left
Safe Home
Safe Home
Safe Home

Dap News...Admin

Tuesday, Mar 31st

| English Version | dapnews: 012 571 704, 097 9999 883, email: lim.cheavutha@gmail.com

You are here:
 
AAP

ប្រជាពលរដ្ឋ ស្រុកកៀនស្វាយ ព័ទ្ធចាប់ចោរប្លន់ម៉ូតូបាន ៣នាក់

E-mail Print PDF

កណ្តាលៈ ក្រុមចោរប្លន់៣នាក់ ត្រូវបាននគរបាល និងប្រជាពលរដ្ឋ នៅស្រុកកៀនស្វាយ ដេញព័ទ្ឋចាប់ ក្រោយធ្វើ សកម្មភាព វាយដោយញញួរប៉ងប្លន់យកម៉ូតូ របស់ជនរងគ្រោះ ខណៈក្រុមជនសង្ស័យបានហៅម៉ូតូជនរងគ្រោះ ឲ្យ ឌុបមកកាន់ចំណុចកើតហេតុ តែត្រូវបានជនរងគ្រោះហៅបងប្អូនប្រជាពលរដ្ឋជួយ ។

ហេតុការណ៍នេះ បានកើតឡើង ត្រង់ចំណុចភូមិដីឥដ្ឋ ឃុំដីឥដ្ឋ ស្រុកកៀនស្វាយ ខេត្តកណ្តាល កាលពីវេលាម៉ោង៦ និង៣០នាទី ថ្ងៃទី៣០ ខែមីនា ឆ្នាំ២០១៥ ។

លោក ប៉ា សំអិត អធិការស្រុកកៀនស្វាយ ដែលចុះដល់កន្លែងកើតហេតុ បានឲ្យដឹងថា ជនរងគ្រោះជាម្ចាស់ម៉ូតូ ឈ្មោះ ឆន សុផល អាយុ២៦ឆ្នាំ មុខរបររត់ម៉ូតូឌុប ស្នាក់នៅសង្កាត់ ចាក់អង្រែក្រោម ខណ្ឌមានជ័យ ។

បើតាមសំដីរបស់ជនងគ្រោះ  បាននិយាយថា ក្រុមជនសង្ស័យមានគ្នា៣នាក់ បានជួលម៉ូតូរបស់ខ្លួន ឲ្យដឹកមកកាន់វត្ត ចំប៉ា សង្កាត់ក្បាលកោះ ខណ្ឌច្បារអំពៅ ក្នុងតម្លែ ១៨០០០រៀល។ ខណៈដឹកមកដល់វត្តចំប៉ាហើយ ស្រាប់តែជន សង្ស័យថា ជិះទៅមុខទៀត មកដល់ត្រង់ចំណុចកើតហេតុខាងលើ ក្រុមជនសង្ស័យឲ្យបត់ចូលផុតពីផ្លូវជាតិចម្ងាយ ២០ម៉្រែត ជនសង្ស័យបានយកញញ៉ួរ មកវ៉ៃក្បាលរបស់ខ្លួន ពេលនោះជនរងគ្រោះ ក៏ហៅឲ្យប្រជាពលរដ្ឋជួយ និង សមត្ថកិច្ចព័ទ្ធចាប់បាន ៣នាក់ ។

ជនរងគ្រោះជិះម៉ូតូម៉ាក សេ ១២៥ ស៊េរី ២០១១ ពណ៌ខ្មៅ ពាក់ស្លាកលេខកណ្តាល 1N-8330 មានគ្នា៣នាក់ ទី១-ឈ្មោះ សៅ សូនី ភេទប្រុស អាយុ១៦ឆ្នាំ រស់នៅភូមិព្រៃស្ពឺ ឃុំពងទឹក ស្រុករំដួល ខេត្តស្វាយរៀង, ទី២-ឈ្មោះម៉ាប់ វិច្ឆិកា ភេទប្រុស អាយុ១៧ឆ្នាំ រស់នៅភូមិត្រពាំងវែង ឃុំក្រុំពល ស្រុកមេសាង ខេត្តព្រៃវែង និងទី៣-ឈ្មោះ ចាន់ សុខេន ភេទប្រុស អាយុ១៧ឆ្នាំ រស់នៅភូមិតាប់ ឃុំតាសួស ស្រុកស្វាយជ្រុំ ខេត្តស្វាយរៀង ។ ជនសង្ស័យបានសារ ភាពថា ខ្លួនធើ្វការកម្មករសំណង់អត់បានបើកប្រាក់ខែទើបខ្លួននាំគ្នាប្លន់ ។ សមត្ថកិច្ច រឹបអូសបានវត្ថុតាងញញួរ១ ដំបង១កំណាត់ និងខ្សែក្រវាត់១ ព្រមទាំងម៉ូតូរបស់ជនរងគ្រោះ។

