Dap News...Admin

ភ្នំពេញ៖ កម្ពុជាគ្រោងនឹងទាក់ទាញ អ្នកទេសចរជនជាតិចិន ឲ្យបាន៥លាននាក់ ក្នុងឆ្នាំ២០១៥ និងឲ្យបាន ៧លាននាក់ នៅក្នុងឆ្នាំ២០២០ តាមរយៈ ការដាក់ចេញ នូវយុទ្ធសាស្រ្តទីផ្សារទេសចរណ៍កម្ពុជា និងយុទ្ធសាស្រ្តទីផ្សារទេចរណ៍កម្ពុជា សម្រាប់ទាក់ទាញទេសចរចិន ឆ្នាំ២០១៣-២០១៨ ដែល រៀបចំ ដោយក្រសួងទេសចរណ៍កម្ពុជា។

លោក ថោង ខុន រដ្ឋមន្រ្តីក្រសួងទេសចរណ៍ បានថ្លែងបែបនេះ នៅក្នុងសិក្ខាសាលាស្តីពី យុទ្ធសាស្រ្តទីផ្សារទេសចរណ៍កម្ពុជា និងយុទ្ធសាស្រ្តទីផ្សារ សម្រាប់ទាក់ទាញទេសចរចិនឆ្នាំ ២០១៣-២០១៨ នៅព្រឹកថ្ងៃពុធ ទី១៩ ខែមិថុនា ឆ្នាំ២០១៣នេះ នាសណ្ឋាគារភ្នំពេញ រាជធានីភ្នំពេញ។

លោករដ្ឋមន្រ្តី ថោង ខុន បានបន្តថា ដើម្បីធ្វើការឆ្លើយតប ទៅនឹងបរិការណ៍តំបន់ និងពិភពលោកនាពេលបច្ចុប្បន្ន និងការឈានទៅអនុវត្ត យុទ្ធសាស្រ្ត ទីផ្សារទេសចរណ៍អាស៊ាន ២០១២-២០១៥ ព្រមទាំងដើម្បី អនុវត្តផែនការយុទ្ធសាស្រ្ត អភិវឌ្ឍទេសចរណ៍កម្ពុជា ឆ្នាំ២០១២-២០២០ ការរៀបចំយុទ្ធសាស្រ្ត ទីផ្សារទេសចរណ៍កម្ពុជា និងយុទ្ធសាស្រ្ត ទីផ្សារទេសចរណ៍កម្ពុជា សម្រាប់ទាក់ទាញទេសចរចិន ឆ្នាំ២០១៣-២០១៨នេះ ពិត ជាផ្តល់កាលានុវត្តភាព ដើម្បីឲ្យកម្ពុជា អាចទាក់ទាញភ្ញៀវទេសចរ ឲ្យបាន ៥លាននាក់ នៅឆ្នាំ២០១៥និង ៧លាននាក់ នៅឆ្នាំ២០២០ ព្រមទាំងធ្វើឲ្យ កម្ពុជាក្លាយជា គោលដៅទេសចរណ៍ ប្រកបដោយភាពទាក់ទាញ នៅក្នុងតំបន់ និងពិភពលោក។

លោករដ្ឋមន្រ្តី ថោង ខុន បន្តថា «ដើម្បីទៅសម្រេចបាន នូវទិសដៅនៃចក្ខុវិស័យនេះ ទាមទារឲ្យមានការកំណត់ទីផ្សារ គោលដៅឲ្យបានច្បាស់ ធ្វើ ការអភិវឌ្ឍ និងពិពិធកម្មផលិតផល និងសេវាកម្មទេសចរណ៍ ដែលនឹងត្រូវកំណត់ ក្នុងឯកសារយុទ្ធសាស្រ្ត ទីផ្សារទេសចរណ៍ទាំងពីរនេះ»។

បើតាមលោករដ្ឋមន្រ្តី ក្រសួងទេចរណ៍ បានឲ្យដឹងថា វិស័យទេសចរណ៍ គឺជាវិស័យមួយមានលក្ខណៈជាប្រព័ន្ធ ជាអន្តរវិស័យប្រកប ដោយភាព ប្រទាក់ក្រឡាគ្នា ទាំងនៅកំរិតសកល កំរិតតំបន់ និងកំរិតជាតិ ហើយត្រូវចាត់ទុកថា ជាសមាសធាតុមួយដ៏សំខាន់ ក្នុងការអភិវឌ្ឍសេដ្ឋកិច្ចសង្គម ហើយត្រូវបានចាត់ទុកថា ជាសមាសធាតុមួយដ៏សំខាន់ ក្នុងការអភិវឌ្ឍសេដ្ឋកិច្ចសង្គម និងការពង្រឹងទំនាក់ទំនងទៅវិញទៅមក ពិសេសការ ជំរុញវប្បធម៌ និងសន្តិភាព។

វិស័យទេសចរណ៍ ត្រូវបានចាត់ទុក ជាវិស័យអាទិភាពមួយ ដែលដើរតួជាមាសបៃតង ដោយបានចូលរួមចំណែក ដល់ការអភិវឌ្ឍសេដ្ឋកិច្ចសង្គម តាមរយៈការបង្កើត និងបង្កើនឱកាសការងារ ការបង្កើនប្រាក់ចំណូល ជូនប្រជាពលរដ្ឋដោយផ្ទាល់ និងដោយប្រយោលជាច្រើន ការជំរុញការនាំចេញ នៅនឹងកន្លែង ដែលជំរុញដល់ កំណើនសេដ្ឋកិច្ចជាតិ និងការកាត់បន្ថយភាពក្រីក្រ របស់ប្រជាពលរដ្ឋ ព្រមទាំងអាចឆ្លើយតបបាន ទៅនឹងបញ្ហា បម្រែបម្រួល អាកាសធាតុ ប្រកបដោយប្រសិទ្ធភាព ដែលស្របនឹងនិន្នាការសកលលោក នាពេលបច្ចុប្បន្ន។

