left
Safe Home
Safe Home
Safe Home

Dap News...Admin

Thursday, Jul 30th

| English Version | dapnews: 012 571 704, 097 9999 883, email: lim.cheavutha@gmail.com

You are here:

គណៈដឹក​នាំ​ជាន់​ខ្ពស់​នៃ​សាសនា​ឥស្លាម​កម្ពុជា រៀប​ចំ​ពិធី​ប្រលង​ទន្ទេញ​គម្ពីរ​អាល់​គួរ​អាន​លើក​ទី១​នៅ​កម្ពុជា

E-mail Print PDF

ភ្នំពេញ៖ គណៈដឹកនាំជាន់ខ្ពស់ នៃ សាសនាឥស្លាមកម្ពុជា នៅព្រឹកថ្ងៃទី៣០ ខែកក្កដា ឆ្នាំ២០១៥ បានរៀបចំពិធីប្រលងទន្ទេញ សូត្រគម្ពីរអាល់គួរអានុលការីម ទូទាំង ប្រទេសលើកទី១ ក្រោមការឧបត្ថម្ភ និង សហការៀបចំ ពីសំណាក់ អង្គការ សម្ព័ន្ឋ ឥស្លាម ពិភពលោក ដែលមានអង្គការពីរសំខាន់ ចុះអនុវត្តន៍ការងារនេះ គឺអង្គការពិភពលោកនៃការ ទន្ទេញចាំ អាល់គួរអាន និង អង្គការពិភពលោកដើម្បីអភិវឌ្ឍន៍ធនធានមនុស្ស។

បន្ទាប់ពីមានមតិចំណាប់អារម្មណ៍ជូនអង្គពិធីពីសំណាក់ លោក Abdullah Al Munik តំណាអង្គការ ពិភពលោកសម្រាប់ការទន្ទេញចាំគម្ពីរអាល់គួរអាន លោកឧកញ៉ា សុះ កំរ៉ី ចាងហ្វាងគណៈដឹកនាំ ជាន់ខ្ពស់នៃសាសនាឥស្លាមកម្ពុជា បានសម្តែងការស្ងើចសរសើរ ចំពោះសម្ព័ន្ឋឥស្លាមពិភពលោក ដែលមានអង្គការពិភពលោកសម្រាប់ការ ទន្ទេញចាំគម្ពីរ អាល់គួរអាន និង អង្គការពិភពលោកសម្រាប់ការអភិវឌ្ឍន៍មនុស្សជាតិ ដោយសហការ ជាមួយគណៈ ដឹកនាំជាន់ ខ្ពស់នៃសាសនាឥស្លាមកម្ពុជា រៀបចំការប្រលងនេះជាលើកទី១ នៅកម្ពុជា ក្នុងគោល បំណងពង្រឹងជំនឿ បណ្តុះបណ្តាលធនធានមនុស្ស និង ជាការចូលរួមចំណែក ក្នុងការថែរក្សា ខ្លឹមសារអាល់គួរអាន អោយស្ថិតនៅគង់វង្ស នឹងដិតជាប់នៅក្នុងការ ចងចាំសម្រាប់មនុស្សម្នាក់ៗ សម្រាប់ជាគន្លងនៃការប្រនិប័តន៍ និងប្រតិបត្តិផ្ទាល់ខ្លួនផង និង ជាអត្ថប្រយោជន៍ សង្គមជាតិទាំងមូលផង។

លោក ក៏ស្នើអោយអង្គការទាំងពីរបន្តអោយមានកម្មវិធី ប្រលងបែបនេះជារៀង រាល់ឆ្នាំនៅកម្ពុជា ដើម្បីលើក កំពស់ធនធាន ខ្លឹមសារគម្ពីរអាល់គួរអាន ដល់សាសនិកឥស្លាម នៅកម្ពុជា។ ការលើកកំពស់ ថែរក្សាខ្លឹមសារ និងការប្រនិប័តន៍សាសនា ឥស្លាមនៅកម្ពុជា ក៏មានការគាំទ្រយ៉ាងសកម្មទាំងស្មារតីនិង សម្ភារៈ ថវិកា ពីសំណាក់រាជ រដ្ឋាភិបាលកម្ពុជា ដែលមានសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ដែលពិធីសូត្រគម្ពីរអាល់គួរអានជាលក្ខណៈជាតិត្រូវបាន ប្រព្រឹត្តទៅ ជារៀងរាល់ឆ្នាំ ដោយបានអញ្ជើញជាអធិបតីក្នុងពិធីបើក ដោយរដ្ឋមន្រ្តីក្រសួងធម្មការ និង សាសនា ហើយអញ្ជើញ ជាអធិបតី បិទ ដោយដោយសម្តេចតេជោ ហ៊ុន សែន ផ្ទាល់ រឺឧបនាយក រដ្ឋមន្រ្តីជាតំណាងដ៏ខ្ពង់ខ្ពស់ របស់សម្តេចតេជោនាយករដ្ឋមន្រ្តី ព្រមទាំងបានឧបត្ថម្ភថវិកា ៥០០០ដុល្លារ ជារៀងរាល់ឆ្នាំសម្រាប់រៀបចំពិធីនេះ។

