Dap News...Admin

ភ្នំពេញ៖ លោក ជុំ មី អ្នករស់រានមាន ជីវិតពីមន្ទីរ សន្តិសុខ ស-២១ ឬគុកទួលស្លែង ដែលប្រតិកម្ម យ៉ាងខ្លាំងទៅ លើសម្តី របស់អ្នក នយោបាយ លោក កឹម សុខា ដែលបាននិយាយថា គុកទួលស្លែង ជាគុកសិប្បនិម្មិតនោះ នឹងធ្វើសន្និសីទកាសែត ជាលើកទី២ នៅថ្ងៃទី០៤ ខែមិថុនា ឆ្នាំ២០១៣ វេលាម៉ោង ៨ ព្រឹក នៅគុកទួលស្លែង បន្ទាប់ពីឱសានវាទរយៈ ពេល ១០ ថ្ងៃតម្រូវឲ្យ លោក កឹម សុខា ត្រូវមក សុំទោស។  

សម្តីមួយម៉ាត់របស់ អ្នកនយោបាយរូបនេះ បានធ្វើឲ្យ អ្នករស់រានមានជីវិត និងប្រជាជនកម្ពុជា ក្តៅប្រហាយ និងឈឺចាប់ សាជាថ្មីម្តងទៀត នៅពេលពួកគាត់បាន ធូរស្រាល រួចហើយ ពីរបួសផ្លូវចិត្ត បន្ទាប់ពីមាន អង្គជំនុំជម្រះ វិសាមញ្ញ ក្នុងតុលាការកម្ពុជា ជំនុំជម្រះ ក្តីលើឧក្រិដ្ឋកម្ម ដែលប្រព្រឹត្តឡើងនៅ ក្នុងរបបខ្មែរក្រហម។  

លោក នង ចាន់ផល អតីត អ្នកទោសកុមារ និងអ្នករស់រានមាន ជីវិតពីមន្ទីរសន្តិសុខ ស-២១ ឬគុកទួលស្លែង ព្រមទាំង អ្នករស់រានមាន ជីវិតពីមន្ទីរសន្តិសុខ ស-២១ និង ជនរងគ្រោះ ដែលមានសាច់ញាតិស្លាប់ បាត់បង់ជីវិតនៅ គុកទួលស្លែង ជាច្រើនរូបទៀត នឹងចូលរួម នៅក្នុង សន្និសីទកាសែត នេះផងដែរ៕

ភ្នំពេញ ៖ មិត្ដអ្នកអានម្នាក់ ទំនងជា ធុញទ្រាន់នឹងសមត្ថកិច្ច ដេញចាប់ស្រីបោយ ដៃ នៅតាមសួនច្បារវត្ដភ្នំ ក៏ដូចជាចុះ បង្ក្រាបទីតាំងកោសជប់ លួចលាក់បង្កប់បន ពេស្យាចារ សម្រាប់ទាក់ម៉ូយក្រុមអ្នករត់ ម៉ូតូឌុប ឬក៏អ្នកមានលុយតិចតួចត្រូវការ បន្ធូរអារម្មណ៍ បញ្ជូនខ្លួនទៅតុលាការកាត់ ទោសខ្លាំងពេក គាត់ក៏បានទូរស័ព្ទមក ជម្រាបជំរាប់ប្រាប់នាយខ្វែកខ្ញុំ ឱ្យជួយខ្សឹប ប្រាប់សមត្ថកិច្ចថា បនពេស្យាបច្ចុប្បន្ននេះ មិនត្រឹមតែជ្រកក្រោមផ្លាកកោសជប់ ឬក៏ តៀមកាហ្វេ នៅតាមចិញ្ចើមផ្លូវប៉ុណ្ណោះទេ សូម្បីតែកន្លែងម៉ាស្សានៅតាមសណ្ឋាគារ ផ្ទះសំណាក់ធំៗក៏ជាសំបុកបនពេស្យាដែរ ។

មិត្ដអ្នកអានខាងលើបានខ្សឹបប្រាប់នាយ ខ្វែកឱ្យដឹងបន្ដថា មិនថា នៅភ្នំពេញ ឬនៅ តាមខេត្ដនោះទេ ឱ្យតែមានកន្លែងម៉ាស្សា នៅតាមសណ្ឋាគារ ឬផ្ទះសំណាក់ជាដើម នោះភាគច្រើនគឺសម្បូរបនពេស្យាជ្រកនៅ ក្នុងនោះ ព្រោះម្ចាស់អាជីវកម្មទទួលបាន ផលប្រយោជន៍ ពីសេវាកម្មនេះ ដោយទី មួយបានកម្រៃពីថ្លៃម៉ាស្សា ទីពីរបានកម្រៃ ពីថ្លៃចែកភាគរយជាមួយស្រីម៉ាស្សា ដែល ដេកជាមួយភ្ញៀវ និងទីបីបានកម្រៃពីថ្លៃ បន្ទប់សណ្ឋាគារ ដែលភ្ញៀវជួលដេកទៀត ផង ។ ក្នុងនោះមិត្ដអ្នកអានខាងលើបាន លើកឡើងថាគ្រាន់តែសណ្ឋាគារប៉ារីសដែល មានទីតាំងនៅតាមបណ្ដោយផ្លូវកម្ពុជា ក្រោមមួយ ក៏មានបម្រើសេវាកម្មខាងលើ នេះដែរ ។