គួរបញ្ជាក់ថា វិស័យទេសចរណ៍កម្ពុជា បានចូលរួមចំណែកយ៉ាងខ្លាំងក្លា នៅក្នុងការចូលរួមសម្រេចគោលដៅ នៃយុទ្ធសាស្រ្តចតុកោណ និងកម្មវិធី នយោបាយ របស់រាជរដ្ឋាភិបាលកម្ពុជា៕

ភ្នំពេញ: បុរសម្នាក់ បានរងរបួស បែកប្រអប់ជើងខាងស្តាំ ដោយសារ ត្រូវរថយន្តស៊ីអ័រវី បើកបុក កាលពីវេលាម៉ោង១០ និង១៥យប់ កាលពីថ្ងៃទី១៨ ខែមិថុនា ឆ្នាំ២០១៣ នៅផ្លូវ៣១០ កែងផ្លូវព្រះមុនីវង្ស ស្ថិតក្នុងសង្កាត់បឹងកេងកងទី១ ខណ្ឌចំការមន ។

សមត្ថកិច្ចមូលដ្ឋាន បានឲ្យដឹងថា ជនរងគ្រោះ ជាជនជាតិភាគតិច ប៉ុន្តែមិនបានស្គាល់ អត្តសញ្ញាណទេ អាយុ ប្រហែល ៤០ ឆ្នាំ ជិះម៉ូតូម៉ាកវ៉េវ ពណ៌ក្រហមលាយខ្មៅ ពាក់ស្លាកលេខ មណ្ឌលគិរី 1A-1986 បើកតាមបណ្តោយផ្លូវ ៣១០ ក្នុងទិសដៅពីលិចទៅកើត ខណៈមកដល់ចំណុចកើតហេតុ កែងផ្លូវព្រះមុនីវង្ស ក៏ត្រូវរថយន្ត ស៊ីអ័រវី ពណ៌ខ្មៅ ១ គ្រឿង អត់ចាំស្លាកលេខ បើកបុកពេញទំហឹង ហើយរថយន្តបង្ក បានបើករត់គេចបាត់ ។

ក្រោយពេលកើតហេតុ ជនរងគ្រោះ ត្រូវរថយន្តសាមុយ ដឹកយកទៅសង្គ្រោះ នៅមន្ទីរពេទ្យ ចំណែកម៉ូតូសមត្ថកិច្ចចរាចរខណ្ឌ បានចុះមកវាស់វែង អូសយកទៅរក្សាទុក នៅអធិការដ្ឋាន នគរបាលខណ្ឌចំការមន រង់ចាំទំនាក់ទំនងទៅក្រុមគ្រួសារ ម្ចាស់ម៉ូតូឲ្យមកទទួលយកទៅវិញ ។

សូមបញ្ជាក់ថា ជនរងគ្រោះ ដែលត្រូវរថយន្ត ស៊ីអរវី បុកបាក់ភ្លៅខាងលើនេះ នៅមិនទាន់ស្គាល់អត្តសញ្ញាណនៅ ឡើយទេ ដោយសារក្រោយកើតហេតុ រថយន្តសាមុយ បានដឹករូបគេយកទៅសង្គ្រោះ នៅមន្ទីរពេទ្យភ្លាមៗ ៕

កណ្តាល ៖ លោក ឯក វីរដេដ្ឋ ប្រធានគណៈពង្រឹង ឃុំបាក់ដាវ តំណាង លោក អូន ព័ន្ធមុនីរ័ត្ន ប្រធានគណៈអចិន្រ្តៃយ៍ គណៈពង្រឹងមូលដ្ឋាន ស្រុក ខ្សាច់កណ្តាល នៅថ្ងៃ ទី១៧ ខែមិថុនា ឆ្នាំ២០១៣ បានចូលរួម នៅក្នុងពិធីបញ្ចុះបឋមសិលា សាងសង់ខ្លោងទ្វារវត្តបាក់ដាវ និងរបងខាងក្រោយ ដែលស្ថិត នៅក្នុងឃុំ បាក់ដាវ ស្រុកខ្សាច់កណ្តាល ខេត្តកណ្តាល។

លោក ឯក វីរដេដ្ឋ បានមានប្រសាសន៍ ក្នុងពិធីនោះថា លោកសូមនាំយកនូវការផ្តាំផ្ញើ សាកសួរសុខទុក្ខពីសំណាក់ សម្តេចទាំងបី សម្តេច ជា ស៊ីម ប្រធានព្រឹទ្ធសភាកម្ពុជា, សម្តេច ហេង សំរិន ប្រធានរដ្ឋសភាកម្ពុជា និងសម្តេចតេជោ ហ៊ុន សែន នាយករដ្ឋមន្រ្តីកម្ពុជា ដែលជានិច្ចកាល សម្តេច ទាំងបី តែងតែគិតគូរជានិច្ច ចំពោះសុខទុក្ខ ការលំបាក និង ការខ្វះខាតរបស់ប្រជាពលរដ្ឋ នៅទូទាំងប្រទេស និងជំរុញកិច្ចអភិវឌ្ឍន៍ប្រទេស ឲ្យមាន ការរីកចំរើនលើគ្រប់វិស័យ។

លោក ឯក វីរដេដ្ឋ បានបន្តថា វិស័យព្រះពុទ្ធសាសនា ក្នុងពេលបច្ចុប្បន្ននេះ គឺកំពុងមានការរីកចំរើនយ៉ាងខ្លាំង ដោយសារតែទីវត្តអារាម កំពុងតែមាន ការរីកដុះដាលព្រោងព្រាត នៅទូទាំងប្រទេស ដែលការរីកចំរើនទាំងអស់នេះ គឺបានកើតឡើងក្រោយថ្ងៃ ៧ មករា ឆ្នាំ១៩៧៩ ដែលគណបក្ស ប្រជាជនកម្ពុជា បានរំដោះប្រជាពលរដ្ឋខ្មែរ ទូទាំងប្រទេស ពីកណ្តាប់ដៃខ្មែរក្រហម និងបានខិតខំអភិវឌ្ឍប្រទេសជាតិ ឲ្យមានការអភិវឌ្ឍដូច សព្វថ្ងៃនេះ។