លោក ប៉ា សំអិត អធិការស្រុកកៀនស្វាយ បានឲ្យដឹងថា ចំពោះជនសង្ស័យត្រូវបាន ឃុំខ្លួនបណ្តោះអាសន្ន នៅអធិ ការស្រុក ដើម្បីកសាងសំណុំរឿង ឡើងតុលាការតាមនីតិវិធីច្បាប់ ៕

ឡើងដើមត្នោត របូតដៃធ្លាក់បាក់ក ស្លាប់ភ្លាមៗ

E-mail Print PDF

កណ្តាល ៖ បុរសអ្នកឡើងត្នោតម្នាក់ ត្រូវបានបាក់កស្លាប់ភ្លាមៗ នៅនឹងក្បែរគល់ត្នោត ខណៈឡើងដាក់ទឹកត្នោត រួចរបូតដៃធ្លាក់ចុះដី ។ ហេតុការណ៍នេះ កើតឡើង កាលពីវេលា១៦ និង២០នាទីថ្ងៃទី៣០ ខែមីនា ឆ្នាំ២០១៥ ស្ថិត នៅវាលស្រែ ក្នុងភូមិរទាំងត្បួង ឃុំភូមិធំ ស្រុកកៀនស្វាយ ខេត្តកណ្តាល ។

នគរបាលបានឲ្យដឹងថា ជនរងគ្រោះឈ្មោះ អឿន ចេស អាយុ៥០ឆ្នាំ មានមុខរបរ លក់ទឹកត្នោតស្នាក់នៅក្នុងភូមិ ឃុំ កើតហេតុខាងលើ មានស្រុកកំណើត នៅភូមិតមងបឹង ឃុំផ្អាវ ស្រុកជើងព្រៃ ខេត្តកំពង់ចាម ។

នគរបាលបានបន្តទៀតថា មុនពេលកើតហេតុជនរងគ្រោះ បានមកឡើងដើមត្នោត នៅចំណុចខាងលើ ដើម្បីយកទឹក ត្នោត លុះពេលឡើងទៅដល់ចុងត្នោត ត្រង់ដង្កៀបខាងលើ ក៏បានរបូតដៃធ្លាក់មកដី បណ្តាលឲ្យបាក់កស្លាប់ភ្លាមៗ នៅនឹងកន្លែងកើតហេតុ ។ ក្រោយពេលកើតហេតុ នគរបាលជំនាញបានចុះទៅដល់ពិនិត្យរួចសន្និដ្ឋានថា ជនរងគ្រោះ ពិតជាបានរបូតដៃធ្លាក់មកដី បណ្តាលឲ្យបាក់ក និងបាក់ជើងស្តាំស្លាប់ពិតប្រាកដមែន និងបានប្រគល់ទៅឲ្យក្រុម គ្រួសារយកទៅធ្វើបុណ្យតាមប្រពៃណី ៕

ប្រធានសាខា កាំកុងត្រូល ខេត្តតាកែវ ដឹកនាំមន្រ្តី ចុះពិនិត្យផ្លែឈើ និងគ្រឿងសមុទ្រ នៅផ្សារតាកែវ

E-mail Print PDF

តាកែវ ៖ លោក ប៉ោ លាងគង់ ប្រធានសាខាកាំកុងត្រូល ខេត្តតាកែវ នៅព្រឹកថ្ងៃអង្គារ ទី៣១ ខែមីនា ឆ្នាំ២០១៥ បាន ដឹកនាំមន្រ្តីក្រោមឱវាទ ព្រមទាំងមានការចូលរួម ពីមន្រ្តីមកពីមន្ទីរពាណិជ្ជកម្ម ចុះត្រួតពិនិត្យផ្លែឈើ និងគ្រឿងសមុទ្រ នៅក្នុងផ្សារតាកែវ ដើម្បីចូលរួមលើកកម្ពស់សុខមាលភាពសាធារណៈ ក៏ដូចជាសុខភាព របស់ប្រជាពលរដ្ឋនៅក្នុង ឱកាសបុណ្យចូលឆ្នាំប្រពៃណីជាតិខ្មែរ ខាងមុខ ។   