អ្នកដែលធ្លាប់ចេញ-ចូល ម៉ាស្សាហើយ ឡើងគៀងទាជាមួយអាឡេវ នៅសណ្ឋា គារប៉ារីស បានខ្សឹបប្រាប់ថា បើគេចង់ទៅ រកសេវាខាងលើនេះ គឺគេទៅសណ្ឋាគារប៉ា រីសជាន់ទី២ នោះគេនឹងឃើញមានទូតាំង ស្រីស្រស់ស្អាតៗស្លៀកខ្លីៗ មានទាំងខ្មែរ មានទាំងវៀតណាម ។ ក្រោយពីរើសត្រូវ ហើយ គេអាចនាំនាងៗទៅជាន់ទី៣ ដែល ជាបន្ទប់ម៉ាស្សាដោយនាងៗទាំងអស់នោះ រង់ចាំបម្រើជានិច្ច ម៉ាស្សាទទេក៏បាន ម៉ាស្សា វ៉ៃសិចក៏បានឱ្យតែនិយាយត្រូវថ្លៃគ្នា មាន ចាប់ពី ២០ដុល្លារ រហូតដល់ ៥០ដុល្លារ ។  ចំណែកលុយដែលបានមកពីការវ៉ៃសិច ស្ដ្រី ទាំងអស់នោះ ត្រូវចែកជាមួយម្ចាស់ដោយ គេមានដាក់បុគ្គលិកឃ្លាំមើល ភ្ញៀវណាវ៉ៃ សិច ភ្ញៀវណាមិនវ៉ៃសិច គ្មានឱ្យបាត់មួយ ទេ (ពិនិត្យលើស្រោមអនាម័យតើមានប្រើ ប្រាស់ ឬអត់) ហើយបើស្រីម៉ាស្សា ឬបុគ្គ លិករូបណាហ៊ានភូតភ ឃុបឃិតគ្នាកិបកេង លុយតែហ៊ានថៅកែដឹងច្បាស់ជារងនូវការ ស្ដីបន្ទោសដូចឆ្កែដូចឆ្មា និងពិន័យជាមិន ខាន ។

ខាងលើនេះ គឺគ្រាន់តែជាការលួចខ្សឹប របស់ភ្ញៀវដែលធ្លាប់ចេញចូលឡើងគៀង ទាជាមួយអាឡេវនៅទីនោះតែប៉ុណ្ណោះ ឯ រឿងពិតយ៉ាងណានោះ សូមសមត្ថកិច្ច និង អង្គការជួយលើការងារបង្ក្រាបការជួញដូរផ្លូវ ភេទ ជួយចុះទៅអង្កេតមើលផង ថាតើមាន ការជួញ ដូរផ្លូវភេទនៅទីនោះដែរឬអត់ ?៕

ភ្នំពេញ៖ នៅរសៀលថ្ងៃទី៣១ ខែឧសភា ឆ្នាំ២០១៣នេះ ឯកអគ្គរដ្ឋទូតប្រទេសឥណ្ឌាលោក ឌីណេស ប៉ាតណែត ប្រចាំព្រះរាជាណាចក្រ កម្ពុជា បានចូលជួបសម្តែងការ គួរសមជាមួយ អភិបាលរាជធានីភ្នំពេញ លោក ប៉ា សុជាតិវង្ស នៅឯសាលា រាជធានីភ្នំពេញ ។

នាយកទីចាត់ការរដ្ឋបាល និងជាអ្នកនាំពាក្យសាលារាជធានីភ្នំពេញ លោក ឡុង ឌីម៉ង់ បានថ្លែងឲ្យដឹងថា នៅ រសៀលនេះ ឯកអគ្គរដ្ឋទូតឥណ្ឌាប្រចាំព្រះរាជាណាចក្រកម្ពុជា លោក ឌីណេស ប៉ាតណែត បានសុំជួបដើម្បី សម្តែងការគួរសមជាមួយអភិបាលរាជធានីភ្នំពេញ លោក ប៉ា សុជាតិវង្ស ដែលទើបទទួលតំណែងថ្មី ។

លោក ឡុង ឌីម៉ង់ ក៏បានថ្លែងបន្តទៀតថា ជាការឆ្លើយតបអភិបាលរាជធានីភ្នំពេញ លោក ប៉ា សុជាតិវង្ស ក៏ បានថ្លែងអំណរគុណចំពោះឯកអគ្គរដ្ឋទូតឥណ្ឌាប្រចាំកម្ពុជា ចំពោះជំនួបនេះ ដែលវាបញ្ជាក់ពីការលើកទឹកចិត្ត លោក ក្នុងការបន្ត ក៏ដូចជាការបំពេញភារៈកិច្ចក្នុងមុខតំណែងជាអភិបាលរាជធានីភ្នំពេញ ដែលជាបេះដូង នៃព្រះរាជាណាចក្រកម្ពុជា ។

