aaa

Thursday, Feb 11th

| English Version | dapnews: 012 722 337, 097 9999 883, email: soyvicheth@gmail.com

ក្រសួងយុត្តិធម៌ ភ្ជាប់ប្រព័ន្ធ Telegram ដើម្បីផ្ដល់ព័ត៌មាន ទៅវិញទៅមក ឲ្យឆាប់រហ័ស

E-mail Print PDF

ភ្នំពេញ ៖ ក្រសួងយុត្តិធម៌ ភ្ជាប់ប្រព័ន្ធតេឡេក្រាម (Telegram) ដើម្បីធានាបាននូវភាពឆាប់រហ័ស និងមាន ប្រសិទ្ធិភាព ក្នុងការផ្ដល់ព័ត៌មាន ទៅវិញទៅមក សម្រាប់ក្រុមមន្រ្តីរបស់ក្រសួង។

 យោងតាមសេចក្ដីជូនដំណឹង របស់ក្រសួងយុត្តិធម៌ នៅថ្ងៃទី១០ ខែកុម្ភៈ ឆ្នាំ២០១៦បានឲ្យដឹងថា ក្រសួង បានជ្រើសរើសនូវកម្មវិធី បណ្ដាញទំនាក់ទំនង Telegram សម្រាប់ជាប្រព័ន្ធទំនាក់ទំនងរបស់ក្រសួង ហើយ ក្រសួងក៏បានរៀបចំនូវ Group Telegram សម្រាប់បណ្ដុំថ្នាក់ដឹកនាំ និងមន្ដ្រីរាជការក្រសួង ក្នុងការផ្តល់ ព័ត៌មានផ្សេងៗ។

 ប្រភពខាងលើ ក៏បានផ្សព្វផ្សាយ មន្ដ្រីក្រោមឱវាទទាំងអស់ ឲ្យប្រើប្រាស់នូវកម្មវិធី Telegram និងផ្ដល់នូវ បញ្ជីស្ថិតិដូចមាន ក្នុងតារាងដែលជាឧបសម្ព័ន្ធ នៃលិខិតនេះមកក្រុមការងារព័ត៌មាន ឲ្យបានមុនដំណាច់ខែកុម្ភៈ ឆ្នាំ២០១៦ ៕

គណបក្ស ខ្មែររួបរួមជាតិ កែប្រែសញ្ញា សម្គាល់បក្ស តាមសំណើ ក្រសួងមហាផ្ទៃ

E-mail Print PDF

ភ្នំពេញ៖ គណបក្ស ខ្មែររួបរួមជាតិ នៅថ្ងៃទី១១កុម្ភៈឆ្នាំ២០១៦ នេះបានសម្រេចបញ្ជូន សញ្ញាសម្គាល់ គណបក្សថ្មី ទៅក្រសួងមហាផ្ទៃ បន្ទាប់ពីក្រសួងមហាផ្ទៃ ស្នើឲ្យធ្វើការផ្លាស់ ប្តូរសញ្ញាសម្គាល់ គណបក្ស ជាថ្មីឡើងវិញ ដោយសារតែមានលក្ខណៈដូចទៅនឹង សញ្ញាសម្គាល់គណបក្សដទៃ ដែលបានប្រើប្រាស់ រួចហើយ។

នៅក្នុងលិខិតរបស់សម្តេចក្រឡាហោម ស ខេង ដែលផ្ញើជូនទៅលោក ញឹក ប៊ុនឆៃតំណាងស្ថាបនិក គណបក្ស ខ្មែររួបរួមជាតិ ចេញកាលពីម្សិលមិញបានឱ្យដឹងថា “ក្រសួងមហាផ្ទៃបានពិនិត្យឃើញថា សញ្ញា សម្គាល់របស់គណបក្ស ខ្មែររួបរួមជាតិ គឺជាសញ្ញាសម្គាល់ដែលគណបក្សនយោបាយផ្សេង បានប្រើប្រាស់ រួចមកហើយ។ ដូច្នេះក្រសួងមហាផ្ទៃស្នើសុំឱ្យឯកឧត្តម ធ្វើការផ្លាស់ប្តូរសញ្ញាសម្គាល់ របស់គណបក្សឡើងវិញ ដើម្បីឱ្យស្របតាមច្បាប់ ដែលបានកំណត់»។

នៅរសៀលថ្ងៃនេះដែរ លោក ញឹក ប៊ុនឆៃ បានឲ្យដឹងតាមទូរស័ព្ទថា  “យើងបានបញ្ជូនមន្រី្ត ជំនាញនាំយក សញ្ញាសម្គាល់គណបក្សថ្មី ទៅក្រសួងមហាផ្ទៃហើយ នៅវេលាម៉ោង៨ ថ្ងៃស្អែកសញ្ញាសម្គាល់គណបក្ស ខ្មែររួបរួមជាតិ នឹងបង្ហាញជាផ្លូវការ តាមលក្ខខណ្ឌច្បាប់ស្តីពីគណបក្ស នយោបាយ នៃព្រះរាជាណាចក្រកម្ពុជា”៕

