aaa

Thursday, Feb 11th

| English Version | dapnews: 012 722 337, 097 9999 883, email: soyvicheth@gmail.com

លោក ស៊ាន បូរ៉ាត សំណេះសំណាល ជាមួយអត្តពលិក ជនពិការកម្ពុជា នៅសិង្ហបុរី

E-mail Print PDF

សិង្ហបុរី៖ នាថ្ងៃទី៨ ខែធ្នូ ឆ្នាំ២០១៥ លោក ស៊ាន បូរ៉ាត រដ្ឋលេខាធិការ ក្រសួអប់រំយុវជន និងកីឡា តំណាងដ៏ ខ្ពង់ខ្ពស់ របស់ លោកបណ្ឌិត ហង់ ជួន ណារ៉ុន រដ្ឋមន្ត្រីក្រសួងអប់រំយុវជន និងកីឡា ចូលជួបសួរសុខទុក្ខ និង សំណេះសំណាល ជាមួយក្រុមកីឡាករ-កីឡាការិនីជនពិការ កម្ពុជាដែលបានចូល រួមប្រកួត កីឡាជនពិការ អាស៊ានហ្គេម លើកទី៨ នៅសិង្ហបុរី។

ក្នុងនោះលោក យី វាសនា អគ្គលេខាធិការគណៈកម្មាធិការជាតិ ប៉ារ៉ាឡាំពិកកម្ពុជា បានរាយការណ៍ថា ក្រុម កីឡាករ-កីឡាការិនី ជនពិការកម្ពុជា បានចាប់ផ្តើមការប្រកួត ចាប់តាំងពីថ្ងៃទី៤ រហូតដល់ថ្ងៃទី៨ ឆ្នាំ២០១៥នេះ ទទួលបានមេដាយមាស ១ គ្រឿង ប្រាក់ ២ គ្រឿង និងសំរិទ្ធ ៥ គ្រឿង សរុបចំនួន ៨ គ្រឿង។

លោក ស៊ាន បូរ៉ាត រដ្ឋលេខាធិការក្រសួអប់រំយុវជន និងកីឡា តំណាងដ៏ខ្ពង់ខ្ពស់ របស់លោកបណ្ឌិត ហង់ ជួន ណារ៉ុន រដ្ឋមន្ត្រី បានថ្លែងអំណរគុណដ៏ការខិតខំប្រឹងប្រែង របស់ក្រុមកីឡាករ-កីឡាការិនី ជនពិការ ដែលបានទទួល ជ័យលាភីជូនជាតិ និងលើកកម្ពស់កិត្យានុភាពជាតិ លើឆាកអន្តរជាតិដែលមានការជួយ ឧបត្ថម្ភថវិការបស់សម្តេច អគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត៕

ASEAN Para Games ៖ អត្ពពលិក ជនពិការកម្ពុជា ដណ្ដើមបាន មេដាយប្រាក់ ១គ្រឿងទៀត

E-mail Print PDF

ភ្នំពេញ ៖ កីឡាករ ឈុន ពន់ ដណ្ដើម បានមេដាយប្រាក់ ១គ្រឿង ជូនប្រទេសកម្ពុជា ទៀតហើយ នៅក្នុងការប្រកួតកីឡា ASEA Games Para Games លើកទី៨ នៅសិង្ហបុរី កាលពីល្ងាចថ្ងៃទី០៨ ខែធ្នូ ឆ្នាំ២០១៥ម្សិលមិញ លើវិញ្ញាសារត់ចម្ងាយ ២០០ម៉ែត្រ ប្រភេទ T-44(ពិការជើងម្ខាង) ។

នេះគឺជាមេដាយប្រាក់ទី២ ដែលអត្តពលិកជនពិការ ជម្រើសជាតិកម្ពុជា ដណ្ដើមបានក្នុងព្រឹត្តិការណ៍កីឡាជនពិការប្រចាំតំបន់អាស៊ីអាគ្នេយ៍ខាងលើ ខណៈចំណាត់ថ្នាក់ ក្នុងតារាងមេដាយសរុប កម្ពុជា រក្សានៅចំណាត់ថ្នាក់លេខ៩ ដដែល បន្ទាប់ពីដណ្ដើម បានមេដាយសរុប ៨គ្រឿង ក្នុងនោះមាន មេដាយមាស១, ប្រាក់២ និងមេដាយសំរឹទ្ធ៥ ។

