aaa

Saturday, Feb 06th

| English Version | dapnews: 012 722 337, 097 9999 883, email: soyvicheth@gmail.com

ជិះម៉ូតូជែង ជ្រុលចង្កូតបុករថយន្ត នៅពីមុខរបួសធ្ងន់ ដាច់ជើងឆ្វេងម្ខាង នៅស្រុកកៀនស្វាយ

E-mail Print PDF

កណ្តាល៖ យុវជនម្នាក់របួសធ្ងន់ ដាច់ជើងឆ្វេងម្ខាង ខណៈជិះម៉ូតូ ជែងនិងរថយន្ត រួចជ្រុលទៅបុក រថយន្តមួយ គ្រឿងទៀត នៅម៉ោង ២១៖៣០នាទី ថ្ងៃទី៤ ខែមករា ឆ្នាំ២០១៦ នៅលើកំណាត់ ផ្លូវជាតិលេខ១ ចន្លោះគីឡូម៉ែត្រ លេខ៣៧-៣៨ ស្ថិតនៅភូមិព្រែកតាកែវ ឃុំសំរោងធំ ស្រុកកៀនស្វាយ ខេត្តកណ្តាល។

បើតាមលោក ព្រំ សំណាង អធិការរងស្រុកកៀនស្វាយ បានឲ្យដឹងថា ជនរងគ្រោះឈ្មោះ សួង ហ៊ីម ភេទប្រុស អាយុ ២៧ឆ្នាំ រស់នៅភូមិជ័យឧត្តម ឃុំសំរោងធំ ស្រុកកៀនស្វាយ ខេត្តកណ្តាល បើកម៉ូតូសេ១២៥ ពណ៍ខ្មៅ ពាក់ស្លាកលេខ 1FB-4859 បានធ្វើដំណើរ ចេញពីអ្នកលឿង ទៅភ្នំពេញ (បញ្ចា្រស់ទិសគ្នា) លុះមកដល់ត្រង់ចំណុច ចន្លោះគីឡូម៉ែត្រលេខ៣៧-៣៨ បានជែងរថយន្ត១គ្រឿងទៀត នៅពីមុខក៏ជ្រុលចង្គូត ទៅបុកនិងរថយន្ត បណ្តាល ដាច់ជើងឆ្វេង (បញ្ចូនសង្គ្រោះនៅមន្ទីរពេទ្យ) រថយន្តម៉ាកFUSO ពណ៍សពាក់ស្លាកលេខ 3A-1899 បានធ្វើដំណើរ ចេញពីភ្នំពេញ ទៅអ្នកលឿងទិសដៅផ្ទុយគ្នា ហើយអ្នកបើកបរគេចខ្លួនបាត់ស្រមោល។

លោកអធិការរងថា ក្រោយពីកើតសមត្ថិកច្ចជំនាញ បានចុះទៅធ្វើការវាស់វែង រួចបានបញ្ចូនជនរងគ្រោះ ទៅមន្ទីរពេទ្យ ដោយឡែករថយន្ត និងម៉ូតូយកទៅអធិការដ្ធាន នគរបាលស្រុក ដើម្បីដោះស្រាយគ្នានៅ ពេលក្រោយ៕

សម្តេចតេជោ ហ៊ុន សែន ឯកភាពឲ្យសាងសង់ស្ពាន អាកាសចំនួន០៤ ផ្សេងទៀត

E-mail Print PDF

ភ្នំពេញ៖ ក្នុងពិធីសម្ពោធដាក់ឲ្យប្រើប្រាស់ "ស្ពានអាកាស៥មករា" នៅព្រឹកថ្ងៃអង្គារ ទី៥ ខែមករា ឆ្នាំ២០១៦ សម្តេចតេជោហ៊ុន សែន នាយករដ្ឋមន្ត្រីកម្ពុជា បានយល់ព្រមតាមសំណើ របស់សាលារាជធានីភ្នំពេញ ឲ្យសាងសង់ស្ពានអាកាសចំនួន ០៤ បន្ថែមទៀត ដើម្បីសម្រួលដល់ការធ្វើចរាចរណ៍ ក្នុងរាជធានីភ្នំពេញ ។

