករដ្ឋមន្ដ្រីបន្ដទៀត ។

យោងតាមក្រុមការងារ របស់សហភាព សហព័ន្ធយុវជនទាំងពីរខេត្ដនេះ បានឱ្យដឹង ថា ប្រជាពលរដ្ឋទាំង ១០គ្រួសារ ១គ្រួសារៗ ទទួលបានអង្ករ ២០គីឡូក្រាម មីយើង ១កេះ ទឹកត្រី១យួរ ទឹកស៊ីអ៊ីវ ១យួរ ត្រីខ សាប៊ូ និងថវិកាចំនួន ២០ម៉ឺន រៀល ។

ជាមួយគ្នានេះ ក្រុមសហភាពសហព័ន្ធ យុវជនទាំងពីរខេត្ដ នឹងចូលរួមការប្រកួត បាល់ទាត់រួមគ្នា ដើម្បីបង្កើនភាពស្និទ្ធស្នាល ក៏ដូចជាកិច្ចសហប្រតិបត្ដិការ ក្នុងចំណោម យុវជន របស់កម្ពុជាក្រោមការដឹកនាំរបស់ លោក ហ៊ុន ម៉ានី ឱ្យកាន់តែខ្លាំងថែមទៀត៕

ភ្នំពេញ ៖ កម្មករសំណង់ម្នាក់ ពេលកំពុង ឡើងចាក់បេតុងស៊ីម៉ង់ត៍ ស្រាប់តែបាក់រន្ទា បណ្ដាលឱ្យស្លាប់ភ្លាមនៅកន្លែងកើតហេតុ កាលពីវេលាម៉ោង៧និង ៣០នាទីព្រឹកថ្ងៃទី ១៨ ខែឧសភា ឆ្នាំ២០១៣ ស្ថិតនៅអគារ កំពុងសាងសង់មួយកន្លែង នៅផ្ទះលេខ២ ផ្លូវលេខ៣១៧ សង្កាត់បឹងកក់ទី១ ខណ្ឌទួល គោក ។

សេចក្ដីរាយការណ៍ពីសមត្ថកិច្ចមូលដ្ឋាន បានឱ្យដឹងថា ជនរងគ្រោះ ដែលស្លាប់ខាង លើនេះ មានឈ្មោះសុង ទីថា អាយុជាង៣០ ឆ្នាំ រស់នៅភូមិពារាំង ឃុំកោះចេក ស្រុក ពាមជរ ខេត្ដព្រៃវែង។

បើតាមសមត្ថកិច្ចមុនពេលកើតហេតុ ជនរងគ្រោះរូបនេះ បានដាក់រន្ទាឡើងចាក់ បេតុងស៊ីម៉ង់ត៍ ស្រាប់តែបាក់រន្ទា បណ្ដាលឱ្យ ធ្លាក់ស្លាប់តែម្ដង ។

ជុំវិញករណីនេះ អភិបាលខណ្ឌទួលគោក លោកឯក ឃុនដឿន បានបញ្ជាឱ្យម្ចាស់សំណង់ផ្អាកសាងសង់ជា បណ្ដោះអាសន្ន ដោយសារតែពុំមានច្បាប់ ត្រឹមត្រូវ ហើយឱ្យម្ចាស់សំណង់ធ្វើការសម្របសម្រួលជាមួយសាច់ញាតិជនរងគ្រោះ ។

លោកអភិបាលខណ្ឌ បានណែនាំឱ្យចៅ សង្កាត់ និងមន្ដ្រីពាក់ព័ន្ធរបស់ខណ្ឌ ត្រូវត្រួត ពិនិត្យ ចំពោះការសាងសង់ក្នុងមូលដ្ឋានរបស់ខ្លួន ពោល ត្រូវសុំច្បាប់ពីមន្ទីរ ដែនដីនគរូបនីយ កម្ម និងសំណង់ ព្រមទាំងមន្ដ្រីពាក់ព័ន្ធផ្សេងទៀត ចៀសវាងការបង្កគ្រោះថ្នាក់ដល់ប្រជាពលរដ្ឋ នៅក្បែរខាង៕

