left
Safe Home
Safe Home
Safe Home

Tuesday, Nov 25th

| English Version | dapnews: 012 571 704, 097 9999 883, email: lim.cheavutha@gmail.com

You are here:
 

វិចារណកថាៈ ជំនួញឈើ ប្រណីត នាំឲ្យមានអំពើ ឃាតកម្ម

E-mail Print PDF

រហូតមកដល់ពេលនេះ បទល្មើសបំផ្លាញ ព្រៃឈើ និងដឹកជញ្ជូន ឈើប្រណីត ទៅលក់នៅប្រទេសវៀត ណាមនៅ តែកើតមានយ៉ាងពេញបន្ទុក ហេតុនេះហើយទើបព្រៃឈើនៅក្នុងខេត្តក្រចេះ ស្ទឹងត្រែង រតនគិរី និងមណ្ឌលគិរីកំពុងប្រ ឈមនឹងសេចក្តីវិនាសសាបសូន្យ ។ បច្ចុប្បន្នឈើ ប្រណីតប្រភេទធ្នង់ បេង នាងនួន កំពុងប្រឈមនឹងការវិនាសផុតពូជ ក្រោយពេលឈើគ្រញូង ស្ទើរតែផុតពូជ ពីព្រៃស្រុកខ្មែរ រួចទៅហើយ ។ ក្រុមឈ្មួញរកស៊ីដឹកជញ្ជូន ឈើប្រណីតទៅប្រ ទេសវៀតណាម តាមច្រករបៀង និងច្រក ព្រំដែនក្នុងខេត្តត្បូងឃ្មុំ ក្រចេះ រតនគិរី និងមណ្ឌលគិរីហាក់ដូចជាគ្មានញញើត នឹងសមត្ថកិច្ច បន្តិច ណាឡើយ ។ ចំណែកប្រជាសហគមន៍ ដែលខំប្រឹងប្រែង ការពារព្រៃឈើ ក្នុងមូលដ្ឋានរបស់ខ្លួនត្រូវ ទទួលរងនូវការគំរាមកំហែងជាបន្តបន្ទាប់ ហើយសូម្បីតែព្រៃជម្រកសត្វ និងព្រៃសម្រាប់ បញ្ចុះសព ជាតិដើមភាគតិចក៏ ទទួលរងនូវការកាប់បំផ្លាញយ៉ាងពេញបន្ទុកដែរ ។

កាលពីរំលង អធ្រាត្រឆ្លងចូលថ្ងៃទី១២ ខែតុលា ឆ្នាំ២០១៤ អ្នកកាសែតម្នាក់ នៅក្នុងខេត្តក្រចេះ ត្រូវបានគេបាញ់ សម្លាប់ដោយសារតែតាមយកព័ត៌មានរឿងក្រុមឈ្មួញដឹកជញ្ជូនឈើខុសច្បាប់ ។ អ្វីដែលគួរឲ្យកត់សម្គាល់នោះគឺឃាត ក និងបក្ខពួកដែលត្រូវសមត្ថកិច្ចចាប់ខ្លួនបានគឺជាអតីតមន្រ្តីយោធា ព្រមទាំងជាមន្រ្តីកងរាជអាវុធហត្ថ និងមន្រ្តីនគរបាលដែលរកស៊ីឈើខុសច្បាប់ ។ នេះជាបញ្ហា មួយ ដែលបង្ក ឲ្យឧក្រិដ្ឋកម្មបំផ្លាញព្រៃឈើក្លាយទៅជាឧក្រិដ្ឋកម្មសម្លាប់ មនុស្ស ដែលបញ្ហានេះមន្រ្តី អាជ្ញាធរ សមត្ថកិច្ច ព្រមទាំងក្រសួង និងស្ថាប័នមិនត្រូវមើលរំលងតទៅទៀតឡើយ ។ ការ អនុវត្តតាម បទបញ្ជារបស់ប្រមុខរាជរដ្ឋាភិបាលក្នុងការទប់ស្កាត់បទល្មើសបំផ្លាញព្រៃឈើ និងទប់ស្កាត់បទល្មើសដឹក ជញ្ជូនឈើប្រណីតខុសច្បាប់គឺជារឿងសំខាន់ណាស់ ។ ការវែកមុខឃាតក និងអ្នកជាប់ពាក់ព័ន្ធ ក្នុងការបាញ់សម្លាប់អ្នក កាសែតនៅខេត្តក្រចេះគឺជារូបភាពមួយដែលបង្ហាញថា បទល្មើស ព្រៃឈើនៅតែកើតមានយ៉ាងពេញបន្ទុក ។

កន្លងមកក្រុមឈ្មួញ រកស៊ីឈើខុសច្បាប់បាន ប្រព្រឹត្តបទឧក្រិដ្ឋជាច្រើនដូចជា បើករថយន្តក្នុង ល្បឿន លឿនៗ បង្កគ្រោះថ្នាក់ចរាចរណ៍ធ្វើឲ្យប្រជាពលរដ្ឋស្លាប់ និងរងរបួសនៅតាមដងផ្លូវជាបន្តបន្ទាប់ ។ ជួនកាលនៅពេលដែល សមត្ថកិច្ចដេញបង្រ្កាប ក្រុមឈ្មួញរកស៊ីឈើ បានប្រើប្រាស់កាំភ្លើង បាញ់គំរាម សមត្ថកិច្ច ឬបើករថយន្តបំបុករថយន្តរបស់ សមត្ថកិច្ចបង្កឲ្យមានគ្រោះថ្នាក់ជាញឹកញាប់ ។ ដូច្នេះ ការបង្ក្រាបក្រុមឃាតកបាញ់សម្លាប់អ្នកកាសែតនៅស្រុកស្នួល ខេត្តក្រចេះគឺជាករណីមួយដែលជំរុញឲ្យអ្នកកាសែតមានការប្រុងប្រយ័ត្នខ្លាំងជាងមុន ព្រោះក្រុមអ្នករកស៊ីឈើខុសច្បាប់ មិនខ្លាចប្រើកាំភ្លើង បាញ់សម្លាប់មនុស្សនោះឡើយ ។ ជាមួយគ្នានេះការដាក់ទោសឲ្យបានធ្ងន់ធ្ងរទៅលើក្រុមឃាតក សម្លាប់អ្នកកាសែតគឺជារឿងសំខាន់បំផុត ដើម្បីជាការព្រមានកុំឲ្យឈ្មួញ រកស៊ីឈើដទៃទៀត បាញ់សម្លាប់ មនុស្សតាមអំ ពើចិត្តដើម្បីតែផលប្រយោជន៍ផ្ទាល់ខ្លួន ព្រោះក្រោយពេលពួកគេ ប្រព្រឹត្តបទ ឧក្រិដ្ឋ បាញ់សម្លាប់មនុស្សគឺពួកគេគេចមិន ផុតពីការផ្តន្ទាទោសតាមច្បាប់ឡើយ ។