ថ្លែងប្រាប់អ្នកសារព័ត៌មាន នាឱកាសនោះ លោក ប៉ោ លាងគង់ ប្រធានសាខាកាំកុងត្រូល បានមានប្រសាសន៍ឲ្យដឹង ថា ការចុះត្រួតពិនិត្យមើលផ្លែឈើ និងគ្រឿងសមុទ្រនៅថ្ងៃនេះ គឺដោយឈរលើស្មារតីទទួលខុសត្រូវខ្ពស់ហើយ កន្លង មកក៏ដូចជាបច្ចុប្បន្ន មន្រ្តីជំនាញសាខាកាំកុងត្រូល តែងតែធ្វើការត្រួតពិនិត្យ នៅតាមព្រំដែន និងនៅតាមទីផ្សារ ដើម្បី ណែនាំអប់រំដល់អាជីវករ ទប់ស្កាត់ទាន់ពេលវេលា ជៀសវាងយករបស់ខូចគុណភាព មកលក់ដែលនាំឲ្យប៉ះពាល់ដល់ សុខភាព របស់ប្រជាពលរដ្ឋ ដែលជាអ្នកប្រើប្រាស់ផ្ទាល់នោះ ។

ក្នុងការចុះត្រួតពិនិត្យផ្លែឈើ និងគ្រឿងសមុទ្រនៅផ្សារតាកែវ លោកប្រធានសាខាកាំកុងត្រូលខេត្តតាកែវ ក៏បានធ្វើ ការអំពាវនាវដល់អាជីវករទាំងអស់ ត្រូវយល់ដឹងអំពីសុវត្ថិភាពចំណី អាហារ ដែលយកទៅដាក់លក់ ដើម្បីឲ្យប្រជាពល រដ្ឋប្រើប្រាស់ ឬបរិភោគ ត្រូវពិនិត្យឲ្យបានច្បាស់លាស់ អំពីផលិតផលម្ហូបអាហារ និង ការដាក់តាំងលក់នូវទំនិញដែល គ្មានផ្ទុកសារជាតិគីមី និងពិនិត្យមើលពីការកាលបរិច្ឆេទ នៃការប្រើប្រាស់ ឲ្យបានត្រឹមត្រូវ ជាពិសេសសម្រាប់ផ្លែឈើ ត្រូវរៀបចំទុកដាក់ ឲ្យមានអនាម័យ ទៅតាមលំដាប់លំដោយ ព្រោះខែនេះជារដូវក្តៅ ហើយផ្លែឈើដែលស្អុយរលួយ ត្រូវយកបោះចោល មិនត្រូវទុកលក់ដែលនាំឲ្យប៉ះពាល់ដល់សុខភាព ប្រជាពលរដ្ឋ ដែលជាអ្នកទិញ យកទៅហូបនោះ ទេ  ៕

ស្ទូឌីយោទូរទស្សន៍​ធំ​ជាង​គេ​បំផុត​នៅ​កម្ពុជា គ្រោង​នឹង​បើក​ក្នុង​ត្រី​មាស​ទី២ ឆ្នាំនេះ

E-mail Print PDF

ភ្នំពេញ៖ ស្ទូឌីយោទូរទស្សន៍ធំជាងគេបំផុត នៅប្រទេសកម្ពុជា នឹងចាប់ផ្តើមបើកដំណើរការនៅត្រីមាសទី២ឆ្នាំ ២០១៥ នេះ ដោយមានទីតាំងនៅក្នុងក្រុងរណប Garden City ក្នុងភូមិព្រែកតារ័ត្ន សង្កាត់ព្រែកតាសេក ខណ្ឌជ្រោយចង្វា រាជធានីភ្នំពេញ ស្ទូឌីយោនេះ ជាកម្មសិទ្ធិរបស់ស្ថានីយទូរទស្សន៍PNN ដែលជាទូរទស្សន៍ថ្មីបំផុត និងទំនើបបំផុតនៅកម្ពុជា ។ ស្ទូឌីយោដ៏ធំនេះគ្រោងនឹងចាប់ផ្តើមប្រតិបតិ្តការ ចាប់ពីខែមេសានេះ តទៅ ដោយមានបុគ្គលិកជាង ៣០០ នាក់ បំពេញការងារផលិតកម្មវិធី និងមាតិកាទូរទស្សន៍។

