left
Safe Home
Safe Home
Safe Home

Dap News...Admin

Monday, Apr 27th

| English Version | dapnews: 012 571 704, 097 9999 883, email: lim.cheavutha@gmail.com

You are here:
 
AAP

រថយន្តក្រុមហ៊ុន ស៊ីភី ចតរង់ចាំសាឡាង រអិលជម្រាលដី បុកម៉ូតូស្លាប់

E-mail Print PDF

ភ្នំពេញ ៖គ្រោះថ្នាក់ចរាចរណ៍ បណ្តាលឲ្យបុរសម្នាក់ បានស្លាប់ កាលពីវេលាម៉ោង៦ និង៣០នាទី ព្រឹក ថ្ងៃទី២៥ ខែមេសា ឆ្នាំ២០១៥ នៅចំណុចកំពង់ចម្លងស្វាយជ្រំ ស្ថិតក្នុងភូមិ៣ ក្រុម៩ សង្កាត់ជ្រោយចង្វា ខណ្ឌជ្រោយចង្វារ។

ករណីគ្រោះថ្នាក់ចរាចរណ៍ខាងលើនេះ បង្កឡើង រវាងរថយន្តកូរេម៉ាក KIA មួយគ្រឿង ស្លាកលេខ ភ្នំពេញ 2Z- 2464 របស់ក្រុមហ៊ុនស៊ីភី និងម៉ូតសង់កូរ៉េ ពណ៌ក្រហម មួយគ្រឿងពាក់ស្លាកលេខ ភ្នំពេញ 1CP-4888 បើកបរ ដោយបុរសម្នាក់ ដែលទើបត្រឡប់មកពីដឹកផ្លែឈើ ឲ្យប្រពន្ធលក់នៅផ្សារសាំហាន់ ហើយរង់ចាំឆ្លងដរដូចគ្នា ដើម្បីឆ្លងហើយអ្នកបើកបរ រថយន្តក៏ពន្លត់ម៉ាស៊ីន ។ ភ្លាមនោះនៅពេលសាឡាង បានមកដល់រថយន្តមិនទាន់បានបញ្ឆេះម៉ាស៊ីនផងក៏ធ្លាក់ជំរាល ជ្រុលទៅបុកពេញទំហឹងម៉ូតូសង់កូរ៉េ បណ្តាលឲ្យម្ចាស់ម៉ូតូស្លាប់ភ្លាមៗនៅកន្លែដកើតហេតុតែម្តង។

ប្រភពពីសមត្ថកិច្ចបានឲ្យដឹងថា អ្នកបើករថយន្តបង្កឈ្មោះ គុន បញ្ញា សុភ័ក្ត អាយុ២៣ឆ្នាំ មុខរបរបើកបរ រថយន្តឲ្យក្រុមហ៊ុនស៊ីភី ស្នាក់នៅភូមិស្វាយអាត់ ឃុំព្រែកតាមាក់ ស្រុកខ្សាច់កណ្តាល ខេត្តកណ្តាល ។ ចំណែកជនរងគ្រោះ ដែលស្លាប់ឈ្មោះ នួន រឿង ភេទប្រុស អាយុ៥៣ឆ្នាំ ស្នាក់នៅ ភូមិព្រែកហ្លួង ឃុំព្រែកហ្លួង ស្រុកខ្សាច់កណ្តាល ខេត្តកណ្តាល ។

ក្រោយកើតហេតុសមត្ថកិច្ច បានប្រគលសពជូនសាច់ញាតិរងគ្រោះ ។ ចំណែករថយន្តនិងម៉ូតូសមត្ថកិច្ច យកទៅរក្សាទុកនៅចរាចរក្រុង ដើម្បីរង់ចាំដោះស្រាយនៅពេលក្រោយ ៕

គន្លឹះនៃការរៀបចំ បញ្ជីពន្ធដារ ប្រចាំខែ ប្រចាំឆ្នាំ និងការដោះស្រាយ បំណុលពន្ធដារ គ្រប់ប្រភេទ

E-mail Print PDF

ដើម្បីរៀបចំ បញ្ជីពន្ធដារប្រចាំខែ ប្រចាំឆ្នាំ និងការដោះស្រាយ បំណុលពន្ធដារ គ្រប់ប្រភេទឲ្យបានត្រឹមត្រូវ រួមមាន៖

I- ពន្ធដែលត្រូវប្រកាស និងបង់ប្រចាំខែ៖ពន្ធលើប្រាក់បៀវត្ស (Tax on Salary) និងអត្ថប្រយោជន៍បន្ថែម (Fringe Benefit Tax)ពន្ធកាត់ទុក(Withholding Tax) ប្រាក់រំដោះពន្ធលើប្រាក់ចំនេញ (Prepayment on Profit Tax)អាករពិសេសលើទំនិញ និងសេវាមួយចំនួន(Specific Tax on certain merchandise and services) អាករស្នាក់នៅ (Accomodation Tax) អាករបំភ្លឺសាធារណៈ(Public Lighting Tax)អាករលើតម្លៃបន្ថែម(Value Added Tax)និងពន្ធអាករដទៃទៀត។

II- ពន្ធដែលត្រូវប្រកាស និង បង់ប្រចាំឆ្នាំ៖ពន្ធលើប្រាក់ចំនេញប្រចាំឆ្នាំ (Annual Profit Tax Return)ពន្ធប៉ាតង់ (Patent Tax)ពន្ធលើអចលនទ្រព្យ (Property Tax)។

III-បញ្ហា ឬបំណុលពន្ធដារនានាគ្រប់ប្រភេទ

រាល់បញ្ហាទាំងឡាយនេះ លោកអ្នកអាចជួបប្រឹក្សាយោបល់ជាមួយអ្នកឯកទេស វិជ្ជាជីវ:គណនេយ្យ និងពន្ធដារ ដែលមានស្នាដៃ និងបទពិសោធន៍ច្បាស់លាស់ទូលំទូលាយ លើកិច្ចការទាំងឡាយនេះ តាមរយះទូរស័ព្ទលេខៈ 011 777 110 និង 017 888 987 ។

យើងខ្ញុំអាចជួយលោកអ្នក បានលើសេវាកម្ម ឬលើការងារជាច្រីនដូចជា៖

១-ការរៀបចំឯកសារបែបទពន្ធដារ គ្រប់ប្រភេទដោយត្រឹមត្រូវ និងយកទៅបង់នៅកន្លែង ពន្ធដារជូនលោកអ្នក ជាស្រេច ដែលធ្វើបែបនេះលោកអ្នកចំណាយសេវាកម្ម អស់តិចហើយឯកសារមានលក្ខណៈត្រឹមត្រូវជាពិសេសចំណេញថវិការជាងការជួលបុគ្គលិក ធ្វើការជាប្រចាំយ៉ាងច្រើន។

២-ការដោះស្រាយបញ្ហាពន្ធដារ គ្រប់ប្រភេទដូចជាៈការដោះស្រាយបំណុលពន្ធដារនានា ដែលបានជំពាក់រដ្ឋ កន្លងមកការដោះស្រាយ បំណុលពន្ធដារដើម្បីជំរះបញ្ជីបិទក្រុមហ៊ុន ការរៀបចំឯកសារស្របច្បាប់ សម្រាប់ដាក់ ជូនសវនករពន្ធដារ ។

៣-ការរៀបចំឯកសារកត់ត្រា បញ្ជីគណនេយ្យឲ្យបានត្រឹមត្រូវសម្រាប់បង់ពន្ធដារ។

៤-ការរៀបចំផែនការពន្ធដារ ក្នុងការចាប់ផ្តើមអាជីវកម្មថី្ម ដើម្បីទទួលបានការលើក ទឹកចិត្ត និងការលើកលែងពន្ធ ។

៥- លើកិច្ចការនានាពាក់ព័ន្ធជាមួយពន្ធដារ។

៦-និងសេវាកម្មនានាជាច្រើនទៀតរួមមាន៖

ក-សេវាកម្មគណនេយ្យៈ

-សេវាកម្មត្រួតពិនិត្យបញ្ជីស្នាមគណនេយ្យ និងរៀបចំគោលនយោបាយ និង នីតិវិធីគណនេយ្យ និង ហិរញ្ញវត្ថុ ។

-សេវាកម្មកត់ត្រាបញ្ជី និង រៀបចំរបាយការណ៍ហិរញ្ញវត្ថុ ប្រចាំខែ និងប្រចាំឆ្នាំ(បិទបញ្ជី) ស្របតាម គោល នយោបាយ និង នីតិវិធី ស្តង់ដារ និង លក្ខខណ្ឌតម្រូវផ្នែកច្បាប់ ។