លោក ឯក វីរដេដ្ឋ បានបន្តថា រាជរដ្ឋាភិបាលកម្ពុជា ដែលជារាជរដ្ឋាភិបាល ដឹកនាំដោយគណបក្សប្រជាជនកម្ពុជា បានខិតខំប្រឹងប្រែង ក្នុងការ កសាងប្រទេសជាតិ ឲ្យមានការរីកចម្រើនជឿនលឿន ដូចបណ្តាប្រទេសមួយចំនួន លើពិភពលោក។ វាមិនដូច ជាគណបក្ស នយោបាយខ្លះ ដែល ចេះតែដើរសន្យាខ្យល់ ដោយមិនបានជួយអ្វីទាល់តែសោះ ដល់ប្រជាពលរដ្ឋនោះទេ។

នៅថ្ងៃដដែលនោះផងដែរ លោក ឯក វីរដេដ្ឋ ប្រធានគណៈពង្រឹង ឃុំបាក់ដាវ បានប្រគល់បាល់ទាត់ ចំនួន០៥, បាល់ទះចំនួន០៥ និងហ្វីឡេ (សំណាញ់បាល់ទះមួយ) ដល់សិស្សានុសិស្សវិទ្យាល័យ ហ៊ុន សែន បាក់ដាវ ដើម្បីយកទៅហ្វឹកហាត់ និងលេងកម្សាន្ត ក្រោយពីសំរាក ពីការសិក្សា ជៀសវាងទុកពេលទំនេរ ទៅប្រព្រឹត្តអំពើខុសច្បាប់ ដែលសង្គមស្អប់ខ្ពើម។

សូមបញ្ជាក់ថា ប្រធានគណៈពង្រឹង ឃុំបាក់ដាវ លោក ឯក វីរដេដ្ឋ ក្នុងពិធីបញ្ចុះបឋមសិលា សាងសង់ខ្លោងទ្វារវត្តបាក់ដាវ និងរបងខាងក្រោយនោះ ក៏បានប្រគេនបច្ច័យ បុណ្យផ្កាសាមគ្គី សរុបចំនួន ២៣.១៧៨.០០០រៀល ហើយនិងបានបែងចែក ជូនវត្តព្រែកជ្រូក និងវត្តបាក់ដាវ ក្នុងមួយវត្តៗ ទទួលបានបច្ច័យ ចំនួន ១១.៥៨៩.០០០រៀល ដើម្បីយកទៅប្រើប្រាស់ បម្រើដល់តម្រូវការចាំបាច់ របស់វត្តនីមួយៗ៕

ភ្នំពេញៈ ក្រុមហ៊ុន ស្រាបៀរកម្ពុជា ខេមប្រ៊ូវ ដែលផលិត ស្រាបៀរអង្គរ បានប្រកាស កាលពីល្ងាច ថ្ងៃ១៨ ខែមិថុនា ឆ្នាំ២០១៣ កន្លងទៅថា ផលិតផលរបស់ខ្លួន រួមមាន ស្រាបៀរអង្គរ និង អង្គរអ៊ិចស្រាស្តោត ទើបតែទទួលបាន ចំណាត់ថ្នាក់លេខ១ (មេដាយមាស) ក្នុងការប្រកួតប្រជែង ស្រាបៀរ នៅវិទ្យាស្ថាន ម៉ុងសេលិចសិន ប្រទេស ប្រ៊ូសែល សហគមន៍អឺរ៉ុប ថ្មីៗនេះ ។

ការប្រកួត ស្រាបៀរលំដាប់ថ្នាក់ ពិភពលោក ដែលមាន វិទ្យាស្ថាន ម៉ុងសេលិចសិន ធ្វើជាគណៈកម្មាធិការ វាយតម្លៃ និងត្រួតពិនិត្យគុណភាពនេះ មានម៉ាកសញ្ញាស្រាបៀ នៃក្រុមហ៊ុននានា ប្រមាណ៣០០០មុខ មកពី ៨០ប្រទេស ជុំវិញពិភពលោក ចូលរួម ក្នុងនោះ ស្រាបៀរអង្គរ បានទទួលចំណាត់ថ្នាក់ មេដាយមាស រីឯ ស្រាបៀរអង្គរអ៊ិចស្រាស្តោត ទទួលបានចំណាត់ថ្នាក់ មេដាយមាសថ្នាក់ខ្ពស់បំផុត ។

បើតាមការប្រសាសន៍ របស់លោក សាយសាណា ភូមាស៊ី អគ្គនាយក នៃក្រុមហ៊ុន ស្រាបៀរកម្ពុជា ខេមប្រ៊ូវ ក្នុងពិធីប្រកាសមេដាយ នៅសណ្ឋាគារ សូហ្វីតែល ភ្នំពេញ ផូគីត្រា បានឱ្យដឹងថា ការប្រកួតប្រជែង ស្រាបៀរពិភពលោកនេះ មានការវាយតម្លៃ និងត្រួតពិនិត្យ ច្បាស់លាស់ ដោយសមាជិក គណៈកម្មាធិការ ជាង៧០នាក់ ដែលមានជំនាញ ផ្នែកផលិតស្រាបៀរ និងបច្ចេកទេស ផ្សំស្រាបៀរ រួមទាំង សាស្រ្តាចារ្យ និង អ្នកវិភាគ អ្នកជំនាញភ្លក់ស្រាបៀរ និងវិស្វករ ផ្នែកគីមីចំណីអាហារ ផងដែរ ។