ស្របពេលកីឡាករ ឈុន ពន់ បន្ថែមមេដាយប្រាក់ ១គ្រឿនជូនប្រទេសជាតិខ្លួននោះដែរ លោក ស៊ាន បូរ៉ាត់ រដ្ឋលេខាធិការក្រសួងអប់រំ យុវជន និងកីឡា ក៏បានចុះទៅសំណេះសំណាល ជាមួយក្រុម កីឡាករជនពិការកម្ពុជា បន្ទាប់ពីធ្វើការប្រកួតរយៈពេល  ៥ថ្ងៃមកហើយផងដែរ ដើម្បីផ្ដល់កម្លាំងចិត្ត និងលើកទឹកចិត្តឲ្យបន្ដការខិតខំ ដើម្បីស្វែងរកមេដាយជូនជាតិបន្ថែមទៀត ។

ជាមួយគ្នានោះលោកបានមានប្រសាសន៍ថា ការទទួលបានមេដាយមាស ប្រាក់ និងសំរិទ្ធ នាពេលនេះ គឺមានន័យថា យើងបានជួយលើកកម្ពស់កិត្យានុភាពរបស់កម្ពុជាយើងលើឆាកអន្តរជាតិ និងក៏ផ្សព្វ ផ្សាយពីភាពរីកចម្រើននៃវិស័យកីឡាកម្ពុជាផងដែរ ។ ជាងនេះទៅទៀត ទោះបីកម្ពុជាស្ថិត ក្នុងភាព ក្រីក្រក៏ដោយ ក៏រាជរដ្ឋាភិបាល នៅតែយកចិត្តទុកដាក់ខ្ពស់លើជនពិការ ដោយជ្រោមជ្រែងពួក គាត់ចូលរួមប្រឡូកទាំងឆាកជាតិ និងអន្តរជាតិ ដូចជាព្រឹត្តការណ៍ ASEAN Para Games នេះជាដើម ។

គួរបញ្ជាក់ថា សម្រាប់វិញ្ញាសាប្រកួតរបស់ក្រុមអត្តពលិកជនពិការកម្ពុជា គឺនៅសល់តែ ៣ប្រកួតទៀត ប៉ុណ្ណោះ រួមមានវិញ្ញាសារត់បណ្តាក់ ១០០ម៉ែត្រ ៤នាក់ គឺមានកីឡាករ ប៊ុង ហុង, សាន ម៉ៅ, អ៊ុក សម្ភស្ស និងកីឡាករជឹម ផាន ។ វិញ្ញាសាប្រណាំងរទេះ ៤០០ម៉ែត្រ ធ្វើដោយកីឡាករ ឈុន ពន់ និងកីឡាករ ឯក ញាណសាមុត  រីឯវិញ្ញាសាប្រណាំងរទេះចម្ងាយ ២០០ម៉ែត្រ  គឺចូលរួម ប្រកួតដោយកីឡាករ ហេង សាវឿន និងកីឡាករ ហ៊ុន សឺន នៅថ្ងៃទី០៩ ខែធ្នូនេះ ៕

មន្រ្តីសាខា កាំកុងត្រូល ព្រមាន ដល់អាជីវករណា ដាក់លក់ទំនិញ ខូចគុណភាព និងហួសកាល បរិច្ឆេទប្រើប្រាស់

E-mail Print PDF

ភ្នំពេញ ៖ មន្រ្ដីកាំកុងត្រូល សាខាកាំកុងត្រូល កំពង់ផែអន្តរជាតិភ្នំពេញ បានព្រមានចាត់វិធានការ តាមផ្លូវច្បាប់ ឬរឹបអូសយកផលិតផល ទំនិញខូច គុណភាព និងហួសសុពលភាព ប្រើប្រាស់ចំពោះអាជីវករ ឬអ្នកលក់ដូរណា ដែលនៅតែបន្ដដាក់លក់នៅ លើទីផ្សារ តាមផ្ទះ សាលារៀននិងការដាក់លក់នៅតាមម៉ាត ដើម្បីចូលរួមការពារ សុខភាព សុវត្ថិភាពអ្នក ប្រើប្រាស់។

