left
Safe Home
Safe Home
Safe Home

Dap News...Admin

Friday, Aug 28th

| English Version | dapnews: 012 571 704, 097 9999 883, email: lim.cheavutha@gmail.com

You are here:

សម្តេច គង់ សំអុល បាននាំអំណោយ សម្តេចម៉ែ ចែកជូនបងប្អូន ផ្ទុកនិងកើតជំងឺអេដស៍ នៅឃុំរការ

E-mail Print PDF

បាត់ដំបង៖ នៅព្រឹកថ្ងៃទី២៨ ខែសីហា ឆ្នាំ២០១៥ សម្តេចចៅហ្វាវាំង ឧបនាយករដ្ឋមន្រ្តី គង់ សំអុល រដ្ឋមន្រ្តីព្រះបរមរាជវាំង និងប្រតិភូបាននាំអំណោយ សម្តេចម៉ែ ព្រះនរោត្តម មុនីនាថសីហនុ ព្រះមហាក្សត្រីយានី មកចែកជូនបងប្អូនផ្ទុក និងកើតជំងឺអេដស៍ នៅឃុំរការ ស្រុកសង្កែ មានចំនួន២៨១នាក់ នៅក្នុងបរិវេណវត្តរការ ស្ថិតក្នុងឃុំរការ ស្រុកសង្កែ ខេត្តបាត់ដំបង។

សម្តេចចៅហ្វាវាំង ឧបនាយករដ្ឋមន្រ្តី គង់ សំអុល រដ្ឋមន្រ្តីព្រះបរមរាជវាំង បាននាំព្រះរាជអោងការផ្តាំផ្ញើ សួរសុខទុក្ខដោយក្តីនឹករលឹកពីចម្ងាយ ដែលព្រះអង្គកំពុងគង់ស្ថិតនៅក្រៅប្រទេស ហើយមានរាជានុញាតិ ឲ្យសម្តេចនិងប្រតិភូនាំអំណោយ មកចែកជូនបងប្អូននាពេលនេះ មានអង្ករ ត្រីខកំប៉ុង មី ទឹកត្រី ស៊ីអ៊ីវ ឃិត១កញ្ចប់ និងថវិកាសម្រាប់មនុស្សចាស់ម្នាក់ៗ ទទួលបាន២០ម៉ឺនរៀល សម្រាប់ក្មេងៗ៧២នាក់ ម្នាក់ទទួលបាន១០ម៉ឺនរៀល។

សម្តេចមានប្រសាសន៍ទៀតថា សូមបងប្អូនទាំងអស់គ្នា ត្រូវចេះថែរក្សាសុខភាពខ្លួនឯង និងក្រុមគ្រួសារផង ហើយកុំអស់សង្ឃឹម ព្រោះជំងឺនេះមានថ្នាំព្យាបាល និងពន្យារ អាចរស់បានដូចគេឯងផ្សេងបានដូចគ្នាទេ ហើយរដូវនេះជារដូវភ្លៀងផង អ្នកណាធ្លាប់រករបរទទួលទានអ្វី ក៏អាចធ្វើបានដូចធម្មតាបាន។

បន្ទាប់ពីសំណេះសំណាលចប់ សម្តេចនិងប្រតិភូបានដើរចែកអំណោយ បានគ្រប់ៗគ្នា ព្រមទាំងបានប្រគេនបច្ច័យ ដល់ព្រះសង្ឃនៅក្នុងវត្តរការផងដែរ៕

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News

គ្រួសារកងទ័ព គ្មានទីជម្រក ត្រូវបាន ទទួលផ្ទះ១ខ្នង ពីលោកមេបញ្ជាការ កងពលនិងសប្បុរសជន

E-mail Print PDF

បន្ទាយមានជ័យ៖ នៅរសៀលថ្ងៃទី២៧ ខែសីហា ឆ្នាំ២០១៥ លោកឧត្តមសេនីយ៍ទោ ឯក សំអូន មេបញ្ជាការស្តីទីយោធភូមិភាគ៥ លោក ឈឿន សារិទ្ធ មេបញ្ជារកងពលតូចលេខ៥១ លោកឧត្តមសេនីយ៍ត្រី សេង ធារិន មេបញ្ជាការរងនាយសេនាធិការកងពល និងសប្បុរសជន បានចុះទៅប្រគល់ផ្ទះ១ខ្នង ដល់គ្រួសារទ័ពគ្មានជម្រកត្រឹមត្រូវ ដែលធ្វើអំពីឥដ្ឋប្រក់ស័ង្កសី មានបណ្តោយ៧គុណនិង៨ម៉ែត្រ ចំណាយធ្វើអស់ថវិកាចំនួនជិត៤០០០ដុល្លារ ថវិកានេះបានមកពីលោកមេបញ្ជាការ បញ្ជាការង របស់កងពលតូចលេខ៥១ និងសប្បុរសជន នៅក្នុងស្រុក បានប្រគល់ទៅឲ្យឈ្មោះលោកឈឹម សំណាង និងប្រពន្ធមានឈ្មោះ សៅ ម្រិត មានកូនតូចៗ ចំនួន២នាក់ កន្លងមកគ្មានទីជម្រករស់នៅឲ្យបានសមរម្យ ហើយពេលនេះបានទទួលផ្ទះថ្មីនោះ សង់នៅក្នុងភូមិភ្នំជញ្ជាំង ឃុំជប់វ៉ារី ស្រុកព្រះនេត្រព្រះ ខេត្តបន្ទាយមានជ័យ។