ប្រុសស្រី ២នាក់ ត្រូវបាន នគរបាលឃាត់ខ្លួន នៅកន្លែងផ្សេងគ្នា ពាក់ព័ន្ធ ករណីចែកចាយថ្នាំញៀន

E-mail Print PDF

ស្វាយរៀង៖ កម្លាំងនគរបាលខេត្តស្វាយរៀង នៅថ្ងៃទី១០ ខែកុម្ភៈ កន្លងទៅនេះ បានធ្វើការឃាត់ខ្លួន ជនសង្ស័យប្រុសស្រី ២នាក់ នៅកន្លែងផ្សេងគ្នា ពាក់ព័ន្ធ និងករណីចែកចាយថ្នាំញៀន នៅក្រុងស្វាយរៀង និងក្រុងបាវិត។

នគរបាលខេត្តស្វាយរៀងបានអោយដឹងថា ជនសង្ស័យ ដែលត្រូវឃាត់ខ្លួន ទី១.ឈ្មោះ ហឹង ដាវី ភេទស្រីអាយុ ១៩ឆ្នាំ មុខរបរមិនពិតប្រាកដ មានទីលំនៅ ក្នុងភូមិបាក់រនាស់ សង្កាត់សង្ឃ័រ ក្រុងស្វាយរៀង និងទី២.ឈ្មោះ កែវ សុភក្រ័ អាយុ ៣៤ឆ្នាំ មុខរបរមិនពិតប្រាកដ មានទីលំនៅរាជធានីភ្នំពេញ ត្រូវបានឃាត់ខ្លួនខណៈ មកស្នាក់នៅផ្ទះជួលយីហោគឹមលី នៅសង្កាត់បាវិតក្រុង បាវិតបានរយៈពេល២ថ្ងៃប៉ុណ្ណោះ។

ការឃាត់ខ្លួនជនសង្ស័យទាំង ២នាក់នេះ សមត្ថកិច្ចអូសបាន  ថ្នាំញៀន ប្រភេទម៉ាទឹកកក ៩កញ្ចប់ (៤កញ្ចប់ធំ និង ៥កញ្ចប់តូច) ទូរស័ព្ទដៃ ១ គ្រឿង និងសំភារៈ ប្រើប្រាស់គ្រឿងញៀន មួយចំនួន ព្រមទាំងកសាងសំណុំរឿង ទៅស្នងការដ្ឋាននគរបាល ខេត្តចាត់ការតាមច្បាប់៕

គណបក្ស យុវជនកម្ពុជា បដិសេធថា មិនបានបង្កើត ហ្វេសប៊ុក ដាក់រូបលោក ហ៊ុន ម៉ាណែត

E-mail Print PDF

ភ្នំពេញ៖ គណបក្សយុវជនកម្ពុជា ដែលមានលោកពេជ្រ ស្រស់ ជាប្រធាននៅថ្ងៃទី១១ ខែកុម្ភៈ ឆ្នាំ២០១៦នេះ បានបដិសេធថា គណបក្ស មិនបានបង្កើតហ្វេសប៊ុក (Account Face book) សម្រាប់គណបក្សប្រចាំខេត្តដាក់រូប Profile លោក ហ៊ុន ម៉ាណែតនោះទេ។

យោងតាម សេចក្ដីប្រកាសព័ត៌មាន គណបក្សយុវជនកម្ពុជា នៅរសៀលថ្ងៃទី១១ ខែកុម្ភៈនេះ បានឲ្យដឹងថា ការបង្កើតហ្វេសប៊ុកនេះ មានជនខិលខូចមួយចំនួន បានបង្កើត Face bookហើយ ដាក់រូបProfile លោក ហ៊ុន ម៉ាណែត ដែលជារូបកូនសម្តេចតេជោ ហ៊ុន សែន នាយករដ្ឋមន្រ្ដីកម្ពុជា ធ្វើឲ្យមានការយល់ច្រឡំធំ។

សេចក្តីប្រកាសព័ត៌មានបន្តថា “ប្រធានគណបក្សយុវជនកម្ពុជា សូមអំពាវនាវដល់សមត្ថកិច្ចគ្រប់ជាន់ថ្នាក់ មេត្តាជួយវែកមុខរកជនខិលខូច មមកផ្ដន្ទាទោសតាមច្បាប់ជាធរមាន ដើម្បីរកយុត្តិធម៌ជូនគណបក្ស យុវជនកម្ពុជា និងជូនលោកហ៊ុន ម៉ាណែត ជាម្ចាស់រូបក្នុង Profile នៃAccount Face BooK ក្លែងក្លាយនេះដែរ”៕