មកដល់ពេលនេះ បទល្មើសដឹកជញ្ជូនឈើប្រណីត ទៅលក់នៅប្រទេសវៀតណាម នៅតែបន្តកើត មានយ៉ាងពេញ បន្ទុកជាពិសេសនៅខេត្តរតនគិរី និងខេត្តមណ្ឌលគិរី ។ នៅក្នុងខេត្តរតនគិរី ក្រុមឈ្មួញសម្រុកដឹកជញ្ជូនឈើតាមផ្លូវទឹក ទៅលក់នៅប្រទេសវៀតណាម ដោយមានការបើកដៃ ពីសមត្ថកិច្ចច្រក របៀងអូរតា និងអូរលាវ ។ ប្រជាពលរដ្ឋបានរាយ ការណ៍ថា ក្រុមឈ្មួញរកស៊ីឈើធំៗ ដែលមានលំនៅដ្ឋានក្នុងក្រុងបានឡុង ខេត្តរតនគិរីបានជួលកម្មករឲ្យយករណារយន្តជាច្រើនគ្រឿង ចូលព្រៃកាប់ឈើ អារឈើក្នុងដែនជម្រកសត្វព្រៃលំផាត់យកមកលក់ឲ្យពួកគេ ។ ឈើទាំងនោះត្រូវ បានគេដឹកតាមរថយន្តឡង់គ្រីស័រ និងរថយន្តឡិចស៊ីសជាដើមមកគរតាមដងទន្លេស្រូវពក ឃុំណងឃិលិ ស្រុកកោះញែក ខេត្តមណ្ឌលគិរី រួចដឹកតាមកាណូតទៅកាន់ច្រករបៀងអូរតាង និងអូរលាវដែលមាន នគរបាលវរការពារព្រំដែន លេខ៦២៣ និងកម្លាំងយោធាអង្គភាព ការពារព្រំដែនលេខ១០២ ប្រចាំ ការនៅទីនោះ ។ ក្នុងមួយយប់មួយថ្ងៃយ៉ាងហោច ណាស់មានឈើពី៧ទៅ១០ទូក មានបរិមាណ២០ទៅ ៣០ ម៉ែត្រ គូបត្រូវគេដឹកទៅប្រទេសវៀតណាម ។

សរុបសេចក្តីមក ឧក្រិដ្ឋកម្មបំផ្លាញ ឈើប្រណីតនៅខេត្តរតនគិរី និងខេត្តមណ្ឌលគិរីនៅតែបន្ត កើតឡើង យ៉ាង ពេញបន្ទុក ព្រោះក្រុមឈ្មួញរកស៊ីឈើខុស ច្បាប់មិនញញើត នឹងសមត្ថកិច្ច ជាច្រើនស្ថាប័ន ដែលត្រូវបានដាក់ពង្រាយទាំងនៅតាមផ្លូវជាតិ និងផ្លូវទឹកនោះទេ ។ មួយផ្នែកនៃឈើប្រណីត ដែលដឹកចេញពីខេត្តរតនគិរី និងមណ្ឌលគិរីត្រូវបាន គេដឹកជញ្ជូនឆ្លងកាត់ស្រុកស្នួល ខេត្តក្រចេះ ឆ្ពោះទៅស្រុកមេមត់ខេត្តត្បូងឃ្មុំដើម្បីយកទៅលក់នៅប្រទេសវៀតណាម តាមច្រករបៀង និងច្រក ព្រំដែនជាច្រើនកន្លែង ។ ប្រការនេះហើយដែលក្រុមឈ្មួញរកស៊ីដឹកជញ្ជូនឈើប្រណីតខុស ច្បាប់បាន ប្រព្រឹត្តបទឧក្រិដ្ឋជាញឹកញាប់ដូចជា បង្កគ្រោះថ្នាក់ចរាចរណ៍ បាញ់តដៃជាមួយសមត្ថកិច្ចបណ្តាលឲ្យប្រជា ពលរដ្ឋស្លូតត្រង់រងរបួស និងករណីបាញ់សម្លាប់អ្នកកាសែតយ៉ាងព្រៃផ្សៃជាដើម ។ ដើម្បីលុបបំបាត់ បទល្មើសព្រៃឈើ ដូចខាងលើនេះអាជ្ញាធរ និងសមត្ថកិច្ចត្រូវយកចិត្តទុកដាក់ បង្ក្រាបក្រុមឈ្មួញធំៗ ដែលប្រើស្បែកជាមន្រ្តីយោធា មន្រ្តីនគរបាល និងមន្រ្តីកងរាជអាវុធហត្ថក្នុងការប្រព្រឹត្តបទល្មើស ព្រោះឈ្មួញទាំងនោះ ហើយគឺជាអ្នកបង្ក ឧក្រិដ្ឋកម្មតាមអំ ពើចិត្តនាពេលកន្លងមក ៕

លោក ណៅ ធួក និងតំណាងសហភាពអ៊ឺរ៉ុប EU អញ្ជើញដាំដើមកោងកាង នៅខេត្តកំពត

E-mail Print PDF

កំពត ៖ កាលពីថ្ងៃទី១២ ខែតុលា ឆ្នាំ២០១៤កន្លងទៅនេះ លោក ណៅ ធួក ប្រតិភូរាជរដ្ឋាភិបាល កម្ពុជា ទទួលបន្ទុកជាប្រធានរដ្ឋបាលជលផល និងលោក GEORGESDEHOUX តំណាងសហភាពអ៊ឺរ៉ុប និងជាសហប្រធាន សម្របសម្រួលក្រុមការងារ បច្ចេកទេសចម្រុះ និងមន្រ្តីជំនាញរដ្ឋបាលជលផលមួយ ចំនួនទៀត បានអញ្ជើញទៅចូលរួមដាំដើមកោងកាង នៅក្នុងតំបន់សហគមន៍នេសាទត្រពាំងសង្កែ ស្ថិត ក្នុងឃុំត្រពាំងសង្កែ ស្រុកទឹកឈូ ខេត្តកំពត ។

លោក សរ សូរិន នាយខណ្ឌរដ្ឋបាលជលផលខេត្តកំពត បានឲ្យដឹងថា ខណ្ឌរដ្ឋបាលជលផលខេត្ត កំពត បានសហការជាមួយអាជ្ញាធរមូលដ្ឋាន និងសហគមន៍នេសាទ ក្នុងគោលបំណង បង្កើតគំរបធន ធានព្រៃកោងកាង ឲ្យកាន់តែច្រើនឡើងថែមទៀត នៅក្នុងតំបន់នេះ ហើយជាលទ្ធផល គឺសម្រេចបាន ការដាំដុះដើមកោងកាង នៅលើផ្ទៃដីប្រមាណជាង ១៨២ហិកតា នាពេលបច្ចុប្បន្ននេះ ។

លោក ណៅ ធួក មានប្រសាសន៍ស្ញើចសរសើរ អំពីកិច្ចខិតខំប្រឹងប្រែងរបស់ខណ្ឌរដ្ឋបាលជលផល ខេត្ត កំពត ដែលបានផ្តួចផ្តើម ឲ្យមានកម្មវិធីហត្ថកម្មដាំដើមកោងកាងជាបន្តបន្ទាប់ ដើម្បីបង្កើនគំរបព្រៃលិច ទឹក ក្នុងតំបន់ឆ្នេរដែលជាប្រភពផ្តល់ចំណី ក៏ដូចជាជំរកត្រីពងកូន របស់វារីសត្វគ្រប់ប្រភេទ ហើយ ប្រតិភូរាជរដ្ឋាភិបាលកម្ពុជា បានផ្តល់នូវអនុសាសន៍មួយចំនួន ដូចជាគប្បីបង្កើតមុខរបរបន្ថែម នៅក្នុង សហគមន៍នេសាទ និងបង្កើនការផ្សព្វផ្សាយច្បាប់ ស្តីពីជលផល និងលក្ខន្តិកៈសហគមន៍ ដើម្បីឲ្យ សមាជិក និងប្រជាពលរដ្ឋ មានការយល់ដឹងឲ្យបានទូលំទូលាយថែមទៀត ។

