left
Safe Home
Safe Home
Safe Home

Dap News...Admin

Friday, Sep 04th

| English Version | dapnews: 012 571 704, 097 9999 883, email: lim.cheavutha@gmail.com

You are here:

រាជរដ្ឋាភិបាល គ្រោងនឹងប្រើប្រាស់ ផ្កាយរណប ដើម្បីតាមដាន និងពិនិត្យមើល ស្ថានភាពព្រំដែន កម្ពុជា

E-mail Print PDF

ភ្នំពេញ៖ លោក ផៃ ស៊ីផាន អ្នកនាំាពាក្យ ទីស្តីការគណៈរដ្ឋមន្ត្រី បានថ្លែងប្រាប់មជ្ឈមណ្ឌលព័ត៌មានដើមអម្ពិល នៅរសៀលថ្ងៃសុក្រនេះឲ្យដឹងថា នៅក្នុងកិច្ចប្រជុំទីស្តីការគណៈរដ្ឋមន្រ្តី នាព្រឹកថ្ងៃទី០៤ ខែកញ្ញា ឆ្នាំ២០១៥នេះ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានលើកឡើងអំពីវិធានការម៉ឺងម៉ាត់ នៅក្នុងបញ្ហាព្រំដែននេះ, សម្តេចតេជោ ហ៊ុន សែន បានដាក់បញ្ជាយ៉ាងតឹងរ៉ឹង ដ៏មានប្រសិទ្ធភាពដល់គណៈកម្មាធិការចម្រុះព្រំដែន និងសមត្ថកិច្ចពាក់ព័ន្ធ ឲ្យឈានទៅកាន់ការប្រើប្រាស់ Satellite ជាប្រចាំ ក្នុងកិច្ចការតាមដាន និងពិនិត្យ ទៅលើសភាពការណ៍ជាក់ស្តែង ដែលជាការវិវឌ្ឍន៍នៅក្នុងតំបន់ជុំវិញ ព្រះរាជាណាចក្រកម្ពុជា ដែលពាក់ព័ន្ធគ្រប់វិស័យនោះ រាប់បន្ថែមទាំងវិស័យ បរិស្ថាន ព្រៃឈើ ការតាំងលំនៅឋាន នៅក្នុងតំបន់ព្រំដែន ក៏ដូចជាវិស័យបន្ថែម ទៅលើសនិ្តសុខ និងវិស័យ ការពារជាតិផងដែរ។

លោក ផៃ ស៊ីផាន បានបញ្ជាក់ថា ការលើកឡើងរបស់សម្តេចតេជោនេះ គឺវិធានបន្ថែមថ្មី ដែលមានភាព ទំនើប គឺជាការបំពេញបន្ថែម នៃប្រវតិ្តរបស់កម្ពុជា ក្រោមការដឹកនាំដោយសម្តេចតេជោ នៅក្នុងវិស័យ E Government ដូចជាកិច្ចប្រជុំរបស់ទីស្តីការគណៈរដ្ឋមន្រ្តី តាមរយៈ Video Conference ដែលមាន យ៉ាងហោចណាស់ អ្នកចូលរួមជាងមួយពាន់នាក់ ក្នុងការចូលរួមផ្ទាល់ពីវិមានសនិ្តភាព ដល់រាល់បណ្តា ខេត្ត អាជ្ញាធរ និងកងប្រដាប់អាវុធហត្ថគ្រប់ប្រភេទ។

សូមជំរាបថា នៅក្នុងកិច្ចប្រជុំគណៈរដ្ឋមន្រ្តីព្រឹកមិញនេះ សម្តេចតេជោ ហ៊ុន សែន លើកឡើងអំពី ការងារផ្ទៀងផ្ទាត់ផែនទី ជាការងារបំភ្លឺដល់ ប្រជាពលរដ្ឋខ្មែរទាំងអស់ ហើយគណបក្ស CNRP គួរមាន ភាពស្មោះត្រង់ និងប្រជាជាតិ ចំពោះករណីផែនទីនេះ ដើម្បីផលប្រយោជន៍ប្រជាជាតិរួម។ ការផ្ទៀងផ្ទាត់ផែនទីដទៃ ជាមួយផែនទីរាជរដ្ឋាភិបាល គ្រាន់តែជាកិច្ចគួបផ្សំ មិនមែនជាការចាំបាច់ទៀត ទេ។ ក៏ប៉ុន្តែភាពល្ងង់ខ្លៅដទៃទៀតរបស់អ្នក មាននិន្នាការប្រឆាំង ឬប្រើប្រាស់ ដើម្បីផលប្រយោជន៍ ប្រជាភិថុត ឬនយោបាយនោះ ក៏ត្រូវតែបញ្ចប់ ហើយដែនសមត្ថកិច្ច និងការអនុវត្តច្បាប់ ចំពោះការងារ ព្រំដែន ត្រូវតែបន្ត ម៉ឺងម៉ាត់ និងគ្មានការយោគយល់៕

សមត្ថកិច្ចបង្ក្រាប រថយន្ដដឹក​ ឈើប្រណីត ៥គ្រឿងនិង មនុស្ស៥នាក់ នៅស្រុកខ្សាច់ កណ្ដាល

E-mail Print PDF

កណ្ដាល ៖ កម្លាំងអាវុធហត្ថស្រុកខ្សាច់ កណ្ដាល ខេត្ដកណ្ដាល សហការជាមួយកម្លាំង រដ្ឋបាលព្រៃឈើ នាយផ្នែករដ្ឋបាលកណ្ដាល បានប្រតិ បត្ដិការរួមគ្នាបង្ក្រាបការដឹកជញ្ជូន ឈើប្រណីតខុសច្បាប់តាមដងផ្លូវ ដោយឃាត់ រថយន្ដសាំយ៉ុងចំនួន៥គ្រឿងនិងឃាត់ខ្លួន មនុស្ស៥នាក់ កាលពីយប់ថ្ងៃទី០៣ ខែកញ្ញា ឆ្នាំ២០១៥ ។