អ្នកនាំពាក្យសាលារាជធានីភ្នំពេញ ក៏បានថ្លែងបញ្ជាក់ទៀតថា លោក ប៉ា សុជាតិវង្ស បានថ្លែងទៅកាន់ ឯកអគ្គរដ្ឋទូត ឥណ្ឌាអំពីបញ្ហាមួយចំនួន ដោយលោកលើកឡើងថា នៅក្នុងពិភពលោក ប្រទេសណាក៏ដូចជា ប្រទេសណាដែរ ទីក្រុងដែលមានចំនួនប្រជាជនលើសពី១ លាន នាក់ គឺត្រូវចាត់ទុកថាជាទីក្រុងធំ យ៉ាងណា ម៉េច រាជធានីភ្នំពេញក៏ដូច្នោះដែរ ប្រជាជនរស់នៅសព្វថ្ងៃមានជាង១ លាន នាក់ ដូច្នេះការអភិវឌ្ឍន៍គឺពិតជា មានច្រើន ស្របពេលជាមួយគ្នាផលប៉ះពាល់ខ្លះៗចំពោះប្រជាពលរដ្ឋក៏មានដែរ។ អភិបាលរាជធានីភ្នំពេញ ក៏បានថ្លែងទៅកាន់ គណៈប្រតិភូឥណ្ឌាថា ក្នុងតំណែងជាអភិបាលរាជធានី រួបលោក រួមនិងអាជ្ញាធរពាក់ព័ន្ធ និងខិតខំ ប្រឹងប្រែដោះស្រាយ ចំពោះបញ្ហា ប្រឈមទាំងនោះ ៕

ភ្នំពេញ ៖ ស្ដ្រីគ្រប់ខែឆ្លងទន្លេ ដែលមាន កូនភ្លោះ បានជួបគ្រោះអកុសលស្លាប់បាត់ បង់ជីវិតទាំងម្ដាយ និងកូនចោលប្ដី និងកូន ស្រីអាយុ ៦ឆ្នាំ កណ្ដោចកណ្ដែងខណៈដែល ស្ដ្រីរងគ្រោះ ត្រូវបានប្ដី និងសាច់ញាតិបញ្ជូន ទៅសម្រាលកូននៅមន្ទីរពេទ្យគាំពារមាតា និងទារក ហៅថា ពេទ្យជប៉ុន ប៉ុន្ដែបានស្លាប់ នៅទីនោះកាលពីយប់រំលងអាធ្រាត្រ ឈាន ចូលថ្ងៃទី៣១ ខែឧសភា ឆ្នាំ២០១៣។យ៉ាង ណាក៏ដោយ ការស្លាប់របស់ស្ដ្រីរងគ្រោះនិង កូនភ្លោះទាំងពីរនាក់នៅក្នុងផ្ទៃខាងលើនេះ ត្រូវបានប្រភពព័ត៌មានមួយចំនួន ចាត់ទុក ថា អាចបណ្ដាលមកពីជនរងគ្រោះតែម្ដង ដោយសារតែធ្លាប់មានជំងឺទឹកចូលសួត បណ្ដាលឱ្យមានអាការៈថប់ដង្ហើម ហើយ គាប់ជួននឹងដល់ពេលវេលា នៃការសម្រាល កូន ។

យោងតាមប្រភពព័ត៌មាន ពីសាច់ញាតិ ស្ដ្រីរងគ្រោះបានឱ្យដឹងថា នៅយប់ថ្ងៃទី៣០ ខែឧសភា ឆ្នាំ ២០១៣ ស្ដ្រីរងគ្រោះមាន អាការៈថប់ដង្ហើម និងឈឺពោះក៏ត្រូវបានប្ដី របស់ខ្លួន បញ្ជូនទៅកាន់មន្ទីរពេទ្យជប៉ុន ដើម្បីសម្រាលកូនភ្លោះ ប៉ុន្ដែ ពេលទៅដល់ មន្ទីរពេទ្យ នៅវេលាម៉ោង ១២ និង៣០ នាទីយប់រំលងអាធ្រាត្រ ស្ដ្រីរូបនេះបាន ស្លាប់ទាំងកូននៅក្នុងផ្ទៃតែម្ដង ។

បើតាមសាច់ញាតិស្ដ្រីរងគ្រោះរូបនេះ ឈ្មោះ គង់ ស្រីលក្ខណ៍ អាយុ ៣១ឆ្នាំ និង ប្ដីឈ្មោះ ផល ចាន់ឌី អាយុជាង ៣០ឆ្នាំ រស់ នៅភូមិដើមគ សង្កាត់ជ្រោយចង្វា ខណ្ឌ ឫស្សីកែវ មានមុខរបរជាអ្នករត់ម៉ូតូឌុប ។ តាមការរៀបរាប់របស់សាច់ញាតិបានឱ្យដឹង ថា ប្ដីប្រពន្ធទាំងពីរនាក់នេះបានរៀបការជា មួយគ្នាអស់រយៈពេលជិត ១០ឆ្នាំមកហើយ ដោយមានកូនស្រីម្នាក់អាយុ ៦ឆ្នាំ ហើយ ស្ដ្រីរងគ្រោះបានមានផ្ទៃពោះ និងនៅពេល ដែលគ្រូពេទ្យឆ្លុះអេកូ បង្ហាញលទ្ធផលថា  ស្ដ្រីរូបនេះមានកូនភ្លោះ ហើយត្រូវសម្រាល នៅអំឡុងថ្ងៃទី២៨ ឬ២៩ ខែឧសភា ឆ្នាំ ២០១៣ ។

លុះដល់ថ្ងៃកើតហេតុនេះស្ដ្រីរង គ្រោះ ដែលធ្លាប់មានជំងឺទឹកចូលសួតផង នោះ មានអាការៈថប់ដង្ហើម និងឈឺពោះ ហេតុដូច្នេះហើយ បុរសជាប្ដីដែលមានជីវ ភាពមិនធូរធា រួមទាំងសាច់ញាតិបានជួយ ដឹកបញ្ជូនភ្លាមៗ ទៅកាន់មន្ទីរពេទ្យជប៉ុន ប៉ុន្ដែ បានស្លាប់នៅទីនោះតែម្ដង ។ យ៉ាងណាក៏ដោយ មិនទាន់មានប្រភពព័ត៌មាន ច្បាស់ការណ៍ណាមួយបញ្ជាក់ថា ការស្លាប់ នេះ បណ្ដាលមកពីកត្ដាខ្លួនឯង ឬមួយការ មិនអើពើរបស់ក្រុមគ្រូពេទ្យ យ៉ាងណានោះ ទេ ។