ថ្លែងក្នុងពិធីចុះត្រួតពិនិត្យផលិតផល ទំនិញ និងលក់នំចំណី នៅព្រឹកថ្ងៃទី៨ ខែធ្នូ ឆ្នាំ២០១៥ នៅសាលាបឋមសិក្សាច្បារអំពៅ លោក ប៊ុន សុខូម៉ា អនុប្រធានសាខាកាំកុងត្រូលកំពង់ផែនអន្ដរជាតិ ភ្នំពេញ បានបញ្ជាក់ថា ការចុះអង្កេតនេះ បានផ្ដោតសំខាន់ទៅលើផលិតផលទំនិញជាគ្រឿងឧបភោគ បរិភោគ និងនំចំណី ក្នុងគោលដៅណែនាំអប់រំ និងទប់ស្កាត់ការចរាចរនូវទំនិញ ម្ហូបអាហារមិនប្រក្រតី ដូចជាទំនិញ ខូចគុណភាព និងផុតកំណត់រយៈពេលប្រើប្រាស់ ដើម្បីធានានូវសុវត្ថិភាព និងសុខមាល ភាពជូនដល់អ្នក ប្រើប្រាស់។

លោកបានអះអាងថា ប្រសិនបើការចុះត្រួតពិនិត្យលើកក្រោយអាជីវករ ឬអ្នកលក់ដូរ នៅតែបន្ដ ដាក់លក់ផលិតផល ម្ហូបអាហារ និងទំនិញដែលផុតសុពលភាពប្រើប្រាស់ ឬខូចគុណភាពនោះ មន្រ្ដី កាំកុងត្រូលនឹងធ្វើការដកហូត និងឈានទៅចាត់វិធានការតាមផ្លូវច្បាប់ថែមទៀត។           

លោកអនុប្រធានសាខាបានបន្ដថា មន្រ្ដីកាំកុង បានចុះអនុវត្ដន៍ការងារត្រួតពិនិត្យលើមុខទំនិញ ជាប់ជាប្រចាំ ក្នុងការស្វែងរកមើលលើបញ្ហាអនាម័យ ការដាក់តាំងលក់ទំនិញ ម្ហូបអាហារ និងនំចំណី ដែលមិនមានការដាក់កាលបរិច្ឆេទ និងអនាម័យបានត្រឹមត្រូវ។ ប៉ុន្ដែតាមការពិនិត្យមើលជាក់ស្ដែង ការ រៀបចំដាក់លក់ផលិតផល ម្ហូបអាហារ នំចំណី និងទំនិញភាគច្រើនអាជីវករមានការយល់ដឹង និងដាក់ លក់បានត្រឹមត្រូវតាមលក្ខណៈបច្ចេកទេស ដែលមន្រ្ដីកាំកុងត្រូលបានធ្វើការណែនាំកន្លងមក។

អ្នកស្រី ជុំ ផល្លា ជាអាជីវករលក់ដូរ នៅសាលាបឋមសិក្សាច្បារអំពៅ បានឱ្យដឹងថា  ក្រោយពីការ ណែនាំរបស់មន្រ្ដីកាំកុងត្រូល ដែលបានចុះមកអប់រំនៅក្នុងសាលារៀនរួចមក ឥឡូវនេះ ការដាក់លក់ ផលិតផល ទំនិញ និងនំចំណី ហាក់ដូចជាមានការយល់ដឹងច្រើន មុននឹងទិញរបស់របរយកមកលក់ គឺបានពិនិត្យមើលទៅលើកាលបរិច្ឆេទ ហើយបានគិតគូរអំពីអនាម័យ និងសុខភាព សុវត្ថិភាព។

អ្នកស្រីបានលើកឡើងថា ចាប់ពីពេលនេះតទៅ អ្នកលក់ដូរក្នុងសាលាបឋមសិក្សាច្បារអំពៅ ទាំងអស់ បានឯកភាពគ្នាថា ត្រូវទិញទំនិញណាដែលមានដាក់កាលបរិច្ឆេទត្រឹមត្រូវ និងមានគុណភាព សម្រាប់ការពារសុវត្ថិភាពទាំងអស់គ្នា ពិសេសសិស្សានុសិស្ស និងកុមារនៅក្នុងសាលារៀន។