លោកឧត្តមសេនីយ៍ទោ ឯក សំអូន មេបញ្ជាការស្តីទីយោធភូមិភាគ៥ បានមានប្រសាសន៍ថា មានការណែនាំពីប្រមុខរាជរដ្ឋាភិបាល ឲ្យយកចិត្តទុកដាក់ដល់គ្រួសារ ទ័ពទាំងអស់ រហូតអស់សុខភាពជីវភាព បើសមរភូមិក្រោយមិនរឹងមាំហើយ តើសមរភូមិមុខមានកម្លាំងឯណាច្បាំងតតាំងជាមួយសត្រូវ ដូច្នេះហើយបានជាអង្គភាព កងពលលេខ៥១យើង បានកៀងគរសប្បុរសជន និងក្នុងភាពសាងសង់ផ្ទះនេះជូនលោក ឈឹម សំណាង និប្រពន្ធ សៅ អម្រិត ដែលគ្មានផ្ទះសម្បែងនៅទេ រស់នៅផ្ទះប្រក់ខ្យល់ដណ្តប់មេឃ សម្រេចជួយធ្វើផ្ទះ១ខ្នងនេះ ជូនគាត់អាចរស់នៅឲ្យបានសមរម្យនិងគេ។

លោកឈឹម សំណាង និងភរិយា ក្រោយពីទទួលបានផ្ទះមួយខ្នងរួចមក លោកបានលើកម្រាបដៃដប់ សូមបួងសួងដល់វត្ថុស័ក្តសិទ្ធ ក្នុងលោក សូមជួយបីបាច់ថែរក្សា ដល់ឲ្យជួបប្រទះ តែនឹងសេចក្តីសុខកុំឲ្យមានទុក្ខ និងចៀសវាងពីជំងឺបៀតបៀនគ្រប់ៗគ្នា៕

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News

កម្លាំនគរបាល ចាប់ជនល្មើស ដែលចាប់រំលោភ និងសម្លាប់ ក្មេងស្រី អាយុ១៧ឆ្នាំ នៅស្រុកពញាក្រែក

E-mail Print PDF

ត្បូងឃ្មុំ : ស្នងការនគរបាល ខេត្តត្បូងឃ្មុំ លោកឧត្តមសេនីយ៍ ម៉ៅ ពៅ បានបញ្ជាក់ថា កម្លាំងនគរបាល របស់លោក បានឃាត់ខ្លួន ជនល្មើសដែលចាប់រំលោភ និងសម្លាប់ក្មេងស្រី អាយុ១៧ម្នាក់ កាលពីថ្ងៃទី២៧ ខែសីហា ឆ្នាំ២០១៥ ស្ថិតនៅភូមិគរ ឃុំក្រែក ស្រុកពញាក្រែក ។

លោកឧត្តមសេនីយ៍ស្នងការ បានបន្តថា ជនសង្ស័យឈ្មោះស៊ូ វ៉េត អាយុ៤១ឆ្នាំ រស់នៅភូមិគរ ឃុំក្រែក ស្រុកពញាក្រែក ខេត្តត្បូងឃ្មុំ ហើយជនសង្ស័យរូបនេះ មានស្នាមក្រចកមុតលើខ្នងពីរកន្លែង។

សូមបញ្ជាក់ថា ក្មេងស្រីរងគ្រោះ ន.ក.ញ អាយុ ១៧ឆ្នាំ រស់នៅភូមិគរ ឃុំក្រែក ស្រុកពញាក្រែក ខេត្តត្បូងឃ្មុំ ត្រូវបានគេប្រទះឃើញដេកស្លាប់ កាលពីវេលាម៉ោង ១០:៤០នាទី ព្រឹកថ្ងៃទី២៧ ខែសីហា ។

បើតាមលោកស្នងការ ជនសង្ស័យ និងឪពុកក្មេងស្រីរងគ្រោះ ជាមិត្តភក្តិនិងគ្នា ៕

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News

នាយឧត្តមសេនីយ៍ សេង ផល្លី ផ្តល់អនុសាសន៍ ៣ចំណុចសំខាន់ៗ ដល់សិក្ខាកាម ដែលបានបញ្ចប់ វគ្គសិក្សា ដោយជោគជ័យ

