left
Safe Home
Safe Home
Safe Home

Dap News...Admin

Tuesday, Mar 03rd

| English Version | dapnews: 012 571 704, 097 9999 883, email: lim.cheavutha@gmail.com

You are here:
 

អាជ្ញាធរ ខណ្ឌដង្កោ ចុះណែនាំដល់ ទីតាំងកត់ កន្ទុយលេខ និងអ្នកលេង ឲ្យបញ្ឈប់ជាបន្ទាន់

E-mail Print PDF

ភ្នំពេញ ៖ ថ្មីៗនេះនៅតាមបណ្តា ខណ្ឌមួយចំនួន ក្នុងរាជធានីភ្នំពេញ បានចុះយុទ្ធនាការ បង្ក្រាបទី តាំងល្បែង ស៊ីសងខុស ច្បាប់ មានដូចជា ហ្គេមបាញ់ត្រីកម្សាន្ត និងទីតាំងកត់កន្ទុយលេខ ។

ដោយឡែក កាលពីព្រឹកថ្ងៃទី២ ខែមិនា ឆ្នាំ២០១៥ គណៈបញ្ជាការ ឯកភាពរដ្ឋបាល ខណ្ឌដង្កោ ដែលដឹក នាំដោយលោក តិមា សោភា អភិបាលរងខណ្ឌ បានដឹកនាំចុះណែនាំដល់ ម្ចាស់ទីតាំងកន្ទុយលេខ ចំនួន២ទីតាំង ស្ថិតក្នុងភូមិខ្វា សង្កាត់ដង្កោ ឲ្យបញ្ឈប់ជាបន្ទាន់។

មន្ត្រីសាលាខណ្ឌ ដែលចូលរួមនោះ បានប្រាប់ឲ្យដឹងថា អាជ្ញាធរខណ្ឌយើង ចុះមកនេះគឺ ដើម្បីណែនាំដល់ម្ចាស់ ទីតាំង កន្ទុយលេខឲ្យគាត់ឈប់លេងកន្ទុយលេខបន្តទៀតព្រោះថាវាជា ល្បែងស៊ីសងខុសច្បាប់ ហើយការដែលអាជ្ញាធរ ខណ្ឌក៏បានឲ្យម្ចាស់ទីតាំងកត់កន្ទុយលេខធ្វើ កិច្ចសន្យាផងដែរ ដើម្បីកុំឲ្យពួកគាត់ស្តីបន្ទោស មកលើអាជ្ញាធរយើង មិនបានប្រាប់ឬណែនាំជា មុន តែបើក្នុងករណីមិនរាងចាលនោះគឺអាជ្ញាធរខណ្ឌនិងចាត់វិធានការតឹងរ៉ឹងទៅតាមនីតិវិធីនៃ ច្បាប់។

ជាមួយគ្នានេះផងដែរ អភិបាលរងខណ្ឌដង្កោលោក តិមា សោភា ក៏បានបញ្ជាក់ឲ្យដឹង ដែរថា ដោយមាន ការ បញ្ជាផ្ទាល់ ពីអភិបាលនៃគណៈអភិបាលខណ្ឌដង្កោលោក នុត ពុធដារ៉ា ទើបនៅថ្ងៃនេះកម្លាំង គណៈបញ្ជាការ ឯកភាពរដ្ឋបាលខណ្ឌដង្កោ ដឹកនាំដោយរូបលោកផ្ទាល់ចុះដល់ផ្ទះទីតាំង កត់កន្ទុយលេខ ចំនួនពីរទីតាំងនៅក្នុងភូមិខ្វា សង្កាត់ដង្កោ និងមួយទីតាំងទៀត នៅ ឯភូមិទួលសំបូរ សង្កាត់ព្រៃវែង ខណ្ឌដង្កោ ក្នុងគោលឲ្យគាត់បញ្ឈប់បន្ទាន់។ ព្រោះថា ជំហ៊ានដំ បូងយើងណែនាំគាត់សិន និងឲ្យគាត់ធ្វើកិច្ចសន្យា ហើយបើក្នុងករណីគាត់ នៅតែបន្តកត់កន្ទុយ លេខនេះជាដដែលនោះគឺ អាជ្ញាធរខណ្ឌនិងចាត់វិធាន ការទៅតាមច្បាប់។

លោកអភិបាលរង ខណ្ឌដង្កោ តិមា សោភា បានលើកឡើងបន្ថែមថា ដើម្បីចូលរួមអនុវត្ត នូវគោល នយោបាយ ភូមិ-សង្កាត់ មាន សុវត្ថិភាព ឲ្យមានប្រសិទ្ធភាពខ្ពស់ ក្នុងមូលដ្ឋានគឺដាច់ខាត មិនអនុញ្ញាត ឲ្យល្បែងស៊ីសងខុសច្បាប់ណាមួយបានឡើយ ។ ក្នុងនោះក៏សុំឲ្យបងប្អូនប្រជាពល រដ្ឋចូលរួមសហការ ជាមួយអាជ្ញាធរផងដែរ ៕

អភិបាលខេត្ដ ព្រះវិហារ អំពាវនាវ ឱ្យអាជ្ញាធរ មានសមត្ថកិច្ច ជួយទប់ស្កាត់បទ ល្មើសលើស្ដ្រី គ្រប់រូបភាព

E-mail Print PDF

ព្រះវិហារ ៖ អភិបាលខេត្ដព្រះវិហារ លោកអ៊ុំ ម៉ារ៉ា បានធ្វើការអំពានាវ ដល់ អាជ្ញាធរមាន សមត្ថកិច្ចគ្រប់ជាន់ថ្នាក់ នៅក្នុងខេត្ដ ជួយទប់ស្កាត់បទល្មើស ដែល កើតមានទៅលើស្ដ្រីគ្រប់រូបភាព ដូចជាការ ជួញដូរ ការប្រើប្រាស់ គ្រឿងញៀននិងការ ប្រើអំពើហិង្សាក្នុងគ្រួសារ ។

ការថ្លែងអំពាវនាវបែបនេះ បានធ្វើឡើង ក្នុងឱកាសដែលលោកអភិបាលខេត្ដ និងលោកស្រី បានអញ្ជើញចូល រួមជាអធិបតី ភាពនៅក្នុងពិធីអបអរសាទរខួបលើកទី១០៤ សិទ្ធិនារីអន្ដរជាតិ ៨មីនា នៅព្រឹកថ្ងៃទី០៣ ខែមីនា ឆ្នាំ២០១៥ ក្រោមប្រធានបទ “ដំណើរឆ្ពោះទៅមុខ ស្ដ្រីកម្ពុជា ក្រោយសន្និសីទ ស្ដ្រីពិភពលោក ១៩៩៥” ។

