left
Safe Home
Safe Home
Safe Home

Dap News...Admin

Saturday, Apr 25th

| English Version | dapnews: 012 571 704, 097 9999 883, email: lim.cheavutha@gmail.com

You are here:
 
AAP

សង្រ្គាមដណ្តើម ឧត្តមភាព ដើម្បីគ្រប់គ្រង ត្រួតត្រាពិភពលោក ពីពួកប្រទេសមហាយក្ស!

E-mail Print PDF

ឯកអគ្គរាជទូតកម្ពុជាប្រចាំប្រទេសឡាវ លោក ហើស សិរីធន បានចេញផ្សាយជាច្រើនមក ហើយនូវអត្ថបទស្រាវ  ជ្រាវពាក់ព័ន្ធភូមិសាស្រ្តនយោបាយអន្តរជាតិ បញ្ហាជម្លោះ និងទំនាក់ ទំនងនយោបាយលើឆាកអន្តរជាតិ។ ការ  ខិតខំស្រាវជ្រាវ និង ចងក្រងនូវអត្ថបទជាច្រើន នេះ គឺក្នុងបំណងជួយបញ្ច្រៀប ចំណេះដឹងអន្តរជាតិ ដល់និស្សិត  បញ្ញវន្ត និងប្រជាពលរដ្ឋ ខ្មែរ ដើម្បីជាចំណេះដឹងបន្ថែមទុកជាមូលដ្ឋាន ក្នុងការសិក្សាស្រាវជ្រាវ ក៏ដូចជាដើមទុន  សម្រាប់រួមគ្នាទប់ទល់មនោគមន៍វិជ្ជា និង អំណាចបរទេស ធ្វើយ៉ាងណារក្សាប្រទេសកម្ពុជា ក្នុងគន្លងសន្តិភាព   ដោយមិនលង់តាមមហិច្ឆតារបស់បរទេស។

នៅពេលនេះ លោក ហើស សិរីធន បានស្រាវជ្រាវ និងចងក្រងនូវអត្ថបទថ្មីមួយទៀតស្តីពី «សង្រ្គាមដណ្តើម ឧត្តមភាព ដើម្បីគ្រប់គ្រង ត្រួតត្រាពិភពលោកពីពួក ប្រទេសមហា យក្ស! » ដែលពន្យល់ និងបើកកកាយពីល្បិច កិច្ចកល និងមហិច្ឆតារបស់ប្រទេសមហា អំណាចធំៗ ដូចជា អាម៉េរិក ចិន និងរុស្ស៊ី ក្នុងការគ្រប់គ្រងពិភពលោក ពីអតីតកាល ក៏ដូចជា ពេលបច្ចុប្បន្ន។ អត្ថបទនេះ គឺជាអត្ថបទសិក្សាស្រាវជ្រាវ មិនឆ្លុះបញ្ចាំងពីទស្សនៈរបស់អ្នក និពន្ធនោះឡើយ។

សូមអានអត្ថបទស្រាវជ្រាវរបស់លោក ហើស សិរីធន ដែលមានខ្លឹមសារទាំងស្រុង ដូចខាងក្រោម៖   

សភាពការណ៍ពិភពលោកនាពេលបច្ចុប្បន្ននេះ កំពុងមានសង្រ្គាមពីរ ដែលបានកើតមាន ឡើងឆាបឆេះគ្រប់ទី កន្លែង គឺមួយ ជាភ្លើងសង្រ្គាមប្រយុទ្ធប្រឆាំងទៅនឹងចរន្តរបស់ក្រុម ឥស្លាម និយមជ្រុល ដែលបាននិងកំពុងបង្ក វិនាសកម្មហិនហោច និងភាពចលាចលវឹកវរ ពាសពេញលើពិភពលោក និង សង្រ្គាមមួយទៀត  គឺជាចម្បាំងមិន ចេញមុខរវាងមហាយក្ស ទាំង៣ អាមេរិក-រុស្សី និង ចិន អំពីការប្រកួតប្រជែង ក្នុងការដណ្តើមឧត្តមភាពក្នុងការដឹក នាំពិភពលោក! ក្នុងបរិបទ នៃបច្ចុប្បន្នភាពអាចនិយាយបានថា សង្រ្គាមទី១ បានធ្វើឲ្យមាន ការកកើតឡើង នៅសង្រ្គាមទី២: ដោយ សហរដ្ឋអាមេរិក មានបំណងប្រើប្រាស់សង្រ្គាម ទី១ ប្រយុទ្ធប្រឆាំងទៅនិងអំពើភេរវកម្ម  ដើម្បីឆ្ពោះទៅធ្វើអធិរាជ្យ មកលើតំបន់មជ្ឍឹមបូព៌ា មួយដ៏ធំ និងក៏ជាទីកន្លែងដែលសំបូរទៅដោយធនធានរ៉ែប្រេង  ដោយឡែកចំពោះ រុស្សី និង ចិន វិញ បានប្រឆាំងទៅនិងមហិច្ឆតានេះ របស់បងធំ Uncle Sam!។

ដើម្បីទប់ទល់ទៅនឹងគំនិត-ផែនការរបស់រុស្សីនិងចិនយ៉ាងដូច្នេះ ពួក policy-makers របស់ មន្ទីរបញ្ចកោណ បានដាក់ចេញនូវយុទ្ឋសាស្រ្ត Pivot ការវិលមកកាន់តំបន់សមុទ្រ ប៉ាស៊ី ហ្វិក ជាកម្លាំងយោធាជើងទឹក ដើម្បីហ៊ុំ ព័ទ្ធចិន លើផ្ទៃសមុទ្រពីភាគខាងត្បូង ព្រមទាំងបាន បង្កើតឡើងនូវសន្លឹកបៀរស្អុយ Ukrain ដើម្បីឯកោរុស្សី ចេញពីសហគមន៍ជាតិ និង អន្តរ ជាតិ។ ក៏ប៉ុន្តែជាអកុសលបញ្ហាខាងលើទាំងអស់នេះ ពុំមានភាពងាយស្រួលក្នុង ការធ្វើ សម្ពាធមកលើចិន និង រុស្សី ដូចអ្វីដែលអាមេរិក ធ្លាប់បានអនុវត្តន៍ក្នុងសម័យកាលបន្ទាប់ ពីសង្រ្គាមត្រជាក់ ចប់ភ្លាមនោះ!។

គោលគំនិតនយោបាយក្នុងភាពអធិរាជ្យ ត្រួតត្រា ដឹកនាំពិភពលោករបស់អាមេរិក៖

នៅថ្ងៃ ៣០ កុម្ភៈ ២០០៣ ប្រធានាធិបតី អាមេរិក George W. Bush បានចេញបញ្ជាឲ្យ វាយប្រហារមកលើ ប្រទេស Irak ដោយពុំចាំបាច់មានការឯកភាពយល់ព្រមពីក្រុមប្រឹក្សា សន្តិសុខសហប្រជាជាតិ (UNSC)។ ក្នុង ឧបទ្ទវហេតុនយោបាយដ៏កម្រោននេះ រុស្សី ចិន និងប្រទេសជាច្រើនលើពិភពលោកបានប្រឆាំង និងថ្កោលទោស ចំពោះអំពើវាយប្រហារ ដ៏ ខុសច្បាប់នេះ។ ក្នុងបរិបទនេះ ប្រធានាធិបតី Bush បានប្រកាសថា ប្រទេសអាមេរិក កំពុង ស្ថិតនៅក្រោមការគំរាមកំហែង អាមេរិក ដាច់ខាតត្រូវតែមាន Action ដោយ Bush បានអះ អាងថា «អាមេរិ កពុំអាចរង់ចាំបានតទៅទៀត ហើយអាមេរិក ក៏ពុំចាំបាច់មានការ យល់ ព្រម ឯកភាព ទោះបីនរណាម្នាក់ ចំពោះ  Action ខាងលើនេះឡើយ!»

នៅក្នុងខ្លឹមសារ នៃសេចក្តីថ្លែងការណ៍សហព័ន្ធ ដែលបានអាននៅចំពោះមុខសភាទាំងពីរ នៅថ្ងៃ ៣១ មករា  ២០០៦ ប្រធានាធិបតី Bush បានគូសបញ្ជាក់ថា «គឺជាវិធានតែមួយ គត់ ដើម្បីការពារអាយុជីវិត ធានាសុខសន្តិ ភាព និងដើម្បីដឹកនាំជោគវាសនារបស់អា មេរិក និង ការការពារតួនាទីចម្បង និងដាច់ខាតរបស់អាមេរិក! ដូច្នេះ សហរដ្ឋអាមេ រិក នឹងត្រូវបន្តការដឹកនាំមកលើពិភពលោកនេះ» ហើយជានិច្ចកាលអាមេរិក «តែងតែ ស្ថិតក្នុងស្ថាន ភាព ម្ចាស់ការក្នុងវាយប្រហារជាមុន!»

ដោយឡែក ប្រធានាធិបតី Obama ក៏មានគំនិតនយោបាយដូច Bush អីចឹងដែរ ដោយនៅ វេលាម៉ោង៩យប់ ថ្ងៃ ទី១០ កញ្ញា ២០១៤ នៅក្នុងសេតវិមាន Obama បានអានសុន្ទរកថា មួយ ដែលមានខ្លឹមសារស្តីពីផែនការវាយ កម្ទេចក្រុមឥស្លាម និយមជ្រុល ISIS ដែលក្នុង នោះ Obama បានសង្កត់ធ្ងន់អំពីតួនាទីដឹកនាំពិភពលោក របស់ សហរដ្ឋអាមេរិកថា «ក្នុង គ្រប់កាលៈទេសៈ ការដឹកនាំពិភពលោករបស់អាមេរិកគឺជាភាពគណនាមួយ ដែល មិន ចេះចប់នៅក្នុងសកលលោកមួយ ដែលមានការប្រែប្រួល ផ្លាស់ប្តូរ (American leadership is the one cons  tant in an uncertain world)» ជានិច្ចយ៉ាងដូច្នេះ។ មានតែអាមេរិកមួយគត់ ជាប្រទេសដែលមានសមត្ថភាព និងឆន្ទៈក្នុងការកំណែនពិភព លោកទាំងមូល ដើម្បីប្រយុទ្ធប្រឆាំងទៅនឹងអំពើភេរវកម្ម ហើយក៏មានតែប្រទេស អាមេរិក តែមួយគត់  ដែលបានប្រមូលផ្តុំប្រទេសទាំងឡាយក្នុងការប្រឆាំងទៅនឹងអំពើឈ្លានពាន របស់រុស្សី ព្រមទាំងបានផ្តល់ការគាំទ្រដល់សិទ្ធសម្រេចជោគវាសនាសម្រាប់ជនជាតិ Ukrain ដោយខ្លួនឯងផង។

ដូច្នេះ ទាំងប្រធានាធិបតី Bush ទាំងប្រធានាធិបតី Obama សុទ្ធតែមានគំនិតផ្តួចផ្តើមទស្ស នៈនយោបាយដូចគ្នា ក្នុងការយល់ថា ប្រទេសអាមេរិក ត្រូវតែដឹកនាំពិភពលោក ដែល ទោះបីជាសកលលោកនេះ វិវត្តន៍ប្រែប្រួលដល់ណាក៏ដោយ។ ទាំងអស់នេះគ្រាន់តែជាការ យល់ពីភាគីម្ខាង ដែលពុំមែនជាភាពងាយស្រួលដូចការគិត របស់អា មេរិកនោះទេ! ព្រោះ ក្នុងស្ថានភាពបច្ចុប្បន្ននេះ ទាំងកម្លាំងនយោបាយ យោធា ក៏ដូចជា អនុភាពសេដ្ឋកិច្ចលើពិ ភពលោក ពិសេស គឺសម្រាប់ អាមេរិក រុស្សី និង ចិន សុទ្ឋតែមានការវិវត្តន៍ផ្លាស់ប្តូរខុសគ្នា ទាំងអស់។