E-mail Print PDF

ភ្នំពេញ៖ នៅក្នុងពិធីបិទ វគ្គបណ្តុះបណ្តាល នៅព្រឹកថ្ងៃសុក្រ ទី២៨ ខែសីហា ឆ្នាំ២០១៥នេះ លោក នាយឧត្តមសេនីយ៍ សេង ផល្លី ប្រធានបណ្ឌិត្យសភានគរបាលកម្ពុជា និងជាតំណាងសម្តេច ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានលើកសរសើរ ដល់សិក្ខាកាម ជ័យលាភីទាំង២៦៣រូប ក្នុងនោះស្ត្រីមាន១២រូប ជាមួយនឹងការផ្តល់ អនុសាសន៍បន្ថែមចំនួន ៣ចំណុច។

លោកនាយឧត្តមសេនីយ៍បានលើកឡើងថា សិក្ខាកាមទាំងអស់ត្រូវយកចំណេះដឹង និងជំនាញរបស់ខ្លួន ទៅប្រើឱ្យមានប្រយោជន៍ ដល់អង្គភាពការងារ និងមនុស្សទូទៅក្នុងសង្គម ហើយត្រូវគោរពឋានានុក្រម ការងារ និងចៅហ្វាយនាយរបស់ខ្លួន ។ ក្រៅពីនោះសិក្ខាកាមក៏ត្រូវគោរពក្រមសីលធម៌វិជ្ជាជីវៈ មាន ស្មារតីទទួលខុសត្រូវលើការងារ គោរពប្រតិបត្តិច្បាប់ គោរពសិទ្ធិមនុស្ស និងមានភាពស្មោះត្រង់ក្នុង ការបម្រើជាតិ ស្របតាមការចង់បាន របស់អង្គភាពប្រើប្រាស់កងកម្លាំង ផងដែរ។

យោងរបាយការណ៍សង្ខេបអានដោយ លោកឧត្តមសេនីយ៍ទោ អ៉ឹម ពុធទិវា នាយកវិទ្យាស្ថានព័ត៌មាន វិទ្យា និងភាសាបរទេសនៃបណ្ឌិត្យ សភានគរបាលកម្ពុជា បានដឹងថា វគ្គបណ្តុះបណ្តលនេះមានកម្មវិធី ចំនួន៦វគ្គ ដែលក្នុងនោះមានដូចជា ១-វគ្គបណ្តុះបណ្តាលព័ត៌មានវិទ្យាជំនាញ Network Administrator ជំនាន់៤ សិក្សារយៈពេល០១ឆ្នាំ, ២-វគ្គបណ្តុះបណ្តាលព័ត៌មានវិទ្យាជំនាញ Database Development សិក្សារយៈពេល០១ឆ្នាំ, ៣-វគ្គបណ្តុះបណ្តាលព័ត៌មានវិទ្យាជំនាញរដ្ឋបាល ជំនាន់៧ សិក្សារយៈពេល០៤ខែ, ៤-វគ្គបំប៉នជំនាញគ្រប់គ្រងសំណុំឯកសារអត្តសញ្ញាណកម្ម សិក្សារយៈពេល ០២ខែ, ៥-វគ្គបណ្តុះបណ្តាលបឋមមន្ត្រីអនុរក្សពន្ធនាគារ សិក្សារយៈពេល០៣ខែ និង06-វគ្គបណ្តុះ បណ្តាលមន្ត្រីនគរបាលយុត្តិធម៌ សិក្សារយៈពេល០៣ខែជាដើម ៕

រថយន្តកាមរី បុកជាមួយម៉ូតូ១គ្រឿង បណ្តាលឲ្យរបួសធ្ងន់ម្នាក់

E-mail Print PDF

បាត់ដំបង៖  រថយន្តកាមរី បុក ម៉ូតូ១គ្រឿង បណ្តាលឲ្យបុរសម្នាក់ របួសធ្ងន់ កាលពីវេលាម៉ោង១១និង៣០នាទី ថ្ងៃទី២៨ ខែសីហា ឆ្នាំ២០១៥ នៅចំណុច ភូមិថ្នល់បត់ ឃុំអូររំដួល ស្រុកភ្នំព្រឹក។  

ជនរងគ្រោះត្រូវ សមត្ថកិច្ចដឹកយកទៅ សង្រ្គោះនៅមន្ទីរពេទ្យបង្អែក ស្រុកសំពៅលូន ឯមធ្យោបាយទាំង២គ្រឿង ត្រូវបានសមត្ថកិច្ច អូសយកមករក្សាទុក នៅអធិការស្រុក បណ្តោះអាសន្នរង់ចាំ ធ្វើការដោះស្រាយតាមច្បាប់។