ស្ពានអាកាសចំនួន ០៤ ដែល ប្រមុខរដ្ឋាភិបាលអនុញ្ញាតឲ្យសាងសង់មាន ៖

ទី១. ស្ថាបនាស្ពានអាកាស បន្តោងចំនួន ០៣ ខែ្ស ដែលមានប្រវែងសរុប ៨១០ ម៉ែត្រ និងផ្លូវក្រោមដី ០១ ខែ្សចំនួន ៦០៦ម៉ែត្រ ទទឹងពី ៥ ទៅ៧ម៉ែត្រ នៅឯចំណុច ស្ពានក្បាលថ្នល់ ចំនួន ០៣ ជាន់។ ស្ពាននេះត្រូវចំណាយទឹកប្រាក់ជាង ១០លានដុល្លារអាម៉េរិក សម្តេចបានអនុញ្ញាត ឲ្យបើកចាប់ដំណើរការសាងសង់។

ទី២ .ផ្លូវក្រោមដីស្ពាន និងកែលំអរប្រព័ន្ធចរាចរណ៍ នៅចំណុចប្រសព្វ រវាងមហាវិធីសហព័ន្ធរុស្ស៊ី និងមហាវិធីព្រះមុនីវង្ស ស្តុបមិគិសិរ មានប្រវែង ៣៤០ ម៉ែត្រ ទទឹង ១៤.៧០ ស្ថិតនៅខណ្ឌដូនពេញ ។

ទី៣. ស្ពានអាកាសប្រសព្វផ្សាដីហ៊ុយ មហាវិធីសហព័ន្ធរុស្ស៊ី ជាមួយនឹងផ្លូវលេខ ១០១៩ (ផ្លូវហាណូយ) ដោយត្រូវសាង សង់ក្របលើ មហាវិថី សហព័ន្ធរុស្ស៊ី ស្ថិតនៅខណ្ឌសែនសុខ មានប្រវែង ៦០៥ម៉ែត្រ ទទឹង១៦,៥០ ម៉ែត្រ ដែលសាងសង់ឡើងដោយក្រុមហ៊ុនស៊ាងហៃ ។

ទី៤. ផែនការកំពុងសិក្សាស្នើសុំ ហើយនាយករដ្ឋមន្ត្រី បានឯកភាពរួចរាល់ហើយ នោះគឹ ស្ពានអាកាសល្បឿនលឿន ប្រវែង ១៣គីឡូ ៦៨៧ ម៉ែត្រ ទទឹង ១៩ម៉ែត្រ លើផ្លូវរថភ្លើង ៕

លោក ម៉ា ឈឿន ចូលរួម ខួបអនុស្សាវរីយ៍ លើកទី៣៧ នៃទិវាជ័យជំនះ ៧មករា ស្រុកជើងព្រៃ

E-mail Print PDF

កំពង់ចាម៖ ប្រធានក្រុមការងារថ្នាក់ជាតិ ចុះជួយមូលដ្ឋាន ស្រុកជើងព្រៃ លោក ម៉ា ឈឿន នៅព្រឹកថ្ងៃទី៥ ខែមករា ឆ្នាំ ២០១៦នេះ រួមជាមួយ អភិបាល នៃគណៈអភិបាលស្រុកជើងព្រៃ ថ្នាក់ដឹកនាំស្រុក លោកគ្រូ អ្នកគ្រូ សកម្មជនយុវជន គណបក្សប្រជាជនកម្ពុជាជាច្រើនរូប បានអញ្ជើញចូលរួម ខួបអនុស្សាវរីយ៍ លើកទី៣៧ នៃទិវាជ័យជំនះ ៧មករា (៧ មករា ១៩៧៩-០៧ មករា ២០១៦) ដែលជាថ្ងៃកំណើតទី២ របស់ប្រជាពលរដ្ឋកម្ពុជា។

ក្នុងពិធីរំលឹកខួបលើកទី៣៧ នៃថ្ងៃជ័យជំនះ ៧មករា នេះ អភិបាលស្រុកជើងព្រៃ បានថ្លែងថា នេះជាការរំលឹកខួប នូវថ្ងៃកំណើតទី២ នៃការរស់រានមានជីវិត របស់ ប្រជា ពលរដ្ឋខ្មែរនេះ គឺដើម្បីរំលឹក ដល់ ប្រជាពលរដ្ឋ ជាពិសេស ស្រទាប់យុវជន ឲ្យយល់ច្បាស់ ចងចាំជានិច្ច និង ដឹងគុណជានិច្ចនៃថ្ងៃ៧ មករា ១៩៧៩ និងស្នាដៃធំៗ ជាប្រវត្តិសាស្ត្រ ដែលគណបក្ស ប្រជាជនកម្ពុជា បាន សម្រេចជូនជាតិ និងមាតុភូមិតាំងពី ដំណាក់កាលសង្គ្រោះជាតិ រហូតមកដល់បច្ចុប្បន្ន និងប្ដេជ្ញាការពារ មិនឲ្យមានរបបនេះវិលមកជាលើកទី២។