ទីតាំងទាំងមូលត្រូវបានសាងសង់ឡើង ដោយចំណាយទឹកប្រាក់ជាង ១០លានដុល្លារអាមេរិក បែងចែកទៅជាស្ទូឌីយោចំនួន៥ ផ្សេងគ្នា ដែលមានទំហំ ២៥០០ ម៉ែត្រការ៉េ ១២០០ ម៉ែត្រការ៉េ ៥០០ ម៉ែត្រការ៉េ ៣០០ ម៉ែត្រការ៉េ និង ២០០ ម៉ែត្រការ៉េ។ ចំណែកទឹកប្រាក់ប្រហែល ១០លានដុល្លារអាមេរិកផ្សេងទៀត ត្រូវបានចំណាយលើឧបករណ៍បច្ចេកទេស ។

លោក Glen Felgate អគ្គនាយកស្ថានីយទូរទស្សន៍PNN បានមានប្រសាសន៍ថា៖ “នេះជាការវិនិយោគដ៏ធំមួយ ដែលយើងជឿជាក់ថា នឹងលើកកម្ពស់ គុណភាពវិស័យផ្សព្វផ្សាយនៅក្នុងប្រទេសកម្ពុជា ឲ្យឈានឡើងមួយកម្រិតទៀត ។ ស្ទូឌីយោ និងទីតាំងទាំងមូលត្រូវបានសាងសង់ឡើង ដោយមានការ គិតគូរយ៉ាងល្អិតល្អន់ ចំពោះការផលិតកម្មវិធីក្នុងស្រុក។ លើសពីនេះ ការផ្សាយរបស់ស្ថានីយទូរទស្សន៍ PNN នឹងគ្របដណ្តប់ទូទាំងប្រទេស។”

ក្រៅពីនេះ ស្ថានីយក៏នឹងនាំយកកម្មវិធីទូរទស្សន៍ពិសេសៗ ដែលពេញនិយមនៅតំបន់អាស៊ី មកចាក់ផ្សាយផងដែរ៕

ប៉ងអារកសម្លាប់ ប្លន់យកម៉ូតូ នៅសង្កាត់ស្ទឹងមានជ័យ ត្រូវប្រជាពលរដ្ឋ ចាប់វាយចង់ស្លាប់

E-mail Print PDF

ភ្នំពេញ ៖ ជនសង្ស័យម្នាក់ ដែលប៉ុនប៉ង អារកសម្លាប់ ដើម្បីប្លន់យក ម៉ូតូមួយគ្រឿង កាលពី វេលាម៉ោង ២៖៤០នាទី យប់រំលងអាធ្រាត្រ ចូលថ្ងៃទី៣១ ខែមីនា ឆ្នាំ២០១៥ ស្ថិតនៅចំណុច មុខការដ្ឋាន សំណង់ផ្ទះល្វែង ភ្នំពេញថ្មី ផ្លូវបេតុង ភូមិទ្រា៤ សង្កាត់ស្ទឹងមានជ័យ ប៉ុន្តែ មិនបានសម្រេច ខណៈកម្លាំងនគរបាល ទៅជួយអន្តរាគមន៍ ទាន់ពេលវេលា ។

ជនសង្ស័យ ត្រូវបាន ប្រជាពលរដ្ឋ នៅក្បែរកន្លែងកើតហេតុ នាំគ្នាឡោមព័ទ្ធ និងចាប់វាយ បណ្តាលឲ្យ រងរបួសយ៉ាងធ្ងន់ធ្ងរ លើផ្ទៃមុខ និងដងខ្លួនទំរាំ សមត្ថកិច្ចអាចជួយសង្គ្រោះបានមកវិញ ដើម្បីយក ទៅព្យាបាលនៅមន្ទីរ ហើយយកទៅចាត់ការ តាមផ្លូវច្បាប់។

មន្រ្តីនគរបាល ប៉ុស្តិ៍ស្ទឹងមានជ័យ បានឲ្យដឹងថា ជនសង្ស័យឈ្មោះ ជុំ សារ៉ា អាយុ១៨ឆ្នាំ មុខរបរ និង ទីលំនៅមិប្រាកដ ស្រុកកំណើត ខេត្តព្រះសីហនុ ហើយបានធ្វើ សកម្មភាព យកកាំបិតចិតបន្លែ ចាក់ជនរងគ្រោះ ជាអ្នករត់ម៉ូតូឈ្មោះ ប្រាក់ ហ៊ុត ភេទប្រុស អាយុ៤២ឆ្នាំ ស្នាក់នៅផ្ទះជួល សង្កាត់ទឹកថ្លា ខណ្ឌសែនសុខ ដើម្បីយកម៉ូតូ០១គ្រឿង ម៉ាកហុងដាសេ១២៥ ពណ៌ខ្មៅ សេរី២០១៤ ពាក់ស្លាកលេខ កំពត 1G 9224។