ប្រភពពីកន្លែង កើតហេតុបានឲ្យដឹងថា កាលពីវេលាម៉ោង១១និង៣០នាទី ថ្ងៃទី២៨ ខែសីហា ឆ្នាំ២០១៥ នៅចំណុច ភូមិថ្នល់បត់ ឃុំអូររំដួល ស្រុកភ្នំព្រឹក មានករណីគ្រោះថ្នាក់ចរាចរណ៍ បង្កឡើងដោយ រថយន្តម៉ាកកាមរី១គ្រឿង ជិះម្នាក់ឯងបណ្តាល រងរបួសធ្ងន់ត្រូវ បានសមត្ថកិច្ចជួយ ដឹកទៅសង្រ្គោះនៅមន្ទីរ បង្អែកស្រុកសំពៅលូន តែមកទល់ពេលនេះ សមត្ថកិច្ចពុំទាន់បានបញ្ជាក់ថា ជនរងគ្រោះមានសភាព យ៉ាងណានៅឡើយទេ ឯអ្នកបើកបររថយន្ត ឃើញដូច្នេះក៏បានរត់គេចខ្លួនបាត់ ទុករថយន្តចោល ។

បច្ចុប្បន្នសមត្ថកិច្ច បានអូសយកមធយោបាយទាំង២គ្រឿង មករក្សាទុកនៅអធិការស្រុក រង់ចាំធ្វើការដោះស្រាយតាមច្បាប់៕

មុខសញ្ញាលួចម្នាក់ នៅតាមមូលដ្ឋាន ស្រុកស្រីសន្ធរ ត្រូវតុលាការ ឃុំខ្លួនដាក់ពន្ធនាគារ ក្រោយនគរបាលចាប់ខ្លួន

E-mail Print PDF

កំពង់ចាម ៖ មុខសញ្ញាលួចទ្រព្យសម្បត្តិម្នាក់ តាមមូលដ្ឋាន របស់ស្រុកស្រីសន្ធរ ខេត្ត កំពង់ចាម ត្រូវបានលោក ខៀវ សន ចៅក្រមស៊ើបសួរ សាលាដំបូងខេត្ត ចេញដីកាឃុំខ្លួន ដាក់ពន្ធនាគារ ជាបណ្តោះអាសន្ន នៅរសៀលថ្ងៃទី២៨ ខែសីហា ឆ្នាំ២០១៥នេះ ក្រោយពី កម្លាំងនគរបាលចាប់ខ្លួន។

មន្រ្តីនគរបាល ខេត្តកំពង់ចាម បានឲ្យដឹងថា ក្រោយពីទទួល បានដីកា របស់លោកចៅក្រមហើយ ជននេះត្រូវដឹកបញ្ជូនភ្លាមៗ ទៅកាន់ពន្ធនាគារ។

បើតាមមន្រ្តីនគរបាល ជនត្រូវចោទរូបនេះ មានឈ្មោះ អោក កីឡា រស់នៅភូមិអូរឡេង ឃុំព្រែករំដេង ស្រុកស្រីសន្ធរ បានលួចទ្រព្យសម្បត្តិ របស់ប្រជាពលរដ្ឋ កាលពីថ្ងៃទី២៦ ខែសីហា ឆ្នាំ២០១៥ ស្ថិតនៅ ភូមិស្វាយខាងត្បូង ឃុំស្វាយសាច់ភ្នំ ស្រុកស្រីសន្ធរ ហើយត្រូវ បានកម្លាំងនគរបាល ចាប់ខ្លួនបានភ្លាមៗផងដែរ៕

លោក សុខ ទូច ថា លោក អ៊ុំ សំអាន នឹងប្រគល់ផែនទី រកឃើញនៅអាម៉េរិក ក្នុងពេលឆាប់ៗនេះ

E-mail Print PDF

ភ្នំពេញ៖ លោក សុខ ទូច ប្រធានក្រុមស្រាវជ្រាវព្រំដែនកម្ពុជា នៃរាជបណ្ឌិត្យសភា បានថ្លែងនៅរសៀលថ្ងៃនេះថា  លោក អ៊ុំ សំអាន តំណាងរាស្រ្តគណបក្សសង្រ្គោះជាតិ នឹងផ្ញើផែនទីរបស់កម្ពុជា ដែលរកឃើញនៅក្នុងបណ្ណាល័យ  សភាអាម៉េរិក ជូនរូបលោកក្នុងពេលឆាប់ៗខាងមុខនេះ។

លោក សុខ ទូច បានថ្លែងនៅក្នុងទំព័រហ្វេសប៊ុករបស់លោកថា «កាលពីព្រឹកមិញនេះ ឯកឧត្តម អ៊ុំ សំអាន បាន ទាក់ទងមកខ្ញុំតាមរយៈ SMS ថានឹងផ្ញើផែនទី ដែលឯកឧត្តម រកឃើញនៅបណ្ណាល័យ ព្រឹទ្ធសភាអាម៉េរិក មកឱ្យ ក្រុមស្រាវជ្រាវតាមរយៈអ៊ីម៉ែល ក្នុងពេលឆាប់ៗ»។

