aaa

Saturday, Feb 06th

| English Version | dapnews: 012 722 337, 097 9999 883, email: soyvicheth@gmail.com

តេជោ សែន៖ យើងមិនបាន ទុកឱ្យ កុមារកំព្រា ណាម្នាក់ស្លាប់ ដោយអត់អាហារ មិនទុក ជនពិការ នៅក្រៅសង្គម

E-mail Print PDF

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ក្នុងសប្តាហ៍នេះ បានសម្តែងការខ្លោចចិត្ត រួមជាមួយភរិយា ខណ:ជួបជាមួយកុមារកំព្រា គថ្លង់ និងពិការគ្មានទីពឹង ហើយសម្តេចបានសន្យាផងថា នឹងមិនទុកឱ្យកុមារកំព្រាណាម្នាក់ ស្លាប់ដោយអត់អាហារ និងមិនទុកជនពិការនៅក្រៅសង្គម។

ក្នុងបណ្តាញទំនាក់ទំនងសង្គម ហ្វេកប៊ុក សម្តេចតេជោ បានបញ្ជាក់ថា "ក្នុងសប្តាហ៍នេះពិតជារីករាយ លាយឡំជាមួយអារម្មណ៍ ខ្លោចចិត្ត ពេលបានជួបជាមួយក្មួយៗ ចៅៗ កុមារគថ្លង់ កុមារពិការភ្នែក កុមារកំព្រា និង ជនគ្មានទីពឹង យើងធ្លាប់បានធ្វើកិច្ចការនេះ តាំងពីក្រោយថ្ងៃរំដោះ ៧មករា ១៩៧៩មក"។

សម្តេច បានបញ្ជាក់បន្ថែមទៀតថា "យើងមិនបានទុកឱ្យកុមារកំព្រាណាម្នាក់ ស្លាប់ដោយអត់អាហារ នោះទេ យើងមិនបានទុកជនពិការ ស្ថិតនៅក្រៅសង្គមនោះដែរ យើងមិនបានធ្វើកិច្ចការនេះ គ្រាន់តែដើម្បីថតរូបនោះទេ"។

ប្រមុខរាជរដ្ឋាភិបាល បានបញ្ជាក់បន្ថែមទៀតថា "ខ្ញុំនិងភរិយាបានធ្វើកិច្ចការនេះ ជាមួយក្តីស្រឡាញ់ ក្តីអាណិត រហូតស្រក់ទឹកភ្នែកនៅពេលខ្លះ ពេលនេះកូនៗរបស់ខ្ញុំ បាននឹងកំពុងចូលប្រឡូក លើការងារនេះហើយ ស្លឹកឈើជ្រុះមិនឆ្ងាយពីគល់ កូនៗត្រូវជួយអ្នកទន់ខ្សោយក្រីក្រ ពិសេសជនពិការ និង កុមារកំព្រា"៕

របួសធ្ងន់ ពីរនាក់ ខណៈជិះម៉ូតូបុក រថយន្ត នៅផ្លូវ២៧១

E-mail Print PDF

ភ្នំពេញ៖បុរសពីរនាក់ បានរងរបួសធ្ងន់ ខណៈជិះម៉ូតូបុក និងគូជរថយន្ត តាមបណ្តោយផ្លូវលេខ២៧១ ក្នុងសង្កាត់ ទំនប់ទឹក ខណ្ឌចំការមន នៅម៉ោង ១០៖១០នាទី យប់ថ្ងៃទី២៦ ខែធ្នូ ឆ្នាំ២០១៥នេះ។

សាក្សីនៅកន្លែងកើតហេតុ បានឲ្យដឹងថា ក្រោយពីជិះម៉ូតូបុកគូជ រថយន្តបុរសទាំងពីរនាក់ បានរបួសធ្ងន់ ម្នាក់ សន្លប់ស្តូកស្តឹង ប៉ុន្តែមួយសន្ទុះក្រោយមក ក៏ដឹងខ្លួនវិញ ដោយឡែក ភាគីខាងរថយន្ត ដែលជួបគ្រោះថ្នាក់ និងម៉ូតូនោះ មិនបានឈប់នោះទេ គឺបើកទៅមុខបាត់ស្រមោលតែម្តង។