សូមបញ្ជាក់ថា ការដាក់វិធានការទប់ស្កាត់របស់មន្រ្ដីកាំកុងត្រូលខាងលើនេះ បានធ្វើឡើងបន្ទាប់ពី បានរកឃើញថា អាជីវករ ឬអ្នកលក់ ដូរមួយចំនួន នៅតែបន្ដធ្វើការដាក់លក់ម្ហូបអាហារ និងទំនិញ ដែល ហួសសុពលភាពប្រើប្រាស់ គ្មានការដាក់កាលបរិច្ឆេទត្រឹមត្រូវ និងខូចគុណភាព បណ្ដាលឱ្យប៉ះពាល់ ដល់សុខភាព និងសុវត្ថិភាពប្រជាពលរដ្ឋអ្នកប្រើប្រាស់៕

សម្តេច ហេង សំរិន អនុញ្ញាតឲ្យ គណៈប្រតិភូAPA ជួបមុនបើកកិច្ចប្រជុំ

E-mail Print PDF

ភ្នំពេញ៖ សម្តេចអគ្គមហាពញាចក្រី ហេង សំរិន ប្រធានរដ្ឋសភា នៃព្រះរាជាណាចក្រកម្ពុជា នៅព្រឹកថ្ងៃ ពុធ ទី ៩ ខែធ្នូ ឆ្នាំ២០១៥ បានអនុញ្ញាតឲ្យគណៈប្រតិភូ នៃសន្និសីទសភាតំបន់អាស៊ី (APA) លើកទី៨ ចូលជួបសម្តែងការគួរសម មុនពេលចាប់ផ្តើមកិច្ចប្រជុំ។

AIP ផ្តើមយុទ្ធនាការ គំាទ្រការអនុវត្ត ច្បាប់ការពារ ពាក់មួកសុវត្ថិភាព

E-mail Print PDF

ភ្នំពេញ៖ អង្គការមូលនិធិបង្ការរបួសអាស៊ី AIP ជារួមនឹងអង្គការ ស្ថាប័នពាក់ព័ន្ធមួយចំនួន នៅព្រឹកថ្ងៃទី៩ ខែធ្នូ ឆ្នាំ២០១៥នេះ បានបើកវេទិការមួយ នៅសាលាបឋមសិក្សា ព្រែកឯង ដើម្បីប្រកាសផ្តើមយុទ្ធនាការគំាទ្រ ការអនុវត្តច្បាប់ការពាក់មួកសុវត្ថិភាពសម្រាប់អ្នករួមដំណើរតាមម៉ូតូ ព្រមទំាងកុមារ៕

ជិះម៉ូតូបុកគ្នា រងរបួសធ្ងន់ ទាំងសងខាង

E-mail Print PDF

ខេត្តកណ្តាល៖ យុវជន ពីរនាក់ រងធ្ងន់ដូចគ្នាដោយសារ ជិះម៉ូតូខ្វះការប្រុងប្រយ័ត្ន បានជ្រុលទៅបុកគ្នាកាលពីម៉ោង ២០៖០០នាទី ថ្ងៃទី៨ ខែធ្នូ ឆ្នាំ២០១៥ នៅតាមបណ្តោយ ផ្លូវជាតិលេខ២១ ចំណុចបង្គោលភ្លើង NR 36 ក្នុងភូមិព្រែក ស៊ឹង.ឃុំសំពៅពូន.ស្រុកកោះធំ ខេត្តកណ្តាល។

នគរបាលចរាចរស្រុកកោះធំបានឲ្យដឹងថា ជនរងគ្រោះទី១.ឈ្មោះ ផល. ភា រ៉ាក់ ភេទប្រុស អាយុ ២០ឆ្នាំ មុខរបរ កសិករ រស់នៅភូមិកោះទៀវខ ឃុំសំពៅពូន ស្រុកកោះធំ បើកបរម៉ូតូម៉ាកហុងដាសេ១២៥ សេរី ២០១១ ពណ៌ខ្មៅ ពាក់ស្លាកលេខ កណ្ដាល 1N -2145 ក្នុងទិសដៅពីជើង ទៅត្បូងរងរបួសធ្ងន់ និងភាគីម្ខាងទៀតឈ្មោះ អឿន.ទូច ភេទប្រុស អាយុ ២៤ឆ្នាំ មុខរបរ លក់ដូរ រស់នៅភូមិព្រែកគង់ ឃុំសំពៅពូន ស្រុកកោះធំ បើកបរម៉ូតូម៉ាក ហុងដា សេ១២៥ សេរី២០០៩ ពណ៌ ខ្មៅ ពាក់ស្លាក លេខ កណ្ដាល 1J-1283 បើកបរបញ្រ្ចាសទិសគ្នាអ្នកទាំងពិរ រងរបួសធ្ងន់ដូចគ្នាត្រូវបញ្ជូនទៅព្យាបាលនៅប្រទេស វៀតណាមទាំងពីរ។