លោកបានបន្ថែមថា “ភាពជោគជ័យ របស់យើង ក៏ជាភាពជោគជ័យ របស់លោកអ្នកដែរ។ វាជាសញ្ញាពិត នៃបេះដូងខ្មែរ។ ឥឡូវនេះ យើងអាច និយាយបានថា បេះដូងខ្មែរ ពិតជាស័ក្តិសមនឹង មេដាយមាសបំផុត ហើយថ្ងៃនេះ ពិភពលោកទាំងមូល នឹងទទួលស្គាល់ គុណភាព របស់យើង” ។

លោក ចម ប្រសិទ្ធ ទេសរដ្ឋមន្រ្តី និងជារដ្ឋមន្រ្តី ក្រសួងពាណិជ្ជកម្ម បានសាទចំពោះមេដាយមាស ថ្មីនេះ ដោយលោកថ្លែងថា ការទទួលបានមេដាយមាសនេះ នឹងធ្វើឱ្យផលិតផលកម្ពុជា ត្រូវបាន ទទួលស្គាល់ នៅលើពិភពលោក ព្រមទាំងជំរុញការលក់ ផលិតផល របស់ស្រាបៀរនេះ ដែលជាស្រាបៀររបស់ខ្មែរ កាន់តែកើនឡើង ថែមទៀត ។ ខណៈស្រាបៀរអង្គរ ទទួលបានមេដាយមាស លោកបាន ជំរុញឱ្យក្រុមហ៊ុន ស្រាបៀរអង្គរ ចូលរួមដណ្តើមយកទីផ្សារ ពិភពលោកថែមទៀត មិនមែនត្រឹមតែ ដណ្តើមទីផ្សារកម្ពុជា នោះទេ ។

គួរបញ្ចាក់ថា ស្រាបៀរអង្គរ និង អង្គរអ៊ិចស្រាស្តោត គឺជាស្រាបៀរ ដ៏ពេញនិយមមួយ នៅក្នុងប្រទេសកម្ពុជា ។ ក្រុមហ៊ុនស្រាបៀរនេះ ក៏ជាក្រុមហ៊ុន ផលិតស្រាបៀរ ចំណាស់មួយដែរ នៅកម្ពុជា ដែលបានបង្កើតឡើង តាំងពីសម័យសង្គមរាស្រ្តនិយមមកម្ល៉េះ ពោល គឺឆ្នាំ១៩៦៦ ដែលត្រូវបាន បើកសម្ពោធ ដោយព្រះករុណា សម្តេចព្រះ នរោត្តម សីហនុ ព្រះមហាវីរក្សត្រ នៃព្រះរាជាណាចក្រកម្ពុជា ៕

កណ្តាលៈ គ្រោះថ្នាក់ចរាចរ ពីរករណី ដែលបង្កឡើង ដោយរថយន្តបុកម៉ូតូ និងម៉ូតូបុកម៉ូតូ បណ្តាលឲ្យមនុស្ស ២ នាក់ស្លាប់ នៅនឹងកន្លែងកើតហេតុ រងរបួសធ្ងន់ស្រាល ៣ នាក់ និងខូចខាតម៉ូតូ ៣ គ្រឿងផងដែរ ករណីទី ១ កើត ឡើង កាលពីវេលាម៉ោង ១១ និង៥០នាទីយប់ ថ្ងៃទី១៨ ខែមិថុនា ឆ្នាំ២០១៣ ស្ថិតនៅតាម បណ្តោយផ្លូវជាតិ លេខ ៣ ចន្លោះគីឡូម៉ែត្រលេខ ៣៤ និង ៣៥នៅចំណុចភូមិក្រាំងគាំ ឃុំត្បែង ស្រុកកណ្តាល ស្ទឹងខេត្តកណ្តាល និងករណីទី ២ កើតឡើង កាលពីវេលាម៉ោង ២០ និង០៥នាទី ថ្ងៃទី១៨ ខែមិថុនា ឆ្នាំ២០១៣ ស្ថិតនៅតាម បណ្តោយផ្លូវលេខ ១២១០ ក្នុងភូមិក្រាំងក្រូច ឃុំក្រាំងយ៉ូវ ស្រុកស្អាង ខេត្តកណ្តាល ។

នគរបាលស្រុកកណ្តាលស្ទឹង បានឲ្យដឹងថា ជនរងគ្រោះមានឈ្មោះ ហម វណ្ណៈ ភេទប្រុស អាយុ ២៥ ឆ្នាំរស់នៅ ក្នុងភូមិជើងកូដ ឃុំសូភី ស្រុកបាទី ខេត្តតាកែវ ជិះម៉ូតូ ១ គ្រឿងម៉ាកសេ ១២៥ ពណ៌ខ្មៅ ពាក់ស្លាកលេខ ភ្នំពេញ 1AK-0950 ជិះម្នាក់ឯង ក្នុងទិសដៅ ពីជើងទៅត្បូង ។ ចំណែកឯរថយន្តបង្កវិញ ពុំត្រូវបានគេស្គាល់ម៉ាកនោះទេ បន្ទាប់ពីកើតហេតុ បានបើករត់គេចខ្លួនបាត់ ។ ក្រោយកើតហេតុ នគរបាលបានចុះទៅដល់កន្លែងកើត ហេតុធ្វើ ការវាស់វែង រួចហើយប្រគល់សាក ទៅឲ្យក្រុមគ្រួសារ យកទៅធ្វើបុណ្យតាមប្រពៃណី ។ ចំណែកវត្ថុតាង ត្រូវយក ទៅរក្សាទុកនៅអធិការដ្ឋាន នគរបាលស្រុកកណ្តាលស្ទឹង ដើម្បីធ្វើការស្រាវជ្រាវ រករថយន្តបង្ក ។  