ថ្លែងក្នុងឱកាសនោះដែរ លោក ម៉ា ឈឿន ប្រធានក្រុមការងារថ្នាក់ថ្នាក់ជាតិ ចុះជួយមូលដ្ឋានស្រុកជើងព្រៃ បានរំលឹកឡើងវិញពី សោកនាដកម្ម ក្នុងរបប៣ឆ្នាំ ៨ខែនិង២០ថ្ងៃ ដែលប្រជាជនកម្ពុជា ទទួលរងនូវទុក្ខវេទនា រស់នៅក្នុងគុក ឥតជញ្ជាំង ដោយ ពួកប៉ុលពត បាន បង្ខិតបង្ខំប្រជាជន ឲ្យធ្វើការលើសកម្លាំងហូបចុក មិនគ្រប់គ្រាន់ និងបិទសិទ្ធសេរីភាព គ្រប់បែបយ៉ាង មិនត្រឹមតែប៉ុណ្ណោះ ពួកវាបានកាប់សម្លាប់ និងធ្វើទារុណកម្ម លើប្រជាជនឯង យ៉ាងសាហាវ ព្រៃផ្សៃបំផុត។

លោក ម៉ា ឈឿន ថា "រហូតដល់ថ្ងៃរំដោះ ៧មករា១៩៧៩ របបដ៏យង់ឃ្នងនេះ ត្រូវបានផ្ដួលរំលំ ដោយសារ កម្លាំង មហាសាមគ្គី របស់រណសិរ្សសាមគ្គីសង្គ្រោះជាតិកម្ពុជា គុណបំណាច់ ដ៏ធំធេងនេះ ប្រជាជន កម្ពុជា ចងចាំជានិច្ច និងមិនអាចបំភ្លេចបានឡើយ ថ្ងៃ៧មករា គឺជាថ្ងៃកំណើត ទី២ ដែលធ្វើឲ្យប្រជាពលរដ្ឋកម្ពុជា មិនអាចបំភ្លេចបាន ដោយសារ មានថ្ងៃរំដោះ៧មករា ទើបប្រជាពលរដ្ឋកម្ពុជាយើង អាចរស់រានមាន ជីវិតឡើងវិញ និងមាន សេរីភាព រហូតមកដល់បច្ចុប្បន្ននេះ"។

ទំាង លោក ម៉ា ឈឿន ក៏ដូចជាមន្រ្តិរាជការ អាជ្ញាធរ និងប្រជាពលរដ្ឋនៅស្រុកជើងព្រៃ បានចាត់ទុកថា ស្មារតី៧មករា គឺជាស្មារតីអមត ស្ថិតនៅក្នុងជម្រៅចិត្ត របស់ប្រជាជនកម្ពុជាជាប់ជានិច្ច ដូចនេះហើយបានជាថ្ងៃ៧មករា ត្រូវបានគេកំណត់ជាថ្ងៃ ទិវាសម្រាប់ ជាតិទាំងមូលទាំងមន្ដ្រីរាជការបុគ្គលិក កម្មករ ក្រុមហ៊ុន ទាំងអស់ ដែលបំពេញការងារនៅកម្ពុជា ជាមួយគ្នានោះ លោក ម៉ា ឈឿន និងប្រជាពលរដ្ឋទំាងអស់ ក៏បានប្រកាសប្តេជ្ញា បន្តគំាទ្រ បេក្ខភាពសម្តេចតេជោ ហ៊ុន សែន ជានាយករដ្ឋមន្រ្តី នៅអណត្តិក្រោយៗ ដើម្បីបន្តដឹកនាំប្រទេស ក្រោមមាគ៌ាដ៏ភ្លឺស្វាង។