ជុំវិញករណីនេះ មជ្ឈមណ្ឌលព័ត៌មាន ដើមអម្ពិល មិនអាចសុំការអត្ថាធិប្បាយ ពី លោកស្រី តុង រដ្ឋាវី នាយកមន្ទីរពេទ្យជប៉ុន បាននៅឡើយទេ នារសៀលថ្ងៃទី៣១ ខែ ឧសភា ឆ្នាំ ២០១៣ ដោយទូរស័ព្ទរបស់ លោកស្រីគ្មានអ្នកទទួល ៕

ស្វាយរៀង៖ ក្រុមការងារ សន្តិសុខ ព្រហ្មទណ្ឌ ខេត្តស្វាយរៀង សហការជា មួយអធិការដ្ឋាន នគរបាល ក្រុងបាវិត ខេត្តស្វាយរៀង បានឃាត់ខ្លួន ជនសង្ស័យចំនួន០២នាក់ ពាក់ព័ន្ធ និងករណីបង្ខាំងមនុស្សជំរិតទារ លុយដោយ ខុសច្បាប់ កាលពីល្ងាចថ្ងៃទី២៨ ខែឧសភា ឆ្នាំ២០១៣កន្លងទៅនេះ។

តាមប្រភពព័ត៌មាន មួយបាន ឲ្យដឹងថា ជនសង្ស័យដែលត្រូវបាន ឃាត់ខ្លួននោះមាន ចំនួន០២នាក់ ទី១-ឈ្មោះ មាឃ រ៉ាវី ហៅ គោ ភេទប្រុស អាយុ២១ឆ្នាំ ជនជាតិខ្មែរ មានទីលំនៅ បច្ចុប្បន្ន ភូមិតាបិប សង្កាត់បាវិត ក្រុងបាវិត ខេត្តស្វាយរៀង ទី២-ឈ្មោះ តូ ង៉ុកធី ភេទស្រី អាយុ៣២ឆ្នាំ ជនជាតិវៀតណាម មានទីនៅបច្ចុប្បន្ន នៅក្រុងហូជីមិញ តែមកស្នាក់នៅ ចល័តក្នុង ក្រុងបាវិត និងលេងល្បែងជាប្រចាំ នៅកាស៊ីណូ ឡាវីហ្គាសសាន់ ក្រុងបាវិត ខេត្តស្វាយរៀង។

ការឈានទៅដល់ការ ឃាត់ខ្លួននេះ ដោយសារ នៅថ្ងៃទី២៧ ខែឧសភា ឆ្នាំ២០១៣ អធិការដ្ឋាន នគរបាលក្រុងបាវិត បានទទួលពាក្យ បណ្តឹងមួយពីឈ្មោះ ផាម លឿងលូ ភេទប្រុស អាយុ៤១ឆ្នាំ ជនជាតិ វៀតណាម ទីលំនៅ បច្ចុប្បន្ន ភូមិ៣ ខណ្ឌ១ ទីរួមខេត្តតៃនិញ  ស្រុកកំណើត នៅហូជីមិញ មុខរបរ ធ្វើកសិកម្ម បានប្តឹងជនមួយ ក្រុមមានគ្នា០៤នាក់ បានឃុំឃិតគ្នា ឆបោកខ្លួនថា ឲ្យខ្ចីលុយ១៥០០ដុល្លារ ហើយបាននាំខ្លួនទៅផ្ទះគ្មានលេខ មួយ នៅភូមិតាបិប សង្កាត់បាវិត ក្រុងបាវិត ខេត្តស្វាយរៀង ដើម្បីទទួលលុយ តែបែជារុញចូលបន្ទប់ វាយធ្វើបាប យ៉ាងធ្ងន់ធ្ងរ និងបង្ខំ ឲ្យខ្លួនទូរស័ព្ទ ទៅប្រពន្ធដើម្បីយកលុយ ចំនួន១៥០០ដុល្លារ មកលោះខ្លួន បើទោះលុយនោះខ្លួនពុំបាន ទទួលបន្តិចណាសោះឡើយ ក៏ដោយ។

ហើយក្នុង អំឡុងពេលដែលខ្លួនត្រូវបាន គេឃុំក្នុងបន្ទប់នោះ មានមនុស្ស ម្នាក់ឈ្មោះ តង ជនជាតិវៀតណាម ត្រូវបានគេបង្ខាំងក្នុងបន្ទប់នោះរួច មកហើយ ហើយមានមនុស្សជាច្រើននាក់ ផ្សេងទៀត ត្រូវបានគេយកទៅឃុំ និងវាយធ្វើបាបជំរិតទារប្រាក់។ ក្នុងចំណោមជនដែលត្រូវ គេឃុំខ្លួនទាំងអស់ មានស្រ្តីម្នាក់ ឈ្មោះ ង៉ុក ដែលត្រូវគេ ឃុំជដែរនោះ បានលួចផ្ញើសារ ទៅជនរងគ្រោះឈ្មោះ លូ ថា ត្រូវបានគេវាយធ្វើបាប និងចាប់រំលោភ យ៉ាងព្រៃផ្សៃទៀតផង។

