left
Safe Home
Safe Home
Safe Home

Dap News...Admin

Tuesday, Sep 01st

| English Version | dapnews: 012 571 704, 097 9999 883, email: lim.cheavutha@gmail.com

You are here:

ឪពុកចិត្តខ្មៅ ចាប់កូនស្រីខ្លួនឯង រំលោភសេពសន្ថវះ បានសំរេច២ដង

E-mail Print PDF

ក្រចេះ ៖ កម្លាំងនគរបាល ប៉ុស្ដិរដ្ឋបាល ឃុំសំបុក សហការនិងកម្លាំង នគរបាលស្រុក ចិត្របុរី បានឃាត់ខ្លួន បុរសម្នាក់ពីបទ រំលោភសេពសន្ថវះ លើកូនស្រីបង្កើតខ្លួនឯង ហើយការឃាត់ខ្លួននេះ នៅអធិការដ្ឋាន នគរបាល ស្រុកចិត្របុរីក្រោយ ពីហៅជនសង្ស័យ មកសួរនាំនៅព្រឹកថ្ងៃទី១ ខែកញ្ញា ឆ្នាំ២០១៥ នេះ។

មន្រ្តីនគរបាលស្រុកចិត្របុរី បានឲ្យដឹងថា មុននឹងដល់ការហៅមកសាកសួរ និងឃាត់ខ្លួនជនសង្ស័យជាឪពុកនេះ ដោយខាងនគរបាលប៉ុស្តិន៍សំបុក បានទទួលពាក្យបណ្ដឹង ពីកុមារីរងគ្រោះ និងម្តាយ របស់នាង កាលពីថ្ងៃទី៣១ ខែសីហា ឆ្នាំ២០១៥ ។ ហើយកុមារីរងគ្រោះឈ្មោះ អ ប អាយុ១៣ឆ្នាំ មុខរបបរជាសិស្ស រៀនថ្នាក់ទី៥ រស់នៅភូមិ សំបុក ឃុំសំបុក ស្រុកចិត្របុរីខេត្តក្រចេះ ។

សមត្ថកិច្ចបានឲ្យដឹងថា ជនសង្ស័យដែលជាឪពុកចិត្តខ្មៅ ឈ្មោះអុន សុន អាយុ៤៣ឆ្នាំ មុខរបបកសិករ រស់ជាមួយគ្នា (កុមារីរងគ្រោះ) បានចាប់រំលោភសេព សន្ថវះលើកូនស្រីខ្លួនឯង បានសំរេចចំនួន២ដង កាលពីថ្ងៃទី១៧ ខែកក្កដាឆ្នាំ២០១៥ វេលាម៉ោង១២ថ្ងៃត្រង់ នៅពេលម្តាយនាង មិននៅផ្ទះហើយគំរាមនាង មិនឲ្យប្រាប់ម្ដាយ ។ ក្រោយមកនៅថ្ងៃទី១៧ ខែសីហា ឆ្នាំ២០១៥ ជនសង្ស័យជាឪពុក បានចាប់កុមារីរងគ្រោះ រំលោភម្ដងទៀត តែមិនបានសំរេចត្រូវនាងរើបំរាសរត់រួចហើយនាង បានទៅប្រាប់បងប្អួន យករឿងទាំងប៉ុន្មាន ទៅប្រាប់ម្ដាយ ទើបម្ដាយសំរេចចិត្តនាំនាង ទៅប្ដឹងនគរបាលប៉ុស្តិសំបុកតែម្ដង។

អធិការងលោកស្រី ជាលី បានឲ្យដឹងថា ជនសង្សយ័ដែលរំលោភកូនខ្លួនឯង ត្រូវកំលាំងរបស់លោក បញ្ជូនទៅ កណ្ដាលព្រហ្មទណ្ឌ នៃការដ្ឋាននគរបាលខេត្តក្រចេះ ដើម្បីសួនាំកសាងសំណំរឿងទៅតុលាការ ៕

សម្លាប់គេ ពីស្រុកមោងឫស្សី គេចខ្លួនបាត់ ត្រូវសមត្ថកិច្ច ស្រុករុក្ខគិរី ចាប់បាន បញ្ជូនមក ស្រុកមោងឫស្សីវិញ

E-mail Print PDF

បាត់ដំបងៈ កម្លាំងអាវុធហត្ថ ស្រុកមោងឫស្សី បានសហការជាមួយកម្លាំងអាវុធហត្ថស្រុករុក្ខគិរី ស្រាវជ្រាវតាមចាប់ឃាត់ខ្លួនបុរសដៃដល់ម្នាក់ ដែលបានកាប់សម្លាប់ បុរសម្នាក់ជាប្ដីដើមស្រីស្នេហ៍របស់ខ្លួនកន្លងមក ដើម្បីដណ្ដើមប្រពន្ធគេ បម្រុងយកមកធ្វើប្រពន្ធខ្លួន។ ខណៈដែលបុរសដៃដល់ ធ្លាប់ជាប់គុកពីបទប៉ុនប៉ងមនុស្សឃាត ម្ដងរួចមកហើយ បច្ចុប្បន្នកម្លាំងអាវុធហត្ថខេត្ត បានកសាងសំណុំរឿង បញ្ជួនទៅតុលាការ នៅព្រឹកថ្ងៃទី១ ខែកញ្ញា ឆ្នាំ២០១៥ ដើម្បីចាត់ការតាមផ្លូវច្បាប់។

