left
Safe Home
Safe Home
Safe Home

Dap News...Admin

Monday, Mar 02nd

| English Version | dapnews: 012 571 704, 097 9999 883, email: lim.cheavutha@gmail.com

You are here:
 

កាប់មួយពូថៅ ប្លន់យកម៉ូតូមួយគ្រឿង ដោយសុវត្ថិភាព នៅស្រុកកំចាយមារ

E-mail Print PDF

ព្រៃវែង ៖ ជនសង្ស័យពីរនាក់ បានធ្វើ សកម្មភាពប្លន់យកម៉ូតូ ដោយប្រើពូថៅកាប់ ទៅលើជនរងគ្រោះ បណ្ដាលឱ្យរងរបួសយ៉ាង ធ្ងន់ធ្ងរ ហើយប្លន់យកម៉ូតូបើកគេចខ្លួនដោយ សុវត្ថិភាព កាលពីវេលាម៉ោង៣និង៥០នាទី រសៀលថ្ងៃទី០១ ខែមីនា ឆ្នាំ២០១៥ ស្ថិត នៅក្នុងព្រៃចំការកៅស៊ូ ភូមិកន្លែងជ្រៅ ឃុំ ក្របៅ ស្រុកកំចាយមារ ខេត្ដព្រៃវែង ។

យោងតាមប្រភពព័ត៌មានពីមន្ដ្រីនគរ បាលមូលដ្ឋានបានឱ្យដឹងថា មុនពេលកើត ហេតុ ជនរងគ្រោះឈ្មោះស៊ុន ឃិន អាយុ ៥១ឆ្នាំ រស់នៅភូមិចចកទី១ ឃុំមេបុណ្យ ស្រុកស្វាយអន្ទរ ខេត្ដព្រៃវែង បានឌុបជន សង្ស័យទាំងពីរនាក់ ចេញពីរង្វង់មូលស្វាយ អន្ទរ រួចធ្វើដំណើរមកដល់កន្លែងកើតហេតុ ស្ថិតនៅចំណុចពាមអម្ពិល  ខាងកើតចេតីយ ជំទាវសម្ដេចជា ស៊ីម ចម្ងាយ១០០ម៉ែត្រ ក្នុងព្រៃចំការកៅស៊ូ ដោយមានសភាពស្ងប់ ស្ងាត់ ស្រាប់តែពួកគេទាំងពីរនាក់នោះបាន ទាញយកពូថៅកាប់ប្រហារទៅលើជនរង គ្រោះ ហើយប្លន់យកម៉ូតូបើកគេចខ្លួនដោយ សុវត្ថិភាព ។

ប្រភពព័ត៌មានពីមន្ដ្រីនគរបាលដដែលនេះ ក្រោយធ្វើសកម្មភាពរួច បានធ្វើឱ្យមានការ ភ្ញាក់ផ្អើលដល់ប្រជាពលរដ្ឋនិងសមត្ថកិច្ចចុះ មកសួរនាំ រួចហើយជួយដឹកជនរងគ្រោះ ឆ្ពោះទៅកាន់មន្ទីរពេទ្យ ដើម្បីជួយសង្គ្រោះ ដោយឡែកជនសង្ស័យ សមត្ថកិច្ចបាននឹង កំពុងធ្វើការស្រាវជ្រាវតាមចាប់យកមកផ្ដន្ទា ទោសតាមផ្លូវច្បាប់ ។

ផឹកស្រវឹង វាយធ្វើបាប ប្រពន្ធរាល់ថ្ងៃ ប្តឹងឲ្យនគបាល​ ឃាត់ខ្លួន

E-mail Print PDF

ភ្នំពេញ៖ បុរសស្រវឹងខួបម្នាក់ តែងតែរករឿវាយប្រពន្ធជាប្រចាំ ជាចុងក្រោយបិទទ្វារបន្ទប់វាយ ត្រូវបានអ្នកជិតខាងជួយអន្តរាគមន៍ ប្តឹងនគរបាលឲ្យចុះមកឃាត់ខ្លួនប្តីកំហូចនេះ ចាត់ការទៅតាមផ្លូច្បាប់ ហេតុការណ៍នេះ កើតឡើងកាលពីម៉ោង១៧និ២០នាទី ថ្ងៃទី១ ខែមីនា ឆ្នាំ២០១៥ ស្ថិតនៅក្នុងបន្ទប់ជួល ជាប់និងរបងរោងចក្រកាណាឌីយ៉ា ភូមិត្រពាំងថ្លឹងសង្កាតចោមចៅ ខណ្ឌពោធិ៍សែនជ័យ។

ប្រជាពលរដ្ឋ ដែលនៅកន្លែងកើតហេតុ បាននិយាយថា បុរសជាប្តីឈ្មោះ សិទ្ធ អាយុ២៣ឆ្នាំ ជាបុរសស្រវឹងខួប រស់នៅភូមិស្ពានថ្ម ឃុំស្អាងភ្នំ ស្រុកស្អាង ខេត្តកណ្តាល។ មានប្រពន្ធឈ្មោះ សៀវ ពិសី អាយុ១៨ឆ្នាំ មានមុខរបរជាកម្មការិនី រស់នៅបន្ទប់ជួលជាមួយគ្នា កន្លែងកើតហេតុ មានស្រុកកំណើត នៅភូមិព្រៃធ្លក ឃុំស្វាយតាយាន ស្រុកកំពង់រោទិ៍ ខេត្តស្វាយរៀង។

