left
Safe Home
Safe Home
Safe Home

Dap News...Admin

Monday, Jul 27th

| English Version | dapnews: 012 571 704, 097 9999 883, email: lim.cheavutha@gmail.com

You are here:

សម្ពោធ ព្រឹត្ដិការណ៍ អ្នកប្រើប្រាស់ដំបូង នៃបណ្ដាញ អ៊ិនធឺណិត 4G របស់ក្រុមហ៊ុន SEATEL

E-mail Print PDF

ភ្នំពេញ៖ ក្រុមហ៊ុន SEATEL ដែលជាបណ្ដាញអ៊ិនធឺណិត 4G VoLTE បានប្រារព្ធពិធី អ្នកប្រើប្រាស់ដំបូងនៅកម្ពុជា កាលពីថ្ងៃទី២៦ ខែកក្កដា ឆ្នាំ២០១៥ នាសណ្ឋាគារសុខាភ្នំពេញ។

លោក ម៉ូវ ចរិយាប្រធានបញ្ញត្តិករទូរគមនាគមន៍កម្ពុជា បានមានប្រសាសន៍ថា លោកត្រេកអរដែលក្រុមហ៊ុន SEATEL បានប្រើប្រាស់នូវបច្ចេកវិទ្យា បណ្ដាញអ៊ិនធឺណិត4G VoLTE ១០០% ដែលឈាមុខគេលើពិភពលោក ទន្ទឹមនឹងនោះ អាចប្រើប្រាស់ អ៊ិនធឺណិតមានល្បឿនលឿន និងការសន្ទនាដែលមានសំទ្បេងច្បាស់បំផុត។

លោក បន្ដថា “រូបខ្ញុំផ្ទាល់ពិតជាសង្ឃឹមជឿជាក់យ៉ាងមុតមាំ ព្រមទាំងជូនពរក្រុមហ៊ុន SEATEL នឹងនំានូវបរិយាកាសស្រស់បំព្រងថ្មី ទស្សនៈ អាជីវកម្ម កម្មវត្ថុ និងទម្រង់ថ្មីនៃសេវាកម្ម មកផ្ដល់ជូនវិស័យទូរគមនាគមន៍កម្ពុជា ដើម្បីធ្វើឲ្យសង្គម និងប្រជាពលរដ្ឋកម្ពុជា អាចទទួលបានអត្ថប្រយោជន៍ពីសេវាកម្ម និងផលិតផលដ៏ល្អឥតខ្ចោះនេះ”។

លោក ហាន់ ហាន់ជូ (Han Han Chou) នាយកប្រតិបត្ដិក្រុមហ៊ុន SEATEL បានមានប្រសាសន៍ឲ្យដឹងដែរថា នេះជាលើកដំបូងហើយ ដែលមហាព្រឹត្ដិការណ៍ ប្រើប្រាស់ដំបូងនៃសេវាកម្មទូរគមនាគមន៍ មានទ្រង់ទ្រាយធំបែបនេះ ហើយបណ្ដាញអ៊ិនធឺណិត 4G VoLTE ១០០% របស់ក្រុមហ៊ុន SEATEL ដែលមានល្បឿនលឿន ជាងបណ្ដាញអ៊ិនធឺណិត3G រហូតដល់ទៅ១០ដង ។

លោក បន្ថែមថា “ក្រុមហ៊ុន South East Asia Telecom(Cambodia) Co,Led (SEATEL Cambodai) គឺជាប្រតិបត្ដិករទូរគមនាគមន៍ពហុវិស័យ ដែលមានអាជីវកម្ម គ្របដណ្ដប់លើវិស័យទូរគមនាគមន៍ចល័ត និងសេវាកម្មអ៊ិនធឺណិត ដោយទទួលបាននូវអាជ្ញាបណ្ណ័ ប្រកបអាជីវកម្មពីរាជរដ្ឋាភិបាលកម្ពុជា ហើយបានចាប់ផ្ដើមការកសាងបណ្ដាញ ទូរគមនាគមន៍ចល័ត 4G GDD-LTE ទូទាំងប្រទេសចាប់ពីឆ្នាំ២០១៤មកម្ល៉េះ ហើយក្រុមហ៊ុន ប្ដេជ្ញាខ្ពស់ ក្នុងការបង្កើតនូវគំនិតច្នៃប្រឌិតថ្មី មិនត្រឹមតែប្រើប្រាស់ នូវបច្ចេកវិទ្យាបណ្ដាញអ៊ិនធឺណិត 4G VoLTE ដែលឈានមុខគេ លើពិភពលោកប៉ុណ្ណោះទេ តែឯសេវាកម្ម និងផលិតផលវិញ ក៏សម្រេចបាននូវសមិទ្ធផលជាច្រើនផងដែរ។”

សូមបញ្ជាក់ថា មកត្រឹមពាក់កណ្ដាលឆ្នាំ២០១៥ បណ្ដាញអ៊ិនធឺណិត 4G របស់ក្រុមហ៊ុន បានគ្របដណ្ដប់នៅតាមបណ្ដាខេត្ដរាជធានី និងតំបន់ ទីប្រជុំជនចំនួន១៧ ក្នុងនោះរួមមាន រាជធានីភ្នំពេញ ខេត្ដកណ្ដាល ព្រះសីហនុ សៀមរាម និងខេត្ដបាត់ដំបង ព្រមទាំងគ្រប ដណ្ដប់ទាំងស្រុងតាមផ្លូវជាតិលេខ១,២,៣,៤,និងលេខ៦៕

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News

ក្រសួងអប់រំរៀបចំ សន្និសីទសារព័ត៌មាន និយាយពីការ រៀបចំ ប្រឡងបាក់ឌុប

E-mail Print PDF

ភ្នំពេញ ៖ ក្រសួងអប់រំ យុវជន និងកីឡានៅម៉ោង ២និង៤៧នាទី រសៀលថ្ងៃទី២៧ ខែកក្កដា ឆ្នាំ២០១៥ នេះ បាននឹងកំពុងចាប់ផ្តើម រៀបចំសន្និសីទ សារព័ត៌មាន ដើម្បីរៀបចំការ ប្រឡងសញ្ញាប័ត្រ ទុតិយភូមិ ឬការប្រឡងបាក់ឌុបនៅឆ្នាំ២០១៥ នាទីស្តីការក្រសួង។