សមត្ថកិច្ចបានបញ្ជាក់ថា បន្ទាប់ពីបានឃាត់ខ្លួនជនសង្ស័យ កាលពីថ្ងៃត្រង់ ថ្ងៃទី៣១ ខែសីហា ឆ្នាំ២០១៥ នៅចំណុចតាមផ្លូវសាធារណៈ ស្ថិតក្នុងភូមិខ្នាចអំព័រ ឃុំព្រែកជីក ស្រុករុក្ខគិរី ខេត្តបាត់ដំបង ដោយបុរសនេះ ធ្វើសកម្មភាពកាប់សម្លាប់បុរសជាប្ដី ដែលឈ្លោះលែងលះប្រពន្ធរងគ្រោះ ហើយរត់គេចខ្លួនពីស្រុកមោងឫស្សីទៅបាត់ កាលពីថ្ងៃទី៣០ ខែសីហា ឆ្នាំ២០១៥កន្លងទៅ។

លោក ប៉ោ សុងឃាង មេបញ្ជាការងអាវុធហត្ថស្រុកមោងឫស្សី បានឲ្យដឹងថា បុរសដៃដល់ដែលជាឃាតក និងបានឃាត់ខ្លួននោះឈ្មោះ ផាន់ រដ្ឋា ហៅស៊ីស ភូមិខ្នាចអំព័រ ឃុំព្រែកជីក ស្រុករុក្ខគិរី ខេត្តបាត់ដំបង។ បុរសនេះ ធ្លាប់រស់នៅក្នុងជម្រំសាយប៊ី និងធ្លាប់ជាប់គុកពីបទ ប៉ុនប៉ងមនុស្សឃាតម្ដងហើយដែរ។

លោកមេបញ្ជាការ បានបញ្ជាក់ថា កាលពីរំលងអធ្រាត្រ យប់ថ្ងៃទី២៩ ខែសីហា ឆ្នាំ២០១៥ មានករណីអំពើហិង្សាមួយ បានកើតឡើងនៅ ចំណុចភូមិតាតុក២ ឃុំមោង ស្រុកមោងឫស្សី ខេត្តបាត់ដំបង ដែលមានបុរសម្នាក់ប្រើកាំបិតវែង កាប់ទៅលើបុរសម្នាក់ទៀត ដែលជាប្ដីដើម (ដែលមានជម្លោះ លែងជាមួយប្រពន្ធជាង២ខែមកហើយ) បណ្ដាលឲ្យរងរបួសយ៉ាងធ្ងន់ធ្ងរ កំពុងសម្រាកព្យាបាលនៅមន្ទីពេទ្យបង្អែក ស្រុកមោងឫស្សី។

ក្រោយពីបានទទួលពាក្យបណ្ដឹង របស់ជនរងគ្រោះឈ្មោះ ចាន់ ណៃ អាយុ២៨ឆ្នាំ មានទីលំនៅក្នុងភូមិតាតុក ឃុំមោង ស្រុកមោងឫស្សី ខេត្តបាត់ដំបង ហើយកម្លាំងបានស្រាវជ្រាវ តាមរកឃើញមុខសញ្ញាសង្ស័យជនដៃដល់ បានរត់គេចខ្លួនទៅផ្ទះនៅស្រុករុក្ខគិរី បន្ទាប់ពីធ្វើសកម្មភាព កាប់ជនរងគ្រោះរួចមក។

សាក្សីជាប្រពន្ធជនរងគ្រោះ បានរៀបរាប់ប្រាប់សមត្ថកិច្ចអាវុធហត្ថថា ខ្លួនបានឃើញឈ្មោះចាន់ ណៃ ជនរងគ្រោះរត់ចេញពីក្នុងផ្ទះស្រែកឲ្យ គេជួយនិងឃើញឈាមប្រឡាក់ពេញខ្លួនប្រាណ បន្ទាប់មករួបគេបានរត់ទៅមើលឃើញ ចាន់ ណៃ មានស្នាមរបួសត្រង់ដៃ ដងខ្លួន និងត្រង់មុខមាត់ ត្រង់ក។

សាក្សីបានបញ្ជាក់ទៀតថា ខ្លួនគេបានឃើញឈ្មោះ ផាន់ រដ្ឋា ហៅ ស៊ីស ដើរទៅសួរនាំឈ្មោះ ចាន់ ណៃ (ជនរងគ្រោះ) ដោយកាន់កាំបិតប៉័ងតោមួយ នៅដៃខាងស្ដាំផង ហើយដើរតាមពីក្រោយជនរងគ្រោះ។ បន្ទាប់មកឈ្មោះ ចាន់ ណៃ បានស្រែកហៅឲ្យគេជួយថា អាស៊ីស កាប់ខ្លួន ពេលនោះឃើញឈ្មោះ ផាន់ រដ្ឋា ហៅ ស៊ីស បានរត់ចេញពីក្នុងផ្ទះ ដោយមានកាន់កាំបិតមួយផងដែរ។

ជនសង្ស័យបានសារភាព ប្រាប់សមត្ថកិច្ចថា នៅថ្ងៃកើតហេតុនោះ ខ្លួនបានឮនិងឃើញឈ្មោះចាន់ ណៃ វាយប្រពន្ធ ហើយកូនតូចរបស់ប្រពន្ធជនរងគ្រោះ បានរត់មកប្រាប់ថា ពុកវាយធ្វើបាបម្ដាយ បន្ទាប់មក(ជនសង្ស័យ) បានរត់សួរនាំ ហើយមានទំនាស់ពាក្យសម្តី រូបគេបានកាប់ជនរងគ្រោះប្រាកដមែន ព្រោះជនរងគ្រោះ បានលែងលះប្រពន្ធជាច្រើនខែ ហើយរូបគេបានស្រឡាញ់គ្នា ជាមួយប្រពន្ធជនរងគ្រោះ មួលហេតុនេះដោយសារការប្រច័ណ្ឌ ដណ្ដើមប្រពន្ធគ្នា។ ក្រោយពីធ្វើសកម្មភាព កាប់បុរសរងគ្រោះជាប្ដីដើមហើយ រូបគេបានរត់គេខ្លួនមកផ្ទះនៅស្រុករុក្ខគិរី ស្រាប់តែកម្លាំងអាវុធស្រុក ចាប់ឃាត់ខ្លួនកាលពីថ្ងៃទី៣១ ខែសីហា តែម្ដង។