យុទ្ឋសាស្ត្រ និងយុទ្ធវិធីរបស់អាមេរិក ក្នុងការអនុវត្តន៍ផែនការត្រួតត្រាពិភពលោក៖

នៅថ្ងៃ ១៨ សីហា ២០០៦ ប្រធានាធិបតី Bush បានប្រកាសអំពីរូបមន្ត មជ្ឍឹមបូព៌ាថ្មីមួយ - New Middle  East” និងកកើតឡើងមានជារូបរាង ដែលក្នុងមជ្ឍឹមបូព៌ាថ្មីមួយនេះ ខឿន ប្រជាធិបតេយ្យមួយត្រូវបានកើតឡើង  ហើយប្រជាធិបតេយ្យនេះត្រូវបានឆ្លុះបញ្ចាំងថា ជា power មួយដែរ និងពុំមានអានុភាពណាមួយអាចរារាំងទប់ ស្កាត់បាននូវចរន្តប្រជាធិបតេយ្យ កម្មនេះបានឡើយ! ហើយដំណើរប្រជាធិបតេយ្យកម្មនេះនឹងរីករាលដាលកំទេចអំពើភេរវ កម្ម និងបង្រ្កាបមកលើរាល់របបផ្តាច់ការ (would spread and eradicate terrorism and despot  ism) ឲ្យរលាយសាបសូន្យពីតំបន់នេះជាស្ថាពរ។

នេះគឺជាយុទ្ឋសាស្ត្រអំពីមជ្ឍឹមបូព៌ារបស់សហរដ្ឋអាមេរិក៖

ផែនទី «មជ្ឍឹមបូព៌ាថ្មីមួយ» ដែលត្រូវបានកាសែត New York Time ប្រកាសផ្សព្វផ្សាយនៅ ថ្ងៃ ២៨ កញ្ញា ២០  ១៣ ឲ្យឃើញថា តំបន់ មជ្ឍឹមបូព៌ាថ្មី រួមមានឥស្លាម ២២ ប្រទេស ក្នុង ពិភពអារ៉ាប់ ដែលក្នុងផែនទី នេះ New  Middle East មានរួមបន្ថែមទាំងប្រទេស Turkey, Israel, Palestin និង ប្រទេស Afghanistan ផង។ ក្នុង  ២២ ប្រទេសឥស្លាម នេះ ក៏មាន ៥ប្រទេសដែរ និងត្រូវបានបែងចែកចេញទៅជា ១៤ប្រទេសថ្មីទៀតផង។ ក្នុង ផែនការកម្ម នៃផែនទីថ្មីនេះ ប្រធានាធិបតី Bush ទើបតែអនុវត្តន៍បានមួយជំហានដំបូង បន្ទាប់មកប្រធា នាធិបតី   Obama ជាអ្នកអនុវត្តន៍នូវជំហានបន្តទៀត។

ក្នុងគម្រោងរបស់ផែនការនេះ ដំបូងឡើយគឺពួកអ្នកយុទ្ឋសាស្ត្រនៅក្នុង មន្ទីរបញ្ចកោណ  បានគិតគូរអំពីការ ត្រូវតែជម្រះបញ្ជីជាមុន ចំពោះប្រមុខដឹកនាំរបស់ប្រទេសឥស្លាម ណា មានភាពរឹងរូស ដែលមានគំនិតនយោបាយម ហិច្ឆតាក្នុងការចង់បង្កើត ក្រុមប្រទេសឥស្លាម ឲ្យទៅជាប្លុកឥស្លាមមួយដែលមានអនុភាពរឹងមាំនៅក្នុងតំបន់ម ជ្ឍឹមបូព៌ា ដោយអាមេរិក មានផែនការបំបែកប្លុកឥស្លាមនេះអោយទៅជា ផ្ទាំងៗ បំណែកៗតូចៗ ចែកជាតំបន់ ត្រួត ត្រា ដែលលែងមានអំណាចខ្លាំងក្លាទៀត! ដែលនេះ ជាជំហានដំបូង បន្ទាប់មកបណ្តោយ ទុកឲ្យកុលស ម័ន្ឋនីមួយៗឬមួយក៏និកាយសាសនាឥស្លាមខុសផ្សេងពីគ្នា (Sunni និង Shiite) ប្រកាប់ប្រចាក់ កំទេចគ្នាទៅ វិញ-ទៅមកដោយសេរីដូចឃើញស្រាប់នៅ Irak Syria Libya Sudan Yemen  ល.ល... នាពេលបច្ចុប្បន្ន នេះ។

គម្រោងរបស់ផែនការនេះ ដំបូងឡើយគេឃើញចាប់មានពន្លកដោយមាន «បដិវត្តន៍ផ្កាម៉ា លីស» ក្នុងការផ្តួលរំលំ ប្រធានាធិបតី Zine el-Abidine Ben Ali របស់ប្រទេស Tunisia បន្ទាប់មករីករាលដាលមកដល់ប្រធានាធិបតី  Hosni Mubarak របស់ប្រទេសអេស្ស៊ីប ដល់ វេនប្រធានាធិបតី Muammar Gaddafi របស់ប្រទេស Libya ។  តែនៅពេលដែលលលកនេះ រីករាលដាលដល់ប្រទេស Syria ស្រាប់តែចរន្តបដិវត្តន៍ទាំងនេះត្រូវផ្អាកដំណើររុលទៅមុខពិ បាក ដោយរុស្សី និងចិន ប្រឆាំងជំទាស់ មកពីរុស្សី និងចិន ឃើញថា ពួកគេទាំងពីរត្រូវ អា មេរិក លេងល្បែងឆបោកក្នុង Political Scenario នៅមជ្ឍឹមបូព៌ា ទើបរុស្សី និង ចិន ប្រ ឆាំងទៅនឹងផែនការរបស់អាមេរិក  ក្នុងបញ្ហា Syria ជាដាច់ខាត។

គេនៅចាំបានថា សេចក្តីសម្រេចចិត្ត១៩៧៣ នាថ្ងៃ ១៧ មីនា ២០១១ ស្តីពីប្រទេស Libya  គឺគ្រាន់តែអនុញ្ញាតិ ឲ្យមានការដាក់ទណ្ឌកម្ម និងការបង្កើតឡើងតំបន់ហាមហោះហើរមក លើប្រទេស Libya ក្នុងគោលបំណងផ្តល់ ការការពារដល់អាយុជីវិតរបស់ប្រជាពលរដ្ឋ ប៉ុណ្ណោះ ក៏ប៉ុន្តែ អាមេរិក និងពួក NATO បានប្រែក្លាយនិងប្រើ ប្រាស់ Resolution 1973 នេះ ដើម្បីផ្តួលរំលំ និង ឈានដល់ការសម្លាប់ប្រធានាធិបតី Gaddafi តែម្តង!។ ដូច្នេះនៅ ពេលដែលសហរដ្ឋអាមេរិក ស្នើឲ្យប្រើប្រាស់នូវបណ្តាវិធានការ ដើម្បីដាក់ទណ្ឌកម្មមកលើ Syria គឺ ពេលនោះ រុស្សី និង ចិន បានធ្វើការ VETO រហូតដល់ទៅបីដង។

នៅក្នុងបរិបទមួយដែលប្រកបទៅដោយភាពអគតិយ៉ាងដូច្នេះ មានសំណួរចោទសួរថា ហេតុ អ្វីបាន ជាសហរដ្ឋ អាមេរិក មិនព្រមចរចាសម្របសម្រួលជាមួយរុស្សី និងចិន ដើម្បីបង្កើត ឡើងនូវផែនការរួមមួយក្នុងការប្រយុទ្ធ ប្រឆាំងទៅនឹងអំពើភេរវកម្ម ដែលអាចធ្វើឲ្យមានប្រ សិទ្ធិភាពជាងនេះ។ ចម្លើយចំពោះសំនួរនេះ គឺពុំមានអ្វីដែល លំបាកយល់ គឺមកពីអាមេរិក ពុំមានបំណងឲ្យរុស្សី និងចិន មានចំណែកក្នុងការបែងចែកផលប្រយោជន៍នៅមជ្ឍឹ មបូព៌ា ក្រោយពីផែនការ នៃយុទ្ធនាការប្រឆាំងភេរវកម្មទទួលបានជោគជ័យ! ហើយដើម្បីទប់ទល់ ទៅនឹងឥរិយាបទរបស់រុស្សី និងចិន ក្នុងនយោបាយសិប្បនិមិត្ត ISIS នេះ ប្រធានាធិបតី Obama បានដាក់ចេញនូវផែនការ ការពារតួនាទីដឹកនាំពិភពលោករបស់អាមេរិក ទៅតាម ដំណាក់កាលនីមួយៗរបស់សភាពការណ៍លើទីលានប្រ  យុទ្ធដ៏ជាក់ស្តែងតែម្តង។

ក្នុងនយោបាយទប់ទល់ចំពោះចិន គឺគេឃើញក្នុងសុន្ទរកថា អាននៅចំពោះមុខសភាអូ ស្រ្តាលីនាថ្ងៃ១៧ វិចិ្ឆកា  ២០១១ ប្រធានាធិបតី Obama បានសង្កត់ធ្ងន់ថា សហរដ្ឋអាមេ រិក និងប្តូរផែនយុទ្ធសាស្រ្តពី មជ្ឍឹមបូព៌ា មក កាន់តំបន់អាស៊ីប៉ាស៊ីហ្វិក ក្នុងគោលបំណង ដើម្បីហ៊ុំព័ទ្ធចិន ទាំងក្នុងវិស័យសេដ្ឋកិច្ចនយោបាយនិងយោធា។  នៅក្នុងសត្សវត្សរ៍ទី២១ នេះ អាមេរិក នឹងធ្វើឲ្យអស់នូវកម្លាំងកាយ-ចិត្ត ដើម្បី Engaged ចូលមកក្នុងតំបន់អាស៊ី ប៉ា ស៊ីហ្វិកនេះឲ្យបាន។ ក៏ប៉ុន្តែ ទោះបីជាមានការប្រកាសយ៉ាងក្លាហាន មោះមុត ដូចនេះ ក៏ ដោយ ក៏រហូតមក ដល់ពេលនេះ ក៏ពុំទាន់ឃើញអាមេរិក មានវិធានការយ៉ាងជាក់ស្តែងណា មួយក្នុងការទប់ទល់ រារាំងដល់ដំណើរ វិវឌ្ឍន៍រីកចម្រើន និង ការងើបឡើងយ៉ាងរឹងមាំលើ គ្រប់វិស័យទាំងផ្នែកយោធារបស់ចិនប្រជាមានិត នៅឡើយទេ។

ចំពោះនយោបាយទប់ទល់ទៅនឹងរុស្សីវិញ គេឃើញសេតវិមាន បានចាត់បញ្ជូនឧបការី រដ្ឋមន្រ្តីការបរទេសអាមេរិក  លោកស្រី Victoria Nuland និងសមាជិកព្រឹទ្ឋសភា John Mc Cain ធ្វើដំណើរ ទៅកាន់រដ្ឋធានី Ukrain ដោយ អ្នកទាំងពីរនេះបានជួបក្រុមប្រឆាំងធ្វើការ បំផុសបំផុលឲ្យប្រជាពលរដ្ឋ Ukrain ក្រោកឈរឡើងទាមទារផ្តួល រំលំប្រធានាធិបតី Viktor Yanukovych ព្រមទាំងធ្វើការជំរុញអោយ Ukrain ទាមទារសុំចូលជាសមាជិកក្នុងប្លុក សម្ពន្ឋ NATO និងក្នុង EU ឲ្យបាន។ បន្ទាប់មក Yanukovych ក៏ត្រូវកម្លាំងមហាជនផ្តួលរំលំនៅថ្ងៃ ២២ កុម្ភៈ  ២០១៤ ដោយមានបាតដៃរបស់ CIAបានរត់គេចខ្លួនចេញពីស្រុកទៅជ្រកកោណ នយោបាយនៅប្រទេសរុស្សី

ក៏ប៉ុន្តែ ក្នុងបញ្ហានយោបាយអមិត្តរបស់ពួកលោកខាងលិចយ៉ាងដូច្នេះមកលើ Ukrain រុស្សី បានត្រៀមរៀបចំជា មុននូវបណ្តាផែនការទប់ទល់រួចជាស្រេច។ ទើបនៅថ្ងៃ ១៧ មីនា ២០ ១៤ សភារបស់តំបន់ឧបទ្វីប Crimea នា ភាគខាងត្បូង បានប្រកាស Crimea ឯករាជ្យព្រម ទាំងមានសំណូមពរស្នើបញ្ចូលទៅក្នុងសហភាពរុស្សី។ បន្ទាប់មកមានខេត្តពីរទៀត ដែល ស្ថិតនៅភាគខាងកើតរបស់ Crimea គឺ Donestsk និង Luhank ក៏បានប្រកាស  ឥស្សរភាព ដោយស្វយ័តក្នុងការគ្រប់គ្រងតំបន់ទាំងនេះដោយខ្លួនឯង ក្រោមឥទ្ឋិពលនៃអំណាច pro -Russia!