សូមបញ្ជាក់ថា នៅថ្ងៃទី២៧ ខែសីហា ម្សិលមិញនេះ លោក សុខ ទូច បានធ្វើលិខិតមួយច្បាប់ផ្ញើជូនលោក អ៊ុំ សំ អាន ស្នើសុំយកផែនទី ដែលបានរកឃើញនៅបណ្ណាល័យសភាសហរដ្ឋអាម៉េរិក មកផ្ទៀងផ្ទាត់ជាមួយផែនទីទាំង  ៥ប្រភព របស់ក្រុមការងារស្រាវជ្រាវ។

ការផ្ទៀងផ្ទាត់ជាមួយផែនទីទាំង ៥ប្រភព ដែលក្រុមស្រាវជ្រាវព្រំដែនកម្ពុជា នៃរាជបណ្ឌិត្យសភា កំពុងមានក្នុងដៃ   ដើម្បីដោះស្រាយ និង ការពារព្រំដែនប្រទេសកម្ពុជាជាមួយប្រទេសជិតខាង ហើយក៏ដើម្បីជាការឯកភាពជាតិ និង  អាយុជីវិតរបស់ជាតិផងដែរ។

បើតាម លោក សុខ ទូច ផែនទីទាំង ៥ប្រភព ដែលក្រុមស្រាវជ្រាវកំពុងមានក្នុតដៃនោះរួមមាន៖

១. ផែនទីផ្លូវការ ដែលប្រើប្រាស់ដោយរាជរដ្ឋាភិបាល ចំនួន ២៦ផ្ទាំង

២. ផែនទីគណបក្សសង្រ្គោះជាតិ ចំនួន ២៤ផ្ទាំង

៣. ផែនទីពីបណ្ណាល័យព្រឹទ្ធសភាសហរដ្ឋអាម៉េរិក ចំនួន ២៦ផ្ទាំង

៤. ផែនទីពីអង្គការសហប្រជាជាតិ ចំនួន ១៨ផ្ទាំង

៥. ផែនទីពីបណ្ណាល័យវិទ្យាស្ថានភូមិសាស្រ្តជាតិ (បារាំង) ចំនួន ២៦ផ្ទាំង

លោក វ៉ា គឹមហុង ហៅទង្វើ​ តំណាងរាស្រ្ត CNRP នឹងធ្វើឲ្យកម្ពុជា គ្មានស្ថិរភាព

E-mail Print PDF

ភ្នំពេញ៖ លោក វ៉ា គឹមហុង ប្រធានគណៈកម្មាធិការព្រំដែនកម្ពុជា បានហៅទង្វើកកូកកាយ ក្នុងសំណុំរឿងផែនទី របស់តំណាងរាស្រ្ត គណបក្សសង្រ្គោះជាតិ ជាពិសេសលោក អ៊ុំ សំអាន នឹងធ្វើឲ្យកម្ពុជា គ្មានស្ថិរភាពទាំងនៅក្នុងប្រទេស និងតាមបន្ទាត់ព្រំដែន។ ជាពិសេសទង្វើនេះ វានឹងធ្វើឲ្យអាក់ខានដល់ដំណើរការ បោះបង្គោលព្រំដែនរវាងកម្ពុជា និងវៀតណាមថែមទៀតផង។

លោក វ៉ា គឹមហុង បានថ្លែងយ៉ាងដូច្នេះ នៅក្នុងសន្និសីទមួយនាទី ស្តីការគណៈរដ្ឋមន្រ្តីនាម៉ោង ៣រសៀលថ្ងៃនេះ។ សន្និសីទកាសែតនេះ ធ្វើឡើងឆ្លើយតបទៅនឹងទង្វើរបស់លោក អ៊ុំ សំអាន ដែលនៅតែបន្តកកូកកាយ ប្រជាភិថុតិក្នុងសំណុំរឿងព្រំដែន និងផែនទី ទោះបីរាជរដ្ឋាភិបាលប្រឹងប្រែង ធ្វើការបញ្ជាក់តាមរយៈការផ្ទៀងផ្ទាត់ជាមួយផែនទីរបស់ អង្គការសហប្រជាជាតិយ៉ាងណាក្តី។

សន្និសីទនៅរសៀលថ្ងៃនេះ ក៏ត្រូវបានគេមើលឃើញផងដែរថា បានធ្វើភ្លាមៗ បន្ទាប់ពីលោក អ៊ុំ សំអាន ចេញមុខអះអាងថា បានរកឃើញផែនទី បោនរបស់ខ្មែរចំនួន ២៦ផ្ទាំង នៅបណ្ណាល័យសភាអាមេរិក ហើយបន្តវាយប្រហារ មកលើផែនទីរបស់រាជរដ្ឋាភិបាល ដែលកំពុងប្រើប្រាស់នាពេលបច្ចុប្បន្ន៕