លោកឡាច វ៉ាន់ នាយការិយាល័យ ស្រាវជ្រាវបទល្មើសព្រហ្មទណ្ឌអាវុធហត្ថ ខេត្តបាត់ដំបង បានបញ្ជាក់ថា ករណីនេះ កម្លាំងអាវុធហត្ថ ពុំបានរកឃើញវត្ថុតាង (កាំបិត) នោះទេ ដោយផ្អែកលើអង្គហេតុនិងសាក្សី ព្រមទាំងជនសង្ស័យ បានសារភាពហើយ។

បច្ចុប្បន្ន កម្លាំងអាវុធហត្ថខេត្តបាត់ដំបង បានកសាងសំណុំរឿង បញ្ជួនជនសង្ស័យទៅតុលាការ នៅថ្ងៃទី០១ ខែកញ្ញា ឆ្នាំ២០១៥ហើយ ដើម្បីចាត់ការតាមផ្លូវច្បាប់៕

Photo by DAP-News

Photo by DAP-News

ជនជាតិវៀតណាម ១១នាក់ ធ្វើការនៅទីតាំងក្រឡុកស៊ីម៉ងតិ៍ និងលក់ដែក នៅច្បារអំពៅ ត្រូវឃាត់ខ្លួន

E-mail Print PDF

ភ្នំពេញ : លោកឧត្តមសេនីយ៏ទោ អ៊ុក ហៃសិឡា ប្រធាននាយកដ្ឋាន សើបអង្កេត និងអនុវត្តនីតិវិធី នៃអគ្គនាយក ដ្ឋានអន្តោប្រវេសន៏ នៅព្រឹកថ្ងៃទី១ ខែកញ្ញា ឆ្នាំ២០១៥ បានចុះត្រួតពិនិត្យ និងឃាត់ខ្លួន ជនជាតិវៀតណាម ១១នាក់ ពីបទរស់នៅ និងធ្វើការដោយខុសច្បាប់ គ្មានលិខិតឆ្លងដែន និងលិខិតការងារ ស្ថិតនៅ ទីតាំងក្រឡុង ស៊ីម់ងតិ៍ និង លក់ ដែកនៅភូមិ វាលស្បូវ សង្កាត់និរោធ ខណ្ឌច្បារអំពៅ ។

លោកឧត្តមសេនីយ៏ បានបញ្ជាក់ថា ក្រោយការត្រូតពិនិ្យ កម្លាំងប្រតិបត្តិការ បានសម្រេចឃាត់ខ្លួន ជនជាតិវៀត ណាម ៧នាក់ នាក់ និង៤នាក់ ត្រូវផាកពិន័យ។

នគរបាលខណ្ឌ ៧មករា ឃាត់ខ្លួនជន សង្ស័យពីរនាក់ បន្ទាប់ឆក់កាបូប

E-mail Print PDF

ភ្នំពេញ៖ កម្លាំងនគរបាល ខណ្ឌ៧មករា ចាប់ឃាត់ខ្លួន ជនសង្ស័យ២នាក់ភ្លាមៗ បន្ទាប់ធ្វើសកម្មភាព ឆក់ការបូប ហើយព្យាយាមជិះគេចខ្លួន កាលពីវេលាម៉ោង១២និង២៥ នាទី នាថ្ងៃទី០១ ខែកញ្ញា ឆ្នាំ២០១៥ ស្ថិតនៅតាម បណ្ដោយផ្លូវមន្នីរ៉េត ស្ថិត0ក្នុងសង្កាត់វាលវង់ ខណ្ឌ៧មករា។

មន្រ្តីនគរបាលខណ្ឌ៧មករា បានឲ្យដឹងថា ជនសង្ស័យទី១ឈ្មោះ ផុន ឧតម្ត ភេទប្រុស អាយុ២០ឆ្នាំ ស្នាក់នៅ ម្ដុំបឹងកក់ ក្នុងសង្កាត់បឹងកក់១ ខណ្ឌទួលគោក និងមុខរបរមិនពិតប្រាកដនិងជនសង្ស័យទី២ ឈ្មោះ ឆឹង នីឆាត ភេទប្រុស អាយុ២០ឆ្នាំ ស្នាក់នៅម្ដុំអូរឬស្សី ក្នុងសង្កាត់ផ្សារអូរឬស្សី២ ខណ្ឌ៧មករា និងមុខរបរមិនពិតប្រាកដ។ ចំណែកជនរងគ្រោះឈ្មោះ ផាម គួនដៀង ភេទប្រុស អាយុ២៤ឆ្នាំ ជនជាតិវៀតណាម។