-សេវាកម្មរៀបចំ និងកត់ត្រាសមតុល្យដើមគ្រាសម្រាប់ក្រុមហ៊ុនបើកថ្មី និង ក្រុមហ៊ុនដែល មានប្រតិបត្តិការ ជាច្រើនឆ្នាំឲ្យបានត្រឹមត្រូវឡើងវិញ ។

-ប្រឹក្សាយោបល់លើការកែលម្អ ឬធ្វើបច្ចុប្បន្នភាពលើគោលនយោបាយណនេយ្យ និង នីតិវិធីគណនេយ្យ និង ហិរញ្ញវត្ថុ ។

ខ-សេវាកម្មប្រឹក្សាយោបល់លើការចុះបញ្ជីបើក ឬបិទក្រុមហ៊ុន អង្គការ សមាគមគ្រឹះស្ថានហិរញ្ញវត្ថុ សណ្ឋាគារ ការិយាល័យតំណាងសាខាក្នុង និងក្រៅប្រទេស ។ល។

-សេវាកម្មប្រឹក្សាយោបល់លើការជ្រើសរើសប្រភេទក្រុមហ៊ុន និងការដាក់ដើមទុនចុះបញ្ជី

-សេវាប្រឹក្សាយោបល់លើការរៀបចំឯកសារ ចុះបញ្ជីពាណិជ្ជកម្ម ការស្នើសុំលេខអត្តសញ្ញាណកម្មសារពើពន្ធ វិញ្ញាបនបត្រអាករលើតម្លៃបន្ថែម និងអាជ្ញាប័ណ្ណពីក្រសួង ឬស្ថាប័នអាណាព្យាបាល ។

-ការចុះបញ្ជីជាអង្គការ សមាគម ស្ថាប័នមិនស្វែងរកប្រាក់ចំណេញផ្សេងៗ

-សុំការលើកទឹកចិត្តដល់ការវិនិយោគពីសំណាក់រដ្ឋាភិបាល (QIP)

-សេវាកម្មប្រឹក្សាយោបល់លើការបំពេញបែបទបិទក្រុមហ៊ុន អង្គការ សមាគមរោងចក្រ សហគ្រាស សណ្ឋាគារ ……(ការស្នើសុំលុបឈ្មោះចេញពីបញ្ជីពាណិជ្ជកម្មលុបឈ្មោះសហគ្រាសបុគ្គល ឬពាណិជ្ជករ ដែលជាប់ពន្ធ លើប្រាក់ចំណេញលុបឈ្មោះចេញពីបញ្ជីអង្គការ សមាគម...) ។ល។

គ-សេវាកម្មប្រឹក្សាយោបល់លើការជ្រើសរើស ឬអភិវឌ្ឍកម្មវិធីគណនេយ្យកំព្យូទ័រ

-ជ្រើសរើសកម្មវិធីគណនេយ្យកុំព្យូទ័រឲ្យសមស្របទៅនឹងបរិបទការងារ ទំហំការងារ និងធនធានហិរញ្ញវត្ថុ របស់ ក្រុមហ៊ុនអង្គការ សមាគម...លោកអ្នក សម្រាប់កត់ត្រាផ្ទៀងផ្ទាត់ និង ផលិតរបាយការណ៍ ស្របតាមគោល នយោបាយ និងនីតិវិធីគ្រប់គ្រងគណនេយ្យ និង ហិរញ្ញវត្ថុ បទដ្ឋានជាតិ អន្តរជាតិ និង លក្ខខណ្ខត្រូវផ្នែកច្បាប់ ។

-ជួយវិភាគ និង ធ្វើគម្រោងអភិវឌ្ឍកម្មវិធីគណនេយ្យកុំព្យូទ័រថ្មី សម្រាប់ ក្រុមហ៊ុន អង្គការ សមាគម ...លោកអ្នក

ឃ-សេវាកម្មវគ្គបណ្តុះបណ្តាលជំនាញគណនេយ្យ និងពន្ធដារលើការអនុវត្តជាក់ស្តែង

សេវាកម្មបណ្តុះបណ្តាលជំនាញគណនេយ្យ ដល់បុគ្គលិករបស់ក្រុមហ៊ុន អង្គការ សមាគម ... តាមមុខងារ (ប្រធានផ្នែកគណនេយ្យ គណនេយ្យករ បេឡាករ អ្នកគ្រប់គ្រងសន្និធិ...) និង គ្រប់កម្រិត (កម្រិតប្រតិបត្តិ កម្រិតបច្ចេកទេស និង កម្រិតយុទ្ធសាស្រ្ត)

-សូមទាក់ទងទូរស័ព្ទលេខៈ 011 777 110និង 017 888 987។

លោក ឧបនាយករដ្ឋមន្ត្រី កែ គឹមយ៉ាន អញ្ជើញទៅធ្វើ ទស្សនកិច្ចជាផ្លូវការរយៈ ៣ថ្ងៃ នៅប្រទេសឡាវ

E-mail Print PDF

ភ្នំពេញ៖ ឧបនាយករដ្ឋមន្ត្រី និងប្រធានអាជ្ញាធរ ប្រយុទ្ធប្រឆាំងគ្រឿងញៀន លោក កែ គឹមយ៉ាន ដឹកនាំគណៈប្រតិភូអាជ្ញាធរជាតិ ប្រយុទ្ធប្រឆាំងគ្រឿងញៀន  ទៅចូលរួមធ្វើទស្សនកិច្ចជាផ្លូវការ រយៈពេល ៣ថ្ងៃ ចាប់ពីថ្ងៃទី២៦-២៨ ខែមេសា ឆ្នាំ២០១៥ នៅ សាធារណរដ្ឋប្រជាធិបតេយ្យ ប្រជាមានិតឡាវ។

គណៈប្រតិភូ ដែលជាតំណាងសមាជិកក្រសួង ស្ថាប័ន  នៃអាជ្ញាធរជាតិប្រយុទ្ធ ប្រឆាំងគ្រឿងញៀន ដែលបានធ្វើទស្សនកិច្ចជាផ្លូវការរួមមាន លោកនាយឧត្ដមសេនីយ៍ កែ  គឹមយ៉ាន, លោក តេង សាវង្ស រដ្ឋលេខាធិការក្រសួងមហាផ្ទៃ, ឯកអគ្គរដ្ឋទូតកម្ពុជា ប្រចាំនៅសាធារណរដ្ឋ ធិបតេយ្យប្រជាមានិតឡាវ, លោកឧត្ដមសេនីយ៍ឯក ម៉ក់ ជីតូ   អគ្គស្នងការរងនគរបាលជាតិ, លោកឧត្ដមសេនីយ៍ឯក យ៉ា គឹមអ៊ី មេបញ្ជាការរង កងរាជអាវុធហត្ថ លើផ្ទៃប្រទេស ទទួលការងារប្រយុទ្ធប្រឆាំងគ្រឿងញៀន, លោកឧត្ដមសេនីយ៍ឯក ហួត ឈាង មេបញ្ជាការរង កងទ័ពជើងគោគ  និងជាមេបញ្ជាការភូមិភាគ១, លោកឧត្ដមសេនីយ៍ឯក ឡាយ គឹមលី អគ្គលេខាធិការរងអាជ្ញាធរជាតិ ប្រយុទ្ធប្រឆាំងគ្រឿងញៀន   និង លោកឧត្ដមសេនីយ៍ទោ ហួត សុផល្លី សរុបទាំងអស់ចំនួន ៨រូប ។

គោលបំណងនៃការបំពេញទស្សនកិច្ចជាផ្លូវការ នៅទីក្រុងវៀងច័ន្ទ នៃប្រទេសឡាវនេះ គឺដើម្បីពង្រឹងពង្រីកកិច្ចសហប្រតិបត្តិការ លើកកម្ពស់ ការងារប្រយុទ្ធប្រឆាំងគ្រឿងញៀន កម្ពុជា និងឡាវ ឱ្យកាន់តែជិតស្និទ្ធ និងរឹងមាំថែមទៀត ជាពិសេស យកចិត្តទុកដាក់សហការ និងការសម្រប សម្រួលជាមួយអង្គការ UNODC ដើម្បីពង្រឹង និងពង្រីកកិច្ចសហប្រតិបត្តិការ តាមរយៈយន្តការទ្វេភាគី ពហុភាគីទាំងនៅក្នុង និងក្រៅប្រទេស ជាមួយបណ្ដាប្រទេសនៅក្នុងតំបន់ និងអន្តរជាតិ ព្រមទាំងបង្កើតឡើង នូវកិច្ចសហប្រតិបត្តិការនានា ជាច្រើនរវាងក្រសួងស្ថាប័ន ដែលជាប់ពាក់ព័ន្ធ ក្នុងគណៈកម្មការចម្រុះ កម្ពុជា-ឡាវ ស្ដីពីកិច្ចសហប្រតិបត្តិការសេដ្ឋកិច្ច  វប្បធម៌ វិទ្យាសាស្រ្តនិងបច្ចេកវិទ្យា និងបានកំណត់ច្បាស់ អំពីយន្តការ សហប្រតិបត្តិការ សំដៅបង្ការទប់ស្កាត់ និងបង្រ្កាបទាន់ពេលវេលា នូវរាល់បទល្មើសគ្រឿងញៀន ដែលកើតមានឡើង។ ដើម្បីពង្រឹងបាននូវកិច្ចសហប្រតិបត្តិការ អនុវត្តច្បាប់គ្រឿងញៀន រវាងប្រទេសទាំងពីរឱ្យកាន់តមាន ប្រសិទ្ធភាពខ្ពស់ថែមទៀត៕

