left
Safe Home
Safe Home
Safe Home

Dap News...Admin

Sunday, May 24th

| English Version | dapnews: 012 571 704, 097 9999 883, email: lim.cheavutha@gmail.com

You are here:
 
Cellcard

បុរសល្មោភកាម រំលោភម្តាយក្មេក វ័យ ៧៨ឆ្នាំ សម្រេចជាច្រើនដង ក្រោយប្រពន្ធ ស្លាប់ចោល

E-mail Print PDF

ត្បូងឃ្មុំ៖ បុរសល្មោភកាមម្នាក់ បានចាប់រំលោភ ម្តាយក្មេកអាយុ ៧៨ឆ្នាំ បានសម្រេចជាច្រើនដង បន្ទាប់ពីប្រពន្ធ របស់ខ្លួនស្លាប់ចោលអស់ ជាច្រើនខែ។

លោក សួស ស៊ាងលី អធិការនគរបាល ស្រុកត្បូងឃ្មុំ បានឲ្យដឹងនៅថ្ងៃទី២៤ ខែឧសភា ឆ្នាំ២០១៥នេះថា កាលពីថ្ងៃទី២៣ ខែឧសភា ឆ្នាំ២០១៥ កម្លាំងនគរបាល នៃអធិការដ្ឋាននគរបាលស្រុកត្បូងឃ្មុំ បានចុះឃាត់ខ្លួនបុរសម្នាក់ ឈ្មោះ លី សុភាព អាយុ ៤៣ឆ្នាំ រស់នៅភូមិប្រយ៉ាប ឃុំស្រឡប់ ស្រុកត្បូងឃ្មុំ ខេត្តត្បូងឃ្មុំ។ ការឃាត់ខ្លួន បានធ្វើឡើងតាមពាក្យ បណ្តឹងស្រ្តីម្នាក់ ឈ្មោះ ឌុល អី អាយុ ៤៣ឆ្នាំ នៅភូមិប្រហោះក្បាល ឃុំផ្ទះរ៉ុង ស្រុកភ្នំក្រវ៉ាញ ខេត្តពោធិ៍សាត។

តាមពាក្យបណ្តឹង អ្នកស្រី ឌុល អី បានរៀបរាប់ថា ជនសង្ស័យ លី សុភាព បានចាប់រំលោភម្តាយ បង្កើតរបស់ខ្លួន ឈ្មោះ ឌ.អ អាយុ ៧៨ឆ្នាំ ជាច្រើនលើកមកហើយ តែម្តាយខ្លួនមិនហ៊ានរាយការណ៍ ជូនសមត្ថកិច្ច ព្រោះខ្លាចជនល្មើសធ្វើបាប។

ក្រោយឃាត់ខ្លួន សមត្ថកិច្ច បានកសាងសំណុំរឿងបញ្ជូនកូនប្រសារល្មោភកាម រំលោភម្តាយក្មេង ទៅតុលាការ ដើម្បីវិនិច្ឆយទោសតាមច្បាប់៕

កម្ពុជា នឹងមានលទ្ធភាព ខ្ចីលុយពីចិន បានច្រើន ពេលដែលចិន បង្កើតធនាគារ ខ្នាតធំ ជាលក្ខណៈ អន្តរជាតិ

E-mail Print PDF

ភ្នំពេញ ៖ ប្រទេសចិន នឹងបង្កើតធនាគារ ខ្នាតធំមួយ ជាលក្ខណៈអន្តរជាតិ ដែលមានឈ្មោះថា AIIB នៅពេលដ៏ឆាប់ខាងមុខនេះ ដើម្បីឲ្យប្រទេសក្នុងតំបន់ជាពិសេស ប្រទេសកម្ពុជាខ្ចីលុយយក ទៅផ្គត់ផ្គង និងប្រើប្រាស់ដើម្បីអភិវឌ្ឍន៍ប្រទេសជាតិឲ្យរីកចំរើន។

លោក ញឹក ប៊ុនឆៃ អនុប្រធានទី២ គណបក្សរាជានិយម ហ៊្វុនស៊ិនប៉ិច និងជាទីប្រឹក្សារាជរដ្ឋាភិបាល កម្ពុជា បានមានប្រសាសន៍ប្រាប់ក្រុមអ្នកសារព័ត៌មានបែបនេះ នៅព្រលានយន្តហោះអន្តរជាតិភ្នំពេញ នៅរាត្រីថ្ងៃទី២៣ ខែឧសភា ឆ្នាំ២០១៥ បន្ទាប់ពីត្រឡប់មកពីទស្សនកិច្ច នៅប្រទេសចិន រយៈពេល ប្រមាណជិត១សប្តាហ៍។

លោកបានថ្លែងនៅចំពោះមុនអ្នកសារព័ត៌មានទៀតថា លោកស៊ី ជិនពីង ប្រធានាធិបតីចិន បានប្រកាស ទុនវិនិយោគក្នុងធនាគារមួយនេះ ប្រហែលជា៤០ពាន់លានដុល្លារស្មើនឹង៣០.៨៣ភាគរយ ហើយ ធនាគារមួយនេះ នឹងដើរនាទីដូចទៅនឹងធនាគារពិភពលោក (world bank) និងធនាគារអភិវឌ្ឍន៍ អាស៊ី(ADB)។

លោកថា ធនាគារពិភពលោកគ្រប់គ្រងដោយ សហរដ្ឋអាម៉េរិក ចំណែកធនាគារអភិវឌ្ឍន៍អាស៊ី គ្រប់គ្រងដោយជប៉ុន ប៉ុន្តែ AIIB គ្រប់គ្រងដោយចិនផ្ទាល់តែម្តង។

បើតាមលោក ញឹក ប៊ុនឆៃ បានឲ្យដឹងទៀតថា AIIB លក្ខខណ្ឌនៃការខ្ចីលុយងាយស្រួលជាង និង មានការអត្រាការប្រាប់ទាប ហើយកម្ពុជាក៏មានលទ្ធភាពនៃខ្ចីលុយផងដែរ។