សេចក្តីរាយការណ៍ បានបញ្ជាក់ទៀតថា ស្ថានភាពអ្នកជំងឺ រងរបួសត្រូវដៃ ក្បាល និងជើង ធ្ងន់ធ្ងរ ហើយ នៅពេលនេះ ក្រុមប្រជាពលរដ្ឋ អាជ្ញាធរ បានមក ជួយអន្តរាគមន៍ ដើម្បីបញ្ជូនទៅសង្គ្រោះនៅមន្ទីរពេទ្យ៕

ក្រុមអាណាចក្របៃតង គ្រងតំណែង ជើង ឯកពាន Soccer League 2015

E-mail Print PDF

ភ្នំពេញ៖ ក្រុមបាល់ទាត់អាណាចក្របៃតង បានយកឈ្នះក្រុមបាល់ទាត់ យុវជនវ៉ិចតូរីអែហ្វស៊ី ក្នុងលទ្ធផល ១-០ នៅវគ្គផ្ដាច់ព្រ័ត្រ ដណ្តើមគ្រងតំណែងជើងឯក Soccer League 2015 ដែលរៀបចំឡើងដោយ សហភាព សហព័ន្ធ យុវជនកម្ពុជា (ស.ស.យ.ក) នៅ ថ្ងៃសៅរិ៍ ទី២៦ ខែធ្នូ ឆ្នាំ២០១៥ នេះលើទីលានពហុកីឡដ្ឋានជាតិ។

សម្រាប់ក្រុមបាល់ទាត់ អាណាចក្របៃតងទីបំផុត បានបំបែកឯកត្តកម្មចាស់របស់ខ្លួន ដោយបានគ្រងតំណែងជើងឯក Soccer League ដែលមិនធ្វើឲ្យ អ្នកគាំទ្រក្រុមមាន ការខកចិត្តឡើយ។ ចំណែក ក្រុមបាល់ទាត់ យុវជន វ៉ិចតូ រីអែហ្វស៊ី បានត្រឹមជើងឯករង តែប៉ុណ្ណោះ។

សម្រាប់ ក្រុមបាល់ទាត់អាណាចក្របៃតង លើកពានរង្វាន់ Soccer League 2015 នឹងផ្ដល់ពាន១ មេដាយមាស ២៥គ្រឿង និងទឹកប្រាក់ ១០លានរៀល ហើយក្រុមបាល់ ទាត់ យុវជនវ៉ិចតូរីអែហ្វស៊ី ជើងឯករង នឹងទទួលបានមេដាយប្រាក់ ២៥គ្រឿង និងទឹកប្រាក់ ៧លានរៀល និងក្រុមបាល់ទាត់យុវជន ក១២ ទទួលបានចំណាត់ ថ្នាក់លេខ ៣ នឹងទទួលបានមេដាយសំរឹទ្ធ ២៥គ្រឿង និងទឹកប្រាក់ ៥លានរៀល។

ក្នុងនោះដែរសម្រាប់ ក្រុមបាល់ទាត់យុវជន ខេត្តកំពង់ចាម ទទួលបាន Fair Play ទឹកប្រាក់ ១លានរៀល ហើយ កីឡាករដែល ស៊ុតបញ្ចូលទី បានច្រើនជាងគេ គឺ សេង ស័ង្ខរតនា ទទួលបានប្រាក់ ១លានរៀល, អ្នកចាំទីល្អជាងគេ គឺ នួន វាសនា ក្រុមបាល់ទាត់ យុវជនក១២  ទទួលបានប្រាក់ ១លានរៀល និងអាជ្ញាកណ្ដាល ដឹកនាំការ ប្រកួតផ្ដាច់ព្រ័ត្រទទួលបាន ១លានរៀល៕

រយៈពេល ១៥ថ្ងៃ គ ជ ប នឹង​ពិនិត្យ​បេក្ខជន​ ក្នុង​តំណែង​អគ្គលេខាធិការ និង​អគ្គលេខាធិការង

E-mail Print PDF

ភ្នំពេញ៖ ការទទួលពាក្យ ក្នុងការជ្រើសរើស អគ្គលេខាធិការ និងអគ្គលេខាធិការរង របស់ គ.ជ.ប បានបញ្ចប់ហើយ ដោយទទួលបាន១២៤រូប។ គណៈកម្មាធិការជាតិ រៀបចំការបោះឆ្នោត ហៅកាត់ថា គ.ជ.ប  បានបិទឈប់ទទួលពាក្យសុំចូលបំរើការជាអគ្គលេខាធិការ និងអគ្គលេខាធិការរង របស់ គ.ជ.បហើយ កាលពីម៉ោង ៥៖៣០នាទីល្ងាចថ្ងៃទី២៦ ខែធ្នូ ឆ្នាំ២០១៥នេះ ដោយមានអ្នកដាក់ពាក្យចំនួន២០៤រូប។