សេដ្ឋកិច្ចរបស់ Ukrain ជួបការលំបាក ធ្លាក់ចុះជាបន្តបន្ទាប់ សង្រ្គាមក្នុងស្រុកក៏បានផ្ទុះឡើង ពាសពេញនៅតាម តំបន់ ដោយឡែកនៅតាមបណ្តោយព្រំដែនជាមួយប្រទេសរុស្សី ដែល មានប្រវែងជាង ៤០៩ គ.ម គឺខ្សែបន្ទាត់ព្រំ ដែននេះបានស្ថិតនៅក្នុងស្ថានភាព Uncontrol ទាំងស្រុង។ ដោយមានលេសនយោបាយថា រុស្សី ធ្វើការឈ្លាន  ពាន កាន់កាប់មកលើ  Ukrain យ៉ាងខុសច្បា់ទាំងនេះ ទើបនៅដើមខែមេសា ២០១៤ សហរដ្ឋអាមេរិក និងពួក ប្រទេស EU បានចាប់ផ្តើមអនុវត្តន៍នូវបណ្តាវិធានការដាក់ទណ្ឌកម្ម ដើម្បីឯកោរុស្សី ចេញ ពីសហគមន៍អន្តរជា តិ។ 

ប្រតិកម្មរបស់រុស្សី និងចិន ចំពោះសកម្មភាពរបស់អាមេរិក

ជំហរបស់រុស្សី គឺប្រឆាំងដាច់ខាតចំពោះទស្សនៈពិភពលោក ដែលមានប៉ូលមួយ៖ បន្ទាប់ពីប្រធានាធិបតី Bush ប្រ កាសយ៉ាងចំហរថា ប្រទេសអាមេរិក និងបន្តដឹកនាំពិភព លោក! ទើបនៅក្នុងឆ្នាំ ២០០៧ នាឱកាសមានសន្និសីទស្តីពីសន្តិសុខនៅ Munich ប្រទេស អាល្លឺម៉ង់ លោកប្រធានាធិបតី Vladimir Putin បានថ្លែងការណ៍ ដោយបានថ្កោលទោស ចំពោះរបស់ហៅថា ពិភពលោកមានតែប៉ូលមួយ-Unipolar World គឺជាពិភពលោកមាន តែ សហរដ្ឋអាមេរិក តែមួយគត់ជាម្ចាស់អធិរាជ្យក្នុងការចាត់ចែងជោគវាសនាមកលើពិភព លោកតែម្នាក់ឯង។

នៅថ្ងៃ ៧ ឧសភា ២០១២ ក្នុងពិធីស្បថចូលកាន់តំណែងប្រធានាធិបតី លោក Putin បាន ប្រកាសយ៉ាងឱឡារិកបញ្ជាក់អំពីជំហរថា ប្រទេសរុស្សី បានបោះជំហានចូលក្នុងតំណាក់ កាលអភិវឌ្ឍន៍ថ្មីរបស់ប្រទេសជាតិដែរ ក្នុងប៉ុន្មានឆ្នាំខាងមុខនេះ រុស្សីនឹងមានភាពប្រ ឈមយ៉ាងច្រើន ដែលភាពប្រឈមទាំងនេះមានការពាក់ព័ន្ឋទៅ និងការសម្រេចមក លើជោគវាសនា របស់ប្រទេសរុស្សីក្នុងបណ្តាទស្សវត្សន៍ ជាច្រើននាពេលខាងមុខ!

នៅថ្ងៃ ២ កក្កដា ២០១៤ ប្រធានាធិបតី Putin បានធ្វើការទិះទៀនយ៉ាងខ្លាំងមកលើនយោ បាយអាមេរិក ក្នុងការបង្កើតឲ្យមានភាពគំរាមកំហែងជាសិប្បនិមិ្មត ដើម្បីកេងចំណេ ញនយោបាយ ព្រមទាំងបានចាត់ទុកដោយអះអាង ថាយុគ្គសម័យនៃពិភពលោកមួយ មានតែប៉ូលមួយនោះ បានទទួលមរណភាពហើយ! ក្រៅពីនេះ ប្រធានាធិបតី Putin បានសង្កត់ធ្ងន់ទៀតថា ការគំរាមកំហែង ដើម្បីកេងចំណេញគឺជាអំពើជំរិត(blackmail) មួយដែលមិនអាចទទួលយក បានលើឆាកអន្តរជាតិនា សហសម័យនេះ បានតទៅ ទៀត! ព្រមទាំងបានរំពឹងថា លិទ្ធិប្រាកដនិយម(pragmatist) នឹងទទួលបានជោគជ័យ ហើយដំណើរ realization នេះ និងជីកកប់នូវរាល់គំនិតមហិច្ចតាដែរចង់ប្រែក្លាយពិភព លោកនេះឲ្យទៅជាបន្ទាយទាហាន-Military Camp!ទស្សនទានចំរើន (progressist)និងឈានដល់ការលុបបំបាត់ចោលទាំងស្រុងនូវទស្សនៈអគតិរបស់ អាមេរិកក្នុងគោល គំនិតអោយរៀបជួរអ្នកខ្ពស់បំផុតឈរមុខ បន្ទាប់មកដល់អ្នកទាបមធ្យម រហូតដល់ អ្នកដែលទាបបំផុតឲ្យឈរនៅក្រោយគេ!។ ប្រទេសទាំងអស់ត្រូវគោរពគោលការណ៍ស្មើភាពដោយកសាងទំនាក់ទំនង និងកិច្ចសហប្រ បត្តិការលើមូលដ្ឋានសមភាព គោរពគ្នាទៅវិញទៅមក គិតដល់ផលប្រយោជន៍ដល់គ្រប់ភាគី ពាក់ព័ន្ឋទាំងអស់លើសកលលោកនេះ។

លោក Putin ក៏បានធ្វើការព្រមានមកលើពួកអ្នកកាន់អំណាចរបស់ក្រុងWashington ថា បាននិងកំពុងធ្វើឲ្យមានការរៀបចំគូរផែនទីពិភពលោកទាំងមូលឡើងវិញ ដោយការ រៀបចំនេះផ្អែកមកលើផលប្រយោជន៍យុទ្ធសាស្ត្រដោយឡែក សួនតួររបស់អាមេរិក!។

បើចិនប្រជាមានិតវិញ ប្រកាសអំពីការស្មើភាពក្នុងទំនាក់ទំនងរវាងមហាអំណាច ជា មួយគ្នាៈចិនបានដកខ្លួនចេញពី Libya នៅពេលដែលអាមេរិក ចាប់ផ្តើមបើកយុទ្ធនាការ យោធាវាយសំរុកចូលប្រទេស Libyaមក! ហើយអាជ្ញាធរចិនក៏ចាប់ផ្តើមមានផែនការរុលចុះ មកក្រោមទិសខាងត្បូង ដើម្បីឈរជើងកាន់កាប់ សមុទ្រចិនខាងត្បូងព្រមទាំងបានប្រែ ក្លាយ សមុទ្រចិនខាងត្បូង ទៅជាទីលាននៃផ្ទះដាច់មុខរបស់ចិន (sic)!

នៅក្នុងសន្និបាតការងារការបរទេស ដែលបានប្រព្រឹត្តិទៅពីថ្ងៃ ០៨ ដល់ ២៨ វិចិ្ឆកា ២០១៤ លោកប្រធានXi Jinp ing បានអះអាងថា ចិនត្រូវការការងារការទូតប្រទេសធំមួយ មាន ចរិតលក្ខណៈតាមរបៀបចិន និង ដល់ដំណាក់ កាល ដែលចិនត្រូវអនុវត្តន៍តាមបែបផែន ប្រភេទថ្មី នៃទំនាក់ទំនងរវាងមហាអំណាចធំៗ ជាមួយគ្នា-new type of major power relations ដែលrelations នេះមានចរិតលក្ខណៈជា style ចិន! មានន័យថា ចាប់ពីពេល នេះតទៅ ចិន លែងអនុលោមរណបទៅតាមនយោបាយអាមរិកតទៅទៀត ដោយលោក Xi Jinping បានសង្កត់ធ្ងន់ថា «ជាអ្នក ដែលមានដើមកំណើតនៅអាស៊ី ត្រូវតែគិតគូរអំពី អាស៊ី.... ព្រមទាំងត្រូវរក្សាការពារសន្តិសុខជូនអាស៊ី!»

លោក Xi Jinping មានសេចក្តីរំពឹងថា នឹងទុកកេរតំណែលឲ្យ មនុស្សជំនាន់ក្រោយបានដឹង ថា ក្រុមរបស់លោកជាអ្នកដែរបាន treatment ធ្វើឲ្យមានការស្មើភាពមួយរវាងចិន និងអាមេ រិក ដែលសមភាពនេះ ប្រកបទៅដោយចរិតលក្ខណៈចិននិយមមួយដ៏រឹងមាំ និង មានការទទួ លខុសត្រូវខ្ពស់នៅលើឆាកអន្តរជាតិ។

ជារួមទាំងរុស្សី និងចិន សុទ្ធតែពុំទទួលស្គាល់នូវរូបភាពឯកប៉ូល-unipolar world មួយដែល ក្នុង unipolar នេះ សហរដ្ឋអាមេរិកមានតួនាទីឯករាជ្យម្ចាស់ការក្នុងការសំរេចជោគវាសនា មកលើពិភពលោកដោយអាមេរិកខ្លួនឯង។

យុទ្ធវិធីបំបែកឲ្យទៅជាបំណែកៗ ផ្ទាំងៗ ឲ្យតូចៗ ដើម្បីងាយត្រួតត្រា!

បើចង់ដឹកនាំត្រួតត្រាពិភពលោកអោយបាន ដំបូងឡើយគឺសហរដ្ឋអាមេរិកត្រូវត្រួតត្រា- បែងចែក និងបំបែករុស្សីចេញពីចិន ដោយធ្វើយ៉ាងណាកុំឲ្យប្រទេសយក្សទាំងពីរនេះ រុស្សី និងចិន មានការឯកភាពគ្នាបាន!។ ក៏ប៉ុន្តែជាអកុ សលនៅក្នុងស្ថានភាពរបស់ពិភពលោក នាពេលបច្ចុប្បន្ននេះ សហរដ្ឋអាមេរិកមិនគ្រប់គីឡូក្នុងការបំបែកបំបាកក់រុស្សី និងចិន ដូច ក្នុងសម័យកាលរបស់សង្រ្គាមត្រជាក់នាបណ្តាទស្សវត្សន៍ទី៦០ និង ៧០ បានទៀត! ក្រៅ ពីនេះ អាមេរិក ក៏ត្រូវដឹកនាំកម្លាំងចម្រុះក្នុងការទប់ទល់ក្រុមឥស្លាមនិយមជ្រុល និងក៏ត្រូវ តទល់ឧបទ្ទវហេតុផ្សេងជាច្រើនទៀតលើសកលលោក ដែលខ្លួនបានបង្កើតឡើង។ ដូច្នេះ ហើយ ទើបប្រធានាធិបតី Obama បានអនុវត្តន៍នូវយុទ្ធ វិធីសម្របសម្រួលធ្វើឲ្យមានភាពធូរ ស្រាល (detende) ដោយធ្វើល្អជាមួយចិន តែទន្ទឹមនេះអាមេរិក ក៏បើកយុទ្ធនាការវាយប្រ ហារុស្សី ជាមុន! ដោយអាមេរិកយល់ថា រុស្សីមានទម្ងន់គ្រោះថ្នាក់ជាង និងមានភាពរឹងរូស ដែលនេះគឺជាយុទ្ធវិធីក្នុងបែបផែនបំបែកការឯកច្ឆ័ន រវាងរុស្សីនិងចិន ឲ្យទៅជាបំណែកៗ ដើម្បីងាយស្រួលក្នុងការវាយបំបាក់ប្រទេសនីមួយៗ។