លោក បន្តថា លោកទៅបំពេញទស្សនកិច្ចនេះ ក្នុងនាមជារាជរដ្ឋាភិបាល ផង និងគណបក្ស ហ្វ៊ុនស៊ិនប៉ិចផង។

សូមបញ្ជាក់ថា ប្រទេសចិនជាប្រទេសមួយក្នុងចំណោម ប្រទេសជាច្រើន ដែលបានផ្តល់ជំនួយ ឥតសំណង និងហិរញ្ញប្បទានច្រើនជាងគេមកដល់កម្ពុជា៕

តើធ្វើដូចមេ្តច ទើបបើក ក្រុមហ៊ុន រោងចក្រ អង្គការ សមាគម ត្រឹមត្រូវតាមច្បាប់ និងរហ័សទាន់ចិត្ត?

E-mail Print PDF

ដើម្បីបើកក្រុមហ៊ុន រោងចក្រ សហគ្រាស សណ្ឋាគារ អង្គការ សមាគម….……ផលលំបាក នៅត្រង់ថាកិច្ចការមួយចំនួនធំ ទាមទារអោយមានអ្នកឯកទេស ក្នុងការជួយរៀបចំ និងសម្រេចចិត្តដូចជា៖  ការរៀបចំលក្ខន្តិក:  គោលនយោបាយ  បទបញ្ជាផ្ទៃក្នុង រចនាសម្ព័ន្ធគ្រប់គ្រង ការកំណត់អំពី ចំនួនដើមទុន របៀបវិនិយាគជាឯកកម្មសិទ្ធ ជាសហកម្មសិទ្ធ ការយល់ដឹងអំពីការវិនិយាគ មួយចំនួនដែលទទួលបានការ លើកលែងពន្ធពីរដ្ឋ ការរៀបចំឯកសារ និងបែបបទនានា អោយស្របតាមលក្ខខណ្ឌ តម្រូវនៃច្បាប់ ដើម្បី ជាសវាងការលំបាកថ្ងៃក្រោយ និងតើមុខរបរដែលលោកអ្នកវិនិយោគ មានពាក់ព័ន្ធជាមួយស្ថាប័នណាខ្លះ ?

ដើម្បីដោះស្រាយបញ្ហានេះអោយមានភាព ងាយស្រួលបំផុត និងចំនេញគ្រប់បែបយ៉ាង លោកអ្នក គួរតែរកក្រុមហ៊ុនជំនាញ ដែលបម្រើសេវាកម្មវិជ្ជាជីវគណនេយ្យ ព្រោះក្រុមហ៊ុនទាំងនេះ មានជំនាញឯកទេស លើការងារប្រឹក្សាយោបល់ អំពីការងារចុះបញ្ជី បើកក្រុមហ៊ុន រោងចក្រ អង្គការ សមាគម…. លើការងារ គណនេយ្យ និងហិរញវត្ថុច្បាស់លាស់ រក្សាការសម្ងាត់ និងមានការទទួលខុសត្រូវ ដើម្បីប្រឹក្សាយោបល់ និងជួយដោះស្រាយជូនលោកអ្នក។សូមទាក់ទងទូរស័ព្ទលេខៈ ០11 777  110     និង 017 888 987 ។

សេវាកម្មលម្អិតផ្តល់ជូនលោកអ្នករួមមាន ៖

១-សេវាកម្មប្រឹក្សាយោបល់លើ ការចុះបញ្ជីបើកក្រុមហ៊ុន រោងចក្រ សណ្ឋាគារ អង្គការ សមាគម ។ល។

សេវាកម្មប្រឹក្សាយោបល់លើការជ្រើសរើសប្រភេទក្រុមហ៊ុន និងការដាក់ដើមទុនចុះបញ្ជី សេវាប្រឹក្សាយោបល់លើការរៀបចំឯកសារ ចុះបញ្ជីពាណិជ្ជកម្ម ការស្នើសុំលេខអត្តសញ្ញាណ កម្មសារពើពន្ធ វិញ្ញាប័ណ្ណបត្រអាករលើតម្លៃបន្ថែម និងអាជ្ញាប័ណ្ណពីក្រសួង ឬ ស្ថាប័ន អាណាព្យាបាល ។

សេវាកម្មប្រឹក្សាយោបល់លើការបំពេញបែបបទបិទក្រុមហ៊ុន អង្គការ សមាគមរោងចក្រ សហគ្រាស សណ្ឋាគារ... ។

២-សេវាកម្មពន្ធដារៈ

ជួយរៀបចំបញ្ជីពន្ធដារគ្រប់ប្រភេទ និងយកទៅបង់នៅកន្លែង ពន្ធដារជូនលោកអ្នក ដែលធ្វើបែប នេះគឺចំណេញថវិការ ជាងការជួល បុគ្គលិកធ្វើការជា ប្រចាំឆ្ងាយណាស់។

ការដោះស្រាយបញ្ហាពន្ធដារ គ្រប់ប្រភេទដូចជា ដោះស្រាយបំណុលពន្ធដារ ការជំរះបញ្ជីបិទ ក្រុមហ៊ុន ការរៀបចំឯកសារស្របច្បាប់ សម្រាប់ដាក់ជូនសវនករពន្ធដារ ។
ប្រឹក្សាយោបល់លើផែនការពន្ធដារ ជាមួយនឹងការចាប់ផ្តើមអាជីវកម្មថី្ម ដើម្បីទទួលបានការលើក ទឹកចិត្ត និងការលើកលែងពន្ធ ។

៣-សេវាកម្មគណនេយ្យៈ

សេវាកម្មត្រួតពិនិត្យបញ្ជីស្នាមគណនេយ្យ  រៀបចំគោលនយោបាយ  នីតិវិធីគណនេយ្យ និង ហិរញ្ញវត្ថុ ។