Photo by DAP-News

Photo by DAP-News

អាជីវករលក់ដូរ​ ពីរគ្រួសារ ម្នាក់ឈ្នះ៣ម៉ឺនដុល្លារ ម្នាក់ឈ្នះទឹកប្រាក់ ៤ម៉ឺនដុល្លារ ពីក្រុមហ៊ុនសែលកាត

E-mail Print PDF

ភ្នំពេញ៖ ថ្ងៃទី១១ ខែកុម្ភៈនេះ  រង្វាន់ដ៏ធំ៧ម៉ឺនដុល្លារ ជាថ្មីទៀត សម្រាប់អតិថិជន ២រូបផ្សេងគ្នា ដោយម្នាក់មានសំណាងឈ្នះ ៤ម៉ឺនដុល្លារ និងម្នាក់ទៀតឈ្នះ៣ម៉ឺនដុល្លារ ត្រូវបានក្រុមហ៊ុន សែលកាត ប្រគល់ជូនពួកគាត់ នៅទីស្នាក់ការ កណ្តាលក្រុមហ៊ុន បន្ទាប់ពីបាន ឈ្នះក្នុងកម្មវិធី «ឈ្នះ១ម៉ឺនដុល្លារ រៀងរាល់ថ្ងៃ»។

អ្នកឈ្នះរង្វាន់ទី១ មានឈ្មោះ ថុង  ពិសី ភេទស្រី មានមុខរបរ ជាអ្នកលក់ដូរ និងជាអតិថិជនដែលមាន សំណាងឈ្នះរង្វាន់៣ម៉ឺនដុល្លារ មានទីលំនៅបច្ចុប្បន្ន ស្រុកខ្សាច់កណ្ដាល ខេត្ដកណ្ដាល និងទី២ លោក ជួប សំណាង មុខរបរជាអាជីវករដូចគ្នា បានឈ្នះរង្វាន់៤ម៉ឺនដុល្លារ ពីក្រុមហ៊ុនសែលកាត។

ទោះជាយ៉ាងណា មិនថាអ្នកមាន ឬក៏អ្នកក្រនោះទេ នៅពេលដែលត្រូវ រង្វាន់មិនថាតិចឬច្រើន គឺតែងតែមានអារម្មណ៍រំភើបត្រេកអរ ជាមួយបងប្អូន និងក្រុមគ្រួសារជាមួយនឹងសំណាងរបស់ខ្លួន!។

លោក ជួប សំណាង បានថ្លែងទាំងទឹកចិត្ត សប្បាយរីករាយ ជាមួយនឹងទឹកប្រាក់៤ម៉ឺនដុល្លារ នៅក្នុងដៃថា «នេះជាសំណាងដ៏ធំ សម្រាប់រូបខ្ញុំដែលមិននឹកស្មានដល់នោះទេ ដែលបានឈ្នះរង្វាន់៤ម៉ឺនដុលា្លរ ពីក្រុម CellCard ។ នៅពេលដែលខ្ញុំ កំពុងតែរវល់ហូបអីជាមួយមិត្តភក្ដិ ស្រាប់តែមានអតិថិជនជាច្រើន បានខលមកប្រាប់ថា ឈ្នះរង្វាន់៤ម៉ឺនដុល្លារពេលនោះ ខ្ញុំពុំមានការចាប់អារម្មណ៍ រហូតអ្នកខលមកច្រើនពេកខ្ញុំក៏ពុំទាន់ជឿដែល រហូតដល់ខាងក្រុមហ៊ុន ខលប្រាប់បានខ្ញុំជឿ ថានេះពិតជាត្រូវរង្វាន់មែន ពេលនោះខ្ញុំក៏បានប្រាប់ប្រពន្ធកូន របស់ខ្ញុំពួកគាត់ពិតជាសប្បាយរីករាយយ៉ាងខ្លាំង គ្មានអ្នកណាហូបបាយបាននោះទេ គឺគិតតែមានអារម្មណ៍ រំភើបពេញមួយផ្ទះ។ សម្រាប់ថវិកា ដែលលោកទទួលបាននេះ លោក និងយកទៅផ្គត់ផ្គង់គ្រួសារ ទុកសម្រាប់ពង្រីកមុខរបរបន្ថែម» ។

សូមបញ្ជាក់ថា ដើម្បីទទួលបានឱកាស ឈ្នះរង្វាន់ពី កម្មវិធី “ឈ្នះ១ម៉ឺនដុល្លារ រៀងរាល់ថ្ងៃ” ដូចរូបលោកជួប សំណាង និង អ្នកស្រី ថុង ពិសី សូមអតិថិជន សែលកាតទាំងអស់ គ្រាន់តែហៅទូរស័ព្ទទៅកាន់ លេខ ៨៨៨៨ ឬផ្ញើសារដោយសរសេរ អក្សរ 10k ទៅកាន់លេខ 8888 ឱ្យបានមុនម៉ោង៤ល្ងាច នឹងទទួលបានលេខ កូដ៦ខ្ទង់ ដើម្បីចាប់រង្វាន់។