ប្រភពដដែលបានបន្តថា ជាច្រើនខែថ្ងៃមកហើយ បុរសជាប្តីតែងតែផឹកស្រវឹង មិនប្រកបរបររកស៊ីអ្វីនោះទេ ថែមទាំងបានមករករឿងប្រចណ្ឌ វាយធ្វើបានគ្មានលោះមួយថ្ងៃណានោះទេ លុះដល់ល្ងាចកើតហេតុ ជនសង្ស័យជាប្តី បានត្រឡប់ពីផឹកស្រាវឹងជោក រួចហើយបានរករឿងប្រពន្ធ ហើយថែមទាំងរុញប្រពន្ធចូលក្នុងផ្ទះ ហើយបិទទ្វារ រួចវាយប្រពន្ធ ប៉ុន្តែត្រូវបានប្រជាពលរដ្ឋ ដែលរស់នៅជិតខាង ប្តឹងនគរបាលប៉ុស្តិ៍ចោមចៅ ឲ្យចុះទៅឃាត់ខ្លួនជនសង្ស័យជាប្តី នាំយកទៅសាកសួរ រួចចាត់ការទៅតាមនីតិវិធីច្បាប់ ដើម្បីឲ្យរាងចាលម្តង៕

Photo by DAP-News

Photo by DAP-News

ទំនាស់ដីធ្លី ៣៣០ករណី ពាក់ព័ន្ធនឹង ប្រជាពលរដ្ឋជាង ២ពាន់គ្រួសារ ត្រូវបាន ដោះស្រាយបញ្ចប់ ក្នុងឆ្នាំ២០១៤

E-mail Print PDF

-ក្រសួងរៀបចំដែនដី បានប្រមូលចំណូល ចូលថវិកាជាតិ ពីវិស័យដីធី្លនិងសំណង់បានចំនួន ២៧១.៧១៩.៥៨៤.១៤០រៀល គិតទាំងចំណូល ពីការផ្ទេរអចលនទ្រព្យ កើនឡើង ១៦៨ភាគរយ ធៀបទៅនឹងឆ្នាំ២០១៣

ភ្នំពេញ៖ ក្រសួងរៀបចំដែនដី នគរូបនីយកម្ម និងសំណង់ បានបង្ហាញឲ្យដឹងថា នៅក្នុងឆ្នាំ២០១៤កន្លងទៅ លទ្ធផលការងារពាក់ព័ន្ធនឹងទំនាស់ដីធ្លី នៅជុំវិញប្រទេសកម្ពុជា ក្រសួងបានដោះស្រាយបញ្ចប់វិវាទដីធ្លីចំនួន ៣៣០ករណី ពាក់ព័ន្ធនឹងប្រជាពលរដ្ឋចំនួន ២.៤៣២គ្រួសារ លើកទំហំផ្ទៃដី ១.៥៩៨ហិកតា។

ជាមួយនឹងការដោះស្រាយបញ្ចប់វិវាទដីធ្លី ៣៣០ករណី ក្នុងនោះទំនាស់ដីធ្លីចំនួន ២៤៨ករណី ត្រូវបានក្រសួងច្រានចោល រួមនឹងទំនាស់ដីធ្លីចំនួន ៦២ករណីផងដែរ ត្រូវបានភាគីវិវាទដកពាក្យបណ្តឹងវិញ។

ថ្លែងនៅក្នុងសន្និបាត បូកសរុបលទ្ធផលការងារប្រចាំឆ្នាំ២០១៤ និងលើកទិសដៅសម្រាប់ឆ្នាំ២០១៥ របស់ក្រសួងរៀបចំដែនដី នគរូបនីយកម្ម និងសំណង់ ឧបនាយករដ្ឋមន្ត្រី និងជាប្រធានអាជ្ញាធរជាតិ ដោះស្រាយទំនាស់ដីធ្លី លោក ប៊ិន ឈិន បានមានប្រសាសន៍ថា ទាក់ទងនឹងការដោះស្រាយទំនាស់ដីធ្លីនេះ ត្រូវបន្តជំរុញល្បឿន នៃការដោះស្រាយវិវាទដីធ្លី តាមរយៈគណៈកម្មការសុរិយោដីគ្រប់ថ្នាក់ និងគណៈកម្មការរដ្ឋបាល នៅក្នុងតំបន់វិនិច្ឆ័យ ដើម្បីកាត់បន្ថយវិវាទដីធ្លី។

លោកថា “ការដោះស្រាយវិវាទតាមរយៈយន្តការ គណៈកម្មការសុរិយោដីថ្នាក់ក្រុង ស្រុក ខណ្ឌនីមួយៗ ត្រូវសម្រេចឲ្យបានយ៉ាងតិចពី ៤ទៅ៦ករណី សម្រាប់រាជធានី ខេត្តនីមួយៗ ដើម្បីសម្រេចការដោះស្រាយ ឲ្យបាន ២២០ករណី ក្នុងឆ្នាំ២០១៥នេះ”។

លោកឧបនាយករដ្ឋមន្ត្រី បានបញ្ជាក់ថា ត្រូវជំរុញល្បឿន នៃការចុះបញ្ជីដីធ្លី រួមមាន ទី១. ការចុះបញ្ជីដីមានលក្ខណៈជាប្រព័ន្ធឲ្យបាន ៤០ម៉ឺនក្បាលដី, ទី២. ការចុះបញ្ជីដីសហគមន៍ ជនជាតិដើមភាគតិចឲ្យបាន ១០សហគមន៍ និងទី៣. ការចុះបញ្ជីដីរដ្ឋ ពិសេសដីជាកម្មវត្ថុ នៃសម្បទានដីសេដ្ឋកិច្ចឲ្យបាន ៥០ម៉ឺនហិកតា។ ជាមួយនេះ ក៏ត្រូវខិតខំជម្រះបញ្ជីទិន្នន័យ ដែលនៅសេសសល់ពីឆ្នាំ២០១៤ និងអនុវត្តការចុះបញ្ជីបន្តឲ្យមានតម្លាភាព និងគណនេយ្យភាព។