អ្នកនាំពាក្យ ក្រសួងអប់រំ លោក រស់ សាលីន បានថ្លែងឲ្យដឹងកាលពីពេលថ្មីថា សម្រាប់ការ ប្រឡងបាក់ ឌុប ឆ្នាំនេះ មានបេក្ខជន ៨៨.៤៨៨នាក់ និងមាន១៤៩មណ្ឌល និងចែកចេញជាបន្ទប់៣៥៧៦បន្ទប់។

លោកទេសរដ្ឋមន្រ្តី ឱម យ៉ិនទៀង កាលពីថ្ងៃទី ១៥ ខែ កក្កដា បានថ្លែងថា អ្នកចូលរួមសង្កេត ការណ៍ ក្នុងពេលប្រឡង ត្រូវបញ្ជាក់ពីភាពស្អាតស្អំ របស់ខ្លួនទើបអាចចូលរួមបាន។

គួរបញ្ជាក់ថា ប្រលងបាក់ឌុប កាលពីឆ្នាំ២០១៤ មានអ្នកសង្កេតការណ៍ប្រមាណ ៤ ០០០នាក់ មកពី គ្រប់មជ្ឈដ្ឋាន រួមទាំង អង្គការសង្គមស៊ីវិលផងដែរ និងមានចំនួនសិស្សប្រឡង ជាង៩ម៉ឺននាក់ ។ សម្រាប់សិស្សណា ដែលល្មើសបទបញ្ជាក្នុង ពេលប្រឡង ត្រូវជាប់ពន្ធនាគារ រយៈពេល៦ខែទៅមួយឆ្នាំ ប៉ុន្តែអនុវត្តទោសសូន្យថ្ងៃ ៕

លោកស្រី ងួន សុខា អញ្ជើញនាំយក ទៀនព្រះវស្សា ប្រគេនដល់ វត្តចំនួន២ នៅស្រុកខ្សាច់កណ្តាល

E-mail Print PDF

កណ្តាល ៖ ស្របពេលដែល ពិធីបុណ្យចូល កាន់ព្រះវស្សា ដែលជាពិធីបុណ្យ ដ៏ធំមួយ នៅក្នុងសង្គមកម្ពុជា ដែលគ្រប់វត្ត អារាមនៅទូទាំងប្រទេស បានប្រារព្វធ្វើឡើងគ្រប់ៗគ្នា នៅព្រឹកថ្ងៃទី ២៦ ខែកក្កដា ឆ្នាំ ២០១៥ លោកស្រី ងួន សុខា រដ្ឋលេខាធិការ ក្រសួងសេដ្ឋកិច្ច និងហិរញ្ញវត្ថុ និងលោក ជា ម៉ីវ៉ាន់ អគ្គនាយក អគ្គនាយក ដ្ឋានឧស្សាហកម្មហិរញ្ញវត្ថុ និងជាប្រធានក្រុមការងារ ចុះជួយ ស្រុកខ្សាច់កណ្តល តំណាង បណ្ឌិត អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងជាប្រធានគណៈពង្រឹង មូលដ្ឋានស្រុកល្វាឯម និងស្រុកខ្សាច់កណ្តាល រួមដំណើរដោយថ្នាក់ដឹកនាំ មន្ត្រីរាជការ ក្រោមឱវាទក្រសួង បាននាំយកទៀនព្រះវស្សា ព្រមទាំងគ្រឿង អត្ថបរិក្ខា ជាច្រើនទៀត របស់លោកបណ្ឌិត អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ទៅវេរប្រគេន ដល់ព្រះ សង្ឃ ដែលគង់ចាំព្រះវស្សា អស់កាលត្រីមាស នៅក្នុងវត្តចំនួន២ រួមមាន វត្តបារាជ និងវត្តស្វាយជ្រំ   ស្ថិតនៅក្នុង ស្រុកខ្សាច់កណ្តាល ខេត្តកណ្តាល ដើម្បីឧបត្ថម្ភដល់ព្រះសង្ឃ នៅក្នុង រដូវបុណ្យចូលកាន់ព្រះវស្សា ដែលមាន រយៈ ពេល៣ខែ ក្នុងគោលបំណងជួយជ្រោមជ្រែង ដល់សាសនាព្រះពុទ្ធ ជាសាសនារបស់រដ្ឋ។

ទៀនព្រះវស្សា ព្រមទាំងគ្រឿង អត្ថបរិក្ខាជាច្រើនទៀត ដែលត្រូវវេរប្រគេន ដល់ព្រះសង្ឃ ក្នុងវត្តចំនួន២ នាពេល នេះ ដោយក្នុងនោះវត្តបារាជ ទទួលបានបច្ច័យចំនួន ១លានរៀល ទៀនព្រះវស្សាចំនួន ២ដើម សាដក ៥ប្រអប់ ទឹកផ្លែឈើ ១កេស ទឹកសុទ្ធ ១កេស ប្រេងឆា ១ធុង ត្រីខកំបុ័ង ១កេះធំ មី១កេសធំ ទឹកស៊ីអ៊ីវ ២យួរ ទឹកត្រី២យួរ អង្ករ២បាវ និងបានជូនបច្ច័យដល់យាយជី តាជី ចំនួន ២៥នាក់ ក្នុងម្នាក់ៗបច្ច័យ៥ពាន់រៀល។ ដោយឡែកចំពោះ វត្តស្វាយជ្រំ  ទទួលបានបច្ច័យចំនួន ២លានរៀល ទៀនព្រះវស្សាចំនួន ២ដើម សាដក ៧ប្រអប់ ទឹកផ្លែឈើ ២កេស ទឹកសុទ្ធ ២កេស ប្រេងឆា ២ធុង ត្រីខកំបុ័ង ២កេះធំ មី២កេសធំ ទឹកស៊ីអ៊ីវ ៤យួរ ទឹកត្រី ៤យួរ អង្ករ ៥បាវ និងបានជូនបច្ច័យដល់យាយជី តាជី ចំនួន១៥០នាក់ ម្នាក់ៗទទួលបានបច្ច័យ ៥ពាន់ រៀល ប្រជាការពារ ថវិកា ១០ម៉ឺនរៀល នគរបាល ថវិកា ១០ម៉ឺនរៀល ។ ក្នុងឱកាសនេះដែរ ព្រះគ្រូសិរីសម្មតិវង្ស លន់ សុគន្ធា រាជាគណថ្នាក់ត្រី នៃព្រះរាជាណាចក្រកម្ពុជា ព្រះធម្មធរគណខេត្តកណ្តាល ព្រះគ្រូអនុគណស្រុក ខ្សាច់កណ្តាល និងជាព្រះចៅអធិការវត្តស្វាយជ្រំ បានប្រគេននូវបច្ច័យ ដល់ព្រះសង្ឃចំនួន៨៨អង្គ ដោយក្នុង ១អង្គៗ មានសៀវភៅ និងបច្ច័យ៣ម៉ឺនរៀល យាយជី តាជី ចំនួន១៥០នាក់ ដោយក្នុងម្នាក់ៗ ទទួលបាន អង្ករ ១៥គីឡូក្រាម ប្រដាប់ប្រដា ១កញ្ចប់ មាន តែ១កញ្ចប់ ស្កសរ ១គីឡូក្រាម មី១០កញ្ចប់ ទឹកក្រូច ២កំប៉ុង និងបច្ច័យ១ម៉ឺនរៀល ។