ការផ្តល់រង្វាន់ ជាទឹកប្រាក់ចាប់ពី១ម៉ឺនដុល្លារ រហូតដល់ ៥ម៉ឺនដុល្លារ បានធ្វើឲ្យកក្រើក ទាំងរាជធានីភ្នំពេញ និងបណ្តាខេត្តនានា នៅក្នុងប្រទេសកម្ពុជា ហើយរង្វាន់នេះគឺជារង្វាន់ធំ៤ម៉ឺន និង3ម៉ឺនដុល្លារជាថ្មីទៀត ដែលក្រុមហ៊ុនសែលកាត ផ្តល់ជូនដល់អតិថិជនទំាង២រូប នៅថ្ងៃតែមួយនៅក្រុមហ៊ុនCellCard ៕

ក្រសួង ឧស្សាហកម្ម អំពាវនាវ ឲ្យក្រុមហ៊ុន មួយចំនួន ចុះបញ្ជី និងទទួលទិដ្ឋាការ ពីវិទ្យាស្ថាន ស្ដង់ដារកម្ពុជា

E-mail Print PDF

ភ្នំពេញ៖ ក្រសួងឧស្សាហកម្ម និងសិប្បកម្ម បានអំពាវនាឲ្យក្រុមហ៊ុនមួយចំនួនមកចុះ បញ្ជីវិញ្ញាបនបត្រ បញ្ជាក់ប្រព័ន្ធគ្រប់គ្រង នៅវិទ្យាស្ថានស្ដង់ដារកម្ពុជា នៃក្រសួងឧស្សាហកម្ម។

ការអំពាវនាវរបស់ក្រសួងនេះ  ក្រោយពីមានក្រុមហ៊ុនមួយចំនួន ក្លែងបន្លំផ្សព្វផ្សាយ ពីការទទួលបានវិញ្ញាបនបត្រ បញ្ជាក់ប្រព័ន្ធគ្រប់គ្រងនេះដែរ តាមការពិតក្រុមហ៊ុនទាំងនោះ ពុំបានទទួលវិញ្ញាបនបត្របញ្ជាក់ ប្រព័ន្ធគ្រប់គ្រងមួយណានៅឡើយទេ។

យោងតាម សេចក្ដីជូនដំណឹងក្រសួងឧស្សាហកម្ម ដែលមជ្ឈមណ្ឌលព័ត៌មានដើមអម្ពិល ទទួលបាននៅថ្ងៃទី១១ ខែកុម្ភៈ ឆ្នាំ២០១៦នេះ បានឲ្យដឹងថា “ យោងតាមមាត្រា៤៨ នៃច្បាប់ស្ដីពីស្ដង់ដារកម្ពុជា បានចែងថា គ្មានបុគ្គល ឬអង្គភាពណាមួយ អាចផ្សព្វផ្សាយ ពាណិជ្ជកម្ម អំពីការទទួលវិញ្ញាបនបត្រ បញ្ជាក់ប្រព័ន្ធណាមួយ ទោះបីអង្គភាពនោះបាន ទទួលវិញ្ញាបនបត្រចេញដោយ អង្គភាព ចេញវិញ្ញាបនបត្រនៅក្នុងប្រទេស ឬក្រៅប្រទេសក៏ដោយ វៀរលែងបាន ចុះបញ្ជី និងបានទទួលទិដ្ឋាការ ពីវិទ្យាស្ថានស្ដង់ដារកម្ពុជា”។

ក្រសួងឧស្សាហកម្ម ណែនាំដល់ក្រុមហ៊ុន ឬអង្គភាពណាមួយ ដែលទទួលបានវិញ្ញាបនបត្រ បញ្ជាក់ប្រព័ន្ធគ្រប់គ្រង ឲ្យចុះបញ្ជីនិងទទួល ទិដ្ឋាការពីវិទ្យាស្ថានស្ដង់ដារកម្ពុជា មុននឹងធ្វើការផ្សព្វផ្សាយពាណិជ្ជកម្ម តាមប្រព័ន្ធផ្សព្វផ្សាយណាមួយ។ ជនណាដែលបន្លំ ឬផ្សព្វផ្សាយ ពាណិជ្ជកម្មដោយពុំបានស្នើសុំទិដ្ឋាវិទ្យាស្ថានស្ដង់ដារកម្ពុជាទេ នឹងត្រូវទទួលទោសតាមច្បាប់ ស្ដង់ដារកម្ពុជា៕