នាថ្ងៃដដែលនេះដែរ ប្រតិភូមួយក្រុមដែលមានលោក ណៅ ធួក ជាប្រធានបានអញ្ជើញទៅពិនិត្យ វាយ តម្លៃ ប្រភពធនធានជលផលដោយចាប់ផ្តើម ទៅលើការងារចិញ្ចឹមត្រីទឹកកែ ត្រីស្ពុង ត្រីអាំងកឺយ និង ត្រី ផ្ទួកសមុទ្រ នៅក្នុងសហគមន៍ចង្ហោន ឃុំព្រែកត្នោត ស្រុកទឹកឈូរ ខេត្តកំពត។

លោក ណៅ ធួក បានមានប្រសាសន៍សំណេះសំណាល ជាមួយប្រជានេសាទនៅទីនោះ ដោយបានស្ញើចសរសើរពីការខិតខំប្រឹងប្រែងនៅទីនេះ ឈានឆ្ពោះទៅលើកកម្ពស់ជីវភាពរស់នៅ ហើយលោក ប្រធានរដ្ឋបាលជលផល បានសំណូមពរសូមឲ្យពង្រីកការងារនេះបន្ថែមទៀត ឆ្លើយតបទៅនឹងតម្រូវ ការទីផ្សារ និងធ្វើឲ្យសហគមន៍នេសាទ ទទួលបានចំណូលកាន់តែច្រើនបន្ថែមទៀត ៕

ក្រុមរកស៊ី ដឹកឈើតាមម៉ូតូ ថ្ងូរដូចព្រាប ខណៈក្រុមសមត្ថកិច្ច ចាំគាបយកលុយ ដាក់ហោប៉ាវ

E-mail Print PDF

រតនគិរីៈ ដោយសារតែបញ្ហាជីវភាព នាំឲ្យបងប្អូនប្រជាពលរដ្ឋខ្លះ ដែលខ្វះលទ្ធភាពប្រកបមុខរបរទទួល ទាន បានបង្ខំចិត្តដឹកឈើតាមម៉ូតូ មកលក់ក្នុងរោងសិប្បកម្មនានា នៅក្រុងបានលុង និងតាមលំនៅដ្ឋាន ក្រុមឈ្មួញដឹកលក់បន្ត ទៅប្រទេសវៀតណាម ។

បើតាមក្រុមរកស៊ីដឹកឈើ តាមម៉ូតូប្រាក់ឲ្យដឹងថា ពួកគាត់សព្វថ្ងៃនេះ ជួបប្រទះបញ្ហាធ្ងន់ធ្ងរណាស់ ដោយសារតែជីវភាពទីទាល់ក្រ បានបង្ខំចិត្តយកប្លង់ដី ប្លង់ផ្ទះយកទៅបញ្ចាំធនាគារ និងខ្លះទៀត ចងការ ប្រាក់គេយកមកទិញឈើ ដឹកតាមម៉ូតូមកលក់នៅក្រុងបានលុង គ្រាន់បានចំណេញបន្តិបន្តួច ផ្គត់ផ្គង់ គ្រួសារ ។

ក្រុមរកស៊ីដឹកឈើតាមម៉ូតូ ប្រាប់បន្តទៀតថា ពួកគាត់បាននាំគ្នាទៅប្រមូលទិញជំនៀឈើ ពីបងប្អូនជន ជាតិ តាមសហគមន៍នានា ក្នុងស្រុកវ៉ឺនសៃ ស្រុកតាវែង និងស្រុកអូរជុំជាដើម រួចដឹកបន្តមកក្រុងបាន លុង ឆ្លងកាត់ទីរួមស្រុកអូរជុំ ដោយត្រូវឆ្លងកាត់ក្រុមសមត្ថកិច្ចប្រហែល ៣០ស្ថាប័ន (ទីរួមស្រុកអូរ ជុំ ដឹកចូលមកទីរួមក្រុង បានលុងចម្ងាយ ៧ គីឡូម៉ែត្រ) ។

ក្រុមរកស៊ីដឹកឈើតាមម៉ូតូ បញ្ជាក់ឲ្យដឹងទៀតថា ក្នុងម៉ូតូ១គ្រឿង ត្រូវបង់លុយប្រចាំខែ ជូនក្រុមសមត្ថ កិច្ចខាងលើចាប់២ លានរៀល ទៅ ៣លានរៀល ទើបអាចរកស៊ីដឹកឈើតាមម៉ូតូបាន បើពុំនោះទេ ពួក គាត់ (ក្រុមសមត្ថកិច្ចជិះរថយន្តស៊េរីទំនើបៗ តាមគំរាមកំហែងចាប់បញ្ជូនទៅរដ្ឋបាល ព្រៃឈើ) ។ ពួក គាត់បានធ្វើការត្អូញត្អែរឲ្យដឹងទៀតថា បើទោះបីរាជរដ្ឋាភិបាលកម្ពុជា ដែលមានសម្តេចតេជោហ៊ុន សែន ជាប្រមុខ បានដំឡើងប្រាក់ខែជូនពួកគាត់ ជាបន្តបន្ទាប់ បង្កលក្ខណៈងាយស្រួលក្នុងការបំពេញ ភារកិច្ច ជូនប្រទេសជាតិ និងប្រជាពលរដ្ឋ តែបែរជាពួកគាត់នាំគ្នាយកតួនាទី ភារកិច្ច ដែលថ្នាក់លើ ប្រគល់ជូន មកធ្វើបាបបងប្អូនប្រជាពលរដ្ឋទៅវិញ ពោលគឺក្រុមគាត់គាបយកលុយដាក់ហោប៉ៅ ដោយ គ្មានខ្លាចច្បាប់បន្តិសោះ ។ ការទំនាក់ទំនងនានា ជុំវិញការចោទប្រកាន់ ក្រុមសមត្ថកិច្ចប្រហែល ៣០ ស្ថាប័ន បង្ខំឲ្យក្រុមរកស៊ីដឹកឈើតាមម៉ូតូ បង់លុយប្រចាំខែច្រើនសន្ធឹកសន្ធាប់នេះដែរ មជ្ឈមណ្ឌល ព័ត៌មានដើមអម្ពិល មិនអាចសុំការបំភ្លឺ ពីស្ថាប័នណាមួយបានទេ នៅព្រឹកថ្ងៃទី១៤ ខែតុលា ឆ្នាំ២០១៤ នេះ ។

គួរបញ្ជាក់ផងដែរថា ម៉ូតូដឹកឈើពីទីរួមស្រុកអូរជុំ មកទីរួមក្រុងបានលុង មានប្រហែល៣០គ្រឿង ៕