ប្រធានក្រុមការងារថ្នាក់ជាតិ ចុះជួយមូលដ្ឋាន ស្រុកជើងព្រៃរូបនេះ បានលើកឡើទៀតថា ជនទាំង ឡាយណាដែល ដែលមិនទទួលស្គាល់ ថ្ងៃ៧មករានោះ គឺជាជនឆបោក និងក្បត់ខ្លួនឯង ហើយ មិនទទួលស្គាល់ សច្ចះធម៌ប្រវត្តិសាស្ត្រ។ តែអ្នកគាំទ្រគណបក្សប្រជាជនកម្ពុជា បានចាត់ទុកថា ថ្ងៃ៧មករា ឆ្នាំ១៩៧៩ បានសង្គ្រោះមាតុភូមិកម្ពុជាដ៏កំសត់ឲ្យរស់ឡើងវិញ អ្វីៗគ្រប់យ៉ាងចាប់ផ្តើមពីបាតដៃទទេស្អាត ក្រោយពីរបបខ្មែរក្រហម បានកំទេចគ្មានសល់នូវអ្វីដែលជាសមិទ្ធផលពីសង្គមចាស់។ ការស្ដារប្រទេស ត្រូវចាប់ផ្តើមចេញពី ចំនុចក្រោមសូន្យ។ មកដល់ថ្ងៃនេះ កម្ពុជា មានអគារខ្ពស់ ទំនើបៗ មានហេដ្ឋារចនាសម្ព័ន្ធស្ពាន ផ្លូវថ្នល់ថ្មីៗជាច្រើន មានធនធានមនុស្សគ្រប់ផ្នែក មនុស្សមាន សិទ្ធិសេរីភាព មានកម្មសិទ្ធ ដែលទទួលបានផលពីផ្នែកនានានៃសង្គម និងគ្រប់វិស័យទាំងអស់។ ទៅថ្ងៃ អនាគត កម្ពុជានឹងមានការអភិវឌ្ឍន៍រីកចម្រើនបន្ថែមទៀត ដូចបណ្ដាប្រទេសអភិវឌ្ឍន៍នៅក្នុងពិភពលោក៕

សម្តេចតេជោ ប្រតិកម្មអ្នករិះគន់ ឈ្មោះស្ពាន អាកាស៥មករា

E-mail Print PDF

ភ្នំពេញ៖ ក្រោយពីបក្សប្រឆាំង បានធ្វើការរិះគន់ ការដាក់ឈ្មោះស្ពានអាកាស តិចណូថា ជាស្ពានអាកាស៥មករា នាយករដ្ឋមន្រ្តីកម្ពុជា សម្តេចតេជោ ហ៊ុន សែន បានប្រតិកម្មនិងបានបកស្រាយ ទៅមនុស្សទាំងនោះឲ្យបាន យល់ច្បាស់ ពីអត្ថន័យនៃការដាក់ឈ្មោះស្ពាននេះ។

សម្តេចតេជោ ហ៊ុន សែន បានមានប្រសាសន៍ក្នុងពិធីសម្ពោធស្ពានអាកាស៥មករា នៅព្រឹកថ្ងៃទី៥ ខែមករា ឆ្នាំ ២០១៦នេះថា ដោយសារតែការសម្ពោធស្ពាននេះ ចំថ្ងៃ៥មករា ក៏បានដាក់ឈ្មោះស្ពាន៥មករាតែម្តងទៅ។

សម្តេចថា ពីមុនដាក់ឈ្មោះ ស្ពានតិចណូ ប៉ុន្តែមិនមែនជារបស់សាលាតិចណូតែម្នាក់ឯងណា ដោយសារស្ពាននេះ បានជាប់ជាមួយទីតាំងសំខាន់ជាច្រើនដូចជាអគ្គនាយកដ្ឋាន ទាក់ទងផ្លូវគឹម អ៊ីលស៊ុង និងផ្លូវសហព័ន្ធរុស្ស៊ី។

សម្តេច នាយករដ្ឋមន្រ្តីបញ្ជាក់ថា “សាលារាជធានីបានស្នើសុំមកដាក់ឈ្មោះ ស្ពាន៥មករា ប៉ុន្តែដែលធ្វើឲ្យខ្ញុំហួស ចិត្តនោះ គឺនៅត្រង់ថា ប្រសិនបើអ្នកសារព័ត៌មានវាឆ្កួត គណបក្សនោះក៏វាឆ្កួត។ ខ្ញុំឃើញភ្នំពេញប៉ុស្តិ៍ចុះផ្សាយថា ស្ពានអាកាសដែលកំពុងធ្វើការសម្ពោធនេះ ដាក់ឲ្យប្រើប្រាស់ចំថ្ងៃខួបអាពាហ៍ពិពាហ៍៤០ឆ្នាំរបស់នាយករដ្ឋមន្រ្តី ក៏ទៅសួរអ្នកនាំពាក្យបក្សមួយទៀត បក្សមួយទៀតថា គេមិនចាប់អារម្មណ៍នោះទេ។ ខ្ញុំក៏ចង់សួរថា តើថ្ងៃ៥មករា នេះ ជាថ្ងៃរបស់អ្នកទាំងអស់គ្នា ឬក៏ជាថ្ងៃរបស់ខ្ញុំ។ បើសិនជាកាសែតឆ្កួត មេដឹកនាំបក្ស ក្នុងឋានៈជាអ្នក តំណាង រាស្រ្ត កុំឆ្កួត។ បើស្ពានដាក់ឈ្មោះថា ជាខួបអនុស្សាវរីយ៍អាពាហ៍ពិពាហ៍៤០ឆ្នាំរបស់សម្តេចតេជោ ចាំថា ។ គឺ៥មករា ជាថ្ងៃរបស់មនុស្សជាច្រើន នៅក្នុងពិភពលោក ហេតុអីចាំបាច់មករករឿង ចឹងទាំងមេទាំងកូនគឺវាចឹង។ ខ្ញុំសូមផ្តាំ ទៅវិញថា បើកាសែតឆ្កួតយើងជាអ្នកនយោបាយកុំឆ្កួត”។