សូមបញ្ជាក់ថា នៅក្នុងឆ្នាំ២០១៤កន្លងទៅ ក្រសួងរៀបចំដែនដី បានចុះបញ្ជីដីធ្លីទូទាំងប្រទេស សម្រេចបានចំនួន ៣.៨៣៨.២២៣ក្បាលដី។ បានបែងចែកដីសម្បទានសង្គមកិច្ច ដល់អតីតកងកម្លាំង ប្រដាប់អាវុញ និងគ្រួសារទំហំ ៦៨៧ហិកតា ដែលមានគ្រួសារចំនួន ៤៤៨គ្រួសារ និងបានបែងចែក ផ្ទៃអំពីឥដ្ឋចំនួន ១៨០ខ្នង, ចែកជូនប្រជាពលរដ្ឋក្រីក្រស៊ីវិលទូទៅចំនួន ៤០គ្រួសារ ផ្ទៃដីចំនួន ៤,៨ហិកតា៕

បក្សទាំងពីរ ឯកភាពគ្នា ក្នុងការបង្កើន ចំនួនអាសនៈ រហូតដល់១២៥

E-mail Print PDF

ភ្នំពេញ៖ បន្ទាប់ពីថ្នាក់ដឹកនាំកំពូល នៃក្រុមការងារ គណបក្សទាំងពីរ ដោះស្រាយភាពជាប់គាំងចំនួន ១៥ចំណុច នៃសេចក្ដីព្រាងវិសោធនកម្ម ច្បាប់បោះឆ្នោតថ្មី កាលពីថ្ងៃទី២៨ខែកុម្ភៈ កន្លងមក លោក ប៊ិន ឈិន  ប្រធានក្រុមការងារកំណែទម្រង់ គណបក្សប្រជាជនកម្ពុជា បានថ្លែងនៅថ្ងៃចន្ទ ទី០២ ខែកុម្ភៈ ឆ្នាំ២០១៥នេះថា បក្សទាំងពីរឯកភាពគ្នាក្នុងការ បង្កើនចំនួនអាសនៈ១២៥ លើសពីអាសនៈចាស់ដែលមានស្រាប់ ចំនួន១២៣ ។

ថ្លែងនៅក្នុងពិធីបើកសន្និបាត  បូកសរុបការងារ ដែលសម្រេចបានក្នុងឆ្នាំ២០១៤ និងលើកទិសដៅ សម្រាប់អនុវត្តបន្តក្នុងឆ្នាំ២០១៥ នៅព្រឹកថ្ងៃចន្ទ ទី០២ ខែកុម្ភៈឆ្នាំ២០១២ លោកថា "កំណត់អាសនៈ នេះ សូមបញ្ជាក់ថា គ្មានគណៈកម្មាធិការ បង្កើតអាសនៈទេ ហើយច្បាប់មុនដែលមាន បី បួន ប្រាំ មាត្រា ឥឡូវសសេរតែពីរមាត្រាទេ គឺទី១ប្រព័ន្ធបោះឆ្នោត (សមាមាត្រតាមមណ្ឌលខេត្ត-ក្រុង) និងទី២ អាសនៈ តំណាងរាស្ត្រមាន១២៥ ដែលបែង ចែកតាមមណ្ឌលខេត្តក្រុង ដូចមានចែងក្នុងច្បាប់ចាស់។ ថែមតែខេត្តព្រះសីហនុមួយទេ។

លោក ប៊ិន ឈិន បន្តថាទាំងមន្ត្រី នគរបាលយោធា តុលាការ និង ស៊ីវិល ចូលរួមយុទ្ធនាការ ឃោសនា បោះឆ្នោត បានដោយគ្មាន លក្ខខណ្ឌ ប៉ុន្តែមិនត្រូវប្រើប្រាស់ សិទ្ធអំណាច ឬដាក់អាវុធ នៅតាមខ្លួននោះទេ ។

លោកបញ្ជាក់ថា " ឥឡូវនេះ យោធានគរបាល មន្ត្រីរាជការទាំងអស់ អាចចូលទៅដង្ហែរក្បួន បានកុំភ្លេចថាគាត់ជា មន្រ្តីរបស់យើង ។ ហើយក៏កុំភ្លេចថា មានមន្ត្រីទាហ៊ាន នគរបាលរបស់យើង ក៏មានចូលគេដែរ ។ ព្រោះមានព័ត៌មានសម្ងាត់ ការពិតនិងជាក់ស្ដែង ។ ហើយស្ថានភាពនា ពេល បច្ចុប្បន្ន នេះកុំច្រឡំថាមន្ត្រី របស់យើងទាំងអស់ សុទ្ធស្មោះស្ម័គ្រទាំងអស់ ក៏មិនពិតដែរ ។ ប៉ុន្តែមិនមែនយើងចោទ មន្ត្រីយើងទាំងអស់ទេ ។  

ចំពោះរយៈពេលនៃយុទ្ធនាការឃោសនា បោះឆ្នោត លោក ប៊ិន ឈិន បញ្ជាក់ថា មានរយៈពេល២១ថ្ងៃ និងហែក្បួនធំ ៤ថ្ងៃ ។ លោកថា " បើខុសពីបួនថ្ងៃលើសពី២១ថ្ងៃ នឹងផាកពិន័យ " ។

បើតាម លោក ប៊ិន ឈិន ចំពោះសិទ្ធអំណាចរបស់មន្ត្រីអង្គការ សង្គមស៊ីវិលទាំងអស់ មិនត្រូវ ចូលរួម ឃោសនាបោះឆ្នោតជាមួយ គណបក្សណាមួយដាច់ខាត បើបំពាននិងពិន័យជាប្រាក់ពី ១០លានទៅ ២ ០លានរៀល។

មជ្ឈមណ្ឌលព័ត៌មានដើមអម្ពិល នៅមិនអាចសុំការ បកស្រាយបន្ថែមពីលោក គួយ ប៊ុនរឿន ប្រធានក្រុមការងារ ទម្រង់ការបោះឆ្នោតរបស់ គណបក្សសង្គ្រោះជាតិ បានទេ នៅព្រឹកថ្ងៃចន្ទនេះ ។