លោកបណ្ឌិត ហង្ស ពុទ្ធា មន្ត្រីនាំពាក្យរបស់ គ.ជ.ប បានថ្លែងប្រាប់មជ្ឈមណ្ឌលពត៌មានដើមអំពិលតាមរយះទូរស័ព្ទថា  គណៈកម្មាធិការជាតិរៀបចំការបោះឆ្នោតបាន បញ្ចប់ការទទួលពាក្យសុំឈរឈ្មោះធ្វើជាអគ្គលេខាធិការ និងអគ្គលេខាធិការរងនៃ គ.ជ.ប ហើយនៅម៉ោង ៥៖៣០នាទីថ្ងៃទី២៦ ឆ្នូ នេះ ដោយទទួលបានពាក្យ ចំនួន១២៤រូប ក្នុងចំណោមពាក្យដែលបានចែកចំនួន២០៤ ។ ក្នុងនោះអ្នកសុំឈរឈ្មោះក្នុងតំណែងជាអគ្គលេខាធិការមាន ២៤រូប នឹងអ្នកសុំឈរឈ្មោះក្នុងតំណែងជាអគ្គលេខាធិការរងមានចំនួន១០០រូប ។

មន្ត្រីនាំពាក្យគ.ជ.ប រូបនេះបានបញ្ជាក់បន្ថែមថា«ក្រោយពីបិទបញ្ចប់ការទទួលពាក្យ គ.ជ.ប នឹងកំណត់ពេលវេលាដើម្បីជួបប្រជុំគ្នា វិនិច្ឆ័យ ជ្រើសរើស ហើយលទ្ធផលនឹងចេញ នៅចន្លោះពីថ្ងៃទី១ដល់ថ្ងៃទី១៥ ខែមករា ឆ្នាំ២០១៦ខាងមុខនេះ»។

លោកបានបន្ថែមទៀតថា បេក្ខជនដាក់ពាក្យមានចំរុះ មកពីខាង សង្គមស៊ីវិល បញ្ញវ័ន ហើយនឹងមានខាងគណបក្ស នយោបាយក៏មានដាក់មកដែរ ហើយក្នុងចំនោម បេក្ខជនទាំងនោះ ក៏មាន លោក ទេព នីថា អគ្គលេខាធិការគ.ជ.បចាស់ និងលោកសុ កុលៈទិប៉ោ អគ្គលេខាធិការរង ក៏មានដាក់ពាក្យសុំឈរឈ្មោះដែរ។
សូមរំលឹកថា គណៈកម្មាធិការជាតិរៀបចំការបោះឆ្នោតកាលពីថ្ងៃទី១៦ ខែធ្នូ ឆ្នាំ២០១៥ បានប្រកាសជ្រើសរើស អគ្គលេខាធិការចំនួន ០១រូប នឹងអគ្គលេខាធិការរង ចំនួន០៤រូប ដើម្បីបម្រើការងារ នៅគណៈកម្មាធិការជាតិរៀបចំ ការបោះឆ្នោត។ ដោយចាប់ទទួលពាក្យចាប់ពី ថ្ងៃទី១៧ រហូតដល់ថ្ងៃទី២៦ ខែធ្នូ ឆ្នាំ២០១៥៕

សង្គមស៊ីវិល និង​សហជីព រិះគន់​ចំពោះ​ការបញ្ជូនខ្លួន​ ទណ្ឌិត ឈូក បណ្ឌិត មកព្យាបាល​នៅមន្ទីរពេទ្យ​

E-mail Print PDF

ភ្នំពេញ៖ ទណ្ឌិត ឈូក បណ្ឌិត ត្រូវបានមន្រ្តីពន្ឋនាគារព្រៃសរ បញ្ជូនមកព្យាបាល នៅមន្ទីរពេទ្យមិត្តភាពខ្មែរ-សូវៀត តាមការស្នើសុំពីមេធាវី បន្ទាប់ពីរកឃើញថា លោកមាន ជំងឺលើសឈាម និងទឹកនោមផ្អែម។