ដោយឡែកនៅករណីទី ២ នៅក្នុង ឃុំក្រាំងយ៉ូវ ជនរងគ្រោះមានគ្នា ៤ នាក់ ទី១ ឈ្មោះ ចុន ខា ភេទប្រុស អាយុ ៣០ឆ្នាំ មានមុខរបរជាកសិករ (ស្លាប់) ជាអ្នកបើកបរម៉ូតូម៉ាក ហុងដា សេ ៥០ គុបមូល ពណ៌សំបកឪឡឹក គ្មាន ស្លាកលេខ ទី២ ជាអ្នកជិះពីក្រោយ ឈ្មោះ ជុង គឿន ភេទប្រុស អាយុ ២៧ ឆ្នាំ មានមុខរបរ ជាកសិកររងរបួស ស្រាល ទី៣ ឈ្មោះ ជួន រ៉ន ភេទប្រុស អាយុ ៣២ឆ្នាំ មានមុខរបរ ជាកសិករ រងរបួសបាក់ជើងម្ខាង និងទី៤ ជៀក ចាន់ ភេទប្រុស អាយុ៤១ឆ្នាំ មានមុខរបរ ជាកសិករអ្នកទាំងអស់រស់នៅក្នុងភូមិតាពេច ឃុំក្រាំងយ៉ូវ ស្រុកស្អាង ខេត្តកណ្តាល ។

នគរបាលស្រុកស្អាងបានឲ្យដឹងថា មុនពេលកើតហេតុ មានម៉ូតូចំនួន ៥ គ្រឿង ជិះគ្នាចំនួន ១០នាក់ បើកបរក្នុង ទិសដៅពីត្បូងទៅជើង រេពេញផ្លូវ លុះដល់ចំណុចកើត ក៏មានម៉ូតូជនរងគ្រោះចំនួន ២ គ្រឿងជិះគ្នា៤នាក់ក្នុងទិស ដៅបញ្រ្ចាសទិសគ្នា ពេលនោះ ម៉ូតូក្រុមបង្កក៏ជ្រុលចង្កូត ទៅបុកម៉ូតូជនរងគ្រោះ ដែលបើកមុខរួចហើយក៏បង្ហួស ទៅបុកម៉ូតូជនរងគ្រោះម្នាក់ទៀត ដែលបើកពីក្រោយ បណ្តាលឲ្យដួលបោកទៅនឹងថ្នល់ស្លាប់ភ្លាមៗ នៅនឹងកន្លែង អ្នករួមដំណើរ រងរបួសស្រាល រីឯអ្នកបើកបរម៉ូតូខាងមុខ រងរបួសបាក់ជើង និងអ្នករួមដំណើររងរបួសស្រាល ចំណែកម៉ូតូក្រុមបង្កវិញ គ្រាន់តែរងរបួសបន្តិចបន្តួច រួចហើយក៏នាំគ្នាលើម៉ូតូជិះគេចខ្លួនបាត់ទៅ ។

នគរបាលបានបន្ថែមថា ក្រុមបង្កទាំង១០នាក់នោះ ទើបចេញពីស៊ីការគេ នៅក្នុងឃុំក្រាំងយ៉ូវ ហើយស្រវឹងស្រា ជោក ជិះរេពេញផ្លូវ បណ្តាលឲ្យមានគ្រោះថ្នាក់បែបនេះ ៕

បាត់ដំបងៈ ជនប្រមឹកប្រចាំភូមិ បានផឹកស៊ីស្រវឹងវ៉ៃតប់គ្នា បង្កការរំខានអ្នកជិតខាង ត្រូវកម្លាំងអាវុធហត្ថ ស្រុក បវេល ធ្វើការឃាត់ខ្លួនទាំងសងខាង (២នាក់) កាលពីវេលាម៉ោង ១៣ និង ២០នាទី ថ្ងៃទី១៧ ខែមិថុនាឆ្នាំ ២០១៣ នៅចំណុចភូមិដាច់ព្រាត់ ឃុំបវេល ស្រុកបវេល រួចបញ្ជូនមកទីបញ្ជាការ អាវុធហត្ថខេត្ត ដើម្បីចាត់ការ បន្តតាមច្បាប់។

លោកអនុសេនីយ៍ឯក សុខ ជាសំណាង មេបញ្ជាការអាវុធហត្ថ ស្រុកបវេល បានឲ្យដឹងថា ជនបង្កហិង្សាទាំង ២ នាក់ ដែលសមត្ថកិច្ចឃាត់ខ្លួនមាន ទី១ ឈ្មោះ ព្រន ដូង ភេទប្រុស អាយុ ៣៣ ឆ្នាំ មុខរបរ រត់ម៉ូតូឌុប មានទីលំ នៅភូមិស្ទឹងដាច់ឃុំ ស្រុកបវេល (បណ្តាលឲ្យរងរបួសហើមជាំរង្វង់ភ្នែកខាងឆ្វេង បាក់ធ្មេញមុខ ខាងលើ១ និង ស្នាមឆ្កូតខ្នង ផ្នែកខាងឆ្វេង) ទី២ឈ្មោះ ផាត ខន ភេទប្រុស អាយុ ២៥ ឆ្នាំ មុខរបរធ្វើស្រែ នៅភូមិជាមួយគ្នា (របួសបែកបបូរមាត់លើផ្នែកខាងស្តាំ) ។

លោកអនុសេនីយ៍ឯក សុខ ជាសំណាង បានបញ្ជាក់ថា ជនប្រមឹកទាំង២នាក់នេះ តែងតែផឹកស៊ីស្រវឹង ឡូឡារាល់ ថ្ងៃរំខានដល់អ្នកជិតខាង លុះដល់ថ្ងៃកើហេតុ ក៏ត្រូវសមត្ថកិច្ចឃាត់ខ្លួននៅនឹងកន្លែងនាំយកមកសួរនាំ រួចកសាង សំណុំរឿងបញ្ជូនមកទីបញ្ជាការអាវុធហត្ថខេត្ត ដើម្បីចាត់ការបន្ត ។