តាមគម្រោង នៅរសៀលនេះ ក្រុមការងារគណបក្សទាំងពីរ នឹងពិភាក្សាទៅលើ បញ្ហាមួយចំនួនទៀត ដែលនៅសេសសល់ ពីថ្នាក់ដឹកនាំកំពូល ៕

ស្រាបៀរអង្គរ ប្រគល់​រង្វាន់ ម៉ូតូ១១២ និងទូរស័ព្ទ ១០៨គ្រឿង ដល់អតិថិជន

E-mail Print PDF

ភ្នំពេញ៖ កាលពីចុងសប្តាហ៍ កន្លងទៅនេះ ស្រាបៀរអង្គរ បានធ្វើការប្រគល់ រង្វាន់ម៉ូតូ Honda Dream និងទូរស័ព្ទ iPhone6 ជាបន្តទៀត ដល់អតិថិជនដែលបានឈ្នះ ពីកម្មវិធីមហារង្វាន់ នៅស្ទូឌីយោ ស្ថានីយទូរទស្សន៍ ហង្សមាស HDTV ក្នុងកម្មវិធី Special Concert ។ ត្រឹមតែរយៈពេលខ្លីប៉ុណ្ណោះ ស្រាបៀរអង្គរ បានរកឃើញ អ្នកឈ្នះរង្វាន់ធំ គឺម៉ូតូ Honda Dream ១១២គ្រឿង  និងទូរស័ព្ទ iPhone6 ចំនួន១០៨គ្រឿង ។

កម្មវិធីមហារង្វាន់ របស់ស្រាបៀរអង្គរ នឹងចែករង្វាន់ធំម៉ូតូ  Honda Dream ចំនួន ១៦០គ្រឿង និង ទូរស័ព្ទ iPhone 6 ចំនួន ១៦០គ្រឿង ជារៀងរាល់ខែ ។ បន្ថែមពីលើរង្វាន់ធំទាំងនេះ ស្រាបៀរអង្គរ ក៏មានរង្វាន់ទឹកប្រាក់ ជាច្រើនផងដែរ ដូចជា ៨០០០០រៀល, ៤០ ០០០រៀល, ៤០០០រៀល និងរង្វាន់ស្រាបៀរអង្គរកំប៉ុង ជាច្រើនរង្វាន់ទៀត ៕

ឃាត់ក្មេង ទំនើងពីរនាក់ ក្រោយបង្ហោះ ម៉ូតូនិងចង់ វាយសមត្ថកិច្ច

E-mail Print PDF

ភ្នំពេញ ៖ ក្មេងទំនើងពីរនាក់ ដែលតែង តែធ្វើសកម្មភាពបង្ហោះម៉ូតូតាមដងផ្លូវសាធារណៈ និងក្នុងបរិវេណ មជ្ឈមណ្ឌល កោះពេជ្រ ត្រូវបានកម្លាំងនគរបាលការិយាល័យព្រហ្ម ទណ្ឌកម្រិតស្រាល នៃស្នងការដ្ឋាននគរបាល រាជធានីភ្នំពេញ បានឃាត់ខ្លួនខណៈដែលពួក គេទាំងពីរនាក់ បង្ហោះម៉ូតូ ។

នៅពេលដែលសមត្ថកិច្ចចុះទៅឃាត់ខ្លួននិងដកសោម៉ូតូ ស្រាប់តែក្មេងទំនើងទាំងពីរ នាក់នេះ បានបញ្ចេញយូកូម និងចង់វាយសមត្ថ កិច្ចទៀតផង ។

មន្ដ្រីនគរបាលការិយាល័យព្រហ្មទណ្ឌ កម្រិតស្រាលបានឱ្យដឹងថា កាលពីវេលា ម៉ោង៤រសៀលថ្ងៃអាទិត្យទី០១ ខែមីនា ឆ្នាំ ២០១៥ មានក្មេងទំនើងពីរនាក់ បានបង្ហោះ ម៉ូតូនៅក្នុងបរិវេណមជ្ឈមណ្ឌលកោះពេជ្រ ពេល នោះកម្លាំងនគរបាលដែលឈរជើងបាន ចេញប្រតិបត្ដិការទៅទប់ស្កាត់និងដកហូត ម៉ូតូរបស់ពួកគេ ។

មន្ដ្រីនគរបាលរូបនេះ បានបន្ដទៀតថា ដោយសារតែភាពមានៈនិងចង់តដៃជាមួយ សមត្ថកិច្ចនោះ ទើបសម្រេច នាំខ្លួនពួកគេទាំង ពីរនាក់និងម៉ូតូទៅកាន់ការិយាល័យព្រហ្មទណ្ឌ កម្រិតស្រាល ដើម្បីបន្ដការសួរនាំនិងចាត់ វិធានការទៅតាមផ្លូវច្បាប់ ។

មន្ដ្រីនគរបាលរូបនេះ ការបង្ហោះម៉ូតូ របស់ក្មេងស្ទាវនិងក្មេងទំនើងនៅតាមដងផ្លូវ សាធារណៈនោះ វាធ្វើឱ្យប៉ះពាល់ ដល់សន្ដិ សុខសណ្ដាប់ធ្នាប់ ក៏ដូចជាការបង្កគ្រោះថ្នាក់ ដល់ប្រជាពលរដ្ឋផ្សេងទៀត ប្រសិនបើម៉ូតូ របស់ពួកគេ ដួលនិងជ្រុលទៅបុកអ្នកដំណើរ ទាំងនោះ ។

ដើម្បីទប់ស្កាត់នូវសកម្មភាពអនាធិប តេយ្យរបស់ក្រុមក្មេងទំនើងទាំងនេះ ស្នង ការនគរបាលរាជធានីភ្នំពេញ និងស្នងការរង ទទួលផែន បានដាក់ផែនការ ឱ្យនគរបាល ការិយាល័យជំនាញ ព្រហ្មទណ្ឌ និងនគរបាល តាមបណ្ដាខណ្ឌ ចុះល្បាតនិងយាមប្រចាំ ការតាមគោលដៅ ដើម្បីជួយអន្ដរាគមន៍និង ទប់ស្កាត់ករណីនេះ កុំឱ្យកើតមានឡើង ដែលនាំឱ្យប៉ះពាល់ដល់ សន្ដិសុខនិងសណ្ដាប់ ធ្នាប់នោះ ៕