សមត្ថកិច្ចបាននិយាយថា នៅមុនពេលកើតហេតុ ជនរងគ្រោះបានជិះម៉ូតូកង់បី គោលបំណង ចេញពីកន្លែង រថយន្តក្រុង ជិះដើរលេងតាមបណ្ដោយផ្លូវមន្នីរ៉េត ក្នុងទិសដៅពីកើតទៅលិច ខណៈមកដល់ចំណុចកើតហេតុ ស្រាប់ តែមានជនសង្ស័យ២នាក់ ជិះម៉ាកនិច ពណ៌ស ពាក់ស្លាក់លេខ ភ្នំពេញ ១DD-១៣៧៨ មកជិះអែប ក្បែរនិងជនរងគ្រោះ បានធ្វើសកម្មភាពឆក់ការបូប មិនបានសម្រេច ក៏ដួលម៉ូតូ ភ្លាមៗត្រូវបានប្រជាពលរដ្ឋ នៅក្បែរនោះក៏បានព័ទ្ធវៃម្នាក់១ដៃ១ជើង ចំណែកជនសង្ស័យម្នាក់ទៀត បានរត់ចូលផ្ទះប្រជាពលរដ្ឋនៅក្បែរនោះ ពួនសម្ងំ ។ ក្រោយពេលកើតហេតុ កម្លាំងសមត្ថកិច្ចខណ្ឌ៧មករា ចុះទៅឃាត់ជនសង្ស័យម្នាក់ទៀត ដែលកំពុងពួនសងំ្ង នៅក្នុងផ្ទះប្រជាពលរដ្ឋ១កន្លែង ។

បច្ចុប្បន្នជនសង្ស័យ ទាំង២នាក់ត្រូវបានកម្លាំង សមត្ថកិច្ច ឃុំខ្លួនបណ្ដោះអាសន្ននៅអធិដ្ឋាននគរបាលខណ្ឌ ៧មករា ដើម្បីសាកសួរ និងកសាងសំណុំរឿង បញ្ជូនខ្លួនទៅតុលាការ ចាត់ការតាមនីតិវិធីច្បាប់។

សូមបញ្ជាក់ផងដែរ ក្រោយពេលដែលសមត្ថកិច្ចឃាត់ខ្លួន ជនសង្ស័យ បានឆែកឆេរកឃើញមានសារធាតុញៀន ចំនួន៦កញ្ចប់តូចនៅនិងខ្លួនជនសង្ស័យ៕

អូស្រ្តាលីបដិសេធថា គ្មានភាពបរាជ័យ នៅក្នុងការបញ្ជូន ជនភៀសខ្លួន ពីកោះណារូ មកកាន់កម្ពុជានោះទេ

E-mail Print PDF

ភ្នំពេញ ៖ រដ្ឋមន្រ្តីការបរទេស អូស្រ្តាលី លោកស្រី Julie Bishop បានអះអាងថា រដ្ឋាភិបាលអូស្រ្តាលី មិនមាន ភាពបរាជ័យ នៅក្នុងការអនុវត្ត កិច្ចព្រមព្រៀង បញ្ជូនជនភៀសខ្លួន ពីកោះណារូ មកកាន់កម្ពុជានោះទេ ខណៈ ដែលមន្រ្តីក្រសួងមហាផ្ទៃ បាននិយាយថា កម្ពុជាមិនមានគម្រោង នាំយកជនភៀសខ្លួនពីកោះណារូ បន្តទៀតនោះទេ ។

លោកស្រី Julie Bishop បានប្រាប់កាសែត theguardian នៅទីក្រុងស៊ីដនីថា ការលើកឡើងរបស់មន្រ្តីកម្ពុជា គ្រាន់តែជាទស្សនៈផ្ទាល់ខ្លួនប៉ុណ្ណោះ ប៉ុន្តែមិនបានធ្វើឱ្យបរាជ័យនៅក្នុងការ បញ្ជូនជនភៀសខ្លួននោះទេ ។ លោកស្រីនិយាយថា «នោះគឺជារឿងមិនត្រឹមត្រូវទេ ហើយថា អ្នកពឹងផ្អែកលើសេចក្តីថ្លែងការណ៍ ចោទប្រកាន់របស់មន្រ្តីមួយប៉ុណ្ណោះ»។

អ្នកនំាពាក្យ ក្រសួងមហាផ្ទៃ លោក ខៀវ សុភ័គ បានបានឱ្យដឹងថា រហូតមកដល់ពេលនេះ ក្រសួងមហាផ្ទៃ នៅមិនទាន់ មានគម្រោងក្នុង ការនំាយកជនភៀសខ្លួនពីកោះណារូ ប្រទេសអូស្រ្តាលី បន្ថែមទៀតនៅឡើយទេ។

សូមបញ្ជាក់ថា កាលពីខែកញ្ញា២០១៤ កម្ពុជានិងអូស្រ្តាលី បានឈានដល់កិច្ចព្រមព្រៀង ដើម្បីបញ្ជូនជនភៀសខ្លួន ពីកោះណារូភាគខាងជើង ប្រទេសអូស្រ្តាលី មករស់នៅក្នុងប្រទេសកម្ពុជា តាមគោលការណ៍ស្ម័គ្រចិត្តដោយគ្មានការបង្ខិតបង្ខំ ៕

អស់កង្វល់​ជា​មួយ​ប្រព័ន្ធ​ការពារ​សុវត្ថិភាព​ដ៏​ទំនើប​របស់ ESS

E-mail Print PDF

ភ្នំពេញ៖ ដើម្បីចូលរួមចំណែកក្នុងការការពារសុវត្ថិភាព ទាំងអាយុជីវិត និងទ្រព្យសម្បត្តិរបស់លោកអ្នក ក៏ដូចជាជួយសម្រួលដល់អាជីវកម្ម របស់លោកអ្នក ឱ្យកាន់តែមានភាពងាយស្រួល បន្ថែមទៀតនោះ យើងខ្ញុំមានលក់នូវឧបករណ៏អេឡិចត្រូនិក ទំនើបៗជាច្រើនប្រភេទរួមមានដូចខាងក្រោមៈ