មន្ដ្រីអាវុធហត្ថស្រុកខ្សាច់កណ្ដាល បាន ឱ្យដឹងថា ប្រតិបត្ដិការបង្ក្រាបការដឹកជញ្ជូន ឈើខុសច្បាប់ខាង លើនេះ បានធ្វើឡើងស្ថិត នៅលើកំណាត់ផ្លូវជាតិលេខ៨អា ក្នុងភូមិ អន្លង់ ឃុំព្រែកតាមាក់ ស្រុកខ្សាច់ កណ្ដាល ខេត្ដកណ្ដាល ខណៈដែលរថយន្ដសាំយ៉ុងទាំង ៥គ្រឿង ដែលផ្ទុះឈើពេញ កំពុងចរាចរតាម ដងផ្លូវ សង្ស័យឆ្ពោះទៅកាន់ប្រទេសវៀត ណាម។

យោងតាមរបាយការណ៍របស់មន្ដ្រីអាវុធ ហត្ថដដែលបានបញ្ជាក់ថា រថយន្ដសាំយ៉ុង មួយគ្រឿងដឹកឈើ សុក្រម ចំនួន១,៥៤០ ម៉ែត្រគូប រថយន្ដទី២ ដឹកឈើបេង មាន ឈើ០,៣៣១ម៉ែត្រគូប រថយន្ដទី៣ ដឹកឈើ បេង ផ្ទុកឈើ ០,៥១៨ម៉ែត្រគូប រថយន្ដ ទី៤ ដឹកឈើបេង ៨ដុំ ស្មើនិង០,៣៤៥ម៉ែត្រ គូប និងរថយន្ដទី៥ ដឹកឈើបេង ៣៥សន្លឹក ស្មើ០,២៧៨ម៉ែត្រគូប ដូច្នេះឈើទាំងអស់ មានចំនួន ៣,០១២ម៉ែត្រគូប ។

ក្រោយពីបញ្ចប់ប្រតិបត្ដិការរួចមករថយន្ដ ទាំង៥គ្រឿងនិងមនុស្ស៥នាក់ ត្រូវបានបញ្ជូន ទៅកាន់មន្ទីរ យុត្ដិធម៌ អាវុធហត្ថខេត្ដកណ្ដាល ដើម្បីចាត់ការបន្ដទៀត ៕

កម្លាំងនគរបាល ខេត្តកំពង់ធំ បង្ក្រាបបទល្មើស ៣ករណី ឃាត់ខ្លួន ជនសង្ស័យ៤នាក់ ដកហូត វត្ថុតាងមួយចំនួន

E-mail Print PDF

កំពង់ធំ ៖ កម្លាំងនគរបាល តាមបណ្តាអធិការដ្ឋាន នគរបាល ក្រុង-ស្រុក មួយចំនួន នៃ ស្នងការ ដ្ឋាននគរបាល ខេត្តកំពង់ធំ បានបើកប្រតិបត្តិការ ចុះបង្ក្រាបបទល្មើស ចំនួន៣ករណី ដោយឃាត់ខ្លួន ជនសង្ស័យ៣នាក់ ព្រមទាំង ដកហូតវត្ថុតាង មួយចំនួនផងដែរ។

ស្នងការ នគរបាល ខេត្តកំពង់ធំ លោកឧត្តមសេនីយ៍ ជូ សំអាន បានថ្លែងថា នៅថ្ងៃទី៤ ខែកញ្ញា ឆ្នាំ២០១៥ នេះ កម្លាំងនគរបាល ក្រុងស្ទឹងសែន បង្ក្រាបបទល្មើស ប្រើប្រាស់គ្រឿងញៀន ១លើក នៅសង្កាត់កំពង់ធំ ដោយឃាត់ខ្លួន ជនសង្ស័យ២នាក់ ។ លោកឧត្តមសេនីយ៍ បានបញ្ជាក់ថា ក្រោយការចាប់ខ្លួន ជនសង្ស័យទាំង២នាក់ កម្លាំងនគរបាល របស់លោក បានដកហូតថ្នាំញៀន ម៉ាទឹកកក១កញ្ចប់តូច ទូរស័ព្ទដៃ៥គ្រឿង និងម៉ូតូស្កុបពី ១គ្រឿង។

ដោយឡែក ករណីមួយទៀត កម្លាំងនគរបាល ស្រុកសន្ទុក បានបង្ក្រាប ល្បែងស៊ីសង១លើក នៅឃុំក្រយា ដោយចាប់ឃាត់ខ្លួន ស្រ្តី២នាក់ ប៉ុន្តែពួកគេត្រូវ បានអប់រំ ហើយត្រឡប់ ឲ្យទៅផ្ទះវិញ។ រីឯករណីទី៣ កម្លាំងនគរបាល ស្រុកកំពង់ស្វាយ និងនគរបាល ប្រឆាំងបទល្មើស សេដ្ឋកិច្ចខេត្ត សហការជាមួយកម្លាំងចម្រុះ បានចុះបង្ក្រាបបទ ល្មើសនេសាទ ២កន្លែង នៅចំណុចព្រែកតាសោម និងព្រែកទាល់ ឃុំផាត់សណ្តាយ ។

លោកឧត្តម សេនីយ៍ស្នងការ បានបញ្ជាក់ថា ក្នុងប្រតិបត្តិការ កាប់បំផ្លាញរបាំងសាច់អួន ៦របាំង ប្រវែង១៧០០ម៉ែត្រ ឡុក១០លូ២០ និងបង្គោល១៤០០ដើម ។

ក្រោយការចុះបង្ក្រាប រួចវត្ថុតាង ទាំងនោះ ត្រូវបានយកទៅរក្សាទុក នៅកន្លែងជលផល ដើម្បីទុកដុតបំផ្លាញចោល។ ជាមួយគ្នានេះកម្លាំងនគរបាល នៅតាមគោលដៅ បន្តចុះល្បាត ការពារសន្តិសុខ និងសណ្តាប់ធ្នាប់ជូនប្រជាពលរដ្ឋ តាមមូលដ្ឋាន ដែលការងារត្រូវធ្វើជាប្រចាំ៕