រំលោភហើយ សម្លាប់ក្មេងស្រី យ៉ាងសាហាវ ព្រៃផ្សៃ នៅពញាក្រែក

E-mail Print PDF

ត្បូងឃ្មុំ ៖ ក្មេងស្រីអាយុ១៧ឆ្នាំម្នាក់ ត្រូវបានជនពាល មួយក្រុម ចាប់រំលោភរួចហើយ សម្លាប់ចោល យ៉ាងព្រៃផ្សៃ នៅចំណុចវាល ដងទង់ ស្ថិតនៅ ខាងជើងភូមិគ ឃុំក្រែក ប្រហែល១គីឡូ ក្នុងស្រុកពញាក្រែក ខេត្ដត្បូងឃ្មុំ ប៉ុន្ដែក្រុមជនល្មើស និងមិនអាចរួចផុត ពីសំណាញ់ ច្បាប់នោះឡើយ ពោលត្រូវបាន កម្លាំងនគរបាល បើកការស្រាវជ្រាវ ជាបន្ទាន់ ហើយឈានទៅដល់ការ កំណត់អត្ដសញ្ញាណ ហើយអាចចាប់ខ្លួន នាពេលឆាប់ៗខាងមុខ នេះ ។

អំពើឃាតកម្ម ដោយចាប់រំលោភ និងសម្លាប់ក្មេងស្រីគ្មាន ត្រាប្រណីយ៉ាងដូច្នេះ បាន កើតឡើងកាល ពីវេលាម៉ោង១០និង៤០នាទី ព្រឹកថ្ងៃទី២៧ ខែសីហា ឆ្នាំ២០១៥ បន្ទាប់ ពីសព ក្មេងស្រីរងគ្រោះ ត្រូវបានគេប្រទះ ឃើញគួរ ឱ្យអាសូរយ៉ាងខ្លាំង ។

យោងតាម របាយការណ៍ របស់អធិការ នគរបាល ស្រុកពញាក្រែក លោកវរសេនីយ៍ត្រី អោម មុន្នីវណ្ណ បានឱ្យដឹងថា ក្មេងស្រីរងគ្រោះឈ្មោះនី កញ្ញា អាយុ១៧ឆ្នាំ រស់ នៅភូមិឃុំកើតហេតុ ត្រូវបានក្រុម ជនល្មើស នាំគ្នាចាប់រំលោភរួច សម្លាប់ចោល ខណៈ ដែលក្មេងស្រីរូបនេះ បានដើរ ចេញពីផ្ទះសំដៅ ទៅចំការកៅស៊ូ នៅចំណុចវាលដងទង់ ។

ប្រភពព័ត៌មានពី សមត្ថកិច្ច បានឱ្យដឹងថា ក្រោយពីប្រទះឃើញ សពក្មេងស្រីរងគ្រោះ រួចមក កម្លាំងសមត្ថកិច្ច មូលដ្ឋាន និងកម្លាំង នគរបាលជំនាញ ព្រហ្មទណ្ឌ បានចុះទៅធ្វើការ ស្រាវជ្រាវភ្លាមៗ ដើម្បីឈានទៅដល់ការ កំណត់អត្ដសញ្ញាណជនល្មើស ក្នុងអំពើឃាត កម្មដ៏សាហាវមួយនេះ ។

អធិការ នគរបាល ស្រុកពញាក្រែក នៅរសៀលថ្ងៃទី២៨ ខែសីហា ឆ្នាំ២០១៥នេះ បានប្រាប់ភ្នាក់ងារ មជ្ឈមណ្ឌលព័ត៌មានដើមអម្ពិល នៅខេត្ដកំពង់ចាមថា ជនល្មើសមិន ទាន់ត្រូវបានកម្លាំង សមត្ថកិច្ចរបស់លោកធ្វើ ការឃាត់ខ្លួននៅឡើយទេ ប៉ុន្ដែបាននឹងកំពុង តាមស្រាវជ្រាវ ក្រោមការដឹកនាំបញ្ជាផ្ទាល់ ពីសំណាក់ស្នងការនគរបាលខេត្ដ ។

ដោយ ឡែកព្រះរាជអាជ្ញា អមសាលាដំបូងខេត្ដត្បូងឃ្មុំ លោក ហៀង សុភក្ដ្រ បានព្រលយថា ជនល្មើសត្រូវបានសមត្ថកិច្ច កំណត់សញ្ញាណ បានខ្លះហើយ និងបច្ចុប្បន្នកំពុងធ្វើការស្រាវ ជ្រាវបន្ថែមទៀត ដែលនេះជាការងារជំនាញ ដែលលោកមិនទាន់អាចប្រាប់បាននៅឡើយ ទេ ៕