Photo by DAP-News

ជនជាតិ ហូឡង់ វាយកម្ទេច ទ្រព្យសម្បត្តិនគរបាល និងកាត់សោរ បន្ទប់ឃុំឃាំង ត្រូវដោះលែង ដោយពិន័យ ៤លានរៀល

E-mail Print PDF

ភ្នំពេញ៖ ព្រះរាជអាជ្ញារង អមសាលាដំបូងរាជធានីភ្នំពេញ លោកស្រី ស៊ឺ វណ្ណី បានសម្រេចដោះលែង បុរសជនជាតិហូឡង់ម្នាក់ ដែលត្រូវបាននគរបាលចរាចរណ៍រាជធានីភ្នំពេញ បញ្ជូនមកដើម្បីសាកសួរ ពីដំណើររឿងបំផ្លិចបំផ្លាញទ្រព្យសម្បត្តិ និងកាត់សោរនៅក្នុងបន្ទប់ឃុំឃាំង របស់សមត្ថកិច្ចបម្រុងរត់គេចខ្លួន ប៉ុន្តែជនជាតិហូឡង់រូបនេះ ត្រូវបានពិន័យប្រាក់ចំនួន ៤លានរៀល ហើយនីតិវិធីសវនាកា នៅតែបន្តដដែលនៅពេលខាងមុខឆាប់ៗនេះ។

បើតាមមន្រ្តី សាលាដំបូងរាជធានីភ្នំពេញ បានឲ្យដឹងថា ក្រោយពីបានសួរនាំ បុរសជនជាតិហូឡង់ នេះអស់មួយព្រឹក លោកស្រី ស៊ឺ វណ្ណី ព្រះរាជអាជ្ញារង អមសាលាដំបូងរាជធានីភ្នំពេញ បានសម្រេចដោះលែង ឲ្យមានសេរីភាពឡើងវិញ ដោយបានពិន័យប្រាក់ចំនួន ៤លានរៀល តែ សំណុំរឿងនេះ តុលាការនៅតែ បន្តនីតិវិធីដដែល ពោល គឺនឹងបើកសវនាការ ជំនុំជម្រះនាពេលឆាប់ៗខាងមុខ។

លោក Niels Heico Come Van Klooster អាយុ ២៨ឆ្នាំ ជនជាតិហូឡង់ កាន់លិខិតឆ្លងដែនលេខ NRB71J130 ចុះថ្ងៃទី១៣ ខែមិថុនា ឆ្នាំ២០១៤ មានទីលំនៅផ្ទះជួល លេខ១២ ផ្លូវលេខ២៤០ សង្កាត់បឹងត្របែក ខណ្ឌចំការមន ត្រូវបាននគរបាលចរាចរណ៍ ឃាត់ខ្លួនកាលពី រំលងអាធ្រាត្រថ្ងៃទី១០ ខែកុម្ភៈ ឆ្នាំ២០១៦ នៅចំណុចផ្លូវជាតិលេខ៥ ត្រង់ចំណុចមុខផ្សារតូច សង្កាត់ទួលសង្កែ ខណ្ឌឫស្សីកែវ។

មូលហេតុនៃការឃាត់ខ្លួននេះ ត្រូវរាយការណ៍មកថា នៅយប់កើតហេតុ គណៈកម្មការចម្រុះ ចុះត្រួតពិនិត្យគ្រឿងស្រវឹង បានធ្វើការឃាត់ខ្លួន បុរសជនជាតិហូឡង់រូបនេះ ជិះម៉ូតូម៉ាក YAMAHA FINO ពណ៌ទឹកប្រាក់ ពាក់ស្លាកលេខកំពង់ចាម 1B-6409 ក្នុងស្ថានភាពស្រវឹង មានកម្រិតជាតិអាកុល 0,94mg/l។ រួចបាននំាយកទៅឃាត់ខ្លួន នៅក្នុងបន្ទប់ឃុំឃាំង នៃការិយាល័យចរាចរណ៍ផ្លូវគោក តែជននេះ បានបំផ្លិចបំផ្លាញ ទ្រព្យសម្បត្តិអង្គភាព ដោយគាស់សោរ និងបុកទំលាយពិដាន ក្នុងបំណងរត់គេចខ្លួន៕

កម្ពុជា-យូនីសេហ្វ ផ្តើមកិច្ចសហប្រតិបត្តិការ លើផែនការ សកម្មភាពថ្មី ប្រចាំប្រទេស សម្រាប់ ឆ្នាំ២០១៦-២០១៨