យោធាកម្ពុជា ឡាវ សន្យាជជែកគ្នា ដោយសន្តិវិធី ប្រសើរជាជាង ការប្រើចុងកាណុង

E-mail Print PDF

ភ្នំពេញ៖ យោធាកម្ពុជា ឡាវ បានសន្យាថាភាគី នឹងបង្កើនការ ជជែកគ្នាដោយសន្តិវិធី ប្រសើរជាជាង ការប្រើប្រាស់ ចុងកាណុង ហើយមិនតែបុណ្ណោះ ក៏បានសន្យាថានឹងពន្លឿន ក្នុងការបោះបង្គោលព្រំដែន ឲ្យបានឆាប់ផងដែរ ។

ការសន្យារវាងភាគីទាំងពីរបែបនេះ គឺបានធ្វើឡើង នាថ្ងៃទី២ ខែមីនា ឆ្នាំ២០១៥ នាទីស្តីការក្រសួងការពារជាតិកម្ពុជា ក្នុងកិច្ចជំនួបដោយបិទទ្វា រយៈពេលជាងមួយម៉ោង រវាងនាយឧត្តមសេនីយ៍ទៀ បាញ់ ឧបនាយករដ្ឋមន្រ្តី និងជារដ្ឋមន្រ្តីក្រសួង ការពារជាតិកម្ពុជា និងលោក សេងនន់ សាយយ៉ាឡាត (Sengnuan saiyalath) រដ្ឋមន្រ្តីក្រសួងការពារជាតិឡាវ ។

យោងតាមមន្រ្តីដែលបានចូលរួម ក្នុងកិច្ចជំនួបបានឲ្យដឹងថា ភាគីទាំងពីរបានសន្យាពង្រឹង កិច្ចសហប្រតិបត្តិការ ទ្វេភាគីឲ្យកាន់តែខ្លាំង ក្លាបន្ថែមទៀត ជាពិសេសគឺទប់ស្កាត់ បទឧក្រិដ្ឋនានា នៅតាមបណ្តោយព្រំដែន ដូចជាបញ្ហាការជួញដូរមនុស្ស គ្រឿងញៀន ការកាប់ឈឺជាដើម ហើយមួយវិញទៀតភាគីកម្ពុជា ក៏បានស្នើឲ្យយោធាឡាវ ដោះស្រាយ ទៅតាមច្បាប់និង  ដោយសន្តិវិធីផងដែរ ខណៈដែលមានប្រជាពលរដ្ឋកម្ពុជា ចូលទៅក្នុងទឹកដីឡាវ ធ្វើសកម្មភាពអ្វីផ្សេងៗ ដោយខុសច្បាប់នោះ ។

ថ្លែងប្រាប់អ្នកសារព័ត៌មាន បន្ទាប់ពីកិច្ចជំនួប នាយឧត្តមសេនីយ៍ ទៀ បាញ់ បានលើកឡើងថា ភាគីទាំងពីរ បានពិភាក្សាគ្នាអំពី បញ្ហាព្រំដែនទូទៅ ដើម្បីធ្វើយ៉ាងណាឲ្យប្រជាជន នៃប្រទេសទាំងពីរ ទទួលបានផលប្រយោជន៍ច្រើន និងអាស្រ័យសេដ្ឋកិច្ច គ្នាទៅវិញទៅមក ។

នាយឧត្តមសេនីយ៍បានបញ្ជាក់ថា “យើងបានពិភាក្សាគ្នា អំពីបញ្ហាការ បោះបង្គោលព្រំដែន បញ្ហាសំណង់ខ្លះៗ នៅតាមព្រំដែន.........ហើយសម្រាប់យោធាទាំងពីរ ក៏ត្រូវសហការគ្នា ជាមួយនឹងអាជ្ញាធរ ក៏ដូចជាសមត្ថកិច្ចដើម្បី បង្កលក្ខណៈងាយស្រួល ឲ្យប្រជាជននៃ ប្រទេសទាំងពីរ មានសន្តិសុខ និងរីកចំរើនជាមួយនឹងគ្នា” ។

បន្ទាប់ពីកិច្ចជំនួបនោះដែរ ភាគីទាំងពីរក៏បានចុះហត្ថលេខាលើ កិច្ចព្រមព្រៀង មួយចំនួនដូចជា ការផ្លាស់ប្តូរបទពិសោធន៍នឹងគ្នា និងការផ្លាស់ប្តូរ ប្រតិភូរវាងភាគី ទាំងពីរឲ្យបានកាន់តែ ញឹកញាប់ ដើម្បីរៀនសូត្រ ពីរគ្នាផងដែរ ។

សូមរំលឹកថា លោក សេងនន់ សាយយ៉ាឡាត (Sengnuan saiyalath) បានមកបំពេញ ទស្សនកិច្ចជាមិត្តភាព និងផ្លូវការរយៈពេល ៤ថ្ងៃ ពីថ្ងៃទី ២៨ ខែកុម្ភៈ ដល់ថ្ងៃទី ៣ ខែមិនា ឆ្នាំ២០១៥ ក្នុងគោលបំណងពង្រឹង កិច្ចសហប្រតិបត្តិការទ្វេភាគី នៃយោធា ប្រទេសទាំងពីរ ។ ក្នុងដំណើរទស្សនកិច្ចនេះ លោកសេងនន់ សាយយ៉ាឡាត ក៏បានជួបពិភាក្សា ការងារជាមួយនាយឧត្តមសេនីយ៍ ទៀ បាញ់ ឧបនាយករដ្ឋមន្ត្រី រដ្ឋមន្រ្តីក្រសួងការពារជាតិ និងចូលជួបសម្តែងការគួរសម សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា នៅវិមានសន្តិភាពផងដែរ ៕