នៅក្នុងពិធីនេះ ក៏មានការ អញ្ជើញ ចូលរួមពី សំណាក់ថ្នាក់ ដឹកនាំក្រុម ប្រឹក្សាភិបាល ថ្នាក់ដឹកនាំគណៈអភិបាល កងកម្លាំងប្រដាប់អាវុធ មន្ទីរពាក់ព័ន្ធ  និងមន្ដ្រីរាជការ ជាស្ដ្រី ប្រមាណ៦០០នាក់ ។

នៅចំពោះមុខថ្នាក់ដឹកនាំនិងមន្ដ្រីរាជការ ទាំងអស់ អភិបាលខេត្ដព្រះវិហារ បានថ្លែងបញ្ជាក់ថា «យើងសូមអំពាវនាវឱ្យ លើកកម្ពស់សិទ្ធិនារី និងការបញ្ជ្រៀបយ៉េនឌ័រ និងចូលរួមលើកកម្ពស់សីលធម៌សង្គម» ។

លោកអ៊ុំ ម៉ារ៉ា បានបន្ដទៀតថា «យើងក៏សូមអំពាវនាវឱ្យអាជ្ញាធរមានសមត្ថកិច្ច និងថ្នាក់ដឹកនាំជួយទប់ស្កាត់ អំពើ ហិង្សាក្នុងគ្រួសារ ទប់ស្កាត់និងប្រឆាំងការជួញដូរស្ដ្រី ការជួញដូរមនុស្ស និងការប្រើប្រាស់ ការសេពគ្រឿងញៀន» ។

លោកអភិបាលខេត្ដ ក៏បានលើកឡើងទាក់ទិនទៅនឹងកំណែទម្រង់ស៊ីជំរៅរបស់រាជរដ្ឋាភិបាល នៅក្នុងអាណត្ដិទី៥នេះ ហើយក៏បានផ្ដោតសំខាន់លើការលើកកម្ពស់ សិទ្ធិនារីផងដែរ ។

ក្រោយបញ្ចប់ការសំណេះសំណាលជាមួយមន្ដ្រីរាជការរបស់ខ្លួន លោកអភិបាលខេត្ដ និងលោកស្រី ក៏បានប្រគល់ បាច់ផ្កានិងវត្ថុអនុស្សាវរីយ៍ ជូនថ្នាក់ដឹកនាំជាស្ដ្រី នៅក្នុងជួរក្រុមប្រឹក្សា ខណៈអភិបាល និងមន្ទីរកិច្ចការនារី ។

ដោយឡែកស្ដ្រីដែលបានចូលរួមទាំង៦០០នាក់នោះ លោកអភិបាលខេត្ដនិងលោកស្រី បានចំណាយថវិកា ២២លានរៀល ដោយផ្ដល់ជូនសារុង ម្នាក់មួយនិងថវិកា ២ម៉ឺនរៀល៕

អភិបាលខេត្តព្រះវិហារ អញ្ជើញចូលរួម នៅក្នុងទិវាអបអរសាទរ សិទ្ធិនារី ៨មីនា

លោក អ៊ុំ ម៉ារ៉ា ប្រគល់បាច់ផ្កា ជូនភរិយា

លោក អ៊ុំ ម៉ារ៉ា ប្រគល់បាច់ផ្កា ជូនអភិបាលរងខេត្ត ជាស្រ្តី

លោក ទៀ បាញ់៖ ខ.ម រួមចំណែកអភិវឌ្ឍន៍ ប្រទេសជាមួយ រាជរដ្ឋាភិបាលយ៉ាងច្រើន

E-mail Print PDF

ភ្នំពេញ៖ ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិកម្ពុជា នាយឧត្តមសេនីយ៍ ទៀ បាញ់ បានថ្លែងថា កង យោធពលខេមរភូមិន្ទ (ខ.ម) បានចូលរួមក្នុងកិច្ចការសង្គមជាច្រើន ដើម្បីរួមចំណែកអភិវឌ្ឍន៍ប្រទេសជាតិ ជា  មួយរាជរដ្ឋាភិបាល។

នាយឧត្តមសេនីយ៍ ទៀ បាញ់ បានមានប្រសាសន៍នៅក្នុងពិធីបើកសិក្ខាសាលាបូកសរុបលទ្ធផលការងារកំណែ ទម្រង់កងយោធពលខេមរភូមិន្ទរយៈពេល ៥ឆ្នាំ និងលើកទិសដៅអនុវត្ត ៥ឆ្នាំបន្ត នៅព្រឹកថ្ងៃទី៣ ខែ មីនា ឆ្នាំ ២០១៥ថា ខ.ម បានរួមចំណែកក្នុងការការពារសន្តិសុខ សណ្តាប់ធ្នាប់សង្គមដូចជា បានចូលរួមសហការយ៉ាង ជិតស្និទ្ធជាមួយនគរបាល អាជ្ញាធរដែនដី និង កម្លាំងមានសមត្ថកិច្ចគ្រប់ជាន់ថ្នាក់ ការពារសន្តិសុខសណ្តាប់ធ្នាប់ សុវត្ថិភាពសម បានល្អ ក្នុងពេលបោះឆ្នោត នាពេលកន្លងមក ពិសេសក្នុងពេលមានភាពតានតឹងខាងផ្នែកនយោ  បាយ និងសន្តិសុខសណ្តាប់ធ្នាប់សង្គម ដែលបង្កឡើងដោយក្រុមប្រឆាំង និងក្រុមអគតិឱកាសនិយមមួយចំនួន ដែលមានមហិច្ឆតាប៉ុនប៉ងផ្តួលរំលំរាជរដ្ឋាភិបាលស្របច្បាប់ប្រសូតចេញពីលទ្ធផល នៃការបោះឆ្នោតអាណត្តិទី ៥ ក៏ដូចជាការញុះញង់បង្កហេតុជាច្រើនក្នុងឧបាយកល ដ៏អាក្រក់តាមគ្រប់រូបភាព ដែលពួកគេអាចធ្វើទៅបាន។

លោកបន្តថា ប៉ុន្តែទោះបីជាយ៉ាងណាក៏ដោយ ខ.ម នៅតែរក្សាបាននូវកម្លាំងសាមគ្គី ឯកភាព ក្នុងជួរកងទ័ពរឹង  មាំ គោរព និងអនុវត្តតាមគោលនយោបាយ និងការដឹកនាំរបស់រាជរដ្ឋាភិបាល ការពាររាជរដ្ឋាភិបាលស្របច្បាប់  ការពារសមិទ្ធផលសង្គមជាតិ ការពាររដ្ឋធម្មនុញ្ញ និងភាពស្របច្បាប់របស់ប្រទេសជាតិ ដើម្បីបម្រើផលប្រយោជ  ន៍ដ៏ឧត្តុងឧត្តមរបស់ប្រទេសជាតិ និងភាពសុខសាន្តរបស់ប្រជាពលលរដ្ឋ៕

មន្ទីរសុខាភិបាល ខេត្ដកោះកុង ទទួលកាដូ រថយន្ដសង្គ្រោះ ១គ្រឿង នឹងកំព្យូទ័រ ៥គ្រឿង ពីខេត្ដត្រាត នៃប្រទេសថៃ