សូមបញ្ជាក់ថា ស្ពានអាកាសនិងផ្លូវក្រោមដីតិចណូនេះ មានស្ពានអាកាសមេប្រវែង៣៨២ម៉ែត្រទទឹង១៥,៨ ម៉ែត្រ ផ្លូវក្រោម ដីមានប្រវែង៣៥៦ម៉ែត្រ ទទឹងពី៦ទៅ៨ម៉ែត្រ ផ្លូវអមស្ពានប្រវែងសរុប៨២៥ម៉ែត្រទទឹង៥ម៉ែត្រកន្លះ ស្ថិតនៅ ប្រសព្វមហាវិថីសហព័ន្ធរុស្ស៊ី មហាវិថីគីមអ៊ីលស៊ុង និងមហាវិថីម៉ៅសេទុងត្រង់ប្រសព្វគ្នាត្រង់ ភ្លើងស្តុប តិចណូ ។ ដែលចំណាយថវិកា សាងសង់ប្រមាណ១៤លានដុល្លារសហរដ្ឋអាមេរិក ដោយក្រុមហ៊ុនOCIC ៕

ទស្សនាវីដេអូ សម្តេចតេជោ អញ្ជើញជាអធិបតីសម្ពោធ ស្ពានអាកាស ៥មករា និង ផ្លូវក្រោមដី សាលាតិចណូ

E-mail Print PDF

ភ្នំពេញ៖

 

Posted by Samdech Hun Sen, Cambodian Prime Minister on Monday, January 4, 2016

 

Posted by Samdech Hun Sen, Cambodian Prime Minister on Monday, January 4, 2016

នាយករដ្ឋមន្រ្តី ប្រកាសអនុគ្រោះ ដល់ពលរដ្ឋរស់នៅ តាមដងផ្លូវជាតិលេខ៤ មិនយកលុយទៀតទេ

E-mail Print PDF

ភ្នំពេញ៖ សម្តេចតេជោ ហ៊ុន សែន ប្រមុខរាជរដ្ឋាភិបាលកម្ពុជា នៅព្រឹកថ្ងៃ អង្គារ ទី ៥ ខែមករា ឆ្នាំ២០១៦ បានប្រកាសលើកលែងការ យកលុយបង់ថ្លៃប្រើប្រាស់ ផ្លូវជាតិលេខ៤ សម្រាប់ប្រជាពលរដ្ឋរស់នៅតាមផ្លូវនេះ ជាកាដូសម្រាប់ឆ្នាំថ្មី ។

ក្នុងពិធីសម្ពោធស្ពានអាកាស និងផ្លូវក្រោមដីតិចណូ នៅព្រឹកថ្ងៃទី៥ មករា សម្តេចតេជោ បានថ្លែងថា ក្រុមហ៊ុន បានអនុគ្រោះមិនយកប្រាក់ពី រថយន្តដឹកកម្មករ និងរថយន្តផ្សេងៗដែលធ្វើដំណើរតាមផ្លូវជាតិលេខ៤។
សម្តេច នាយករដ្ឋមន្រ្តីបន្តថា រថយន្តដឹកកម្មករមានជាង១០ម៉ឺនគ្រឿង រថយន្តផ្សេងៗទៀតជិត៩ម៉ឺនគ្រឿង និង រថយន្តមន្រ្តីរាជការនៅតាមបណ្តោយផ្លូវជាតិលេខ៤នេះ មានជាង៣ម៉ឺនគ្រឿងដែលក្រុមហ៊ុន បានកំណត់ អត្តសញ្ញាណ រួចហើយ ដែលរថយន្តទាំងនោះត្រូវបានបង់ថ្លៃទៅ១៨០០រយរៀល មកវិញ១៨០០រៀល។ ប៉ុន្តែចាប់ ពីថ្ងៃ៧ មករា តទៅ  គឺជាកាដូមិនយកថ្លៃបង់សេវាផ្លូវទៀតទេពីរថយន្តជាង៣ម៉ឺនគ្រឿង ។