រឿងរ៉ាវគ្រួសារ កូនប្រុសលោក ឈឹម សៀកឡេង ត្រូវតុលាការ កំពូលសម្រេច ប្រគល់ កូនជូនប្តី និងប្រគល់ផ្ទះ ជូនកូនទាំង២នាក់

E-mail Print PDF

-ដោយសារ អុន សុមាលា អុកឡុកខ្លាំងពេក ទើបលោក ឈឹម ណារិទ្ធ យកកូនប្រុស ទាំង២នាក់ ទៅរៀននៅប្រទេសថៃ

 ភ្នំពេញ ៖ សំណុំរឿងគ្រួសារ ដ៏ស្មុគ្រស្មាញ និងឈឺក្បាលរបស់ លោក ឈឹម ណារិទ្ធ ជា មួយអតីតភរិយា ឥតខាន់ស្លា អុន សុមាលា ដែលបានអូសបន្លាយ អស់រយៈពេលជាច្រើន ឆ្នាំមកនេះ មានរស់ជាតិល្វីងជូរចត់ និងប្ដឹងផ្ដល់តាមប្រព័ន្ធ តុលាការ ពីថ្នាក់ក្រោម រហូត ដល់ថ្នាក់កំពូល នោះ ជាលទ្ធផលចុងក្រោយ បានកើតមានហើយ នោះគឺ ភាពយុត្ដិធម៌ បានលេចចេញ ជារូបរាងតាម រយៈការសម្រេចប្រកប ដោយសុភវិនិច្ឆ័យពី សំណាក់ចៅ ក្រមតុលាការកំពូល ដែលចេញ សាលដីកាប្រគល់កូនប្រុសទាំងពីរនាក់ជូនលោក ឈឹម ណារិទ្ធ និងផ្ទ ទាំងពីរល្វែងជូនក្មេងតូចៗទាំង២នាក់ ។

លោក ឈឹម ណារិទ្ធ ជាកូនប្រុសបង្កើត របស់អ្នក នយោបាយជើងចាស់ ក្នុងគណបក្ស ហ្វ៊ុនស៊ិនប៉ិច គឺលោក ឈឹម សៀកឡេង និង ជាអតីត អនុរដ្ឋលេខាធិការ ក្រសួងពាណិជ្ជកម្ម ដែលបច្ចុប្បន្ន លោកមានសញ្ជាតិអាមេរិក ហើយបានជួបរឿង បែកបាក់គ្រួសារ ព្រោះតែអតីតភរិយារបស់លោក គឺអ្នកស្រី អុន សុមាលា លួច ទៅមានសហាយ ស្មន់ ហើយចង់ដណ្ដើមយក កូន និងផ្ទះទាំងពីរល្វែង ស្ថិតនៅក្នុងបុរីកាំកូ ស៊ីធី ទៅគ្រប់គ្រងទៀតផង ប៉ុន្ដែតាមរយៈ ការផ្ដល់ប្រយោជន៍ ជូនកូនប្រុសទាំងពីរ ម្នាក់ អាយុ៣ឆ្នាំ និងម្នាក់ទៀតអាយុ៥ឆ្នាំ លោក ឈឹម ណារិទ្ធ បានតស៊ូគ្រប់បែបយ៉ាង តាម ផ្លូវតុលាការ រហូតទីបំផុតតុលាការកំពូល បានសម្រេចនៅថ្ងៃទី២៧ ខែសីហា ឆ្នាំ២០១៥ ដោយប្រគល់កូន ប្រុសទាំងពីរនាក់ ជូនលោក គ្រប់គ្រង និងផ្ទះទាំងពីរល្វែង ជូនកូនប្រុស ទាំងពីរនាក់ ។

បើតាម លោក ឈឹម ណារិទ្ធ បើទោះបី តុលាការកំពូល បានប្រគល់ផ្ទះ ទាំងពីរល្វែង ជូនកូនប្រុសទាំង២នាក់ ក៏ដោយ ប៉ុន្ដែតុលាការ តម្រូវឱ្យផ្ទះមួយត្រូវ គ្រប់គ្រង ដោយម្ដាយ និងផ្ទះមួយគ្រប់គ្រង ដោយឪពុក រហូតកូនទាំងពីរនាក់ធំ ពេញវ័យ ពោលដល់អាយុ១៨ឆ្នាំ ។

ចំពោះលទ្ធផល ការចេញសាលដីការបស់តុលាការកំពូលខាង លើនេះ លោក ឈឹម ណារិទ្ធ បានបង្ហាញការ សាទរ និងអរគុណដល់ ស្ថាប័នតុលាការ សម្រាប់ផ្ដល់ភាព យុត្ដិធម៌ជូនលោក និងកូនទាំងពីរនាក់ ប៉ុន្ដែលោកក៏បង្ហាញ ការសោកស្ដាយ ព្រោះតែថវិកា ប្រមាណ៤៥ម៉ឺនដុល្លារ មិនត្រូវបានតុលាការ កាត់ប្រគល់ជូនលោកវិញ នោះឡើយ មានន័យថា ថវិកាទាំងនោះ ត្រូវបានឈ្មោះ អុន សុមាលា យកទៅចាយវាយ និង ឧបត្ថម្ភគ្រប់បែបយ៉ាង ជូនសហាយស្មន់របស់នាង ។