លោក អ៉ិត សំហេង ចូលបំភ្លឺនៅរដ្ឋសភា ជុំវិញបញ្ហាកម្មករ

E-mail Print PDF

- កម្មកររោងចក្រ ហ៊ុយចៀន នាំគ្នា ស្រែកតវ៉ាមុខរដ្ឋសភា រង់ចាំលទ្ធផលនៃជំនួប

ភ្នំពេញ៖ រដ្ឋមន្រ្តីក្រសួងការងារ និងបណ្តុះបណ្តាល វិជ្ជាជីវៈ អមដោយមន្រ្តី៧រូបផ្សេងទៀត នៅព្រឹកថ្ងៃទី១៤ ខែតុលា ឆ្នាំ២០១៤នេះ បានអញ្ជើញចូលទៅកាន់វិមានរដ្ឋសភា តបតាមកោះហៅរបស់លោកស្រី កែ សុវណ្ណរតន៍ ប្រធានគណៈកម្មការទី៨ នៃរដ្ឋសភា (គណៈកម្មការសុខាភិបាល សង្គមកិច្ច អតីតយុទ្ធជន យុវនីតិ សម្បទា ការ ងារ បណ្តុះបណ្តាលវិជ្ជាជីវៈ និង កិច្ចការនារី) ដើម្បីលើបញ្ហាមួយចំនួនទាក់ទិនទៅនឹងស្ថានភាពការងាររបស់កម្មករ និយោជិត ក៏ដូចជាបញ្ហាប្រាក់ខែរបស់ពួកគេផងដែរ។

ជំនួបនាព្រឹកថ្ងៃនេះ ក៏មានការចូលរួមពីលោក អេង ឆៃអ៊ាង ប្រធានគណៈកម្មការទី១ នៃរដ្ឋសភា រួមនិងលោក ហូរ  វណ្ណ ប្រធានគណៈកម្មកាទី១០ នៃរដ្ឋសភាផងដែរ។

ការជួបតទល់មុខគ្នាដ៏កម្រជាមួយលោក អ៉ិត សំហេង លោកស្រី កែ សុវណ្ណរតន៍ ក៏នឹងជជីកសួរដេញដោលទៅលើ ការទាមទារនូវប្រាក់ខែសមរម្យ របស់ក្រុមសហជីពធំៗទាំង៦ ដែលបាននាំគ្នាដើរក្បួនទាមទារកាលពីថ្ងៃអាទិត្យ ទី ១២ ខែតុលា កន្លងទៅផងដែរ។

មុនចូលអង្គុយលើកៅក្នុងបន្ទប់ប្រជុំ លោក អ៉ិត សំហេង បានថ្លែងស្វាគមន៍ចំពោះការកោះហៅរបស់ប្រធានគណៈ កម្មការ នៃរដ្ឋសភា ហើយថានេះ ជាកោះហៅលើកទី១ ហើយសម្រាប់លោក។

លោកស្រី កែ សុវណ្ណរតន៍ ក៏បានបញ្ជាក់ប្រាប់ទៅក្រុមអ្នកព័ត៌មានដែរថា ការកោះហៅរបស់លោកស្រី ដើម្បីឆ្លើយ តបទៅនឹងញត្តិ ក៏ដូចជាក្តីកង្វល់របស់កម្មករ និយោជិតនៅកម្ពុជា។

ខណៈដែលរដ្ឋមន្រ្តីក្រសួងការងារ និងគណៈកម្មការ នៃរដ្ឋសភានោះ នៅខាងក្រៅរបងវិមានរដ្ឋសភា ក្រុមកម្មករជា  ច្រើននាក់ មកពីរោងចក្រហ៊ុយចៀន ដែលមានវិវាទជាមួយថៅកែរោងចក្រមិនទាន់ដោះស្រាយចប់សព្វគ្រប់ ក៏បាន  លើកគ្នាទៅជួបជុំតវ៉ា រង់ចំាលទ្ធផលនៃជំនួប៕

រថយន្តរបស់ លោក ហេង ស៊ីនិត អ្នកថតរូបឲ្យ ទីភ្នាក់ងារ សារព័ត៌មាន AP ត្រូវ សមត្ថកិច្ច រកឃើញហើយ នៅក្រុងសួង

E-mail Print PDF

ត្បូងឃ្មុំ ៖ រថយន្តរបស់ លោក ហេង ស៊ីនិត អ្នកថតរូបឲ្យ ទីភ្នាក់ងារសារព័ត៌មាន AP ដែលត្រូវចោរលួច ពីមុខផ្ទះ កាលពីយប់ថ្ងៃទី១១ ខែតុលា ឆ្នាំ២០១៤កន្លងទៅនោះ ឥឡូវ ត្រូវសមត្ថកិច្ច រកឃើញហើយ និងឃាត់ខ្លួនជនសង្ស័យម្នាក់ នៅក្រុងសួង ខេត្តត្បូងឃ្មុំ ។

ប្រតិបត្តិការតាមស្វែងរក ឃើញរថយន្ត របស់លោក ហេង ស៊ីនិត ម៉ាកកាមរី ស៊េរី ៩២ ពណ៌ស ពាក់ស្លាកលេខ ភព2-1860 បានកើតឡើង កាលពីថ្ងៃទី១៣ ខែតុលា ឆ្នាំ២០១៤ ក្រោយប្រតិបត្តិការរួមគ្នា រវាងកម្លាំង នគរបាល ព្រហ្មទណ្ឌ រាជធានីភ្នំពេញ ដែលជាម្ចាស់ករណី និងកម្លាំងនគរបាល ក្រុងសួង នៃស្នងការដ្ឋាន នគរបាល ខេត្តត្បូងឃ្មុំ ។ រថយន្តរបស់លោក ត្រូវបានចោរ កាច់ស្លាកលេខ ចោលទាំងមុខ ទាំងក្រោយ ដើម្បីចង់បង្វែដាន កុំឲ្យសមត្ថកិច្ច នៅតាម ដងផ្លូវ ។

លោក ហេង ស៊ីនិត បានថ្លែងអំណរគុណ យ៉ាងខ្លាំងដល់សមត្ថកិច្ច ពាក់ព័ន្ធ ដែលបាន ជួយរករថយន្តរបស់លោក ត្រឡប់មកវិញបាន ក្នុងរយះពេលតែ ប៉ុន្មានថ្ងៃសោះ ក្រោយមានករណីនេះកើតឡើង ។

ក្រោយទទួលព័ត៌មាន នៃការរកឃើញ រថយន្តភ្លាម លោក ហេង ស៊ីនិត បានទាក់ទង និងយកឯកសារពាក់ព័ន្ធ ទៅបង្ហាញ សមត្ថកិច្ច នៅទីនោះ ដើម្បីយករថយន្តត្រឡប់មកវិញ។  

សូមបញ្ជាក់ថា អ្នកថតរូបឲ្យទីភ្នាក់ងារសារព័ត៌មាន AP លោក ហេង ស៊ីនិត បានបាត់រថយន្តមួយគ្រឿង ម៉ាកកាមរី ស៊េរី ៩២ ពណ៌ស ពាក់ស្លាកលេខ ភព2-1860 ពេលចតទុកចោលមុខផ្ទះ កាលពីយប់រំលងអធ្រាត្រឈានចូល ថ្ងៃទី១១ ខែតុលា ឆ្នាំ២០១៤ ស្ថិតនៅមុខផ្ទះរបស់ខ្លួន លេខ ៤៤ ផ្លូវC ក្នុងបុរីមួយក្នុងតំបន់បឹងឈូក សង្កាត់ ក្រាំងធ្នង់ ខណ្ឌសែនសុខ ។