E-mail Print PDF

ភ្នំពេញ៖ រាជរដ្ឋាភិបាលកម្ពុជា និងអង្កការយូនីសេហ្វ នៅថ្ងៃទី១០ខែកុម្ភៈ ឆ្នាំ២០១៦កន្លងទៅនេះ បានចុះហត្ថលេខា ជាផ្លូវការលើផែនការសកម្មភាព នៃកម្មវិធីប្រចាំប្រទេសថ្មី សម្រាប់ឆ្នាំ២០១៦ ដល់ឆ្នាំ២០១៨ ។ ពិធីចុះហត្ថលេខាបានប្រព្រឹត្តទៅនៅទីស្តី ការក្រសួងផែនការ ក្រោមវត្តមានលោក ឆាយ ថន ទេសរដ្ឋមន្រ្តី រដ្ឋមន្រ្តីក្រសួងផែនការ តំណាងឲ្យរាជរដ្ឋាភិបាលកម្ពុជា និងលោកស្រី  Debora Comini ប្រធានយូនីសេហ្វប្រចាំប្រទេសកម្ពុជា។

ផែនការសកម្មភាពនេះ ត្រូវបានកំណត់និងឆ្លើយតបទៅនឹងឧបសគ្គចម្បងៗ ដែលបានរារាំង នូវការទទួលបាននូវសិទ្ធិរបស់កុមារនៅកម្ពុជា រួមទាំងបានបង្ហាញនូវវិស័យសំខាន់ៗ សម្រាប់កិច្ច សហប្រតិបត្តិការក្នុងរយៈពេលបីឆ្នាំខាងមុខ។ កម្មវិធីថ្មីប្រចាំប្រទេសនេះ ចែកចេញជា សមាសភាគ បួនសំខាន់ៗរួមមាន៖ ១-ការរស់រានមានជីវិត ការថែទាំ និងអភិវឌ្ឍន៍កុមារតូច ២-ការអប់រំប្រកប ដោយគុណភាពនិង បរិយាប័ន្ន ៣-បរិស្ថានការពារ និងទី៤-បរិយាប័ន្នសង្គមនិងអភិបាលកិច្ច។ ថវិកាដែលត្រូវការ សម្រាប់ដំណើរការកម្មវិធីរយៈពេលបីឆ្នាំនេះ មានប្រមាណ៦៥លានដុល្លារ។

លោក ឆាយ ថន ទេសរដ្ឋមន្រ្តី រដ្នមន្រ្តីក្រសួងផែនការ បានមានប្រសាសន៍ថា “កម្មវិធីសហ ប្រតិ បត្តិការ របស់យើងជាមួយនឹងយូនីសេហ្វកន្លងមក បានចូលរួមចំណែកលើកកម្ពស់ ជីវភាពរស់ នៅរបស់កុមារនិងស្រ្តីជាច្រើន តាមរយៈការអភិវឌ្ឍ និងការអនុវត្តគោល នយោបាយនិងច្បាប់នានា ក៏ដូចជាការ កែលំអប្រព័ន្ធនិងការផ្តល់សេវាកម្មរបស់យើងផងដែរ”។

លោកទេសរដ្ឋមន្រ្តីបន្ថែមថា “យើងក៏ទទួលស្គាល់ផងដែរថា នៅមានកុមារជាច្រើនទៀត ពុំទាន់ទទួល បានការគាំទ្រ។ យើងសប្បាយរីករាយដោយសារកម្មវិធីប្រចាំប្រទេសថ្មីនេះ នឹងផ្តោតការយកចិត្ត ទុកដាក់លើកុមារ ដែលងាយរងគ្រោះបំផុត ដែលធ្វើឲ្យមានកុមារ កាន់តែច្រើននៅកម្ពុជាមាន ឱកាសរស់រានមានជីវិត និងលូតលាស់ពេញវ័យប្រកបដោយសុខភាពល្អនិងផលិតភាពខ្ពស់”។

លោកស្រី Debora Comini ប្រធានយូនីសេហ្វប្រចាំនៅកម្ពុជាបានមានប្រសាសន៍ថា “សព្វថ្ងៃពេល ដែលកុមារកម្ពុជាកំពុងចម្រើនពេញវ័យ នៅក្នុងដំណាក់កាល ដែលសង្គមនិងសេដ្ឋកិច្ច មានការផ្លាស់ ប្តូរខ្លាំង ភាពរីកចម្រើនមិនបានផ្តល់ផលប្រយោជន៍ស្មើគ្នាដល់ប្រជាជនគ្រប់រូបទ្បើយ។ វិសមភាពអាចបន្តពីមួយជំនាន់ទៅជំនាន់មួយទៀត នៅក្នុងវដ្តជីវិតដែលគ្មានទីបញ្ចប់ ហើយដែល នឹងប៉ះពាល់ដល់សង្គមទាំងមូល។ ការវិនិយោគលើកុមារ គឺជាការវិនិយោគដ៏ល្អបំផុត ដែលប្រទេស កម្ពុជាអាចធ្វើបានសម្រាប់អនាគតរបស់ខ្លួន។”