បន្ទាប់ពីទទួលពាក្យ បណ្តឹង សមត្ថកិច្ច បានកោះហៅ ឈ្មោះ មាឃ រ៉ាវី ហៅ គោ មកសួរនាំ ក្រោយមកជននេះ ក៏បានឆ្លើយ សារភាពថា ខ្លួនជាអ្នកឃ្លាំមើល និងវាយដំទៅ លើជនរងគ្រោះ ដោយខ្លួនបាន ទទួលប្រាក់ខែចំនួន១៥០ដុល្លារ ក្នងខែ ពីស្រ្តីជនជាតិ វៀតណាមម្នាក់ ឈ្មោះ ថោ ។ សមត្ថកិច្ចបានបន្តថា ក្នុងចម្លើយសារភាពនេះដែរ មានមនុស្សជាច្រើនទៀត ដែលត្រូវបានគេបញ្ជូន ទៅបង្ខាំង វាយដំ ជំរិតទារប្រាក់ ក្នុងបន្ទប់ នៃផ្ទះនោះហើយ ឲ្យខ្លួនមើលការខុសត្រូវ។

ដោយមានការចង្អុលបង្ហាញ ពីជនសង្ស័យឈ្មោះ គោ  ភ្នាមៗនោះ សមត្ថកិច្ចបានឈានទៅឃាត់ខ្លួន ស្រ្តីជនជាតិវៀតណាមម្នាក់ ឈ្មោះ តូ ង៉ុកធី ហៅ ថោ ជាជនជាតិ វៀតណាម មកសួរនាំ។ ចំពោះករណីនេះ សមត្ថកិច្ចបាន បញ្ជូនសំណុំរឿង និងវត្ថុតាង ទៅសាលា ដំបូង ខេត្តស្វាយរៀង រួចរាល់ហើយ ដើម្បីចាត់ការ តាមច្បាប់។

ជនរងគ្រោះ ឈ្មោះ ផាម លឿងលូ នៅថ្ងៃទី៣០ ខែតុលា ឆ្នាំ២០១៣ បានឲ្យដឹងថា មានមនុស្សម្នាក់ ដែលជាអ្នកបកប្រែ ភាសាវៀតណាម ឲ្យក្នុងករណីនេះ នៅស្នងការដ្ឋាន នគរបាល ខេត្តស្វាយរៀង បានប្រើទូរស័ព្ទលេខ ០៩៧ ៩៩៦៦៣១៩ ទាក់ទងមកខ្លួន ហើយប្រាប់ថា លុយចំនួន១៥០០ដុល្លារនោះ គឺខាងស្រ្តីឈ្មោះ ថោ នោះ ព្រមប្រគល់ ឲ្យវិញហើយ និង ឲ្យឡើងពីបាវិត មកទទួលលុយនៅ ខេត្តស្វាយរៀងវិញចុះ។ ទាំងជនរងគ្រោះ និងប្រជាជន ទូទៅកំពុង រង់ចាំមើល ចំណាត់ការ របស់សាលា ដំបូងខេត្តស្វាយរៀង ដើម្បីផ្តល់យុត្តិធម៌ ដល់ជងរងគ្រោះជាច្រើន ដែលត្រូវ គេបង្ខាំងវាយដំ និងជំរិតទារប្រាក់នេះ៕   

កណ្ដាល ៖ គ្រោះធម្មជាតិ ភ្លៀងលាយ ខ្យល់ ដែលបានកើតឡើងកាលពីរសៀល ថ្ងៃទី៣០ ខែឧសភា ឆ្នាំ ២០១៣ ស្ថិតនៅ ស្រុកស្អាង ខេត្ដកណ្ដាល បានបណ្ដាលឱ្យផ្ទះ ប្រជាពលរដ្ឋចំនួន ៥ខ្នង បានរងការខូចខាត យ៉ាងធ្ងន់ធ្ងរ និងប៉ះពាល់ស្ថិតនៅក្នុងឃុំ ស្វាយរលំ និងឃុំសិត្បូ ។

អធិការនគរបាល ស្រុកស្អាង ខេត្ដ កណ្ដាល លោកវរសេនីយ៍ត្រី សេង សុជាតិ បានឱ្យដឹងថា កាលពីវេលាម៉ោង ៤ និង៣០ នាទីរសៀលថ្ងៃទី៣០ ខែឧសភា ឆ្នាំ២០១៣ ស្រាប់តែមានភ្លៀងធ្លាក់យ៉ាងខ្លាំង អម ដោយកម្លាំងខ្យល់បក់ បណ្ដាលឱ្យផ្ទះប្រជា ពលរដ្ឋ នៅក្នុងឃុំស្វាយរលំចំនួន ១ខ្នងដួល រលំទាំងស្រុង រីឯផ្ទះប្រជាពលរដ្ឋចំនួន ៤ ខ្នងផ្សេងទៀត នៅឃុំសិត្បូ បានរងផលប៉ះ ពាល់ ដោយប៉ើងដំបូង និងទ្រេត ។