កណ្តាល៖ កាលពីថ្ងៃ ទី១៦ ខែឧសភា ឆ្នាំ២០១៣កន្លងទៅនេះលោក គីម រិទ្ធី ជំនួយការផ្ទាល់សម្តេច តេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងត្រូវជាបេក្ខជន តំណាងរាស្រ្តមណ្ឌលខេត្ត កណ្តាល បានដឹក នាំក្រុម ការងារមួយចំនួន ចុះជួបសំណេះសំណាល ជាមួយយុវជន ដែលជាសមាជិកសកម្ម របស់គណបក្ស ប្រជាជនកម្ពុជា ឃុំពោធិបាន និងឃុំកោះធំ ស្រុកកោះធំ ខេត្តកណ្តាល ។

បន្ទាប់ពីស្តាប់របាយការណ៍ របស់តំណាងយុវជន ស្តីអំពីការងារសកម្មភាព យុវជនក្នុងឃុំកន្លងមករួចមក លោក គីម រិទ្ធី បានពាំនាំនូវការសាកសួរ សុខទុក្ខពីសំណាក់សម្តេច តេជោ ហ៊ុន សែន និងសម្តេចកិត្តិព្រឹទ្ធបណ្ឌិត ដែលតែងតែយកចិត្តទុកដាក់ ដល់សុខទុក្ខ និងជីវភាពរស់នៅ របស់ប្រជាពលរដ្ឋកម្ពុជា ទូទាំងប្រទេស។

ខណៈនោះដែរបន្ទាប់ពីលោក សំណេះសំណាលជាមួយយុវជន មកលោកក៏បានចុះសួរសុខទុក្ខ ដល់ប្រជាពលរដ្ឋ និងចែកអំណោយ របស់សម្តេចអគ្គមហាសេនាបតីតេជា ហ៊ុន សែន និង សម្តេចគតិព្រឹទ្ធបណ្ឌិត ចែកជូនដល់ យុវជន និងប្រជាពលរដ្ឋដែលបាន ចូលរួមទាំងអស់ ដោយម្នាក់ៗទទួលបាននូវ ក្រណាត់សមួយដុំ សៀវភៅ មួយក្បាល និងថវិកាចំនួនមួយម៉ឺនរៀល ៕

ភ្នំពេញ ៖ នារីវ័យក្មេងម្នាក់ ស្លៀកខ្លី បញ្ចេញសាច់សខ្ចី បើករថយន្ដឡង់រ៉ូវែមីនី ពណ៌ស គ្មានស្លាកលេខ បុកម៉ូតូបុរសម្នាក់ពី ក្រោយ បណ្ដាលឱ្យម៉ូតូកៀប ជាប់នឹង រថយន្ដ ប៉ុន្ដែម្ចាស់ម៉ូតូ មិនរងរបួសនោះឡើយ ហើយ ក្រោយកើតហេតុ ម្ចាស់រថយន្ដរូបនេះ បានសងត្រឹម៥០ដុល្លារ ទៅម្ចាស់ម៉ូតូ ហើយនិយាយថា មកពីម្ចាស់ ម៉ូតូចង់បានលុយពេក។