Photo by DAP-News

Photo by DAP-News

Photo by DAP-News

Photo by DAP-News

ឃីត ស៊ីធី បង្ហាញពីឧបករណ៍​វិទ្យាសាស្រ្ត​ជា​​ច្រើន​ដើម្បី​ទាក់​ទាញ​ការ​ចូល​កម្សាន្ត

E-mail Print PDF

ភ្នំពេញ៖ ក្រុមហ៊ុន ឃីត ស៊ីធី នៅព្រឹកថ្ងៃសៅរ៍ ខែមេសា ឆ្នាំ២០១៥ បានរៀបចំកម្មវិធីប្រកួតប្រជែងអំពី វិទ្យាសាស្រ្ត បច្ចេកវិទ្យា វិស្វកម្ម និងគណិតវិទ្យា ដែលហៅកាត់ថា ស្ទែម (STEM) នៅមជ្ឈមណ្តលកម្សាន្ត និងអប់រំ ឃីតស៊ីធី។ ក្នុងនោះមានសាលវិទ្យាសាស្ត្រ តាមរបៀបកម្សាន្តសប្បាយដែលមានឧបករណ៍ ពិសោធន៍ជាក់ស្តែងដូចជា ដុំប៊ូល រមៀលលើលំហរ បញ្ជាក់អំពីទំនាយផែនដី ឬការស្វែងយល់ អំពីញាណ ផ្សេងៗក្នុងបន្ទប់ងងឹតសូន្យឈឹង។ ពួកគេអាចនិងទទួលបាននូវចំណេះដឹងផ្នែក វិទ្យាសាស្រ្តជាច្រើនខណៈ ដែលពួកគេកំពុងកម្សាន្តជាមួយនឹងឧបករណ៍ ពិសោធន៍ទំាងនោះ ។

លោក ម៉េង ហៀង អគ្គនាយក ក្រុមហ៊ុន ឃីត ស៊ីធី បានមានប្រសាសន៍ថា “វិទ្យាសាស្រ្ត គឺជាបេះដួងមួយ ចំណែកដែលមានសារសំខាន់បំផុតនៅក្នុងវិស័យអប់រំ គ្រប់មជ្ឈដ្ឋាននៅក្នុងសង្គមកម្ពុជា ដែលយើងខំប្រឹង ប្រែងបង្កើតឡើងសម្រាប់មជ្ឈមណ្តលកម្សាន្ត និងអប់រំ ឃីតស៊ីធី ។

វាជាកិច្ចការសំខាន់សម្រាប់យើង ក្នុងការបំពេញបន្ថែមក្នុងវិស័យអប់រំនៅកម្ពុជា  ដូចជាសង្គមមនុស្សទូទៅ ហើយក៏ជាផ្នែកមួយចាំបាច់សម្រាប់មនុស្សគ្រប់វ័យ  ដើម្បីស្វែងយល់អំពីវិទ្យាសាស្រ្ត មិនតែប៉ុណ្ណោះវិទ្យាក៏ អាចផ្តល់ភាព រីករាយដល់យើងផងដែរ” ។

 អ្នកស្រី Laura Boon អ្នកគ្រប់គ្រងទូទៅ នៅមជ្ឈមណ្តលកម្សាន្ត និងអប់រំ ឃីតស៊ីធី បានថ្លែងដែរថា “តាម រយៈការប្រកួតប្រជែងផ្នែកអប់រំ វិទ្យាសាស្រ្ត បច្ចេកវិទ្យា វិស្វកម្ម និងគណិតវិទ្យានេះ យើងសង្ឃឹមថា និង អាចជំរុញទឹកចិត្តក្មេងៗ បន្ថែមទៀត ឲ្យរឹតតែមានចំណាបអារម្មណ៍ លើផ្នែកវិទ្យាសាស្រ្ត ។

ក្មេងៗដែលចូលមកលេងនៅក្នុងសាសវិទ្យាសាស្រ្ត និងទទួលបានអត្ថប្រយោជន៍ដួចជា ការប្រកួតប្រជែង ចំណេះដឹង លើគ្រប់មុខវិទ្យារបស់ពួកគេ រួមទំាងធ្វើការជាក្រុម  ជាមួយនិងសិស្សមកពីមជ្ឈដ្ឋានផ្សេងៗគ្នា” ។

លោកស្រីបានបន្តថា ក្មេងចាប់ពី ៥នាក់ មានអាយុក្រោម ១២ឆ្នាំ អាចចូលរួមប្រកួតប្រជែង នៅក្នុងកម្មវិធីនេះ បាន ។ សាលានីមួយៗអាចចូលរួមប្រកួតបាន ហើយសិស្សទំាងអស់មិនចំបាច់មានចំណេះដឹង ផ្នែកវិទ្យាសាស្រ្ត ក៏អាចចូលរួមបានដែរ ។ ការប្រកួតសមត្ថភាពជាក្រុម  ការប្រើខួរក្បាល លើសមត្ថភាពមុខវិជ្ជាដ៏ទៃទៀត ក្នុង នោះក៏អាចចូលរួមដោយសេរីជាភាសាខ្មែរ និងអង្គគ្លេស ។

គួរបញ្ជាក់ថា សាលាដែលបានចូលរួមទំាងអស់នឹងទទួលបាននូវវិញ្ញាប័ត្រ បញ្ជាក់ក្នុងការប្រកួតប្រជែងនេះ ឬ អ្នកជាប់វគ្គផ្តាច់ព្រ័ត្រ និងទទួលបានមេដាយ និងកាបូបអនុស្សាវរីយ៍ដ៏ស្រស់ស្អាត ហើយក្រុមដែលឈ្នះអាច មកធ្វើទស្សនៈកិច្ចសិក្សា នៅសាលវិទ្យាសាស្រ្តរបស់ ឃីតស៊ីធី ដោយឥតគិតថ្លៃ ៕

ពលរដ្ឋជាង ១០០គ្រួសារ នៅក្នុងស្រុកទ្រាំង ស្នើឲ្យអភិបាល ជួយការពារដី របស់ពួកគាត់ ដែលគេលួចលក់

E-mail Print PDF

តាកែវ ៖ ក្រុមប្រជាពលរដ្ឋប្រមាណជាង ១០០គ្រួសារ ដែលមានទីលំនៅ ក្នុងឃុំអង្គកែវ ស្រុកទ្រាំង ខេត្តតាកែវ នៅ ព្រឹកថ្ងៃចន្ទ ទី២៧ ខែមេសា ឆ្នាំ២០១៥នេះ បាននាំគ្នា មកដាក់ពាក្យបណ្ដឹង នៅសាលាខេត្តតាកែវ ដើម្បីឲ្យលោក អភិបាលខេត្តតាកែវ ឡាយ វណ្ណៈ ជួយធ្វើយ៉ាងណាទប់ស្កាត់ ក្រុមជនខិលខូច ដែលបានលួចយកដីស្រែ របស់ពួក គាត់ទៅលក់ឲ្យក្រុមឈ្មួញ ។

យោងតាមពាក្យបណ្ដឹង របស់ប្រជាពលរដ្ឋ ដែលបានដាក់ជូន លោកអភិបាលខេត្ត បានប្ដឹងឈ្មោះ ស៊ន ម៉ន ភេទស្រី អាយុ ៦៤ឆ្នាំ មានទីលំនៅ ក្នុងភូមិសេរីដួច ឃុំអង្គកែវ ស្រុកទ្រាំង ពីបទ លួចលក់ដីប្រជាពលរដ្ឋ នៅក្នុងភូមិចំនួន៨៩ ហិកតា និងឈ្មោះ លី សាយ មានទីលំនៅជាមួយគ្នា ដោយបានយកដីទៅលក់ឲ្យ ឈ្មួញកណ្ដាល ដែលបានចុះមក ទិញនៅក្នុងឃុំអង្គកែវនេះ ។ ពាក្យបណ្ដឹងខាងលើ ក៏បានស្នើសុំឲ្យលោកអភិបាលខេត្ត ជួយរកយុត្តិធម៌ដល់ប្រជាពល រដ្ឋដោយអនុគ្រោះផងដែរ ។