លោក ហេង ស៊ីនិត បាននិយាយថា នៅវេលាម៉ោង ១យប់រំលងអធ្រាត្រ អ្នកជិតខាងបានឮសំឡេងបញ្ឆេះ រថយន្តបើកចេញពីមុខផ្ទះ ប៉ុន្តែអ្នកជិតនឹកស្មានថាជាលោក ទើបគ្មានការចាប់អារម្មណ៍ ។ លុះព្រឹកឡើងពេល ភ្ញាក់ពីដេកទើបមានការភ្ញាក់ផ្អើលថា បាត់រថយន្តពីមុខផ្ទះរបស់ខ្លួន៕

មើលមុខចោរលួចរថយន្ត របស់លោក ហេង ស៊ីនិត ដូចមិនសមសោះ

មន្ទីរវប្បធម៌ និង វិចិត្រសិល្បៈ ខេត្តត្រូវបាន សមត្ថកិច្ច ប្រគល់វត្ថុបុរាណ ដកហូតយក ចំនួន៨មុខ

E-mail Print PDF

កំពង់ឆ្នាំង ៖ កាលពីថ្ងៃទី១២ ខែតុលា ឆ្នាំ២០១៤ នៅសាលាបឋមសិក្សាក្តុល ក្នុងក្រាំងស្គារ ស្រុកទឹកផុស ខេត្តកំពង់ឆ្នាំង វត្ថុបុរាណចំនួន៨មុខ ត្រូវបានកម្លាំសមត្ថកិច្ច នគរបាលការិយាល័យ កម្រិតធ្ងន់នៃ ស្នងការដ្ឋាន នគរបាលខេត្ត ធ្វើការដកហូតពីនាយកសាលា ដើម្បីប្រគល់ជូន ដល់មន្ទីរវប្បធម៌និងវិចិត្រសិល្បៈខេត្ត ធ្វើការថែរក្សា។

លោក ឌុច ចំរើន នាយការិយាល័យនគរបាលព្រហ្មទណ្ឌ កម្រិតធ្ងន់ បានអោយដឹងថា ការដកហូតវត្ថុបុរាណទាំងនេះ គឺបន្ទាប់ពីកម្លាំង សមត្ថកិច្ចបាន ទទួលព័ត៌មានថា នាយកសាលាបឋមសិក្សាក្តុល បានរក្សាទុកវត្ថុ ទាំងនោះនៅ ក្នុងសាលារៀន ចាប់តាំងពីថ្ងៃទី៤ ខែតុលាមកម្ល៉េះ ដោយមានអ្នកផ្ញើអោយមករក្សាទុក ។

លោកបន្តទៀតថា បើតាមការសួរ លោក សយ កែវ នាយកសាលបឋមសិក្សាក្តុរបាន បានប្រាប់អោយដឹងថា កាលពីជាង មួយ សប្តាហ៍មុន មានបុរសម្នាក់ឈ្មោះ ស សាលី ភេទប្រុស អាយុ៧០ឆ្នាំ បានយកវត្ថុបុរាណទាំងនេះ មកអោយគាត់ ដោយប្រាប់ថា អោយយកវត្ថុបុរាណទាំងទៅទុកកន្លែងណាដែលជាកន្លែងមានប្រជាពលរដ្ឋគោរបូជា ដូចជាវត្តអារាម ។ ប៉ុន្តែក្រោយពីទទួលមកហើយ លោកនាយកសាលាបានយល់ឃើញថា នឹងទុកនៅសាលានេះ ដើម្បីអោយសិស្ស បានស្គាល់ក៏ទុកក្នុងបន្ទប់រៀននេះរហូតមក ដល់ថ្ងៃទី១២ តុលា ទើបសមត្ថកិច្ចចុះទៅពិនិត្យ មើលវត្ថុទាំងនោះ ហើយបានធ្វើការដកហូតយកមករក្សាទុកនៅស្នងការដ្ឋានគរបាលខេត្តកំពង់ឆ្នាំង រង់ចាំប្រគល់ ទៅអោយមន្ទីរវប្បធម៌និងវិចិត្រសិល្បៈខេត្ត ។

តាមការពិនិត្យរបស់មន្ត្រីនៃមន្ទីរវិចិត្រសិល្បៈជាលើកដំបូង បញ្ជាក់ថា វត្ថុវទាំង នោះមាន៨មុខ ១.ព្រះឥសូធ្វើ ពីលោហៈ, ២. ព្រះគិណេសធ្វើពីថ្មកែវ, ៣. ព្រះវិស្ណុ, ៤.ពូថៅធ្វើពីលោហៈ, ៥.ព្រះខ័ណ្ឌធ្វើពីលោហៈ, ៦.ព្រះសិអាមេតីថ្មកែវ, ៧.ព្រះពុទ្ធសមា្មធិធ្វើពីថ្មកែវ និង៨.ជើងទម្រសម្រាប់ដាក់ព្រះបដិមា ធ្វើពីថ្មកែវ៕

ព្រោះតែក្តី ស្រឡាញ់ ដ៏លើសលប់ នារីពីរនាក់ ស្ម័គ្រចិត្ត រៀបការជាមួយគ្នា

E-mail Print PDF

កំពង់ឆ្នាំង ៖ នៅព្រឹកថ្ងៃទី១២ ខែតុលា ឆ្នាំ២០១៤ នៅភូមិត្រពាំងចឹក្សា សង្កាត់កំពង់ឆ្នាំង ក្រុងកំពង់ឆ្នាំង នារីស្រឡាញ់ ភេទដូចគ្នាមួយគូ បានសម្រេចចិត្ត កាន់ដៃគ្នាចូលរោង ដើម្បីកសាងអនាគតគ្រួសារ និងបង្ហាញ ពីភក្តីភាពនៃក្តីស្នេហ៍  ។ បើទោះបីថាការសម្រេច រៀបអាពាហ៍ពិពាហ៍នេះ បានប្រាស់ចាក ពីច្បាប់នៃរៀប អាពាហ៍ពិពាហ៍ របស់ប្រទេសកម្ពុជា និង ប្រឈមនឹងការរើសអើង យ៉ាងណាក៏ដោយ តែវាជាសក្ខីភាព មួយនៃធម្មជាតិដែលធ្វើអោយអ្នក ទាំងពីរមានភក្តីស្នេហ៍ រហូតឈានដល់ថ្ងៃចូលរោងការនេះ ត្រូវបានធ្វើឡើង ដែលមានមនុស្ស យ៉ាងច្រើនកុះករ បានចូលរួមពិធីមង្គលការនេះ ។ 

នារីដែលតាំងខ្លួនជាកូនកម្លោះ ក្នុងថ្ងៃរៀបមង្គលការនោះឈ្មោះ ស៊ូ លិលីន អាយុ១៨ឆ្នាំ ដែលមានឪពុកឈ្មោះ ស៊ុយ សុវណ្ណ អាយុ៥៣ឆ្នាំ និងម្តាយឈ្មោះ ប៉ា សុខរី អាយុ៥៦ឆ្នាំ រស់នៅសង្កាត់ខ្សាម ក្រុងកំពង់ឆ្នាំង ខេត្តកំពង់ឆ្នាំង ។ដោយឡែក នារីជាកូនក្រមុំឈ្មោះ ម៉ុន កញ្ញា អាយុ១៨ឆ្នាំ ឪពុកឈ្មោះ ម៉ុន សុខុម អាយុ៦៤ឆ្នាំ និងម្តាយឈ្មោះ អ៊ូ ទូច អាយុ៦៦ឆ្នាំ រស់នៅស្រុកស្អាង ខេត្តកណ្តាល ។