លោក សេង សុជាតិ បានបន្ដថា ម្ចាស់ ផ្ទះដែលរងផលប៉ះពាល់ ដោយសារខ្យល់ ព្យុះខាងលើនេះ រួមមាន ទី១ លោក ផាត់ ចណ្ណា អាយុ ៣៨ឆ្នាំ រស់នៅភូមិលេខ ៥ ឃុំ ស្វាយរលំ ដែលផ្ទះរបស់គាត់មួយខ្នងធ្វើអំពី ឈើប្រកស័ង្កី ដួលរលំទាំងស្រុង ទី២ លោក ថូ រ៉ុម អាយុ ៣២ឆ្នាំ រស់នៅភូមិព្រែកតា ព្រីង ឃុំសិត្បូ ផ្ទះរបស់គាត់ប្រកស័ង្កីប៉ើង ដំបូល ទី៣ លោក ហ៊ន សាត អាយុ ៦៦ឆ្នាំ រស់នៅភូមិព្រែកតាព្រីង ឃុំសិត្បូ ផ្ទះរបស់ គាត់ធ្វើពីឈើ ប្រកស័ង្កីទ្រេត ទី៤ លោក តេង តុង អាយុ ៦២ឆ្នាំ រស់នៅភូមិព្រែក តាព្រីង ឃុំសិត្បូ ផ្ទះរបស់គាត់ធ្វើពីឈើប្រក ស័ង្កីទ្រេត និងទី៥ លោក ហ៊ុល តោ អាយុ ៨០ឆ្នាំ រស់នៅភូមិសិត្បូ ឃុំសិត្បូ ផ្ទះរបស់ គាត់ដែលធ្វើពីឈើប្រកស័ង្កីទ្រេត ។ យ៉ាង ណាក៏ដោយ ចំពោះគ្រោះធម្មជាតិខាងលើ នេះ ត្រូវបានលោកអធិការ សេង សុជាតិ អះអាងថា មិនបណ្ដាលឱ្យនរណាម្នាក់រង របួសនោះឡើយ ។

គួរបញ្ជាក់ថា រដូវវស្សាបានឈានមក ដល់នេះ បាតុភូតខ្យល់លាយភ្លៀងបានកើត ឡើងនៅតាមបណ្ដាខេត្ដ ធ្វើឱ្យផ្ទះប្រជាពល រដ្ឋជាច្រើនខ្នងរងការបំផ្លាញទាំងស្រុង និង រងផលប៉ះពាល់ ហើយបណ្ដាលឱ្យម្ចាស់ផ្ទះ រងរបួសធ្ងន់ស្រាលទៀតផង ។

ជាមួយគ្នានេះ អាជ្ញាធរគ្រប់លំដាប់ថ្នាក់ បានថ្លែងអំពាវនាវឱ្យប្រជាពលរដ្ឋ មានការ ប្រុងប្រយ័ត្ន ចំពោះបាតុភូតខ្យល់កន្ដ្រាក់ ដែលបាន និងកំពុងកើតឡើង នៅតាមបណ្ដា ខេត្ដក្នុងប្រទេសកម្ពុជានេះ ៕

ភ្នំពេញ៖ ឯកអគ្គរដ្ឋទូតចិន ប្រចាំព្រះរាជាណាចក្រកម្ពុជា ផាន់ ក្វាងសៀ ដែលត្រូវចប់អាណត្តិ បានចូលជូប សម្តែងការគួរសម និងជម្រាបលា អគ្គមេបញ្ជាការ នៃកង យោធពលខេមរភូមិន្ទ នាយឧត្តមសេនីយ៍ ប៉ុល សារឿន នារសៀលថ្ងៃទី៣១ ខែឧសភានេះ នៅអគ្គបញ្ជាការដ្ឋាន។

មានប្រសាសន៍ក្នុងជំនួបនោះ នាយឧត្តមសេនីយ៍ ប៉ុល សារឿន បានស្វាគមន៍ និងវាយតម្លៃខ្ពស់ ចំពោះស្នាដៃយ៉ាងធំធេង របស់លោក ផាន់ ក្វាងសៀ ដែលបាន បំពេញបេសកកម្មការទូត ក្នុងអាណត្តិរបស់ខ្លួន ដើម្បីពង្រឹង ពង្រីកកិច្ចសហប្រតិបត្តិការ រវាងកម្ពុជា-ចិន ឲ្យមានការវិវត្តន៍រីកចម្រើន ក្នុងក្របខណ្ឌដៃគូ យុទ្ធសាស្ត្រ គ្រប់ជ្រុងជ្រោយ ហើយចំពោះកិច្ចសហប្រត្តិបត្តិការ រវាងកងទ័ពនៃប្រទេសទាំងពីរ ក៏មានការវិវត្តន៍តាមទិសដៅមួយ ប្រកបដោយគុណភាពខ្ពស់ផងដែរ។

 ក្នុងនាមក្រសួងការពារជាតិ អគ្គបញ្ជាការ លោក ប៉ុល សារឿន បានថ្លែងអំណរគុណ ដល់រដ្ឋាភិបាលចិន ដែលតែងតែជួយដល់ប្រទេសកម្ពុជា លើច្រើនវិស័យ ដែល នេះជាការបង្ហាញឲ្យឃើញ នូវទំនាក់ទំនងល្អ រវាងព្រះរាជាណាចក្រកម្ពុជា និងសាធារណរដ្ឋប្រជាមានិតចិន។

ជាការឆ្លើយតប លោក ផាន់ ក្វាងសៀ បានថ្លែងនូវការអរគុណ ដល់រាជរដ្ឋាភិបាលកម្ពុជា ដែលបានគាំទ្រ និងសម្រួលដល់កិច្ចការ បំពេញបេសកកម្មការទូត របស់ លោក ក្នុងនាមតំណាងឲ្យ រដ្ឋាភិបាលចិនប្រចាំកម្ពុជា ទទួលបានជោគជ័យ ជាពិសេសកម្ពុជាបានប្រកាន់យក គោលនយោបាយចិនតែមួយ។ លោកសង្ឃឹមយ៉ាង មុតមាំថា ចំណងទាក់ទង រវាងប្រទេសទាំងពីរ នឹងកាន់តែវិវត្តន៍រីកចម្រើនខ្លាំងក្លាបន្ថែមទៀត។