E-mail Print PDF

កោះកុង  ៖ មន្ទីរសុខាភិបាល ខេត្ដកោះកុង កាលពីរសៀលម៉ោង ៣និង៣០នាទីថ្ងៃទី២ ខែមីនា ឆ្នាំ២០១៥ បានទទួលកាដូ ចំណងអនុស្សាវរីយ៏ នូវរថយន្ដសង្គ្រោះ នឹងកំព្យូទ័រចំនួន ៥គ្រឿង ពីខេត្ដត្រាត ប្រទេសថៃ ដែលមានព្រំប្រទល់ជាប់ជា ខេត្ដកោះកុង នៃព្រះរាជាណាចក្រកម្ពុជា ។

ពិធីប្រគល់និងទទួលនេះ មានការចូលរួមជាអធិបតី ភាព លោក ផៃ ធូនផ្លាមកេសន អភិបាលរងខេត្ដ  លោក ទៅ មឹង នាយកសុខាភិបាលខេត្ដ ព្រមទាំងមន្ដ្រីនៅក្រោម ឱវាទជាច្រើនរូប ។ចំណែកភាគីថៃជាម្ចាស់កាដូក្រោម ការដឹកនាំ ពីសំណាក់លោក ផៈយ៉ាក់ផាន់ ផូតកែវ អភិបាលរង ខេត្ដត្រាត ព្រមទាំងគណៈប្រតិភូ អមដំណើរ ជាច្រើនរូប ។

លោក ផៃធូន ផ្លាមកេសន អភិបាលរងខេត្ដ បានសំដែងអំណរគុណ ដល់ម្ចាស់ជំនួយថា ក្នុងឱកាសដ៏ឧឡារឹក នេះ លោកសូមសំដែង នូវកាតស្វាគមន៏យ៉ាងកក់ក្ដៅ និងប្រកបដោយមនោសញ្ជេតនា ស្និទ្ធិស្នាលជាទីបំផុត ចំពោះ វត្ដមាន បេសកកម្ម របស់ប្រតិភូ នឹងក្រុមការងារ នៃខេត្ដត្រាត ប្រទេសថៃ ដែលបាននាំនូវអំណោយដ៏ មានសារៈប្រយោជន៏ មកផ្ដល់ជូនមន្ទីរ សុខាភិបាល ខេត្ដកោះកុងនាពេលនេះសម្រាប់ប្រើប្រាស់ ជាប្រយាជន៏ សង្គម ក្នុងការជួយសង្គ្រោះ ប្រជាពលរដ្ឋ ឱ្យទាន់ពេលវេលា នឹងប្រកបដោយ ប្រសិទ្ធិភាពខ្ពស់ ។  

លោកផៃធូន ផ្លាមកេសន បានបន្ដថា  កិច្ចទំនាក់ទំនងប្រកបដោយផ្លែផ្កា នាពេលកន្លងមក បានរំលេចចេញនូវលទ្ធផលល្អៗ ច្រើន ដែលខេត្ដកោះកុង នឹងខេត្ដត្រាត ទទួលបាននូវភាពជាក់ស្ដែងនាពេលនេះ ក្នុង ការសហការគ្នា។ ហើយខេត្ដទាំង ពីរបានជួបជុំគា្ន ដើម្បីរៀបចំពិធីប្រគល់ ទទួលរថយន្ដសង្គ្រោះបន្ទាន់ ដែលបំពាក់ ដោយឧបករណ៏ បរិក្ខាពេទ្យរួចជាស្រេច រួមទាំងសម្ភារៈប្រើប្រាស់ ការិយាល័យមួយចំនួនទៀត ដែលអំណោយរបស់ព្រះរាជាណាចក្រថៃ ជាជំនួយក្នុងវិស័យ សុខាភិបាលខេត្ដកោះកុង ដែលនេះជា សក្ខីភាពឆ្លុះបញ្ជាំង ឱ្យឃើញកាន់តែច្បាស់ថែមទៀត នូវការយកចិត្ដទុក ដាក់ ចំពោះកិច្ចសហប្រតិបត្ដិការ ជាប្រពៃណី រវាង ប្រទេសយើងទាំងពីរ ពិសេសខេត្ដកោះកុង នឹងខេត្ដត្រាតក្នុងការលើកស្ទួយ សុខមាលភាព ប្រជាពលរដ្ឋខេត្ដកោះកុង។

លោក ផៈយ៉ាក់ផាន់ ផូតកែវ អភិបាលរងខេត្ដត្រាត បានមានប្រសាសន៏ថា  ជាការពិតណាស់ខេត្ដត្រាតនឹង ខេត្ដកោះកុង ជាខេត្ដដែលមានព្រំប្រទល់ជាប់គ្នា មានកិច្ចទំនាក់ទំនងល្អ នឹងសហការគ្នា ជាយូមកហើយនូវរាល់កិច្ចការ ជាច្រើន ទាំងវិស័យសេដ្ឋកិច្ច សង្គមកិច្ច ទេសចរណ៏ ជាពិសេសកិច្ច សហប្រតិបតិការ ល្អលើវិស័យ សុខាភិបាល ។

ហើយនាពេលកន្លងមក មន្ទីរសុខាភិបាលខេត្ដទាំងពីរ បានអនុវត្ដន៏សហប្រតិបត្ដិការល្អ ជាមួយគ្នាលើការងារ ប្រយុទ្ធជម្ងឺ  ឆ្លង នឹងការបណ្ដុះបណា្ដល ពង្រឹងសមត្ថភាព មន្ដ្រីសុខាភិបាលការពង្រឹង និងអភិវឌ្ឍន៏មូលដ្ឋាន សុខាភិបាល ជាពិរសស នៅមណ្ឌលសុខភាពអណ្ដូងទឹក នឹងមនីរពេទ្យខេត្ដ ដើម្បីធ្វើការផ្លាស់ប្ដូរបទពិសោធន៏ ការងារគ្នាទៅវិញទៅមកតាមរយៈកិច្ច ប្រជុំពិគ្រោះយោបល់ សិក្ខាសាលា នឹងទស្សនកិច្ចសិក្សា លើលើមុខជំនាញសំខាន់ៗ សំដៅបង្កើតនូវសមត្ថភាព ចំណេះដឹង ទាំងផ្នែកបច្ចេកទេស និងបទពិសោធន៏ក្នុងន័យ រួមគ្នាលើកំពស់ប្រសិទ្ធិភាព ការងារពិសេស លើបញ្ហាទប់ស្កាត់ការាត្បាត ជម្ងឺឆ្លងថ្មីៗនៅតាមព្រំដែននៃប្រទេសយើងទាំងពីរផងដែរ ៕