ពិធីនេះរៀបចំឡើង ក្រោមអធិបតីភាពដ៏ខ្ពង់ខ្ពស់របស់លោកឧកញ៉ា សុះ កំរ៉ី ចាងហ្វាងគណៈដឹកនាំជាន់ខ្ពស់នៃសាសនាឥស្លាមកម្ពុជា និង មានវត្តមានពីថ្នាក់ដឹកនាំមួយចំនួនទៀត ដូចជា លោក វ៉ាន់ ម៉ាត់ សមាជិកព្រឹទ្ឋសភាជាតិនៃកម្ពុជា លោក ហ្សាការីយ៉ា អាដាម រដ្ឋមន្រ្តីប្រ តិភូអម នាយករដ្ឋមន្រ្តី លោកស្រី អាស៊ីយ៉ះ អាលី អូស្មាន ភរិយារបស់ លោកឧកញ៉ា អូស្មាន ហាស្សាន់ រដ្ឋមន្រ្តីប្រតិភូអមនាយករដ្ឋមន្រ្តី រួមជាមួយឯកឧត្តមលោកជំទាវ លោកលកស្រី ជាភ្ញៀវកិត្តិយស ជាតិ និង អន្តរជាតិ សិស្សានុសិស្ស
ជាច្រើនកុះករ៕

ពិធីបំពាក់ ឋានន្តរស័ក្តិ និងចែក មួកសុវត្ថិភាព ជូនមន្ត្រីនគរបាល ខេត្តពោធិ៍សាត់

E-mail Print PDF

ពោធិ៍សាត់៖ ស្នងការដ្ឋាននគរបាល ខេត្តពោធិ៍សាត់ នៅព្រឹកថ្ងៃទី ៣០ ខែ កក្កដា ឆ្នាំ ២០១៥នេះ នៅសាលប្រជុំរបស់អង្គភាព ស្នងការដ្ឋាន បានធ្វើពិធីប្រជុំបូកសរុបលទ្ធផល នៃកិច្ចប្រតិបត្តិការរក្សាសន្តិសុខ សណ្តាប់ធ្នាប់ ប្រចាំខែកក្កដា និងលើកទិសដៅការងារប្រចាំខែបន្ត ដោយពិធីនោះ ក្រោមអធិបតីភាពលោកឩត្តមសេនីយ៍ត្រី សារុន ចាន់ធី ស្នងការនគរបាលខេត្ត និង មានការអញ្ជើញចូលរួម ពីសំណាក់លោកស្នងការរង លោកអនុប្រធានការិយាល័យកណ្តាលចំណុះ លោកប្រធានអនុប្រធានការិយាល័យ និងលោកប្រធាន អនុប្រធានផ្នែកយ៉ាងច្រើនកុះករ។

នៅកិច្ចប្រជុំនោះផងដែរ ក៏មានពិធីបំពាក់ឋានន្តរស័ក្តិ ជូនមន្ត្រីនគរបាលខេត្តពោធិ៍សាត់ ចំនួន ០៦ រូប និង ចែកមួកសុវត្ថិភាព ចំនួន ៣០០ មួក ដែលជាអំណោយ របស់ក្រុមហ៊ុនប្រេងឥន្ធនៈកម្ពុជាតេលា ជូនដល់មន្ត្រីនគរបាល ខេត្តពោធិ៍សាត់ នាឱកាសនោះផងដែរ៕

Photo by DAP-News

Photo by DAP-News

Photo by DAP-News

Photo by DAP-News

លោក នេត សាវឿន ៖ បណ្តាខេត្តមួយចំនួន កំពុងខ្វះកម្លាំង ក្នុងចូលរួម បង្រ្កាបគ្រឿងញៀន តាមមូលដ្ឋាន

E-mail Print PDF

ភ្នំពេញ៖ នាយឧត្តមសេនីយ៍ នេត សាវឿន អគ្គស្នងការនគរបាលជាតិ បានថ្លែងថា បច្ចុប្បន្ននេះ ការិយាល័យប្រឆាំងគ្រឿងញៀនមួយចំនួន នៅតាមបណ្តាខេត្ត កំពុងប្រឈមនឹងការខ្វះខាតកម្លាំង ដើម្បីចូលរួមសកម្មភាព បង្រ្កាបបទល្មើសគ្រឿងញៀននានា នៅតាមមូលដ្ឋាន និងសហគមន៍។