ជាមួយគ្នានេះ អុន សុមាលា ក៏បានយក លុយរបស់លោក ទៅទិញផ្ទះមួយកន្លែងទៀត ដាក់ឈ្មោះនាង ហើយបច្ចុប្បន្ន មានតម្លៃរហូត ទៅដល់ប្រហែល១លានដុល្លារឯណោះ ។ តាមមន្ដ្រីជាន់ខ្ពស់ គណបក្សហ្វ៊ុនស៊ិនប៉ិច រូបនេះ អតីតប្រពន្ធរបស់ខ្លួនក៏បានសរសេរ លិខិតសុំទោសទាំង១៦ចំណុច បូករួមទាំង លិខិតរៀបរាប់ របស់អ្នកស្រីណុប បុបា្ផ ជា ម្ដាយបង្កើតរបស់នាង ក៏អះអាងពីទង្វើអាក្រក់ ដែលលួចមាន សហាយស្មន់ និងមិនដែលមើល និងចិញ្ចឹមបីបាច់កូននោះទេ ។

សម្រាប់ការចេញសាលដីកា របស់តុលាការ កំពូល ព្រោះតែតុលាការយល់ឃើញថា អុន សុមាលា គ្មានលទ្ធភាព និង សមត្ថភាព អប់រំ និងចិញ្ចឹមកូននោះឡើយ ហើយក៏ជាស្ដ្រីម្នាក់ ធ្វើខុសប្រពៃណីខ្មែរ រហូតធ្វើឱ្យ ប្ដីប្ដឹងលែង លះទៀតផង ។ សម្រាប់រឿងរ៉ាវគ្រួសារ របស់ថ្នាក់ដឹកនាំជាន់ខ្ពស់ គណបក្ស ហ្វ៊ុនស៊ិន ប៉ិចរូបនេះ ត្រូវបានគេចាប់ អារម្មណ៍យ៉ាង ខ្លាំងពីមហាជនជាច្រើន ប៉ុន្ដែ អុន សុមាលា ជាអតីតបុគ្គលិកហាងបាយ នៅសណ្ឋាគារភ្នំពេញនោះ បានប្រើប្រាស់ បណ្ដាញ ទំនាក់ទំនង សង្គមFacebook មួយចំនួន វាយប្រហារមកលើប្ដី និងហែក កេរ្ដិ៍ផ្ទៃក្នុងគ្រួសារ ឱ្យគេដឹងឮ ព្រមទាំងរំខាន ពីដំណើរការនីតិវិធី របស់តុលាការថែមទៀតផង ។

លោក ឈឹម ណារិទ្ធ បានបញ្ជាក់ថា កូនប្រុសទាំងពីរនាក់ កូនប្រុសច្បង ឈ្មោះ ឈឹម វិរិទ្ធ និងកូន ប្រុសប្អូនឈ្មោះ ឈឹម វិរាជ ដែលបច្ចុប្បន្នកំពុងរស់នៅ និងរៀនសូត្រនា ទីក្រុងបាងកក ប្រទេសថៃ គឺមិនតាមម្ដាយ ហើយ មិនចង់រស់នៅជាមួយ ម្ដាយនោះឡើយ ពោល ពួកគេតាំង ពីតូចមក ចង់តែនៅជាមួយឪពុក ប៉ុណ្ណោះ ម្យ៉ាងទៀត អុន សុមាលា បានត្រឹម តែបង្កើត កូនតែប៉ុណ្ណោះ ប៉ុន្ដែមិនចេះមើល ថែរក្សា និងអប់រំកូននោះទេ ពេលខ្លះបានចុះ ចេញពីផ្ទះរាប់ សិបថ្ងៃ មិនគិតពីប្ដី និងកូនឡើយ ។

សម្រាប់ការដែលយកកូនទាំង២នាក់ ទៅរៀនសូត្រ នៅទីក្រុងបាងកក ប្រទេសថៃ នោះ ត្រូវបានបុរសពោះម៉ាយ កំសត់រូបនេះ អះអាងថា មកពី អុន សុមាលា អុកឡុក និងរំខានខ្លាំងពេកដល់កូនទាំង២ ប៉ុន្តែឥឡូវជាងមួយឆ្នាំមកហើយ កូនប្រុស ទាំង២នាក់ កំពុងរស់នៅ និងរៀនសូត្រដោយក្តីសប្បាយរីករាយ យ៉ាងខ្លាំង ជាមួយនឹង ស្ថានភាពជីវិត ថ្មីរបស់ពួកគេ។  

បើតាមលោក ឈឹម ណារិទ្ធ តាមរយៈ លិខិតសុំទោស របស់នាង ទាំង១៦ចំណុច និងលិខិតរបស់ម្ដាយនាង ព្រមទាំងអារម្មណ៍របស់ កូន គ្មានចំពោះម្ដាយ គឺបង្ហាញថា អុន សុមាលា ជាមនុស្សស្រីកញ្ជើធ្លុះ ហើយក្រោយពេល បែកពីលោក រូបនាងមិនមានអ្វីសោះក្នុងខ្លួន ឡើយ ផ្ទុយទៅវិញ មានលុយ និងផ្ទះរាប់ម៉ឺន ដុល្លារទៀតផង ដែលជាទ្រព្យសម្បត្ដិសុទ្ធ សាធរបស់ លោក ដែលពីដំបូង បានផ្ដល់ជូន ដោយគិតទៅលើផលប្រយោជន៍កូន តាមរយៈការ ប្រគល់ប្រាក់ទាំងនេះជូននាង៕

លោក ឈឹម ណារិទ្ធ និងកូនប្រុសទាំង២នាក់

រឿងកំប្លែង​ថ្មី​របស់​កម្លោះ​សង្ហារ Nick «តត កម្លោះ​សម្បូរ​ស្នេហ៍» ធា​នា​ថា​នឹង​សើច​ដល់​ងើប​ពី​កៅអី (Trailer Inside)