នគរបាលបានបន្តថា មុនពេលកើតហេតុគេឃើញ អ្នកទាំងពីរ ជិះម៉ូតូ ១គ្រឿង ម្នាក់បើកបរក្នុងល្បឿនលឿន ច្រាសទិសគ្នា លុះមកដល់ចំណុចកើតហេតុ បានជ្រុលទៅ បុកគ្នាចំពីមុច យ៉ាងពេលទំហឹងបណ្តាលឲ្យ ភាគីទាំងពីររងរបួសធ្ងន់ដូចគ្នា ក្រោយកើតហេតុកំលាំងជំនាញ បានចុះទៅដល់បានធ្វើការវាស់វែង យកវត្ថុតាងទៅរក្សាទុកដើម្បីរង់ចាំដោះស្រាយគ្នាជាក្រោយ ចំណែកជនរងគ្រោះទាំងពីរត្រូវបានក្រុមគ្រួសារហៅរថយន្តសង្គ្រោះដឹកទៅ ប្រទេសវៀតណាមដើម្បីសង្គ្រោះអាយុជីវិត៕

នគរបាលស្រុកស្អាង ឃាត់ខ្លួន អ្នកចែកចាយ គ្រឿងញៀន ពីរនាក់

E-mail Print PDF

កណ្តាល៖ គ្រឿងញៀនចំនួន ៧កញ្ចប់ ត្រូវបាននគរបាលស្រុកស្អាង រឹបអូសពីជនសង្ស័យជាមុខសញ្ញា ចែកចាយ គ្រឿងញៀន ពីរនាក់ នៅម៉ោង ២៣៖៣៨នាទី ថ្ងៃ ទី៨ ខែធ្នូ ឆ្នាំ២០១៥ នៅចំណុចភូមិលេខ៣ ឃុំស្វាយរលំ ស្រុកស្អាង ខេត្តកណ្តាល។

នគរបាលបានឲ្យដឹងថា ជនសង្ស័យទី១.ឈ្មោះ ម៉ាក រ៉ាស៊ី ភេទប្រុស អាយុ ២១ឆ្នាំ ជនជាតិខ្មែរ មុខរបរកសិករ មានទីលំនៅ ភូមិព្រែកធុន ឃុំព្រែកថី ស្រុកកោះធំ ខេត្តកណ្តាល, ទី២.ឈ្មោះ ពេជ្រ គុយនី ភេទស្រី អាយុ ១៨ឆ្នាំ ជនជាតិខ្មែរ មុខរបរកម្មកររោងចក្រ មានទីលំនៅ ភូមិក្បាលដីរីក្រោម ឃុំកោះធំ “ក” ស្រុកកោះធំ បច្ចុប្បន្នស្នាក់នៅ ភូមិព្រែកត្រែង ឃុំសិត្បូ ស្រុកស្អាង ខេត្តកណ្តាល។ ក្នុងប្រតិបត្តិការ សមត្ថកិច្ច ធ្វើការដកហូតបាន ម្សៅក្រាមពណ៌ស សង្ស័យជាគ្រឿងញៀន (ម៉ាទឹកកក) ចំនួន ៧ កញ្ចប់តូច និង ម៉ូតូ ១គ្រឿង ម៉ាកនិច ពណ៌ស ពាក់ស្លាកលេខ 1FK.0933 និងសំភារៈសំរាប់វិចខ្ចប់មួយចំនួនទៀត។