អាណាព្យាបាលទាំងសងខាងបានប្រាប់អោយដឹងថា ការឈានចូលដល់ថ្ងៃរៀប អាពាហ៍ពិពាហ៍រវាង កូនគាត់ទាំងពីរនេះ គឺបានធ្វើឡើងដោយមានការឯកភាពគ្នាទាំងសងខាង ដោយមិនមានការបង្ខិតបង្ខំ គឺកូនទាំងពីរនាក់ នេះបានស្រឡាញ់គ្នា ហើយបានរកលុយចូលគ្នាបានរៀបការនេះ ។ មុនពេលដែលឈាន ដល់ថ្ងៃរៀបការនេះ ខាងនារីដែលតាំងខ្លួនជាកូនកម្លោះ ឈ្មោះ ស៊ូ លិលីន បានប្រាប់ម្តាយឪពុកអោយចូលស្តី ដណ្តឹង ឈ្មោះ ម៉ុន កញ្ញា ក្រោយពីការស្តីដណ្តឹងរយៈពេលជាង១ខែ ទើបឈានដល់ថ្ងៃរៀបអាពាហ៍ពិពាហ៍ ការរៀប មង្គលការពួកគេ គឺធ្វើឡើងតាមប្រពៃណីទំនៀមទំលាប់ខ្មែរ មានពិធីសែនព្រេន ចងដៃ កាត់សក់ ហែជំនូន ហើយ កម្មវិធីចុងក្រោយនោះ គឺអញ្ជើញភ្ញៀវពិសាភោជនីអាហារចំនួន ២០០នាក់ ។

នៅក្នុងថ្ងៃនោះដែរ នារីដែលជាកូនកម្លោះ និងកូនក្រមុំទាំងពីរនាក់នេះ មិនបានប្រាប់អ្វីវែងឆ្ងាយនោះទេ គ្រាន់តែ បាននិយាយថា អ្វីដែលបានស្តែងឡើងនាពេលនេះ គឺជាការសម្រេចចិត្តរួមគ្នា ក្នុងការកសាងអនាគតគ្រួសារមួយ ដើម្បីបង្ហាញអំពីធម្មជាតិ នៃក្តីស្រឡាញ់ដ៏លើសលប់រវាង ពួកគេទាំងពីរនាក់ ក្នុងការចាប់ដៃគ្នាឆ្ពោះទៅមុខ ដោយពួក គេទាំងពីរនាក់មិនខ្វល់ពីការរើសអើងក្នុងសង្គមនោះទេ ប៉ុន្តែផ្ទុយទៅវិញ ពួកគេទាំងពីរនាក់ ងើបឡើងប្រឈមនឹងបញ្ហាសង្គម និងស្នើអោយពួកគេមាន និងអ្នកផ្សេងទៀត ដែលជាអ្នកស្រលាញ់ភេទដូចគ្នា មានសិទ្ធិដូចមនុស្សគ្រប់គ្នានៅក្នុងសង្គមផងដែរ ៕

លិខិតមិត្តអ្នកអានៈ ប្រជាពលរដ្ឋរិះគន់ ការជួសជុលផ្លូវ ៣៧១ ក្រុមហ៊ុនធ្វើរួចតែពីដៃ

E-mail Print PDF

ភ្នំពេញៈ ប្រជាពលរដ្ឋ ដែលធ្វើដំណើរឆ្លងកាត់ តាមផ្លូវលេង ៣៧១ ក្នុងសង្កាត់ចំនួន២ គឺសង្កាត់បឹងទំពន់ និងសង្កាត់ ស្ទឹងមានជ័យ ខណ្ឌមានជ័យ ដែលតភ្ជាប់ ពីផ្លូវលេខ២៧១ ទៅផ្លូវព្រះមុន្នីរ៉េត ស្ពានថ្មភូមិឬស្សី បានរិះគន់ចំពោះការ ជួសជុលរបស់ក្រុមហ៊ុនឯកជន ថា គ្មានយកចិត្តទុកដាក់ពោល ធ្វើឲ្យរួចតែពីដៃ បង្ហាញបរិមាណ ប៉ុណ្ណោះ ខណៈដែលគុណភាព មិនតាមស្តង់ដារបច្ចេកទេសនោះឡើយ។

សូមបញ្ជាក់ថា កំណាត់ផ្លូវដែលមានប្រវែងជាង ៤គីឡូម៉ែត្រ ទទឹង១១ម៉ែត្រត្រូវបានក្រុមហ៊ុនឯកជន មួយទទួលបាន សិទ្ធអនុញ្ញាត ពីសាលារាជធានីភ្នំពេញ និងស្ថាប័នពាក់ព័ន្ធធ្វើការជួស ជុលដែលរហូតមកដល់ពេលនេះ មានរយៈពេល ជាងមួយឆ្នាំទៅហើយ ក្រោយពីការដាក់ឲ្យប្រើប្រាស់ជាផ្លូវការ។  ប៉ុន្តែសម្រាប់ប្រជាពលរដ្ឋ ដែលធ្វើដំណើរឆ្លងកាត់ជា រៀងរាល់ថ្ងៃ ជាពិសេសប្រជាពលរដ្ឋដែលរស់នៅអមសងខាងផ្លូវ បានប្រតិកម្មនិង រិះគន់ចំៗ ព្រោះតែមិនទាន់ជួសជុលបានប៉ុន្មានថ្ងៃផងកំណាត់ផ្លូវមួយនេះខូចជាដុំៗ រហូតភាគីក្រុមហ៊ុន បានដាក់ របាំងថ្មការពារលួចជួសជុលស្ងាត់ៗទៀតផង មិនឲ្យថ្នាក់ដឹកនាំដឹងនោះឡើយ។

ប្រជាពលរដ្ឋដដែល បាននិយាយថា ផ្លូវបេតុងមួយខ្សែនេះដែលមុនដំបូងអាចចាត់ទុកថា ជាផ្លូវគំរូតាមរយៈការចាក់ បេតុងកម្រាស់២តឹក និងធ្វើអំពីឆ្អឹងដែក ប៉ុន្តែពាក្យថាផ្លូវគំរូនោះ មិនកើតមាននោះឡើយព្រោះ តែស្ថានភាពខូច និងទ្រុឌទ្រោមជាបណ្តើរៗ។

ជាមួយគ្នានេះការដាក់របាំងថ្មការពារការដ្ឋានជួសជុលផ្លូវស្ងាត់ៗ ដែលមិនបានដាក់ភ្លើងសញ្ញានោះ បាននាំឲ្យកើតមានគ្រោះថ្នាក់ចរាចរផងដែរ រហូតគ្រោះថ្នាក់ ដល់អ្នកធ្វើដំណើរ កាលពីប៉ុន្មានថ្ងៃមុននេះ។