សេវាកម្មកត់ត្រាបញ្ជី និង រៀបចំរបាយការហិរញ្ញវត្ថុ ប្រចាំខែ និងប្រចាំឆ្នាំ(បិទបញ្ជី) ស្របតាម គោលនយោបាយ និង នីតិវិធី ស្តង់ដារ និង លក្ខខណ្ឌតម្រូវផ្នែកច្បាប់ ។

សេវាកម្មរៀបចំ និងកត់ត្រាសមតុល្យដើមគ្រាសម្រាប់ក្រុមហ៊ុនបើកថ្មី និង ក្រុមហ៊ុនដែល មានប្រតិបត្តការជាច្រើនឆ្នាំឲ្យបានត្រឹមត្រូវឡើងវិញ ។

សេវាកម្មប្រឹក្សាយោបល់ លើការកែរលំអរ ឬធ្វើបច្ចុប្បន្នភាពលើគោលនយោបាយគណនេយ្យ  នីតិវិធីគណនេយ្យ និង ហិរញ្ញវត្ថុ ។

៤-សេវាកម្មប្រឹក្សាយោបល់លើការជ្រើសរើស ឬអភិវឌ្ឍកម្មវិធីគណនេយ្យកំព្យូទ័រ

សេវាប្រឹក្សាយោបល់លើការជ្រើសរើសកម្មវិធីគណនេយ្យកុំព្យូទ័រឲ្យ សមស្របទៅនឹង បរិបទការងារ ទំហំការងារ និងធនធានហិរញ្ញវត្ថុ របស់ក្រុមហ៊ុន អង្គការ សមាគម ... សម្រាប់កត់ត្រា ផ្ទៀងផ្ទាត់ និង ផលិតរបាយការណ៍ ស្របតាមគោលនយោបាយ និងនីតិវិធីគ្រប់គ្រងគណនេយ្យ និង ហិរញ្ញវត្ថុ បទដ្ឋានជាតិ អន្តរជាតិ និង លក្ខខណ្ខតម្រូវផ្នែកច្បាប់ ។

សេវាប្រឹក្សាយោបល់លើការវិភាគ និង ធ្វើគម្រោងអភិវឌ្ឍកម្មវិធី គណនេយ្យកុំព្យូទ័រថ្មី សម្រាប់ ក្រុមហ៊ុន អង្គការ សមាគម ...

៥-សេវាកម្មវបណ្តុះបណ្តាលជំនាញគណនេយ្យ និងពន្ធដារលើការអនុវត្តជាក់ស្តែង

ជាសេវាកម្មបណ្តុះបណ្តាលជំនាញគណនេយ្យដល់បុគ្គលិករបស់ក្រុមហ៊ុន អង្គការ សមាគម ... តាមមុខងារ (ប្រធានផ្នែកគណនេយ្យ គណនេយ្យករ បេឡាករ អ្នកគ្រប់គ្រងសន្និធិ...) និង គ្រប់កម្រិត (កម្រិតប្រតិបត្តិ កម្រិតបច្ចេកទេស និង កម្រិតយុទ្ធសាស្រ្ត)
សូមទាក់ទងទូរស័ព្ទលេខៈ 011 777 110 និង 017 888 987

ក្មេងស្រី២នាក់ លង់ទឹកត្រពាំង ស្លាប់ នៅឃុំ ត្រពាំងភ្លាំង

E-mail Print PDF

កំពត៖ កុមារី២នាក់ បានលង់ទឹក ត្រពាំងស្លាប់ ខណៈចុះលេងក្នុងទឹក ហើយមិនចេះហែល កាលពី វេលាម៉ោង២និង៣០នាទីរសៀល ថ្ងៃទី២៣ ខែឧសភា ឆ្នាំ២០១៥ ចំណុចត្រពាំងទឹកដាច់ស្រយ៉ាល មួយកន្លែង ស្ថិតក្នុងភូមិព្រៃពាយ ឃុំត្រពាំងភ្លាំង ស្រុកឈូក ខេត្តកំពត។

មន្ត្រីនគរបាលស្រុកឈូក បាននិយាយប្រាប់មជ្ឈមណ្ឌលព័ត៌មានដើមអម្ពិល ឲ្យដឹងថាក្មេងស្រីរងគ្រោះទាំងពីរ: ទី១-ឈ្មោះហ៊ឹម ភា អាយុ១២ឆ្នាំ និងទី២-ឈ្មោះអេន ចរិយា អាយុ១០ឆ្នាំ អ្នកទាំងពីរ រស់នៅក្នុងបន្ទុកឪពុកម្តាយ ក្នុងភូមិ ឃុំកើតហេតុខាងលើ។

មន្ត្រីនគរបាលដដែលបន្តថា មុនកើតហេតុជនរងគ្រោះទាំងពីរ និងកុមារីម្នាក់ទៀតទាំងអស់ មានគ្នាចំនួន៣នាក់ បានបបួលគ្នាទៅបេះផ្លែ "ផ្កាកញ្ចក់អណ្តើក" ដើម្បីលេងលុះមក ដល់ចំណុចត្រពាំង កើត ហេតុខាងលើ ក៏នាំគ្នាចុះលេងក្នុងទឹក បណ្តាលឲ្យក្មេងស្រីរងគ្រោះ ទាំងពីរ ក្នុងចំណោម៣នាក់ លង់ទឹកស្លាប់យ៉ាងអនោចអធម របៀបនេះតែម្តង។ ឃើញដូច្នេះ កុមារីម្នាក់ទៀត បានរត់ទៅប្រាប់ក្រុម គ្រួសារ ហើយក្រុមគ្រសារជនរងគ្រោះ មកដល់ក៏យកសពកុមារីទាំងពីរ ទៅតំកល់នៅផ្ទះ ដើម្បីធ្វើ បុណ្យតាមប្រពៃណីយ៕