E-mail Print PDF

ភ្នំពេញ៖ បើនិយាយពី Nick នៅក្នុងស្រុកយើងគឺមានអ្នកគាំទ្រមិនចាញ់ក្រៅស្រុកប៉ុន្មានដែរ។ គាត់បានសំដែងក្នុងរឿងថ្មីមួយដែលមានឈ្មោះថា “There is something about tott - តត កម្លោះសម្បូរស្នេហ៍” បានចាក់បញ្ចាំងហើយនៅគ្រប់រោងភាពយន្តក្នុងស្រុកជាលក្ខណៈ 2D ដែលក្នុងនោះតួអង្គ “តត” ជាក្មេងកម្លោះម្នាក់ដែលមានរូបរាងសង្ហារយ៉ាងខ្លាំងដែលធ្វើអោយស្រីៗជាច្រើនធ្លាក់ក្នុងអន្លង់ស្នេហ៏គេ។

“តត”ជាបុរសក្នុងក្តីសុបិន្តរបស់នារីៗគ្រប់គ្នាតែមានអ្នកណាដឹងទៅថាកាលពីគេនៅក្មេងមាននារីម្នាក់បានបន្សល់ស្លាកស្នាមយ៉ាងជ្រៅក្នុងបេះដូងក្មេងខ្ចីស្រស់ស្អាតរបស់គេ។ ពេលដែល “តត” ធំពេញវ័យគេនៅតែបន្តរាយមន្តស្នេហ៏ដាក់ស្រីៗដែលនៅជិតគេ។ គេបានព្យាយាមធ្វើការគ្រប់យ៉ាង ដើម្បីសន្សំប្រាក់ ដើម្បីទៅទទួល យាយរបស់គាត់ពីមណ្ឌលចាស់ជរា។លោកយាយម្នាក់នេះហើយជាមនុស្សស្រីម្នាក់ ដែលគេស្រលាញ់ អស់ពីបេះដូងជាហេតុ ធ្វើអោយគេមិនដែលរុញរាក្នុងការធ្វើការធ្ងន់សព្វបែបយ៉ាងដើម្បីរកលុយ។

បន្ទាប់ពីមានការចាក់បញ្ចាំងមក ខ្សែភាពយន្តនេះទទួលបានការសរសើរមិនដាច់ពីមាត់ពីសំណាក់អ្នកទស្សនា និងជាពិសេសអ្នកគាំទ្រ Nick តែម្តង។ មានតួអង្គស្រីម្នាក់នៅក្នុងនោះដែលគាត់ ជា Transgender មានឈ្មោះពិតថា Titikorn Turaphun (Yoshi) គាត់ពិតជាមានសម្រស់ ដែលគួរឲ្យស្រលាញ់មែន មិនចាញ់មនុស្សស្រីពិតនោះទេ។  ចំនុចគួរឲ្យទាក់ទាញនៃរឿងនេះនឹងធ្វើឲ្យអ្នកទប់សំណើចមិនបាន បិទមាត់មិនជិត គឺជាមួយទេពកោសល្យប៉ិនប្រសប់របស់តួអង្គទាំងអស់ ជាពិសេសគឺតួអង្គម្តាយរបស់តត ដែលជាតារាកំប្លែងជើងចាស់។ ចង់ដឹងមែនទេថា សាច់រឿងដែលគ្រប់គ្នាសរសើរមិនដាច់ពីមាត់នោះ អាចនឹងធ្វើឲ្យអ្នកផ្ទុះសំណើចបានយ៉ាងណា ទៅទស្សនារឿង តត កម្លោះសម្បូរស្នេហ៍ ដែលមានចាក់បញ្ចាំងនៅគ្រប់រោងភាពយន្តទាំងអស់គ្នា៕

ទស្សនា Trailer នៅទីនេះ៖

កិច្ចប្រជុំរវាង រាជរដ្ឋាភិបាល និងក្រុមហ៊ុន ប្រេងឥន្ធនៈ ធ្វើរួចរាល់ តែលទ្ធផលនៃ ការបញ្ចុះតម្លៃប្រេងសាំង មិនទាន់មាន

E-mail Print PDF

ភ្នំពេញ ៖ កិច្ចប្រជុំរវាង រាជរដ្ឋភិបាល និងក្រុមហ៊ុន ចែកចាយប្រេងឥន្ធនៈ នៅកម្ពុជា ត្រូវបានរៀបចំ និងប្រជុំ រួចរាល់ហើយកាលពីថ្ងៃទី ៣ ខែកញ្ញាម្សិលមិញ នៅទីស្តីការក្រសួងពាណិជ្ជកម្ម ក្រោមអធិបតីភាព លោក ឈួន ដារ៉ា រដ្ឋលេខាធិការ ក្រសួងពាណិជ្ជកម្ម និងមានការចូលរួម មន្ត្រីក្រសួងសេដ្ឋកិច្ច និងហិរញ្ញវត្ថុ ក្រសួងរ៉ែ និង ថាមពល និងតំណាងក្រុមហ៊ុន ចែកចាយប្រេងឥន្ធនៈធំៗ ដែលធ្វើប្រតិបត្តិការនៅកម្ពុជា រួមមាន៖ ក្រុមហ៊ុន SOKIMEX, TELA, PTT (កម្ពុជា), CALTEX, Bright Victory Mekong Petroleum, TOTAL, និងក្រុមហ៊ុន SAVIMEX នេះយោងតាមសេចក្តីប្រកាស ព័ត៌មានរបស់ក្រសួងពាណិជ្ជកម្ម។

ប្រភពព័ត៌មានដដែលបានឲ្យដឹងថា ក្នុងកិច្ចប្រជុំនោះ លោករដ្ឋលេខាធិការ ឈួន ដារ៉ា និងលោក ផាន ផល្លា អគ្គនាយកក្រសួងសេដ្ឋកិច្ច និងហិរញ្ញវត្ថុ បានស្នើឲ្យក្រុមហ៊ុននានា ពិចារណាពីវិធីសាស្ត្រ កំណត់ថ្លៃដែលមាន លក្ខណៈរលាស់ និងទាន់ពេលវេលា ទាក់ទងនឹងថ្លៃលក់រាយ ដោយយោងតាមថ្លៃឡើងចុះ នៃប្រេងឥន្ធនៈដែល នាំចូលពីប្រទេសសឹង្ហបូរី។