មន្រ្តីនគរបាល សង្កាត់ស្ទឹងមានជ័យ បានបន្តទៀតថា មុនពេលកើតហេតុ ជនសង្ស័យ បានហៅម៉ូតូ របស់ជនរងគ្រោះ ពីម្តុំស្ថានីយ៍ទូរទស្សន៍ អាស៊ីអាគ្នេយ៍ លុះមកដល់ចំ ណុចខាងលើ ក៏ដកកូនកាំបិត ចាក់ជនរងគ្រោះ ពីក្រោយចំក ខាងស្តាំ ពេលនោះ ជនរងគ្រោះចាប់ កាំបិតជាប់ ហើយស្រែក អោយគេជួយ ហើយប្រជាពលរដ្ឋ នៅទីនោះ បាននាំគ្នាចាប់វាយ ជនសង្ស័យ បណ្តាលអោយរបួស ។

បើតាមមន្រ្តីនគរបាល ជនរងគ្រោះ ជាកីឡា ប្រដាល់ទៀតផង ហើយពេលទំនេរ មករត់ម៉ូតូឌុប ក៏ជួបហេតុការណ៍នេះ តែម្តង។ បច្ចុប្បន្នជនសង្ស័យ ត្រូវបានសមត្ថកិច្ច យកទៅព្យាបាល នៅមន្ទីរពេទ្យរុស្ស៊ី ដោយឡែក ជនរងគ្រោះត្រូវបាន យកទៅ សង្គ្រោះនៅមន្ទីរពេទ្យផងដែរ៕

រថយន្តដឹកទំនិញ ធុនធំ ចូលក្នុងក្រុង បង្កការកកស្ទះ និងធ្វើឲ្យខូចផ្លូវ

E-mail Print PDF

ពោធិ៍សាត់ ៖ រថយន្តដឹកទំនិញធុនធំៗ បានបើកបរចូលក្នុងក្រុងពោធិ៍សាត់ ដើម្បីផ្ទេរទំនិញបង្កការកកស្ទះចរាចរណ៍ និងធ្វើឲ្យផ្លូវរងការខូចខាត ក្នុងរយៈដ៏ខ្លីខាងមុខនេះ ។

ផ្លូវលំក្រាលកៅសូ៑ ក្នុងទីរួមក្រុងមួយចំនួន ក៏បានរងនូវការខូចខាតជាបណ្តើរៗ ដោយសារតែរថយន្តដឹកទំនិញ ធុនធំៗ ដោយកំណាត់ផ្លូវលំខ្លះ ធ្វើហើយសឹងតែមិនបានបីខែផង ក៏ត្រូវខូចទៅវិញ ពោលគឺធ្វើដដែលៗ មិនចេះចប់មិនចេះ ហើយ ។

ជាមួយគ្នានោះ អាជ្ញាធរមានសមត្ថកិច្ច ហាក់ដូចជាមើលរំលងនូវបញ្ហាទាំងនេះ រីឯចណតរថយន្តក្រុងវិញ នៅតាមផ្លូវ ជាតិលេខ៥ ក្នុងទីប្រជុំជន ក្រុង ក៏បានបង្កការលំបាកដល់ប្រជាពលរដ្ឋ ក្នុងការធ្វើដំណើរផងដែរ ដូចជានៅចំណុច ម្តុំត្រើយខាងលិចស្ពានថ្ម និងត្រើយខាងកើតស្ពានថ្ម ដោយអ្នកលក់សំបុត្ររថយន្ត នៅតាមទីតាំង សុទ្ធសឹងតែយក ចំណីផ្លូវជាតិលេខ៥ មកធ្វើអាជីវកម្មទាំងអស់ ។

ពាក់ព័ន្ធនូវបញ្ហានេះ អាជ្ញាធរក្រុង-ខេត្ត គួរតែមានវិធានការ ចំពោះអ្នកទទួលខុសត្រូវ ម៉ៅការចំណត ដើម្បីឲ្យរកទី តាំងណាមួយសមស្រប សម្រាប់ដាក់រថយន្តឲ្យមានសណ្តាប់ធ្នាប់ក្នុងទីប្រជុំជនផង ៕