នគរបាលបានបន្តទៀតថា មុនពេលឈានទៅឃាត់ខ្លួន ជនសង្ស័យទាំងពីរនាក់ កម្លាំងនគរបាលស្រុកបាន ដើរល្បាតចំណុចផ្លូវជាតិលេខ២១អា ក៏ប្រទះឃើញ ជនសង្ស័យ ជិះម៉ូតូមានគ្នា ពីរនាក់ នៅចំណុចកើតហេតុខាងលើ ពេលនោះក៏បានឃាត់ធ្វើការត្រួតពិនិត្យ អ្នកទាំងពីរ រួចបានរកឃើញថ្នាំញៀន ប្រភេទម៉ាទឹកកកចំនួន ៧ កញ្ចប់នៅនឹងឈ្មោះ ម៉ាក រ៉ាស៊ី ហើយក៏បានឃាត់ខ្លួនជនសង្ស័យទាំង ពីរនាក់ រួមទាំងវត្ថុតាង បញ្ជូនមកអធិការដ្ឋាននគរបាលស្រុកដើម្បីធ្វើការសាកសួរកសាងសំណុំរឿងតាមនីតិវិធីច្បាប់៕

ក្រសួងដែនដី ប្រាប់មកមន្ទីរ ខេត្តព្រះសីហនុឲ្យ ទប់ស្កាត់ការសាងសង់ និងពន្យាពេល ចេញប័ណ្ណ ជាបណ្តោះអាសន្ន

E-mail Print PDF

ព្រះសីហនុ៖ បឹងព្រែកទប់គឺជាបឹងធម្មជាតិ ស្តុកទឹកស្អាតសំរាប់ប្រជាពលរដ្ឋរស់នៅ ក្នុងក្រុងព្រះសីហនុយកទៅ ប្រើប្រាស់ចិញ្ចឹមជីវិត ជាយូរឆ្នាំមកហើយ  គឺមានទីតាំង ជាប់ឆ្នេរ៧ជាន់ស្ថិតនៅក្នុងភូមិ១ សង្កាត់លេខ៣ ក្រុងព្រះសីហនុ ខេត្តព្រះសីហនុ ។ បច្ចុប្បន្នបឹងធម្មជាតិដ៏មានប្រយោជន៍មួយនេះ កំពុងប្រឈមការរំលោភយក ពីឈ្មួញ មានទ្រព្យធន និងមន្រ្តីមាន អំណាច ស្ទើររលាយអស់ទៅហើយ ។

ប្រជាពលរដ្ឋនៅក្រុងព្រះសីហនុ បានប្រាប់ឲ្យដឹងថា កាលដើមឡើយពេល មិនទាន់មានការរំលោភយក បឹងព្រែកទប់នេះមានផ្ទៃដីទាំងមូល ចំនួន ២៧០ហិកតា (ផ្ទៃបឹង រួមទាំងដីផ្ទៃរងទឹកភ្លៀង ក្រវាត់ការពារជុំវិញបឹង) ក្រោយមកក៏មានការទន្ទ្រាន យកដីផ្ទៃរងទឹកភ្លៀងកាន់កាប់ដោយគ្មានច្បាប់ ក៏នៅសល់តែ៩២ ហិកតាប៉ុណ្ណោះ (ជំនាន់លោក សាយ ហាក់) ។ ទីតាំងនេះមានប្រជាពលរដ្ឋ រស់នៅពិតប្រាកដចំនួនតែ៥១គ្រួសារទេ ប៉ុន្តែនៅជំនាន់លោក ស្បោង សារ៉ាត គ្រប់គ្រងខេត្តព្រះសីហនុ ដីផ្ទៃរងទឹកភ្លៀងដែលនៅសល់ចំនួន ៩២ហិកតា បានសំរេចការពារតែផ្ទៃបឹងព្រែកទប់ ចំនួនតែ ១៤ហិកតាប៉ុណ្ណោះ ក្រៅពីនោះបានឃុបឃិតគ្នាពុះជ្រៀក រំលោភយក អស់គ្មានសល់ ដោយបំប៉ោងតួរលេខឡើងដល់ ២៣០គ្រួសារ ដោយក្នុងនោះក៏មានដី មួយប្លង់ធំរបស់លោក ស្បោង សារ៉ាត និងដី១ប្លង់ធំរបស់អតីតឧត្តមសេនីយ៍ តាក វណ្ណថា ស្នងការនគរបាលខេត្តព្រះសីហនុ។ ហើយបច្ចុប្បន្ននេះកំពុងសាងសង់ សំណង់វីឡាដ៏ធំស្កឹមស្កៃធំជាង វត្តលោកជិតរួចរាល់ផងដែរ ។