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News

អភិបាល ខណ្ឌ ដូនពេញ ដឹកនាំ កម្លាំងចុះបាញ់ សំអាតច្រាំងទន្លេ

E-mail Print PDF

ភ្នំពេញ ៖ អភិបាលខណ្ឌដូនពេញ លោក គួច ចំរើន បានដឹកនាំកម្លាំងសណ្ដាប់ធ្នាប់ កម្លាំងប្រជាការពារ អាជ្ញាធរ មូលដ្ឋាននិង មានការចូលរួមពីក្រុមយុវជន សហភាព សហព័ន្ធយុវជនកម្ពុជាផងនោះ កាលពីថ្ងៃ អាទិត្យទី០១ ខែ មីនា ឆ្នាំ២០១៥ បានចុះ បាញ់ទឹកលាងសំអាតច្រាំងទន្លេ នៅតាម បណ្ដោយផ្លូវព្រះស៊ីសុវត្ថិ មុខព្រះបរមរាជ វាំង និងតាមសួនច្បារនានា ។

យុទ្ធនាការខាងលើនេះ ក្នុងគោលបំណង ចូលរួមចំណែក លើកកម្ពស់សោភ័ណភាពទី ក្រុង ជាពិសេសកន្លែង មើលទេសសភាពនៅ តាមមាត់ទន្លេ ដែលសំបូរដោយភ្ញៀវជាតិ និងអន្ដរជាតិទៅកាន់ទីនោះ នាពេលព្រឹកនិង ពេលរសៀល ។

មន្ដ្រីសាលាខណ្ឌដូនពេញ ដែលចូលរួម ជួយបាញ់លាងសំអាតនៅកន្លែងកំសាន្ដមួយ នេះ បានថ្លែងឱ្យដឹងថា ព្រោះតែប្រជាពល រដ្ឋខ្លះ ដែលមកអង្គុយមើលទេសសភាពនិង ដើរលេងកំសាន្ដតាមមាត់ទន្លេបានបោះចោល សំរាម ក៏ដូចជាការសំណល់ផ្សេងៗ ដោយ មិនបានគិតគូ និងចូលរួមរក្សាអនាម័យបរិ ស្ថាននោះ បានធ្វើឱ្យតំបន់ មាត់ទន្លេ តាមបណ្ដោយផ្លូវព្រះស៊ីសុវត្ថិ មានក្លិនឆ្អាបឆ្អេះ ដែលខ្លះចេញមកពីការបន្ទោបង់មិនបានត្រឹម ត្រូវ ទើប លោក អភិបាលខណ្ឌបានដឹកនាំមន្ដ្រី ជាច្រើននាក់តទុយោទឹក បាញ់លាងដុះនិង បោសសំអាត មានសោភ័ណភាព ឡើងវិញ ។

នៅក្នុងឱកាសនោះ លោកអភិបាលខណ្ឌ ដូនពេញ បានបន្ដអំពាវនាវឱ្យបងប្អូនប្រជា ពលរដ្ឋទាំងអស់យកចិត្ដ ទុកដាក់ ជួយរក្សា អនាម័យបរិស្ថាន នៅតាមមាត់ទន្លេ ពោល មិនត្រឹមបន្ទោបង់ផ្ដេសផ្ដាស់ បោះចោលសំ រាមកាកសំណល់ ឬខារស្ដោះពាសវាលពាស កាលដែលធ្វើឱ្យប៉ះពាល់ដល់សុខភាពសាធា រណៈនិង ជាពិសេសសោភ័ណភាពទីក្រុង ក៏ ដូចជាកន្លែងកំសាន្ដមួយនេះ ។

លោកគួច ចំរើន ក៏បានណែនាំឱ្យមន្ដ្រី សាលាខណ្ឌ ក៏ដូចជាអាជ្ញាធរពាក់ព័ន្ធត្រូវធ្វើ ការងារនេះជាប្រចាំ ក្រៅពីលើក កម្ពស់សោ ភ័ណ្ឌភាពរក្សាអនាម័យបរិស្ថាននោះ គឺ ត្រៀមចូលរួមប្រកួតប្រជែងបន្ដទៀត នៃ ការប្រឡងប្រណាំង ទីក្រុងស្អាត នាឆ្នាំខាង មុខ ។

គួររំលឹកតាមរយៈការខិតខំប្រឹងប្រែង អភិវឌ្ឍន៍មូលដ្ឋានរបស់ខ្លួនលើគ្រប់វិស័យ នោះ បានធ្វើឱ្យខណ្ឌដូនពេញ ទទួលបានជ័យ លាភី ផ្ការំដួល៣ទង ពីគណៈកម្មាធិការវាយ តម្លៃទីក្រុងស្អាត ក្នុងចំណោមក្រុងទាំង៤ ផ្សេងទៀត ។

អាជីវករស្រុកបារាណ៍ ឈ្នះរង្វាន់ ១ម៉ឺនដុល្លារ ពីហត្ថាកសិករ លីមីតធីត

E-mail Print PDF

ភ្នំពេញ៖ មានអតិថិជន និង សាធារណៈជន ជាច្រើននាក់ ចូលរួមត្រេកអរ ដល់អតិថិជនទាំង១៤រូប ដែលមានមហា សំណាងឈ្នះរង្វាន់ ក្នុងចំណោមអតិថិជន រាប់សែននាក់ ដែលបានបើកគណនី បញ្ញើសន្សំ នៅហត្ថាកសិករ លីមីតធីត ក្នុងកម្ម វិធីលុយ!លុយ! ឈ្នះ!ឈ្នះ!។  លោក យស់ ណារិទ្ធ ជាអតិថិជន មានសំណាងជាងគេ ឈ្នះរង្វាន់ធំទឹកប្រាក់ ១០,០០០ ដុល្លារអាមេរិក ក្នុងចំណោមអតិថិជនទាំង ១៣រូប ដែលមានសំណាង ឈ្នះរង្វាន់ ជាទឹកប្រាក់សុទ្ធ ៥,០០០ ដុល្លារ៣រង្វាន់ និង ២,០០០ ដុល្លារអាមេរិក ១០រង្វាន់ សម្រាប់ការចាប់ឆ្នោត កាលពីថ្ងៃទី៧ ខែកុម្ភៈ ឆ្នាំ២០១៥ នៅស្ថានីយ៍ ទូរទស្សន៍ CTN ក្នុងកម្មវិធីរាត្រីកម្សាន្ត កន្លងទៅថ្មីៗនេះ ។