ក្នុងការសំភាសន៍ជាមួយទស្សនាវដ្តី Economist នៅថ្ងៃ ២ សីហា ២០១៤ ប្រធានាធិបតី Obama បានបន្ទាបបន្ថោកប្រទេសរុស្សី ដោយបាននិយាយថា «ប្រការមួយដ៏សំខាន់គឺរុស្សី ពុំបានធ្វើនូវអ្វីទាំងអស់សម្រាប់ពិភពលោក!ជនចំណាកស្រុកទាំងឡាយ គួរតែកុំប្រញាប់ប្រ ញាល់ធ្វើដំណើរទៅកាន់ Mouscow ដើម្បីស្វែងរកឱកាស! អាយុរបស់រុស្សី ជាមធ្យម បាន ត្រឹម ៦០! ប្រជាពលរដ្ឋរុស្សីមួយថ្ងៃកាន់តែតិចទៅៗ។ អំពីភាពប្រឈមជាមួយរុស្សី Oba ma បានសង្កត់ធ្ងន់ថា ត្រូវធានាថា រុស្សីនឹងមិនបង្កើនអាវុធនុយក្លេអ៊ែ! ហើយវិលមកចរចារ អំពីគោលនយោបាយ ការបរទេស! ដែរត្រូវរង់ចាំដល់ពេលណាទៀត! ដែលពេលនេះ ប្រវត្តិ សាស្រ្តនឹងផ្តល់យុត្តិធម៌ឲ្យយើងទាំងអស់គ្នាហើយ!។

ទស្សនអំពីចិនវិញម្តង ដោយ Obama បាននិយាយអំពីចិនថា អាចគ្រប់គ្រងបាន -manag eable! ចិន បាននិងកំពុងជំពាក់ជំពិនទៅនិងការវិវាទដែនដី ជាមួយបណ្តាប្រទេសភូមិផង លើសមុទ្រចិនខាងត្បូង ដែលតំបន់នេះសម្បូរទៅដោយប្រេង និងចិន តែងតែមានការប៉ះ ទង្គិចគ្នាជាមួយពួកលោកខាងលិចអំពីបញ្ហាកម្មសិទ្ធិបញ្ញា។

នៅក្នុងបរិបទនយោបាយនេះ Obama យល់ថា ចាំបាច់ត្រូវតែមានយន្តការមួយជាមួយ និង ប្រទេសទាំងពីររុស្សីនិងចិន នៅពេលដែលឃើញប្រទេសទាំងពីរនេះបានបំពានមកលើ standard អន្តរជាតិ។ មិនត្រឹមតែប៉ុណ្ណោះ ចាំបាច់ ក៏ឲ្យប្រទេសទាំងពីរនេះ ឃើញអំពីផល ប្រយោជន៍ដ៏យូរអង្វែងរបស់ពួកគេ។ ប៉ុន្តែបច្ចុប្បន្ននេះ ចិន កំពុងឆ្លៀតឱកាស ដើម្បីពង្រឹង អាទិភាពរបស់ចិន លើតំបន់សមុទ្រចិនខាងត្បូង និងនៅបណ្តាប្រទេសអាស៊ីអាគ្នេយ៍ តាមរយៈ រូបភាព Silk Road និងធនាគារ AIIB ដែរសហរដ្ឋអាមេរិក ហាក់បីដូចជាមានប្រតិ កម្មយ៉ាងតិចបំផុតចំពោះសកម្ម ភាពទាំងឡាយខាងលើរបស់ចិន

ទស្សនៈពិភពលោកមួយឯកប៉ូលបានទទួលមរណភាពទៅហើយ៖

ចម្បាំងមិនចេញមុខរវាងរុស្សី និងអាមេរិកនាពេលបច្ចុប្បន្ននេះ ប្រៀបដូចជាអ្នកកំពុងលេង បៀរ ហើយដែរអ្នកទាំងពីរនេះសុទ្ឋតែបាន ដឹងទៅវិញទៅមក នូវសន្លឹកបៀរនៅក្នុងដៃរបស់ អ្នកទាំងសងខាង! ដូច្នេះរឿងចាញ់ឬឈ្នះរវាងអ្នកទាំងពីរនេះ ពុំមែនជារឿង ដ៏ងាយស្រួល នោះទេ!។

ប្រធានាធិបតី Putin បានចាត់ទុកឧបទ្ទវហេតុ Ukrain គឺជាលេសនយោបាយមួយ ដើម្បីអា មេរិកចាប់ជីពចររុស្សី ព្រោះបើពុំមានឧបទ្ទវហេតុ Ukrain ក៏សហរដ្ឋអាមេរិក បង្កើតឡើង នៅសភាពការណ៍ដោយឡែកមួយផ្សេងទៀតដើម្បីបម្រើឲ្យនយោបាយរបស់សេតវិមាន ក្នុងគោលបំណងឈានទៅដល់សម្រេចគោលដៅរបស់អាមេរិក! ដែរបច្ច័យទាំងអស់នេះ គឺជាសមរភូមិក្តៅមួយ ដែលត្រូវបានកំណត់ជ្រើសរើសដោយអាមេរិក! តែដោយ Ukrain ជាទីកន្លែងស្លាប់-រស់របស់រុស្សី ដូច្នេះដាច់ខាតរុស្សីត្រូវតែច្បាមយក-រក្សាការពារឲ្យបាន ដែលហេតុការណ៏នេះបានធ្វើអោយអាមេរិកនិងអ៊ឺរ៉ុបវិលមុខ ដែលជួនពេលខ្លះសភាព ការណ៍នៅ Ukrainបានធ្វើអោយពួក US+EU ត្រូវបាត់ភាពម្ចាស់ការម្តងម្កាលទៀតផង!។ កាសែត Le Figaro របស់បារាំងសរសេរថា «Mekkel និង Hollande បំពេញបេសកកម្មជា អ្នកចរចារ សំរបសំរួល... បើBarak Obama វិញចេះតែបន្តធ្វើការងារកៀបសង្កត់យ៉ាងអតិ បរមាមកលើ Putin ដែលរហូតដល់អាមេរិកមានភាពកំរោលក្នុងការប្រគល់អាវុធយុទ្ធភ័ណ្ឌ ព្រមទាំងបានបញ្ជូនទ័ពជំនាញទៅជួយហ្វឹកហ្វាត់អោយ កងទ័ពUkrainទៀតផង! ដែលនេះ គឺជាចំណុចចាប់ផ្តើមនៃភ្លើងសង្រ្គាមពិតប្រាកដដែល ពុំមានដែនកំណត់ ដើម្បីចប់ ឡើយ»

ជាតថភាព ពួកប្រទេសមហាអំណាចអឺរ៉ុប ពុំមានបំណងដើរតាមផែនយុទ្ធវិធី របស់អាមេរិក ក្នុងការ treatment មកលើរុស្សីយ៉ាងដូច្នេះទេ! ព្រោះផែនការទាំងអស់នេះបានធ្វើឲ្យពួកអឺ រ៉ុប ជួបប្រទះទៅនឹងការខាតបង់ផលប្រ យោជន៍យ៉ាងធំធេង! តែពួកគេពិបាកក្នុងការជ្រើស រើសដោយ មិនអាចធ្វើនូវអ្វីដែលខុសទៅនឹងបំណងប្រការដែលអាមេរិក ចង់បានឡើយ!។

ក្នុងការផ្តល់បទសំភាសន៍ជាមួយកាសែតPolitika ថ្ងៃទី ១៧ តុលា ២០១៤ លោកប្រធានា ធិបតី Putin បានមានប្រសាសន៍ថា «បើគោលដៅចម្បងនៃបណ្តាវិធានការទណ្ឌកម្ម គឺ ដើម្បីជាការឯកោរុស្សីនោះ! គឺពិតជាសកម្មភាពមួយដ៏ភ្លឺនិងឥតប្រយោជន៍ ព្រោះវិ ធានការទាំងអស់នេះនឹងលែងមានប្រសិទ្ធភាព ជាពិសេសគឺនៅពេល ដែលខឿនសេដ្ឋកិច្ច របស់អឺរ៉ុប និងពិភពលោកទាំងមូលបាននិងកំពុងធ្លាក់ចុះ ជួបវិបត្តិគ្រប់ទីកន្លែងទៅហើយ នោះ!។ ហើយដើម្បីជាការអះអាងចំពោះទឡ្ហីករណ៍ទាំងនេះ លោក Putin បានប្រកាសថា ក្នុងប្រវត្តិសាស្រ្តពុំដែលមានជនណាម្នាក់អាចធ្វើ conquer មកលើប្រទេសរុស្សីបាន! ហើយក្នុងទំព័រប្រវត្តិសាស្រ្តនាសហសម័យនេះ និងពុំមាននរណាម្នាក់អាចធ្វើ conquerទាំងនេះបានមកលើប្រទេសរុស្សីរហូតដល់អនាគតក៏និងគ្មានដែរ!។ ពួកអាមេរិក មាន បំណងធ្វើអោយរុស្សីបាក់មុខ ថែមទាំងចង់ conquerមកលើរុស្សីទៀតផង! ដោយអាមេ រិកប្រើប្រាស់រុស្សីដើម្បីដោះស្រាយនូវបញ្ហារបស់អាមេរិកទៅវិញ!

នៅដើមឆ្នាំ ២០១៥ លោក Obamaបានធ្វើដំណើរទៅកាន់ប្រទេសឥណ្ឌា ដើម្បីអូសទាញ ឥណ្ឌាឲ្យចូលរួមក្នុងលេណដ្ឋានជាមួយអាមេរិក។ លទ្ធផលដែលពិព័ណនា គឺល្អ ដោយ ភាគីទាំងពីរអាមេរិក-ឥណ្ឌា បានឯកភាពសហការអោយកាន់តែស៊ីជំរៅលើផ្នែកសន្តិសុខ និងការពារជាតិ។ ប៉ុន្តែ អ្នកវិភាគសភាពការណ៍អន្តរជាតិលោក Fran cescoBrunetto Zanitti បានសរសេរក្នុងអត្ថបទមួយមានចំណងជើងថា«Russia-China-India, the New Multi-Polar Order» បានអះអាងថា បន្ទាប់ពីការផ្តួលរលំនៃរបបសង្គមនិយមនាឆ្នាំ ១៩៩០ មក សហរដ្ឋអាមេរិកបានងើបឡើងជាមហាអំណាចផុតលេខ(Super of Super Power)មួយរបស់ពិភពលោក។ តែឥឡូវនេះ ទាំងរុស្សី និងចិន បានស្តារតួនាទីរបស់ប្រទេសខ្លួន ឡើងវិញ ទើបនៅខែធ្នូ ២០១៤ ក្រុង Mouscow, Beijing និង New Delhi បានចុះហត្ថលេ ខាលើកិច្ចព្រមព្រៀងទ្វេភាគីសំខាន់យ៉ាងច្រើន ហើយដែលសកម្មភាពទាំងអស់នេះ គឺជា ជំហានមួយដ៏ធំក្នុងការធ្វើឲ្យមានការផ្លាស់ប្តូរ ប្រែប្រួលចំពោះពិភពលោក ពីរបៀបរបប ពិភពលោកឯកប៉ូល-unipolar world order មួយក្រោមការគ្រប់គ្រងដឹកនាំដោយអាមេរិក ទៅកាន់របៀបរបបពហុប៉ូល- multi-polar world order ដែលលែងមានតួនាទីរបស់អាមេ រិក ដាច់មុខ ឯករាជ្យម្ចាស់ការទៀត!។

ក្នុងចម្បាំងមិនចំហរក្នុងការដណ្តើមតួនាទីដឹកនាំពិភពលោក រវាងប្រទេសមហាយក្ស ទាំងបី អាមេរិក-រុស៊ី្ស និងចិនគឺសភាពទាំងអស់នេះ និងនៅបន្តអូសប្លាយ មានថេរវេ លាយូរនិងមានសភាពតានតឹងជាទីបំផុត។

រហូតមកដល់ពេលនេះ គេនៅតែជឿជាក់ថា ទោះបីជាអាមេរិកមានភាពខ្លាំងក្លាយ៉ាង ណា ក៏ដោយ ក៏សហរដ្ឋអាមេរិក មិនងាយក្នុងការបំបាក់រុស្សី ឬចិនតាមតែអំពើចិត្ត របស់ខ្លួនបានឡើយ។

ក្នុងការផ្តល់បទសំភាសន៍ជាមួយទីភ្នាក់ងារ Interfax នៅថ្ងៃទី ២០ មករា ២០១៥ លោក Gorbacher អតីតប្រធានរដ្ឋសហភាពសូវៀត បានអះអាងថា “អាមេរិក មានបំណងពិត ប្រាកដក្នុងការអុសរុស្ស៊ី ធ្លាក់ទៅក្នុងអន្ទាក់នៃសង្រ្គាមត្រជាក់បែបមួយថ្មី ដែលទោះបីជា រុស្ស៊ី មិនចង់ក៏ត្រូវព្យុះសង្ឃរានយោបាយគួចចូលទៅក្នុងចរន្តត្រជាក់នេះ ដែរអាច និងនាំ ទៅដល់ចរន្ត “ក្តៅ”ជាមិនខានទៀតផង! ដែរសភាពការណ៍តានតឹងនៅ Ukrain ជាមេរៀន ជាក់ស្តែងបំផុត!