នាយករដ្ឋមន្រ្តី ជំរុញលើកកម្ពស់ វប្បធម៌ និងសិល្បៈបុរាណខ្មែរ

E-mail Print PDF

ភ្នំពេញ៖ នាយករដ្ឋមន្រ្តីកម្ពុជា សម្តេចតេជោ ហ៊ុន សែន បានជំរុញអ្នកពាក់ព័ន្ធរួមគ្នាលើកកម្ពស់វប្បធម៌ និង សិល្បៈបុរាណរបស់ខ្មែរឲ្យបានកាន់តែទូលំទូលាយ គ្រាដែលបច្ចុប្បន្នសិល្បៈវប្បធម៌បុរាណជាច្រើនទម្រង់ មិន សូវមានអ្នកកោះកកាយមកបង្ហាញនោះឡើយ ក្រៅតែពីសិល្បៈចម្រៀងសម័យទំនើប។

យុវវ័យរបស់ខ្មែរនាពេលបច្ចុប្បន្នភាគច្រើនបំផុតមិនសូវបានជ្រួតជ្រាបពីសិល្បៈបុរាណរបស់ខ្មែរ ដែលមានច្រើន  ទម្រង់នោះឡើយ ព្រោះតាមកញ្ចក់ទូរទស្សន៍ និង កម្មវិធីកម្សាន្តនានា បានលើកមកផ្សព្វផ្សាយច្រើនបំផុតតែ សិល្បៈចម្រៀងសម័យទំនើប ដោយឡែកសិល្បៈរបាំ ចម្រៀងអាយ៉ៃ ចាប៉ី និងទម្រង់សិល្បៈផ្សេងៗទៀត ស្ទើរតែត្រូវបានគេបំភ្លេចចោលទៅហើយ។

ដើម្បីជួយជំរុញផ្សព្វផ្សាយនូវវប្បធម៌ និងសិល្បៈបុរាណដល់កុលបុត្រខ្មែរឲ្យបានផុលផុសនោះ សម្តេចតេជោ  ហ៊ុន សែន ក្នុងឱកាសអញ្ជើញជាអធិបតីក្នុងទិវា «វប្បធម៌ជាតិ ៣មីនា» នាព្រឹកថ្ងៃទី០៣ ខែមីនា ឆ្នាំ២០១៥នេះ  បានប្រកាសអំពាវនាវដល់អ្នកសិល្បៈវ័យក្មេងជំនាន់ថ្មី ត្រូវផ្សាភ្ជាប់ និងបង្កើនទំនាក់ទំនងអ្នកសិល្បៈជើងចាស់  ដើម្បីស្វែងយល់ឲ្យបានកាន់តែច្រើនថែមទៀតពីសិល្បៈបុរាណរបស់ខ្មែរ ទាំងរូបិយ និងអរូបិយ មានដូចជា  សិល្បៈចម្រៀងអាយ៉ៃ ចាប៉ីដងវែងជាដើម។

សម្តេចក៏បានអំពាវនាវផងដែរ ដល់ម្ចាស់ក្រុមហ៊ុននានា ជួយផ្សព្វផ្សាយពាណិជ្ជកម្ម និងឧបត្ថម្ភកម្មវិធី ឲ្យបាន ច្រើនក្នុងកម្មវិធីវប្បធម៌ ដែលចាក់ផ្សាយលើកកញ្ចក់ទូរទស្សន៍ ដើម្បីជំរុញការផ្សព្វផ្សាយវប្បធម៌របស់ខ្មែរឲ្យបាន កាន់ទូលំទូលាយ។

សម្តេចតេជោ បានបន្តថា ការហូរចូល និងទទួលយកនូវវប្បធម៌បរទេស គ្មាននរណាម្នាក់ចាប់បង្ខំនោះទេ តែវា ត្រូវបានទទួលយកទាំងមិនដឹងខ្លួន សម្តេចបានស្នើឲ្យមានការផ្សព្វផ្សាយនូវវប្បធម៌របស់ខ្មែរឲ្យបានកាន់តែខ្លាំង ចៀសវាងកូនខ្មែរលែងស្គាល់វប្បធម៌របស់ខ្លួន៕

CL Realty ប្រកាសលក់ ដីនិងផ្ទះ ស្ថិតនៅតំបន់ ទួលស្វាយព្រៃ

E-mail Print PDF

ភ្នំពេញ៖ ក្រុមហុ៑នអចលនទ្រព្យ ឆៃលីន ស៊ា រៀលធី ហៅកាត់ (ស៊ីអ៊ិល) ប្រកាសលក់ ដីនិងផ្ទះ ស្ថិតនៅតំបន់ទួលស្វាយព្រៃ ដែលមានទំហំដី ១៨.៥ម x ២៥ម បែរមុខទៅទិសខាងលិច លក់ក្នុងតំលៃ ១លាន ៤សែន ដុល្លារ ( អាចចរចារបានបន្តិចបន្តួច ) មានប្លង់រឹងស្រាប់ ។ លោកអ្នកដែលមាន បំណងដែលចង់ទិញ ដើម្បីសាងសង់អាគារ ទិញដើម្បីស្នាក់នៅ ពិតជាល្អ ព្រោះតំបន់ជាតំបន់នេះ កំពុង មានការរីកចំរើនខ្លាំង និងមានក្រុមហ៊ុន និង សហគ្រិនជាច្រើនកំពុងតែបោះទីតាំង នៅតំបន់នេះ ។ តំបន់នេះ មានសុវត្ថិភាពល្អ មិនសូវស្ទះផ្លូវ មានភាពងាយស្រួលក្នុងការ ធ្វើដំណើរ ទៅទីតាំងផ្សេងៗ ក្នុងទីក្រុងភ្នំពេញ ព្រោះទីតាំងស្ថិតនៅ ទីតាំងដែលល្អ ។

សូមបញ្ជាក់ថា ក្រុមហ៊ុនអចលនទ្រព្យ ឆៃលីន ស៊ា រៀលធី ជាក្រុមហ៊ុនដែល មានជំនាញ វាយតម្លៃអចលនទ្រព្យច្បាស់ ដែលបានចុះបញ្ជីរពាណិជ្ជកម្មលេខ ០៥៣៥/២០១៣ ពណ.ចបព, មានអជ្ញាប័ណ្ណ វាយតម្លៃអចលនវត្ថុលេខ១២២ សហវ.ឧហ, អជ្ញាប័ណ្ណសេវាកម្មអចលនវត្ថុលេខ ១១៩ សហវ.ឧហ, ប័ណ្ណប៉ាតង់សំរាប់សេវាកម្មអចលនវត្ថុលេខ០១២៧៦ អពដ/សខ/ចម, និង វិញ្ញាបនប័ត្រវាយតម្លៃ អចលវត្ថុលេខ ០២៥៣៥ អពដ/សខ/ចម និងជាសមាជិក សមាគមអ្នកវាយតំលៃ និង សេវាកម្មអចលន វត្ថុកម្ពុជាលេខ ០០២៤ ស.វ.អ.ក។