ទៀនចំណាំព្រះវស្សា និងគ្រឿងអត្ថបរិក្ខាផ្សេងៗមានសារៈសំខាន់ណាស់   សំរាប់ព្រះសង្ឃគ្រប់វត្ត    ទូទាំងប្រទេសកម្ពុជា នៅក្នុងការចូលកាន់ព្រះវស្សារយៈពេល៣ខែនេះ។ពុទ្ធសាសនូបបឋម និងប្រជាពុទ្ធបរិស័ទ ដែលមានជំនឿក្នុងវិស័យព្រះពុទ្ធសាសនា តែងបានរៀបចំពិធីនេះឡើងជារៀងរហូតមក គឺតាំងពីសម័យពុទ្ធកាល រហូតមកដល់សម័យកាលបច្ចុប្បន្ននេះ សំដៅជួយទ្រទ្រង់ឧបត្ថម្ភទំនុកបំរុងដល់ព្រះសង្ឃ ដែលជាស្រែបុណ្យទៅតាមកំលាំងទឹកចិត្តសិទ្ធាជ្រះថ្លារៀងៗខ្លួន ព្រោះដោយយល់ថា រដូវកាលនេះ ជារដូវវស្សា មានភ្លៀងធ្លាក់ច្រើន បង្កភាពលំបាកចំពោះព្រះភិក្ខុសង្ឃ និងសាមណេ ក្នុងការនិមន្តចេញទៅបិណ្ឌបាត្រ នៅតាមតំបន់ផ្សេងៗ នាភូមិដ្ឋានប្រជាពលរដ្ឋ ហើយប្រជាពុទ្ធបរិស័ទចំណុះជើងវត្ត គឺមានភាពមមាញឹក នឹងការងារ ការធ្វើស្រែចំការ ភ្ជួររាស់ ដកស្ទួងស្រូវរដូវវស្សា ឲ្យបានទាន់រដូវ ដើម្បីផ្គត់ផ្គង់ជីវភាពគ្រួសារ ៕

រីករាយការបង់​រំលស់អត្រា​ការ​ប្រាក់ ០% និង​រង្វាន់​ដ៏​ច្រើន​សន្ធឹក​សន្ធាប់​ពី Samsung

E-mail Print PDF

ភ្នំពេញ៖ ក្រុមហ៊ុន សាមសុង បានខិតខំពុះពារ និងទទួលបានជោគជ័យដ៏ធំក្លាយជា ម៉ាកផលិតផល បច្ចេកវិទ្យាដែលលក់ដាច់បំផុត នៅអាស៊ី ដែលមានគុណភាពល្អ និងការធានារយៈពេលយូរជាងគេ បើប្រៀបធៀប ជាមួយផលិតផលដទៃទៀត។ ឥឡូវនេះ លោកអ្នកអាចបំពេញនូវក្តីស្រម៉ៃក្នុងការទិញ នូវគ្រឿងអេឡិចត្រូនិច ទំនើបៗបានហើយពីការ បង់រំលោះ ដោយមិនគិតការប្រាក់ រយៈពេល 6 ខែ ពីក្រុមហ៊ុនសាមសុង ក្នុងកម្មវិធី Happy Buying on Samsung Days ។

រាល់ការជាវផលិតផល ទូរទស្សន៍ ម៉ាស៊ីនបោកសម្លៀកបំពាក់ ទូទឹកកក និងម៉ាស៊ីនត្រជាក់ សាមសុង ដែលមានតម្លៃចាប់ពី 250$ ឡើងទៅ លោកអ្នកមិនត្រឹមតែ អាចបង់រំលស់ ដោយមិនគិតការប្រាក់ប៉ុណ្ណោះទេ លោកអ្នកក៏អាចទទួលបានការអត្ថប្រយោជន៍ ដូចខាងក្រោម៖

ជាវម៉ាស៊ីនបោកសម្លៀកបំពាក់ សាមសុង Activ Dual Wash ប្រភេទណាមួយ លោកអ្នក នឹងទទួល បានទឹកក្រអូប Downy ដើម្បីបង្កើនភាពស្រស់ស្រាយ និងក្លិនក្រអូប ជាប់សម្លៀកបំពាក់។ ជាវទូរទឹកកកសាមសុង ចាប់ពីម៉ូដែល RT 25 ឡើងទៅ នឹងទទួលបាន កាបូបដ៏ស្រស់ ស្អាតមួយភ្លាមៗ។ ជាវទូរទស្សន៍សាមសុង ដែលមានមុខងារជា Smart TV ចំនួន 250 គ្រឿង ដំបូងគេ នឹងមានឱកាសទទួលបាន ការលេង Facebook ដោយឥតកំណត់ ព្រមជាមួយនឹង ទិន្នន័យ អ៊ីនធឺណែត រហូតដល់ទៅ 24GB សម្រាប់រយៈពេល 3 ខែ នៅលើម៉ូឌឹម Cellcard Dongle របស់លោកអ្នក ។