យោងតាមឯកសារ របស់រាជរដ្ឋាភិបាល នៃព្រះរាជាណាចក្រកម្ពុជា ក្នុងរយៈពេលប្រមាណ ១០ឆ្នាំមកនេះ ចិនជាប្រទេសផ្តល់ជំនួយធំជាងគេ សម្រាប់ការកសាងផ្លូវ ស្ពាន នៅកម្ពុជា។ ហើយថ្មីៗនេះ ចិនបានប្រកាស ផ្តល់ជំនួយឥតសំណងដល់កម្ពុជា ចំនួន៣០០លានយ័ន និង ប្រាក់កម្ចីសម្បទាន ក្នុងកម្រិតការប្រាក់ទាប ចំនួន ៥០០លានដុល្លារអាមេរិក សម្រាប់ប្រើប្រាស់ ក្នុងការអភិវឌ្ឍន៍ប្រទេស៕

កណ្តាល ៖ ប្រជាពលរដ្ឋ ក្នុងឃុំព្រែកគយ ត្រូវបានលោក អ៊ាវ ចំរើន អនុប្រធានគណៈពង្រឹង ស្រុកស្អាង និងជា ប្រធានក្រុមការងារ ចុះជួយឃុំព្រែកគយ បានចាត់តាំងឲ្យលោក សែ សារឿន អនុប្រធានទី១ ក្រុមការងារ ចុះជួយ មូលដ្ឋាន ឃុំព្រែកគយ ដឹកនាំក្រុមគ្រូពេទ្យជំនាញវះកាត់ភ្នែក និងជំងឺផ្សេងៗ មកធ្វើការពិនិត្យ និងព្យាបាលជំងឺជូន ដល់ប្រជាពលរដ្ឋ ក្នុងឃុំព្រែកគយ ស្រុកស្អាង ខេត្តកណ្តាល ។

ការដឹកនាំក្រុមគ្រូពេទ្យ ចុះទៅនេះធ្វើឡើង កាលពីព្រឹកថ្ងៃទី៣១ ខែឧសភា ឆ្នាំ២០១៣ ស្ថិតក្នុងបរិវេណ សាលា តំណាក់ភូមិព្រែកស្នង ឃុំព្រែកគយ ស្រុកស្អាង ខេត្តកណ្តាល ប្រជាពលរដ្ឋ ដែលចូលរួមពិនិត្យ និងព្យាបាលជំងឺ នោះ ប្រមាណជា ៣០០ នាក់ ។

លោក សែ សារឿន បានមានប្រសាសន៍ថា លោក អ៊ាវ ចំរើន អនុប្រធាន គណៈពង្រឹងស្រុកស្អាង និងជាប្រធាន គណៈពង្រឹងមូលដ្ឋាន ចុះជួយឃុំព្រែកគយ បានចាត់តាំងឲ្យរូបលោក ដែលជាអនុប្រធានទី១ គណៈពង្រឹងមូល ដ្ឋាន ចុះជួយឃុំព្រែកគយ ដឹកនាំក្រុមគ្រូពេទ្យ របស់មជ្ឈមណ្ឌលវះកាត់កុមារ មកពិនិត្យ និងព្យាបាលជំងឺជូន ដល់ បងប្អូនប្រជាពលរដ្ឋចំនួន ៧ ភូមិ របស់ឃុំព្រែកគយ ដោយពុំគិតប្រាក់ ពីបងប្អូនប្រជាពលរដ្ឋនោះទេ ។

លោកវេជ្ជបណ្ឌិត ឡាយ ចាន់ឌីរ៉ា ការពិនិត្យ និងព្យាបាលនាពេលនេះ ពុំមានកំណត់ចំនួនប្រជាពលរដ្ឋនោះទេ ហើយមិនតម្រូវបង់លុយដែរ ។ ហើយការចុះនាពេលនេះ គឺក្រោមការដឹកនាំ របស់លោក សែ សារឿន អនុប្រធាន ទី១ គណៈពង្រឹងឃុំព្រែកគយ តំណាងឲ្យលោក អ៊ាវ ចំរើន ស្នងការនគរបាល ខេត្តកណ្តាល និងជាអនុប្រធាន គណៈពង្រឹងស្រុកស្អាង និងជាប្រធានគណៈពង្រឹង ឃុំព្រែកគយ ។

លោកវេជ្ជបណ្ឌិត បានបន្តទៀតថា បន្ទាប់ពីពិនិត្យ ទៅលើប្រជាពលរដ្ឋហើយនោះ ប្រជាពលរដ្ឋណាដែលមាន ស្ថានភាពធ្ងន់ធ្ងរ ត្រូវការវះកាត់ គឺលោកនឹងកំណត់ពេលវេលា រួចហើយយករថយន្តមកដឹកយកទៅវះកាត់នៅមជ្ឈ មណ្ឌលតែម្តង ដោយមានទីតាំង នៅសង្កាត់ជ្រោយចង្វា ខណ្ឌឬស្សីកែវ ដោយឡែកអ្នកដែលមានស្ថានភាព ជំងឺ ល្មម គឺលោកឲ្យថ្នាំ សម្រាប់ទុកពិសារនៅផ្ទះ ។

