តាកែវ៖ កាលពីថ្ងៃទី១៨ ខែឧសភា ឆ្នាំ ២០១៣ សិស្សានុសិស្សថ្នាក់ទី១ ចំនួន ១២៣នាក់នៅ សាលបឋមសិក្សា ព្រៃសណ្តែក ខេត្តតាកែវ បានទទួលអំណោយ មួកសុវត្ថិភាពបន្ថែម ដែលនឹងប្រែក្លាយសិស្ស ឲ្យមានទម្លាប់ពាក់មួកសុវត្ថិភាព ដូចជា ឯកសណ្ឋានសាលា ហើយសកម្មភាពនេះ ជាផ្នែកមួយនៃ កម្មវិធីមួកសុវត្ថិភាព សម្រាប់កុមារ របស់អង្គការ មូលនិធិបង្ការរបួស អាស៊ី ដោយបានគាំទ្រដោ យក្លឹបអ្នកជិះទោចក្រយានយន្ត ធុនធំនៅកម្ពុជា (Cambodia Biker Club-CBC)។
សម្រាប់ឆ្នាំទី២នេះ ក្លឹបអ្នកជិះទោចក្រយានយន្ត ធុនធំនៅកម្ពុជា (CBC) បានរៀបចំការជិះទោចក្រយានយន្តដើម្បីសកម្មភាពមនុស្សធម៌ ក្នុងគោលបំណងរៃ អង្គាសថវិកាក្នុងចំណោម បណ្តាអាជីវកម្មធំៗ ក្នុងប្រទេស និងក្រៅប្រទេស រួមមានពីធនាគារ ម៉េបេង (May Bank) មើសឡាញ (Maersk Line) ដាមកូ (Damco) អឹមស៊ីស៊ី ត្រេនស្ប៉ត (MCC Transport) ក្រុមហ៊ុនប្រេងម៉ាស៊ីនថបវ័ន (Top1 Oil) ហាង Sawasdee Massage និងហាងម៉ៃប៊ឺហ្គឺហៅស៍ ដើម្បីផ្តល់អំណោយ មួកសុវត្ថិភាព ដល់សិស្សានុសិស្សនៅ សាលាបឋមសិក្សា ព្រៃសណ្តែក។ មានអ្នកជិះទោចក្រយានយន្ត ចំនួន ៥០នាក់ បានជិះទោចក្រយានយន្ត ពីមជ្ឈមណ្ឌលកោះពេជ្រ ទៅសណ្ឋាគារសាន់វ៉េក្នុង រាជធានីភ្នំពេញកាលពីថ្ងៃទី៣១ ខែមីនា ឆ្នាំ២០១៣ បង្ហាញពីការគាំទ្រដល់ ការជិះទោចក្រយានយន្ត ធុនធំដើម្បីសកម្មភាព មនុស្សធម៌ដែលសកម្មភាព ធ្វើឡើងស្របពេល នៃការប្រារព្ធសប្តាហ៍ ទោចក្រយានយន្តនៅ រាជធានីភ្នំពេញលើកទីពីរ ក្រោមប្រធានបទ “ជិះទោចក្រយានយន្ត ដើម្បីបុព្វហេតុមនុស្សធម៌”។
លោក Tommy Christensen តំណាងក្លឹបអ្នកជិះទោចក្រ យានយន្តធុនធំនៅកម្ពុជា (CBC) និងជានាយក គ្រប់គ្រងក្រុមហ៊ុន Go4 Intelligent Bunkering Solutions បានមានប្រសាសន៍ថា៖ “ការ ផ្តល់អំណោយមួកសុវត្ថិភាព កាលពីឆ្នាំមុនបានផ្តល់លទ្ធផល ហួសពីការរំពឹងទុក របស់យើង និងបានជម្រុញលើកទឹកចិត្ត ដល់យើងខ្ញុំឲ្យ ខិតខំបន្ថែមទៀត”។
លោកបន្ថែមទៀតថា៖ “អត្រាពាក់មួកសុវត្ថិភាព បានកើនឡើងជា មធ្យមពីសូន្យ រហូតដល់៩៤ភាគរយ។ ជាមួយនឹងលទ្ធផល ដ៏គួរឲ្យភ្ញាក់ផ្អើលនេះ យើងពិតជាសប្បាយរីករាយណាស់ ក្នុងការបន្តការជិះ ទោចក្រយានយន្ត របស់យើងដើម្បីរៃអង្គាស ថវិកាសម្រាប់គាំទ្រដល់ ការលើកម្ពស់សុវត្ថិភាពចរាចរណ៍ នៅលើដងផ្លូវរបស់ កុមារទាំងនេះ។”
លោកឧត្តមសេនីយ៍ទោ គីម យីដេត អគ្គលេខាធិការរងគណៈកម្មាធិការ ជាតិសុវត្ថិភាពចរាចរណ៍ផ្លូវគោក និងជាអនុប្រធាននាយកដ្ឋាន កណ្តាលសណ្តាប់ធ្នាប់ សាធារណបាន មានប្រសាសន៍ថា៖ “សាលាបឋមសិក្សាព្រៃសណ្តែក ជាសាលាមួយដែលស្ថិត នៅតាមបណ្តោ យផ្លូវជាតិលេខ២ ប្រកបដោយចរាចរណ៍ យ៉ាងមមាញឹក និងតភ្ជាប់ពីរាជធានីភ្នំពេញ មកកាន់ព្រំប្រទល់ ប្រទេសវៀតណាម។”