អ្នកប្រើគ្រឿងញៀន នៅកម្ពុជា មិនមានការថយចុះ

E-mail Print PDF

ភ្នំពេញ ៖ លោកនាយឧត្តមសេនីយ៍ កែ គឹមយ៉ាន់ ឧបនាយករដ្ឋមន្រ្តី និងជាប្រធានអាជ្ញាធរជាតិ ប្រយុទ្ធប្រឆាំងគ្រឿង ញៀនបានថ្លែងឲ្យដឹងថា ចំនួនអ្នកប្រើប្រាស់គ្រឿងញៀននៅកម្ពុជា ហាក់ដូចជាមិនមានការថយចុះទេ ។

លោក កែ គឹមយ៉ាន់ បានមានប្រសាសន៍ ក្នុងសន្និបាតបូកសរុបលទ្ធផលការងារ ត្រួតពិនិត្យគ្រឿងញៀន ឆ្នាំ២០១៤ និងលើកទិសដៅការងារ ឆ្នាំ២០១៥ នាទីស្តីការក្រសួង នៅព្រឹកថ្ងៃទី៣១ ខែមីនា ឆ្នាំ២០១៥ថា « អ្នកប្រើប្រាស់ គ្រឿងញៀន មិនមានការថយមែន តែបើយើងធ្វើការពិនិត្យលើលទ្ធផលការងារ អនុវត្តច្បាប់នៅកម្ពុជាយើង គឺករណី បង្រ្កាបក្នុងឆ្នាំ២០១៤ មានការកើនឡើង តែបរិមាណគ្រឿងញៀន ចាប់យកបានមានការថយចុះ បើប្រៀបធៀបជា មួយឆ្នាំ២០១៣» ។

លោកបន្ថែមថា ការផ្សព្វផ្សាយដើម្បីបង្ការទប់ស្កាត់ និងបដិសេធគ្រឿងញៀន សម្រាប់មហាជនប្រជាជនទូទៅ និង ក្រុមគោលដៅងាយរងគ្រោះកម្ពុជាធ្វើបានល្អ ប៉ុន្តែមិនទាន់ល្អលើការអប់រំ មុខសញ្ញាប្រើប្រាស់គ្រឿងញៀន ។

លោកឧបនាយករដ្ឋមន្រ្តី កែ គឹមយ៉ាន់ បានមានប្រសាសន៍បន្តថា អាជ្ញាធរមូលដ្ឋាន គ្រប់លំដាប់ថ្នាក់ បានខិតខំប្រឹង ប្រែង ក្នុងការងារប្រយុទ្ធប្រឆាំងគ្រឿងញៀន ប្រកបដោយស្មារតីទទួលខុសត្រូវ តាមតួនាទី និងភារកិច្ចរបស់ខ្លួន ទោះ បីជាក្នុងពេលបំពេញភារកិច្ច បានជួបប្រទះនូវបញ្ហាប្រឈម ការលំបាកផ្សេងៗក្តី ពិសេសក្នុងពេល ដែលប្រទេសជាតិ ជួបបញ្ហាបាតុកម្ម និងកុបកម្ម ដែលមានគោលដៅផ្តួចរំលំរាជរដ្ឋាភិបាល ស្របច្បាប់ បន្ទាប់ពីការបោះឆ្នោត ឆ្នាំ ២០១៣ ៕

បុរសមិនគ្រប់ទឹក ទៅលួចម៉ូតូគេ ត្រូវជាប់ខ្នោះ នគរបាល

E-mail Print PDF

កំពត ៖ បុរសមិនគ្រប់ទឹកម្នាក់ ទៅលួចម៉ូតូគេ យកទៅលាក់ទុកនៅជើងភ្នំលក ត្រូវកម្លាំងនគរបាលមូលដ្ឋាន ចាប់ ឃាត់ខ្លួនបាន កាលពីវេលាម៉ោង ៥ទៀបភ្លឺ ថ្ងៃទី៣០ ខែមីនា ឆ្នាំ២០១៥ ចំណុចលាក់ម៉ូតូ ក្នុងព្រៃជើងភ្នំលក ស្ថិតក្នុង ភូមិលក ឃុំឬស្សីស្រុកខាងលិច ស្រុកកំពង់ត្រាច ខេត្តកំពត។