យ៉ាងណាក៏ដោយបើទោះបីជា កិច្ចប្រជុំនេះបានប្រព្រឹត្តិទៅក៏ដោយ ក៏លទ្ធផលនៃការបញ្ចុះតម្លៃ ប្រេងសាំងនៅ កម្ពុជា មិនទាន់ហុចផលដែរ ដោយតំណាងក្រុមហ៊ុនប្រេងទាំងនោះ បានលើឡើងពីបញ្ហា ប្រឈមមួយចំនួន របស់ខ្លួន និងបានសន្យានាំយកសំណើររបស់រាជរដ្ឋាភិបាល ទៅប្រជុំជាមួយនឹងថ្នាក់ដឹកនាំរបស់ពួកគេ ហើយ ឯកភាពឆ្លើយតបការស្នើរបស់ក្រសួងនៅថ្ងៃអង្គារ៍ សប្តាហ៍ក្រោយ។

ឆ្លើយតបទៅនឹងសំណើរបស់ក្រសួង តំណាងក្រុមហ៊ុនចែកចាយប្រេងឥន្ធនៈ បានយល់ព្រមពិភាក្សា បន្ថែមជា មួយថ្នាក់ដឹកនាំក្រុមហ៊ុនរបស់ខ្លួន និងពិចារណាលើសំណើរបស់ក្រសួង ក្នុងការសុំឲ្យមានវិធីសាស្ត្រ កំណត់ថ្លៃ ដែលមានលក្ខណៈរលាស់ និងទាន់ពេលវេលា ព្រមទាំងលទ្ធភាពនៃការបញ្ចុះថ្លៃបន្ថែមទៀត។ បណ្តាក្រុមហ៊ុនក៏បានយល់ព្រមផងដែរក្នុងការឆ្លើយតបមកក្រសួងវិញនៅថ្ងៃអង្គារ៍ សប្តាហ៍ក្រោយនេះ៕

សូមមើលតម្លៃប្រេងឥន្ធនៈ នៅតាមស្ថានីយនានា ក្នុងរាជធានីភ្នំពេញ ដែលតម្លៃមិនទាន់ប្រែប្រួល បើទោះបីមាន កិច្ចប្រជុំរវាងមន្ត្រីរាជរដ្ឋាភិបាល និងតំណាងក្រុមហ៊ុនប្រេងឥន្ធនៈទូទាំងកម្ពុជាក៏ដោយ៖

ព័ត៌មានវិទ្យុ ដើមអម្ពិល ម៉ោង ១២-១៣ រៀបចំដោយ លោក សយ សុភាព

E-mail Print PDF

F.U.G.I ហ្គោល សហការ​ជាមួយ​ផ្សារ មូល​បត្រកម្ពុជា លើក​កម្ពស់​ការ​យល់​ដឹងពី ដំណើរ​ការ​ជួញ​ដូរ​មូល​បត្រ

E-mail Print PDF

ភ្នំពេញ៖ F.U.G.I ហ្គោល ដែលជាក្រុមប្រឹក្សាលើវិស័យអចលនទ្រព្យ បានចាប់ដៃជាមួយក្រុមហ៊ុនផ្សារមូលបត្រ កម្ពុជា ដើម្បីធ្វើការផ្សព្វផ្សាយ និងពង្រីកការយល់ដឹងពីដំណើរការជួយដូរមូលបត្រទៅដល់ប្រជាពលរដ្ឋកម្ពុជា។ ការចាប់ដៃគ្នារវាង F.U.G.I ហ្គោល និងក្រុមហ៊ុនផ្សារមូលបត្រ ត្រូវបានរំពឹងថា នឹងជួយជំរុញឲ្យដំណើរការជួញដូរ លើទីផ្សារមូលបត្រមានសន្ទុះទៅមុខ ខណៈបច្ចុប្បន្នទីផ្សារជួញដូរមូលបត្រហាក់មិនសូវមានសកម្មភាពផុសផុល នៅឡើយទេ បន្ទាប់ពីបើកដំណើរការនៅកម្ពុជាអស់រយៈពេលប្រមាណជា ៣ឆ្នាំមកហើយនោះ។

លោក លី សែនលាភ នាយយកប្រតិបត្តិក្រុមហ៊ុន F.U.G.I ហ្គោល បានថ្លែងក្នុងពិធីសំណេះសំណាលជាមួយ ក្រុមហ៊ុនទីផ្សារមូលបត្រកាលពីថ្ងៃទី០៣ ខែកញ្ញា ឆ្នាំ២០១៥ថា F.U.G.I ហ្គោល មានបំណងចង់ផ្សព្វផ្សាយ លើកកម្ពស់ និងជំរុញដល់សាធារណជនឲ្យបានយល់ដឹងពីផ្សារមូលបត្រកម្ពុជា ក៏ដូចជាដំណើរការ ជួញដូរមូលប ត្រមហាជន ពីព្រោះ F.U.G.I ហ្គោល គឺជាអន្តរការីផ្តល់ប្រឹក្សាផ្នែកមូលបត្រដែលទទួលបានអាជ្ញាបណ្ណពីគណៈ កម្មការមូលបត្រកម្ពុជា។
លោក លី សែនលាភ បានបញ្ជាក់ទៀតថា ក្រុមហ៊ុន ក៏ចង់ចែករំលែកចំណេះដឹងដល់បុគ្គលិកលើផ្សារហ៊ុននៅកម្ពុ ជា និងពន្យល់ប្រជាពលរដ្ឋឲ្យចូលរួមវិនិយោគលើផ្សារហ៊ុន។ លោក លី សែនលាភ ក្រុមហ៊ុន F.U.G.I ហ្គោល កំពុងនាំក្រុមហ៊ុនចំនួន ៤ទៀត ចូលមកសហការជាមួយក្រុមហ៊ុនផ្សារមូលបត្រកម្ពុជា នៅពេលឆាប់ៗខាងមុខនេះ ។