សេចក្ដីរាយការណ៍ពីកន្លែងកើតហេតុ បានឱ្យដឹងថា កាលពីវេលាម៉ោង៦និង១៥នាទីល្ងាចថ្ងៃទី១៧ ខែឧសភា ឆ្នាំ២០១៣ ស្ថិតនៅមុខវត្ដចិន ដំដែក តាមបណ្ដោយ ផ្លូវលេខ៤៧  ក្នុងសង្កាត់ស្រះចក ខណ្ឌដូនពេញ មានគ្រោះថ្នាក់ ចរាចរមួយ ដែលបង្កឡើងដោយនារីវ័យក្មេងម្នាក់ បើករថយន្ដឡង់រ៉ូវែ ពណ៌ស គ្មានស្លាកលេខ ធ្វើដំណើរក្នុងទិសដៅពីត្បូងទៅជើង លុះដល់ចំណុចកើតហេតុ ក៏បុកម៉ូតូមួយគ្រឿង ម៉ាកវ៉េវ អាល់ហ្វា ពណ៌ក្រហម បណ្ដាលឱ្យម៉ូតូកៀបជាប់នៅ ក្រោមរថយន្ដ ប៉ុន្ដែសំណាងល្អ អ្នកបើកម៉ូតូរូបនេះ មិនមានរងរបួសអ្វីឡើយ។

សេចក្ដីរាយការណ៍បានបន្ដថា ក្រោយពី បង្កគ្រោះថ្នាក់ចរាចរ អ្នកបើករថយន្ដវ័យ ក្មេង ដែលគេមិនស្គាល់អត្ដសញ្ញាណរូបនេះ បានសងជនរងគ្រោះ ចំនួន ៥០ដុល្លារ ដោយ បោះពាក្យសំដីថា មកពីចង់បានលុយពេក ប៉ុន្ដែធាតុពិត បណ្ដាលមកពីខ្លួនឯង ដែលប ង្កគ្រោះថ្នាក់ចរាចរ ។

ជាមួយគ្នានេះ នៅពេលអ្នកកាសែតចុះ ទៅថតរូបភាព និងយកព័ត៌មាននោះ បាន ស្ដីឱ្យអ្នកកាសែត មិនឱ្យថតទៀតផង ។

ពោធិ៍សាត់៖ នាព្រឹកថ្ងៃទី១៨ ខែឧសភា ឆ្នាំ២០១៣នេះ លោក ស៊ុយ សែម រដ្ឋមន្រ្តី ក្រសួងឧស្សាហកម្ម រ៉ែ និងថាមពល និងជាប្រធានក្រុមការងារ គណៈកម្មាធិការ កណ្តាលចុះជួយ ខេត្តពោធិ៍សាត់ រួមនិង លោកអភិខេត្ត អាជ្ញាធរ គ្រប់លំដាប់ថ្នាក់ និងបងប្អូនប្រជាពលរដ្ឋ លោកយាយ លោកតា ប្រមាណ ១៥០០ នាក់ បានចូលរួមក្នុងពិធីសម្ពោធដាក់ឲ្យប្រើប្រាស់ជា ផ្លូវការអាគារ សាលាភត្ត ១ខ្នង   នៅនៅវត្តវេឡុវ័ន ហៅវត្ត ដំណាក់ត្រាច ឃុំរំលេច ស្រុកបាកាន ដែលបានចាប់ផ្តើម កសាងចាប់ពីថ្ងៃទី ២៣ ខែមេសា ឆ្នាំ២០០៨ មានបណ្តោយ ៣២ ម៉ែត្រ ទទឹង ២២ ម៉ែត្រ កំពស់២០ ម៉ែត្រ ដោយមានការ ចូលរួមឧបត្ថម្ភ និងគាំទ្រពី សំណាក់លោក ស៊ុយ សែម និងលោកស្រី ជា ខេង រួមនិងពុទ្ឋបរិស័ទ ជិតឆ្ងាយសរុបអស់ថវិកាសាងសង់ ៦០១ ៥៣៣ ០០០ រៀល ស្មើនឹង ១៥០ ៣៨៣,២៥ ដុល្លា ស.រ.អា ។