មន្ត្រីនគរបាលព្រហ្មទណ្ឌកម្រិតស្រាលខេត្ត បានប្រាប់មជ្ឈមណ្ឌលព័ត៌មានដើមអម្ពិល ឲ្យដឹងថា ជនសង្ស័យឈ្មោះ ង៉ែត ចែម ភេទប្រុស អាយុ ៥២ឆ្នាំ រស់នៅភូមិព្រៃកឹក ឃុំប្រាសាទភ្នំខ្យង ស្រុកកំពង់ត្រាច ខេត្តកំពត បានលួចម៉ូតូ ម៉ាកវេវ ពាក់ស្លាកលេខ កំពត 1E -4167 មានម្ចាស់ឈ្មោះ កឹម គ្រី ភេទប្រុស អាយុ ៤១ឆ្នាំ រស់នៅភូមិ ឃុំ កន្លែងលួច ម៉ូតូខាងលើ ។

មន្ត្រីនគរបាលដដែលឲ្យដឹងទៀតថា ជនសង្ស័យមុនធ្វើសកម្មភាពលួចម៉ូតូ គឺជនសង្ស័យ បានជិះកង់កាត់មុខផ្ទះជន រងគ្រោះម្ចាស់ម៉ូតូខាងលើ ដោយមើលឃើញម៉ូតូដាក់នៅមុខផ្ទះគ្មានមនុស្ស ជនសង្ស័យ ក៏ជិះកង់យកកង់ទៅលាក់ទុក ក្នុងព្រៃ នៃជើងភ្នំលករួចហើយ ដើរត្រឡប់មកវិញ សំដៅមកលួចម៉ូតូ ហើយក៏បានបណ្តើរម៉ូតូដែលលួចបាននោះ នាំ យកទៅលាក់ទុក ក្នុងចំណុចកើតហេតុខាងលើ រួចហើយជនសង្ស័យដើរទៅយកកង់របស់ខ្លួន បណ្តើរដល់កន្លែងលាក់ ម៉ូតូភ្លាម ត្រូវជាប់ខ្នោះកម្លាំងនគរបាល បន្ទាប់មកក៏បញ្ជូននាំខ្លួនឲ្យកម្លាំងនគរបាលស្រុក រួចហើយក៏បញ្ជូន មកស្នង ការដ្ឋាននគរបាលខេត្ត ដើម្បីចាត់ការបន្តទៀត ។ ដោយឡែកម៉ូតូ ត្រូវបាននគរបាលប៉ុស្តិ៍រដ្ឋបាលមូលដ្ឋាន ប្រគល់ជូន ឲ្យទៅជនរងគ្រោះវិញហើយ។ បច្ចុប្បន្នជនសង្ស័យខាងលើ ត្រូវបានកម្លាំងនគរបាលជំនាញ នៃការិយាល័យកណ្តាល ព្រហ្មទណ្ឌខេត្ត កំពុងកសាងសំណុំរឿង ដើម្បីចាត់ការតាមនីតិវិធីច្បាប់ ៕

ប្រកាស់លក់ផ្ទះ ជា​បន្ទាន់​នៅ​ម្តុំ​ផ្សារ​ថ្មី រាជ​ធានី​ភ្នំពេញ

E-mail Print PDF

ភ្នំពេញ៖ ក្រុមហុ៑នអចលនទ្រព្យ ឆៃលីន ស៊ា រៀលធី ហៅកាត់ (ស៊ីអិល) ប្រកាសលក់ផ្ទះជាន់ទី០២ ជា បន្ទាន់ស្ថិតនៅសង្កាត់ផ្សារថ្មី តាមបណ្តោយផ្លូវបាស្ទ័រ ទំហំៈ ១០មx២០ម មានចំងាយប្រហែល ១០០ ម៉ែត្រពីផ្សារថ្មី ទីតាំងនេះល្អសម្រាប់ស្នាក់នៅ ឬជួលបាន។ ដាក់លក់ក្នុងតម្លៃៈ ១៤ ម៉ឺន ៥ពាន់ដុល្លារ អាមេរិក (ចរចាបាន) លក់ទាំងសំភារៈដែលមានទាំងអស់។