លោក ស៊ុំ សាក ប្រជាពលរដ្ឋ ដែលបាននាំគ្នាមកដាក់ពាក្យបណ្ដឹង នៅសាលាខេត្តតាកែវបានថ្លែងឲ្យដឹងថា ប្រជា ពលរដ្ឋប្រមាណ៥ភូមិ នៅក្នុងឃុំអង្គកែវ កំពុងតែមានការព្រួយបារម្ភ ចំពោះដីរបស់ពួកគាត់ ខណៈដីរបស់ពួកគាត់ត្រូវ បានគេលួចលក់ និងដីប្រជាពលរដ្ឋមួយចំនួនទៀត ត្រូវបានគេគំរាមលក់ឲ្យក្រុមឈ្មួញ បើមិនព្រមលក់ឲ្យទេ ពួក ឈ្មួញកណ្ដាលគំរាមប្រជាពលរដ្ឋថា នឹងយកទទេតែម្ដង ព្រោះគេអះអាងថា ដីនេះជាដីរបស់រដ្ឋ ។

លោកបានសង្កត់ធ្ងន់ថា «ប្រជាពលរដ្ឋគាត់បារម្ភបាត់បង់ដីនេះ ព្រោះពួកគាត់រស់នៅសព្វថ្ងៃ គឺពឹងអាស្រ័យ លើការ ធ្វើស្រែនៅលើដីនេះ បើគេយកបាត់តើឲ្យពួកគាត់រស់ដោយរបៀបណា?»

ក្រុមប្រជាពលរដ្ឋសង្ឃឹមថា លោកអភិបាលខេត្តតាកែវ ឡាយ វណ្ណៈ និងជួយដោះស្រាយទុកលំបាក របស់ពួកគាត់ ជា ពិសេស ជួយទប់ស្កាត់ និងការពារដីរបស់ពួកគាត់មិនឲ្យពួកឈ្មួញ លួចយកដីរបស់ពួកគាត់ទៅលក់ឲ្យក្រុមហ៊ុននោះ ទេ ។

បើតាមប្រជាពលរដ្ឋមួយចំនួន ដែលនាំគ្នាមកតវ៉ានេះបានឲ្យដឹងថា មានមន្រ្តីស្មៀនឃុំអង្គកែវ និងលោកមេប៉ុស្តិ៍ អង្គ កែវ គឺជាអ្នកចេញមុខគំរាមកំហែង ប្រជាពលរដ្ឋឲ្យលក់ដីស្រែឲ្យពួកឈ្មួញ ហើយក៏មានមន្រ្តីសូរិយាដីស្រុកទ្រាំង ចូល រួមផងដែរ ទើបបានគេហ៊ាននិយាយថា ខាងសូរិយាដី និងកាត់ដីស្រែឲ្យក្រុមហ៊ុនទាំងអស់ព្រោះដីនេះជាដីរបស់រដ្ឋ។

គួបញ្ជាក់ថា នៅក្នុងការមកតវ៉ា នឹងមកដាក់ពាក្យបណ្ដឹង របស់ប្រជាពលរដ្ឋនៅព្រឹកថ្ងៃទី២៧ ខែមេសា នេះ ប្រជាពល រដ្ឋមិនបានជួបលោកអភិបាលខេត្តតាកែវនោះទេ ព្រោះលោកអភិបាលខេត្ត មិនទាន់ត្រឡប់មកពីផ្ទះ នៅភ្នំពេញនៅ ឡើយទេ ក៏ប៉ុន្តែគេឃើញមន្រ្តីប្រធានការរិយាល័យ សាលាខេត្តតាកែវម្នាក់ បានចេញមកទទួលពាក្យបណ្ដឹង របស់ ប្រជាពលរដ្ឋ ។ ដោយឡែកលោកអភិបាលរងខេត្តតាកែវ ៤-៥នាក់ទៀត និងអស់លោកនាយក នាយករងរដ្ឋបាលជា ច្រើននាក់ទៀត បានសម្ងំ នៅក្នុងបន្ទប់ម៉ាស៊ីនត្រជាក់ មិនខ្ចីរវល់ និងចេញមកជួបប្រជាពលរដ្ឋនោះទេ ៕

នគរបាលខេត្ដ ព្រះសីហនុ ចាប់ខ្លួនស្ដ្រីជន ជាតិរុស្សី រស់នៅខុសច្បាប់ និងញៀនថ្នាំ

E-mail Print PDF

ព្រះសីហនុ ៖ ជនជាតិបរទេសម្នាក់ទៀត ហើយ ដែលលួចរស់នៅទាំងខុសច្បាប់ពោល អស់សុពលភាព ទិដ្ឋាការឆ្លងដែន និងស្នាក់ នៅក្នុងទឹកដីខេត្ដព្រះសីហនុ ជាប់មាត់សមុទ្រ ត្រូវបានកម្លាំង នគរបាល ការិយាល័យអន្ដោ ប្រវេសន៍នៃស្នងការ ដ្ឋាននគរបាល ខេត្ដព្រះសីហនុ ឃាត់ខ្លួននិងបញ្ជូនទៅកាន់អគ្គ នាយកដ្ឋានអន្ដោប្រវេសន៍ ដើម្បីបណ្ដេញ ចេញពីប្រទេសកម្ពុជា ។

ស្ដ្រីជនជាតិរុស្សី មិនត្រឹមតែរស់នៅទាំង ខុសច្បាប់ ក្នុងទឹកដីខេត្ដទេសចរណ៍របស់ ប្រទេសកម្ពុជា មួយនេះឡើយ ប៉ុន្ដែថែមទាំង ញៀនថ្នាំយ៉ាងខ្លាំង ដើរបង្កអុកឡុកគេឯង នៅក្រុងព្រះសីហនុ នាំឱ្យខូចសណ្ដាប់ធ្នាប់ សាធារណៈ ព្រមទាំងបាត់សោភ័ណភាព សម្រាប់ខេត្ដទេសចរណ៍ មួយនេះផងដែរ។

ក្រោយទទួលបានសេចក្ដីរាយការណ៍និង ក្រោយពីការស្រាវជ្រាវរកឃើញពីបទល្មើស រួចមក ស្នងការ នគរបាលខេត្ដព្រះសីហនុ លោកឧត្ដមសេនីយ៍ជួន ណារិន្ទ បានបញ្ជាឱ្យ ការិយាល័យជំនាញ ចុះទៅ ឃាត់ខ្លួនស្ដ្រីជន ជាតិរុស្សីរូបនេះ ដើម្បីរៀបចំសំណុំបែបបទ បញ្ជូនខ្លួនបន្ដទៅកាន់ អគ្គនាយក ដ្ឋានអន្ដោ ប្រវេសន៍ក្រសួងមហាផ្ទៃ បណ្ដេញចេញពី ប្រទេសកម្ពុជា ឆ្ពោះទៅកាន់ស្រុកកំណើត របស់ខ្លួនវិញ ។

យោងតាមមន្ដ្រីនគរបាលការិយាល័យ អន្ដោប្រវេសន៍ខេត្ដព្រះសីហនុ បានបញ្ជាក់ ថា ស្ដ្រីជនជាតិ រុស្សីរូបនេះ ត្រូវបានចាប់ខ្លួន កាលពីវេលាម៉ោង៨យប់ ថ្ងៃទី២៦ ខែមេសា ឆ្នាំ២០១៥ ។

មន្ដ្រីនគរបាលរូបនេះ បានបញ្ជាក់ថា ស្ដ្រី ខាងលើមានឈ្មោះ ណីណៅ NINA SELIVANOVA  អាយុ ២៩ឆ្នាំ កាន់លិខិតឆ្លងដែនលេខ ៧៣៦៣១២៧៤០ ដែលផុតកំណត់នៅថ្ងៃ ទី២២ ខែតុលា ឆ្នាំ២០២៤ ដោយឡែកការ ទិដ្ឋាការវិញ បានផុតកំណត់កាលពីថ្ងៃទី២៥ ខែកុម្ភៈ ឆ្នាំ២០១៥ ហើយស្ដ្រីរូបនេះ ពុំ មានមុខរបរពិតប្រាកដនិងទីកន្លែងស្នាក់នៅច្បាស់លាស់នោះឡើយ ។

តាមការពិនិត្យមើលទិដ្ឋាការឆ្លងដែន និងសុំរស់នៅក្នុងប្រទេសកម្ពុជា បានបង្ហាញ ថា ផុតកំណត់ រយៈពេល៦២ថ្ងៃមកហើយ។