សម្រាប់ព័ត៌មានបន្ថែម៖ 078 400 400 / www.cl-realty.com         

ផលិតករក្នុងស្រុក មិនអត់ឱនចំពោះ ការប្រើប្រាស់ពលកម្មកុមារ

E-mail Print PDF

ភ្នំពេញ៖ បណ្តាផលិតករក្នុងស្រុក បានថ្លែងអះអាងអំពីការជំរុញ “គ្មានពលកម្មកុមារ” នៅក្នុងប្រទេសកម្ពុជា ដែលនេះ គឺជាសារដ៏សំខាន់មួយសម្រាប់ម្ចាស់សហគ្រាស និងផលិតកម្មនានា ឱ្យចូលរួមចំណែកគិតគូរនិងលើកកម្ពស់សិទ្ធិកុមារ។

ការថ្លែងបែបនេះ ត្រូវបានធ្វើឡើង នៅក្នុងសិក្ខាសាលាមួយ រៀបចំឡើងដោយក្រុមហ៊ុនភ្នំពេញស៊ូហ្គើរ នៅឯរោងចក្រផលិតស្ករសរបស់ខ្លួន កាលពីពេលថ្មីៗនេះ។

សិក្ខាសាលាដែលត្រូវរៀបចំមួយឆ្នាំម្ដង ត្រូវបានបង្កើតឡើងដើម្បីជូនដំណឹង និងអប់រំដល់អ្នកផ្គត់ផ្គង់ ឬផ្ដល់សេវានានា និងដៃគូរបស់ក្រុមហ៊ុនភ្នំពេញស៊ូហ្គើរ ឲ្យបានជ្រាបថា ក្រុមហ៊ុននឹងមិនអត់ឱនចំពោះការប្រើប្រាស់ពលកម្មកុមារនៅក្នុងចម្ការអំពៅ និងនៅរោងចក្ររបស់ក្រុមហ៊ុនឡើយ ។ ក្រុមហ៊ុនក៏នឹងមិនអត់ឱនចំពោះការប្រើប្រាស់កុមារនៅក្នុងអាជីវកម្មនានារបស់អ្នកផ្គត់ផ្គង់ ឬផ្តល់សេវា និងដៃគូនានា របស់រោងចក្រ និងចម្ការអំពៅរបស់ក្រុមហ៊ុននោះដែរ ។

លោក សេង ញ៉ក់ នាយកក្រុមហ៊ុនភ្នំពេញស៊ូហ្គើរ បានមានប្រសាសន៍ថា “ក្រុមហ៊ុនភ្នំពេញសូហ្គើរ បានដាក់ចេញនូវគោលការណ៍គ្មានការអត់ឱន ចំពោះការប្រើប្រាស់ពលកម្មកុមារ ហើយដើម្បីអនុវត្តនូវគោលការណ៍នេះ ក្រុមហ៊ុននឹងចាត់វិធានការផាកពិន័យ និងដាក់ទោសទ័ណ្ឌតាមការចាំបាច់ ចំពោះក្រុមហ៊ុន បុគ្គល ឬដៃគូណាដែលមិនគោរពតាមគោលការណ៍នេះ” ។

សិក្ខាសាលាត្រូវបានរៀបចំដំបូងឡើយនៅឆ្នាំ ២០១៣ ដើម្បីអប់រំដល់ស្ថាប័ន ឬក្រុមហ៊ុនដែលផ្គត់ផ្គង់ ឬផ្ដល់សេវាដល់ក្រុមហ៊ុនភ្នំពេញស៊ូហ្គើរ អំពីគោលការណ៍ដ៏តឹងរ៉ឹងរបស់ក្រុមហ៊ុនប្រឆាំងនឹងការប្រើប្រាស់កុមារមិនទាន់គ្រប់អាយុ ។ ចាប់តាំងពីពេលនោះមក ក្រុមហ៊ុនបានដំឡើងផ្ទាំងប៉ាណូ ដែលសរសេរថា “គ្មានពលកម្មកុមារ” នៅតាមទីតាំងមួយចំនួននៅក្នុងចម្ការ ។ ផ្ទាំងប៉ាណូនោះ នឹងជួយប្រាប់ដល់អ្នកភូមិអ្នកស្រុកដែលធ្វើការនៅក្នុងចម្ការអំពៅ កុំឲ្យយកកូនចៅរបស់ខ្លួនមកកន្លែងធ្វើការឲ្យសោះ៕

នគរបាល ព្រហ្មទណ្ឌ កម្រិតធ្ងន់ តាមចាប់ជនសង្ស័យ គាស់ទ្វារគុក ខណ្ឌឫស្សីកែវ

E-mail Print PDF

ភ្នំពេញ ៖ មុខសញ្ញាលួច ដ៏សកម្មម្នាក់ ដែលបានគាស់ទ្វារ មន្ទីរឃុំឃាំង របស់អធិការ ដ្ឋាននគរបាល ខណ្ឌឫស្សីកែវ រត់គេចខ្លួន កាលពីអំឡុងឆ្នាំ២០១៤ កន្លងទៅនោះ ត្រូវបាននគរបាល ការិយាល័យ ព្រហ្មទណ្ឌកម្រិតធ្ងន់ រាជធានីភ្នំពេញ ឃាត់ខ្លួន កាលពីយប់ថ្ងៃទី០២ ខែមីនា ឆ្នាំ២០១៥ ។

មន្ដ្រីនគរបាល ការិយាល័យ ព្រហ្មទណ្ឌកម្រិតធ្ងន់ រាជធានីភ្នំពេញ បានឱ្យដឹងថា ជនជាប់ចោទរូបនេះ ត្រូវបាន ចាប់ខ្លួន កាលពីវេលា ម៉ោង៧និង៣០នាទី យប់ថ្ងៃទី០២ ខែមីនា ស្ថិតនៅចំណុចជិតវិហារចាម ប្លុកបឹងកក់ សង្កាត់ស្រះចក ខណ្ឌដូនពេញ ។

មន្ដ្រីនគរបាលរូបនេះ បានបន្ដទៀតថា ការឃាត់ខ្លួន មុខសញ្ញាខាងលើនេះ បានធ្វើឡើងដោយ យោងតាមដីកាបញ្ជា ឱ្យចាប់ខ្លួន ពីសំណាក់លោក លាង សំណាត់ ចៅក្រមស៊ើបសួរ រាជធានីភ្នំពេញ ចុះថ្ងៃទី២០ ខែសីហា ឆ្នាំ២០១៤ ។

មន្ដ្រីនគរបាលរូបនេះ បានបញ្ជាក់ថា កាលពីឆ្នាំ២០១៤ ជនសង្ស័យត្រូវបាន នគរបាលខណ្ឌឫស្សីកែវ ចាប់ខ្លួន រួចហើយយកទៅឃុំ នៅមន្ទីរឃុំឃាំង នៃអធិការដ្ឋាន នគរបាលខណ្ឌ ក្រោយពីធ្វើសកម្មភាពលួចទ្រព្យសម្បត្ដិ របស់ប្រជាពលរដ្ឋ ។