បញ្ជូនខ្លួន ជនសង្ស័យ៣នាក់ ទៅតុលាការ ពីបទចែកចាយ ថ្នាំញៀន

E-mail Print PDF

បាត់ដំបង៖ កម្លាំងនគរបាល ការិយាល័យប្រឆាំង គ្រឿងញៀនខេត្ត បានបញ្ជូនខ្លួនជនសង្ស័យ៣នាក់ រួមនិង ម៉ាទឹកកក១ថង់ មានទម្ងន់ស្មើ និងចំនួន៣.៤៧ក្រាម និងសម្ភារៈមួយចំនួនទៀត ទៅតុលាការខេត្ត ដើម្បីចាត់ការ តាមច្បាប់។ បន្ទាប់ពីកម្លាំងជំនាញ នគរបាលជំនាញបានឃាត់ខ្លួនបាន កាលពីវេលាម៉ោ១៧និង០០នាទី ថ្ងៃទី២៧ ខែសីហា ឆ្នាំ២០១៥ នៅចំណុចក្រុមទី៥ ភូមិនរា ឃុំនរាសង្កែ ខេត្តបាត់ដំបង។

លោក ស៊ាន សូណាល់ នាយស្តីទីនៃការិយាល័យ ប្រឆាំងគ្រឿងញៀនខេត្ត បានឲ្យដឹងថា កាលពីវេលាម៉ោ១៧ និង០០នាទី ថ្ងៃទី២៧ ខែសីហា ឆ្នាំ២០១៥ នៅចំណុចក្រុមទី៥ ភូមិនរា ឃុំនរា ស្រុកសង្កែ ខេត្តបាត់ដំបង កម្លាំង យើងបានឃាត់ខ្លួន ជនសង្ស័យ៣នាក់ ក្នុងបទល្មើសជាក់ស្តែងមាន៖ ទី១ឈ្មោះ ឡោមវីរៈ ហៅបារាំង ភេទប្រុស អាយុ២៣ឆ្នាំ ទី២ឈ្មោះ ឯល កទៀត ហៅ រី ភេទប្រុសអាយុ ៣៤ឆ្នាំ ទី៣ឈ្មោះ សុះ រ៉នី ភទប្រុស អាយុ២២ឆ្នាំ ទាំង៣នាក់នេះ រស់នៅភូមិកើតហេតុខាងលើ ។ ព្រមទាំងរឹបអូសបានថ្នាំញៀន ម៉ាទឹកកក១ថង់ មានទម្ងន់ ស្មើនិង៣.៤៧ក្រាម និងសម្ភារៈមួយចំនួនទៀត នាំយកមកការិយាល័យជំនាញ ដើម្បីសាកសួរ។

ជនសង្ស័យបានឆ្លើយសារភាពថា បក្ខពួកខ្លួនបានរកស៊ី ចែកចាយថ្នាំញៀនពិតប្រាកដមែន ។

បច្ចុប្បន្នសមត្ថកិច្ចជំនាញ បានកសាងសំណុំរឿង បញ្ជូនខ្លួនជនសង្ស័យទាំង៣នាក់ និងវត្ថុតាងបញ្ជូនទៅ តុលាការខេត្ត នៅព្រឹកថ្ងៃទី២៨ ខែសីហា ឆ្នាំ២០១៥នេះ ដើម្បីចាត់ការបន្តតាមច្បាប់៕

សាលាខណ្ឌមានជ័យ បើកកិច្ចប្រជុំប្រចាំខែ របស់ខ្លួន ផ្តោតលើការងារ សំណង់ ដែលមិនគោរពច្បាប់

E-mail Print PDF

ភ្នំពេញ ៖ នៅក្នុងកិច្ចប្រជុំប្រចាំខែ នាព្រឹកថ្ងៃទី២៨ ខែសីហា ឆ្បាំ២០១៥  អភិបាលរង ខណ្ឌមានជ័យ លោក ឌី រ័ត្នខេមរុណ អភិបាលរង លោក មា សុភាព និងលោកឡុង ង៉ែត នាយករដ្ឋបាល រួម និងមន្រ្តីពាក់ព័ន្ធ មួយចំនួនទៀត បានប្តេជ្ញានៅចំពោះមុខ លោក ពេជ្រ កែវមុនី អភិបាល ខណ្ឌមានជ័យថា មិនឱ្យមានការសាងសង់ សំណង់អត់ច្បាប់ នៅក្នុងអាណាចក្រ របស់ខ្លួន នោះឡើយ ប្រសិនបើមានការសាងសង់ អាជា្ញធរ និង ណែនាំឱ្យសំច្បាប់ ឬមានវិធានការតាមច្បាប់ ក្នុងករណីម្ចាស់សំណង់រឹងរូស ។