កម្លាំង​នគរបាល​ ខេត្ត​ព្រះសីហនុ​ ចាប់ខ្លួន​ ជនជាតិ​វៀតណាម​ និងប៉ាគីស្ថាន៩នាក់​ ពី​បទ​រស់នៅ​ខុស​ច្បាប់ ​

E-mail Print PDF

ព្រះសីហនុ៖ ក្រោយបញ្ចេញ ប្រតិបត្តិការ ចាប់ខ្លួនជនជាតិបរទេស ច្រមុះស្រួច ដែលរស់នៅខុសច្បាប់ បង្កបទល្មើសផ្សេងៗ នៅលើទឹកដី ខេត្តព្រះសីហនុ នាពេលកន្លងទៅនោះ ឥឡូវនេះ កម្លាំងនគរបាល ការិយាល័យ អន្តោប្រវេសន៍ នៃស្នងការដ្ឋាន នគរបាល ខេត្តព្រះសីហនុ បានបើកយុទ្ធនាការ ចុះទៅឃាត់ខ្លួន ជនជាតិវៀតណាម បន្តទៀត ដែលកំពុងរកស៊ី និងលួចរស់នៅ ខុសច្បាប់ នៅក្នុងខេត្តជាប់មាត់ សមុទ្រមួយនេះ។

ស្នងការ នគរបាល ខេត្តព្រះសីហនុ លោកឧត្តមសេនីយ៍ ជួន ណារិន្ទ បានថ្លែងឲ្យដឹងថា កាលពីថ្ងៃទី២៣ ខែឧសភា ឆ្នាំ២០១៥ កម្លាំង នគរបាល របស់លោក បានឃាត់ខ្លួនជនជាតិវៀតណាម ចំនួន៨នាក់ ស្ថិតនៅ ខាងក្រោយភ្នំខៀវ ក្រុងព្រះសីហនុ ព្រមទាំងស្រ្តីជនជាតិប៉ាគីស្ថានម្នាក់ផងដែរ ។

លោកឧត្តម សេនីយ៍ស្នងការ បានបញ្ជាក់ទៀតថា ក្រោយការចាប់ខ្លួន និងសួរនាំ មកនោះ នៅព្រឹកថ្ងៃទី២៤ ខែឧសភា ឆ្នាំ២០១៥ នេះ ជនជាតិវៀតណាម និងស្រ្តីជនជាតិប៉ាគីស្ថាន ទាំងនោះ ត្រូវបានដឹកបញ្ជូន ទៅកាន់អគ្គនាយកដ្ឋាន អន្តោប្រវេសន៍ ក្រសួងមហាផ្ទៃ ដើម្បីបណ្តេញ ពីប្រទេសកម្ពុជា ។

បើតាមលោកឧត្តមសេនីយ៍ ស្នងការ កម្លាំងនគរបាលរបស់លោក នឹងបន្តយុទ្ធនាការ ជាបន្តបន្ទាប់ លើការតាមចាប់ខ្លួន ជនជាតិបរទេស ទាំងឡាយ ដែលរស់នៅខុសច្បាប់ និងបង្កបទល្មើសផ្សេងៗ នៅក្នុងខេត្តទេសចរណ៍មួយនេះ៕

កម្លាំងសន្តិសុខ សណ្តាប់ធ្នាប់ ខណ្ឌច្បារអំពៅ ហ្វឹកហាត់ លំហាត់របៀប

E-mail Print PDF

ភ្នំពេញ ៖ ដើម្បីឲ្យកងកម្លាំង សន្តិសុខ សណ្តាប់ធ្នាប់ ទទួលបាននូវវិន័យ និងយុទ្ឋវិធី នៃកងកម្លាំងខ្លះ ក្នងការចូលរួមជាមួយ សមត្ថកិច្ចពង្រឹងការងារសន្តិសុខ ក្នុងមូលដ្ឋានឲ្យកាន់តែប្រសើរឡើង ប្រធាន គណៈបញ្ជាការឯកភាពខណ្ឌ បានធ្វើការហ្វឹកហ្វឺន ដល់កម្លាំងប្រជាការពាខណ្ឌនូវលំហាត់របៀប និង វិន័យបន្ថែម  ។

ការហ្វឹកហាត់ដល់កម្លាំងសន្តិសុខខណ្ឌនេះ ធ្វើឡើងនាព្រឹកថ្ងៃទី២៤ ខែឧសភា ឆ្នាំ២០១៥ ក្រោម វត្តមានលោក អ៊ាង ស៊ីផាន អភិបាល ខណ្ឌច្បារអំពៅ ស្ថិតនៅក្នុងបរិវេណបុរីស៊ីហោ សង្កាត់ច្បារអំពៅទី២ ខណ្ឌច្បារអំពៅ ។

លោក ញាណ ចាន់សោភា នាយករងរដ្ឋបាលសាលាខណ្ឌច្បារអំពៅ បានបញ្ជាក់ថា ការងារនេះ នឹងត្រូវហ្វឹកហាត់យ៉ាងទៀងទាត់តាមកម្មវិធី ដែលគណៈបញ្ជាការឯកភាពខណ្ឌ ដោយសហ ការជាមួយកងរាជអាវុធហត្ថខណ្ឌ ហើយ ជំហ៊ានដំបូងនេះ ត្រូវធ្វើការហ្វឹកហាត់ និងអនុវត្ត ក្នុង ២សប្តាហ៍ម្តង ។

នាឱកាសនោះ លោក អ៊ាង សុីផាន បានលើកឡើង អំពីសភាពការណ៍ទូទៅនៅ ក្នុងភូមិសាស្ត្រខណ្ឌ និងកាតព្វកិច្ចរបស់ក្រុមប្រជាការពារលើការចូលរួមរក្សាសន្តិសុខ និងសណ្តាប់ធ្នាប់ សាធារណ:ជូនប្រជាពលរដ្ឋ ទាំងយប់ទាំងថ្ងៃ ដោយសហការជាមួយកម្លាំងសមត្ថកិច្ចផ្សេងទៀត រួមមាន នគរបាល និងអាវុធហត្ថ ជាដើម ។