ប្រញាប់ឡើង! កុំឲ្យឱកាសដ៏ល្អនេះ កន្លងហួសឲ្យសោះ! សូមអញ្ជើញ ទៅកាន់ហាងទំនើប សាមសុង ដែលនៅជិតលោកអ្នកបំផុត ដើម្បីស្វែងរកព័ត៌មានលម្អិត និងផលិតផលប្រណិត ដែលលោកអ្នកត្រូវការ នៅពេលនេះ ហើយរីករាយទាំងអស់គ្នា ជាមួយនឹងការទិញទំនិញ នៅ ក្នុងថ្ងៃពិសេសរបស់សាមសុង ចាប់ពីថ្ងៃទី24 ខែកក្កដា ដល់ថ្ងៃទី 24 សីហា ឆ្នាំ 2015 នេះ។

សូមបញ្ជាក់ថា ក្រុមហ៊ុន Samsung Electronics co., Ltd គឺជាក្រុមហ៊ុននាំមុខគេ លើពិភពលោកផ្នែកបច្ចេកវិទ្យា ដោយផ្តល់លទ្ធភាពថ្មីៗ ជូនមនុស្សគ្រប់ រូបគ្រប់ទីកន្លែង។ តាមរយៈ ការបង្កើតថ្មី និងរបកគំហើញឥតឈប់ឈរ យើងកំពុងតែផ្លាស់ប្តូរ ឲ្យកាន់តែប្រសើរឡើង នូវពិភព ទូរទស្សន៍ ស្មាតហ្វូន កុំព្យូទ័រផ្ទាល់ខ្លួន កុំព្យូទ័រលើតុ ម៉ាស៊ីន ថតរូប ឧបករណ៍ផ្ទះបាយ ម៉ាស៊ីនថតចម្លង ប្រព័ន្ធ LTE ឧបករណ៍វេជ្ជសាស្ត្រ ឧបករណ៍ផ្សេងៗ ដោយប្រើប្រព័ន្ធអគ្គិសនី និងប្រព័ន្ធ LED។ យើង មានបុគ្គលិកចំនួន 307.000 នាក់ នៅទូទំាង 84 ប្រទេស ដោយមានបរិមាណលក់ប្រចាំឆ្នាំ ចំនួន 196 ពាន់លានដុល្លារ អាមេរិក។ ព័ត៌មានបន្ថែម សូមមើលគេហទំព័រ www.samsung.com និង global.samsungtomorrow.com ៕

សាលា ខេមប្រ៊ិជ អន្ដរជាតិកម្ពុជា ប្រគល់វិញ្ញាបនបត្រ និងលិខិតសរសើរ ដល់សិស្សបញ្ចប់ឆ្នាំ

E-mail Print PDF

ភ្នំពេញ៖ សាលាខេមប្រ៊ិជអន្ដរជាតិកម្ពុជា និងខេមប្រ៊ីជឆាល៍ឌីវេឡុបមេនសេនធ័រ នៅថ្ងៃទី ២៥ ខែ កក្កដា ឆ្នាំ ២០១៥ នាសាលសណ្ឋាគារជូលីណា បានប្រារព្វពិធីប្រគល់វិញ្ញាបនបត្រ និងលិខិតសរសើរដល់សិស្សានុសិស្ស ដែលបានបញ្ចប់ឆ្នាំសិក្សា២០១៤-២០១៥។

លោកស្រី Joanne Lorena នាយកនៃ Cambridge CDC និង ISC បានមានប្រសាសន៍ថា “យើងមានមោទនភាពយ៉ាងខ្លាំង ចំពោះអ្វីដែលកុមារ និងគ្រូរបស់យើង បានសម្រេចនៅឆ្នាំនេះ ថ្ងៃនេះជាថ្ងៃសម្រាប់ក្រុមគ្រួសារ និងសហគមន៍របស់យើង ក្នុងការទទួលស្គាល់ការងារ ដែលសិស្សរបស់យើង បានខិតខំប្រឹងប្រែងរៀនសូត្រ ។ យើងកំពុងតែសម្លឹងឆ្ពោះទៅមុខ ដើម្បីមានសិស្សនិស្សិតដែលបាន រីករាយជាមួយនឹងខ្លួនគេ និងរៀនកាន់តែច្រើន ក្នុងឆ្នាំសិក្សាខាងមុខទៀត”។

លោកស្រីបានបន្តថា ខេមប្រ៊ីជ ឆាល៍ឌីវេឡុបមេនសេនធ័រ មានទីតាំងស្ថិតនៅផ្លូវលេខ៣០២ សង្កាត់បឹងកេងកងទី១ ខណ្ឌចំការមន រាជធានីភ្នំពេញ ដែលជាសាលាមត្តេយ្យបីភាសា បានទទួលសិទ្ធិផ្តាច់មុខពីប្រទេសសិង្ហបុរី ដំបូងគេបង្អស់នៅកម្ពុជា ដែលមានទទួលកុមារ ឲ្យចូលរៀនចាប់ពីអាយុ២ឆ្នាំដល់អាយុ ៦ឆ្នាំ។

គួរបញ្ជាក់ថា សាលាខេមប្រ៊ីជអន្តរជាតិកម្ពុជា ត្រូវបានផ្តល់អាជ្ញាប័ណ្ណដោយ ក្រសួងអប់រំចាប់តាំងពីឆ្នាំ ២០១២ ដែលប្រើកម្មវិធីសិក្សា មូលដ្ឋាននៅចក្រភពអង់គ្លេស ជាកម្មវិធីបឋមសិក្សាអន្តរជាតិ (IPC) ដែលកំពុងត្រូវបានគេប្រើជាង ៦៥ ប្រទេសនៅទូទាំងពិភពលោក។ ភាសាចិនជា ភាសាទី២ នៅសាលាខេមប្រ៊ីជអន្តរជាតិកម្ពុជា ដែលសិក្សាតាមកម្មវិធី ODONATA ដែលមានមូលដ្ឋាននៅប្រទេសម៉ាឡេស៊ី ។ សម្រាប់ព័ត៌មានបន្ថែម សូមទូរស័ព្ទទៅលេខ ០២៣ ២២៩ ៣៣៣ ឬ ០១៦ ៤៩៩ ៥៩៩ និង០២៣ ២២៧ ០០០៕