មន្រ្តីផ្នែកសិទ្ឋិមនុស្សនៅអង្គការលីកាដូ លោកអ៊ំ សំអាត ប្រាប់ដើមអម្ពិលថា លោកបានដឹកពីការបញ្ជូនលោកឈូកបណ្ឌិត ចេញពីពន្ឋនាគារខេត្តស្វាយរៀង មកកាន់ពន្ឋនាគារព្រៃសរជាង១ខែហើយ។ ពេលនេះទណ្ឌិតឈូក បណ្ឌិត កំពុងមានជំងឺប្រចាំកាយ មន្រ្តីពន្ឋនាគារក៏បញ្ជូន ពីព្រៃសរមកព្យាបាល នៅមន្ទីរពេទ្យមិត្តភាពខ្មែរសូវៀត។ តាមផ្លូវច្បាប់ការអនុវត្តន៍លើលោកឈូក បណ្ឌិតនេះ ត្រូវតាមផ្លូវច្បាប់ហើយ តែការអនុវត្តន៍មិនស្មើរភាពគ្នា បើធៀបជាមួយអ្នកទោសដទៃ។

លោកអ៊ំ សំអាតបបន្ថែម “ យើងឃើញថា អ្នកទោសច្រើនបានត្រូវបានបញ្ជូនទៅមណ្ឌលផ្សេងៗ នៅតាមបណ្តាលខេត្ត តែលោកឈូក គេអោយមកនៅព្រៃសរភ្នំពេញ ដើម្បីជិតគ្រួសារ និងការព្យាបាល ហីមួយទៀតនៅពេលមានជំងឺស្រួលបញ្ជូនមកព្យាបាល ចឹងជាគោលការណ៍មនុស្សធម៌និងផ្លូវច្បាប់ គេធ្វើបានគ្រាន់តែការអនុវត្តន៍ វាអត់ស្មើរភាពគ្នា”។  

លោកជា មុន្នី ប្រធានសហជីពសេរីកម្មករ នៃព្រះរាជាណាចក្រកម្ពុជា រិះគន់ថាការបញ្ជូនខ្លួនលោកឈូក បណ្ឌិតមកព្យាបាលនៅមន្ទីររដ្ឋនេះ មានភាពលំអៀងខ្លាំង បើធៀបជាមួយពលរដ្ឋតវ៉ាវិញ មិនមានសេរីភាពដូចនេះទេ ដោយឆ្មាំគុកអះអាងថា នៅក្នុងគុកក៏មានពេទ្យព្យាបាល។ បើលោកឈូក បណ្ឌិតមានសិទ្ឋមកព្យាបាល នៅពេទ្យរដ្ឋនោះអ្នកទោសផ្សេងទៀត ក៏មានសិទ្ឋដែរ។

លោកជា មុន្នី “ យើងដឹងហើយថា លោកឈូកបណ្ឌិតអើបើសីនជាមិនមានបញ្ជាតឹងរឹងពីសម្តេចតេជោហ៊ុនសែនឬសម្តេចសខេងទេ  ក៏គ្មានអ្នកណាហ៊ានចាប់គាត់ដែរ អាចឹងសកម្មភាពមកព្យាបាលនេះ របស់លោកឈូកបណ្ឌិតស្តែងអោយឃើញថា មានភាពលំអៀងនៅក្នុងប្រទេសកម្ពុជានឹងវាមានភាពលំអៀងខ្លាំងណាស់”។

បន្ទាប់ពីបាញ់ ប្រហារលើកម្មការិនី៣នាក់ ជនជាប់ចោទឈូកបណ្ឌិត ត្រូវបានរាជរដ្ឋាភិបាល ដកចេញពីមុខតំណែងជាអភិបាលក្រុងបាវិត នៅថ្ងៃទី៥ ខែមីនា ឆ្នាំ២០១២។ ក្នុងខែមិថុនាឆ្នាំ២០១៣ តុលាការបានសម្រេចផ្ដន្ទាទោសកំបាំងមុខលោកឈូក បណ្ឌិត ដាក់ពន្ធនាគាររយៈពេលចំនួន១៨ខែ ក្នុងសំណុំរឿងបាញ់ប្រហារ ទៅលើកម្មការិនីកាត់ដេរ៣នាក់ ឱ្យរងរបួសនៅគ្រាកម្មករធ្វើបាតុកម្មតវ៉ានៅក្រុងបាវិត នាថ្ងៃទី២០ ខែកុម្ភៈ ឆ្នាំ២០១២។