លោក អ៊ាង ស៊ីផាន បានផ្តាំផ្ញើដល់ចៅសង្កាត់ទាំងអស់ ជំរុញឲ្យប្រជាការពារទាំងអស់ ទាំងនៅថ្នាក់សង្កាត់ និងនៅថ្នាក់ខណ្ឌ ត្រូវបង្កើន កាតព្វកិច្ចរបស់ខ្លួនប្រកបដោយទំនួលខុសត្រូវខ្ពស់ ។ លោកអភិបាលបានលើកឡើងថា តួនាទីរបស់ប្រជាការពារ ពិតជាមិនអាចខ្វះបាន លើការចូលរួមថែរក្សាសន្តិសុខ និងសណ្តាប់ធ្នាប់ សាធារណ:ក្នុងមូលដ្ឋាន ពីព្រោះសង្កាត់ខ្លះ មានផ្ទៃដីធំ ប៉ុន្តែកម្លាំងនគរបាល មានចំនួនតិច ដូច្នេះការចូល រួមរបស់ប្រជាការពារ លើការចុះល្បាត និងអន្តរាគមន៍ករណីផ្សេងៗ ដែលកើតមានឡើង ។

ជាមួយនឹងការបំពេញភារកិច្ចប្រចាំថ្ងៃ លោក អ៊ាង សុីផាន បានណែនាំឲ្យ ចេះរក្សាភាពអត់ធ្មត់ ហើយមិនត្រូវធ្វើអ្វី ដែលនាំឲ្យមានការរិះ និងថ្នាំងថ្នាក់ ពីប្រជាពលរដ្ឋ នោះឡើយ ។ ផ្ទុយទៅវិញ ត្រូវជួយដោះស្រាយបញ្ហា ផ្សេងៗ ដែលពួកគាត់ជួប ប្រទះ ។ ដូច្នេះស្នើដល់កងកម្លាំងសន្តិសុខ ខិតខំហ្វឹកហាត់ នូវលំហាត់របៀប វិន័យ ពីគ្រូវបង្វឹក ហើយការងារហ្វឹកហាត់នេះ ក៏ជាការទទួលបាននូវសុខភាពមាំ មួនផងដែរ ។

បញ្ជូនខ្លួន ជនសង្ស័យស្រីម្នាក់ ទៅតុលាការ ពីបទចែកចាយ ថ្នាំញៀន

E-mail Print PDF

បាត់ដំបង៖ កម្លាំងនគរបាល ស្រុកបវេល បានឃាត់ខ្លួន ជនសង្ស័យស្រីម្នាក់ រួមនិងយ៉ាម៉ា១១គ្រាប់ មានទម្ងន់ស្មើនិង១.០២ក្រាម ម៉ាទឹកកក១១ថង់ មានទម្ងន់ស្មើនិង០.៧៨ក្រាម និងសម្ភារៈមួយចំនួន កាលពីវេលាម៉ោ៥និង៥០នាទី ល្ងាចថ្ងៃទី២២ ខែឧសភា ឆ្នាំ២០១៥ នៅចំណុចភូមិកំពង់ភ្នៅ ឃុំ.ស្រុក បវេលខេត្តបាត់ដំបង រួចកសាងសំណុំរឿងបញ្ជូនខ្លួន និងវត្ថុតាងទៅតុលាការខេត្ត ដើម្បីចាត់ការតាម ច្បាប់។

លោក ស៊ាន សូណាល់ នាយស្តីទី នៃការិយាល័យប្រឆាំងគ្រឿងញៀនខេត្ត បានឲ្យដឹងថា តាមរបាយ ការណ៍របស់អធិការនគរបាលស្រុក បវេលបានបញ្ជាក់ថា ជនសង្ស័យដែលសមត្ថកិច្ចឃាត់ខ្លួនមាន ឈ្មោះ សុខ គឹមសេងអាយុ៣៤ឆ្នាំ រស់នៅភូមិកំពង់ភ្នៅឃុំបវេលស្រុកបវេលខាងលើ។

ក្នុងរបាយការណ៍បានបញ្ជាក់ថា មុនពេលឃាត់ខ្លួន បានទទួលព័ត៌មានថា មានករណីចែកចាយ ថ្នាំញៀនភ្លាម កម្លាំងអធិការស្រុកបវេលបានដឹកនាំកម្លាំងមួយក្រុម ចុះបង្រ្កាបនិងឃាត់ខ្លួនបានក្នុង បទល្មើសជាក់ស្តែង ព្រមទាំងរឹបអូសបានថ្នាំញៀន យ៉ាម៉ា១១គ្រាប់មានទម្ងន់ស្មើនិង១.០២ក្រាម ម៉ាទឹកកក១១ថង់មានទម្ងន់ស្មើនិង០.៧៨ក្រាម និងសម្ភារៈមួយចំនួនទៀតនាំយកមកសាកសួរ។

ជនសង្ស័យបានឆ្លើយសារភាពថា ខ្លួនពិតជាបានរកស៊ីចែកចាយថ្នាំញៀនពិតប្រាកដមែន។

បច្ចុប្បន្នសមត្ថកិច្ចនគរបាល ស្រុកបវេលបានបញ្ជូនសំណុំរឿងមកការិយាល័យ ជំនាញនិងបានបញ្ជូន សំណុំរឿងបញ្ជូនខ្លួនជនសង្ស័យ និងវត្ថុតាងទៅតុលាការខេត្តនៅព្រឹក ថ្ងៃទី២៤ ខែឧសភា ឆ្នាំ២០១៥ ដើម្បីចាត់ការបន្តតាមច្បាប់៕