ពេលត្រូវបានឃុំខ្លួន នៅមន្ទីរឃុំឃាំងនោះ ស្រាប់តែជននេះរួមជាមួយបក្ខពួកបានរួមគ្នា អារចំរឹងដែក រត់គេចខ្លួន ។

ក្រោយមានហេតុការណ៍ ខាងលើនេះ កើតឡើង ស្នងការនគរបាល រាជធានីភ្នំពេញ និងស្នងការរង នគរបាល ទទួលផែនព្រហ្មទណ្ឌ លោក ជួន ណារិន្ទ បានបញ្ជា ឲ្យុការិយាល័យជំនាញ តាមធ្វើការស្រាវជ្រាវ ដើម្បីតាមចាប់ខ្លួនត្រឡប់មកវិញ ។

បើមន្រ្តី នគរបាល បានឲ្យដឹងថា ជនសង្ស័យរូបនេះមានឈ្មោះ កែវ វិចិត្រ ហៅ វៀត កែវ ភេទ ប្រុស អាយុ២៤ឆ្នាំ រស់នៅចំណុចវិហារចាម។

ក្រោយការ ចាប់ខ្លួន នៅព្រឹកថ្ងៃទី៣ ខែមីនា ឆ្នាំ២០១៥ នគរបាល បាននិងកំពុងកសាង សំណុំរឿង បញ្ជូនទៅ កាន់តុលាការចាត់ការ តាមផ្លូវច្បាប់៕

លោក លី ឆេង ចុះផ្សព្វផ្សាយ សេចក្តីសម្រេចចិត្ត នៃមហាសន្និបាត វិសាមញ្ញ តំណាង ទូទាំង ប្រទេស របស់គណបក្ស ប្រជាជនកម្ពុជា ដល់ប្រធានក្រុមបក្ស សង្កាត់ស្ពានថ្ម ខណ្ឌដង្កោ

E-mail Print PDF

ភ្នំពេញ ៖ ព្រឹកថ្ងៃទី០១ ខែ មីនា ឆ្នាំ ២០១៥ នៅទីស្នាក់ការគណបក្ស ប្រជាជនកម្ពុជា សង្កាត់ស្ពានថ្ម ខណ្ឌដង្កោ រាជធានី ភ្នំពេញ ក្រុមការងារចុះជួយ សង្កាត់ស្ពានថ្ម បានរៀបចំកម្ម ពិធីផ្សព្វផ្សាយ សេចក្តី សម្រេចចិត្ត នៃមហាសន្និបាត វិសាមញ្ញ តំណាងទូទាំងប្រទេស របស់គណបក្ស ប្រជាជនកម្ពុជា ដល់ ប្រធានក្រុមបក្ស សង្កាត់ស្ពានថ្ម ខណ្ឌដង្កោ រាជធានីភ្នំពេញ ក្រោមអធិបតីភាពរបស់ លោក លី ឆេង អនុប្រធានក្រុមការងារ ចុះជួយខណ្ឌដង្កោ និងជាប្រធានក្រុមការងារ ចុះជួយ សង្កាត់ស្ពានថ្ម និងមានការ រួមដំណើរដោយ ឯកឧត្តម អស់លោក លោកស្រីជាប្រធាន -អនុប្រធានក្រុមការងារ ចុះជួយភូមិ ទាំង៨ ព្រមទាំងមានការ ចូលរួមពីប្រជាពលរដ្ឋ សមាជិកសមាជិកាបក្សចំនួន ២៥០នាក់ ។

បន្ទាប់ពី លោក រស់ រឿន ប្រធានគណៈកម្មាធិការបក្សសង្កាត់ស្ពានថ្ម បានធ្វើសេចក្ដីរាយ ការណ៍ពី ស្ថានភាពបច្ចុប្បន្ន របស់សមាជិក សមាជិការបក្សរួចមកលោក រ៉េត ច័ន្ទធន ជំនួយការ លោកប្រធាន ក្រុមការងារ ចុះជួយសង្កាត់ស្ពានថ្ម បានអានសេចក្តីសម្រេចចិត្ត នៃមហាសន្និបាតវិសាមញ្ញ តំណាងទូទាំង ប្រទេសរបស់គណបក្ស ប្រជាជនកម្ពុជា ជូនដល់សមាជិក សមាជិការ ប្រធានក្រុមបក្សទាំអស់ ដើម្បីយក ទៅ អនុវត្តឲ្យបានល្អប្រសើរ និងទទួលបាន ជោគជ័យទៅថ្ងៃអនាគត ។

លោក លី ឆេង បានលើកឡើងពីការដឹកនាំ ដ៏ឈ្លាសវៃរបស់គណបក្ស ប្រជាជនកម្ពុជា ដែលមានសម្ដេច ទាំងបីជាប្រមុខ ជាពិសេស សម្ដេច អគ្គមហាសេនាបតីតេជោហ៊ុន សែននាយករដ្ឋមន្រ្តី នៃព្រះរាជាណា ចក្រកម្ពុជា តាមរយៈគោល នយោបាយ ឈ្នះឈ្នះ ដែលធ្វើឲ្យប្រទេសជាតិ មានសុខសន្តិភាព មាន ស្ថេរភាពនយោបាយ មានការអភិវឌ្ឍលើគ្រប់វិស័យ ។ លោក ក៏ផ្តាំផ្ញើដល់សមាជិក សមាជិការ ប្រធាន ក្រុមបក្ស សង្កាត់ស្ពានថ្មទាំងអស់ ឲ្យខិតខំចញ្ចឹមចលនាក្រុមបក្ស និងរក្សាឲ្យបាននូវសាមគ្គីផ្ទៃក្នុងរឹងមាំល្អ ដើម្បីទទួលបានជោគជ័យទៅថ្ងៃអនាគត ។

លោក ក៏បានណែនាំឲ្យសមាជិកសមាជិការបក្សទាំងអស់ -ឲ្យប្រឹងប្រែងពង្រឹងសម្ថភាពខ្លួនឯង ត្រូវស្គាល់ពីតួនាទី ភារកិច្ចរបស់ខ្លួន និងប្រព្រឹត្តតែអំពើល្អ ដើម្បីធ្វើជាគំរូដល់សមាជិកបក្ស-ត្រូវចេះ ផ្សព្វផ្សាយនូវគោល នយោបាយដ៏ល្អ របស់បក្ស-ត្រូវចេះណែនាំ បងប្អូន ឲ្យប្រព្រឹត្តតែអំពើល្អ ចេះគោរព ច្បាប់ជៀសវាងនូវអំពើអបាយ មុខផ្សេងៗនិង ចេះយកអាសារអ្នកជិតខាងដោយមិនរើសអើង-ត្រូវចេះជួយ ដល់បងប្អូន ញាត្តិ មិត្តិ របស់ខ្លួនទាំងអស់ដែលមានទុក្ខលំបាក ដឹងសុខ ដឹងទុក្ខ និងជួយណែ នាំពួកគាត់ ឲ្យប្រព្រឹត្តតែអំពើល្អ រួមចំណែកការពារ និងអនុវត្តនូវភូមិ-ឃុំ សុវត្តិភាពឲ្យបាន ល្អប្រសើរ ។