បន្ទាប់មកអាមេរិក និងរុញឲ្យមានទំនាស់យ៉ាងស្រួចស្រាវនៅលើសមុទ្រលឿរវាង ចិន និង ជប៉ុន ព្រមទាំងនៅលើសមុទ្រចិន ខាងត្បូងរវាងចិនជាមួយនិងវៀតណាម និង ហ្វីលីពីន ក្នុងបំណងធ្វើអោយចិន ជាប់ផុងទាំងរុស្ស៊ី និង ចិន ដែរប្រទេសទាំងពីរនេះ ត្រូវព្យុះសង្ឃ រាគួចឲ្យធ្លាក់ទៅក្នុងចរន្តក្តៅដូចគ្នា ដែរនេះគឺជានយោបាយសិប្បនិម្មិតក្នុង ការបង្កើតឡើង នូវភាពគំរាមគំហែងថ្មីដើម្បីគ្រប់គ្រង ត្រួតត្រារបស់អាមេរិកនាពេលបច្ចុប្បន្ននេះ!

លោក ប៉ា ងួនទៀង៖ សម្តេចតេជោ នឹងក្លាយជាវីរៈបុរស ក្នុងប្រវត្តិសាស្រ្ត បើហ៊ានធ្វើការ កែទម្រង់ពិតប្រាកដ

E-mail Print PDF

ភ្នំពេញ៖ នាយកប្រតិបត្តិមជ្ឈមណ្ឌលកម្ពុជា ដើម្បីប្រព័ន្ធ ផ្សព្វផ្សាយឯករាជ្យ លោក ប៉ា ងួនទៀត កាលពីថ្ងៃទី២២ ខែមេសា កន្លងទៅនេះ បើផ្ញើលិខិតចំហមួយច្បាប់ជូននាយករដ្ឋមន្រ្តីកម្ពុជា សម្តេចតេជោ ហ៊ុន សែន បង្ហាញនូវ ទស្សនៈ របស់ខ្លួនចំពោះស្ថានការណ៍នយោបាយនៅកម្ពុជា នាពេលបច្ចុប្បន្ន ជាពិសេសគឺការដឹកនាំរបស់សម្តេច តេជោ ហ៊ុន សែន តែម្តង។ លោក ប៉ា ងួនទៀង បានមើលឃើញថា នាយករដ្ឋមន្រ្តីកម្ពុជា នឹងក្លាយជាវីរៈបុរសចារ ក្នុងប្រវត្តិសាស្រ្តរបស់ខ្មែរ ប្រសិនបើសម្តេចធ្វើការកែទម្រង់ពិតប្រាកដ ដោយយកគោលការណ៍បែងចែកអំណាច រដ្ឋពីគ្នា និង ប្រជាពលរដ្ឋជាម្ចាស់ឆ្នោតពិតប្រាកដ។

លោក ប៉ា ងួនទៀង ដែលអង្គការរបស់លោកទទួលបានជំនួយពីសហរដ្ឋអាម៉េរិក និងធ្លាប់បានរិះគន់ជាច្រើន ចំ ពោះរាជរដ្ឋាភិបាលកម្ពុជារបស់សម្តេចតេជោ ហ៊ុន សែន នោះ តាមរយៈលិខិតចំហរបស់លោកនាពេលនេះ បាន បង្ហាញការពេញចិត្តពេញថ្លើមខ្លាំង ចំពោះការដឹកនាំរបស់នាយករដ្ឋមន្រ្តីកម្ពុជា ជាពិសេសកាត់បង្កើតវប្បធម៌សន្ទ នា ដើម្បីដោះស្រាយបញ្ហារវាងសម្តេច និងលោក សម រង្ស៊ី ប្រធានគណបក្សសង្រ្គោះជាតិ។

លោក ប៉ា ងួនទៀត បានបញ្ជាក់ក្នុងលិខិតចំហយ៉ាងដូច្នេះថា «ខ្ញុំបាទមានសេចក្តីរីករាយរំភើបក្រៃលែងនៅពេល ឃើញ និងឮសម្តេច និងឯកឧត្តម សម រង្ស៊ី បានបង្ហាញនូវកាយវិការ និងមានប្រសាសន៍នាពេលថ្មីៗនេះ ជាពិសេ សក្នុងឱកាសបុណ្យចូលឆ្នាំខ្មែរកន្លងទៅ អំពីវប្បធម៌ទទួលយកទស្សនៈនយោបាយខុសគ្នា និងអាចសន្ទនា ដើម្បី ដោះស្រាយបញ្ហាដោយសន្តិវិធី។ ខ្ញុំយល់ថា នេះជាសេចក្តីសង្ឃឹមថ្មីមួយទៀត សម្រាប់ប្រជាពលរដ្ឋ និងប្រទេស កម្ពុជា ដែលអាចនឹងស្គាល់ភាពរុងរឿងបាន ប្រសិនបើរឿងនេះ ជាការពិតប្រកបដោយភាពស្មោះត្រង់ និង ស្ថិត ស្ថេរ»។

ក្នុងលិខិតដដែលនេះ លោក ប៉ា ងួនទៀង ក៏បានជម្រាបនាយករដ្ឋមន្រ្តីផងដែរថា មន្រ្តីខិលខូច និងឧកញ៉ាមួយ ចំនួន ត្រូវបានមើលឃើញថា ជាអ្នកធំ ក្រោមការដឹកនាំរបស់រដ្ឋាភិបាល ហើយក្រុមនេះ បាននិងកំពុងធ្វើអាជីវកម្ម ដោយប្រើមុខងារតួនាទី ដើម្បីលាភសក្ការៈផ្ទាល់ខ្លួន ដែលជាបុព្វហេតុ នៃការប្រព្រឹត្តអំពើពុករលួយ រំលោភសិទ្ធិ មនុស្ស និងអយុត្តិធម៌ ស្ទើរពាសពេញប្រទេស ដែលអំពើទាំងនោះ បានបង្កើតនូវការឈឺចាប់ដល់ប្រជាពលរដ្ឋ និងបានប៉ះពាល់កិត្តិយសជាតិ មន្រ្តី និងឧកញ៉ាស្អាតស្អំមួយចំនួន រួមទាំងតម្លៃអាជ្ញាធរសាធារណៈទាំងមូល។

លោក ប៉ា ងួនទៀង បានបញ្ជាក់ថា ប្រសិនបើនៅតែបណ្តែតបណ្តោយឲ្យបញ្ហាបែបនេះ នៅមានបន្តទៀត នោះជា រឿងអយុត្តិធម៌សម្រាប់ជាតិ មន្រ្តី និងឧកញ៉ាស្អាតស្អំ អាជ្ញាធររដ្ឋ និងប្រជាពលរដ្ឋជាច្រើន ដែលជាដើមចមអាចឲ្យ មានភាពមន្ទិលទាក់ទង និងប្រសិទ្ធភាព នៃការដឹកនាំរបស់សម្តេចតេជោ ផងដែរ។

នៅក្នុងលិខិតចំហនេះ លោក ប៉ា ងួនទៀង ក៏បានលើកឡើងនូវទស្សនទានមួយចំនួនផងដែរ ជម្រាបជូននាយករដ្ឋ មន្រ្តីកម្ពុជា ដោយលោកជឿជាក់ថា ទស្សនទាននេះ នឹងជួយរក្សានូវប្រជាប្រិយភាព អំណាច និងឥទ្ធិពលសម្រាប់ សម្តេច និងជាតិខ្មែរទាំងមូល។

ខាងក្រោមនេះ គឺជាលិខិតចំហ ដែលលោក ប៉ា ងួនទៀង ផ្ញើជូននាយករដ្ឋមន្រ្តីកម្ពុជា៖

ប្រជាការពារ ខណ្ឌមានជ័យ ទទួលបានសម្លៀកបំពាក់ ឯកសណ្ឋានថ្មី

E-mail Print PDF

ភ្នំពេញ : សម្លៀកបំពាក់ ចំនួន ១៣០កំប្លេរ និងថវិកាចំនួន ២ម៉ឺនរៀល ត្រូវបានអភិបាលខណ្ឌមានជ័យ លោក ពេជ្រ កែវមុនី ផ្តល់ជូនដល់ប្រជាការពារ នៅរសៀលថ្ងៃទី២៤ ខែមេសា ឆ្នាំ២០១៥នេះ នៅសាលាខណ្ឌមានជ័យ ។

លោក ឌី រ័ត្នខេមរុណ អភិបាលរងខណ្ឌ បានបញ្ជាក់ថា សម្លៀកបំពាក់ ឯកសណ្ឋានប្រជាការពារ ចំនួន ១៣០កំប្លេរ និងថវិកានេះ ជាការឧបត្ថម្ភពី លោកឧកញ៉ា លាង ឃុន ប្រធានក្រុមស្រាបៀរកម្ពុជា ។

អភិបាលខណ្ឌមានជ័យ លោក ពេជ្រ កែវមុនី បានថ្លែងអំណរគុណ យ៉ាងជ្រាលជ្រៅដល់លោក ឧកញ៉ា លាង ឃុន ដែលបាន ចំណាយថវិកាផ្ទាល់ខ្លួន លើការកាត់សម្លៀកបំពាក់ ជូនដល់ប្រជាការពារខណ្ឌមានជ័យ ១៣០កំប្លេរ ដើម្បី យកទៅស្លៀកពាក់ បម្រើការងារប្រចាំថ្ងៃជូនប្រជាពលរដ្ឋ ។

នាឱកាសនោះ លោក ពេជ្រ កែវមុនី បានលើកឡើងអំពីសភាពការណ៍ទូទៅ នៅក្នុងភូមិសាស្ត្រខណ្ឌ និងកាតព្វកិច្ច របស់ក្រុមប្រជាការពារ លើការចូលរួមរក្សាសន្តិសុខ និងសណ្តាប់ធ្នាប់ សាធារណ:ជូនប្រជាពលរដ្ឋ ទាំងយប់ទាំងថ្ងៃ ដោយសហការជាមួយ កម្លាំងសមត្ថកិច្ចផ្សេងទៀត រួមមាននគរបាល និងអាវុធហត្ថជាដើម ។

លោក ពេជ្រ កែវមុនី បានជំរុញឲ្យប្រជាការពារទាំងអស់ ទាំងនៅថ្នាក់សង្កាត់ និងនៅថ្នាក់ខណ្ឌ ត្រូវបង្កើនកាតព្វកិច្ច របស់ខ្លួនប្រកបដោយទំនួលខុសត្រូវខ្ពស់ ។ លោកអភិបាលបានលើកឡើងថា តួនាទីរបស់ប្រជាការពារ ពិតជាមិន អាចខ្វះបាន លើការចូលរួមថែរក្សាសន្តិសុខ និងសណ្តាប់ធ្នាប់ សាធារណ:ក្នុងមូលដ្ឋាន ពីព្រោះសង្កាត់ខ្លះ មានផ្ទៃដីធំ ប៉ុន្តែកម្លាំងនគរបាលមានចំនួនតិច ដូច្នេះការចូលរួមរបស់ប្រជាការពារ លើការចុះល្បាត និងអន្តរាគមន៍ករណីផ្សេងៗ ដែលកើតមានឡើង ។