ប្រភពព័ត៌មានពីមន្ត្រីសាលារាជធានីភ្នំពេញមួយរូប ដែលសុំមិនបញ្ជេញឈ្មោះបានលួចប្រាប់ថា តាំងពីថ្ងៃបើក ការដ្ឋានជួសជុលផ្លូវ កាលពីថ្ងៃទី១១ ខែមិថុនា ឆ្នាំ២០១៣កន្លងទៅនោះ ក្រុមហ៊ុន បានឈួសដី ពង្រាប់និង ចាក់ថ្មតែម្តង ដោយមិនបានសិក្សាលើបញ្ហាបច្ចេកទេសនៃការធ្វើឲ្យរឹងមាំនោះឡើយ ដែលទាំងនេះក្រុមហ៊ុន អាចចំណេញបានច្រើនខុសពីគោលការណ៍និងកិច្ចព្រមព្រៀង ដែលត្រូវធ្វើជាមួយសាលារាជធានីភ្នំពេញ ក៏ដូចស្ថាប័នពាក់ព័ន្ធនោះ ។

ប្រជាពលរដ្ឋសូមអំពាវនាវដល់អភិបាលរាជធានីភ្នំពេញ និងស្ថាប័នពាក់ព័ន្ធគួរមានការត្រួពិនិត្យ និងសិក្សាឡើង វិញទៅលើក្រុមហ៊ុនឯកជនដែលទទួលម៉ៅការជួសជុលផ្លូវមួយខ្សែនេះ ប៉ុន្តែគ្មានគុណភាពទាល់តែសោះ៕

ស្នងការខេត្ត បន្ទាយមានជ័យ សួរសុខទុក្ខ អតីតអភិបាលខេត្ត ក្នុងទសវត្ស ឆ្នាំ១៩៨៩

E-mail Print PDF

បន្ទាយមានជ័យៈ ស្នងការនគរបាល ខេត្តបន្ទាយមានជ័យ លោកឧត្តមសេនីយ៍ត្រីអាត់ ខែម កាលពីថ្ងៃទី១២ ខែតុលា ឆ្នាំ២០១៤ អមដោយមន្ត្រីនគរបាលមួយចំនួន បានទៅសួរសុខទុក្ខ អតីតអភិបាលខេត្ត បន្ទាយមានជ័យ ក្នុងទសវត្ស ឆ្នាំ១៩៨៩ -១៩៩៣ និងជាអតីតមេដឹកនាំ របស់ខ្លួនក្នុងសម័យតស៊ូផងដែរ ។

លោកអិត លឿ អតីតអភិបាលខេត្តបន្ទាយមានជ័យចន្លោះពីឆ្នាំ១៩៨៩ ដល់ឆ្នាំ១៩៩៣ បច្ចុប្បន្នបានចូលនិវត្តន៍ និងប្រកបអាជីវកម្មជាម្ចាស់ការដ្ឋានវាយថ្មមួយកន្លែងស្ថិតនៅភូមិ ភ្នំធំ ឃុំអូរប្រាសាទ ស្រុកមង្គលបូរី ខេត្តបន្ទាយមានជ័យ។

លោកឧត្តមសេនីយ៍អាត់ ខែម បានរំលឹកថា  លោកអិត លឿ ជាអតីតមេដឹកនាំ របស់ខ្លួនក្នុង សម័យតស៊ូ ដែលពេលនោះលោកជានគរបាលមួយរូប ក្នុងអង្គភាពមួយដែលទទួលបានការ ដាស់តឿន ការណែនាំ ដើម្បីវាយខ្មាំងសត្រូវ ទាំងទិសខាងលិច ទិសខាងត្បូង និងទិសខាង ជើង ដូចជាក្រុមខ្មែរក្រហម និងក្រុមតស៊ូផ្សេងទៀត។

លោកឧត្តមសេនីយ៍ស្នងការក៏បាននាំយកវត្ថុអនុស្សាវរីយ៍ ជូនអតីតអភិបាលខេត្តបន្ទាយមានជ័យ ផងដែរ និងបង្ហាញការដឹងគុណដែលលោកធ្លាប់ទទួលបាន ការបណ្តុះបណ្តាលក៏ដូចជាការចង្អុលបង្ហាញ ចំពោះ ភារកិច្ច នៃការពារជាតិមាតុភូមិ និងសន្តិសុខរបស់ប្រជាជននាសម័យនោះ។

នៅក្នុងជំនួបពិភាក្សា និងការសួរសុខទុក្ខគ្នាទៅវិញទៅមកនោះ ទាំងលោកឧត្តមសេនីយ៍ស្នងការ និងលោក អិត លឿ បានរំលឹកនូវអនុស្សាវរីយ៍ ដ៏ជូរចត់ ក៏ដូចជាហេតុការណ៍ទាំងឡាយ ណាដែលបានកើតឡើងនាពេលនោះ ជាពិសេសការ ប្រយុទ្ធតស៊ូ ជាមួយខ្មាំងសត្រូវ គ្រប់ពេលវេលា។

លោកស្នងការក៏បានជូនពរ និងជំរុញឲ្យអតីតមេដឹកនាំរូបនេះថែរក្សាសុខភាព ព្រោះវ័យកាន់តែ ចាស់ទៅហើយ ដើម្បីចូលរួមអប់រំ និងផ្តល់គំនិតល្អៗដល់ក្មេងជំនាន់ក្រោយ៕

សម្តេចតេជោ ស្នើឲ្យបេសកជន ពិសេស នាយករដ្ឋមន្ត្រី អង់គ្លេស ជួយជំរុញ ទំហំពាណិជ្ជកម្ម រវាងប្រទេស ទាំងពីរ

E-mail Print PDF

ភ្នំពេញៈ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចកម្ពុជា បានស្នើសុំឱ្យលោក David Putnam បេសកជន ពិសេស នាយករដ្ឋមន្ត្រីអង់គ្លេស ជួយធ្វើយ៉ាងណា ជំរុញឱ្យទំហំពាណិជ្ជកម្ម រវាងប្រទេសទាំងពីរ កាន់តែមានការកើនឡើង។ ក្នុងន័យនេះ សម្តេចបានស្នើឱ្យ លោកបេសកជន ពិសេសនាយករដ្ឋមន្ត្រី អង់គ្លេស ពិនិត្យ មើលនូវអ្វីខ្លះដែលអាច ផលិតបាននៅក្នុងប្រទេសកម្ពុជា ដើម្បីកែច្នៃជាផលិត សម្រេចសម្រាប់ នាំចេញ ទៅកាន់ប្រទេសក្រៅ។ នេះបើយោងតាម លោក អ៊ាង សុផល្លែត ជំនួយការផ្ទាល់សម្តេចតេជោ បញ្ជាក់ប្រាប់ អ្នកកាសែតនៅក្រោយជំនួប ដែលត្រូវបានធ្វើឡើងនៅ វិមានសន្តិភាព នារសៀលថ្ងៃទី ១៣ តុលា ។