កាលពីថ្ងៃទី២៦ ខែធ្នូ ឆ្នាំ២០១៤ តុលាការកំពូល សម្រេចផ្ដន្ទាទោស ជនជាប់ចោទឈ្មោះ ឈូក បណ្ឌិត ដាក់ ពន្ធនាគារកំណត់ ១៨ខែ និងបង្គាប់ឱ្យ បង់ប្រាក់ ចំនួន៣៨លានរៀលឱ្យទៅជន រងគ្រោះជាកម្មការិនី ចំនួន៣នាក់នោះ។ ក្រោយមកទៀតលោកឈូក បណ្ឌិតរងការចោទប្រកាន់ថា មានអ្នកធំនៅពីក្រោយខ្នង ទើបរត់គេចពីសំណាញ់ច្បាប់។ ជាច្នៃដន្យក្រោយពីផ្ទុះរឿងជំលោះកញ្ញាសាសា ជាមួយឧញ៉ាមួយរូប កាលពីពាក់កណ្តាលឆ្នាំ២០១៥នេះ ក៏មានការតវ៉ាពីមជ្ឈដ្ឋានជាច្រើន ដើម្បីអោយតាមចាប់ខ្លួនលោកឈូកបណ្ឌិត យកមកដាក់ទោសដូចឧញ៉ាមួយរូបវៃកញ្ញាសាសា។ ក្រោយមកសម្តេចនាយករដ្ឋមន្រ្តីហ៊ុនសែន បានបញ្ជាអោយស្ថានប័ន ជំនាញ តាមចាប់ខ្លួនទណ្ឌិតឈូក បណ្ឌិត យកមកផ្តន្ទាទោស។ បន្ទាប់ពីមានចំណាររបស់សម្តេចបានតែប៉ុន្មានថ្ងៃប៉ុណ្ណោះ សមត្ថកិច្ចបានចាប់ខ្លួនលោកឈូក បណ្ឌិតយកមកផ្តន្ទាទោសតាមផ្លូវច្បាប់ភ្លាមៗ៕

បាក់បង្គោលភ្លើង សង្កត់​កម្មករ​ពីរនាក់ ​នៅក្រុមហ៊ុន​ ទទួលម៉ៅការ EM ស្លាប់​នៅកោះញែក​

E-mail Print PDF

មណ្ឌលគិរី៖ មនុស្សពីរនាក់ បំរើការងារនៅក្រុមហ៊ុន EM ទទួលម៉ៅការ ខាងអគ្គីសនីត្រូវបាន បង្គោលភ្លើងបាក់សង្កត់ ស្លាប់ភ្លាមៗ នៅនិងកន្លែងគ្រា ដែលពួកគេឡើង អូសខ្សែភ្លើង លើបង្គោលនោះ។ ហេតុការនេះបានកើតឡើង កាលពីវេលាម៉ោង៤ រសៀល នាទីរសៀលថ្ងៃទី២៦ ខែធ្នូ ឆ្នាំ ២០១៥ ស្ថិតក្នុងភូមិអូរយ៉េះ ឃុំស្រែសង្គម ស្រុកកោះញែក ខេត្តមណ្ឌលគិរី។

លោក កាន់ ពេញ អធិការស្រុកកោះញែកឱ្យដឹងមុននេះបន្តិចថាៈមុនពេលកើតហេតុកម្មករ ទាំងពីរបានឡើងលើបង្គោលភ្លើង ដើម្បីអូសខ្សែភ្លើងតាម
ផ្លូវក្នុងស្រុកកោះញែក ស្រាប់មានសេចក្តីរាយការណ៍ មកថាមានមនុស្សចំនួនពីរនាក់ ត្រូវបានស្លាប់ដោយាសារ បាក់បង្គោលភ្លើងសង្កត់ ជនរងគ្រោះបានស្លាប់ ក្នុងហេតុការណ៍ នោះទីមួយឈ្មោះសាន សុធន់ភេទប្រុសជនជាតិខ្មែរ មានអាយុ 24ឆ្នាំ មានស្រុកកំណើត នៅភូមិព្រែកតា ឃុំពាមទា ស្រុកកំពង់ត្របែក ខេត្តព្រៃវែងទីពីរ យាម សុឃាម ភេទប្រុសអាយុ 15ឆ្នាំ មានស្រុកកំណើតនៅ ខេត្តកោះកុង ក្នុងក្រងខេមរៈភូមិន្ទ សពទាំងពីរត្រូវបានតំណាង ក្រុមហ៊ុននិងសាច់ញាត្តិ នាំយកសពមកកាន់
ក្រុងសែនមនោរម្យ ខេត្តមណ្ឌលគិរី ដើម្បីចាត់ធ្វើបុណ្យតាមប្រពៃណី។