ជាមួយនឹងការបំពេញភារកិច្ចប្រចាំថ្ងៃ លោក ពេជ្រ កែវមុនី បានណែនាំឲ្យចេះរក្សាភាពអត់ធ្មត់ ហើយមិនត្រូវធ្វើអ្វី ដែលនាំឲ្យមានការរិះ និងថ្នាំងថ្នាក់ពីប្រជាពលរដ្ឋនោះឡើយ ។ ផ្ទុយទៅវិញ ត្រូវជួយដោះស្រាយបញ្ហាផ្សេងៗ ដែល ពួកគាត់ជួបប្រទះ ៕

សំណុំរឿងអតីត ចៅសង្កាត់គោករកា មិនអនុវត្ត សាលដីការតុលាការ នឹងប្រកាសសាលក្រម នៅដើមខែក្រោយ

E-mail Print PDF

ភ្នំពេញ៖ សំណុំរឿងអតីតចៅសង្កាត់គោករកា លោក ភី ណុប ដែលជាប់ចោទពីបទ «ធ្វើឲ្យបាត់ជំនឿលើសេចក្តី  សម្រេចរបស់តុលាការ» ព្រោះតែមិនព្រមអនុវត្តសាលដីការរបស់តុលាការកំពូល ពាក់ព័ន្ធជម្លោះដីធ្លីនៅសង្កាត់  គោករកា នឹងត្រូវប្រកាសសាលក្រមនៅថ្ងៃទី៥ ខែឧសភា ឆ្នាំ២០១៥នេះ។

លោកចៅក្រម ឆែ វីរៈ នៃសាលាដំបូងរាជធានីភ្នំពេញ នៅព្រឹកថ្ងៃសុក្រ ទី២៤ ខែមេសា ឆ្នាំ២០១៥នេះ បាន បើកសវនាការជំនុំជម្រះទោសជនជាប់ចោទ ភី ណុប ភេទប្រុស អាយុ ៤៧ ពីបទ«ធ្វើឲ្យបាត់ជំនឿលើសេចក្តី  សម្រេចរបស់តុលាការ»  ដែលបានប្រព្រឹត្តកាលពីឆ្នាំ២០០៩។

ចៅក្រម ឆែ វីរៈ បានឲ្យដឹងថា លោក ភី ណុប ត្រូវបានតុលាការជំនុំជម្រះពីបទ«ធ្វើឲ្យបាត់ជំនឿលើសេចក្តី សម្រេចរបស់តុលាការ»  ជាប់ពាក់ព័ន្ធការមិនអនុវត្តតាមសាលដីកា របស់តុលាការកំពូល ដែលបានសម្រេច  កាត់ដីទំនាស់មួយកន្លែង ស្ថិតនៅសង្កាត់គោករការ ខណ្ឌព្រែកព្នៅ ប្រគល់ទៅឲ្យភាគីឈ្នះក្តី ក្នុងសំណុំរឿង ជម្លោះដីធ្លីកាលពីឆ្នាំ២០០៩។

សូមបញ្ជាក់ថា ក្រៅពីសំណុំរឿងក្តីខាងលើនេះ លោក ភី ណុប ក៏កំពុងជាប់ចោទពីបទ «ផ្តួចផ្តើមគំនិត ក្នុងអំពើ ឃាតកម្មគិតទុកជាមុន» ផងដែរ ក្នុងសំណុំគ្រប់គ្រាប់បែកនៅសង្កាត់ឃ្មួញ ខណ្ឌសែនសុខ កាលពីព្រលប់ថ្ងៃទី០  ៩ ខែតុលា ឆ្នាំ២០១៤ បណ្តាលឲ្យក្មេងប្រុសម្នាក់ស្លាប់បាត់បង់ជីវិត និង៥នាក់ផ្សេងទៀត រងរបួសធ្ងន់-ស្រា ល។ បទល្មើសឧក្រិដ្ឋនេះ លោក ភី ណុប អាចប្រឈមនឹងការជាប់គុកយ៉ាងតិច ១៥ឆ្នាំ៕

នគរបាល ស្រុកព្រៃនប់ បន្តចាប់ខ្លួន ជនចែកចាយ គ្រឿងញៀន​ ពីរនាក់ប្តីប្រពន្ធ ដកហូតថ្នាំញៀន ៩កញ្ចប់

E-mail Print PDF

ព្រះសីហនុ : កម្លាំងនគរបាល នៃអធិការដ្ឋាននគរបាល ស្រុកព្រៃនប់ ខេត្តព្រះសីហនុ កាលពីវេលាម៉ោង ៤និង៣០នាទី រសៀលថ្ងៃទី២៤ ខែមេសា ឆ្នាំ២០១៥ នេះ បានធ្វើការស្រាវជ្រាវ រហូតឈានទៅដល់ការឃាត់ខ្លួន ជនសង្ស័យ ពីរនាក់បន្តីប្រពន្ធ ដែលជាប់ពាក់ព័ន្ធ ទៅនឹងសកម្មភាព ចែកចាយ និងប្រើប្រាស់គ្រឿងញៀន ដោយក្នុងប្រតិបត្តិការនេះ កម្លាំងនគរបាល បានដកហូតថ្នាំញៀនចំនួន៩កញ្ចប់តូចផងដែរ។

មន្រ្តីនគរបាលស្រុកព្រៃនប់ បានអោយដឹងថា ប្រតិបត្តិការចុះទៅបង្ក្រាបគ្រឿងញៀនខាងលើនេះ បានធ្វើឡើង ស្ថិត នៅភូមិពូធឿង ឃុំបិតត្រាំង ។ តាមមន្រ្តីនគរបាល ស្រុកព្រៃនប់ បានបន្តទៀតថា ជនសង្ស័យជាប្តីប្រពន្ធ២នាក់ខាងលើនេះ រួមមាន ទី១.ឈ្មោះ ផាន់ វិសុទ្ឋ  អាយុ៤៣ ឆ្នាំ មុខរបរចាំចម្ការ (ប្តី) និងទី២.ឈ្មោះ ស៊ឹម សាវីន ភេទស្រី  អាយុ៤២ ឆ្នាំ មុខរបរចាំចម្ការ (ត្រូវជាប្រពន្ឋ) ដែលជនសង្សយ័ទាំង២ មានទីលំនៅភូមិពូធឿង ឃុំបិតត្រាំង ស្រុកព្រៃនប់ ។

មន្ត្រីនគរបាលដែល បានអោយដឹងថា ក្រៅពី ដកហូតបានថ្នាំញៀន៩កញ្ចប់តូច កម្លាំងនគរបាលបានដកហូត កញ្ចា០១ដើម, បំពង់ជក់កញ្ឆា១, ជ្រុញ១, កូនពូថៅដៃ១ និងកន្ត្រៃ១ ងដែរ។

បច្ចុប្បន្ន ជនសង្ស័យទាំង២នាក់ប្តី ប្រពន្ធ ត្រូវបានយកទៅសួរនាំ និងធ្វើការឃុំខ្លួន ជាបណ្តោះអាសន្ន នៅអធិការដ្ឋាននគរបាល ស្រុកព្រៃនប់ ដើម្បីកសាង សំណុំរឿងបញ្ជូនទៅកាន់តុលាការ ចាត់ការតាមផ្លូវច្បាប់។

EU-ជប៉ុននឹងបញ្ជូន អ្នកជំនាញការ មកសិក្សាស្ថាប័ន គ.ជ.ប ដែលទើបបង្កើតថ្មី

E-mail Print PDF

ភ្នំពេញ ៖ សហគមន៍អឺរ៉ុប (EU) និងស្ថានទូតជប៉ុន នឹងបញ្ជូនអ្នកជំនាញ ការរបស់ខ្លួនមកកម្ពុជា នៅដើមខែឧសភា ខាងមុខនេះ ដើម្បីមកបង្រៀនពីរបៀប នៃការបោះឆ្នោត ហើយភាគីទាំងពីរ បានធ្វើការគាំទ្រសមាសភាព គណៈ កម្មាធិការជាតិ រៀបចំការ បោះឆ្នោត(គ.ជ.ប)ថ្មីផងដែរ  ។

នេះជាការលើកឡើង របស់លោក ហង្ស ពុទ្ធា អ្នកនាំពាក្យ គ.ជ.ប បានមានប្រសាសន៍ ប្រាប់ក្រុមអ្នកសារព័ត៌មាន បន្ទាប់ពីបញ្ចប់កិច្ចជំនួបជាមួយលោក ហ្វ្រង់ស្វ័រកូតាន់ ឯកអគ្គរដ្ឋទូត សហគមន៍អឺរ៉ុប និងឯកអគ្គរាជទូតជប៉ុន ប្រចាំកម្ពុជា ប្រហែលជា ២ម៉ោង នៅរសៀលថ្ងៃទី២៤ ខែមេសា ឆ្នាំ២០១៥ ។

លោក ហង្ស ពុទ្ធា បានបញ្ជាក់ទៀតថា ភាគីទាំងពីរបានធ្វើការគាំទ្រយ៉ាងពេញទំហឹង សម្រាប់ស្ថាប័នថ្មីនេះ ដើម្បីកែ ទម្រង់ប្រព័ន្ធបោះឆ្នោតនៅកម្ពុជា សម្រាប់ការបោះឆ្នោតនៅអាណត្តិក្រោយ ហើយនៅដើមខែឧសភាខាងមុខនេះ ជប៉ុននឹងបញ្ជូនអ្នកជំនាញការរបស់ខ្លួន ដើម្បីមកបង្ហាត់បង្រៀនដល់មន្រ្តី គ.ជ.បអំពីប្រព័ន្ធបោះឆ្នោត ។

លោកបន្ថែមថា “អ្នកជំនាញនឹងមកដល់កម្ពុជា ដើម្បីធ្វើការសិក្សាបន្ថែម ហើយជប៉ុន និងអឺរ៉ុប នឹងបន្តកិច្ចសហការជា មួយ គ.ជ.ប ។ យើងនឹងបង្កើតទំនាក់ទំនង ២ លំដាប់ គឺលំដាប់សម្រេចចិត្ត និងបច្ចេកទេស”។

អ្នកនាំពាក្យថ្មីរូបនេះបន្តថា គោលបំណងរបស់ គ.ជ.ប ចង់ឲ្យភាគីទាំងពីរ ធ្វើការអប់រំមន្រ្តីគ.ជ.ប និងធ្វើបញ្ជីបោះ ឆ្នោតថ្មី ។ លោកថា អប់រំពីច្បាប់ និងនីតិវិធី នៃការបោះឆ្នោត។ លោកបន្ថែមការកំណត់ ធ្វើបញ្ជីបោះឆ្នោតថ្មី គឺមិន ទាន់កំណត់ថា នឹងត្រូវធ្វើនៅពេលណាមួយពិតប្រាកដនៅឡើយទេ ។

នាពេលកន្លងមក រដ្ឋាភិបាលជប៉ុន បានធ្វើការសន្យាជាមួយសម្តេចតេជោ ហ៊ុន សែន នាយករដ្ឋមន្រ្តីកម្ពុជាថា នៅ ពេលណាដែលស្ថាប័នបោះឆ្នោតថ្មី ចេញជារូបរាងនោះ ជប៉ុននឹងបញ្ជូនក្រុមមន្រ្តីជំនាញ មកសិក្សាលើស្ថាប័នមួយ នេះ។

សមាសភាពថ្នាក់ដឹកនាំ គណៈកម្មាធិការជាតិ រៀបចំការបោះឆ្នោត (គ.ជ.ប) ថ្មី ទាំង៩រូប ដែលស្នើដោយគណបក្ស ប្រជាជនកម្ពុជា (CPP) និងគណបក្សសង្រ្គោះជាតិ (CNRP) ត្រូវបានរដ្ឋសភាបោះឆ្នោតផ្តល់សេចក្តីទុកចិត្ត រួចរាល់ ហើយ ដោយសំឡេង ១១៣ លើ១១៧សំឡេង កាលពីព្រឹកថ្ងៃទី៩ មេសា ។ ប្រធាន គ.ជ.ប ថ្មី បានទៅលើលោក ស៊ិក ប៊ុនហុក មកពីគណបក្សប្រជាជនកម្ពុជា ខណៈតំណែងអនុប្រធាន បានទៅលើលោក គួយ ប៊ុនរឿន មកពី គណ បក្សសង្រ្គោះជាតិ។