លោកក៏បានសន្យាថា នឹងខិតខំជួយអភិវឌ្ឍសង្កាត់ស្ពានថ្មឲ្យបានរើកចំរើនបន្ថែមទៀត  រួមទាំងការ សាងសង់សាលា ធម្មសភា -ចូលបុណ្យប្រជាជនសង្កាត់ស្ពានថ្ម ដែលទទួលមរណៈភាពក្នុងម្នាក់ ចំនួន ២០ម៉ឺនរៀល-ឧបត្ថមប្រាក់ដល់ស្ត្រី ដែលសំរាលកូន១នាក់១០ម៉ឺនរៀល -ឧបត្ថមប្រាក់ខែ ជូនលោកគ្រូ-អ្នកគ្រូ ដែលកំពុងបង្រៀនភាសាអង់គ្លេស នៅសាលា បឋមសិក្សាស្ពានថ្ម ជារៀងរាល់ខែ-បន្តផ្តល់ អាហារូបករណ៏ដល់ កូនចៅប្រជាពលរដ្ឋ សង្កាត់ស្ពានថ្មបន្ថែមទៀត សម្រាប់សិក្សា នៅសាកលវិទ្យាល័យ ប៊ែលធី អន្តរជាតិផងដែរ ៕

ដោះលែង ស្ត្រីមានផ្ទៃពោះ និងស្ត្រីមានកូននៅជាមួយ ក្នុងពន្ធនាគារ ផ្តល់ភាពធូរស្រាល តែមិនទាន់ដោះស្រាយបញ្ហា ចម្បង នៅឡើយ

E-mail Print PDF

ភ្នំពេញ ៖ អង្គការលីកាដូ បានស្វាគមន៍ចំពោះការដោះលែង ស្រ្តីមានផ្ទៃពោះ និងស្រ្តីមានកូននៅជាមួយ ក្នុងពន្ធនាគារ ដោយបានផ្តល់ភាពងាយស្រួល ទៅដល់ពួកគេ ប៉ុន្តែ មិនទាន់ដោះស្រាយបញ្ហាចម្បងនានានៅឡើយទេ ។

លីកាដូបានចេញសេចក្តីថ្លែងការណ៍មួយ កាលពីថ្ងៃទី២ ខែកុម្ភៈ ឆ្នាំ២០១៥ ដោយក្នុងនោះ បានលើកបង្ហាញថា លោកស្រីវេជ្ជបណ្ឌិត ពុង ឈីវកេក ប្រធានអង្គការបាន “ ស្វាគមន៍ចំពោះការដែលរាជរដ្ឋាភិបាលកម្ពុជា នឹងធ្វើការដោះលែងស្ត្រីមានផ្ទៃពោះមួយចំនួន និងម្តាយដែលមានកូនរស់នៅជាមួយក្នុងពន្ធនាគារ”។ “ប៉ុន្តែយើងសង្ឃឹមថា គណៈកម្មការ នឹងធ្វើការដោះស្រាយនូវបញ្ហាចម្បងនានា ដែលនឹងបន្តជះឥទ្ធិពលអវិជ្ជមាន ដល់ស្ត្រីដែលជាប់ពន្ធ នាគារ និងក្រុមគ្រួសារ របស់អ្នកទាំងនោះនៅថ្ងៃអនាគត”។

អង្គការលីកាដូ នៅតែបន្តគាំទ្រកិច្ចខិតខំប្រឹងប្រែង ក្នុងការធានាថា ទារកទើបកើត និងកុមារតូចៗ មានឱកាសនៅជា មួយម្តាយរបស់អ្នកទាំងនោះ នៅក្នុងពន្ធនាគារកម្ពុជា ប៉ុន្តែ ត្រឹមតែក្នុងកាលៈទេសៈដែលការរស់នៅក្នុងពន្ធនាគារនោះ អាចផ្តល់ប្រយោជន៍ច្រើនបំផុត ដល់កុមារប៉ុណ្ណោះ។ សម្រាប់កុមារ និងម្តាយរបស់អ្នកទាំងនោះ និងស្ត្រីមានផ្ទៃពោះ ដែលមិនទទួលបានប្រយោជន៍ ពីការលើកលែងទោសឥឡូវនេះ អង្គការលីកាដូ សូមសំណូមពរឲ្យមានវិធានការជា បន្ទាន់ ដើម្បីធ្វើឲ្យប្រសើរឡើង នូវស្ថានភាពរបស់អ្នកទាំងនោះ រួមមានកាបង្កើនថវិកាទិញម្ហូបអាហារសម្រាប់កុមារ និងស្ត្រីមានផ្ទៃពោះ ហើយធានាថា កុមារទាំងនោះទទួលបានថ្នាំបង្ការមេរោគស្របតាមបទដ្ឋានជាតិ ។

បច្ចុប្បន្ន អង្គការលីកាដូ កំពុងធ្វើការស្រាវជ្រាវ អំពីផលប៉ះពាល់នៃការឃុំខ្លួនរបស់ម្តាយ ទៅលើកូនៗរបស់អ្នកទាំង នោះដែលរស់នៅក្រៅពន្ធនាគារ។ ការរកឃើញដំបូង បង្ហាញថា ផលប៉ះពាល់អវិជ្ជមានយ៉ាងខ្លាំង ទៅលើគ្រួសារមួយ ចំនួន នៅពេលម្តាយម្នាក់ ត្រូវបានជាប់ពន្ធនាគារ ពីបទល្មើសតូចតាច។ ក្នុងករណីជាច្រើន នគរបាល និងអាជ្ញាធរតុលាការ មិនបានសួរថា តើស្ត្រីម្នាក់នោះមានកូនឬទេ ឬពិចារណាថា តើអ្នកណានឹងមើលថែរក្សាអ្នកទាំងនោះ មុន ពេលសម្រេចចាប់ ឬឃុំខ្លួន ។

គណៈកម្មការចម្រុះមួយ ដែលដឹកនាំដោយក្រសួងយុត្តិធម៌ បានប្រកាសថា ស្ត្រីដែលជាប់ ពន្ធនាគារចំនួន ១៦នាក់ ដែលក្នុងនោះរួមមាន ១៥នាក់ ជាស្ត្រីដែលមានកូនរស់នៅជាមួយក្នុងពន្ធនាគារ និងម្នាក់ជាស្ត្រីដែលមានផ្ទៃពោះ នឹង ត្រូវបានដោះលែង នៅមុនទិវាសិទិ្ធនារីអន្តរជាតិនាថ្ងៃទី៨ ខែមីនា ឆ្នាំ២០១៥។ គណៈកម្មការ ក៏បានជូនដំណឹងថារាជរដ្ឋាភិបាល ក៏មានផែនការដោះលែងស្ត្រីមានផ្ទៃពោះ និងស្ត្រីដែលមានកូននៅជាមួយក្នុងពន្ធនាគារជារៀងរាល់ឆ្នាំ ៕