យូនីសេហ្វបាននឹងកំពុងធ្វើការនៅកម្ពុជា ដើម្បីលើកកម្ពស់និងការពារសិទ្ធិកុមារ ដោយបានចាប់ផ្តើម ការងាររបស់ខ្លួននៅកម្ពុជាក្នុងឆ្នាំ១៩៥២ និងបានបើកការិយាល័យដំបូងក្នុងឆ្នាំ១៩៧៣ ក្រោមកិច្ចខិត ខំប្រឹងប្រែង រួមគ្នារវាងរាជរដ្ឋាភិបាល អង្គការមិនមែនរដ្ឋាភិបាល ដៃគូអភិវឌ្ឍ យូនីសេហ្វ និងភ្នាក់ងារ អភិវឌ្ឍន៍ដទៃទៀត ភាពរីកចម្រើនគួរឲ្យកត់សម្គាល់ជាច្រើនត្រូវបានធ្វើឲ្យកើតមានឡើង សម្រាប់ផ្តល់ អត្ថប្រយោជន៍ដល់ស្រ្តីនិងកុមារក្នុងប្រទេសកម្ពុជានៅលើវិស័យជាច្រើន ។ ប្រទេសកម្ពុជា មានចំនួន កុមារនិងក្មេងជំទង់ប្រមាណ៤៥ភាគរយនៃប្រជាជនសរុបមានអាយុតិចជាងឬស្មើ១៩ឆ្នាំ ។

សូមបញ្ជាក់ថា កម្មវិធីប្រចាំប្រទេសរបស់យូនីសេហ្វឆ្នាំ២០១៦-២០១៨ នឹងដំណើរការសម្រាប់ទូទាំង ប្រទេស ដោយនឹងផ្តោតសំខាន់ទៅលើខេត្ត ស្រុក និងឃុំ ទាំងទ្បាយណាដែលមានគម្លាតខ្ពស់ និងសូចនាករ អភិវឌ្ឍន៍កុមារមិនល្អ ដើម្បីធានាថាអន្តរាគមន៍នឹងអាចទៅដល់កុមារដែលងាយរងគ្រោះ និងលំបាកបំផុត៕

កម្លាំងអធិការដ្ឋាន នគរបាល ខណ្ឌសែនសុខ ចុះត្រួតពិនិត្យ អាវុធជាតិផ្ទុះ ឃាត់ខ្លួន ជនសង្ស័យ ៦នាក់

E-mail Print PDF

ភ្នំពេញ៖ កម្លាំងអធិការដ្ឋាន នគរបាលខណ្ឌសែនសុខ នៅថ្ងៃទី១០ ខែកុម្ភៈ ឆ្នាំ២០១៦ វេលាម៉ោង២៣ៈ០០នាទី បានដាក់គោលដៅត្រួតពិនិត្យអាវុធជាតិផ្ទុះ និងអនុវត្តច្បាប់ចរាចរណ៍ផ្លូវគោក តាមបណ្តោយផ្លូវលេខ១៩៨៦ សង្កាត់ភ្នំពេញថ្មី ឃាត់ខ្លួនជនសង្ស័យចំនួន ៦នាក់ ២ករណី ផ្សេងគ្នា ។

ប្រតិបតិ្តការ ចុះត្រួតពិនិត្យអាវុធជាតិផ្ទុះ និងអនុវត្តច្បាប់ចរាចរណ៍ផ្លូវគោក ឃាត់ខ្លួនជនសង្ស័យ ៦នាក់ ដោយកម្លាំងនគរបាលខណ្ឌសែនសុខ ឃាត់ខ្លួន២ករណីផ្សេងគ្នា គឺករណីទី១ នៅវេលាម៉ោង២៣ៈ០០នាទី បានធ្វើការឃាត់ខ្លួនជនសង្ស័យ ៣នាក់ ជិះម៉ូតូឌុបគ្នា ម៉ាកស្កុបពី ពាក់ស្លាកលេខ 1BX-6697 ខណៈនោះកម្លាំងនគរបាល ធ្វើការត្រួតពិនិត្យលើម៉ូតូ រកឃើញមានដាវសាំម៉ូរ៉ៃ ១ដើម ក៏បានឃាត់ខ្លួន ជនសង្ស័យទាំងបីនាក់នេះ មកសួរនាំ ជនសង្ស័យទី១ ឈ្មោះ លី លាងហាក់ ភេទប្រុស អាយុ ១៨ ឆ្នាំ មុខរបរមិនពិតប្រាកដ ស្នាក់នៅផ្ទះជួល សង្កាត់ច្បារអំពៅ ខណ្ឌច្បារអំពៅ, ទី២ ឈ្មោះ ហ៊ូ រិទ្ធីរាជ្យ ភេទប្រុស អាយុ ១៨ឆ្នាំ មុខរបរមិនពិតប្រាកដ ស្នាក់នៅផ្ទះជួល សង្កាត់ច្បារអំពៅ ខណ្ឌច្បារអំពៅ, ទី៣ ឈ្មោះ សន សុផាវត្តី ភេទស្រី អាយុ ១៨ឆ្នាំ មុខរបរមិនពិតប្រាកដ ស្នាក់នៅភូមិគោកឃ្លាង សង្កាត់ភ្នំពេញថ្មី ។