សម្តេចតេជោ ហ៊ុន សែន បានថ្លែងថា សមាជិក គ.ជ.ប ទាំងអស់ លែងស្ថិតនៅក្រោម គណបក្សនយោបាយទៀត ហើយ ។ ចំណែកលោក សម រង្ស៊ី ប្រធានគណបក្សសង្រ្គោះជាតិ បានបញ្ជាក់ថា សមាជិក-សមាជិកា គ.ជ.ប មិនត្រូវ សម្តែងនូវការស្មោះត្រង់ ជាមួយគណបក្សណាទាំងអស់ សូមសម្តែងការស្មោះត្រង់ជាមួយជាតិមាតុភូមិ ទាំងអស់គ្នា ហើយត្រូវតែគោរពឆន្ទៈប្រជារាស្រ្តខ្មែរ ៕

ក្រឡាបញ្ជីខេត្ដ កំពង់ចាម កំពុងរត់ការ ដោះលែងចោរ ឆក់ឱ្យចេញ ពីពន្ធនាគារ

E-mail Print PDF

កំពង់ចាម ៖ ករណីចោរឆក់ម្នាក់ ដែល បានធ្វើសកម្មភាពកាលពីល្ងាចថ្ងៃទី២០ ខែ មីនា ឆ្នាំ២០១៥ ស្ថិតនៅផ្លូវភ្លោះសួនច្បារ ការ៉ាស់សាំងតេលា ភូមិ៣ សង្កាត់-ក្រុងកំពង់ ចាម ដែលត្រូវបាន សមត្ថកិច្ចដេញបង្ក្រាប ក្នុងរយៈពេល១៥នាទី ហើយត្រូវបាន តុលាការ ចេញដីកាឃុំខ្លួននោះ ឥឡូវមានលេចឮព័ត៌ មានថា ក្រឡាបញ្ជីម្នាក់នៅសាលាដំបូងខេត្ដ កំពង់ចាម រួមជាមួយសាច់ញាតិ របស់ជនជាប់ ចោទបាននឹងកំពុងរត់ការដោះលែងឱ្យចេញ ពីពន្ធនាគារ ។

យោងតាមប្រភពព័ត៌មានដែលលួចទម្លាយ ចេញពីមន្ដ្រីសាលាដំបូងខេត្ដកំពង់ចាម បាន លួចបង្ហើប ឱ្យដឹងនៅថ្ងៃទី២៤ ខែមេសា ឆ្នាំ ២០១៥ថា ដើម្បីឈានទៅដល់ការសម្រេច ដោះលែងឱ្យមាន សេរីភាពចេញពីពន្ធនាគារ នោះ សាច់ញាតិជនជាប់ចោទនិងក្រឡាបញ្ជី បានសហការជាមួយ ស្ដ្រីរងគ្រោះ តាមរយៈ ការទិញទូរស័ព្ទថ្មីជូន ការជួសជុលម៉ូតូឡើង វិញ និងការសរសេរ ពាក្យបណ្ដឹងសុំដកពាក្យ បណ្ដឹង ។

ប្រភពព័ត៌មានពីមន្ដ្រីរូបនេះបានលួច បង្ហើបទៀតថា បើទោះបីភាគីជនរងគ្រោះ បានសរសេរទៅ កាន់ប្រធានសាលាដំបូងខេត្ដ កំពង់ចាម សុំដកពាក្យបណ្ដឹងក៏ដោយនោះ ប៉ុន្ដែត្រូវនៅជាប់បណ្ដឹងអាជ្ញា ហើយបើក្រឡា បញ្ជីរួមជាមួយសាច់ញាតិរបស់ចោរឆក់នាំ គ្នារត់ការដោះលែងចេញពីពន្ធនាគារយ៉ាង ដូច្នេះតើសមត្ថកិច្ចនិងត្រូវប្រឈមមុខការងារ តាមបង្ក្រាបដដែល បើសិនជននេះបន្ដធ្វើសកម្ម ភាពទៀតនោះ ។

សូមបញ្ជាក់ថា ចោរឆក់រូបនេះបានធ្វើ ដំណើរតាំងពីខេត្ដរតនគិរី មកក្រុងកំពង់ចាម ហើយឆក់កាបូប ពីស្ដ្រីម្នាក់ កាលពីវេលា ម៉ោង៦ល្ងាចថ្ងៃទី២០ ខែមីនា ឆ្នាំ២០១៥ នៅសួនច្បារការាស់តេលា សង្កាត់កំពង់ចាម ក្រុងកំពង់ចាម ប៉ុន្ដែភ្លាមៗនោះកម្លាំងនគរ បាលល្បាតបានចេញស្ទាក់ និងចាប់ខ្លួនភ្លាមៗ ក្នុងរយៈពេល១៥នាទីក្រោយមក ។

ជនសង្ស័យរូបនេះ ឈ្មោះផាត់ ដាវីត អាយុ២០ ឆ្នាំ រស់នៅភូមិឡាបានសៀក សង្កាត់ឡាបាន សៀក ក្រុងបានលុង ខេត្ដរតនគិរី រីឯស្ដ្រីរង គ្រោះឈ្មោះអេង រតនា អាយុ៣១ឆ្នាំ រស់នៅ ភូមិទី៩ សង្កាត់កំពង់ចាម ក្រុងកំពង់ចាម ។

យោងតាមមាត្រា៣៥៧ ស្ដីពីស្ថានទម្ងន់ ទោស ដោយសារការប្រព្រឹត្ដអំពើហិង្សាលួច ត្រូវផ្ដន្ទាទោសពី៣ ឆ្នាំទៅ១០ឆ្នាំ ៕

ស្រ្តីរងគ្រោះដែល សាច់ញាតិជនជាប់ចោទ ទិញទូរស័ព្ទឲ្យថ្មី

ពាក្យបណ្តឹងរបស់ស្រីរងគ្រោះដែលដាក់ទៅប្រធានសាលាដំបូងខេត្តកំពង់ចាម

ប្រវត្តិរឿង

ស្កាត់ពីខេត្តរតនគិរី មកឆក់កាបូប នៅក្រុងកំពង់ចាម ត្រូវជាប់ខ្នោះ របស់នគរបាល ក្រោយធ្វើ សកម្មភាព បាន១៥នាទី

កំពង់ចាមៈ ជនសង្ស័យម្នាក់ បានស្កាត់តាំងពីក្រុងបានលុង ខេត្តរតនគិរី មកធ្វើសកម្មភាពឆក់ កាបូបនៅលើ ទឹកដីក្រុងកំពង់ចាម ប៉ុន្តែត្រូវបានកម្លាំងនគរបាល ដេញបង្ក្រាប និងចាប់វាយខ្នោះ ក្នុងរយៈពេល ១៥ នាទី បន្ទាប់ពីធ្វើសកម្មភាព។

ករណីឆក់កាបូបបានសម្រេចប៉ុន្តែរត់មិនរួចពីកណ្តាប់ដៃរបស់កម្លាំងនគរបាលខាងលើនេះ បានបង្កឲ្យ មានការភ្ញាក់ផ្អើលកាលពីវេលាម៉ោង ៦ល្លាច ថ្ងៃទី២០ ខែមីនា ឆ្នាំ២០១៥ ស្ថិតនៅចំណុចផ្លូវភ្លោះ សួនច្បារការ៉ាស់សាំងតេឡា ក្នុងភូមិ៣ សង្កាត់កំពង់ចាម ក្រុងកំពង់ចាម ។

យោងតាមរបាយការណ៍របស់លោក ហេង វុទ្ធី ស្នងការរងនគរបាលខេត្តកំពង់ចាម បានបញ្ជាក់ថា ជនសង្ស័យមានឈ្មោះ ផាត់ ដាវីត អាយុ២០ឆ្នាំ មានស្រុកកំណើតនិងទីលំនៅ បច្ចុប្បន្នស្ថិតនៅភូមិឡាបានសៀក សង្កាត់ឡាបានសៀក ក្រុងបានលុង ខេត្តរតនគិរី ហើយជននេះ បានធ្វើសកម្មភាពឆក់កាបូបពីស្ត្រីម្នាក់ ឈ្មោះ អេង រតនា អាយុ៣១ឆ្នាំ រស់នៅភូមិទី៩ សង្កាត់កំពង់ចាម ក្រុងកំពង់ចាម។

លោក ហេង វុទ្ធី បានបញ្ជាក់ទៀតថា មុនពេលកើតហេតុស្ត្រីរងគ្រោះ កំពុងបើកម៉ូតូតែម្នាក់ឯង ដោយកាន់កាបូប ស្រាប់តែជនសង្ស័យបានជិះម៉ូតូមកអែប ហើយឆក់យកកាបូបនោះបានសម្រេច រួចបើកម៉ូតូគេចខ្លួនយ៉ាងលឿន ។

ក្រោយពេលធ្វើសកម្មភាពភ្លាមៗ ដោយមានការស្រែកឆោរឡោពីស្ត្រីរងគ្រោះ កម្លាំងនគរបាល ដែលកំពុងល្បាត និងប្រចាំការនៅគោលដៅក្បែរនោះ បានដេញតាម ហើយប្រកាសតាមវិទ្យុទាក់ទងឲ្យកម្លាំងផ្សេងទៀត ចេញអន្តរាគម និងពួនស្ទាក់មុខសញ្ញារហូតចាប់បានក្នុងរយៈពេល១៥ នៅចំណុចកោះរការ ពោលមានចម្ងាយ ៥គីឡូម៉ែត្រពី កន្លែងកើតហេតុ។

លោក ហេង វុទ្ធីបានបន្តទៀតថា  ក្រោយការចាប់ខ្លួនកម្លាំងសមត្ថកិច្ចបានដកហូតកាបូបយួរដៃ របស់ស្ត្រីរងគ្រោះ ដែលមានទូរស័ព្ទ IPhone 6 plus មួយគ្រឿងនិងលុយ ១ម៉ឺន ៧ពាន់រៀល ព្រមទាំងដកហូតម៉ូតូរបស់ជនល្មើស ដែលជិះធ្វើសកម្មភាពមួយគ្រឿងផងដែរ។

បច្ចុប្បន្នជនសង្ស័យរូបនេះត្រូវបានឃុំខ្លួនជាបណ្តោះអាសន្នដើម្បីកសាងសំណុំរឿងបញ្ជូនទៅកាន់តុលាការផ្តន្ទាទោស តាមផ្លូវច្បាប់ ដោយឡែកទ្រព្យសម្បត្តិរបស់ជនរងគ្រោះសមត្ថកិច្ចបានប្រគល់ភ្លាមៗផងដែរ។

ស្នងការនគរបាលខេត្តកំពង់ចាម លោក ឧត្តមសេនីយ៍បែន រ័ត្ន បានបញ្ជាក់ថា នេះជាករណីឆក់ទី២ ហើយក្នុងរយៈពេលមួយត្រីមាស ប៉ុន្តែត្រូវបានសមត្ថកិច្ចរបស់លោក បង្ក្រាបបានទាំងពីរករណី និងចាប់ខ្លួនជនល្មើសបាន៣នាក់។

លោកឧត្តមសេនីយ៍ស្នងការបានដាក់ផែនការ  ពង្រាយកម្លាំងចុះល្បាត និងប្រចាំការតាមគោលដៅ ងាយស្រួលចេញអន្តរាគម បង្រ្កាបបទល្មើសបានជាក់ស្តែង ជូនប្រជាពលរដ្ឋ ដូចជាករណីទាំងពីរខាងលើនេះ។

គួរកត់សម្គាល់ថា ករណីឆក់តែងតែកើតមានឡើងជាញឹកញាប់នៅតាមបណ្តារាជធានីខេត្តមួយ ចំនួន  ប៉ុន្តែការបង្ក្រាប របស់សមត្ថកិច្ចនៅមានកម្រិត ពោលមិនបានចាប់ខ្លួនជនល្មើស រាល់សកម្មភាពដែលកើតឡើងទាំងនោះឡើយ ដូច្នេះ ការប្រើប្រាស់ជំនាញនិងយុទ្ធសាស្រ្ត លើយបទល្មើសមួយនេះគួរតែត្រូវបានពង្រឹងបន្ថែម ក្នុងគោលបំណង រក្សាសុវត្ថិភាព និងសន្តិសុខជូនប្រជាពលរដ្ឋដែលធ្វើដំណើរតាមដងផ្លូវ៕