ការលើកឡើងរបស់ នាយឧត្តមសេនីយ៍ នេត សាវឿន បានធ្វើឡើងនៅក្នុងពីធីសំណេះសំណាល ជាមួយមន្ត្រីនគរបាលនៃមន្ទីរប្រឆាំងគ្រឿងញៀន នៅឯអគ្គស្នងការដ្ឋាននគរបាលជាតិ នាព្រឹកថ្ងៃទី៣០ ខែកក្តដា ឆ្នាំ២០១៥នេះ។

លោកបញ្ជាក់ថា ដោយមើលឃើញពីកង្វះកម្លាំងនគរបាលចូលរួម បង្រ្កាបបទល្មើសគ្រឿងញៀន តាម មូលដ្ឋានបែបនេះ អគ្គស្នងការដ្ឋាន នឹងផ្ទេរក្របខណ្ឌមន្ត្រីនគរបាលមួយចំនួន ដែលកំពុងបំរើការងារ នៅក្នុងផ្នែកនគរបាលយុត្តិធម៌ និងនគរបាលសន្តិសុខ ដាក់ចូលទៅបំពេញការងារនៅក្នុងការិយាល័យ ប្រឆាំងគ្រឿងញៀន នៅតាមបណ្តាខេត្តមួយចំនួនវិញ ហើយថាការផ្ទេរក្របខណ្ឌនេះ អគ្គស្នងការ នគរបាលជាតិ នឹងលើកទឹកចិត្តដំឡើងឋានន្តរស័ក្តិ និងផ្តល់ប័ណ្ណសរសើរ ជូនដល់ពួកគេផងដែរ៕

ចិត្តខ្លាំង ខឹងឪពុក ហាមនិយាយ ទូរស័ព្ទច្រើនពេក ចងកសម្លាប់ខ្លួន

E-mail Print PDF

កណ្តាល ៖ កម្មការិនីម្នាក់ បានសម្រេចចិត្ត ចងកអត្តឃាត ដោយសារតែខឹង ឪពុកហាម មិនឲ្យច្រើនពេក បង្កឲ្យមានការភ្ញាក់ផ្អើល កាលពីវេលាម៉ោង៨យប់ ថ្ងៃទី២៩ ខែកក្កដា ឆ្នាំ២០១៥ នៅចំណុចភូមិព្រែកថ្មី ឃុំ ជ័យធំ ស្រុកខ្សាច់កណ្តាល ខេត្តកណ្តាល ។

នគរបាលស្រុកខ្សាច់កណ្តាល បានឲ្យដឹងថា ជនរងគ្រោះមានឈ្មោះ ខេង.ស្រីនី  អាយុ១៨ឆ្នាំ ជនជាតិខ្មែរ នៅភូមិ.ឃុំ‌កើត‌ហេតុ‌ មុខរបរ‌កម្មការ‌ីនីរោងចក្រ7NG។

មន្រ្តីនគរបាលបានបន្តថា នៅមុនពេលកើតហេតុ ជនរងគ្រោះ‌បាន‌ចេញ ‌ពីធ្វើការរោងចក្រ‌7N.G មកដល់ផ្ទះ ហើយ ពេល‌នោះ‌ឪពុកដែល‌នៅធ្វើកម្មករសំណង់នៅរាជធានីភ្នំពេញបានទូរស័ព្ទមកប្រាប់ ជនរងគ្រោះថា កុំ‌និយាយ‌ទូរស័ព្ទលេងច្រើនពេក នាំបងប្អូនហូបបាយ ក្រោយ‌មកជនរងគ្រោះ‌ បានដើរទៅអង្គុយយំនៅក្រោយផ្ទះម្នាក់ឯង ។ លុះដល់‌វេលាម៉ោង៨យប់ថ្ងៃទី២៩ ខែកក្កដា ឈ្មោះខេង ស្រីណេត ភេទស្រី អាយុ១៥ឆ្នាំ ត្រូវជាប្អូនជនរងគ្រោះ បានទៅហៅ ជនរងគ្រោះ‌ហូបបាយ ‌ស្រាប់តែ‌ឃើញ‌ជនរងគ្រោះ‌ យកក្រម៉ា ពណ៌‌ខៀវ‌លាយសចងក សម្លាប់ខ្លួនជាប់ទៅនឹងមែកស្វាយ‌នៅក្រោយផ្ទះ ដែលមានកំពស់០៣ម៉ែត្រស្លាប់បាត់ទៅហើយ ពេលនោះ‌ឈ្មោះ‌ខេងស្រីណេត បានហៅអ្នកជិតខាង ឲ្យជួយដោយមិនអស់ចិត្តនាំគ្នា យកជនរងគ្រោះ ទៅមណ្ឌលសុខភាព‌ឃុំ‌ជ័យធំ ពេលទៅដល់គ្រូ ពេទ្យបានប្រាប់ថា ជនរងគ្រោះបានស្លាប់ បាត់បង់ជីវិតហើយ ។