លោក យស់ ណារិទ្ធ បាននិយាយថានៅថ្ងៃនោះ លោកត្រូវបានអញ្ជើញចូលរួម ទៅញុំាការញាតិមិត្ត ក្នុងភូមិស្រាប់តែ មានអ្នកស្គាល់គ្នា ទូរស័ព្ទមកប្រាប់ថា រូបលោកជាអតិថិជន មានសំណាងឈ្នះទឹកប្រាក់ ១០,០០០ដុល្លារ ពីហត្ថាកសិករ  ខ្ញុំមានអារម្មណ៍ត្រេកអរ នឹងសំណាងរបស់ខ្លួន ប៉ុន្តែមិនជឿ១០០%ទេ រហូតដល់បុគ្គលិកហត្ថាកសិករ លីមីតធីត បាន ទូរស័ព្ទប្រាប់ និងអញ្ជើញខ្ញុំឲ្យមកបើករង្វាន់នៅថ្ងៃទី២៨ ខែកុម្ភៈ ឆ្នាំ២០១៥ វេលាម៉ោង ៥រសៀល នៅស្ថានីយ៍ទូរទស្សន៍ CTN នេះទើបខ្ញុំជឿ។  លោកបានបន្ថែមទៀតថា ពេលនោះមិនត្រឹមតែអរទេ ខ្ញុំស្រែកហ៊ោ ប្រាប់ភរិយាខ្ញុំដែលកំពុង តែសម្រាកហើយភរិយា របស់ខ្ញុំស្មានថាខ្ញុំ ស្រែកមមើ តែពេលខ្ញុំប្រាប់ថាពិតមែន អោយមើលលេខទូរស័ព្ទ ០២៣ ៩៩៩ ២៦៦ បានទូរស័ព្ទ ប្រាប់ឲ្យយើងទៅបើក រង្វាន់គាត់ក៏ជឿ និងអរខ្លាំងជាងខ្ញុំទៅទៀត ។

ចំណែកកឯ អតិថិជន ទាំង១៣រូប ដែលឈ្នះរង្វាន់ធំទី២ និងទី៣ ក៏មានអារម្មណ៍ប្រហាក់ប្រហែល នឹងលោក យស់ ណារិទ្ធដែរ បន្ទាប់ពីទទួលបានទូរស័ព្ទពី ហត្ថាកសិករ លីមីតធីត បញ្ជាក់ថាពួកគាត់ពិតជាត្រូវរង្វាន់មែន ហើយពួកគាត់ ទាំងអស់បានសម្តែង ទាំងទឹកមុខសប្បាយរីករាយ ជាមួយនឹងពាក្យគ្រប់ម៉ាត់សន្យាថា នឹងប្រើសេវាហត្ថាកសិករ លីមីត ធីត បើទោះបីជាមានរង្វាន់ ឬអត់រង្វាន់ក៏ដោយ ព្រោះនៅហត្ថាកសិករ ក្រៅពីររង្វាន់នៅមាន អត្ថប្រយោជន៍ជាច្រើន ដូចជា សេវាកម្មអតិថិជនល្អ ជាមួយនឹងសេវាហិរញ្ញវត្ថុច្រើន យ៉ាងដូចជា សេវាអេធីអឹម សេវាខ្ចីប្រាក់ សេវាផ្ទេរប្រាក់ សេវាបញ្ញើសន្សំប្រាក់ និងសេវាធនាគារចល័ត ដូចនេះគ្មានហេតុផលណាដែល អាចឲ្យពួកគាត់ឈប់ ប្រើសេវាហិរញ្ញវត្ថុ នៅហត្ថាកសិករឡើយ។

លោកឧកញ៉ា ហួតអៀងតុង ប្រធានអគ្គនាយកហត្ថាកសិករ លីមីតធីតបានសម្តែងអារម្មណ៍ សប្បាយរីករាយនៅក្នុង ពេលប្រគល់រង្វាន់ជូនអតិថិជន ដែលមានសំណាងឈ្នះរង្វាន់ធំ ដែលបានបើកគណនី នៅហត្ថាកសិករ លីមីតធីត នេះ។ លោកបានថ្លែងទៅកាន់អតិថិជន និងសាធារណៈជននាឱកាសនេះ ថាហត្ថាកសិករ លីមីតធីត នឹងខិតខំធ្វើយ៉ាងណាបង្កើតឲ្យ មានសេវាហិរញ្ញវត្ថុ ដែលបំពាក់ដោយបច្ចេកវិទ្យាទំនើបៗ សម្រាប់បំពេញតំរូវការរបស់អតិថិជន និងជាពិសេស បង្កើតឲ្យមានជារង្វាន់ ឬជាវត្ថុអនុស្សាវរីយ៍សម្រាប់ ជូនអតិថិជនទាំងអស់ទុកជា ចំណងដៃនៃការ ប្រើប្រាស់សេវាហិរញ្ញ វត្ថុនៅហត្ថាកសិករ លីមីតធីតថែមទៀត៕                                  