ដោយឡែក លោក ហុង សុហួរ អគ្គនាយកផ្សារមូលបត្រកម្ពុជាមានបានឲ្យថា ក្រុមហ៊ុន ដែលដំណើរការល្អនៅ ពេលចូលភាគហ៊ុន ជាមួយទីផ្សារមូលបត្រកម្ពុជា កាន់តែធ្វើឲ្យក្រុមហ៊ុនមានចំណូលកាន់តែច្រើនទៀត និង មាន អ្នកចាំទិញផ្សារហ៊ុន នៅលើទីផ្សារដោយមិនពិបាករកអ្នកទិញភាគហ៊ុនបានច្រើន។ ជាពិសោធន៍ក្រុមហ៊ុន ដែល មាននៅក្នុងផ្សារហ៊ុន មានដំណើរកាល្អជាងក្រុមហ៊ុនមិនមានផ្សារហ៊ុន៕

ក្រុមហ៊ុន ព្រូដិនសលកម្ពុជា ពង្រីកសេវា ធានារ៉ាប់រង អាយុជីវិតទូទាំងប្រទេស

E-mail Print PDF

ភ្នំពេញ៖ ក្រុមហ៊ុនព្រូដិនសលកម្ពុជា បានឲ្យដឹងថា ប្រតិបត្តិការរបស់ខ្លួន ក្នុងការផ្ដល់សេវា ធានារ៉ាប់រងអាយុជីវិត បានគ្របដណ្ដប់គ្រប់បណ្ដា ខេត្ត-ក្រុងទាំងអស់ទូទាំង ព្រះរាជាណាចក្រកម្ពុជា បន្ទាប់ពីបានចូលមកធ្វើអាជីវកម្ម នៅកម្ពុជាបាន រយៈពេលជាងពីរឆ្នាំ ។

បច្ចុប្បន្ន ការផ្ដល់សេវា ធានារ៉ាប់រងអាយុជីវិត របស់ក្រុមហ៊ុនព្រូដិនសលកម្ពុជា គឺធ្វើឡើងតាមរយៈធនាគារក្នុង ស្រុកធំបំផុតនៅកម្ពុជា គឺធនាគារអេស៊ីលីដា ដែលជាដៃគូយុទ្ធសាស្ត្រក្នុងការចែកចាយផលិតផលធានារ៉ាប់រង អាយុជីវិតរបស់ក្រុមហ៊ុនព្រូដិនសលកម្ពុជា ហើយនិងតាមរយៈទីប្រឹក្សាធានារ៉ាប់រងអាយុជីវិតសកម្មដែលមានចំនួន ១ពាន់នាក់ជាងនៅក្នុងទីក្រុងភ្នំពេញ។ ការពង្រីកខ្លួនទៅគ្រប់បណ្ដាខេត្តក្រុងនេះបានធ្វើឡើង បន្ទាប់ពីប្រជាជន កម្ពុជា មានការយល់ដឹងពីអត្ថប្រយោជន៍ និងសារៈសំខាន់ ក៏ដូចជាមានតម្រូវការកាន់តែកើនឡើង លើការ ប្រើប្រាស់ សេវាធានារ៉ាប់រងអាយុជីវិត ។

លោក ហុង ហេង ដែលជាអ្នកជំនាញធានារ៉ាប់រងអាយុជីវិត របស់ក្រុមហ៊ុនព្រូដិនសល ប្រចាំខេត្តសៀមរាប បានថ្លែងថា “ជាទូទៅ ពីមួយថ្ងៃទៅមួយថ្ងៃ យើងឃើញពីកំណើនអតិថិជនដែលបាន ចូលមកប្រើប្រាស់សេវាកម្ម ធនាគារ ហើយពីមួយថ្ងៃទៅមួយថ្ងៃ ឃើញពួកគាត់សាកសួរច្រើនអំពីសេវាកម្មធានារ៉ាប់រង ។ ដូច្នេះ នៅទីនេះ មានអតិថិជនជាច្រើន ដែលគាត់កំពុងសាកសួរបន្ថែមអំពីសេវាកម្មធានារ៉ាប់រងអាយុជីវិត ថាតើនៅពេលដែល គាត់ប្រើប្រាស់វាមានអត្ថប្រយោជន៍អ្វីខ្លះដល់ពួកគាត់” ។

លោក អៀន គឹមឆៃ ជាអ្នកជំនាញធានារ៉ាប់រងអាយុជីវិតរបស់ ក្រុមហ៊ុនព្រូដិនសលកម្ពុជា ម្នាក់ទៀត ប្រចាំខេត្ត តាកែវបានឲ្យដឹងថា ប្រជាជនបានយល់ដឹងកាន់តែច្រើនឡើងៗ អំពីសេវាធានារ៉ាប់រងអាយុជីវិតនេះ ។

លោកថ្លែងថា “និយាយរួម តាំងពីខ្ញុំមកធ្វើការនៅទីនេះ ដំបូង ការយល់ដឹងរបស់គាត់នៅមានកម្រឹតដែរ ។ ក្រោយ ពីយើងបានចុះផ្សព្វផ្សាយដល់គាត់ទៅ ឃើញថា គាត់ចាប់អារម្មណ៍នូវសេវាធានារ៉ាប់រង ព្រោះអីវាជាការសន្សំ ហើយការការពារគាត់”។

ក្រុមហ៊ុនព្រូដិនសលកម្ពុជា បានបោះជំហានចូលមកក្នុងទីផ្សារកម្ពុជាកាលពីដើមឆ្នាំ 2013 ។ ចាប់តាំងពីបើក ដំណើរការនៅកម្ពុជាមក រហូតមកទល់នឹងពេលនេះ ក្រុមហ៊ុនព្រូដិនសលកម្ពុជា បានលក់បណ្ណសន្យារ៉ាប់រង បានប្រមាណជាជាង ១៥.០០០ បណ្ណប្រហែលនឹងទឹកប្រាក់ធានារ៉ាប់រងចំនួន១៥០ លានដុល្លារអាម៉េរិក គិតត្រឹម ថ្ងៃទី៣១ ខែធ្នូ ២០១៤។