មន្ដ្រីនគរបាលការិយាល័យអន្ដោប្រវេសន៍ បានបញ្ជាក់ថា ស្ដ្រីជនជាតិរុស្សីបានបង្កការ អុកឡុក និងមាន សតិមិនប្រក្រតី ដោយសារ សេពគ្រឿងញៀនជ្រុលហួសហេតុ ធ្វើឱ្យខូច សណ្ដាប់ធ្នាប់សាធារណៈ បាត់សោភ័ណភាព ទីក្រុង ទើបត្រូវបានចាប់ខ្លួនតែម្ដង ។

បច្ចុប្បន្នស្ដ្រីជនជាតិរុស្សីរូបនេះ ត្រូវបាន ឃុំខ្លួនជាបណ្ដោះអាសន្ននៅស្នងការដ្ឋាននគរ បាលខេត្ដព្រះសីហនុ ដើម្បីចាត់វិធានការ តាមនីតិវិធី ។

គួរបញ្ជាក់ថា ក្នុងរយៈពេលថ្មីៗនេះគេ សង្កេតឃើញថា កម្លាំងនគរបាលការិយាល័យ អន្ដោប្រវេសន៍ នៃស្នងការដ្ឋាននគរបាលខេត្ដ ព្រះសីហនុ បានបើកប្រតិបត្ដិការជាបន្ដបន្ទាប់ចុះ ទៅស្រាវជ្រាវនិង ឃាត់ខ្លួនជនបរទេសទាំង ឡាយណាដែលបន្ដលួចស្នាក់នៅនិងរកស៊ី ដោយខុសច្បាប់ ដោយទឹកដីខេត្ដព្រះសីហនុ។

ស្នងការនគរបាលខេត្ដ បានបញ្ជាក់ថា លោកបានដាក់ផែនការយ៉ាងម៉ឺនម៉ាត់ឱ្យនគរ បាលជំនាញខាង ជនបរទេស សហការជាមួយ អាជ្ញាធរមានសមត្ថកិច្ចដែលពាក់ព័ន្ធបន្ដការ ងារនេះ ដោយយកចិត្ដ ទុកដាក់ជាទីបំផុត ពោលមិនត្រូវឱ្យមានជនបរទេស អាចរស់ នៅដោយខុសច្បាប់ និងគ្មានលិខិតស្នាមត្រឹម ត្រូវនោះឡើយ ៕

កម្មវិធី “NIVEA MEN MOVIE NIGHT OUT” ប្រមូល​យុវវ័យ​ជួប​ជុំ​គ្នា ប្រឹក្សា​ពី​ការ​ថែ​រក្សា​សម្រស់

E-mail Print PDF

ភ្នំពេញ៖ ក្រៅតែពីទស្សនាភាពយន្តរួមគ្នា យុវវ័យជាច្រើន បានទទួលការប្រឹក្សាយោបល់ ដើម្បីទទួលបាន ចំណេះដឹង ពីការថែរក្សាសម្រស់ក្នុងកម្មវិធី NIVEA MEN MOVIE NIGHT OUT ដែលរៀបចំនៅក្នុង រោងភាពយន្ត Major Cineplex កាលពីថ្មីៗនេះ ។

កម្មវិធី NIVEA MEN MOVIE NIGHT OUT គឺជាកម្មវិធីថ្មីមួយ ដែលរៀបចំដោយ ក្រុមហ៊ុន ចែកចាយផលិតផល ថែរក្សាស្បែកមុខបុរស នីវៀ មេន នៅក្នុងប្រទេសកម្ពុជា ដោយសហការ ជាមួយនឹង រោងភាពយន្ត Major Cineplex ។ កម្មវិធីនេះ មានយុវវ័យសម័យថ្មី រាប់រយនាក់ បានចូលរួម ព្រមទាំងមានការចាប់រង្វាន់ផងដែរ ។
តំណាងក្រុមហ៊ុន នីវៀ មេន មានប្រសាសន៍ថាកម្មវិធីនេះ ត្រូវបានបង្កើតឡើងដើម្បី ជាការថ្លែង អំណរគុណ អតិថិជន ចំពោះការគាំទ្រផលិតផល នីវៀ មេន និងដើម្បីបង្កើន ទំនាក់ទំនង ឲ្យកាន់តែប្រសើរថែមទៀតជាមួយ អតិថិជន របស់ខ្លួន ។

លោក វណ្ណនី ដែលជាអ្នកឈ្នះរង្វាន់មួយរូប និងជាម្ចាស់គណនេយ្យហ្វេសប៊ុកឈ្មោះ ខែល វណ្ណនី បានឲ្យដឹងថា លោកពិតជារីករាយណាស់ ដែលទទួល បានឱកាសចូលរួម ក្នុងកម្មវិធីទស្សនា ភាពយន្តខ្នាតធំ រួមគ្នានាពេល នេះ ។ លោកថា “ខ្ញុំមានអារម្មណ៍ថា ក្រុមហ៊ុនតែងតែរក្សាទំនាក់ទំនង យកចិត្តទុកដាក់ និងណែនាំឲ្យអតិថិជន របស់ខ្លួន បានស្គាល់ផលិតផលថ្មីៗ របស់នីវៀ មេន។ ថ្ងៃនេះក្រៅពី បានជួបជុំសប្បាយរីករាយជាមួយគ្នា «ខ្ញុំបាន ដឹងកាន់តែច្បាស់ពី អត្ថប្រយោជន៍ របស់សារធាតុកែលម្អភ្នំភ្លើងដែលមាននៅក្នុងផលិតផល នីវៀ ម៉ាត់ ហ្វូម ។ មុខខ្ញុំគ្មានមុន គ្មានខ្លាញ់ ហើយសស្អាតជាងមុនតាំងពីប្រើ នីវៀ ម៉ាត់ ហ្វូម។ ខ្ញុំជឿថា ការជ្រើសរើស ផលិតផល នីវៀ មេន សម្រាប់ផ្ទៃមុខរបស់ខ្ញុំ គឺពិតជាត្រឹមត្រូវ» លោក វណ្ណនី បន្ថែម» ។

«បន្ទាប់ពីចូលរួមប្រកួតថតរូបក្នុងកម្មវិធីនេះ ខ្ញុំសង្កេតឃើញថា គាត់ប្លែក ច្រើនតាំង ពីការថែរក្សាផ្ទៃមុខ ការរៀប ចំខ្លួន និងជាពិសេសគាត់ជឿជាក់លើខ្លួនឯង ជាងមុន ពេលចេញទៅណា មកណាម្តងៗ» ។ នេះជាការលើក ឡើងរបស់កញ្ញា លីណា មិត្តស្រីរបស់លោក មករា ដែលជាអ្នកឈ្នះមួយរូប ក្នុងកម្មវិធីខាងលើ ។ មករា និយាយ ថា “សម័យនេះបុរសក៏ខ្វល់ខ្វាយពី ភាពស្រស់សង្ហា មិនចាញ់នារីដែរ ហើយបុរសតែងតែចូលរួមកម្មវិធីសង្គមជា ញឹកញាប់ ដូចជាកម្មវីធីជប់លៀងជាដើម ដូច្នេះទាមទារឲ្យខ្ញុំចេះថែរក្សាខ្លួនឯង ដូចជាគេងឲ្យបានគ្រប់គ្រាន់ ហាត់ប្រាណឲ្យបានទៀងទាត់ ជាដើម។ ចំពោះការថែរក្សាស្បែកមុខ ខ្ញុំរើសយកផលិតផល នីវៀ» ។

ជាការកត់សម្គាល់ នីវៀ មេន នាំចូលដោយក្រុមហ៊ុន ឌីខេអេសអេច (ខេមបូឌា) អិលធីឌី ជាផលិតផលសម្រាប់ បុរសឈានមុខគេ និងមានការគ្រាំទ្រយ៉ាងខ្លំាង ក្នុងប្រទេសកម្ពុជា ៕

ក្រុមហ៊ុនខេ វ៉ធើរ បាយអូ រ៉េត ខូអិលធីឌី យកឃុំចំណោម មកដកពិសោធន៍ ទឹកស្អុយ ឲ្យទៅជាទឹកល្អ ទទួលទានបានភ្លាមៗ

E-mail Print PDF

បន្ទាយមានជ័យ៖ កាលពីចុងសប្តាហ៍ថ្ងៃទី២៥ ខែមេសា ឆ្នាំ២០១៥ ក្រុមហ៊ុនខេ វ៉ធើរ បាយអូ រ៉េត ខូអិលធីឌី បានយកម្សៅសំអាតទឹក S M F(អេស អិម អេហ្វ ) បានជ្រើសរើសយកឃុំចំណោម ដែលពលរដ្ឋតែងតែយកទឹកស្ទឹងទៅប្រើប្រាស់ ដើម្បីធ្វើជាគំរូសម្រាប់ដកពិសោធន៍ទឹកស្អុយ ទឹកកខ្វក់ឲ្យក្លាយទៅជាទឹកស្អាត ងាយស្រួលដល់ពលរដ្ឋ ដែលរស់នៅតាមដងផ្លូវ ស្ទឹង ចេះប្រើប្រាស់ ហើយយកទៅទទួលទានដោយ មិនប៉ះពាល់ដល់សុខភាពទៀតផង ។