សម្តេចបញ្ជាក់ថា ចាប់ពីយប់ថ្ងៃទី៦ ឈានថ្ងៃ៧មករា គឺមិនយកលុយថ្លៃរថយន្តជាង៣ម៉ឺនគ្រឿងនេះទៀតទេ ដែលនៅសងខាងផ្លូវជាតិលេខ៤។

សម្តេចបន្តថា “នៅពេលឆាប់ៗខាងមុខនេះ ក្រសួងមហាផ្ទៃ ក្រសួងសេដ្ឋកិច្ច ក្រសួងសាធារណការ និងដឹកជញ្ជូន ព្រមទាំងក្រុមហ៊ុន AZ នឹងជួបប្រជុំពិភាក្សាគ្នាទៅលើរថយន្តដែលទើបនឹងទិញថ្មីៗ”។

បើតាមសម្តេចមានរថយន្ត ជាង៣ពាន់គ្រឿងទៀតដែលមិនត្រូវយកលុយពេលធ្វើដំណើរតាមផ្លូវជាតិលេខ៤នេះ៕

បង្ក្រាបទីតាំង ហ្គេមបាញ់ត្រី នៅសង្កាត់ ព្រែកប្រា ឃាត់មនុស្ស ៤នាក់ និងដកហូត ទូហ្គេម ៣គ្រឿង

E-mail Print PDF

ភ្នំពេញ៖ អាជ្ញាធរខណ្ឌច្បារអំពៅ ដែលមានលោក អភិបាលរងខណ្ឌ ណុប ផា និងលោក ហោ វាសនា កាលពីវេលាម៉ោង ៧ និង ៣០នាទីយប់ថ្ងៃទី០៤ ខែមករា ឆ្នាំ២០១៥ បានដឹកនាំកម្លាំងចំរុះ ចុះបង្ក្រាបទីតាំងហ្គេមបាញ់ត្រីមួយ កន្លែង ស្ថិតតាមបណ្តោយផ្លូវលេខ៣៦៩ ក្នុងភូមិព្រះពន្លា សង្កាត់ព្រែកប្រា ខណ្ឌច្បារ អំពៅ រាជធានីភ្នំពេញ ដោយបានដកហូតទូហ្គេម ៣គ្រឿង និងធ្វើការឃាត់ខ្លួនមនុស្ស៤នាក់ ។

ការចុះបង្ក្រាបខាងលើនេះ ធ្វើឡើងដោយមានការ ឯកភាពពីព្រះរាជអាជ្ញាររង អមសាលាដំបូងរាជធានីភ្នំពេញ លោក កែវ សុគន្ធា។ ជាលទ្ធផលចំពោះមុខ អាជ្ញាធរបានធ្វើការដកហូតសម្ភារៈរួមមាន៖ ទូរហ្គេមបាញ់ត្រីចំនួន០៣ទូ កៅអីចំនួន២២, កង្ហារចំនួន០២, ប៉ាវអ៊ីដេក១, ដែកកេះ និង ឧបករណ៍ សម្រាប់ជក់សារធាតុញៀន មួយចំនួនធំ, លុយខ្មែរចំនួន១៨៦០០០០៛ និងលុយដូល្លារ ចំនួន១០$  រួមទាំងធ្វើការឃាត់ខ្លួនមនុស្សចំនួន ០៤នាក់ ក្នុងស្រីម្នាក់ជាអ្នកមើលការខុសត្រូវ ។

លោក ណុប ផា បាន អោយដឹងថា មុនឈានដល់ការចុះបង្ក្រាប គឺអាជ្ញាធរយើងបានតាមដាន មកជាបន្តបន្ទាប់ រហូតស៊ើប ដឹងច្បាស់លាស់ពី ទីតាំងលួចលាក់ បើកអាជីវកម្មបាញ់ត្រី ខុសច្បាប់ខាងលើហើយនោះ ទើបនៅវេលាព្រលប់ថ្ងៃខែដដែល ដោយមានការឯកភាព ពីលោកតំណាងអយ្យការ អមសាលាដំបូង រាជធានី បានបើកការចុះ បង្ក្រាបបានជាក់ស្តែងតែម្តងទៅ។