ជាមួយនឹងវត្តមាននៅគ្រប់ទីកន្លែង ក្រុមហ៊ុនធានារ៉ាប់រងអាយុជីវិត ព្រូដិនសលកម្ពុជា បានជូយសម្រួលដល់ ប្រជាជនកម្ពុជាកាន់តែច្រើនឡើង ក្នុងការទទួលបានការធានា និងការកសាងផែនការហិរញ្ញវត្ថុ សម្រាប់ពេល អនាគតកាន់តែងាយស្រួល និងមានសុវត្ថិភាព ៕

ផឹកស្រវឹងឡូឡា បង្កការរំខាន ដល់អ្នកជិតខាង ត្រូវនគរបាល ឃាត់ខ្លួន បញ្ជូនទៅតុលាការ

E-mail Print PDF

ពោធិ៍សាត់÷ បុរសញៀនស្រា ៥នាក់ ត្រូវបានកម្លាំងនគរបាលស្រុកវាលវែង និងស្រុកបាកាន ធ្វើការឃាត់ខ្លួនរួចបញ្ជូន មកកាន់ការិយាល័យ នគរបាលព្រហ្មទណ្ឌកំរិតស្រាល ខេត្តពោធិ៍សាត់ ខណៈដែលពួកគេទាំង៥នាក់នោះ បានផឹកស៊ីស្រវឹងជោកជាំ ហើយដើរឡូឡាបង្កការរំខាន ដល់អ្នកជិតខាងកាលពីថ្ងៃទី០២ ខែកញ្ញា ឆ្នាំ២០១៥កន្លងមកនេះ។

នាយរងការិយាល័យ នគរបាលព្រហ្មទណ្ឌកំរិតស្រាលខេត្ត លោកវរសេនីយ៍ត្រី គុយ ញឿន បានឲ្យដឹងថា ជនសង្ស័យដែលសមត្ថកិច្ចខ្លួន បាននោះមាន÷១-ឈ្មោះញឹម សាវុធ ភេទប្រុស អាយុ៥៥ឆ្នាំ រស់នៅភូមិស្ទឹងថ្មី ឃុំប្រម៉ោយ ស្រុកវាលវែង ខេត្តពោធិ៍សាត់, ២-ឈ្មោះឈិន ស្ម័គ្រ ភេទប្រុស អាយុ ៤២ឆ្នាំ រស់នៅភូមិស្ទឹងព្រះ ឃុំល្វា ស្រុកពួក ខេត្តសៀមរាប, ៣-ឈ្មោះសេង ឡុង ភេទប្រុស អាយុ ៥៦ឆ្នាំ រស់នៅភូមិថ្មី ឃុំតាលោ ស្រុកបាកាន, ៤-ឈ្មោះ ចៅ ខាន់ ភេទប្រុស អាយុ ៤៣ឆ្នាំ រស់នៅភូមិថ្មី ឃុំតាលោ ស្រុបាកាន និង ទី៥ ឈ្មោះ អ៊ិន សំអាតភេទប្រុសអាយុ60ឆ្នាំរស់នៅភូមិថ្មី ឃុំតាលោ ស្រុកបាកាន ខេត្តពោធិ៍សាត់។លោកគុយ ញឿន ក៏បានបន្តឲ្យដឹងដែរថា ក្រៅពីផឹកស្រាស្រវឹងឡូឡា បង្កការរំខានដល់អ្នកជិតខាង ជនសង្ស័យទាំងនោះ ក៏បានលាក់ទុកអាវុធកែច្នៃចំនួន ៤ដើម ព្រមទាំងឧបករណ៍សម្រាប់ឆក់ត្រី១គ្រឿងទៀតផងដែរ។

ក្រោយការសួរចម្លើយ ជនសង្ស័យទាំង៥នាក់ រួមនិងវត្ថុតាង ត្រូវបានបញ្ជូនទៅកាន់សាលាដំបូង ខេត្តពោធិ៍សាត់ដើម្បីចាត់ការបន្ត៕

Photo by DAP-News

កូនប្រុសតិរច្ឆាន អារកម្ដាយបង្កើត និងកាំបិតផ្គាក់ រងរបួសធ្ងន់ដេក ក្នុងថ្លុកឈាម

E-mail Print PDF

កំពង់ស្ពឺ ៖ ហេតុការណ៍ដ៏ហួសចិត្តមួយ បានកើតឡើងកាលពីរវេលាម៉ោង ៦និង៣០ នាទី ព្រឹកថ្ងៃទី ០៤ កញ្ញា ២០១៥ ស្ថិតនៅភូមិ កុមាររមាស ឃុំអមលាំង ស្រុកថ្ពង ដោយបុរសម្នាក់ ផឹកស៊ីស្រវឹង រករឿងក្នុងគ្រួសារ និងបង្កទៅជាហឹង្សារ ទាញកាំបិតអារ កទៅលើម្ដាយ របស់ខ្លួនបណ្ដាលឲ្យរងរបួសធ្ងន់ ។

សមត្ថកិច្ចបានឲ្យដឹងថា ជនបង្កឈ្មោះ សាម ចាន់រ៉ា អាយុ ២៧ ឆ្នាំ ឯស្ត្រីជាម្ដាយដែលរងគ្រោះ ឈ្មោះ ជ័យ សើន ហៅ រិ ។

ជនបង្កត្រូវសមត្ថកិច្ចឃាត់ខ្លួនភ្លាមៗ ទៅ ស្នងការដ្ឋាន នគរបាលខេត្ត ដើម្បីកសាងសំណុំរឿង បញ្ជូនខ្លួនទៅតុលាការចាត់ការបន្ត  ៕

Page 3 of 427