រថយន្ត​សាំយ៉ុង​ បុក​អ្នក​ជិះម៉ូតូ​ ស្លាប់ និង​របួស​២នាក់​ នៅក្រុង​កំពង់ចាម​

E-mail Print PDF

កំពង់ចាម៖ គ្រោះថ្នាក់ចរាចរណ៍ មួយបានកើតឡើង រវាងរថយន្តសាំយ៉ុង បានបើកម៉ូតូ បណ្តាលឲ្យស្លាប់ និង របួស២នាក់ ស្ថិតនៅសង្កាត់ ក្រុងកំពង់ចាម ខេត្តកំពង់ចាម នៅវេលាម៉ោងប្រមាណ១១យប់ ថ្ងៃទី២៣ ខែឧសភា ឆ្នា២០១៥។

សេចក្តីរាយការណ៍ ពីមន្រ្តីនគរបាល ក្រុង កំពង់ចាម បានឲ្យដឹងថា ខណៈជនរងគ្រោះទាំង២នាក់ កំពុងជិះម៉ូតូ ស្រាប់តែមានរថយន្ត សាំយ៉ុងមួយគ្រឿង បើកមកបុកពេញ មួយទំហឹង បណ្តាលឲ្យបុរសម្នាក់ស្លាប់ និងម្នាក់ទៀត រងរបួសយ៉ាងធ្ងន់ធ្ងរ។ ក្រោយកើតហេតុ អ្នកបើករថយន្ត បានរត់គេចខ្លួន បាត់ ខណៈសពជនរងគ្រោះ ត្រូវបានសមត្ថកិច្ច ប្រគល់ជូនទៅក្រុមគ្រួសារ យកទៅធ្វើបុណ្យតាមប្រពៃណី។

យ៉ាងណាក៏ដោយ សម្រាប់អ្នកបើករថយន្តបង្កនោះ ត្រូវបានកម្លាំងនគរបាល បាននិងកំពុងតាមចាប់ខ្លួនហើយ។ ក្រោយកើតហេតុ ទាំងរថយន្ត និងម៉ូតូ ត្រូវបានសមត្ថកិច្ចយកទៅរក្សាទុកដើម្បីរង់ចាំ ការដោះស្រាយបន្តទៀត៕

វគ្គសិក្សាខ្លី ការគ្រប់គ្រង ឃ្លាំងទំនិញ អន្តរជាតិ

E-mail Print PDF

១. ឈ្មោះមុខវិជ្ជា ៖ Warehouse Management

២. រយៈពេល ៖ (២៤ ម៉ោង)

៣. ខ្លឹមសារមេរៀន (Course Description)

មុខវិជ្ជានេះ គឺជាមូលដ្ឋានគ្រឹះ នៃការគ្រប់គ្រង ឃ្លាំងពាណិជ្ជកម្ម ជាអន្ដរជាតិ និងការរៀបចំជាស្ដង់ដារ ដែល បង្ហាញអំពី ដំណើរការ នៃការគ្រប់គ្រងឃ្លាំង ជាពិសេសការគ្រប់គ្រងឃ្លាំងទំនិញ ដើម្បីដឹកជញ្ជូនអោយត្រឹមត្រូវ ដើម្បីធានាបានសម្រាប់ការ សម្រេចចិត្ដរបស់អ្នកប្រើប្រាស់និងជៀសវាងហានិភ័យ។ ម្យ៉ាងទៀត វាក៏ផ្ដល់ជាមូល ដ្ឋានសម្រាប់ការរៀបចំផែនការ អាជីវកម្មអន្ដរជាតិក្នុងការសំរេចចិត្ដស្ដុក និងបញ្ចេញផលិតផល ទៅកាន់ទីផ្សារ គោលដៅ  ដើម្បីទទួលបាននូវជោគជ័យសមស្របតាមបទដ្ឋាន សកលភាវូនីយកម្ម។

ជាចុងក្រោយមេរៀននេះ ក៏បានផ្ដល់នូវទស្សនទានចម្បងក្នុងការ វិនិយោគជាអន្ដជាតិ ដែលតំរូវលើការបញ្ជាទិញ ផលិត ចែកចាយ ឃ្លាំងទុកដាក់ លក់ និងផ្គត់ផ្គង់។ 

៤. គោលបំណងមេរៀន (Course Objectives)

ក្រោយពីសិក្សាបព្ចាប់នូវមុខវិជ្ជា Warehouse Management និស្សិតនឹងអាចទទួលបាននូវចំណេះដឹង ដូចខាង ក្រោម ៖

- កាគ្រប់គ្រង ទំនិញពិត

- ការរៀបចំប្រើប្រាស់ទំនិញ លើការដឹកជញ្ចូន

- ការរៀបចំផែនការ បែងចែក ចែកចាយ ទទួលយក និង រក្សាទុក

- ការរក្សាទុកអោយមានសុវត្ថិភាព និង ស្ដង់ដារ

- ការលើកដាក់ទំនិញ និង ស្ដុក

- ការវេចខ្ចប់ និង បន្ថែមព័ត៌មាន

- ការគ្រប់គ្រងស្ដុក

- ការកែលំអរ គភី KPI & 5 S

៥. វិធីសាស្ដ្រនៃការបង្រៀន (Teaching Methodology):