ប្រជាពលរដ្ឋ៦ឃុំ ក្នុងស្រុកមង្គលបុរី ក្នុងនោះរួមមានឃុំសឿ ឃុំចំណោម ឃុំរហាត់ទឹក ឃុំបត់ត្រង់ ឃុំឬស្សីក្រោក និងឃុំគុយមែង ស្រុកមង្គលបុរី ដែលនាំគ្នាប្រើប្រាស់ ទឹកស្អុយក្នុងស្ទឹងសព្វថ្ងៃនេះ ហើយក៏មានពលរដ្ឋខ្លះ បានប្រឈមនឹងជំងឺរាករុះ ជំងឺផ្សេងៗទៀត ប៉ុន្តែពុំទាន់ឃើញ ថ្នាក់លើណាម្នាក់ចុះទៅ សួរសុខទុក្ខដល់ប្រជាពលរដ្ឋ រងគ្រោះនោះនៅឡើយទេ គឺមានតែវិធានការខ្យល់តែប៉ុណ្ណោះ ។

បន្ទាប់ពីមជ្ឈមណ្ឌលព័ត៌មាន ដើមអម្ពិល បានផ្សពផ្សាយរយៈពេល២ថ្ងៃកន្លងទៅ ពីករណីគឺរឿងពលរដ្ឋប្រើទឹកស្អុយ ស្លែខៀវ រួចមក ស្រាប់តែមានក្រុមហ៊ុនផលិតម្សៅសំអាតទឹក S M F(អេស អិម អេហ្វ ) ដែលមានទីតាំងក្នុងក្រុងភ្នំពេញ បានចុះមកដល់ចំណុចកើតហេតុ ក្នុងគោលបំណងយកថ្នាំម្សៅសំអាតទឹក មកធ្វើការដកពិសោធន៍ទឹកអាក្រក់មកជាទឹកល្អ ជូនពលរដ្ឋ និងអាជ្ញាធរបានយល់ពីរបៀបប្រើ ហើយឲ្យទទួលទានបានភ្លាមៗតែម្តង ដោយមិនប៉ះពាល់សុខភាពឡើយ ។

តំណាងក្រុមហ៊ុន ខេ វ៉ធើរ បាយអូ រ៉េត ខូអិលធីឌី ខាងលើបានអះអាងថា ម្សៅសំអាតទឹករបស់ក្រុមហ៊ុនលោកនេះ គឺផ្សំដោយដើមឈើរុក្ខជាតិដើម និងរ៉ែ ចេញពីធម្មជាតិពិតប្រាកដ ដោយមានការឯកភាព ពីក្រសួងសុខាភិបាល ពីក្រសួងបរិស្ថានត្រឹមត្រូវ ទើបយកមកផលិតប្រើប្រាស់តែម្តង តំណាងក្រុមហ៊ុននោះបានបញ្ជាក់ទៀតថា ក្នុងមួយកញ្ចប់អាចយកទៅដាក់ក្នុងទឹកពាងចំណុះ ៥០០លីត្រ ទៅ៧០០លីត្រ ហើយធ្វើឲ្យទឹកខ្មៅ ទឹកខៀវទៅជា ស តែម្តង ប្រើបានភ្លាមៗ តែម្តង គេបានបន្តទៀតថា នាពេលក្រោយគឺមានក្រុមហ៊ុនធំ បានមកដល់ឃុំកើតហេតុម្តងទៀត ដើម្បីយកថ្នាំម្សៅសំអាតទឹក មកជូនពលរដ្ឋបានប្រើប្រាស់គ្រប់គ្នា នាពេលខាងមុខនេះ ។

លោកភឿក ឆូត មេឃុំចំណោម បានថ្លែងអំណរអគុណ ចំពោះក្រុមហ៊ុនខាងលើនេះ ជាពិសេសអគុណចំពោះ ប្រព័ន្ធផ្សព្វផ្សាយព័ត៌មាន គឺមជ្ឈមណ្ឌលព័ត៌មានដើមអម្ពិល និងព័ត៌មាន អង្គភាព Fresh News បានផ្សពផ្សាយពីបញ្ហាខាងលើនេះ។ លោកបន្តថា ពិតជាមានពលរដ្ឋមួយចំនួន កំពុងប្រឈមនិងជំងឺរាករុះមែន តែក្នុងកម្រិតមួយមធ្យមតែប៉ុណ្ណោះ លោកបានបន្តទៀតថា នៅពេលផ្ទៃមេឃ ត្រជាក់ ទឹកក្នុងស្ទឹងមានពណ៌ល្អក់ដូចទឹកដោះគោ និងឡើងខៀវពេញផ្ទៃទឹកពេលមេឃក្តៅខ្លាំង ពេញស្ទឹងចំណោមតែម្តង លោកមេឃុំបញ្ជាក់ លោកនៅតែបន្តផ្សព្វផ្សាយ ដល់ពលរដ្ឋឲ្យរក្សាសុខភាពដោយខ្លួនឯងបន្តទៀត ជាពិសេសគឺត្រូវចម្អិលទឹកពុះ ទើបទទួលទាន ហើយសុខភាពក៏ល្អដែរ។

ក្នុងឱកាសនោះ មានពលរដ្ឋចូលរួមជាច្រើននាក់ រួមទាំងទទួលបានម្សៅសំអាតទឹក S M F (អេស អិម អេហ្វ ) ពីក្រុមការងារក្រុមហ៊ុន ហើយតំណាងក្រុមហ៊ុន បានប្រគល់ជួនធុងចម្រុះទឹកដល់ លោកមេឃុំ កម្លាំងនគរបាលប៉ុស្តិ៍ចំណោម លោកមេភូមិ ទទួល ១ឈុត ម្សៅសំអាតទឹក S M F(អេស អិម អេហ្វ ) ១ឈុតធំ ដើម្បីជួយផ្សព្វផ្សាយដក់ពលរដ្ឋ រស់នៅតំបន់ខាងលើនេះ ឲ្យកាន់តែជ្រាបដឹងច្រើន។

តែមកដល់ពេលនេះ ពលរដ្ឋចំនួន៦ឃុំ ក្នុងស្រុកមង្គលបុរី ខេត្តបន្ទាយមានជ័យ នៅតែបន្តយកទឹកស្អុយ នៅក្នុងស្ទឹងមកប្រើប្រាស់ដដែល ដោយសារតែចៅហ្វាយខេត្ត គ្មានជំរើសបើកទ្វារទឹកបង្ហូរទឹកស្អុយ ចេញពីក្នុងស្ទឹងឡើយ ព្រោះខ្លាចមានរដូវរាំងស្ងួត ក្នុងស្ទឹងខាងលើនោះ ទើបពលរដ្ឋជាច្រើន នៅតែប្រើប្រាស់ទឹកស្អុយ រហូតមកដល់ពេលនេះ៕

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News

បើកកិច្ចប្រជុំកំពូល អាស៊ាន ASEAN លើកទី២៦ ជាផ្លូវការ

E-mail Print PDF

ភ្នំពេញ ៖ កិច្ចប្រជុំកំពូលអាស៊ាន លើកទី២៦ បានប្រារព្ធពិធី បើកជាផ្លូវការហើយ នៅព្រឹកថ្ងៃ ទី២៧ ខែមេសា នៅ សាលសន្និសីទ ទីក្រុងកូឡាឡាំពួរ ប្រទេសម៉ាឡេស៊ី ។

បណ្តាញទំនាក់ទំនង សង្គមហ្វេសប៊ុក របស់លោក កឹម គុណវឌ្ឍន៍ នៅព្រឹកថ្ងៃទី២៧ ខែមេសា នេះ បានឲ្យដឹងថា ព្រះករុណា ស៊ុលតង់, សម្តេច, លោកប្រមុខរដ្ឋ, ប្រមុខរដ្ឋាភិបាល នៃប្រទេសអាស៑ានទាំង១០ រួមទាំង លោកអគ្គ លេខាធិការអាស៊ាន ត្រូវបានការធ្វើបដិសណ្ឋារកិច្ចស្វាគមន៍ យ៉ាងកក់ក្តៅ និងស្និទស្នាលរាក់ទាក់បំផុតពី សំណាក់ លោក ណាជីប រ៉ាហ្សាក់ នាយករដ្ឋមន្រ្តីម៉ាឡេស៊ី និងជាប្រធានកិច្ចប្រជុំកំពូលអាស៊ានលើកទី២៦ និងលោកស្រី ។