ក្រោយកើតហេតុ សមត្ថកិច្ចបាន ចុះធ្វើកោសល្យវិច័យ លើសពជនរងគ្រោះ ហើយប្រគល់ទៅឲ្យក្រុម គ្រួសារធ្វើបុណ្យតាមប្រពៃណី ៕

កាំកុងត្រូល សាខាខេត្តព្រះសីហនុ បើកប្រតិបត្តិការ ត្រួតពិនិត្យ គុណភាពទំនិញ តាមសាលាទូទាំងខេត្ត

E-mail Print PDF

ព្រះសីហនុ៖ នៅព្រឹកថ្ងៃទី៣០ ខែកក្កដា ឆ្នាំ២០១៥ មន្រ្តីកាំកុងត្រូលសាខា ខេត្តព្រះសីហនុដឹកនាំ ដោយលោក ម៉ាង ស៊ីណេត ប្រធានកាំកុងត្រូលសាខាខេត្តព្រះសីហនុ បានបើកប្រតិបត្តិការ ចុះត្រួតពិនិត្យទំនិញជានំចំណី និងភេសជ្ជៈគ្រប់ប្រភេទ តាមបណ្តាសាលារៀននានា នៅទូទាំងខេត្តព្រះសីហនុ ។ ក្នុងនោះមន្រ្តីកាំកុងត្រូល បានធ្វើការណែនាំពន្យល់ ដល់លោកគ្រូ អ្នកគ្រូ ព្រមទាំងអ្នកលក់នំចំណីរ អំពីការត្រួតពិនិត្យមើលថ្ងៃបរិច្ឆេទផលិតទំនិញ ក៏ដូចជាថ្ងៃផុតកំណត់នៃការប្រើប្រាស់ ព្រមទាំងត្រួតពិនិ្យមើលការវេចខ្ចប់ ថាតើប្រកបដោយអនាម័យដែរឬទេ? ។

ជាលទ្ធផលមន្រ្តីកាំកុងត្រួល បានធ្វើការដកហូតយកទំនិញសង្ស័យមួយចំនួន ពីអ្នកលក់ឲ្យក្មេងៗសិស្សសាលា ដើម្បីធ្វើការពិសោធន៍ផងដែរ ។

លោក ម៉ាង ស៊ីណេត បានថ្លែងបញ្ជាក់ថា រហូតមកដល់ពេលនេះ នៅទូទាំងខេត្តព្រះសីហនុ សមត្ថកិច្ចរបស់លោក រកមិនទាន់ឃើញមាន អង្ករ ឬផលិតផលនំចំណីរផ្សេងៗទៀត ដែលផលិតឡើងដោយជ័រប្លាស្ទីកតាមសារព័ត៌មាន ឬបណ្តាញសង្គមមួយចំនួន បានផ្សព្វផ្សាយនោះនៅឡើយទេ ៕

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News

នគរបាល ក្រុងព្រះសីហនុ ឃាត់ខ្លួនជន សង្ស័យ២នាក់ ប៉ុនប៉ងលួច ទ្រព្យសម្បត្តិ ប្រជាពលរដ្ឋ

E-mail Print PDF

ព្រះសីហនុ ៖ ជនសង្ស័យ ចំនួន២នាក់ ដែលប៉ុនប៉ង លូកហោប៉ៅ លួចទ្រព្យសម្បត្តិ ត្រូវបាន កម្លាំងនគរបាល ប៉ុស្តិ៍សង្កាត់លេខ២ នៃអធិការដ្ឋាន នគរបាល ក្រុងព្រះសីហនុ ខេត្ត ព្រះសីហនុ ចាប់ខ្លួន បានកាលពី វេលាម៉ោង៦ល្ងាច ថ្ងៃទី២៩ ខែកក្កដា ឆ្នាំ២០១៥ ស្ថិតនៅកន្លែង លក់ផលិតផល នៅភូមិ២ សង្កាត់លេខ២ ។