ជនប្រមឹកទាំង២នាក់ បាននិយាយថា ខ្លួនពិតជាបានផឹកស៊ីស្រវឹង រួចឈ្លោះគ្នាពិតប្រាកដមែន ដោយសារតែខ្លួន ស្រវឹងខ្លាំងពេក ។ បច្ចុប្បន្នការិយាល័យស្រាវជ្រាវ បទល្មើសព្រហ្មទណ្ឌ អាវុធហត្ថខេត្ត បានកសាងសំណុំរឿង បញ្ជូនខ្លួនជនបង្ក ទៅតុលាការខេត្ត ដើម្បីចាត់ការបន្តតាមច្បាប់ ៕

ពោធិ៍សាត់៖ នាព្រឹកថ្ងៃទី ១៩ ខែ មិថុនា ឆ្នាំ២០១៣នេះ លោក ស៊ុយ សែម រដ្ឋមន្រ្តីក្រសួងឧស្សាហកម្ម រ៉ែ និងថាមពល និងជាប្រធានក្រុមការងារ គណៈកម្មាធិការកណ្តាល ចុះជួយខេត្តពោធិ៍សាត់ រួមនិងលោកអភិបាលខេត្ត អាជ្ញាធរគ្រប់លំដាប់ថ្នាក់ និងបងប្អូនប្រជាពលរដ្ឋ លោកយាយ លោកតា ប្រមាណ ១៣៥០ នាក់បានចូលរួមក្នុងពិធីសម្ពោធ ដាក់ឲ្យប្រើប្រាស់ជាផ្លូវការ អគារសាលាភត្ត ១ខ្នង   នៅវត្តពោធិ៍សុវណ្ណរង្សី ស្ថិតក្នុងឃុំ អន្លង់វិល ស្រុកកណ្តៀង ដែលបានចាប់ផ្តើម កសាងនៅថ្ងៃទី ២០ កុម្ភៈ ឆ្នាំ២០០១ ហើយបានបញ្ចប់ជាស្ថាពរ នៅថ្ងៃទី ២៤ ខែ កក្កដា ឆ្នាំ២០១២ មានបណ្តោយ ៥៣ ម៉ែត្រ ទទឹង ២៦ ម៉ែត្រ ចំណាយថវិកាអស់ ២៤៦ ៥៤៥ ដុល្លារសហរដ្ឋអាមេរិក ដោយមានការចូលរួម ឧបត្ថម្ភគាំទ្រពី លោក ស៊ុយ សែម និងលោកស្រី ជា ខេង និងក្រុមការងារ គណបក្សប្រជាជន ចុះជួយស្រុកកណ្តៀង និងពុទ្ធបរិស័ទជិតឆ្ងាយ។

ជាកិច្ចចាប់ផ្តើម ក្នុងមតិសំណេះសំណាល ជាមួយបងប្អូនប្រជាពលរដ្ឋ អ្នកចូលរួម លោករដ្ឋមន្រ្តី បានថ្លែងនូវអំណរគុណ និងការកោតសរសើរ ដល់ ព្រះសង្ឃ និងគណៈកម្មការសាងសង់ ក្រុមជាងសំណង់ ដែលបានខិតខំរួមមតិគ្នា កសាងសាលាភត្តនោះ ប្រកបដោយសោភណ្ឌភាព ។ លោករដ្ឋ មន្រ្តីបានលើកពីគុណសម្បត្តិ និងសារប្រយោជន៍ របស់ព្រះពុទ្ធសាសនា ជាពិសេសគឺវត្តអារាម ដែលជាទីកន្លែងផ្តល់នូវចំណេះដឹង និងការអប់រំសព្វ បែបយ៉ាង។

ដោយសារការបោះឆ្នោត ខិតជិតមកដល់ លោករដ្ឋមន្រ្តី បានថ្លែងអណរគុណ ដល់អ្នកគាំទ្រ និងបានបោះឆ្នោតឲ្យ គណបក្សប្រជាជនកម្ពុជា នាពេល កន្លងមក និងសូមអំពាវនាវ ដល់ប្រជាពលរដ្ឋ ដែលធ្លាប់បោះឆ្នោតឲ្យគណបក្សដទៃ សូមមេត្តាងាកមកបោះឆ្នោត ជូនគណបក្សប្រជាជនកម្ពុជាវិញ ដោយហេតុថា គណបក្សទាំងនោះ មានមុខតែពេលបោះឆ្នោតប៉ុណ្ណោះ ចេះតែដើរសន្យាខ្យល់ សន្យាបោកប្រាស់ គ្មានបានធ្វើអ្វី ជូនប្រជាជន ទាល់ តែសោះ ដែលផ្ទុយពីគណបក្សប្រជាជនកម្ពុជា ដែលកើតឡើង ដោយសារប្រជាជន ដើម្បីប្រជាជន នៅបម្រើប្រជាជន គ្រប់កាលៈទេសៈទាំងអស់ រាប់ទាំងការសង្គ្រោះប្រជាជន ចេញពីរបបប្រល័យពូជសាសន៍ ប៉ុល ពល ការពារមិនឲ្យរបបនេះ វិលត្រឡប់មកសាជាថ្មី ការចូលរួមរកដំណោះ ស្រាយសន្តិភាព សំរាប់ប្រទេសជាតិ និងនយោបាយឈ្នះ-ឈ្នះ ដើម្បីបញ្ចប់សង្រ្គាម និងនាំមកនូវសុខសន្តិភាព និងការអភិវឌ្ឍន៏លើគ្រប់ វិស័យ ជូនជាតិ និងប្រជាជន ដូច្នេះបងប្អូនបោះឆ្នោត ជូនគណបក្សប្រជាជន គឺយើងនឹងបានសម្តេចតេជោ ហ៊ុន សែន ធ្វើជានាយករដ្ឋមន្រ្តីនៅបម្រើ បងប្អូនប្រជាជនយើងបន្តទៀត ដោយគណបក្សប្រជាជន នឹងបន្តកសាងនូវសមិទ្ធផលទាំងឡាយ ពីអាណត្តីទី ៤ នៅអាណត្តិថ្មីនេះទី ៥នេះ ហើយ រឹតតែខិតខំឲ្យបានកាន់តែប្រសើរឡើង ។