 ជាកិច្ចចាប់ផ្តើម ក្នុងមតិសំណេះសំណាល ជាមួយ បងប្អូនប្រជាពលរដ្ឋអ្នកចូលរួម លោករដ្ឋមន្រ្តី បានពាំនាំនូវការសាក សួរសុក្ខទុកពីសំណាក់ថ្នាក់ដឹកនាំ គណបក្សប្រជាជន ដែលមានសម្តេចទាំង ៣ ជាប្រមុខ ជាពិសេសពីសំណាក់ សម្តេចតេជោ ហ៊ុន សែន នាយករដ្ឋមន្ត្រី និងបានថ្លែងនូវអំណរគុណ និងការកោតសរសើរ ដល់ព្រះសង្ឃ និងគណកម្មការសាងសង់ ដែលបានខិតខំរួមមតិគ្នាកសាងសាលាភត្តនោះប្រកបដោយសាភណ្ឌ័ភាព ធំស្កឹមស្កៃ និងមានក្បាច់រចនាបទជាតិខ្មែរ។

 លោករដ្ឋមន្រ្តីបានជម្រាបជូនអ្នកចូលរួមទាំងអស់ថា សមិទ្ឋិផលទាំងអស់ ដែលកកើតឡើងនាថ្ងៃនេះ គឺបានមកពីប្រទេសជាតិយើងមានសុខ សន្តិភាព ដែលធានានូវជីវិតរបស់យើងរស់នៅដោយសប្បាយរីករាយ ដោយសេរី និងមានការអភិវឌ្ឍន៏គ្រប់បែបយ៉ាង ហើយសន្តិភាពដែល មានតម្លៃស្មើជីវិតនេះគឺបានមកដោយសារ សម្តេចតេជោ ហ៊ុន សែន ដែលជាថ្នាក់ដឹកនាំគណបក្សប្រជាជនកម្ពុជា។ លោករដ្ឋមន្រ្តីបានជម្រាបជូនសមាជិកចូលរួម នូវសមិទ្ឋិផលដ៏ច្រើនរបស់ក្រុមការងារគណបក្សប្រជាជន ដែលបានកសាងសម្រាប់ ស្រុកបាកាន ជាពិសេសឃុំ រំលេចនេះផ្ទាល់។

ដោយសារការបោះឆ្នោត ខិតជិតមកដល់ លោករដ្ឋមន្រ្តី បានថ្លែងអំណរគុណដល់អ្នកគាំទ្រ និងបានបោះឆ្នោតឲ្យគណបក្សប្រជាជនកម្ពុជា នាពេលកន្លងមក និងបានជម្រាបជូនពីគោលនយោបាយគ្រិះទាំង ១១ ចំនុច របស់គណបក្សប្រជាជន ដើម្បីចូលរួមក្នុងការបោះឆ្នោតនាថ្ងៃទី ២៨ ខែ កក្កដា ឆ្នាំ២០១៣ ខាងមុខនេះ  និងសូមអំពាវនាវដល់ប្រជាពលរដ្ឋដែលធ្លាប់បោះឆ្នោតឲ្យគណបក្សដ៏ទៃ សូមមេត្តាងាកមកបោះឆ្នោតជូនគណបក្សប្រជាជនកម្ពុជាវិញ ដោយហេតុថា គណបក្សទាំងនោះ មានមុខតែពេលបោះឆ្នោតតែប៉ុណ្ណោះ ចេះតែដើរសន្យាខ្យល់ សន្យាបោកប្រាស់គ្មានបានធ្វើអ្វីជូនប្រជាជនទាល់តែសោះ ដែលផ្ទុយពីគណបក្សប្រជាជនកម្ពុជាដែលកើតឡើងដោយសារប្រជាជន ដើម្បីប្រជាជន នៅបម្រើប្រជាជន គ្រប់កាលៈទេសៈទាំងអស់ ។

លោករដ្ឋមន្រ្តីបានជូន លោកយាយ លោកតា ចូលរួមចំនួន ១០០ នាក់នូវក្រណាត់ស១ដុំ ថវិកា១០០០០ រៀល ។ ជាមួយគ្នានេះលោករដ្ឋមន្រ្តី ក៏បានជួយចេញថ្លៃជំពាក់ ជាងចំនួន៤លានរៀលផងដែរ៕