ដោយ មើលឃើញពីការខ្វះខាតទឹកប្រើប្រាស់ នាពេលអនាគតរាជរដ្ឋាភិបាលតាមរយៈលិខិតលេខ៤៩៨សជណ ឧស ចុះថ្ងៃទី១១ ខែឧសភា ឆ្នាំ២០១២ ចុះហត្ថលេខា ដោយលោក ទេព នន្នរី រដ្ឋលេខាធិការទីស្តីការគណៈរដ្ឋមន្រ្តី ដែលមាន៦ចំណុចអោយការពារតំបន់នេះ ប៉ុន្តែមិនត្រូវបានរដ្ឋបាលខេត្តគោរពតាមឡើយ ដោយលោក ស្បោង សារ៉ាត បានធ្វើការដកដំណែងលោក សូ សុខ ប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តព្រះសីហនុ យ៉ាងតក់ក្រហល់ជាទីបំផុត ដោយលើកលោក ហ៊ុន ភី ជាប្រធានថ្មីជំនួសដើម្បីចុះហត្ថលេខាលើប្លង់ដីដែលបាន ឃុបឃិតពុះជ្រៀកចែកគ្នាមុនពេលរូបលោកចូលនិវត្តន៍ ។

គ្រាន់តែបានឡើងធ្វើជាប្រធានមន្ទីរ រៀបចំដែនដីថ្មីភ្លាមគេឃើញលោក ហ៊ុន ភី ប្រញាប់ប្រញាល់ចុះហត្ថលេខាលើប្លង់ដី ប្រមាណជាង ៣០ប្លង់ទាំងបំពានតែម្តង ។ ដោយមើលឃើញភាពគគ្លើនគ្មាន ខ្លាចច្បាប់ មន្ទីរឧស្សាហកម្ម និងសិប្បកម្ម ដែលគ្រប់គ្រង់អង្គភាពរដ្ឋករទឹកផងនោះបានធ្វើលិខិតទៅរដ្ឋមន្រ្តីរបស់ខ្លួន ដើម្បីសុំកិច្ច អន្តរាគមន៍មកក្រសួងរៀបចំដែនដី នគរូបនីយកម្មនិងសំណង់ អោយមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តព្រះសីហនុ ចាត់វិធានការទប់ស្កាត់ ការសាងសង់សំណង់ផ្សេងៗ និងពន្យាពេលផ្តល់ប័ណ្ណ កម្មសិទ្ធិជូនប្រជាពលរដ្ឋជាបណ្តោះអាសន្នដោយរង់ចាំការពិនិត្យដោះស្រាយ ដើម្បីអនុវត្តអោយពេញលេញ តាម គោលការណ៍របស់រាជរដ្ឋាភិបាលដែលបានកំណត់ ។

រហូតដល់ថ្ងៃទី១១ ខែវិច្ឆិកា ឆ្នាំ២០១៥ ក្រសួងរៀបចំដែនដី នគរូបនីយកម្មនិងសំណង់ ដែលលោក លឹម វាន់ ជារដ្ឋលេខាធិការ បានចេញលិខិតដូចបានស្នើសុំខាងលើ ពីក្រសួងឧស្សាហកម្ម និងសិប្បកម្ម ហើយលិខិតនេះក៏បានធ្លាក់មកដល់មន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តព្រះសីហនុនាល្ងាចថ្ងៃទី០៨ ខែធ្នូ ឆ្នាំ២០១៥នេះ ។ ប្រជាពលរដ្ឋនៅក្រុងព្រះសីហនុរង់ចាំមើល ថាតើលោក ហ៊ុន ភី នៅហ៊ានថ្លើមធំហ៊ានចុះហត្ថលេខាលើប្លង់ដីមិនប្រក្រតីអស់ទាំងនេះតទៅទៀតឬទេ
បន្ទាប់ពីក្រសួងសាម៉ីបញ្ជាមកយ៉ាងដូច្នេះ? ៕

ស្ត្រីវ័យ ៧៧ឆ្នាំលង់ទឹកស្រែ ក្រោយផ្ទះស្លាប់

E-mail Print PDF

ភ្នំពេញ៖ ស្ត្រីវ័យចំណាស់ម្នាក់ អាយុប្រមាណ ៧៧ឆ្នាំ នៅពីថ្ងៃទី០៨ ខែវិច្ខិកា ឆ្នាំ២០១៥ វេលាម៉ោង ០៣ និង៣០នាទីរសៀល បានលង់ទឹកស្រែក្រោយផ្ទះស្លាប់ ស្ថិតភូមិត្រពាំងសិកា ឃុំស្តៅកោង ស្រុកបាភ្នំ ខេត្តព្រៃវែង។