សូមជំរាបថាយោងតាមការបញ្ជាក់ពី សមត្ថកិចត្រូវបាន មហាជនដាក់ការសង្ស័យថា កម្មករស្លាប់ទីពីរអាចពុំទាន់ គ្រប់អាយុធ្វើការ នៅឡើយទេ  សូមស្នើរឱ្យ ក្រសួងពាក់ព័ន្ធ ជួយស្រាវជ្រាវនិងសួរនាំ លោកប្រធានក្រុមហ៊ុន ខាងលើនិងចាត់ការ តាមផ្លូវច្បាប់ ចំពោះក្រុមហ៊ុនខាងលើនោះផង៕

គ ជ ប ទទួល​ពាក្យ​ក្នុង​តំណែង អគ្គលេខាធិការ​ចំនួន​២៤ អគ្គលេខាធិការ​រង ១០០​ពាក្យគត់

E-mail Print PDF

ភ្នំពេញ៖ អ្នកនាំពាក្យ គ ជ ប លោក ហង្ស ពុទ្ឋា មានប្រសាសន៍ប្រាប់ដើមអម្ពិលនៅមុននេះថា គ ជ ប បិទបញ្ជីឈប់ទទួលពាក្យពីបេក្ខជន នៅម៉ោង៥និង៣០នាទី ល្ងាច ២៦ធ្នូនេះ មានន័យថា គ ជ ប ចែកពាក្យចំនួន ៣៤ពាក្យ ទទួលពាក្យវិញបាន ២៤។ ក្នុងតំណែងអគ្គលេខាធិការរង ចែកពាក្យបាន១៧០ ហើយដាក់ពាក្យ ១០០នាក់គត់។

លោក ហង្ស ពុទ្ឋា

សហជីពសេរីកម្មករ មិនហែរក្បួនទៅកាន់ រូបសំណាក លោក ជា វិជ្ជា

E-mail Print PDF

ភ្នំពេញ៖ នៅព្រឹកមិញនេះ អភិបាលរាជធានីភ្នំពេញ លោកប៉ា សុជាតិវង្ស ប្រាប់ក្រុមអ្នកកាសែតថា សាលាក្រុងអនុញ្ញាត អោយមានការជួបជុំ មុខរូបសំណាក លោក ជា វិជ្ជា ប៉ុន្តែមិនអោយហែរក្បួន។ ការដង្ហែរក្បួនអាចធ្វើឲ្យ ជនឱកាសនិយម ឬបាតដៃទី៣ បង្កបញ្ហាអសន្តិសុខ និងប៉ះពាល់ធ្ងន់ធ្ងរ ដល់សណ្ដាប់ធ្នាប់សាធារណៈ។ ក្រុមសហជីពនិង អ្នកជាប់ពាក់ព័ន្ឋអាចជួបជុំគ្នា នៅទីតាំងរៀងខ្លួន ឬធ្វើឡើងពីមុខរូបសំណាក លោក ជា វិជ្ជា នៅក្បែរវត្តលង្កា។

លោកជា មុន្នី ប្រធានសហជីពសេរីកម្មករ នៃព្រះរាជាណាចក្រកម្ពុជា លើកឡើងថា លោកមិនហែរក្បួនពុំមែនខ្លាចអំណាចរបស់សាលារាជធានីភ្នំពេញឡើយ គឺសហជីពសេរីកម្មករ មានគោលការណ៍ របស់សហជីពជាក់លាក់។ លោកពន្យល់ថា” ឃាតកម្មបាញ់សម្លាប់ លោក ជា វិជ្ជា ធ្វើឡើងកាលថ្ងៃទី២២ មករាឆ្នាំ២០០៤។

ចាប់ពីឆ្នាំ២០០៥ ដល់២០១៤ ទោះបីជាស្ថានការណ៍នយោបាយ តឹងតែងក៏ដោយក៏សហជីពសេរី នៅតែរក្សាជំហហែរពី ការិយាល័យមកដល់មុខ ទីតាំងបាញ់សម្លាប់ លោក ជា វិជ្ជា។ ឆ្នាំ២០១៥ យើងអត់ហែរទេ ដោសយារតែ យើងមានសំណាកជាវិជ្ជា ជានិម្មិតរូបហើយ យើងអត់ហែទេគ្រាន់តែ ដាក់កំរងផ្កា ដើម្បីធ្វើបុណ្យ តាមប្រពៃណីខ្មែរ ដើម្បីឧទ្ទិសកុសល់ដល់លោកជា វិជ្ជា។ នៅឆ្នាំ២០១៦នេះវិញក៏អត់ហែរដែរ គ្រាន់តែមកដាក់កំរង់ផ្កា និងឧទ្ទិសកុសលដល់លោកជាវិជ្ជា ដែលលោកធ្លាប់ ការពារសិទ្ឋកម្មករ”។