- ប្រព័ន្ធកាមេរ៉ាសុវត្ថិភាព (Security Camera System)
- ប្រព័ន្ធប្រកាសអាសន្ន (Security Alarm System)
- សោទ្វារសុវត្ថិភាពអេឡិចត្រូនិក (Access Control System)
- ម៉ាស៊ីនកត់ត្រាពេលវេលា (Time Attendance System)
- ប្រព័ន្ធទូរស័ព្ទលើតុ (Telephone System)
- តបណ្តាញណេតវើក (Networking System)

យើងខ្ញុំក៏មានជាងជំនាញៗ ទៅតំឡើង និងថែរទាំជូនលោកអ្នកដល់ទីកន្លែងគ្រប់ខេត្តក្រុងទូរទាំង ព្រះរាជាណាចក្រកម្ពុជាផងដែរ។

ព័ត៌មានលំអិតសូមទំនាក់ទំនងតាមរយៈ
- អាសយដ្ឋានៈ ផ្ទះលេខ៣៩ ផ្លូវ១៦៤ សង្កាត់ អូឬស្សី២ ខណ្ឌ ៧មករា រាជធានីភ្នំពេញ
- ទូរស័ព្ទៈ 012 908 709, 016 664 066, 088 7778 707, 023 999 816
- សារអេឡិចត្រូនិចៈ ess.electronic@gmail.com
- គេហទំព័រៈ www.ess-electronic.com

ទីស្តីការគណៈ រដ្ឋមន្រ្តី ៖ នៅថ្ងៃទី០៣ ខែកញ្ញាខាងមុខនេះ នឹងរៀបចំផ្ទៀង ផ្ទាត់ផែនទី របស់បារាំង នៅវិមាន សន្តិភាព

E-mail Print PDF

ភ្នំពេញ ៖ នៅថ្ងៃទី០១ ខែកញ្ញា ឆ្នាំ២០១៥នេះ ទីស្តីការគណៈរដ្ឋមន្រ្តី បានចេញសេចក្តី ជូនដំណឹងមួយ ដោយបានបញ្ជាក់ថា នៅវេលាម៉ោង ៩ព្រឹកថ្ងៃទី០៣ ខែកញ្ញា ឆ្នាំ២០១៥ខាងមុខនេះ នឹងមានរៀបចំពិធីទទួល និងផ្ទៀងផ្ទាត់ផែនទី ពីរដ្ឋាភិបាល នៃសាធារណរដ្ឋបារាំងជាមួយ ផែនទីផ្លូវការ និងស្របច្បាប់របស់ រាជរដ្ឋាភិបាលកម្ពុជា ដែលនឹងធ្វើឡើងនៅវិមានសន្តិភាព។

កម្មវិធីផ្ទៀងផ្ទាត់ ធ្វើឡើងក្រោមអធិបតីភាព ឧបនាយករដ្ឋមន្រ្តី ហោ ណាំហុង រដ្ឋមន្រ្តីក្រសួងការបរទេសកម្ពុជា តំណាងសម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា ។

ក្នុងកម្មវិធីនោះមានការចូលរួមពី គណបក្សនយោបាយទាំង៣ មាន៖ គណបក្សប្រជាជនកម្ពុជា ៥រូប, គណបក្សសង្គ្រោះជាតិ ៥រូប និងគណបក្សហ្វ៊ុនស៊ិនប៉ិច ៥រូប រួមនឹងតំណាងស្ថាប័នព្រឹទ្ធសភា និងរដ្ឋសភា ព្រមទាំងតំណាងឧត្តមក្រុមប្រឹក្សា នៃអង្គចៅក្រមចំនួន២រូប លោក បណ្ឌិត សុខ ទូច និងសហការី នៃរាជបណ្ឌិត្យសភាចំនួន៣រូប និងទីប្រឹក្សារដ្ឋាភិបាល ដែលជាជនជាតិ បរទេសមួយចំនួន។

ខាងក្រោមនេះជាសេចក្តីជូនដំណឹងរបស់ ទីស្តីការគណៈរដ្ឋមន្រ្តី៖

ACU ទទួលពាក្យ បណ្តឹង៩៥ ក្នុងខែសីហា

E-mail Print PDF

ភ្នំពេញ ៖ លោកទេសរដ្ឋមន្ត្រី ឱម យ៉ិនទៀង ប្រធានអង្គភាព ប្រឆាំងអំពើពុករលួយ (ACU) បានឲ្យដឹងថា ក្នុងខែសីហា ឆ្នាំ២០១៥ ACU បានទទួលពាក្យប្តឹង ចំនួន ៩៥ ក្នុងនោះ មានបណ្តឹងអនាមិក ៤០ ស្មើនឹង ៤២% ។

លោក ឱម យ៉ិនទៀង បានថ្លែងក្នុងកិច្ចប្រជុំក្រុមប្រឹក្សាជាតិ ប្រឆំាអំពើពុករលួយលើកទី៣ អាណត្តិទី២ កាលពី រសៀលថ្ងៃទី៣១ សីហាថា ខែសីហានេះ អង្គភាពទទួលបាន ៩៥ ពាក្យប្តឹង (អនាមិក៤០) ធ្វើលិខិតឆ្លើយ តបទៅម្ចាស់បណ្តឹងវិញបាន ១០៩ លិខិត ធ្វើលិខិតសុំឲ្យស្ថាប័ន អង្គភាព សាម៉ីខ្លួនពាក់ព័ន្ធបំភ្លឺ ៣១ លិខិត និងបានទទួល លិខិតបំភ្លឺមកវិញពីស្ថាប័ន អង្គភាព សាម៉ីខ្លួនពាក់ព័ន្ធ៦៦លិខិត បានស្តាប់ចម្លើយ ១២លើក នៅអង្គភាពប្រឆំាងអំពើពុករលួយនិងច្រើនលើកឡើងទៀតនៅខេត្តកំពង់ធំ និងខេត្តត្បូងឃ្មុំ ។