លោកបានជម្រាបជូនបន្ថែមទៀតថា រាល់សមិទ្ធផលទាំងអស់ គឺកើតឡើងដោយសារកម្លាំងសាមគ្គី រវាងប្រជាជន និងរាជរដ្ឋាភិបាល មិនដែលមាន គណបក្សប្រឆាំងណា មករួមចំណែកកសាងទេ ជាក់ស្តែងសាលាភត្តនោះស្រាប់ កុំថាឡើយ មកជួយចូលរួមកសាង សូម្បីតែដឹងថា យើងកសាងក៏ មិនដឹងផង ហើយមេដឹកនាំ គណបក្សប្រឆាំងទាំងនេះ ដោះស្រាយជីវភាពខ្លួនឯងមិនបានផង គ្រាន់តែប្រពន្ធ និងម្តាយក្មេក មករកថវិកាបន្តិច បន្តួចមិនឲ្យផង ថែមទាំងគេចវេស និងវាយដំរហូត ចូលមន្ទីរពេទ្យ តើមានចិត្តឯណា មកជួយលោក យាយលោកតា បងប្អូន នោះ  បើក្រុមគ្រួសារគេ គេមិនយកចិត្តទុកដាក់ផង។ ពាក់ពន្ធ័ វិស័យអគ្គិសនីនៅកម្ពុជា ក៏ដូចជានៅខេត្តពោធិ៍សាត់ទាំងមូល លោករដ្ឋមន្រ្តីបានជម្រាបជូនថា សម្តេចតេជោ ហ៊ុន សែន ដែលជានាយករដ្ឋមន្រ្តី បានខិតខំទាក់ទាញអ្នកវិនិយោគទុន ឲ្យមកវិនិយោគនៅកណ្តាលព្រៃ ភ្នំ រាប់ពាន់លានដុល្លារដើម្បីផលិតអគ្គិសនី ហើយការកំណត់ថ្លៃគឺ ធ្វើឡើងតាមច្បាប់កំណត់ មិនមែនលើបបូរមាត់អ្នកនយោបាយទេ ពួកនេះមិនដែលគាំទ្រ ឲ្យរាជរដ្ឋាភិបាលអភិវឌ្ឍវិស័យ អគ្គិសនីទេ តែបែរជាដើរសន្យា ជាមួយប្រជាពលរដ្ឋថា នឹងលក់ភ្លើងក្នុងតម្លែថោកទៅវិញ សូមសួរថាតើ ពួកនេះបានភ្លើងមកពីណាយកមកលក់?

បន្ទាប់មក លោកបានចាក់ខ្សែអាត់សំឡេង របស់លោក គឹម សុខុន ដែលជាប្អូនប្រុសបង្កើត របស់លោក គឹម សុខា បកស្រាយពីគំនិត បោកប្រាស់ ភូតកុហក់ របស់ក្រុមបក្សប្រឆាំង ដើម្បីទទួលបានសន្លឹកឆ្នោត នាពេលបោះឆ្នោតខាងមុខ ជូនដល់បងប្អូន ប្រជាជន លោកយាយ លោកតា បាន ស្តាប់ផងដែរ។

លោករដ្ឋមន្រ្តីបានជូន លោកយាយ លោកតា ចូលរួមចំនួន ១០០ នាក់នូវក្រណាត់ស ១ដុំ ថវិកា ១០០០០ រៀល លោកគ្រូ អ្នកគ្រូ ៣៥ នាក់ ក្នុង ម្នាក់ៗថវិកា ១០០០០ រៀល ក្រុមសិល្បៈថវិកា ២០០០០០ រៀល គ្រូពេទ្យ ៣ នាក់ ក្នុងម្នាក់ៗ ២០០០០ រៀល កងកម្លាំងការពារ ៣៥ នាក់ ក្នុងម្នាក់ៗ ថវិកា ១០០០០ រៀល ក្រុមឆៃយ៉ាំ ១០០ ០០០ រៀល និងបានប្រគេនបច្ច័យ ៣ ០០០ ០០០ រៀល ដល់ព្រះសង្ឃ ដើម្បីបន្តសាងសង់ រោងចង្ក្រានបាយផងដែរ៕

កោះកុង៖ ដោយមានការ ចង្អុលបង្ហាញពី លោក ប៊ុន លើត អភិបាលខេត្ដ នៃ គណៈអភិបាល ខេត្ដកោះកុង ផ្ទះប្រជាពលរដ្ឋ ចំនួន៣ខ្នង ដែលត្រូវខ្យល់ព្យុះ បើងដំបូល កាលពីវេលាម៉ោង ៦៖១០ នាទីល្ងាចថ្ងៃទី១៨ ខែមិថុនា ឆ្នាំ២០១៣ ស្ថិតនៅភូមិ៤ សង្កាត់ដងទង់ ក្រុងខេមរភូមិន្ទ ខេត្ដកោះកុង ត្រូវបានសមាគម បញ្ញាវន្ដ និងយុវជន ស្ម័គ្រចិត្ដ យុវជនក្រុម១២ និងយុវជន ស្ម័គ្រចិត្ដ ក្រុម១៤០ចុះជួយ ប្រកដំបូល។