បើតាមលោក ហោ វាសនា បានបញ្ជាក់ថា ចំពោះមនុស្សប្រុសស្រីទាំង០៤នាក់ ត្រូវបានបញ្ជូនទៅកាន់ អធិការដ្ឋាននគរបាលខណ្ឌច្បារអំពៅ ដើម្បីធ្វើការសាកសួរនាំបន្ថែម ។ ចំណែកទូហ្គេម ក៏ដូចជាសម្ភារៈ មួយចំនួនធំ ត្រូវយកទៅរក្សាទុកនៅសាលាខណ្ឌច្បារអំពៅ រងចាំថ្ងៃវាយកម្ទេចចោល ៕

c

សម្តេចតេជោ ហ៊ុន សែន ហាមមិនឲ្យនាំចូល រថយន្តចង្កូតស្តាំ តែរថយន្តមានស្រាប់ ចូលមកបង់ពន្ធ ឲ្យស្របច្បាប់

E-mail Print PDF

ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា  នៅព្រឹកថ្ងៃទី៥ ខែមករា ឆ្នាំ២០១៦ ក្នុងពិធីសម្ពោធដាក់ឲ្យប្រើប្រាស់ ស្ពានអាកាស៥មករា បានហាមផ្តាច់មិនឲ្យនាំចូលរថយន្តចង្កូតស្តាំបន្តតទៅទៀត ប៉ុន្តែអនុគ្រោះ រថយន្តចង្កូតស្តំាដែលមានស្រាប់ សូមចូលមកបង់ពន្ធឲ្យស្របច្បាប់។

ថ្លែងនៅក្នុងពិធីសម្ពោធ ដាក់ឲ្យប្រើប្រាស់ស្ពានអាកាស៥មករា និង ផ្លូវក្រោមដីសាលាតិចណូ នាព្រឹកថ្ងៃ អង្គារ ទី៥ ខែមករា ឆ្នាំ២០១៦ ប្រមុខរាជរដ្ឋាភិបាល បានមានប្រសាសន៍ថា “ហាមយកឡានចង្កូតស្តាំចូលមកបន្ត តែរថយន្តដែលមានចង្កូតស្តាំ កំពុងប្រើប្រាស់នៅកម្ពុជា អនុញ្ញាតិឲ្យចូលមកបង់ពន្ធ  ហើយអាជ្ញាធរ ត្រូវតែធ្វើសំណុំឯកសារស្របច្បាប់ ជូនពួកគាត់ ឲ្យដូចគេដូចឯង”។

សម្តេចតេជោ បានមានប្រសាសន៍បន្តថា “ដោយឡែករថយន្តចង្កូតស្តាំ ដែលនាំចូលមកទៀត ចាត់ទុកជា រថយន្តខុសច្បាប់ ហើយមិនលើកលែងនោះទេ”

តេជោ សែន៖ ប្រហែលជាមេដឹកនាំ នៅលើលោកនេះ គ្មានអ្នកណាមានជីវិតឈឺចាប់ ឈឺចាប់ ជាងខ្ញុំព្រះករុណានោះទេ

E-mail Print PDF

ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា ក្នុងពិធីសម្ពោធដាក់ឲ្យប្រើប្រាស់ ស្ពានអាកាស៥មករា នៅព្រឹកថ្ងៃទី៥ ខែមករា ឆ្នាំ២០១៦នេះ បានបញ្ជាក់ពីការឈឺចាប់ ដែលបានឆ្លងកាត់កាលពី៤០ ឆ្នាំមុន ដែលគ្មានមេដឹកនាំរូបណា ធ្លាប់ជួបប្រទះដូចសម្តេចនោះទេ។

សម្តេច បានមានប្រសាសន៍បញ្ជាក់ថា “ប្រហែលជានៅលើលោកនេះ មេដឹកនាំនៅលើលោកនេះ គ្មានអ្នកណាមានជីវិតឈឺចាប់ ឈឺចាប់! ជាងខ្ញុំព្រះករុណាខ្ញុំទៀតទេ កូនស្លាប់នៅនឹងមុខ សុំតែគេយកកូនទៅកប់មិនបានផង កម្រិតនៃការអត់ធ្មត់  ដែលមិនធ្វើសកម្មភាពនៅពេលនោះ គឺជាកម្រិតទៅហួសពីមនុស្សដែលអាចទ្រំាទ្របាន”។