សូមបញ្ជាក់ថា ក្រុមហ៊ុនអចលនទ្រព្យ ឆៃលីន ស៊ា រៀលធី ជាក្រុមហ៊ុនដែល មានជំនាញ វាយតម្លៃអចលនទ្រព្យច្បាស់ ដែលបានចុះបញ្ជីរពាណិជ្ជកម្មលេខ ០៥៣៥/២០១៣ ពណ.ចបព, មានអជ្ញាប័ណ្ណ វាយតម្លៃអចលនវត្ថុលេខ១២២ សហវ.ឧហ, អជ្ញាប័ណ្ណសេវាកម្មអចលនវត្ថុលេខ ១១៩ សហវ.ឧហ, ប័ណ្ណប៉ាតង់សំរាប់សេវាកម្មអចលនវត្ថុលេខ០១២៧៦ អពដ/សខ/ចម, និង វិញ្ញាបនប័ត្រវាយតម្លៃ អចលវត្ថុលេខ ០២៥៣៥ អពដ/សខ/ចម និងជាសមាជិក សមាគមអ្នកវាយតំលៃ និង សេវាកម្មអចលន វត្ថុកម្ពុជាលេខ ០០២៤ ស.វ.អ.ក។

សម្រាប់ព័ត៌មានបន្ថែមៈ 078 400 400 / www.cl-realty.com

ក្រឡាប់គោយន្ត ដឹកកម្មករដំឡូង នៅស្រុកស្នួល ស្លាប់ និងរបួស១២នាក់

E-mail Print PDF

ក្រចេះ ៖ កម្មករដំឡូង ៤នាក់ បានស្លាប់ និង១២នាក់ បានរងរបួស ដោយសារតែ ក្រឡាប់គោយន្ត មួយគ្រឿង កាលពីវេលាម៉ោង ជាង៨ព្រឹកថ្ងៃទី៣១ ខែមីនា ឆ្នាំ២០១៥ ស្ថិតនៅ ចំណុចទួលព្រិច ឃុំខ្សឹម ស្រុកស្នួល ខេត្តក្រចេះ ។

សេចក្តីរាយការណ៍ ពីសមត្ថកិច្ចបានឲ្យដឹងថា មុនពេលកើតហេតុ មានគោយន្ត ច្នៃមួយគ្រឿង បានដឹកកម្មករ ចេញពីក្នុងព្រៃ ដោយធ្វើដំណើរ តាមបណ្តោយផ្លូវលំ ស្រាប់តែចុះទួល ដាច់ហ្វ្រាំង ក្រឡាប់តែម្តង ។ សមត្ថកិច្ច បានបន្តទៀតថា ភ្លាមៗ នៅកន្លែងកើតហេតុ មានអ្នកស្លាប់៤នាក់ និងរបួស៨នាក់ ។

ក្រោយ កើតហេតុ សមត្ថកិច្ចបានចុះទៅជួយអន្តរាគមន៍ ភ្លាមៗ ដើម្បីនាំយកជនរងគ្រោះទៅ សង្គ្រោះនៅមន្ទីរពេទ្យ៕

សភានឹងចាត់វិធានការ កំណែទម្រង់ វិស័យអប់រំនៅកម្ពុជា

E-mail Print PDF

ភ្នំពេញ ៖ រដ្ឋសភា នៃព្រះរាជាណាចក្រកម្ពុជា នៅព្រឹកថ្ងៃទី៣១ ខែមីនា ឆ្នាំ២០១៥   បានរៀបចំសិក្ខាសាលាមួយ ស្តីពី « វិធានការកំណែទម្រង់ ប្រព័ន្ធអប់រំនៅកម្ពុជា»។

លោក កឹម សុខា អនុប្រធានទី១ នៃរដ្ឋសភា អញ្ជើញជាអធិបតី បើកសិក្ខាសាលា ស្តីពី « វិធានការកំណែទម្រង់ ប្រព័ន្ធ អប់រំនៅកម្ពុជា» នេះផងដែរ ។

សិក្ខាសាលា មានវាគ្មិនសំខាន់ៗ ចូលរួមដូចជា លោក  យ៉ែម បុញ្ញាឬទ្ធិ ប្រធានគណៈកម្មការអប់រំ យុវជនកីឡា ធម្ម ការកិច្ចសាសនា វប្បធម៌ និងទេសចរណ៍នៃរដ្ឋសភា។ លោក ហង់ ជួនណារ៉ុន រដ្ឋមន្រ្តីក្រសួងអប់រំ យុវជន និងកីឡា សរុបទាំងអស់ប្រមាណ២៥០នាក់ ។ សិក្ខាសាលា រៀបចំធ្វើឡើង នៅក្នុងសាលសន្និសីទ២និង៣ ក្នុងវិមានរដ្ឋសភា៕

Page 6 of 466