លោកបន្ថែម ” ករណីកម្មករផ្សេងៗ ហែរខុសពីគោលការណ៍ របស់ហជីពសេរីកម្មករ តែបើមាកម្មករគេហែរមែននោះ វាជាសិទ្ឋសេរីភាពរបស់គេ ព្រោះសាលាក្រុងហាម តែពួកប្រជាធិបតេយ្យទេ អ្នកដែលគាំទ្របក្សកាន់អំណាច គេធ្វើអ្វីក៏ធ្វើបាន”។

លោក ជា មុន្នី និងក្រុមគ្រួសារនឹងរៀបចំពិធីបង្សុកូល គម្រប់ខួប១២ឆ្នាំ នៃការស្លាប់របស់លោក ជា វិជ្ជា នៅថ្ងៃទី២២ មករាឆ្នាំ២០១៦ខាងមុខ។ លោក ជា មុន្នី បន្តថា គម្រោងអ្នកចូលរួមក្នុងពិធីបង្សុកូលមានចំនួនជា១ពាន់នាក់ ប៉ុន្ដែគម្រោងនេះមិនទាន់អាចកំណត់បាន ដោយសារតែមានអង្គការសង្គមស៊ីវិល គណបក្សនយោបាយ និងកម្មកររោងចក្រចូលរួមច្រើនទៀត។ សារសំខាន់នៅក្នុងពិធីនោះ នៅតែទាមទាឲ្យតុលាការបន្ដស្វែងរកឃាតករសម្លាប់លោក ជា វិជ្ជា ដើម្បីរកយុត្តិធម៌ ជូនបងរបស់ប្រុសលោក។

ក្រោយពីឃាតកម្មលើរូបលោក ជា វិជ្ជា ប៉ុន្មានថ្ងៃ លោក ប៊ន សំណាង និង សុខ សំអឿន ត្រូវបាន តុលាការក្រុងភ្នំពេញ កាលពីថ្ងៃទីមួយ ខែសីហា ឆ្នាំ ២០០៥ កាត់ឱ្យ ជាប់ពន្ធនាគារចំនួន២០ឆ្នាំ ពីបទឃុបឃិតប្រព្រឹត្តអំពើឃាតកម្ម គិតទុកជាមុនលើរូបលោកជា វិជ្ជា ប្រធានសហជីពសេរីកម្មករ នៃព្រះរាជាណាចក្រកម្ពុជា។ ប៉ុន្មានឆ្នាំក្រោយមក ក៏មានការដោះលេង អោយមានសេរីភាពវិញ ដោយមតិជាទូទៅគេចាត់ទុកថា អ្នកទាំង២នាក់នោះ ជាឃាតករសម្បនិម្មិត៕

លោក ជួង ជូងី នឹង​ចូល​ទៅ​បំភ្លឺ​ ក្នុង​តុលាការ​ដំបូង​ជំនួស ​កូនក្តី​របស់ខ្លួន

E-mail Print PDF

ភ្នំពេញ៖ នៅថ្ងៃទី២៨ធ្នូខាងមុខនេះ តុលាការដំបូង នឹងកោះហៅ តំណាងរាស្រ្តបក្សប្រឆាំង២រូប គឺលោកញ៉យ ចំរើន និងលោកគង់ សភា ចូលបំភ្លឺរឿងហិង្សាមុខរដ្ឋសភា ក្នុងនាមជាដើមបណ្តឹងរដ្ឋប្បវេណី។ លោកញ៉យ ចំរើន តំណាងរាស្ត្រមណ្ឌលកំពង់ចាម និង លោក គង់ សភា តំណាងរាស្ត្រមណ្ឌលស្វាយរៀង ត្រូវជនមួយក្រុមប្រើហិង្សា បណ្តាលឲ្យរងរបួសធ្ងន់ កាលពីថ្ងៃទី២៦តុលាឆ្នាំ ២០១៥កន្លងទៅ។ បន្ទាប់មកតំណាងរាស្រ្តទាំងពីររូបនេះ បានប្តឹងទៅតុលាការដំបូង ពីបទប៉ុនប៉ងឃាតកម្ម គិតទុកជាមុន ដោយចេតនា ដោយម្នាក់ៗទាមទារ សំណងជំងឺ១០០លានរៀល។