លោកបានបន្តទៀតថា ចំពោះការដឹកប្រជាពលរដ្ឋ ទៅព្យាបាលដល់មជ្ឈមណ្ឌលនោះ ការហូបចុក និងព្យាបាល គឺពុំគិតថ្លៃដូចនៅទីនេះដែរ នេះក៏ដោយសារតែ មានការយកចិត្តទុកដាក់ ពីលោកអ៊ាវ ចំរើន គណៈពង្រឹងមូលដ្ឋាន ឃុំព្រែកគយ ដែលលោកតែងតែយកចិត្តទុកដាក់គិតគូរ ពីសុខភាពប្រជាពលរដ្ឋ ក្នុងមូលដ្ឋាន ទោះបីជាលោកមមា ញឹកយ៉ាងណា ក៏លោកឆ្លៀតឱកាស ឲ្យអនុប្រធានដឹកនាំក្រុមគ្រូពេទ្យ មកជំនួសដើម្បីជំរុញ ធ្វើយ៉ាងណាឲ្យសុខ ភាពប្រជាពលរដ្ឋ នៅក្នុងមូលដ្ឋាន ឲ្យកាន់តែប្រសើរឡើង ពីព្រោះកាលណាបើសុខភាព ប្រជាពលរដ្ឋល្អ គឺជាការ ចូលរួមលើកកម្ពស់ ជីវភាពប្រជាពលរដ្ឋ បានមួយចំណែកធំ ៕

ភ្នំពេញ៖ ប្រមុខរាជរដ្ឋាភិបាលកម្ពុជា បានថ្លែងនៅព្រឹកថ្ងៃទី៣១ ខែឧសភា ឆ្នាំ២០១៣ថា ប្រជាជាតិកម្ពុជា នៅមិនទាន់អាចជំនះ រួចផុតទាំងស្រុងនៅឡើយទេ នូវ ផលវិបាកអាក្រក់នានា ដែលជាស្លាកស្នាម និងកាកសំណល់ នៃសង្គ្រាមរ៉ាំរ៉ៃ ព្រមទាំងសោកនាដកម្មពីអតីតកាល។

សម្តេចតេជោ សែន នាយករដ្ឋមន្រ្តី នៃប្រទេសកម្ពុជា បានថ្លែងនៅក្នុងពិធី បើកវេទិកាយុវជនអាស៊ីឆ្នាំ២០១៣ លើប្រធានបទ “យុវជន និងសន្តិភាព ការពង្រឹង សន្តិភាព ស្ថិរភាព និងការអភិវឌ្ឍ តាមរយៈការអប់រំ” នាសណ្ឋាគារ អ៊ីនធឺកុងទីកង់ទីណង់តាល ថា រហូតមកទល់ពេលបច្ចុប្បន្ននេះ ថ្វីត្បិតប្រទេស និងប្រជាជន កម្ពុជា ទាំងមូល សម្រេចបាននូវសុខសន្តិភាព និងការបង្រួបបង្រួមជាតិដ៏ពេញលេញ នៅក្រោមដំបូលរដ្ឋធម្មនុញ្ញតែមួយ ព្រះមហាក្សត្រតែមួយអង្គ និងរាជរដ្ឋាភិបាល តែ មួយក៏ពិតមែន ក៏ប៉ុន្តែប្រជាជាតិយើង មិនទាន់អាចជំនះ រួចផុតទាំងស្រុងនៅឡើយទេ នូវផលវិបាកអាក្រក់នានា ដែលជាស្លាកស្នាម និងកាកសំណល់ ទាំងជារូបវន្ត ទាំងអរូបវន្ត នៃសង្គ្រាមរ៉ាំរ៉ៃ និងសោកនាដកម្ម ពីអតីតកាលថ្មីៗនេះ។

សម្តេចបានបន្តទៀតថា “បទពិសោធន៍នៃការកសាងសន្តិភាព ក៏ដូចជាការបង្រួបបង្រួម និងការផ្សះផ្សារជាតិរបស់កម្ពុជា បានមកជាមួយ នឹងការបង់ថ្លៃខ្ពស់ណាស់។ អាស្រ័យហេតុនេះ ខ្ញុំសូមវាយតម្លៃខ្ពស់ ចំពោះប្រធានបទដ៏មានសារសំខាន់ សម្រាប់វេទិកាយុវជនអាស៊ីឆ្នាំ២០១៣ នេះ ដែលបានឆ្លុះបញ្ចាំង ឲ្យឃើញយ៉ាងច្បាស់ អំពីបទពិសោធន៍ របស់ប្រទេសមួយចំនួន នៅក្នុងតំបន់ ដូចជាប្រទេសកម្ពុជាជាដើមផង ហើយក៏ផ្សារភ្ជាប់យ៉ាងស្អិតល្មួត នឹងចរន្តបច្ចុប្បន្នភាព របស់ពិភពលោក ដែលជាកម្មវត្ថុ នៃការយកចិត្តទុកដាក់ខ្ពស់ សម្រាប់ស្រទាប់យុវជនផងដែរ”។

សម្តេចតេជោ សែន បន្តថា សម្តេចមានមោទនភាព ដោយបានឃើញ យុវជន-យុវនារី នៃបណ្តាប្រទេសអាស៊ីជាច្រើន កំពុងតែរួមគ្នាធ្វើសកម្មភាព យ៉ាងក្លៀវក្លា ដើម្បី គោលដៅសន្តិភាព វឌ្ឍនភាព និងវិបុលភាព សម្រាប់សង្គមជាតិ របស់ខ្លួននីមួយៗទាំងតំបន់ និងសកលលោកដ៏ធំទូលាយ៕