បើតាមសាច់ញាតិបានប្រាប់ឲ្យដឹងថា ជនរងគ្រោះមានឈ្មោះ អុក  លី  ភេទស្រី អាយុ៧៧ឆ្នាំ រស់នៅភូមិត្រពាំងសិកា  ឃុំស្តៅកោង ស្រុកបាភ្នំ  ខេត្តព្រៃវែង។ ម្យ៉ាងទៀតមូលហេតុដែលនាំឲ្យ ស្ត្រីវ័យចំណាស់លង់ទឹកស្លាប់បណ្ដាលមកពី គាត់ចាស់វង្ងេងវង្វាន់ ដើរដួលក្នុងទឹកស្រែ ក៏លង់ទឹកស្លាប់តែម្ដង។

សូមបញ្ជាក់ថា សាកសពស្ត្រីវ័យចំណាស់ត្រូវបានក្រុមគ្រួសារយកទៅធ្វើបុណ្យតាមប្រពៃណី៕

ជិះម៉ូតូ ឌុបកូនឆ្លងផ្លូវ រថយន្តបុក និងកៀ បណ្តាលឲ្យរងរបួស បាក់ជើងម្ខាង

E-mail Print PDF

ភ្នំពេញ៖ ស្ត្រីម្នាក់ជិះម៉ូតូជិះឆ្លងផ្លូវ ត្រូវរថយន្តបុក និងកៀបណ្តាលអោយបាក់ជើង ឆ្វេងម្ខាងកាល ពីវេលាម៉ោង  ១០ និង ៤០នាទីព្រឹកថ្ងៃទី ៨ ខែធ្នូរ ឆ្នាំ២០១៥ ស្ថិតក្នុងភូមិថ្នល់បំបែក សង្កាត់ចោមចៅ ខណ្ឌ ពោធិសែនជ័យ ។ ស្ត្រីរងគ្រោះមានឈ្មោះ ស្រី ធី អាយុ២៨ មុខរបរលក់ដូរ មានទីលំនៅ ផ្សារបែកចាន ស្រុកអង្គស្នួល ខេត្តកណ្តាល។ ចំណែករថយន្តបង្ករកុងតឺន័រ បើកបរដោយឈ្មោះ ណាត ឧត្តម អាយុ២៧ ឆ្នាំ មានស្រុកកំណើត ភូមិក្រាំងក្រួច ឃុំស្កូស ស្រុកសំរោងទង ខេត្តកំពង់ស្ពឺ ។

តាមសាក្សីពីកន្លែង កើតហេតុបានបន្តថា មុនពេលកើតហេតុគេឃើញស្ត្រីរងគ្រោះ ជិះម៉ូតូម៉ាកគុបជ្រុងពណ៍ទឹកប៊ិច ពាក់ស្លាកលេខភ្នំពេញ 1AR -8577 ជិះចេញពីសាលាអន្តរជាតិដេលី ឆ្លងផ្លូវពីត្បូងទៅជើងខណៈកំពុងឆ្លងនោះ ស្រាប់តែមានរថយន្តកុងតឺន័រមួយគ្រឿង ពាក់ស្លាក លេខ ភ្នំពេញ 3A 9049បើកក្នុង ទិសដៅពីលិចទៅកើត បានជ្រុលទៅបុក យ៉ាងពេញទំហឹងបណ្តាលបាក់ជើង ឆ្វេងស្រ្តីរងគ្រោះ ម្ខាងចំណែក កូនស្រី របស់ស្ត្រីរងគ្រោះអាយុជាង ៥ឆ្នាំ មិនមានរងរបួសអ្វីឡើយ។

ក្រោយពេលកើតហេតុនគរបាល បានចុះទៅដល់រួចហៅរថយន្តសង្គ្រោះ ដឹកជនរងគ្រោះទៅព្យាបាលនៅ មន្ទីរពេទ្យរាជធានីភ្នំពេញ ចំណែកឯវត្ថុតាងត្រូវយកទៅរក្សាទុក នៅអធិការដ្ឋានដើម្បីកសាងសំណុំរឿង ចាត់ការទៅតាមនីតិវិធីច្បាប់៕

Page 312 of 830