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News

លោក កឹម សុខា ស្នើ សម្តេច តេជោ និងលោក សម រង្ស៊ី ជួបគ្នារំលឹក វប្បធម៌សន្ទនា

E-mail Print PDF

ភ្នំពេញ ៖ លោក កឹម សុខា បានថ្លែងថា លោកបានស្នើ ឲ្យមានការជួបពិភាក្សាគ្នា រវាងសម្តេចតេជោ ហ៊ុន សែន និងលោក សម រង្ស៊ី និងក្រុម តំណាងរាស្រ្ត ភាគតិច និងភាគច្រើនរវាង លោក សម រង្ស៊ី និងសម្តេច ស ខេង ដើម្បីក្រើនរំលឹកវប្បធម៌សន្ទនា ដែលមេបក្សកំពូលទាំងពីរ បានព្រមព្រៀងជាមួយគ្នា កាលពី អំឡុង ឆ្នាំ២០១៤។

ក្រោយពីការចាប់ខ្លួនឃុំខ្លួន សកម្មជនគណបក្សសង្រ្គោះជាតិទាំង១១នាក់ ដាក់ពន្ធនាគារព្រៃស សារជាថ្មី លោក កឹម សុខា បានខ្នះខ្នែង រកកិច្ចអន្តរាគមន៍ ពីដៃគូអន្តរជាតិជាច្រើន ដើម្បីឲ្យដោះលែងពួកគេ។

លោក កឹម សុខា បានមានប្រសាសន៍ ប្រាប់ក្រុមអ្នកសារព័ត៌មាន ក្រោយពីបញ្ចប់ការ សួរសុខទុក្ខសកម្ម ជន ទាំង១១នាក់ នៅពន្ធនាគារព្រៃស នៅព្រឹកថ្ងៃទី២៧ ខែកក្កដា ឆ្នាំ២០១៥ថា គណបក្សសង្រ្គោះជាតិ បានចេញសេចក្តី ថ្លែងការណ៍រួចហើយថា បក្សទាំងពីរនៅតែរក្សាវប្បធម៌សន្ទនា។

លោកបន្តថា “វប្បធម៌សន្ទនា ដែលធ្លាប់បានធ្វើរួមគ្នា គឺមានច្រកពីរ គឺទី១ធ្វើឡើងរវាងលោកសម រង្ស៊ី តំណាងរាស្រ្ត សំឡេងភាគតិច ជាមួយលោក នាយករដ្ឋមន្រ្តី ហ៊ុន សែន និងទី២តាមរយៈក្រុមតំណាង រាស្រ្តសំឡេងភាគតិច និងភាគច្រើនរវាងលោក សម រង្ស៊ី និងលោក ស ខេង ហើយយើងនៅមានច្រកហ្នឹង ហើយខ្ញុំក៏បានចាប់ផ្តើមទំនាក់ទំនងហើយដែរ ប៉ុន្តែមិនដឹងជាពេលណាពិតប្រាកដទេ”។

ពាក់ព័ន្ធករណីលោក សម រង្ស៊ីចេញទៅក្រៅប្រទេស ស្របពេល ដែលចាប់ ឃុំខ្លួនសកម្មជនទាំង១១នាក់ លោក កឹម សុខាបានថ្លែងថា គម្រោង ចេញទៅក្រៅប្រទេសនោះបានរៀបចំឡើងតាំងពីយូរមកហើយ ព្រោះ ឲ្យតែលោក មកដល់កម្ពុជាភ្លាម លោកសម រង្ស៊ីនឹងចេញទៅដែរ មិនមែនទើបតែធ្វើឡើងនោះទេ។

ដោយឡែកទាក់ទងនឹងការឆ្លើយឆ្លងតាមបណ្តាញទំនាក់ទំនងសង្គមហ្វេសប៊ុករវាងកូនស្រីលោក សម រង្ស៊ី និងកូនលោក ផ្ទាល់នោះ លោកថា ជារឿងរបស់ហ្វេសប៊ុកដែលចេះតែ លើកឡើងទេ គ្មានអ្វីពិតប្រាកដ ឡើយ៕

លោកសិង្ហ គិរី និងលោកតោ សឿត ហែរទៀន ព្រះវស្សា ចំនួន១៦វត្ត ក្នុងស្រុកភ្នំស្រុក

E-mail Print PDF

បន្ទាយមានជ័យ ៖ លោកសិង្ហ គិរី និងលោកស្រី លោក តោ សឿត និងលោកស្រី  ព្រមទាំងសហជិវិន សហជិវិនី នៃគណបក្សហ្វ៊ុនស៊ិនប៉ិច កាលពីថ្ងៃទី២៦ ខែកក្កដា ឆ្នាំ២០១៥ បានហែរទៀន ព្រះវស្សា ចំនួន១៦វត្ត ក្នុងស្រុកភ្នំស្រុក ខេត្តបន្ទាយមានជ័យ ។

ពិធីនេះ បានធ្វើឡើង នៅក្នុងវត្តត្រពាំងថ្ម ឃុំប៉ោយចារ ស្រុកព្រះនេតព្រះ ខេត្តបន្ទាយមានជ័យ ៕

ក្រុមការងារចុះ ជួយឃុំព្រៃឃ្នេស នាំអំណោយ ចែកជូនប្រជាពលរដ្ឋ ដែលជួបការលំបាក

E-mail Print PDF

ព្រៃវែង ៖ កាលពីព្រឹកថ្ងៃទី២៦ ខែកក្កដា ឆ្នាំ២០១៥ លោក ផែង វណ្ណៈ អនុប្រធាន ក្រុមការងារ ចុះជួយគណបក្ស ប្រជាជនកម្ពុជា ឃុំព្រៃឃ្នេស ស្រុកមេសាង ខេត្តព្រៃវែង និង ក្រុមការងារ ព្រមទាំងមានការអញ្ជើញចូលរួម ពីមិត្តភ័ក្រ មួយចំនួនទៀត បានចុះមូលដ្ឋាន ដោយនាំយកអំណោយរបស់ថ្នាក់ដឹកនាំ និងសប្បុរសជនមួយចំនួន ទៅចែកជូន ប្រជាពលរដ្ឋ ដែលមានជីវភាពជួបការលំបាក។