គ្រប់មេរៀននីមួយៗនៅក្នុងវគ្គបណ្ដុះបណ្ដាលនេះ ត្រូវបានបកស្រាយនូវខ្លឹមសារមេរៀន ដោយសាស្ដ្រាចារ្យ និង សិក្ខាកាម ពីព្រោះវិធីសាស្ដ្របង្រៀននឹងសិក្សារៀនសូត្រភាគច្រើន ផ្អែកលើមូលដ្ឋាន "ការចូលរួម" ដោយក្នុងនោះ សាស្ដ្រាចារ្យ មានភារកិច្ចសម្របសម្រួលការសិក្សារបស់សិក្ខាកាមទាំងសិក្សា និងស្រាវជ្រាវ។ មធ្យោបាយទាំងនេះនឹងអាចជួយអោយសិក្ខាកាម សិក្សារៀនសូត្របានកាន់តែច្រើន ជាមួយកិច្ចការធ្វើនៅផ្ទះ ការពិភាក្សាជាក្រុម ការសំរេចជាក្រុម ការធ្វើការងារ ជាគូ ឬជាលក្ខណៈបុគ្គល ជាពិសេស គឺការចកែរំលែកពីបទ ពិសោធន៍ផ្ទាល់ខ្លួនប្រាប់សិក្ខាកាមដទៃទៀតក្នុងថ្នាក់។ ម្យ៉ាងវិញទៀតសាស្ដ្រា* ចារ្យមានតួនាទីជាអ្នកដឹកនាំ  អ្នកប្រឹក្សាយោបល់់់់់់ការជម្រុញ និងលើកទឹកចិត្ដឱ្យសិក្ខាកាមខិតខំសិក្សារៀនសូត្រ។ ជាពិសេសសាស្ដ្រាចារ្យនឹង អាចសង្ខេបនូវរាល់ខ្លឹមសារមេរៀននីមួយៗ ដើម្បីជួយនិសិ្សតឆាប់យល់ និងឆាប់ទទួលយកបាន។

៦. ឯកសារយោង ៖

1. United State Import/Export, and other Cambodia Import Export Experience.

2. Supply Chain Logistics Management, Brower Sox/ Closs/Cooper

ម៉ោងពេលចូលសិក្សានិងតម្លៃ៖

កាលបរិច្ឆេទ៖ថ្ងៃទី៣០ ខែឧសភា ឆ្នាំ២០១៥ ថ្ងៃសៅរ៍និងអាទិត្យ (២៤ម៉ / ៣សប្តាហ៍)

ពេលវេលា៖០១:៣០ - ០៥:៣0 រសៀល (សៅរ៍)

០៨:០០ - ១២:00 ព្រឹក (អាទិត្យ)

ថ្ងៃផុតកំណត់៖ ថ្ងៃទី២៩ ខែឧសភា ឆ្នាំ២០១៥

តម្លៃសិក្ស៖

-$120.00 ដុល្លារ

-បង់ត្រឹមតែ $100.00 សម្រាប់ការចុះឈ្មោះមុនថ្ងៃទី១១ ខែឧសភា ឆ្នាំ២០១៥

-សម្រាប់ការចុះឈ្មោះជាក្រុម៥នាក់ នឹងទទួលបានការចុះឈ្មោះដោយឥតគិតថ្លៃមួយនាក់

-សិក្ខាកាមដែលមធ្លាប់សិក្សាវគ្គជំនាញពីមុនមកបញ្ចុះតម្លៃ ២៥%

អាស័យដ្ឋាន អគារ លេខ៥C ជាប់ខាងត្បូងវត្តមហាមន្ត្រី ផ្លូវលេខ២៨៤កែងផ្លូវលេខ១៦៣ សង្កាត់អូឡាំពិក ខណ្ឌចំការមន Tel: 855(0) 93 888 772 

E-mail: men.tum@hrcambodia.com  

Website: www.hrcambodia.com

Detail info: http://www.hrcambodia.com/training/sm.

កម្លាំងនគរបាល ខណ្ឌទួលគោក បង្ក្រាបករណី ឆក់ទូរស័ព្ទដៃ ឃាត់ខ្លួន ជនសង្ស័យ៣នាក់

E-mail Print PDF

ភ្នំពេញ ៖ កម្លាំងនគរបាលល្បាត នៅប៉ុស្តិ៍ទឹកល្អក់ទី៣ ខណ្ឌទួល គោក កាលពីវេលាម៉ោង ៧៖២០នាទី យប់ថ្ងៃទី២៣ ខែឧសភា ឆ្នាំ២០១៥ បានឃាត់ខ្លួនជន សង្ស័យ០៣នាក់ ជាក់ស្តែង ពីបទ ឆក់ទូរស័ព្ទ ប្រព្រឹត្តនៅ ចំណុចមុខផ្ទះលេខ៩A ផ្លូវ លេខ ២៦១ ក្រុមទី២០ សង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ។

មន្រ្តីនគរបាល ព្រហ្មទណ្ឌ ខណ្ឌទួលគោក បានឲ្យដឹងថា ជន សង្ស័យទី១-ឈ្មោះ សុន រិទ្ធី ហៅធី ភេទប្រុស អាយុ១៩ឆ្នាំ មុខរបរ ពុំពិតប្រាកដ ស្នាក់នៅផ្ទះជួល ម្តុំលូប្រាំ ផ្លូវលំ សង្កាត់ ស្ទឹងមានជ័យ ខណ្ឌមានជ័យ ជាអ្នកបើកម៉ូតូ។ ទី២-ឈ្មោះ លី នូរិន ហៅ រិន ភេទ ប្រុស អាយុ១៨ឆ្នាំ មុខរបរពុំពិតប្រាកដ ស្នាក់នៅ ផ្ទះជួលម្តុំ ផ្សារដីហុយ សង្កាត់ភ្នំពេញថ្មី ខណ្ឌសែនសុខ រាជធានី ភ្នំពេញ អ្នកឆក់ និងទី៣-ឈ្មោះ ហ៊ី ប៉ូច ហៅ ហ ភេទប្រុស អាយុ ១៨ឆ្នាំ មុខរបរ ពុំពិតប្រាកដ ស្នាក់នៅផ្ទះជួល សង្កាត់ស្ទឹងមានជ័យ ខណ្ឌមានជ័យ ។

ដោយឡែក ជនរងគ្រោះមានឈ្មោះ ហេង សុវផាឌី អាយុ២៣ឆ្នាំ មុខរបរ អ្នកឌីហ្សាញសំណង់ ស្នាក់នៅផ្ទះលេខ៤B ផ្លូវលេខ ២៧១ សង្កាត់ទឹកថ្លា ខណ្ឌសែនសុខ។