របាយការណ៍របស់លោក កុល ផល្លី ស្នងការរង នគរបាល និងជាប្រធានការិយាល័យ កណ្តាល នគរបាលព្រហ្មទណ្ឌ បានឲ្យដឹងថា ជនសង្ស័យទាំង២នាក់រួមមាន ទី១ឈ្មោះ សេង ស្រីលាវ ភេទស្រី អាយុ២៥ឆ្នាំ មុខរបរ លក់ខោអាវ ស្នាក់នៅផ្ទះជួលលេខ៤៤១ ផ្លូវរទេះភ្លើង សង្កាត់បឹងកក់២ ខណ្ឌទួល គោក និងទី២ឈ្មោះ ធឿន ស្រីនិច ភេទស្រី អាយុ១១ឆ្នាំ។

តាមលោកកុល ផល្លី សម្រាប់ជនសង្ស័យ សេង ស្រីលាវ ស្ថិតក្រោមការសួរនាំ ដើម្បីបញ្ជូនទៅកាន់តុលាការ ខណៈដែលក្មេងស្រី ធឿន ស្រីនិច អាយុ១១ឆ្នាំ ត្រូវបានអប់រំ រួចធ្វើកិច្ចសន្យាប្រគល់ឲ្យ ឪពុកម្តាយត្រឡប់ទៅវិញ៕

នគរបាលល្បាត ក្រុងប៉ោយប៉ែត ឃាត់ខ្លួន ជនសង្ស័យ២នាក់ ដកហូតថ្នាំញៀន ៣កញ្ចប់ និងថ្នាំយ៉ាម៉ា១៥គ្រាប់

E-mail Print PDF

បន្ទាយមានជ័យ ៖  កម្លាំងនគរបាលល្បាត នៅពេលយប់ នៃអធិការដ្ឋាន នគរបាល ក្រុង ប៉ោយប៉ែត ខេត្តបន្ទាយមានជ័យ បានឃាត់ខ្លួន ជនសង្ស័យ២នាក់ ខណៈកំពុងធ្វើសកម្មភាព ចែកចាយ ថ្នាំញៀនត្រូវ កាលពីវេលាជាងម៉ោង១២យប់ រំលងអាធ្រាត្រ ចូលថ្ងៃទី៣០ ខែកក្កដា ឆ្នាំ២០១៥ នៅចំណុច ភូមិបាលិលេយ្យ២ សង្កាត់-ក្រុង ប៉ោយប៉ែត ខេត្តបន្ទាយមានជ័យ ។

អធិការ នគរបាល ក្រុងប៉ោយប៉ែត លោក អ៊ុំ សុផល បានថ្លែងថា ជនសង្ស័យ ទាំង២នាក់ រួមមាន ទី១ឈ្មោះ ម៉ាន ចាម ភេទស្រី អាយុ១៧ឆ្នាំ រស់នៅ ភូមិក្បាលស្ពាន២ សង្កាត់-ក្រុងប៉ោយប៉ែត និងទី២ឈ្មោះ ថេង ធី អាយុ២៤ឆ្នាំ ភូមិក្បាលស្ពាន២ ។

អធិការ នគរបាល ក្រុងប៉ោយប៉ែត បានបង្ហាញនូវវិធានការណ៍ យ៉ាងម៊ឺងម៉ាត់ ចំពោះការបង្ក្រាប ករណី គ្រឿងញៀន តាមបញ្ជាពីសំណាក់ ស្នងការនគរបាលខេត្ត លោកឧត្តមសេនីយ៍ អាត់ ខែម និង ដើម្បីអនុវត្តតាម គោលនយោបាយ ភូមិ-ឃុំ មានសុវត្ថិភាព របស់រាជរដ្ឋាភិបាល។

លោកបានដាក់ផែនការឲ្យ កម្លាំងនគរបាលទាំងថ្នាក់ អធិការដ្ឋាន និងនគរបាលប៉ុស្តិ៍ ចុះល្បាតទាំងថ្ងៃ ទាំងយប់ ជាប្រចាំដើម្បី ងាយស្រួល និងទប់ស្កាត់ទាន់ ពេលវេលា ចំពោះបទល្មើសទាំងនេះ។

សម្រាប់ជន សង្ស័យទាំង២នាក់ ក្រោយការចាប់ខ្លួន ពួកគេត្រូវបាន កសាងសំណុំរឿង និង វត្ថុតាង បញ្ជូនទៅស្នងការដ្ឋាន ខេត្តបន្ទាយមានជ័យ ដើម្បីបញ្ជូនទៅកាន់តុលាការ ចាត់ការ តាមនីតិវិធី៕

ចាប់រថយន្ត ធុនធំ ៣គ្រឿង ដឹកស៊ីម៉ងត៍ នាំយកមករក្សាទុក នៅស្នងការដ្ឋាន នគរបាល ខេត្តរតនគិរី