ក្រុមការងារបាន ប្រគេនបច្ច័យ៦០ម៊ឺនរៀល អង្ករ៥០ គក្រ មី១០កេះ ទឹកស៊ីវអ៊ីវ២ឡូ និងស្បង់ជីវរ ចំនួន៤០សំរាប់ឧបត្ថម្ភ សមណសិស្ស សាលាពុទ្ធិកៈ បឋមសិក្សាចំនួន៣៥អង្គ គង់នៅវត្តបារ៉ាច ឃុំព្រៃឃ្នេស និងឧបត្ថម្ភ យាយតា សរុប ១០ម៊ឺនរៀល ។

ឧបត្ថម្ភរបបប្រចាំខែសីហា ជូនចាស់ជរាគ្មាន ទីពឹងចំនួន៧នាក់ ក្នុងម្នាក់ៗ ទទួលបានអង្ករ១០គក្រ ត្រីខ២កំប៉ុង ទឹកស៊ីវអីវ២ដប ថវិកា៤ម៊ឺនរៀល ។ ចុះជួយបូមទឹក ដាក់ស្រែ និងផ្ដល់ប្រេងម៉ាស៊ូតចំនួន ២០០ លីត្រ សំរាប់សង្គ្រោះស្រូវស្រាល ប្រជាពលរដ្ឋ ចំនួន៣០គ្រួសារ ស្មើនឹងផ្ទៃដីសរុប១០ហិកតា៩០អា ដែលកំពុងជួបគ្រោះរាំងស្ងួត ។

លោក ផែង វណ្ណៈ បានថ្លែងអំណរគុណបងប្អូន ម្ចាស់ជំនួយទាំងអស់ ជាពិសេស អាជីវករលក់ក្រណាត់ នៅផ្សារអូរឬស្សី ដែលបានគាំទ្រសកម្មភាពយើងខ្ញុំ និង បានរៃគ្នាជួយ ឧបត្ថម្ភដល់ក្រុមការងារ យើងខ្ញុំសរុបចំនួន ២ លានរៀល សំរាប់ការងារ ចុះជួយប្រជាពលរដ្ឋ នៅមូលដ្ឋាននៅថ្ងៃនេះ៕

សកម្មជន CNRP ១១នាក់ស្នើលោក កឹម សុខា កុំយករឿងជាប់ពន្ធធានាគារជាថ្នូរនឹងនយោបាយ

E-mail Print PDF

ភ្នំពេញ៖ អនុប្រធានគណបក្សសង្រ្គោះជាតិ (CNRP) លោក កឹម សុខា បានថ្លែង នៅព្រឹកថ្ងៃទី២៧ ខែកក្កដា ឆ្នាំ២០១៥ នៅពេលចុះទៅសួរសុខទុក្ខ សកម្មជនទាំង១១នាក់កំពុងជាប់ពន្ធធានាគារ ថា ពួកគេបានស្នើមិនឲ្យយកករណីនេះ ជាការដោះដូរផ្នែកនយោបាយនាពេលបច្ចុប្បន្ន ដែលកំពុងតែមានភាពប្រទាញប្រទងគ្នាជាខ្លាំង។

យោងតាមផេកហ្វេសប៊ុករបស់លោក កឹម សុខា ក្រោយចេញពីជួបសូរសុខទុក្ខសកម្មជននៅពន្ធនាគារព្រៃស បានឲ្យដឹងថា “សំណូមពររបស់គាត់គឺសុំឲ្យគណបក្សសង្គ្រោះជាតិពង្រឹងនូវការតស៊ូតទៅទៀត ដើម្បីសម្រេចគោលដៅរបស់ខ្លួន ជួយជាតិជួយប្រជាពលរដ្ឋឲ្យបាន កុំយករឿងគាត់ទៅដោះដូរនយោបាយ”។

ប្រភពបន្តថា សុខភាពរបស់ពួកគាត់ទាំង១១នាក់មិនមានបញ្ហាអ្វីចោទទេ ក្នុងការរស់នៅទីនោះ ហើយឧត្តមគតិ គាត់នៅរឹងមាំដដែល មិនតក់ស្លុតទេ។

 លោកបានបន្ថែមថា មានប្រជាពលរដ្ឋ និងប្រទេសមហាអំណាចមួយចំនួនបាននឹងកំពុងស្វះស្វែងរក កិច្ចអន្តរាគមន៍ដើម្បីជួយរកយុត្តិធម៌ជូនពួកគាត់ ហើយពួកគាត់ក៏មិនឯកកោទេ ។

ទាក់ទងបញ្ហានេះផងដែរ ស្ថានទូតអាម៉េរិកប្រចាំកម្ពុជា និង ឧត្តមស្នងការអង្គការសហប្រជាជាតិ ទទួលបន្ទុកសិទ្ធិមនុស្សប្រចាំកម្ពុជា (UNHCR) បានចេញសេចក្ដីថ្លែងការណ៍រៀងខ្លួនៗ ក្នុងន័យតែមួយគឺស្នើកុំឲ្យរាជរដ្ឋាភិបាលកម្ពុជា ចូលជ្រៀតជ្រែកក្នុងស្ថាប័នតុលាការពាក់ព័ន្ធនឹងរឿង សកម្មជនទាំង១១រូបក្នុងពន្ធនាគារព្រៃស៕

ក្រុមការងារថ្នាក់ជាតិ ចុះជួយស្រុកអង្គស្នួល ចូលរួម ក្នុងវេទិការសាធារណៈ ស្តាប់យោបល់ និងកង្វល់ ពីប្រជាពលរដ្ឋ

E-mail Print PDF

កណ្តាល ៖ ស្ថិតនៅឃុំក្រាំងម្កាក់ ស្រុកអង្គស្នួល ខេត្តកណ្តាល កាលពីថ្ងៃទី២៦ ខែ កក្កដា ឆ្នាំ២០១៥ លោកបណ្ឌិត រស់ វណ្ណា អនុប្រធានក្រុមការងារថ្នាក់ជាតិ និង ជាប្រធានគណពង្រឹងមូលដ្ឋាន ស្រុកអង្គស្នួល បានអញ្ជើញចូលរួម ក្នុងវេទិការសាធារណៈ ដែលអមដំណើរ ដោយក្រុមការងារថ្នាក់កណ្តាល ព្រមទាំងមានការចូលរួមពី អាជ្ញាធរស្រុក ក្រុមប្រឹក្សាស្រុក-ក្រុមប្រឹក្សាឃុំ-និងសមត្ថកិច្ច នៃមន្ទីរជុំនាញជុំវិញ ស្រុកព្រមទាំង ប្រជាពលរដ្ឋប្រមាណ១៥០នាក់។