លោក អ៊ាង សុផល្លែត បានស្រង់សំដីលោក David Putnam  ដែលបាន ជំរាបជូនសម្តេចតេជោ នាយករដ្ឋមន្ត្រីថា លោកមានការលើកទឹកចិត្ត និងចំណាប់អារម្មណ៍យ៉ាងខ្លាំង ចំពោះការអភិវឌ្ឍ នៅក្នុងព្រះរាជាណាចក្រកម្ពុជា លើ វិស័យសិក្សា ធិការក៏មានការរីកចំរើន ហើយលោក ថ្លែងអំណរគុណ ដល់លោក ស៊ុន ចាន់ថុល រដ្ឋមន្ត្រី ក្រសួង ពាណិជ្ជកម្មដែលបានដឹកនាំ ធ្វើជាម្ចាស់ផ្ទះនៃសន្និសីទស្តី ពីម៉ាកពាណិជ្ជកម្ម។

លោក David Putnam បញ្ជាក់ថា ម៉ាកគឺជារូបភាព ដ៏មាន សារៈសំខាន់សម្រាប់កម្ពុជា និងអាចជួយនាំ មកនូវ តម្លៃបន្ថែម ហើយក៏ មាន ទំនាក់ទំនងដោយផ្ទាល់លើវិស័យទេសចរណ៍ រួមទាំងវិស័យផ្សេងៗទៀត។ លោកថា ម៉ាកនេះគឺ បានឆ្លុះបញ្ចាំងពីស្មារតីនៃការកែច្នៃ និងជំរុញនូវ កំណើន អត្តសញ្ញាណរបស់កម្ពុជា។

សម្តេចតេជោ ហ៊ុន សែន បានជំរាបជូនលោក David Putnam អំពី កំណែទម្រង់របស់កម្ពុជា ជាពិសេសវិស័យអប់រំ ដោយបានមានប្រសាសន៍ថា ការកែទម្រង់ វិស័យអប់រំនេះ ម្ខាងគឺសម្រាប់ជំរុញការអភិវឌ្ឍជាតិ និងម្ខាងទៀត សម្រាប់ ត្រៀមខ្លួនប្រកួត ប្រជែងក្នុងក្របខណ្ឌតំបន់។ សម្តេចបានជំរាបជូនផងដែរ អំពីអាទិភាពរបស់កម្ពុជា កាលពី ឆ្នាំ១៩៨៧ ដែលរាជរដ្ឋាភិបាលបានដាក់ចុះនូវ អាទិភាព៤យ៉ាងគឺទឹក ផ្លូវ ភ្លើង និងមនុស្ស ប៉ុន្តែឥឡូវនេះ អាទិភាពទាំង៤ ត្រូវបាន កែប្រែមកជា មនុស្ស ទឹក ផ្លូវ ភ្លើងវិញ ។

ពាក់ព័ន្ធទៅនឹងបញ្ហាម៉ាក សម្តេច  មានប្រសាសន៍ថា ម៉ាកគឺជារឿងល្អសម្រាប់កម្ពុជា បើសិនណាកម្ពុជា អាចធ្វើទៅបាននោះ សព្វថ្ងៃនេះកម្ពុជាមានម្រេចមេមត់ កម្ពុជាមានអង្គវត្ត ហើយ បញ្ហាម៉ាកនេះទៀតសោធ សម្តេច ក៏បានស្នើដល់លោក David Putnam សូម ឱ្យ ចក្រភពអង់គ្លេស ទទួលយកម៉ាករបស់កម្ពុជា នៅលើទីផ្សាររបស់ ចក្រភពអង់គ្លេស ព្រោះ ថាកាលណាចក្រភពអង់គ្លេសទទួលស្គាល់ម៉ាក កម្ពុជាហើយ ប្រទេសដទៃ ទៀត ក៏អាចទទួល ស្គាល់ផងដែរ។ ដោយឡែកអង្ករកម្ពុជាក៏បានជាប់ លេខ១ ក្នុ្ងងរយៈពេល២ឆ្នាំជាប់ៗគ្នា៕

រថយន្តដឹកស៊ីម៉ង់ត៍ បុកអ្នកជិះ ម៉ូតូក្រិចចង្កេះ នៅផ្លូវ៣៧១

E-mail Print PDF

ភ្នំពេញ: បុរសម្នាក់រងគ្រោះ គ្រេចចង្កេះ ដោយសាររថយន្ត ដឹកស៊ីម៉ង់ត៍ មួយគ្រឿង ខណ:អ្នកបើកបរ រថយន្តបង្ក បើកវ៉ារថយន្ត មួយគ្រឿងផ្សេងទៀត ក៏ជ្រុលទៅបុកម៉ូតូ របស់ជនរងគ្រោះ ដែលកំពុងបើកម៉ូតូយឺតៗនៅពីមុខ រថយន្តបង្ក កាលវេលា ម៉ោង៤និង៣០នាទី ថ្ងៃទី១៣ ខែតុលា ឆ្នាំ២០១៤ ស្ថិតនៅលើកំណាត់ ផ្លូវលេខ៣៧១ ជិតអតីតស្ពានដែក ក្នុងភូមិប្ញស្សី សង្កាត់ស្ទឹងមានជ័យ ខណ្ឌមានជ័យ ។

បុរសរងគ្រោះឈ្មោះ ប៉ុល សុផាន អាយុ៣៣ឆ្នាំ ជាបុគ្គលិកលក់ថ្នាំពេទ្យ នៅភូមិម័ល សង្កាត់ដង្កោ ខណ្ឌដង្កោ ។ ចំណែកអ្នក បើកបររថយន្តបង្ក ឈ្មោះ គឹម អូន អាយុ ៣៧ឆ្នាំ ស្នាក់នៅភូមិ-ឃុំស្វាយតានី ស្រុកស្អាង ខេត្តកណ្តាល។

តាមសាក្សីនៅកន្លែងកើតហេតុ បានឲ្យដឹងថា បុរសរងគ្រោះ ជិះម៉តូសេ១២៥ ពណ៌ខ្មៅ ពាក់ស្លាកលេខ ភ្នំពេញ 1AN-5263 ។ បុរសរងគ្រោះធ្វើដំណើរ ក្នុងទិសដៅពីលិចទៅកើត ស្របទិសគ្នានឹងរថយន្តបង្ក ពេលមកដល់ចំណុច កើតហេតុ ស្រាប់តែមានរថយន្តដឹក ស៊ីម៉ង់ត៍ ប្រភេទហ៊ីយ៉ាន់ដាយ ពណ៌ស ពាក់ស្លាកលេខ ភ្នំពេញ 3C-1525 បានបន្ថែម ល្បឿនដើម្បីវ៉ា រថយន្តនៅពីមុខ ក៏ជ្រុលទៅ បុកម៉ូតូ ជនរងគ្រោះដែលកំពុងបើកបរនៅខាងមុខរថយន្ត បណ្តាលឲ្យដួល ហើយម៉ូតូ ខ្ទាតចូលក្រោមរថយន្ត ចំណែកអ្នកបើកមូតូខ្ទាតចេញក្រៅ តែរងរបួសត្រង់ ចង្កេះ បន្តិចបន្តួច ។

ក្រោយកើតហេតុ រថយន្តបង្ក និងម៉ូតូ ជនរងគ្រោះ សមត្ថកិច្ចនគរ បាលចរាចរខណ្ឌមានជ័យ យកទៅរក្សាទុក នៅអធិការ ដ្ឋាននគរបាលខណ្ឌ ដើម្បីដោះស្រាយតាម ក្រោយ ៕

Page 199 of 501