E-mail Print PDF

រតនគិរីៈ សាខាពន្ធដារ ខេត្តរតនគិរី សហការជាមួយកម្លាំងនគរបាល ប្រឆាំងបទល្មើសសេដ្ឋកិច្ច កាលពីព្រឹកថ្ងៃទី២៩ ខែកក្កដា នេះបានចុះចាប់រថយន្តធុនធំ៣គ្រឿង ដឹកស៊ីម៉ងត៍ត្រង់ចំណុចឃ្លាំងមួយកន្លែង ស្ថិតក្នុងភូមិថ្មី សង្កាត់ឡាបានសៀក ក្រុងបានលុង ខេត្តរតនគិរី។

មន្ត្រីពន្ធដារ ដែលចុះប្រតិបត្តិការប្រាប់ឲ្យដឹងថា រថយន្តធុនធំ៣គ្រឿងដឹកស៊ីម៉ងត៍នេះ ជាស៊ីម៉ងត៍នាំចូលពីប្រទេសវៀតណាម តាមស្រុកមេម៉ុត ខេត្តត្បូងឃ្មុំ មកដាក់លក់នៅឃ្លាំងខាងលើនេះ។

គួរបញ្ជាក់ផងដែរថា ឃ្លាំងលក់ស៊ីម៉ងត៍ខាងលើនេះ ម្ចាស់ដើមឈ្មោះលី ធាវី ប៉ុន្តែឃ្លាំងលក់គ្រឿងសំណង់នេះ បានប្តូរឈ្មោះឃ្លាំង ពិសិដ្ឋ និងឈ្មោះ សុវណ្ណ (ដោយធ្វើអាជីវកម្មនៅកន្លែងចាស់ដដែល)។

មន្ត្រីពន្ធដារខាងលើនេះបានប្រាប់បន្តទៀតថា ឃ្លាំងដែលប្តូរឈ្មោះថ្មីនេះ មិនទាន់លិខិតអនុញ្ញាត ធ្វើអាជីវកម្មពីសាខាពន្ធដារខេត្តរតនគិរីនៅឡើយទេ ពោលគឺរាល់ការលក់ដូរដល់អតិថិជន នៅប្រើប្រាស់វិក្កយបត្រឃ្លាំងលី ធាវី ដើម្បីគេចវេះពីកាតព្វកិច្ចបង់ពន្ធជូនរដ្ឋ។ មន្ត្រីពន្ធដារខាងលើ បញ្ជាក់ឲ្យដឹងទៀតថា ម្ចាស់ឃ្លាំងចាស់(លី ធាវី) នៅជាប់កាតព្វកិច្ចបង់ពន្ធជូនរដ្ឋ រយៈពេលចំនួន៣ខែ ស្រាប់តែប្តូរឈ្មោះឃ្លាំង ទៅជាឈ្មោះសុវណ្ណ និងពិសិដ្ឋ ទៅវិញ។
កន្លងមកមន្ត្រីពន្ធដារ បានកោះហៅម្ចាស់ឃ្លាំងលី ធាវី ឲ្យចូលខ្លួនបង់ពន្ធជូនរដ្ឋ ប៉ុន្តែតែងតែព្យាយាមគេចវេះ ដោយអះអាងថាក្ស័យធន។

លោកទុយ ស៊ីវិល ប្រធានសាខាពន្ធដារខេត្តរតនគិរី បានថ្លែងប្រាប់អ្នកសារព័ត៌មានយ៉ាងខ្លីថា ស៊ីម៉ងត៍ចំនួន៣រថយន្តនេះ ពិនិត្យឃើញគ្មានវិក្កយបត្រពន្ធដារត្រឹមត្រូវ ចេញដោយអគ្គនាយកដ្ឋានពន្ធដារ ហើយធ្វើអាជីវកម្មប្រើប្រាស់វិក្កយបត្រ លី ធាវី ដើម្បីបន្លំភ្នែកសមត្ថកិច្ច៕

Photo by DAP-News

Photo by DAP-News

Photo by DAP-News

Photo by DAP-News

ធាតុផ្សំគ្រឿងផ្ទុះជិត ៧​តោន​ដឹក​ចេញ​ពី ខេត្ត​មណ្ឌលគិរី ត្រូវ​នគរ​បាល​ចាប់​ឃាត់

E-mail Print PDF

មណ្ឌលគិរី៖ វត្ថុធាតុសម្រាប់ផ្សំជាគ្រឿងផ្ទុះ ពីររថយន្តសំាយ៉ុង ទម្ងន់ជិត ៧តោន ដឹកចេញពីក្រុងសែនមនោរម្យ ខេត្តមណ្ឌលគិរី ត្រូវបានសមត្ថកិច្ចនគរបាល ស្រុកកោះញែក ស្ទះឃាត់នៅចំណុចក្បែរស្ពានអូរច្បារស្ថិតនៅភូមិថ្មី ឃុំស្រែហ៊ុយ ស្រុកោះញែក កាលពីម៉ោង ៣ និង៤៥នាទីទៀបភ្លឺថ្ងៃទី៣០ ខែកក្កដា ឆ្នាំ២០១៥។