លោកទេសរដ្ឋមន្ត្រី ឱម យ៉ិនទៀង លើកឡើងថា ក្នុងចំណោមបណ្តឹងចំនូន៩៥នោះ ACU ក៏បានចុះស្រាវជ្រាវ ករណីពាក្យប្តឹងតាមហ្វេសប៊ុក ពាក់ព័ន្ធនឹងករណីនាឡិកាអគ្គិសនី៤២ ករណី ហើយជាលទ្ធផល គឺនាឡិកា អគ្គិសនី ដើរត្រឹមត្រូវទាំងអស់។

លោក តុប សំ ប្រធានក្រុមប្រឹក្សាជាតិប្រឆាំងអំពើពុករលួយ បានវាយតម្លៃខ្ពស់ទៅលើការ ខិតខំប្រឹងប្រែង របស់ អង្គភាពប្រឆាំង អំពើពុករលួយ ដើម្បីបន្តការអប់រំ បង្ការ ទប់ស្កាត់ និងប្រឆាំងអំពើពុករលួយ ជាពិសេស លទ្ធផល ដ៏ល្អនៃការប្រឡងបាក់ឌុប និងករណីបណ្តឹងលើនាឡិកាអគ្គិសនី ដែលក្រុមប្រឹក្សាប្រឆាំងអំពើពុករលួយ យល់ ឃើញថា អង្គភាពប្រឆាំងអំពើពុករលួយ មានដំណោះស្រាយដ៏ល្អ ហើយមានសារៈសំខាន់ ធ្វើឲ្យអ្នកប្រើប្រាស់ អគ្គិសនី លែងមានការភ័ន្តច្រឡំ មកលើអគ្គិសនីកម្ពុជា EDC ទៀត៕

អាម៉េរិក និងណាសាបង្កើត កម្មវិធីថ្មីប្រើប្រាស់ ផ្កាយរណបព្យាករណ៍ បម្រែបម្រួល អាកាសធាតុ

E-mail Print PDF

ភ្នំពេញ៖ ទីភ្នាក់ងារសហរដ្ឋអាម៉េរិក ដើម្បីអភិវឌ្ឍន៍អន្តរជាតិ (USAID) និងភ្នាក់ងារអវកាសណាសា ថ្ងៃទី៣១ ខែសីហា ឆ្នាំ២០១៥នេះ បានសម្ភោធកម្មវិធី ថ្មីមួយហៅថា “SERVIR-Mekong” កម្មវិធីដើម្បី ផ្សព្វផ្សាយការ ប្រើប្រាស់ ផ្កាយរណបដើម្បីជួយដល់ តំបន់ទំនាបមេគង្គនៅអាស៊ី ក្នុងគោលបំណងព្យាករណ៍ និងដោះស្រាយ បញ្ហាទឹកជំនន់ ព្រមទាំងផលប៉ះពាល់ ដោយសារការប្រែប្រួល អាកាសធាតុ។

យោងតាមសេចក្តីប្រកាសព័ត៌មានរបស់ស្ថានទូតអាម៉េរិក ដែលមជ្ឈមណ្ឌលព័ត៌មាន ដើមអម្ពិលទទួលបាន នៅថ្ងៃទី១ កញ្ញា នេះ បានឲ្យដឹងថា កម្មវិធី “SERVIR-Mekong” ដែលឧបត្ថម្ភដោយទីភ្នាក់ងារសហរដ្ឋអាម៉េរិក ដើម្បីអភិវឌ្ឍន៍អន្តរជាតិ (USAID) និងអង្គការណាសានោះ មជ្ឈមណ្ឌលទប់ទលគ្រោះមហន្តរាយនៅតំបន់អាស៊ី និងដៃគូផ្សេងៗជាច្រើនទៀត នឹងអនុវត្តនូវគម្រោងនេះ ដើម្បីជួយដល់ប្រទេសជាច្រើនក្នុងតំបន់អាស៊ី រួមមាន ទាំងប្រទេស មីយ៉ាន់ម៉ា កម្ពុជា ឡាវ ថៃ និងវៀតណាម ។

ក្នុងការទាញយកអត្ថប្រយោជន៍ពីរូបភាពផ្កាយរណបដែលអាចប្រើបានជាសាធារណៈនូវទិន្នន័យទំហំភូមិសាស្រ្ត និងផែនទីដើម្បីធ្វើការសម្រេច បន្ថែមទៀត លើបញ្ហាចំបងដូចជាការគ្រប់គ្រងទឹក ការប្រើប្រាស់ដីនិងការកាត់បន្ថយ ហានិភ័យនៃគ្រោះមហន្តរាយ ធម្មជាតិ ការអភិវឌ្ឍន៍ហេដ្ឋារចនាសម្ព័ន្ធ និងការគ្រប់គ្រងធនធានធម្មជាតិ។

 លោក Charles Bolden នាយកប្រតិបត្តិអង្គការណាសាបានថ្លែងថា “គម្រោង“SERVIR-Mekong” នេះមានសារៈ សំខាន់ខ្លាំងណាស់ក្នុងការជួយដល់ភពផែនដីជាពិសេសក្នុងតំបន់ទំនាបមេគង្គដ៏សំខាន់នេះ ៕