លោកបានបន្ថែមទៀតថា៖ “ដោយសារភាព មមាញឹកនៃចរាចរណ៍ បែបនេះនេះ និងហេដ្ឋារចនាសម្ព័ន្ធ នៅមានកម្រិតបាននាំឲ្យ បរិស្ថាននៅជុំវិញសាលារៀន ពោរពេញដោយគ្រោះថ្នាក់ ចរាចរណ៍សម្រាប់ សិស្សានុសិស្ស” ។
លោកគឹម បញ្ញា នាយកអង្គការមូលនិធិបង្ការរបួស អាស៊ីប្រចាំប្រទេសកម្ពុជា បានបញ្ជាក់ថា៖ “ការគាំទ្រពីក្លឹបអ្នកជិះ ទោចក្រយានយន្ត ធុនធំនៅកម្ពុជា (CBC) មិនត្រឹមតែផ្តល់ជាអំណោយ មួកសុវត្ថិភាពក្នុងការ ការពារកុមារពីការ រងរបួសក្យាលធ្ងន់ធ្ងរ ដែលអាចឈានដល់ ការស្លាប់ប៉ុណ្ណោះទេ ប៉ុន្តែថែមទាំងអាចផ្តល់ លទ្ធភាពឲ្យយើងអាច បណ្តុះបណ្តាលលោកគ្រូ អ្នកគ្រូ រៀបចំជាសកម្មភាពអប់រំក្រៅថ្នាក់ និងការទំនាក់ទំនងជាមួយមាតា-បិតាសិស្ស សំដៅពង្រឹងការយល់ដឹងរបស់ពួកគាត់អំពីការពាក់មួកសុវត្ថិភាព និងជំរុញឲ្យពួកគាត់ពាក់មួកសុវត្ថិភាព ឲ្យកូនៗពួកគាត់ទៀតផង។”
លោកបានបន្ថែមថា៖ “យើងជឿជាក់ថា ការវិនិយោគដ៏មានប្រសិទ្ធភាព នឹងបន្តរក្សាអាត្រានៃ ការពាក់មួកសុវត្ថិភាព ឲ្យនៅកម្រិតខ្ពស់ទោះបី ជាគម្រាងបានបញ្ចប់ ហើយក៏ដោយ” ។
លោក Benjamin Paul Wilson អ្នកចាត់ការទូទៅ ប្រចាំកម្ពុជានៃក្រុមហ៊ុន Maersk (Cambodia) Co., Ltd. បានមានប្រសាសន៍ថា៖ “សកម្មភាពដែលជម្រុញ ការចូលរួមពីមាតាបិតា និងសហគមន៍ បានដើរតួនា ទីយ៉ាងសំខាន់ក្នុងការធ្វើ ឲ្យគម្រោងសកម្មភាពកាលពី ឆ្នាំទី១ទទួលបានជោគជ័យ។” លោកបន្ថែមទៀតថា៖ “ក្នុងនាមជាលោកគ្រូ អ្នកគ្រូ មាតាបិតា ក្រុមអ្នកជិះទោចក្រយានយន្ត និងថ្នាក់ដឹកនាំអាជីវកម្ម យើងត្រូវធ្វើជាគំរូដ៏ល្អ សម្រាប់សិស្សានុសិស្ស និងកូនៗរបស់យើង។ សូមចូលរួមបំពេញតួនាទី របស់អ្នកដោយ ពាក់មួកសុវត្ថិភាព គ្រប់វេលាធ្វើដំណើរ ហើយត្រូវធានាថាកូនៗ របស់អ្នកទាំងអស់ក៏ បានពាក់មួកសុវត្ថិភាព ដូចអ្នកដែរ”។
លោក Lee Tien Poh ប្រធាននាយក ប្រតិបត្តិនៃធនាគារ Maybank បានមានប្រសាសន៍ថា៖ “ធនាគារ Maybank តែងតែជឿជាក់ថា ការពួតដៃគា្នជួយ និងធ្វើឲ្យសហគមន៍ដែល យើងកំពុងដំណើរការ អាជីវកម្មឲ្យមានភាពកាន់ តែប្រសើរឡើង គឺជាកិច្ចការដ៏មាន សារសំខាន់បំផុតនៃ ការងារជំនួញ និងជាគុណតម្លៃមួយ ដែលបង្ហាញឲ្យឃើញថា យើងគឺជានរណានា ពេលបច្ចុប្បន្ននេះ”។
លោកក៏បានបន្ថែមថា៖ “ការសហការជាមួយ អង្គការមូលនិធិ បង្ការរបួស អាស៊ីនាពេលនេះក្នុង ការផ្តល់ការអប់រំអំពី សុវត្ថិភាពចរាចរណ៍ និងអំពីការពាក់ មួកសុវត្ថិភាព គឺមានសារៈសំខាន់ សម្រាប់ធានាថា អាកប្បកិរិយាអំពី សុវត្ថិភាពចរាចរណ៍ មានតាំងវ័យក្មេងនៅ តែមានជានិច្ច”៕