លោក កាន់ ពេញ អធិការស្រុកកោះញែក បានប្រាប់ឱ្យដឹងថា បន្ទាប់ពីទទួលបានព័ត៌មានពីបណ្តាញការងារ លោក ក៏បានដឹកនាំកម្លាំង ១៥នាក់ ចុះធ្វើការត្រួតពិនិត្យរថយន្តសង្ស័យខាងលើ នៅស្រុកកោះញែក ហើយឈានទៅឃាត់រថយន្តនោះភ្លាមៗ។ ក្រោយស្ទាក់ឃាត់ហើយនោះ កម្លាំងសមត្ថកិច្ចឆែកឆេរ ឃើញវត្ថុតាងដូចការរាយការណ៍ ពិតប្រាកដមែនបច្ចុប្បន្នសមត្ថកិច្ច បាននាំយកវត្ថុតាង និងមនុស្សទៅកាន់អធិការដ្ឋាននគបាលស្រុក ដើម្បីសួរនាំ។

តាមចម្លើយសារភាពរបស់ជនជាតិចិន ដែលជាម្ចាស់ឈ្មោះ XIAO FEI ភេទប្រុស អាយុ ៣១ឆ្នាំ បានឲ្យដឹងថា ខ្លួនបានជួលរយន្តសាំយ៉ុងដឹកសារធាតុផ្សំគ្រឿងផ្ទុះ ចេញពីក្រុងសែនមនោរម្យខេត្តមណ្ឌលគិរី ដែលជាកន្លែងស្តុកឆ្ពោះទៅកាន់ខេត្តព្រះវិហារ។

ក្រោយសួរនាំកម្លាំងនគរបាលស្រុកកោះញែក បានកសាងសំណុំរឿង រូមនិងវត្ថុតាងបញ្ជូនទៅកាន់ស្នងការដ្ឋាន នគរបាលខេត្តចាត់ការបន្ត៕

យុវជនម្នាក់ ជិៈម៉ូតូម្នាក់ឯង ក្នុងល្បឿនលឿន គ្មានការប្រុងប្រយ័ត្ន រ៉េចង្កូត បុកស្លាកសញ្ញា ចរាចរណ៍ ដួលបោកក្បាលស្លាប់ លើកំណាត់ផ្លូវជាតិ លេខ៧៨ នៅស្រុកបរកែវ

E-mail Print PDF

រតនគិរីៈ យុវជនម្នាក់ បានជិៈម៉ូតូ ក្នុងល្បឿនលឿន គ្មានការប្រុងប្រយ័ត្ន បានរ៉េចង្កូតបុកស្លាកសញ្ញាចរាចរណ៍ បណ្តាលឲ្យដួលបោកក្បាលស្លាប់ភ្លាមៗ នៅកន្លែងកើតហេតុតែម្តង។ ហេតុការណ៍នេះកើតឡើង កាលពីវេលាម៉ោង៨និង១៥នាទីយប់ ថ្ងៃទី២៩ ខែកក្កដា ឆ្នាំ២០១៥ តាមបណ្តោយផ្លូវជាតិលេខ៧៨ ស្ថិតនៅភូមិឡូន ឃុំទីងចាក់ ស្រុកបរកែវ ខេត្តរតនគិរី។

មេប៉ុស្តិ៍ទីងចាក់ លោកខាវ សុឃីន  បានប្រាប់ឲ្យដឹងថា ករណីគ្រោះថ្នាក់ចរាចរនេះ បង្កឡើងដោយខ្លួនឯង ជិៈម៉ូតូក្នុងទិសដៅពីលិច ទៅកើត ក្នុងល្បឿនលឿន ក៏ជ្រុលចង្កូតទៅបុកស្លាកសញ្ញាចរាចរណ៍ ដួលបោកក្បាលស្លាប់ភ្លាមៗនៅនឹងកន្លែង។