នៅក្នុងពិធីនោះដែរ សមាជិកនៃអង្គប្រជុំ បានឡើងមានមតិយ៉ាងផុលផុស ដោយបានលើកឡើងពីកង្វល់ របស់បងប្អូន មួយចំនួន និងកង្វះខាតរបស់អាជ្ញាធរ មូលដ្ឋានចំពោះបងប្អូន ជាប្រពលរដ្ឋ ឫក៏បញ្ហាផ្សេងៗ ដែលពាក់ព័ន្ធ និងការរស់នៅជាប្រចាំ រួមទាំងសភាពការណ៍ ភូមិ-ឃុំ មានសុវត្ឋិភាពផងដែរ ។

ជាពិសេសនោះ បញ្ហាទឹកស្អាត និងបញ្ហាវត្តអារាម បញ្ហាសុំជួសជុលផ្លូវក្នុងភូមិ សុំជួសជុលទ្វារ ទឹកនៅប្រឡាយតាហោ ករណីបណ្តឹងក្នុងរង្វង់គ្រួសារ នៅតុលាការ ខេត្តកណ្តាល និងដីកម្មសិទ្ធិ សុំលូដាក់នៅភូមិត្រពាំងស្វាយ២ កន្លែង និងភូមិព្រៃពពេល១កន្លែង ( សារុប ២១ កង់) ប្រជាការពារសុំខោ-អាវ៣៥កំប្ល/ប្រេងសាំង បន្ថែម/ថវិការនិង អាយកូម ០៥  គ្រឿង។

ក្នុងនោះដែរ លោកបណ្ឌិត រស់ វណ្ណា បានមានមតិណែនាំ និងបំភ្លឺបន្ថែមព្រមទាំងទទួល យកនូវសំណូមពរ និងបានដោះស្រាយព្រម ទាំងផ្តល់សេចក្តីណែនាំ ជូនលោកអភិបាលរង ស្រុក/មេឃុំ ដើម្បីដោះស្រាយជាមួយក្រុមហុ៑ន ផ្តល់ទឹក និងសុំអោយក្រុមហុ៑ន ចុះតំលៃទឹក និងចូលរួមជាមួយប្រជាជន ក្នុងការងារបំភ្លឺដល់ តុលាការខេត្តកណ្តាល ក្នុងបណ្តឹងដីធ្លី និងទំនាស់គ្រួសារ បញ្ហាវត្ត ខ្ពប លោកអភិបាលខេត្ត និងដោះស្រាយនៅដើមខែសីហា ឆ្នាំ២០១៥នេះ។

លោកបណ្ឌិត រស់ វណ្ណា បានឯកភាពឧបត្ថម្ភលូចំនួន២១កង់ ដល់ភូមិទាំង២ ដើម្បីដាក់បង្ហូរទឹក ឧបត្ថម្ភ ខោ-អាវប្រជាការពារ ៣៥កំប្ល៉េ-អាយកូម ចំនួន០៥គ្រ.។  ប្រេងសាំង ៧០លីត្រ និងថវិកា ២០០,០០០ រៀលក្នុង ១ ខែនិងបានផ្តល់ថវិកា ២២០ដុល្លារ ដើម្បីជួសជុលទ្វារទឹក តាមប្រឡាយតាហោជាបន្ទាន់ ។រីឯករណីសុំជួសជុលផ្លូវក្នុងភូមិ គឺអោយក្រុមការងារ និងឃុំចុះសិក្សា ។

លោកបណ្ឌិត រស់ វណ្ណា បានលើកពីសភាពការណ៍ ដែលទើបកើតមានថ្មីៗ ដើម្បីអោយប្រជាពលរដ្ឋ បានជ្រាបដែលពាក់ព័ន្ធ និងកម្មករដូចជា បញ្ហាអគ្គីសនី-ទឹកស្អាត-ថ្លៃឈ្នួលផ្ទះ និងបញ្ហាសុវត្ថិភាពក្នុងការងារ។ ដោយក្នុងនោះ រាជរដ្ឋាភិបាល បានរៀបចំច្បាប់គ្រប់គ្រងជួលផ្ទះ និងច្បាប់ធានារ៉ាប់រងសង្គម (បសស) ដូចនេះសូមក្មួយៗ ជាកម្មក រមេត្តាគិតអោយបានល្អិតល្អន់មុន និងធ្វើបាតុកម្មទាមទារអ្វីមួយ ។

ព្រោះសព្វថ្ងៃនេះក្មួយៗ ទទួលបានប្រាក់ខែគោលអប្បបរមា ចំនួន១២៨ដុល្លាអាមេរិកនិង រាជរដ្ឋាភិបាលកំពុងជជែក ជាមួយថៅកែរោងចក្រ ដើម្បីបានឡើងប្រាក់ខែជាបន្តទៀត និងបានបញ្ចុះតំលៃអគ្គីសនីត្រឹម៦១០រៀលក្នុង១ គីឡូវ៉ាត់ម៉ោង និងបន្តបញ្ចុះតំលៃ ទឹកស្អាតផងដែរ។

ដោយឡែក ករណីបញ្ហាព្រំដែន ដែលបក្សប្រឆាំងកំពុងតែ បញ្ឆេះអោយឡើង កំដៅនោះសូមបងប្អូនមេត្តាគិតគូរ អោយបានច្បាស់លាស់ ដោយកុំជឿការឃោសនា និងការអូសទាញរបស់ពួកជ្រុល និយមដែលជាហេតុនាំ ប្រទេសជាតិធ្លាក់ដល់ក្តីមហន្តរាយ និងបាត់បង់ការងាររបស់កូនចៅយើង៕