បន្ទាប់ពីចុះហត្ថលេខា ខាងលើរួច លោក ពេជ្រ កែវមុនី អភិបាលខណ្ឌមានជ័យ បានបញ្ជាក់ថា សមាសភាព ដែលចុះហត្ថលេខាលើការប្តេជ្ញាចិត្តនេះ គឺមានអភិបាលរង ទទួលបន្ទុកសំណង់គឺ លោក មា សុភាព ទី២អភិបាលរងលោក ឌី រ័ត្នខេមរុន ទទួលការងារសាងសង់ ស្ថានីយ៍ប្រេងឥន្ធនៈ ទី៣លោក នាយករដ្ឋបាល ឡុង ង៉ែត ទី៤/លោកប្រធានការិយាល័យ អន្តរវិស័យខណ្ឌ និងទី៥លោក ចៅ សង្កាត់ទាំង៤រូប ចំណុះឲ្យសាលាខណ្ឌមានជ័យ ផងដែរ។  

យោងតាមរបៀបវារៈក្នុង កិច្ចប្រជុំប្រចាំខែ របស់សាលាខណ្ឌមានជ័យ រួមមាន ៖ ទី១/ការងារសន្តិសុខ ទី២/ការងារ សណ្តាប់ធ្នាប់ ទី៣/ការងារសំរាម ទី៤/ការងាររៀបចំ ការិយាល័យ ច្រកចេញចូលតែមួយ និងទី៥/ ការងារពង្រឹងតាមតួរនាទីភារកិច្ច។

បើយោងតាមអនុក្រិត្យ លេខ៨៦របស់រដ្ឋាភិបាលបានចែងថា ការសាងសង់រាល់ សំណង់ទាំងឡាយត្រូវ មានគម្លាតពីព្រុំ ពី១ម៉ែត្រ៤កន្លះទៅ២ម៉ែត្រ ប៉ុន្តែប្រសិនបើមានការ សម្របជាមួយអ្នក ជិតខាងនិងសំច្បាប់ត្រឹមត្រូវនោះ ប្រជាពលរដ្ឋអាច សាងសង់បានទោះ គម្លាតគៀកក៍ដោយ ។ អភិបាលខណ្ឌមានជ័យ លោក ពេជ្រ កែវមុនី បាននិយាយថា អាជា្ញធរថ្នាក់ជាតិ និងក្រុងបានជម្រុញឱ្យមន្រ្តីពាក់ព័ន្ធ មានវិធានការចំពោះសំណង់អត់ច្បាប់ ។

លោក ពេជ្រ កែវមុនី បានបន្តខ្លឹមសារ ក្នុងកិច្ចប្រជុំប្រចាំខែ នាព្រឹកថ្ងៃ២៨ ខែសីហា ឆ្នាំ២០១៥ ទៀតថា មន្រ្តីក្នុងមូលដ្ឋានត្រូវទប់ស្កាត់នូវ សំណង់ទាំងឡាយណាដែលបំពានច្បាប់ ពិសេស មិនមានការសាងសង់ តាមលក្ខណ:បច្ចេកទេស ។

លោក បញ្ជាក់ថា « បើគ្មានការរត់ ច្បាប់ត្រឹមត្រូវ មិនអនុញាតិឱ្យសាងសង់ឡើយ»។ លោកអភិបាលខណ្ឌ បានសង្កត់ធ្ងន់ថា ក្នុងខណ្ឌមានជ័យមាន សំណង់អត់ច្បាប់ច្រើនកន្លែង ក្នុងនោះរាប់បញ្ចូល ទាំងការសាងសង់ រំលោភចិញ្ចើមផ្លូវ សាធារណ:ជាដើម ប៉ុន្តែសំណង់ខ្លះនៅតែបំពាន ខណៈម្ចាស់សំណង់ និងមន្រ្តីមួយចំនួន បានឃុបឃិត។

បើតាមមន្រ្តីជំនាញ បានពន្យល់ថា សំណង់ដែលមានផ្ទៃដី ៥០០ម៉ែត្រការ៉េឡើងទៅ ត្រូវសំច្បាប់ដល់រាជធានីភ្នំពេញ លើកលែងតែ ក្រោម៥០០ម៉ែត្រ ការ៉េប៉ុណ្ណោះ ត្រូវសំច្បាប់ពីសង្កាត់មកខណ្ឌ ។

ប៉ុន្តែដោយឡែក ផ្ទៃដីដែលត្រូវ សាងសង់ចាប់ពី៣០០០ម៉ែត្រ ការ៉េឡើងទៅ ត្រូវសំច្បាប់ដល់ ក្រសួងដែនដី នគររូបនីយកម្ម និងសំណង់ ទើបអនុញាត៕

Page 2 of 390