ក្រុមហ៊ុន SSK មាន​លក់​ម៉ូទ័រ​បូម​ទឹក​ម៉ាក KIKAWA ប្រកប​ដោយ​គុណ​ភាព​ខ្ពស់

E-mail Print PDF

ភ្នំពេញ៖ ក្រុមហ៊ុន SSK មានលក់ម៉ូទ័របូម ទឹកម៉ាក KIKAWA ដែលជាម៉ូទ័រមានគុណភាព ស្តង់ដារអន្តរជាតិ អាចប្រើប្រាស់គ្រប់ស្ថានភាព ដូចជាជំរុញទឹកសម្រាប់អាគារខ្ពស់ ពីក្រោមទៅលើ និងសង្កត់ទឹកពីលើចុះមក ក្រោមឲ្យខ្លាំងព្រមទាំង អាចបូមទឹកកខ្វក់ ទឹកក្តៅ ប្រេង កាកសំណល់ កំទេចសំរាម មិនតែប៉ុណ្ណោះក៏អាចប្រើ បាននៅតាមកសិដ្ឋានចិញ្ចឹមសត្វ ផ្សេងៗផងដែរ។

ឥឡូវនេះលោកអ្នកអាចរកជាវ និងទំនាក់ទំនងយកទៅបោះដុំ តាមរយៈក្រុមហ៊ុន SSK ដែលមានអាស័យដ្ឋាន ផ្ទះលេខ៖ ដីឡូតិ៍លេខ30 ផ្លូវ219 សង្កាត់ផ្សារដើមគរ ខណ្ឌទួលគោក រាជធានីភ្នំពេញ និងទូរស័ព្ទលេខ៖ 011 96 1111 / 096 298 7777

គណៈបញ្ជាការ ឯកភាព ខណ្ឌដូនពេញ ចុះបង្ក្រាបទីតាំង បើកហ្គេមខុសច្បាប់ ដក ហូត បាន៥៨ទូ

E-mail Print PDF

ភ្នំពេញ ៖ កម្លាំងគណៈបញ្ជាការឯកភាព ខណ្ឌដូនពេញ បានបន្ដយុទ្ធនាការចុះទៅ បង្ក្រាបទីតាំងបើក ហ្គេមខុស ច្បាប់ នៅក្នុង ភូមិសាស្ដ្ររបស់ខ្លួន កាលពីរសៀលថ្ងៃទី០១ ខែមីនា ឆ្នាំ២០១៥ ដោយដក ហូតបានទូហ្គេម ចំនួន៥៨ទូ ក្នុងនោះទូប្រភេទបៀរ ចំនួន៥០ ទូ និងទូប្រភេទបាញ់ត្រីចំនួន៨ទូ ។

យុទ្ធនាការបង្ក្រាបទីតាំងបើកហ្គេមដោយ ខុសច្បាប់ខាងលើនេះ ធ្វើឡើងដោយមាន ការបញ្ជាផ្ទាល់ ពីលោកគួច ចំរើន ប្រធាន គណៈបញ្ជាការឯកភាពខណ្ឌដូនពេញ ស្ថិត នៅសង្កាត់ផ្សារថ្មីទី៣ និងសង្កាត់ផ្សារកណ្ដាល ទី១  ។

មន្ដ្រីសាលាខណ្ឌដូនពេញ បានឱ្យដឹងថា ក្រោយពីទទួលបានព័ត៌មានពីប្រជាពលរដ្ឋ ស្ដីអំពីការបើក ហ្គេមនៅទីតាំងខាងលើ ក្នុង សង្កាត់ទាំងពីររួចមក លោកគួច ចំរើន បាន ចាត់ចែងឱ្យអាជ្ញាធរនិង សមត្ថកិច្ចចុះទៅ បង្ក្រាបចំនួន៣ទីតាំង និងដកហូតបានទូហ្គេម ចំនួន ៥៨ទូ ។

មន្ដ្រីសាលាខណ្ឌដូនពេញ បានបន្ដទៀតថា ទូហ្គេមទាំងនេះ ត្រូវបានដឹកតាមរថយន្ដមក រក្សាទុកនៅសាលា ខណ្ឌដូនពេញ ដើម្បីរង់ ចាំការវាយកំទេចចោលនៅពេលខាងមុខ។

យុទ្ធនាការ ចុះបង្ក្រាបទីតាំងហ្គេម ដោយ លួចលាក់និងខុសច្បាប់របស់អាជ្ញាធរខណ្ឌ ដូនពេញ ជាបន្ដបន្ទាប់ ខាងលើនេះ ត្រូវបាន មន្ដ្រីសាលាខណ្ឌអះអាងថា ដើម្បីលុបបំបាត់ ភាពអសកម្មមួយចំនួន ដែលអាចកើតចេញ ពីបញ្ហានេះ ដូចជាក្មេងសិស្សសាលាគេចវេះ ពីការរៀនសូត្រ ហើយចូលទៅលេង ហ្គេម ខាតទាំងពេលវេលា និងខាតទាំងលុយកាក់។ ម្យ៉ាងវិញទៀត ករណីនេះក៏អាចផ្ដើមឱ្យកើត មានឡើងនូវល្មើសមួយចំនួនផងដែរ។

តាមមន្ដ្រីសាលាខណ្ឌដូនពេញ លោក អភិបាល បានណែនាំឱ្យមន្ដ្រីនិងសមត្ថកិច្ច ពាក់ព័ន្ធនៅក្នុង ខណ្ឌបន្ដ ធ្វើការ ស្រាវជ្រាវរក ទីតាំងហ្គេម ដែលបន្ដលួចបើក ដោយគ្មាន ច្បាប់អនុញ្ញាតនៅក្នុង ភូមិសាស្ដ្រ ហើយឈាន ទៅដល់ ការបង្ក្រាបនិងដកហូតទូហ្គេមទាំង នោះ ។

កាលពីចុងសបា្ដហ៍ទៅនេះ អភិបាលខណ្ឌ ដូនពេញ បានដឹកនាំកម្លាំងវាយកំទេចចោល ទូហ្គេមជាច្រើនទូ ក្រោយពីដកហូតបាននា ពេលកន្លងទៅនោះ ៕

Page 6 of 334