យ៉ាងណាក៏ដោយ គ្រោះធម្មជាតិខាងលើនេះមិនបានបណ្តាលឲ្យប្រជាពលរដ្ឋណាម្នាក់ រងរបួសនោះទេគ្រាន់តែធ្វើឲ្យផ្ទះរបស់ពួកគាត់ របើកដំបូល តែប៉ុណ្ណោះ ។ ជាក់ស្តែង នៅព្រឹកថ្ងៃទី១៩ ខែមិថុនា ឆ្នាំ២០១៣ លោក ហាក់ ឡេង ប្រធានសាខាសមាគម បញ្ញាវន្ដ និងយុវជនស្ម័គ្រចិត្ដ (យុវជនក្រុម១២) និងយុវជនស្ម័គ្រចិត្ដក្រុម ១៤០ស៊ី របស់សម្ដេចតេជោ ដែលឈរជើង នៅក្រុងខេមរភូមិន្ទ បានរួមកម្លាំងគ្នា ចុះទៅដល់ទីតាំង ដើម្បីជួយប្រក ផ្ទះគាត់ឡើងវិញ ដោយចំណាយ សង្ក័សី អស់ចំនួន១៦សន្លឹក គងផ្លាកកេ២បន្ទះ ឈើចំនួន៥ដើម។

ប្រជាពលរដ្ឋ ដែលត្រូវរងគ្រោះ ដោយសារខ្យល់ព្យុះនោះ រួមមានឈ្មោះ សុះ ម៉ារី ឈ្មោះ វ៉ាក ជុះ និងឈ្មោះ ហ្សាក់ ហ្វារ៉នីយះ ។ លោក ហាក់ ឡេង បាន មានប្រសាសន៍ថា ក្រោយទទួលបានព័ត៌មានថា មានផ្ទះប្រជាពលរដ្ឋ ចំនួន៣ខ្នង ដែលត្រូវខ្យល់ព្យុះ និងដោយមានការចង្អុល បង្ហាញពីលោកអភិបាលខេត្ដ លោកក៏បានដឹកនាំក្រុមយុវជន ទាំង២ក្រុម មកជួយប្រកដំបូលភ្លាម ដោយមិនគិត ពីការនឿយហត់ឡើយ ធ្វើយ៉ាងណាឱ្យពួកគាត់ បាននៅបានឆាប់ ពីព្រោះខែនេះ ជារដូវភ្លៀងធា្លក់ ។

លោកបានឱ្យដឹងទៀតថា ឱ្យតែប្រជាពលរដ្ឋ ជួបប្រទះនូវគ្រោះធម្មជាតិ សមាគមយើងជួយភ្លាម ទៅលទ្ធភាព ដោយមិនប្រកាន់ ពូជសាសន៍ ពណ៌សប្បុរ ឬគណបក្ស នយោបាយ ណាមួយឡើយ ។ អ្នកស្រី សុះ មារី ម្ចាស់ផ្ទះដែលរងដោយសារដោយសារតែ ខ្យល់ព្យុះ បាននិយាយថា គាត់មានការសប្បាយចិត្ដណាស់ ដោយឃើញ ក្រុមយុវជនទាំងពីរក្រុម បានមកជួយដោះទុក្ខគាត់ នៅពេលគ្រា មានអាសន្ន ដោយសារគ្រោះធម្មជាតិ នៅពេលនេះ ដោយមិនប្រកាន់ពូជ សាសន៍ឡើយ។ គាត់បានកោតសសើរ ដល់យុវជនទាំង២ក្រុម បានលះ បង់ពេលវេលាមក ជួយគាត់បានទាន់ពេលវេលា ព្រោះរដូវនេះជារដូវ ភ្លៀងធ្លាក់រាល់ថ្ងៃ៕

កំពង់ស្ពឺ ៖ យុវជនម្នាក់ បានដាច់ដៃឆ្វេង ត្រឹមស្មា រីឯ ២នាក់ផ្សេងទៀត រងរបួស បែកក្បាល និងលើដងខ្លួនខណៈ ដែលពួកគេ កំពុងជិះម៉ូតូឌុបគ្នា មកពីលេងផ្ទះបង ប្អូន ហើយត្រូវរថយន្ដនីសាន់១គ្រឿង បើក បុកពេញទំហឹង កាលពីវេលាម៉ោង ៤ និង ៤៥នាទីរសៀល ថ្ងៃទី១៨ ខែមិថុនា ឆ្នាំ ២០១៣ ស្ថិតនៅកំណាត់ផ្លូវជាតិលេខ ៤ ចន្លោះគីឡូម៉ែត្រ លេខ ៤៧-៤៨ ខាងលិច ផ្សារកំពង់ស្ពឺ ប្រមាណ ១៥០ម៉ែត្រ ក្នុងភូមិ ក្រាំងពលទេព សង្កាត់រកា ធំ ក្រុងច្បារមន។

មន្ដ្រីនគរបាលមូលដ្ឋាន បានឱ្យដឹងថា ជនរងគ្រោះម្នាក់ដែលដាច់ដៃឆ្វេងត្រឹមស្មា  មានឈ្មោះ ធី ចាន់ឌី អាយុ ២២ឆ្នាំ រស់នៅ ភូមិព្រៃសំរោង ឃុំទ័ពមៀន ស្រុកថ្ពង ខេត្ដ កំពង់ស្ពឺ រីឯយុវជន ២នាក់ផ្សេងទៀតមិន ទាន់ស្គាល់ អត្ដសញ្ញាណ ត្រូវបានបញ្ជូនទៅ កាន់មន្ទីរពេទ្យ ។ បើតាមសមត្ថកិច្ចនៅ វេលាម៉ោងកើតហេតុខាងលើ ជនរង គ្រោះ ទាំង ៣នាក់ បាននាំគ្នាជិះម៉ូតូឌុបគ្នាមកពី លេងផ្ទះបងប្អូន ក្នុងទិសដៅពីកើតទៅលិច  ហើយពេលបើកមក ដល់ ផ្លូវជាតិលេខ ៤ ក៏ ត្រូវរថយន្ដនីសាន់ កំពុងធ្វើដំណើរក្នុងទិស ដៅពីជើងទៅត្បូង បើកបុកពេញទំហឹង ។ ក្រោយកើតហេតុ រថយន្ដបង្កបានបើកគេច  បាត់ ខណៈដែលជនរងគ្រោះបានដួលរង របួសត្រូវបានបញ្ជូនទៅ កាន់មន្ទីរពេទ្យ ភ្លាមៗ ៕