លោកបន្តថា ជនរងគ្រោះមានឈ្មោះ សាក់ តាគួយ ភេទប្រុស អាយុ២៧ឆ្នាំ ជនជាតិខ្មែរ មុខរបរសន្តិសុខធនាគារអេស៊ីលីដា ជិៈម៉ូតូម៉ាកឌ្រីមសង់ ស៊េរីឆ្នាំ២០១៥ ពណ៌ខ្មៅ អត់ស្លាកលេខ ដែលមានទីលំនៅភូមិទេសអន្លុង សង្កាត់ឡាបានសៀក ក្រុងបានលុង ខេត្តរតនគិរី។ ខណៈជនរងគ្រោះជិៈម៉ូតូម្នាក់ឯង ប្រញាប់ទៅយាមធនាគារអេស៊ីលីដា ដោយគ្មានអ្នកជំនួស។

បច្ចុប្បន្នសពជនរងគ្រោះ ត្រូវបានសមត្ថកិច្ចប្រគល់ឲ្យក្រុមគ្រួសារ យកទៅធ្វើបុណ្យតាមប្រពៃណី ចំណែកឯម៉ូតូជនរងគ្រោះខូចខាត ផ្នែកខាងធ្វេងត្រូវបានយករក្សាទុក នៅប៉ុស្តិ៍ទីងចាក់ រង់ចំាសាច់ញាតិមកយកម៉ូតូទៅវិញ៕

Photo by DAP-News

Photo by DAP-News

តូចចិត្តនិងជីវភាព ក្រីក្របុរសម្នាក់ ចងកសម្លាប់ខ្លួន ទៅនឹងធ្នឹមផ្ទះ

E-mail Print PDF

កំពង់ឆ្នាំង ៖ មានហេតុករណ៍ ភ្ញាក់ផ្អើលមួយកើឡើង នៅចន្លោះម៉ោង១និង៣០នាទី រំលងអធ្រាត្រ ឈាន ចូលថ្ងៃទី៣០ ខែកក្កដា ឆ្នាំ២០១៥  ដោយបុរសម្នាក់ បានសម្រេចចិត្ត ធ្វើអត្តឃាត សម្លាប់ខ្លួនឯង ដោយ យកក្រម៉ាចងកទៅនឹងធ្នឹមផ្ទះ ស្លាប់ចោលប្រពន្ធ និងកូន៣នាក់  នៅភូមិផ្សារឆ្នាំង សង្កាត់ផ្សារឆ្នាំង ក្រុងកំពង់ឆ្នាំង ខេត្តកំពង់ឆ្នាំង ។

សមត្ថកិច្ចមូលដ្ឋាន បានអោយដឹងថា បុរសដែលចងក សម្លាប់ខ្លួនឯងនេះ មានឈ្មោះ ឡុត ចាន់ អាយុ៣១ឆ្នាំ មានប្រពន្ធ ឈ្មោះ ភា ចាន់ណានិងមានកូន៣នាក់ រស់នៅក្នុងភូមិឃុំកើតហេតុខាងលើ ។

ស្ត្រីជាប្រពន្ធ បានប្រាប់អោយដឹងថា គាត់មិនបានដឹងថា ប្តីរបស់គាត់ ទៅចងកតាំងពី ពេលណានោះទេ ព្រោះនៅពេល យប់បានចូលដេក ក្នុងមុងជាមួយគ្នា ស្រាប់តែនៅវេលាម៉ោង ប្រមាណជិត២យប់ រំលង អធ្រាត្រ ពេលដែលគាត់ក្រោកមក បានបាត់ប្តីរបស់គាត់ពីក្នុងមុង រូបគាត់ បានដើររកក៏ប្រទះឃើញ ប្តីរបស់គាត់ស្លាប់ដោយចងកបាត់ទៅហើយ និងងបានរាយការណ៍ប្រាប់សមត្ថកិច្ចតែម្តង ហើយមានការ ភ្ញាក់ផ្អើលឡើង ។

ស្ត្រីជាប្រពន្ធបានប្រាប់ទៀតថា ប្តីរបស់គាត់ចងសម្លាប់ខ្លួន ដោយមូលហេតុអីពិតប្រាកដនោះទេ គ្រាន់តែ ដឹងថា គ្រួសាររបស់គាត់ មានជីវភាពក្រលំបាក ហើយកាលពីប៉ុន្មានថ្ងៃ មុនបានសុំម្តាយទិញ បាឡាស្មាច់មួយ ដើម្បីរាយមងដាក់សន្ទូច ប៉ុន្តែម្តាយអត់មានលុយ ក៏ស្រាប់តែមានហេតុការណ៍នេះ កើតឡើងតែម្តង ។

សមត្ថកិច្ចដែលចុះពិនិត្យកន្លែង កើតហេតុបានឲ្យដឹងថា បុរសរូបនេះពិតជាបាន ធ្វើអត្តឃាតចងក សម្លាប់ខ្លួនឯងពិតប្រាកដមែន ៕

Page 3 of 250