តាមមន្រ្តីនគរបាល ដដែល មុនពេលកើតហេតុ ជនរងគ្រោះ និងមិត្តភ័ក្រ្តបាន ជិះម៉ូតូមកឈប់ នៅកន្លែងកើតហេតុដើម្បី ទិញកាតបញ្ចូល ពេលកំពុងកាន់ ទូរស័ព្ទចុចបញ្ចូលកាត ស្រាប់តែក្រុមជនសង្ស័យ បានជិះម៉ូតូអែប ខាងឆ្វេង ក៏ធ្វើសកម្មភាពឆក់ទូរស័ព្ទបាន សម្រេច ព្យាយាមជិះគេចខ្លួន បានរអិលដួល ភ្លាមនោះជន រងគ្រោះស្រែក ចោរៗ ស្រាប់តែ កំលាំល្បាតរបស់នគរបាល ប៉ុស្តិ៍ទឹកល្អក់ទី១ មកដល់បាន អន្តរាគមន៍ ឃាត់ខ្លួនជាក់ស្តែងតែម្តង។

ក្រោយបង្ក្រាប ជនសង្ស័យទាំង៣នាក់ កម្លាំងនគរបាល បានដកហូត ទូរស័ព្ទដៃ ០១គ្រឿងម៉ាក I Phone5S  និង ដកហូតម៉ូតូរបស់ ជនសង្ស័យ មួយគ្រឿង ម៉ាកHonda C125 ពណ៌ខ្មៅ 2014 ពាក់ស្លាកលេខ 1 CF-0465 ។ បច្ចុប្បន្នជនសង្ស័យ កំពុងឃាត់ខ្លួននៅអធិការដ្ឋាន ដើម្បីកសាងសំណុំរឿងបញ្ជូន ទៅតុលាការចាត់ការតាមផ្លូវច្បាប់៕

សម្តេចតេជោ ហ៊ុន សែន ធ្វើបឋកថាបង្ហាញ គោលនយោបាយ «ឈ្នះ ឈ្នះ» ដល់សមាជិក សមាជិកា CPP

E-mail Print PDF

ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និងជាស្ថាបនិកនៃគោលនយោ បាយ «ឈ្នះ ឈ្នះ» នៅព្រឹកថ្ងៃទី២៤ ខែឧសភា ឆ្នាំ២០១៥នេះ បានអញ្ជើញធ្វើបឋកថា បង្ហាញនូវគោលនយោបាយ និងទ្រឹស្តីរបស់ខ្លួន ជូនដល់សមាជិក សមាជិកាគណបក្សប្រជាជនកម្ពុជា (CPP) រាប់រយនាក់នៅទីស្នាក់ការ កណ្តាលគណបក្សប្រជាជនកម្ពុជា។

លោក ផៃ ស៊ីផាន មន្រ្តីជាន់ខ្ពស់ នៃរាជរដ្ឋាភិបាលកម្ពុជា បានថ្លែងថា ការធ្វើបឋកថា គោលនយោបាយ «ឈ្នះ ឈ្នះ» នេះ សម្តេចតេជោ ហ៊ុន សែន នឹងលើកឡើងអំពីយុទ្ធសាស្ត្រ ទទួលបានជោគជ័យ និង មានប្រសិទ្ធភាព ក្នុងបង្រួបបង្រួមស្វែងរកសន្តិភាព និងនាំក្រុមឧទ្ទាមខ្មែរក្រហមឲ្យធ្វើសមាហរណកម្មចូលរដ្ឋាភិបាល និងយុទ្ធ សាស្រ្តឈ្នះឈ្នះផ្សេងៗជាច្រើនទៀត ក្នុងការដឹកនាំរាជរដ្ឋាភិបាល និង យុទ្ធសាស្ត្របង្រួបង្រួមជាតិផងដែរ។ ការធ្វើបឋកថានេះ ក៏នឹងភ្ជាប់ជាមួយនឹងសាក្សីនៅក្នុងរបបខ្មែរក្រហម និង សាក្សីនៅក្នុងកិច្ចព្រមព្រៀងថ្ងៃទី២៣ ខែតុលា នាទីក្រុងប៉ារីសផងដែរ។

មន្រ្តីជាន់ខ្ពស់រូបនោះក៏បានបញ្ជាក់ថា ការពន្យល់ជូនទ្រឹស្តីទៅកាន់សមាជិកគណបក្សប្រជាជនកម្ពុជា នៅថ្ងៃអា ទិត្យនេះ ជាមេរៀនប្រវតិ្តសាស្ត្ររបស់កម្ពុជា ដែលទទួលបាននូវការផ្សះផ្សាររកសនិ្តភាពសម្រាប់ប្រទេសជាតិ ហើយក៏សម្រាប់ចែកចាយ និងផ្សព្វផ្សាយទៅដល់បណ្តាប្រទេសនានាលើពិភពលោក ដែលកំពុងជួបសង្រ្គាមស៊ី វិល។

នាយករដ្ឋមន្រ្តី ហ៊ុន សែន ធ្លាប់មានប្រសាសន៍ថា ចាប់តាំងពីសម្តេចឡើងទទួលខុសលើជោគវាសនាប្រទេសជាតិ ក្នុងវ័យត្រឹមជាង ២០ឆ្នាំនោះ សម្តេចបានដើរតួចរចាស្វែងរកនូវសន្តិភាព និងការបង្រួបបង្រួមសម្រាប់ជាតិ ច្រើន ជាងការប្រើប្រាស់កម្លាំង។ ដូច្នេះបឋកថា របស់សម្តេចនៅថ្ងៃនេះ មានអត្ថន័យធំធេងសម្រាប់ប្រជាជាតិខ្មែរ គឺជា ចង់បង្ហាញថា មានតែការចរចា ការសន្ទនា ការផ្សះផ្សារប៉ុណ្ណោះ ជាមធ្យោបាយដ៏ប្រសើរបំផុតសម្រាប់ប្រទេស ដែលធ្លាប់ខ្ទេចខ្ទីដោយសង្រ្គាមមួយនេះ៕

Page 2 of 361