គណៈប្រតិភូជាន់ខ្ពស់ រាជរដ្ឋាភិបាលកម្ពុជា ដែលអញ្ជើញអមដំណើរសម្តេចតេជោ ហ៊ុន សែន រួមមានលោក ហោ ណាំហុង ឧបនាយករដ្ឋមន្រ្តី និងជារដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិ លោក ស៊ុន ចាន់ថុល ទេសរដ្ឋមន្រ្តី និងជារដ្ឋមមន្រ្តី ក្រសួងពាណិជ្ជកម្ម លោក ហង់ជួន ណារ៉ុង រដ្ឋមន្រ្តីក្រសួងអប់រំ យុវជន និងកីឡា និងជា តំណាងជាតិ សម្រាប់ក្រុមប្រឹក្សាសហគមន៍ សង្គម វប្បធម៌អាស៊ាន ។

លោក ណាជីប រ៉ាហ្សាក់ នាយករដ្ឋមន្រ្តីម៉ាឡេស៊ី និងជាប្រធានកិច្ចប្រជុំកំពូល អាស៊ានលើកទី២៦ មានប្រសាសន៍ថា ប្រទេស និងប្រជាជនម៉ាឡេស៊ី បានទន្ទឹងរង់ចាំការធ្វើជា ម្ចាស់ផ្ទះ នៃកិច្ចប្រជុំកំពូលអាស៊ាននេះ រយៈពេល១០ឆ្នាំមក ហើយ ហើយក្នុងរយៈពេលនេះដែរ ម៉ាឡេស៊ីបានរៀបចំខ្លួនរួចជាស្រេចហើយ ក្នុងការធ្វើម្ចាស់ផ្ទះនៃ កិច្ចប្រជុំកំពូល អាស៊ានដែលជាភារកិច្ចដ៏ខ្ពង់ខ្ពស់បំផុតនោះ ។

លោកបន្តថា ឆ្នាំ២០១៥នេះ គឺជាព្រឹត្តិការណ៍ប្រវត្តិសាស្រ្ត សម្រាប់អាស៊ាន ជាមួយ និងទស្សនៈ ក្នុងការ បង្កើតសហ គមន៍អាស៊ាន ដែលនឹង លេចចេញជារូបរាងឡើងនៅក្នុង ខែធ្នូខាងមុខ។ លោកថា តាមរយៈការបង្កើតឡើង នូវសហ គមន៍តែមួយនោះ វានិងក្លាយជាមូលដ្ឋានក្នុងការពង្រឹងការឯកភាព របស់អាស៊ានបន្ថែមទៀត និងពង្រឹងសមាហរណ កម្មសម្រាប់រយៈពេល ១០ឆ្នាំទៅមុខទៀត ។ លោកបញ្ជាក់បន្ថែមថា បណ្តាមេដឹកនាំទាំងអស់ ត្រូវតែខិតខំស្វែងរក មធ្យោបាយ ដើម្បីធ្វើឲ្យអាស៊ាន មានភាពស្អិតរមួតបន្ថែមទៀត ខាងផ្នែកនយោបាយ។ លោក ណាជីប រ៉ាហ្សាក់ បាន បន្ថែមទៀតថា វិនិយោគិន នៅលើពិភពលោក ចាប់អារម្មណ៍ខ្លាំងនៅលើតែប្រទេសចិន និងឥណ្ឌា តែអាស៊ានត្រូវតែ ខិតខំប្រជែង ដើម្បីតំណែងនោះនៅក្នុងតំបន់។ ជាមួយនឹងការប្រជែងលើផ្នែកសេដ្ឋកិច្ច យើងបន្តខិតខំនឹងយកចិត្តទុក ដាក់ទាំងអស់គ្នា ក្នុងការប្រយុទ្ធប្រឆាំងទៅនឹងការបម្រែបម្រួលអាកាសធាតុ ការប្រយុទ្ធប្រឆាំងទៅនឹងអំពើភេរវកម្ម ក្រុមជ្រុលនិយម រួមទាំងបញ្ហាផ្សេងៗទៀត ដែលយើងទាំងអស់គ្នា បន្តយកចិត្តទុកដាក់បំផុត ៕

សិក្សាជាមួយ សាស្ត្រាចារ្យ ដែល​មាន បទ​ពិសោធន៍ ជាង​១០​ឆ្នាំ លើ​កិច្ច​ការ លទ្ធ​កម្ម និង​រដ្ឋបាល

E-mail Print PDF

១. ឈ្មោះមុខវិជ្ជា ៖ International Procurement Management

២. ខ្លឹមសារមេរៀន (Course description)៖

មុខវិជ្ជានេះ គឺជាមូលដ្ឋានគ្រឹះ នៃការគ្រប់គ្រងលទ្ធកម្ម និងការរៀបចំ ជាស្តង់ដារ ដែលបង្ហាញអំពីដំណើរការ នៃការធ្វើលទ្ធកម្ម ដើម្បីធានាបានការសម្រេចចិត្តរបស់អ្នកទិញ ឬប្រើប្រាស់កុំឱ្យមានហានិភ័យ។ ម៉្យាងទៀតវា ក៏ផ្តល់ជាមូលដ្ឋានសម្រាប់ការរៀបចំផែនការ ធុរកិច្ច របស់ស្ថាប័នមួយការសម្រេចចិត្តទិញ ចូលនូវផលិត ផលពីខាងក្រៅស្រុក ដើម្បីទទួលបាននូវការផ្គត់ផ្គង់សមស្រប។ មុខវិជ្ជានេះនឹងបញ្ចូលនូវការធ្វើលទ្ធកម្មទៅលើ សេវានិងទំនិញជាក់ស្តែង ដូចជា កុំព្យូទ័រនិងឧបករណ៍បច្ចេកវិទ្យា យានយន្ត សេវាធានារ៉ាប់រង សេវាបដិសណ្ឋារ កិច្ចសេវាសន្តិសុខ ជាដើម។ល។

ជាចុងក្រោយមេរៀននេះក៏បានផ្តល់នូវគន្លឹះសំខាន់ៗក្នុងការធ្វើលទ្ធកម្ម និងបញ្ចៀសនូវការកេងបន្លំពីបុគ្គលិក ពាក់ព័ន្ធនឹងការស្វែងរកសម្រង់តម្លៃ ការបញ្ជាទិញការចែកចាយនិងផ្គត់ផ្គង់ ការគ្រប់គ្រងស្តុក ព្រមទាំងចំណេះ ដឹងផ្នែកការរៀបចំផែនការលទ្ធកម្មសម្រាប់ឆ្នាំបន្ទាប់ៗ។

៣. គោលបំណងមេរៀន (Course Objectives)៖

ក្រោយពីបញ្ចប់វគ្គសិក្សា International Procurement Management នេះ សិក្ខាកាមនឹងទទួលបាននូវ ចំណេះដឹងដូចខាងក្រោម៖

-ចំណេះដឹងក្នុងការស្វែងរកសម្រង់តម្លៃ

-ចំណេះដឹងអំពីការចរចាលើការទិញ

-ចំណេះដឹង ក្នុងការរៀបចំកិច្ចសន្យា ឬ ការបញ្ជាទិញ

-ចំណេះដឹងទាក់ទិននឹងការបញ្ចៀសការកេងបន្លំរបស់បុគ្គលិកលើលទ្ធកម្ម

-ចំណេះដឹង ក្នុងការរៀបចំឯកសារនាំចូល ការបញ្ជាទិញ និង ទូទាត់ទំនិញ ជាអន្តរជាតិ

-របៀបរៀបចំផែនការលទ្ធកម្ម និងធុរកិច្ច

-រៀបចំផែនការផ្គត់ផ្គង់ និងចែកចាយ

៤. វិធីសាស្ត្រនៃការបង្រៀន (Teaching Methodology)៖

គ្រប់មេរៀននីមួយៗ នៅក្នុងវគ្គសិក្សានេះ ត្រូវបានបកស្រាយនូវខ្លឹមសារមេរៀន ដោយសាស្ត្រាចារ្យ និងសិក្ខា កាមពីព្រោះវិធីសាស្ត្របង្រៀន នឹងសិក្សារៀនសូត្រភាគច្រើនផ្អែក លើមូលដ្ឋាន “ការចូលរួម”ដោយក្នុងនោះ សាស្ត្រាចារ្យមានភារកិច្ច សម្របសម្រួលការសិក្សា របស់សិក្ខាកាមទាំងសិក្សានិងការស្រាវជ្រាវ ។