មុខសញ្ញាចែក ចាយគ្រឿង ញៀន៨នាក់ ត្រូវបង្ក្រាប នៅស្រុកមណ្ឌល សីមា

E-mail Print PDF

កោះកុង ៖ ប្រតិបត្ដិការ ពេញមួយថ្ងៃទី ២៦ ខែកក្កដា ឆ្នាំ២០១៥ របស់កម្លាំងនគរ បាលការិយា ល័យប្រឆាំង គ្រឿងញៀននៃ ស្នងការដ្ឋាន នគរបាលខេត្ដកោះកុង សហការ ជាមួយកម្លាំង នគរបាល ស្រុកមណ្ឌលសីមា បានបើកប្រតិបត្ដិការ ចុះបង្ក្រាបករណីចែក ចាយនិងប្រើប្រាស់ គ្រឿងញៀន នូវគោលដៅ ចំនួនពីរ ក្នុងឃុំបាក់ខ្លង ស្រុកមណ្ឌលសីមា ជាលទ្ធផលឃាត់ខ្លួនជនសង្ស័យចំនួន៨នាក់ ក្នុងស្រី៣នាក់ ព្រមទាំងដកហូតថ្នាំញៀន ប្រភេទម្សៅ ឧបករណ៍សម្រាប់ជក់និងចែក ចាយ ព្រមទាំង ស្រោមអនាម័យជាច្រើនផង ដែរ ។

ស្នងការរងនគរបាល និងជាប្រធានការិ យាល័យប្រឆាំងបទល្មើសខេត្ដកោះកុង លោក យឹម ផេង បានបញ្ជាក់ថា ប្រតិបត្ដិការចុះ បង្ក្រាបករណីគ្រឿងញៀនខាងលើនេះបាន ធ្វើឡើង ក្រោយពីប្រើវិធាន ការញុះញង់ រហូតចុះទៅបង្ក្រាបនៅគោលដៅទី១ ស្ថិត នៅភូមិ២ ឃុំប៉ាក់ខ្លង កាលពីវេលាម៉ោង៩ និង ៣០នាទីព្រឹកថ្ងៃទី២៦ ខែកក្កដា ឆ្នាំ ២០១៥ ដោយឃាត់ខ្លួនស្ដ្រីម្នាក់ឈ្មោះលន់ អេង អាយុ៥០ឆ្នាំ មុខរបរជាអ្នកលក់នំចេក ចៀន ហើយដកហូតវត្ថុតាងជាម្សៅសថ្លា ទូរស័ព្ទដៃ ៩គ្រឿង និងឧបករណ៍ សម្រាប់ ប្រើប្រាស់មួយចំនួនទៀត ។

លោកយឹម ផេង បានបញ្ជាក់ថា ក្រោយ ពីឃាត់ខ្លួនស្ដ្រីរូបនេះ និងធ្វើការសួរនាំរួច មក កម្លាំងនគរបាល របស់លោកក្រោមការ បញ្ជាពីសំណាក់ស្នងការនគរបាលខេត្ដ និង មានការសម្របសម្រួល ពីតំណាង អយ្យការ អមសាលាដំបូងផងនោះ បានបន្ដចុះទៅឆែក ឆេរនៅផ្ទះមួយកន្លែងទៀត ក្នុងភូមិ២ដោយ ឃាត់ខ្លួនជនសង្ស័យ៧នាក់ ក្នុងនោះស្រីពីរ នាក់ ព្រមទាំងដកហូតឧបករណ៍សម្រាប់ជក់ មួយចំនួន ថង់បា្លស្ទិចច្រកថ្នាំចំនួន៧៥ថង់ និងស្រោមអនាម័យ ចំនួន១៨៥ស្រោម ។

យោងតាមរបាយការណ៍របស់ការិយា ល័យគ្រឿងញៀន បានបញ្ជាក់ថា ជនសង្ស័យ ទាំង៧នាក់ ដែលជាមុខសញ្ញាជក់គ្រឿង ញៀន ត្រូវបានឃាត់ខ្លួនខាងលើនេះ រួមមាន ទី១ឈ្មោះស្រីលក្ខ័ ភេទស្រី អាយុ៣៤ឆ្នាំ មុខរបររកស៊ីផ្លូវភេទ ទី២ ឈ្មោះលីន ដា ភេទស្រី អាយុ៣០ឆ្នាំ មុខរបររកស៊ីផ្លូវភេទ ទី៣ឈ្មោះជា ស្វិត អាយុ២០ឆ្នាំ មុខរបរជា សិស្ស ទី៤ឈ្មោះសុខ ដា អាយុ៣១ឆ្នាំ មុខ របរមិនពិតប្រាកដ ទី៥ឈ្មោះជា ទិត្យ អាយុ ២២ឆ្នាំ មុខរបរម្ចាស់ហាងអ៊ិនធើណិត ទី៦ ឈ្មោះងួន សេងហួរ អាយុ១៧ឆ្នាំ មុខរបរ មិនពិតប្រាកដ និងទី៧ សេង ស៊ុន អាយុ១៦ ឆ្នាំ មុខរបរជាសិស្ស ដែលពួកគេទាំងនេះ រស់នៅកន្លែងកើតហេតុ ដែលត្រូវសមត្ថកិច្ច ចាប់ខ្លួន ។

ស្នងការរងខេត្ដកោះកុង លោកយឹម ផេង បានបញ្ជាក់ថា ក្រោយពីទទួលបានព័ត៌មាន ស្ដីពីសកម្មភាព ចែកចាយនិងប្រើប្រាស់គ្រឿង ញៀនខាងលើនេះ កម្លាំងនគរបាលរបស់ លោក បានប្រើប្រាស់ វិធានការជំនាញរបស់ ខ្លួន រហូតក្ដាប់បានមុខសញ្ញា ហើយបើក ប្រតិបត្ដិការចុះបង្ក្រាបជាក់ស្ដែងតែម្ដង រហូត ឃាត់ខ្លួនជនសង្ស័យទាំងនេះ ។

បច្ចុប្បន្នពួកគេទាំង៨នាក់ ត្រូវបានឃុំខ្លួន នៅការិយាល័យប្រឆាំងគ្រឿងញៀននៃស្នង ការដ្ឋាន នគរបាល ខេត្ដកោះកុង ដើម្បីកសាង សំណុំរឿងបញ្ជូនទៅកាន់តុលាការចាត់ការ បន្ដ តាមនីតិវិធី៕

Page 5 of 233