វគ្គបណ្ដុះបណ្ដាល ជំនាញស្ដីពី "ការគ្រប់គ្រង គុណភាពផលិត" "T.P.M"

E-mail Print PDF

១. សេចក្តីផ្តើម

ក្រុមហ៊ុនផលិតកម្ម, រោងចក្រ, សហគ្រាស, ក្រុមហ៊ុនសេវាកម្ម, ក្រុមហ៊ុនទិញ-លក់ទាំងអស់នៅទូទាំង ព្រះរាជាណា ចក្រកម្ពុជាត្រូវការចាំបាច់ណាស់ គឺគុណភាពការងារ និងបង្កើនទិន្នផលប្រាក់ចំណេញ ដល់ក្រុមហ៊ុនខ្លួន។ ផ្ទុយទៅវិញបើផ្នែកណាមួយ ជាប់គាំងឬមានចំណូលមិនគ្រប់គ្រាន់ ធ្វើឱ្យមាន ផលប៉ះពាល់ដល់ការងារក្នុងផ្នែកផ្សេងទៀតនៃក្រុមហ៊ុន។ ដោយមើលឃើញបញ្ហានេះ ហើយ ទើបក្រុម ហ៊ុនអេជអាខេមបូឌា បានសហការជាមួយសាកលវិទ្យាល័យ ធនធានមនុស្សរៀបចំវគ្គ ការគ្រប់គ្រង គុណភាពផលិត Total Productive Management (TPM)

២. ក្រោយពីសិក្សាចប់លោកអ្នកនឹងទទួលបាន៖

1. អាចយល់ពីដំណើរការនៃការផលិត / ការផលិតខ្នាតតូច/ធំបានយ៉ាងងាយស្រួល

Be able to understand easily the processes of production/manufacturing

2. អាចទប់ស្កាត់ព្រឹត្តិការណ៍គ្រោះថ្នាក់ / ឧប្បត្តិហេតុ / គ្រោះថ្នាក់វិះនឹងកើតឡើង នៅក្នុងវិស័យ ផលិតកម្ម ដែលនិយោជកគ្រប់ រូបមិនចង់អោយកើតមានឡើង

Be able to prevent undesired events involved in accidents/incidents/nearmisses in production areas

3. អាចរក្សាកន្លែងធ្វើការ បរិស្ថានជុំវិញស្អាតនិងមានសុវត្ថិភាព

Be able to keep workplace clean and safe environment

4. អាចទប់ស្កាត់ការខាតបង់ទាន់ពេលវេលា និងសន្សំសំចៃផលប្រយោជន៍ សម្រាប់ក្រុមហ៊ុននៅពេល ដែលអ្នករវល់បំផុត

Be able to attack losses on time to save benefits for company when you are the busiest

5. អាចកាត់បន្ថយការខាតបង់ផលប្រយោជន៍ ពីចង្វាក់ផលិតកម្ម ដោយចាប់ពីវត្ថុធាតុដើម រហូតផលិត ផលសម្រេច

Be able to save benefits from losses of production processes starting from raw materials to finished products

6. អាចទប់ស្កាត់ការខូច នៃម៉ាស៊ីនណាមួយដោយមិនបានព្រៀងទុក អំឡុងពេលផលិត នៅពេលអ្នក រវល់បំផុត

Be able to prevent any undesired stops of machines during production when you are the busiest

7. អាចថែរក្សា និងប្រើប្រាស់ម៉ាស៊ីនអោយអស់ពីលទ្ធភាព និងអាចបង្កើនទិន្នផលផលិតកម្មបាន

Be able to take care and use machines efficiently and improve the production yields

8. អាចដោះស្រាយរាល់បញ្ហាដែលកើតមានឡើងបានត្រឹមត្រូវដោយប្រើវិធីសាស្ត្រនិងសម្ភារៈ TPM

Be able to solve problems logically using TPM tools and methods

9. អាចអភិវឌ្ឍនិយោជិត ខណៈពួកគេកំពុងធ្វើការក្នុងគោលបំណង ដើម្បីទទួលបានបុគ្គលិក ដែលមាន សមត្ថភាពខ្ពស់

Be able to develop employees while they are working on the lines in order to have high competent stuff

10. អាចសម្រេចបាននូវផលិតផល ដែលមានគុណភាពស្តង់ដា និងការទប់ស្កាត់ភាពមិនប្រក្រតី ដែលមិនចង់បាន

Be able to achieve standard quality of finished products and prevent unwanted deviations

៣. អ្នកដែលអាចចូលរួមបាន

1. និយោជិត/និយោជក ដែលកំពុងធ្វើការនៅតាមចង្វាក់ផលិតកម្ម / ការផលិតខ្នាតតូច/ធំ

Employers/employees who are working in production/manufacturing

2. ប្រជាជន / និស្សិតដែលកំពុងសិក្សានៅក្នុងការរចនាម៉ូដនិងការគ្រប់គ្រងផ្នែកឧស្សាហកម្ម / វិស្វកម្ម គីមី / វិស្វកម្មមេកានិច / វិស្វកម្មអគ្គិសនីនិងវិស័យផ្សេងទៀតដែលពាក់ព័ន្ធ

People/students who are studying in industrial designs and management / chemical engineering/ mechanical engineering/ electrical engineering and other relevant fields