មធ្យោបាយទាំងនេះ នឹងអាចជួយឱ្យសិក្ខាកាមសិក្សារៀនសូត្រ បានកាន់តែច្រើន ជាមួយកិច្ចការធ្វើនៅពេល សម្រាក, ការពិភាក្សាជាក្រុម, ការសម្រេចជាក្រុម, ការធ្វើការងារជាគូ, ឬជាលក្ខណៈបុគ្គល ជាពិសេស គឺការ រៀបរាប់ពីបទពិសោធន៍ផ្ទាល់ខ្លួនប្រាប់សិក្ខាកាមដទៃទៀតក្នុងថ្នាក់។ ម៉្យាងវិញទៀតសាស្ត្រាចារ្យ មានតួនាទីជា អ្នកដឹកនាំ ជាអ្នកប្រឹក្សាយោបល់ ការជម្រុញនិងលើកទឹកចិត្តឱ្យសិក្ខាកាមខិតខំសិក្សារៀនសូត្រ ។

ជាពិសេសសាស្ត្រាចារ្យ  នឹងអាចសង្ខេបនូវរាល់ខ្លឹមសារមេរៀននីមួយៗដើម្បីជួយសិក្ខាកាមឆាប់យល់ និងឆាប់ ទទួលយកបាន ។

៥. មាតិកាមេរៀន (Contents)៖

៦. ឯកសារយោង ៖

1. United State Import/Export, and other Cambodia Import Export Experience.

2. Supply Chain Logistics Management, Brower Sox/ Closs/Coope

សំគាល់៖ គម្រោងមេរៀននេះរៀបចំឡើងដោយក្រុមប្រឹក្សាបច្ចេកទេស។

កាលបរិច្ឆេទ និង ពេលវេលាបណ្តុះបណ្តាល

រយៈពេល ៖៤សប្តាហ៍

ថ្ងៃចុងសប្តាហ៍

ថ្ងៃសៅរ៍           ៖ ១:៣0 រសៀល -៥:៣0  រសៀល

ថ្ងៃអាទិត្យ         ៖ ៨:00 ព្រឹក -១២:០0 ថ្ងៃត្រង់

កាលបរិច្ឆេទ     ៖ ថ្ងៃទី៩ខែឧសភាឆ្នាំ២០១៥

តម្លៃសិក្សា៖

-តម្លៃសិក្សា ១៥០ ដុល្លារអាមេរិក

-១២០ដុល្លារអាមេរិកសម្រាប់ធ្វើការចុះឈ្មោះមុនថ្ងៃទី១១ ខែមេសា ឆ្នាំ២០១៥

-ចំពោះការចុះឈ្មោះជាក្រុម៥នាក់ នឹងបន្ថែមជូនម្នាក់ដោយឥតគិតថ្លៃ

-សិក្ខាកាមធ្លាប់សិក្សាវគ្គជំនាញពីមុនមក បញ្ចុះតម្លៃ២៥%

-ផ្តល់ជូននូវអាហារសម្រន់សម្ភារៈ ឯកសារសិក្សា និងវិញ្ញាបនបត្របញ្ជាក់ការសិក្សា

ទីកន្លែងចុះឈ្មោះ និងទីកន្លែងនៃការសិក្សា៖

ក្រុមហ៊ុនអេជអាខេមបូឌា (HR CAMBODIA)

អគារសាកលវិទ្យាល័យធនធានមនុស្ស លេខ៥C ជាប់ខាងត្បូងវត្តមហាមន្ត្រី ផ្លូវលេខ២៨៤កែងផ្លូវលេខ១៦៣ សង្កាត់អូឡាំពិក ខណ្ឌចំការមន រាជធានីភ្នំពេញ ។

លេខទូរស័ព្ទ ៖  855(0) 93 888 772

អ៊ីម៉ែល ៖ men.tum@hrcambodia.com">men.tum@hrcambodia.com

Website :  www.hrcambodia.com

ថ្ងៃផុតកំណត់   ថ្ងៃទី៨ ខែឧសភា ឆ្នាំ២០១៥

 

 
 

សម្ថតកិច្ច បញ្ជូនជនសង្ស័យ ចំនួន ២នាក់ ទៅតុលាការ ក្នុងករណី គ្រឿងញៀន

E-mail Print PDF

កោះកុង ៖ នៅព្រឹកថ្ងៃទី ២៧ ខែមេសាឆ្នាំ ២០១៥ ស្នងការនគរបាលខេត្ដ បានបញ្ជូនជនសង្ស័យចំនួន ២នាក់ ទៅសាលដំបូងខេត្ដ ដើម្បីចាត់ការទៅតាមផ្លូវច្បាប់ ដោយចោទប្រកាន់ពីបទចែកចាយគ្រឿងញៀន។

សមត្ថកិច្ចធ្វើការបង្ក្រាប កាលពីថ្ងៃទី ២៥ ខែមេសា ឆ្នាំ២០១៥  ស្ថិតនៅចំណុច ភូមិ២ សង្កាត់ស្មាច់មានជ័យ ក្រុងខេមរភូមិន្ទ ខេត្ដកោះកុង ដែលសមត្ថកិច្ច ធ្វើការឃាត់ខ្លួនជនសង្ស័យ ២នាក់ ហើយរឹបអូសបានវត្ថុតាំង ម៉ាទឹកកក១កញ្ចប់តូច មានទម្ងន់១,៣៨ក្រាម។

លោក យឹម ផេង ស្នងការរង បានប្រាប់ឱ្យ ដើមអម្ពិល ដឹង នៅព្រឹកថ្ងៃទី ២៧ ខែមេសានេះថា ក្នុងការចុះបង្ក្រាបបទល្មើស គ្រឿងញៀន ដែលមានទីតាំងនៅខាងលើនេះ ដោយមានការរួមសហការ ជាមួយសមត្ថកិច្ចមូលដ្ឋាន និងសមត្ថកិច្ចស្នងការ បានធ្វើការឃាត់ខ្លួន បានជនសង្ស័យចំនួន២នាក់ ហើយជនសង្ស័យទាំង២នាក់មាន ឈ្មោះ លី វណ្ណា ភេទស្រី អាយុ ៥០ឆ្នាំ ជាជនជាតិវៀតណាម មានមុខរបរមិនពិតប្រាកដ។ ២, ឈ្មោះ ដួង ខៀវហ្វាង ភេទស្រី អាយុ ២០ឆ្នាំ មានទីលំនៅឃុំប៉ាកខ្លង ស្រុកមណ្ឌលសីមា ខេត្ដកោះកុង ។ វត្ថុតាងដែលសមត្ថកិច្ចរឹបអូសបាន មានម៉ាទឹកកក១កញ្ចប់តូច ប្រដាប់ជក់ និងទូរស័ព្ទដៃ២គ្រឿង។  

លោកបានបន្ដថា ដោយអនុវត្ដទៅតាមបញ្ជា របស់ក្រសួងមហាផ្ទៃ និងអនុវត្ដន៍បទបញ្ជា របស់លោកស្នងការខេត្ដ សមត្ថកិច្ចលោកចុះអនុវត្ដ ជាប់ជានិច្ច ព្រោះសមត្ថកិច្ចអនុវត្ដ នូវគោលនយោបាយ របស់រាជរដ្ឋាភិបាលគឺ ភូមិឃុំមានសុវត្ថិភាពល្អ ជូនប្រជាពលរដ្ឋនៅគ្រប់តំបន់ ឱ្យមានសុវត្ថិភាពល្អជានិច្ច។

លោកក៏សូមឱ្យប្រជាពលរដ្ឋទូទៅ ជួយផ្ដល់ព័ត៌មានឱ្យបានទូលំទូលាយ ជូនសមត្ថកិច្ច ហើយសមត្ថកិច្ចលោកក៏បើកទូលំទូលាយ  ក្នុងការទទួលព័ត៌មាន ពីសំណាក់ប្រជាពលរដ្ឋ។ នៅពេលណាលោកទទួលបានព័ត៌មាន ពីសំណាស់ប្រជាពលរដ្ឋ លោកនឹងទៅដល់ទីតាំងនោះភ្លាម ដោយមិនគិតពីការនឿយហត់ឡើយ ព្រោះនេះជាតួនាទី ។

លោកបានបញ្ជាក់ថា ចំពោះជនសង្ស័យទាំងពីរនាក់ រួមទាំងវត្ថុតាំង សមត្ថកិច្ចបានកសាងសំណុំរឿង បញ្ជូនទៅសាលាដំបូងខេត្ដ ដើម្បីចាត់ការទៅតាមផ្លូវច្បាប់ នៅព្រឹកនេះតែម្ដង៕

Photo by DAP-News

Photo by DAP-News

Photo by DAP-News

Page 5 of 398