រថយន្តកូរ៉េ ១តោនកន្លះ បុកក្មេងស្រីអាយុ ៣ ឆ្នាំ បណ្តាលឲ្យស្លាប់ លើផ្លូវគ្រួសក្រហម

E-mail Print PDF

កំពត ៖ ក្មេងស្រីអាយុ ៣ឆ្នាំ កំពុងឈរនៅមុខផ្ទះរបស់ខ្លួន នៅខាងផ្លូវ ត្រូវរថយន្តធុនកូរ៉េ ១តោនកន្លះ ពណ៌ស ពាក់ ស្លាកលេខ ភ្នំពេញ 2AA -4072 បុកចំពេញទំហឹង បណ្តាលឲ្យស្លាប់ភ្លាមៗ នៅនឹងកន្លែងកើតហេតុ នាវេលាម៉ោង ៧ និង១០នាទីព្រឹក ថ្ងៃទី២៤ ខែមេសា ឆ្នាំ២០១៥ ចំណុចលើកំណាត់ផ្លូវគ្រួសក្រហម ដូនសូយ (ផ្លូវជាតិលេខ ៣ ចេញ ទៅផ្លូវជាតិលេខ៤) ស្ថិតក្នុងភូមិច្បារអំពៅ ឃុំព្រៃថ្នង ស្រុកទឹកឈូ ខេត្តកំពត ។

តាមសមត្ថកិច្ចនគរបាលចរាចរណ៍ ស្រុកទឹកឈូ បានប្រាប់មជ្ឈមណ្ឌលព័ត៌មានដើមអម្ពិលឲ្យដឹងថា កុមារីរងគ្រោះ ឈ្មោះ ស្រេង ស្រីនាង អាយុ៣ឆ្នាំ រស់នៅក្នុងបន្ទុកឪពុក-ម្តាយ ស្នាក់នៅបណ្តោះអាសន្ន ចាំចំការឲ្យគេ ក្នុងភូមិ-ឃុំ កន្លែងកើតហេតុខាងលើ ឪពុក-ម្តាយ កុមារីរងគ្រោះ មានស្រុកនៅខេត្តកំពង់ចាម ។

នគរបាលដដែលបន្តទៀតថា ក្រោយហេតុការណ៍អ្នកបើករថយន្ត បានចុះរត់គេចខ្លួនបាត់ បន្សល់ទុកតែរថយន្ត នៅ នឹងកន្លែងកើតហេតុ ។ ដោយឡែក សពកុមារីរងគ្រោះ ត្រូវបានឪពុក-ម្តាយ យកតម្កល់នៅផ្ទះ ស្នាក់នៅបណ្តោះ អាសន្ន នេះរៀបចំតាមប្រពៃណី ។ បច្ចុប្បន្ន កម្លាំងសមត្ថកិច្ចនគរបាល ក្រោយពីបានធ្វើកោសល្យវិច្ច័យ នៅកន្លែង កើតហេតុ រួចក៏បាននាំយករថយន្តបង្កខាងលើ ទៅរក្សាទុកនៅឯអធិការដ្ឋាន នគរបាលស្រុកទឹកឈូ ដើម្បីចាត់ការទៅ តាមផ្លូវច្បាប់ ៕

នគរបាល ស្រុកចំការលើ តាមចាប់ជន ចែកចាយគ្រឿង ញៀនម្នាក់ តាមដីកាតុលាការ

E-mail Print PDF

កំពង់ចាម ៖ កម្លាំងនគរបាលជំនាញព្រហ្ម ទណ្ឌនិងនគរបាលមូលដ្ឋាន នៃអធិការដ្ឋាន នគរបាល ស្រុកចំការលើ ខេត្ដកំពង់ចាមនៅ រសៀលថ្ងៃទី២៤ ខែមេសា ឆ្នាំ២០១៥នេះ បានធ្វើការស្រាវជ្រាវ ហើយឈានទៅដល់ ការឃាត់ខ្លួនមុខសញ្ញាជួញដូរគ្រឿងញៀន ម្នាក់ តាមដីកាបញ្ជាឱ្យ ចាប់ខ្លួនរបស់តុលាការ។

មន្ដ្រីនគរបាលព្រហ្មទណ្ឌស្រុកចំការលើ បានបញ្ជាក់ថា ជនជាប់ចោទពាក់ព័ន្ធទៅនឹង គ្រឿងញៀន ត្រូវបានចាប់ខ្លួននៅឃុំបុសខ្នុរ ស្រុកចំការលើ  តាមរយៈដីកាបង្គាប់ឱ្យនាំ ខ្លួនរបស់លោកងួន វុទ្ធី ចៅក្រមស៊ើបសួរ សាលាដំបូងខេត្ដកំពង់ចាម ចុះថ្ងៃទី២៤ ខែ មីនា ឆ្នាំ២០១៥ ។

យោងតាមដីកាបង្គាប់ឱ្យនាំខ្លួនរបស់ លោកចៅក្រមខាងលើនេះ បានចោទប្រកាន់ ជនឈ្មោះវ៉ន ផល អាយុ៣៣ឆ្នាំ រស់នៅភូមិ សាមគ្គី ឃុំបុសខ្នុរ ស្រុកចំការលើ ខេត្ដកំពង់ ចាម ពីបទរក្សាទុកដឹកជញ្ជូន ឬជួញដូរដោយ ខុសច្បាប់នូវសាធាតុញៀន ដែលប្រព្រឹត្ដទៅ នៅភូមិច្រណោម ឃុំបុសខ្នុរ កាលថ្ងៃទី៨ ខែ មីនា ឆ្នាំ២០១៥ ។

តាមមន្ដ្រីនគរបាលស្រុកចំការលើ ក្រោយ ទទួលបានដីការបស់តុលាការ រួចមកនោះ និងមាន ការណែនាំពីសំណាក់ស្នងការនគរបាល ខេត្ដ កម្លាំងនគរបាលជំនាញព្រហ្មទណ្ឌនិង នគរបាល មូលដ្ឋាន បានធ្វើការស្រាវជ្រាវ ហើយឈានទៅដល់ការឃាត់ខ្លួនជននេះនិង បច្ចុប្បន្នកំពុង ធ្វើការសួរនាំនិងឃុំខ្លួនជាបណ្ដោះអាសន្ននៅអធិការដ្ឋាននគរបាលស្រុកចំការលើ ដើម្បីកសាងសំណុំរឿងបញ្ជូនទៅកាន់តុលាការចាត់ការបន្ដតាមផ្លូវច្បាប់ ។

តាមមន្ដ្រីនគរបាលព្រហ្មទណ្ឌនៃស្នងការ ដ្ឋាននគរបាលខេត្ដកំពង់ចាម បានឱ្យដឹងថា ក្នុងឆ្នាំ២០១៥នេះ កម្លាំងនគរបាលជំនាញ និងនគរបាលតាមបណ្ដាស្រុកក្រុងបានអនុវត្ដ ដីកាបញ្ជាឱ្យចាប់ខ្លួន នាំខ្លួនរបស់តុលាការ បានជិត៣០ដីកា ។

មន្ដ្រីនគរបាលរូបនេះ បានបញ្ជាក់ថា ការ អនុវត្ដដីកាតាមចាប់ខ្លួនជនល្មើសបានធ្វើឡើង ជាបន្ដបន្ទាប់ ដែលដីកាខ្លះមានរយៈពេល ជាង១០ឆ្នាំមកហើយ ពោលត្រូវអនុវត្ដទាំងអស់ កុំឱ្យតែហួសអាជ្ញាយុកាល ។

គ្រឿងសម្អាងកូរ៉េ «The SAEM» ពង្រីក​សាខា​ថ្មី ជា​មួយ​នឹង​​ការ​បញ្ចុះ តម្លៃ​២០​ភាគ​រយ

E-mail Print PDF

ភ្នំពេញ៖ បន្ទាប់ពីទទួលការគាំទ្រខ្លាំង ពីសំណាក់អតិថិជនកម្ពុជា ហាងគ្រឿងសម្អាង របស់កូរ៉េ ម៉ាក The SAEM បានកំពុងបន្តពង្រីក សាខាទី២របស់ខ្លួន នៅផ្លូវលេខ១៣ សង្កាត់ផ្សារកណ្តាល ភ្នំពេញ និងចាប់ផ្តើមសម្ពោធកាល ពីថ្ងៃទី ២៣ ខែមេសា ឆ្នាំ២០១៥ ម្សិលមិញនេះ ។

The SAEM ជាអ្នកឯកទេសថែរក្សាសម្ផស្ស តាមរូបមន្តធម្មជាតិ។ The SAME ជាផលិតផលថែរក្សាសម្ផស្ស ដ៏ល្បីរបស់ប្រទេសកូរ៉េ និងមានហាងច្រើនជាង ១០ប្រទេស រួមមាន ប្រទេសអូស្រ្តាលី ជប៉ុន កាណាដា ហុងកុង រុស្ស៊ី សំាហ្គាពួរ ម៉ាឡេស៊ី ថៃ រៀតណាម និងកម្ពុជា។ The SAEM មានផលិតផលថែរក្សា សម្ផស្សពីចុងសក់ ដល់ចុងជើង ហើយអាចប្រើបាន ទាំងបុរស និងស្រ្តីគ្រប់វ័យ ។

អ្នកស្រី ហ៊ឹម ណារី នាយិការ ហាងគ្រឿងសម្អាង The SAEM មានប្រសាសន៍ ក្នុងកម្មវិធីបើកសម្ពោធហាងទី២របស់ The SAEM នេះថា «ការបើកសម្ពោធ ហាងទី២ The SAEM ធ្វើឡើងបន្ទាប់ពី ទទួលបានជោគជ័យខ្លាំង របស់ The SAEM នៅជាន់ទី១ ផ្សារទំនើប Aoen Mall។ នាងខ្ញុំមានជំនឿ ជាក់ថា ការបើកដំណើរការ ហាងទី២ របស់ The SAEM នៅផ្តុំផ្សារកណ្តាល នឹងទទួលបានការគាំទ្រ ពីសំណាក់អតិថិជន» ។

ដើម្បីអបអរសាទរ កម្មវិធីបើកសម្ពោធហាងថ្មីរបស់ខ្លួន The SAEM បានបង្កើតនូវការដើរម៉ូតដើម្បីបង្ហាញ នូវផលិតផលគ្រឿង សម្អាងរបស់ខ្លួន និងផ្តល់ការចាប់រង្វាន់ផ្តល់សំណាង ដល់អតិថិជនរបស់ខ្លួន៕

ស្ថានទូតអាម៉េរិក នឹងប្រារព្ធ ទិវាកម្មសិទ្ធិបញ្ញា ពិភពលោក

E-mail Print PDF

ភ្នំពេញ ៖ ស្ថានទូតអាម៉េរិក ក្រុមហ៊ុន Westec Media Ltd និងសមាគមភាពយន្តកម្ពុជា នឹងរួម គ្នារៀបចំសិក្ខាសាលា មួយ នៅថ្ងៃទី២៧ ខែមេសា ឆ្នាំ២០១៥ ខាងមុខ ដើម្បីអបអរទិវាកម្មសិទ្ធិបញ្ញាពិភពលោក ។

យោងតាមសេក្តីប្រកាសព័ត៌មាន ដែលមជ្ឈមណ្ឌលព័ត៌មានដើមអម្ពិលទទួលបាន នៅថ្ងៃទី ២៤ ខែមេសា នេះ បាន ឲ្យដឹងថា សិក្ខាសាលាដែលនឹងធ្វើឡើង នៅសណ្ឋាគារ សាន់រ៉េ មានបំណងបញ្ជាក់ពីសារៈសំខាន់ នៃការលើកកម្ពស់ កម្មសិទ្ធិបញ្ញា នៅជុំវិញពិភពលោក ហើយផ្តល់ព័ត៌មាន ដល់វិស័យឯកជន និងវិស័យសាធារណៈ ទាក់ទងនឹងការការ ពារ ម្ចាស់កម្មសិទ្ធិបញ្ញាបរទេស និងម្ចាស់កម្មសិទ្ធិបញ្ញាក្នុងស្រុក ។

លោកស្រី Julie Chung អនុប្រធានទូតអាម៉េរិក នឹងថ្លែងសុន្ទរកថាស្វាគមន៍ រួមជាមួយ នឹងវាគ្មិនមកពីរាជរដ្ឋាភិបាល កម្ពុជា សមាគមភាពយន្តអន្តរជាតិ និងសមាគមភាពយន្តកម្ពុជា ៕

Page 6 of 391