សម្តេចបានមានប្រសាសន៍បញ្ជាក់បន្ថែមទៀតថា “សុំមើលថែទំាប្រពន្ធឆ្លងទន្លេ គាប់ជួនអីមិនមែនយើងនៅឯហ្នឹងទេ គួអនុញ្ញាតិឲ្យយើងបានឃើញកូនដែលកំពុងហូរឈាមចេញពីមាត់ ព្រោះទីតាំងនៅឆ្ងាយជាង២០គីឡូ ព្រោះគេចាត់តាំងឲ្យធ្វើដំណើរជាមួយមេបញ្ជាការដ៏ឃោរឃៅម្នាក់ ទៅដល់កាច់ចង្កូតម៉ូតូគេប្រាប់ថាកូនស្លាប់ហើយ សុំគេដើម្បីថា មើលថែទំាប្រពន្ធ ហើយយកកូនទៅកប់ ប៉ុន្តែបែរជាចម្លើយមកវិញថា (បើមិនឯងទៅ ក៏អាកូនហ្នឹងវាមិនរស់មកវិញដែរ ហើយប្រពន្ធមិត្តឯង ក៏មិនជាដែរ) កំា។ភ្លើងពីរដើម មួយនៅចង្កេះ មួយទៀតនៅនឹងជង្គង់ ប្រសិនបើខ្ញុំលើកដៃបាញ់អាមួយនេះ គឺនឹងក្លាយឈ្មោះត្រឹមតែជាឃាតករ តែប៉ុណ្ណោះ ហើយខ្លួនឯងអាច នឹងស្លាប់ផង គ្មានរស់ទៅកើតទេ ហើយគ្មាន ហ៊ុន សែន ដឹកនាំការតស៊ូទេ ជីវិតវាលំបាកណាស់ បន្ទាប់ពីកូនមួយស្លាប់ កូនមួយទៀតចាប់ផ្ទៃ បានត្រឹម៥ខែ ក៏បែកគ្នាតទៅទៀត ដើម្បីការតស៊ូរដោះប្រទេស”។

សម្តេចតេជោ បានមានប្រសាសន៍បន្ថែមទៀតថា “តើយើងមានអារម្មណ៍បែបណា នៅពេលកូនយើងបង្កើតហៅយើងថាពូ ២ខែ ហ៊ុន ម៉ាណែត នេះ ឥឡូវគេជាបណ្ឌិត ហ៊ុន ម៉ាណែត ពេលដែលជួបគ្នា គេហៅយើងពូ ៣ខែ ទម្រាំតែគេទទួលស្គាល់យើងជាឳពុក ព្រោះកូនមួយនេះ កើតមកមានដែរមានឳពុកហៅនិងគេឯណា ហៅគេតែពូនិង កាលពីជំនាន់ប៉ុលពត គេហៅថា កូនអាពត ងៃមុនទៅស្រុកបារំាង គេហៅថា កូនអាក្បត់ជាតិ អីញ្ចឹងបានជាកាកសំណល់របស់ពួកប៉ុលពតដែលនៅសេសសល់នៅឡើយនេះ សូម្បីតែកូនក្មេងក៏គេមិនអត់ឱនឲ្យដែរ កុំថាឡើយឳពុក ប៉ុន្តែខ្ញុំព្រះករុណាខ្ញុំមិនតបតនោះទេ ទុកឲ្យភាពអគុណធម៌នេះវាបាត់ទៅ”៕

តេជោ សែន៖ ពលរដ្ឋរស់នៅទួលគោក មិនស្ទះចរាចរណ៍នោះទេ គឺស្ទះតែព្រឹកនេះ

E-mail Print PDF

ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា ក្នុងពិធីសម្ពោធដាក់ឲ្យប្រើប្រាស់ ស្ពានអាកាស៥មករា នៅព្រឹកថ្ងៃទី៥ ខែមករា ឆ្នាំ២០១៦នេះ បានមានប្រសាសន៍ថា ប្រជាពលរដ្ឋដែលរស់នៅទួលគោក និងក្បែរសាលាតិចណូ មិនស្ទះនោះទេ គឺស្ទះតែព្រឹកនេះ។

សម្តេច មានប្រសាសន៍បញ្ជាក់ថា “បងប្អូនប្រជាពលរដ្ឋរស់នៅទួលគោក មិនស្ទះនោះទេ គឺស្ទះតែព្រឹកនេះ ហើយសុំកុំបុកគ្នាលើស្ពាន និងនៅផ្លូវក្រោមដី កុំដឹកលើសទម្ងន់ កុំបើកលឿនដូចហោះ ពេលធ្លាក់ពីលើមិនដឹងទៅជាយ៉ាងណា?”៕

Page 160 of 812