នគរបាលខេត្ដ កំពង់ធំ បើកប្រតិបត្ដិការ បង្ក្រាបមុខសញ្ញា គ្រឿងញៀន ឃាត់ខ្លួនជន សង្ស័យ៤នាក់ និងវត្ថុតាង មួយចំនួនធំ

E-mail Print PDF

-ជនសង្ស័យម្នាក់  ជាមន្ត្រីនគរបាល នាយកដ្ឋាន អន្តរាគមន៍ក្រសួង មហាផ្ទៃ

កំពង់ធំ ៖ ក្នុងរយៈពេល ប៉ុន្មានថ្ងៃមក នេះ  កម្លាំងនគរបាល ការិយាល័យប្រឆាំង គ្រឿងញៀន សហការ ជាមួយ នគរបាល មូល ដ្ឋានក្រុងស្ទឹងសែន បានបើកប្រតិបត្ដិការ បង្ក្រាបករណីជួញ ដូរនិងប្រើប្រាស់គ្រឿង ញៀន ដោយ ឃាត់ខ្លួនជនសង្ស័យ ៤នាក់ ក្នុងនោះមានស្ដ្រីម្នាក់ ព្រមទាំងដកហូតវត្ថុតាង មួយចំនួនធំ ។

ស្នងការរង និងជាប្រធានសេនាធិការ ខេត្ដកំពង់ធំ លោកកែវ ហួរ បានបញ្ជាក់ថា គិតចាប់ពីថ្ងៃទី២៦ ខែកុម្ភៈ ដល់ថ្ងៃទី០១ ខែមីនា ឆ្នាំ២០១៥ កម្លាំងនគរបាលបានបើក ប្រតិបត្ដិការបង្ក្រាបបទ ល្មើសជួញ ដូរនិងប្រើ ប្រាស់គ្រឿងញៀន ចំនួន៣ករណី នៅក្រុងស្ទឹងសែន ដោយឃាត់ខ្លួនជនសង្ស័យ ៤នាក់និង វត្ថុតាងប្រភេទ មេតំហ្វេតាមីន ០,១២ក្រាម ប្រាក់ដុល្លារ ៦០ដុល្លារ ប្រាក់ បាត ១០០០បាត ប្រាក់រៀល ៥០ម៉ឺនរៀល និងទូរស័ព្ទដៃចំនួន៧គ្រឿង ។

លោកកែវ ហួរ បានបញ្ជាក់ថា ក្រោមការដឹកនាំបញ្ជាផ្ទាល់ ពីសំណាក់ស្នងការ នគរបាលខេត្ដ លោកឧត្ដម សេនីយ៍ ជូ សំអាន និងមានការសម្របសម្រួលផ្នែកផ្លូវ ច្បាប់ពីព្រះរាជអាជ្ញាអមសាលាដំបូងខេត្ដកំពង់ធំ ផងនោះ កម្លាំង នគរបាល បានបើកការ ស្រាវជ្រាវនិងចុះទៅឆែកឆេរនៅផ្ទះសំណាក់មនោរម្យ ភូមិទី១ សង្កាត់កំពង់ធំ ក្រុងស្ទឹងសែន កាលពីរសៀលថ្ងៃទី២៦ ខែកុម្ភៈ ឆ្នាំ២០១៥។

ជនសង្ស័យពីរនាក់ ត្រូវបាន ចាប់ខ្លួននៅក្នុងប្រតិបត្ដិការខាងលើនេះ ទី១ ឈ្មោះស៊ុន គឹមឡាយ ភេទប្រុស អាយុ ១៩ឆ្នាំ មុខរបរសិស្ស រស់នៅភូមិសាន់គរ (ខ) ឃុំសាន់គរ ស្រុកកំពង់ស្វាយ និងទី២ ឈ្មោះសាន ពិសី ភេទស្រី អាយុ១៧ឆ្នាំ មុខរបរលក់ផ្លែឈើ នៅភូមិបាល្លង្គ សង្កាត់ដំរីជាន់ខ្លា ក្រុងស្ទឹងសែន ។

តាមស្នងការរងរូបនេះ ក្រោយពីបញ្ចប់ ប្រតិបត្ដិការបង្ក្រាបករណីគ្រឿងញៀនខាង លើនេះ កម្លាំង នគរបាល ដែលដឹកនាំ ដោយតំណាងអយ្យការ បានបន្ដទៅបង្ក្រាបមួយករណីទៀត នៅតាមទីសាធារណៈ ក្នុងភូមិព្រៃបន្លិច សង្កាត់អាចារ្យលក្ខ័ ក្រុងស្ទឹងសែន កាលពី រសៀលថ្ងៃទី២៨ ខែកុម្ភៈ ដោយឃាត់ខ្លួន ជនសង្ស័យម្នាក់ ឈ្មោះលឹម ដារ៉ារត្ន័ ភេទ ប្រុស អាយុ៣៣ឆ្នាំ ជាមន្ដ្រីនគរបាលនាយកដ្ឋានអន្ដរាគមន៍ ឋានៈនាយរងផ្នែក រស់នៅភូមិទី១ សង្កាត់អូរឫស្សី ខណ្ឌ៧មករា  ដោយដកហូត ថ្នាំញៀន ប្រភេទ មេតំហ្វេតាមីន ០,៩ក្រាម លុយ៥០ម៉ឺនរៀល ៦០ដុល្លារ ១០០០បាត និងទូរស័ព្ទ ៣គ្រឿង ។

លោកកែវ ហួរ បានបញ្ជាក់ទៀតថា ក្រោយពីបញ្ចប់ការសួរនាំ ជនសង្ស័យទាំងនេះ កម្លាំងសមត្ថកិច្ច បានបន្ដទៅបង្ក្រាប ករណីគ្រឿងញៀនមួយទៀត កាលពីរសៀលថ្ងៃទី០១ ខែមីនា ឆ្នាំ២០១៥ ស្ថិត នៅផ្ទះសំណាក់ ចំរើនលាភ ភូមិកំពង់ធំ សង្កាត់កំពង់ធំ ដោយឃាត់ខ្លួនជនសង្ស័យ ម្នាក់ទៀត ឈ្មោះអ៊ឹង សុផល អាយុ៣៥ឆ្នាំ មុខរបរបើកត្រាក់ទ័រ នៅភូមិពោធិ៍ ឃុំសំពងជ័យ ស្រុកជើងព្រៃ ខេត្ដកំពង់ចាម ដោយដកហូតម៉ាទឹកកកមួយកញ្ចប់តូច និងទូរស័ព្ទដៃពីរគ្រឿង ។

បច្ចុប្បន្នជនសង្ស័យទាំងនេះ ត្រូវបាន សមត្ថកិច្ចកសាងសំណុំរឿងបញ្ជូនទៅកាន់ តុលាការចាត់ការបន្ដ តាមផ្លូវច្បាប់ ៕

Page 4 of 339