ចំណែកឯករណីទី២ ឃាត់ខ្លួន ៣នាក់ ពីបទប្រើប្រាស់សារធាតុញៀនដោយខុសច្បាប់ នៅវេលាម៉ោង២៣ៈ៣០នាទី បន្ទាប់ពីកម្លាំងនគរបាល ធ្វើការឆែកឆេរទៅជនសង្ស័យទាំងបី បានរកឃើញថ្នាំញៀនចំនួន១កូនថង់តូច ពេលនោះកម្លាំងនគរបាលក៏បានឃាត់ខ្លួនយកមកសួរនាំ ដោយជនសង្ស័យទី១ ឈ្មោះ ញឹម ដា ភេទស្រី អាយុ ១៨ឆ្នាំ មុខរបរមិនពិតប្រាកដ ស្នាក់នៅសង្កាត់ទួលសង្កែ ខណ្ឌឫស្សីកែវ, ទី២ ឈ្មោះ តិម ប៊ុមហុង ភេទប្រុស អាយុ ២០ឆ្នាំ មុខរបរមិនពិតប្រាកដ ស្នាក់នៅសង្កាត់ទួលស្វាយព្រៃ១ ខណ្ឌចំការមន, ទី៣ ឈ្មោះ ភា ថុនា ភេទប្រុស អាយុ ២០ឆ្នាំ មុខរបរមិនពិតប្រាកដ ស្នាក់នៅភូមិពោងពាយ សង្កាត់ភ្នំពេញថ្មី។

បច្ចុប្បន្នជនសង្ស័យទាំង ៦នាក់ ខាងលើ កម្លាំងនគរបាលខណ្ឌសែនសុខ ធ្វើការឃាត់ខ្លួនជាបណ្តោះអាសន្ន ដើម្បីកសាងសំណុំរឿងបញ្ជូនទៅតុលាការ៕

Photo by DAP-News

Photo by DAP-News

Photo by DAP-News

Photo by DAP-News

សម្ដេច ហ៊ុន សែន ទទួលស្គាល់ថា កសិករខ្មែរបញ្ចេញ ពលកម្មមិនរួចថ្លៃដើម

E-mail Print PDF

ភ្នំពេញ ៖ សម្ដេចនាយករដ្ឋមន្ត្រី ហ៊ុន សែន បានរំឭក ពីវិបត្តិសេដ្ឋកិច្ចពិភពលោក ក្នុងឆ្នាំ២០០៨ ដែលបានជះឥទ្ធិពលយ៉ាងខ្លាំង មកដល់សេដ្ឋកិច្ចកម្ពុជា ដែលបច្ចុប្បន្ននេះនាំឲ្យកសិករ ខ្មែរបញ្ចេញ ពលកម្មមិនរួចថ្លៃដើម។

ថ្លែងក្នុងឱកាសដាក់ សម្ពោធឲ្យប្រើប្រាស់ សាកលវិទ្យាល័យហេង សំរិន ត្បូងឃ្មុំនៅថ្ងៃទី១១ខែកុម្ភៈ ឆ្នាំ២០១៦នេះ សម្ដេចតេជោហ៊ុន សែន បញ្ជាក់ថា «ចាំបានទេនៅឆ្នាំ២០០៨ ស្រាប់តែតម្លៃស្បៀង ឡើង ហើយកសិករយើងត្រូវប៉ាន់។ ប៉ុន្តែពេលហ្នឹងអ្នកទទួលទានស្រែក! តែឥឡូវអ្នកទទួលទាន កំពុងសប្បាយព្រោះអ្វីៗថោករួមមាន សាំង និង អង្ករជាដើម»។

សម្ដេចបន្តថា នាពេលនេះពិភពលោកកំពុងដោះស្រាយ បញ្ហាផ្សេងៗរីឯកម្ពុជា ក៏កំពុងដោះស្រាយ បញ្ហារបស់ខ្លួនឯងផងដែរ។ សម្ដេចឲ្យដឹងទៀតថា នៅប្រទេសថៃបច្ចុប្បន្ន ក៏មានចម្ការកៅស៊ូខ្លះ ឈប់ចាក់ជ័រព្រោះមិនរួចថ្លៃជួលកម្មករ៕

Page 2 of 827