លោកជួង ជូងី ជាមេធាវីការពារក្តីអោយលោកញ៉យ ចំរើន និងលោកគង់ សភា ប្រាប់មជ្ឈមណ្ឌលព័ត៌មានដើមអម្ពិលថា  តំណាងរាស្រ្តទាំង២កំពុងបំពេញ ការងារនៅក្រៅប្រទេស មិនទាន់ដឹងថាគាត់មកវិញទាន់ ឬយ៉ាងណាទេ ប៉ុន្តែបើគាត់មកមិនទាន់ លោកជាមេធាវីតំណាងអោយកូនក្តី នឹងចូលទៅបំភ្លឺជំនួស។ សវនការនោះ នឹងធ្វើឡើងពេញមួយថ្ងៃលើសុំនុំរឿងតែមួយ តែម្នាក់ហៅពេលព្រឹក និងម្នាក់ទៀតហៅពេលល្ងាច។ លោកជួង ជូងី មិនទាន់ដឹងថាអ្នកណានឹង ចូលទៅបំភ្លឺនៅពេលព្រឹក ឬល្ងាចទេ។

តាមផ្លូវច្បាប់ ក្រោយពីសាកសួររួចរាល់ និងគ្រប់លក្ខណ៍ ចៅក្រមនឹងបើកការជុំនុំជុំរះ។លោកជួង ជូងី បានត្អូញត្អែរថា សាលាដំបូងចាត់ការលើបណ្តឹងនេះ      មានភាពយឺតយ៉ាវ។ លោកនឹងពិភាក្សា ជាមួយកូនក្តីរបស់លោក ដើម្បីអោយតុលាការពន្លឺន នៃការបើកសវនការនេះ។


កាលពីថ្ងៃទី៣ ខែវិច្ឆិកា ឆ្នាំ២០១៥ មនុស្ស៣នាក់បានចូលសារភាព នៅចំពោះមុខសមត្ថកិច្ចរបស់ក្រសួងមហា ផ្ទៃ។ ទី១ ឈ្មោះ ចាយ សារិទ្ធ ភេទប្រុស អាយុ៣៣ឆ្នាំ មានទីលំនៅ នៅសង្កាត់តាខ្មៅ ក្រុងតាខ្មៅ ទី២-ឈ្មោះ ម៉ៅ ហឿន ភេទប្រុស អាយុ៣៤ឆ្នាំ មានទីលំនៅ ឃុំព្រែកខ្សាយ ស្រុកពាមរក៍ ខេត្តព្រៃវែង និងទី៣-ឈ្មោះ ស៊ុត វណ្ណនី ភេទប្រុស អាយុ៤៥ឆ្នាំ មានទីលំនៅសង្កាត់កំពង់សំណាញ់ ក្រុងតាខ្មៅ។ សព្វថ្ងៃអ្នកទាំង៣នាក់នេះ កំពុងរស់នៅក្នុងពន្ឋនាគារ បន្ទាប់ពីតុលាការដំបូង សម្រេចោទប្រកាន់ពី បទបង្កហិង្សាដោយចេតនា៕

CCNU ស្នើសុំជួបតំណាងរាស្ត្រ CPP ដើម្បីពិភាក្សាយោបល់ លើសេចក្តីព្រាងច្បាប់ នៅចុងខែធ្នូនេះ

E-mail Print PDF

ភ្នំពេញ៖ថ្នាក់ដឹកនាំ សម្ព័ន្ធសហភាព សហភាព សហព័ន្ធសហជីព និងជាសមាជិកក្រុមប្រឹក្សាជាតិកម្ពុជា CCNU ដែលតំណាងឲ្យ៦៥ សហព័ន្ធសហជីពនៅកម្ពុជា បានស្នើសុំសម្តេចអគ្គមហាពញាចក្រី ហេង សំរិន ប្រធានរដ្ឋសភា សុំជួបជាមួយតំណាងរាស្រ្តីគណបក្សប្រជាជនកម្ពុជា ដើម្បីពិភាក្សាយោបល់ និងកែសម្រួលចំណុចមួយចំនួននៃសេចក្តីព្រាងច្បាប់សហជីព នៅសប្តាហ៍ទី៣ នៃខែធ្នូ ឆ្នាំ២០១៥នេះ៕

Page 199 of 811