3. ម្ចាស់ក្រុមហ៊ុន/ បុគ្គលិកដែលទទួលបន្ទុកមើលការខុសត្រូវក្នុងដំណើរការរោងចក្រ / ចង្វាក់ផលិត កម្ម/ការផលិត និងអ្នកចាត់ការទូទៅផ្នែកផលិត ដែលមានគោលដៅបង្កើន ប្រសិទ្ធភាពធនធាន ដែល មានស្រាប់របស់ពួកគេ

People/staff who are taking care of factory/manufacturing/production processes and would like to save benefits from their production and optimize their existing resources

4. អ្នកគ្រប់គ្រង / បុគ្គលិកដែលកំពុងធ្វើការក្នុងបរិស្ថានដែលមានស្ថានភាពកខ្វក់/ដែលមិនមាន សុវត្ថិ ភាពឬ/និងបរិស្ថាន មិនល្អនៃរោងចក្រ, សហគ្រាស,និងតំបន់ផលិតណាមួយ។

People/employees who are working in very dirty/ unsafe factory and/or working environment

5. សិស្ស/និស្សិត ដែលកំពុងស្វែងរកការងារធ្វើ នៅក្នុងប្រភេទណាមួយនៃរោងចក្រ /ក្រុមហ៊ុនផលិត ស្រា / ផលិតកម្មនានា

Students who are seeking for employment in any types of factories/ breweries/ manufactures

៥. ប្រភពឯកសារ៖

- TPM for Every Operator, the Japan Institute of Plant Maintenance

- Good Manufacturing Practices

៦. ម៉ោង/ពេលចូលសិក្សានិងតម្លៃ៖

កាលបរិច្ឆេទ     ៖          ថ្ងៃទី១២ ខែកញ្ញា ឆ្នាំ២០១៥ ថ្ងៃចុងសប្តាហ៍

ពេលវេលា       ៖          ០១:៣០ - ០៥:៣0 រសៀល (សៅរ៍)

                                    ០៨:០០ - ១២:00 ព្រឹក (អាទិត្យ)

ថ្ងៃផុតកំណត់   ៖          ថ្ងៃទី១១ ខែកញ្ញា ឆ្នាំ២០១៥

តម្លៃសិក្សា        ៖

-180.00 ដុល្លារ

-បង់ត្រឹមតែ $150.00សម្រាប់ការចុះឈ្មោះមុនថ្ងៃទី៣១ ខែសីហា ឆ្នាំ២០១៥

-សម្រាប់ការចុះឈ្មោះជាក្រុម៥នាក់ នឹងទទួលបានការចុះឈ្មោះ ដោយឥតគិតថ្លៃមួយនាក់

-សម្រាប់សិក្ខាកាមធ្លាប់បានសិក្សាវគ្គជំនាញពីមុន(២០១៤-២០១៥)មកបញ្ចុះតម្លៃ២៥%

នគរបាលព្រហ្ម ទណ្ឌកម្រិតស្រាល ឃាត់ខ្លួនក្មេងទំនើង ៣៩នាក់ និងម៉ូតូ១៩គ្រឿង យកមកអប់រំ

E-mail Print PDF

បាត់ដំបង ៖ កាលពីយប់កណ្តាល អាធ្រាត្រក្រុម នគរបាល អន្តរាគមន៍ បង្ការបង្រ្កាប នៃការិយាល័យ កម្រិត ស្រាល ស្នងការដ្ឋានខេត្ត បានចុះប្រតិបត្តិការ ឃាត់ខ្លួនក្មេងទំនើង បានចំនួន៣៩នាក់ និងម៉ូតូ១៩គ្រឿង នៅតាមចំណុចនានា ក្នុងក្រុងបាត់ដំបង យកមកអប់រំ និងធ្វើការពិនិត្យ ទឹកនោម ដើម្បីស្វែងរកសារធាតុញៀន។

លោកវរសេនីយ៍ទោ ម៉េង លៀង នាយការិយាល័យ ព្រហ្មទណ្ឌកម្រិតស្រាល បានឲ្យដឹងថា កម្លាំងនគរបាល ក្រុមអន្តរាគមន៍ បង្កាបង្រ្កាប បានចុះល្បាតរក្សា សន្តិសុខនៅពេលយប់ បានប្រទះឃើញ ក្រុមក្មេងទំនើង ចំនួន ៣ក្រុម នៅចំណុចផ្សេងគ្នាស្រវឹងស្រា បានជិះម៉ូតូស្រែកឡូឡា តាមដងផ្លូវគ្មាន សណ្តាបធ្នាប់ ពេញក្រុង ។ ទើបកម្លាំងសមត្ថកិច្ច បាននាំឃាត់ខ្លួនក្មេងទំនើងទាំងអស់ នាំយកមកការិយាល័យេ ជំនាញដើម្បីសាកសួរ និងធ្វើកំណតហេតុ កិច្ចសន្យាព្រមទាំងបានរឹបធ្វើការ ត្រួតពិនិត្យទឹកនោម ក្រែងមានសារធាតុញៀន។

លោកវរសេនីយ៍ទោ ម៉េង លៀង បានបញ្ជាក់ថា ក្នុងចំណោមក្មេងទាំងអស់ ដែលកំពុងពិនិត្យទឹកនោម បើសិន ឃើញលទ្ធផលមាន សារធាតុញៀនមានប៉ុន្មាននាក់គឺត្រូវ បញ្ជូនទៅមណ្ឌលបន្សាបគ្រឿងញៀន សល់ពីនោះ ត្រូវកិច្ចធ្វើកិច្ចសន្យាអប់រំ ឲ្យអាណាព្យាបាល មកធានាយកត្រឡប់ទៅផ្ទះវិញ ៕

Page 4 of 409