left
Safe Home
Safe Home
Safe Home

Dap News...Admin

Sunday, May 24th

| English Version | dapnews: 012 571 704, 097 9999 883, email: lim.cheavutha@gmail.com

You are here:
 
Cellcard

អ.ហ ខណ្ឌច្បារអំពៅ ឃាត់ ខ្លួនជនសង្ស័យ ៣នាក់ពាក់ព័ន្ឋ ចែកចាយគ្រឿងញៀន

E-mail Print PDF

ភ្នំពេញ : ជនសង្ស័យ៣ នាក់ ត្រូវបានកម្លាំង កងរាជអាវុធហត្ថ ខណ្ឌច្បារអំពៅ ឃាត់ខ្លួន ជាប់ពាក់ព័ន្ឋគ្រឿងញៀន កាលវេលាម៉ោង ១៥និង១០នាទីថ្ងៃទី០៤ ខែឧសភា ឆ្នាំ២០១៥ ស្ថិតនៅក្នុងបន្ទប់ជួល ភូមិតាងូវក្រោម សង្កាត់និរោធ ខណ្ឌច្បារអំពៅ  ។

ក្នុងប្រតិបត្តិការ ដែលដឹកនាំដោយ លោក វរះសេនីយ៍ទោ គិត សុផល មេបញ្ជាការ កងរាជអាវុធហត្ថ ខណ្ឌច្បារអំពៅ បានចុះឆែកឆេរបន្ទប់ជួល របស់ឈ្មោះជា សុភក្តិ ភេទប្រុស អាយុ ២២ឆ្នាំ មុខរបរ ជាងបាញ់ថ្នាំរថយន្ត ស្ថិតក្នុងភូមិតាងៅក្រោម សង្កាតនិរោធ ខណ្ឌច្បារអំពៅ ហើយ ឃាត់ខ្លួនជនសង្ស័យ បានចំនួន០៣នាក់ ។

លោក គិត សុផល មេបញ្ជាការមូលដ្ឋាន អាវុធហត្ថខណ្ឌច្បារអំពៅ បានអោយដឹងថា ជនជាប់ សង្ស័យចែកចាយ  គ្រឿងញៀនដែលឃាត់ខ្លួន ទាំង៣នាក់នេះ មានទី១-តាំង វៀន ភេទ ប្រុស អាយុ ៣២ឆ្នាំ មុខរបរ កម្មករសំណង់ ស្នាក់នៅ ភូមិតាងៅក្រោម សង្កាត់និរោធ ខណ្ឌច្បារអំពៅ ។ ២ ពៅ សាវឿន ភេទ ប្រុស អាយុ ២៣ឆ្នាំ មុខរបរ រត់ម្ហូបតុការ ស្នាក់នៅ ភូមិតាងៅក្រោម សង្កាត់និរោធ ខណ្ឌច្បារអំពៅ ។ ៣-ឈ្មោះ ផា សុភក្តិ ប្រុស អាយុ ២២ឆ្នាំ មុខរបរ ជាងបាញ់ថ្នាំរថយន្ត ស្នាក់នៅ ភូមិតាងៅក្រោម សង្កាត់និរោធ ខណ្ឌច្បារអំពៅ ។

លោកមេបញ្ជាការកងរាជ អាវុធហត្ថខណ្ឌ បានឲ្យដឹងថា ជារៀងថ្ងៃ ដោយអនុវត្ត តាមបទបញ្ជា របស់ លោក រ័ត្ន ស្រ៊ាង មេបញ្ជាការកងរាជអាវុធហត្ថ រាជធានីភ្នំពេញ លោកបាន ដាក់កម្លាំងល្បាត និងចុះធ្វើ រដ្ឋបាល ក្នុងតំបន់ស្មុគស្មាញ ក្នុងភូមិសាស្រ្តរបស់ខ្លួន ពេលមកដល់ ចំណុចកើតហេតុ ក៏ប្រទះ មុខ សញ្ញាសង្ស័យ ដោយមាន ការសង្ស័យ ទើបកម្លាំងល្បាតហៅសួរ ដោយឃើញសមត្ថកិច្ចហៅ សួរនាំ ជនសង្ស័យបានឆែក រកឃើញថ្នាំក្រាម ពណ៌សថ្លា ២កញ្ចប់តូច កម្លាំង ក៏ឃាត់ខ្លួនយកមកកាន់ស្នាក់ ការ តែម្តង ។  ចំណែកបក្ខពួក២នាក់ទៀត បានរត់គេចខ្លួន ។

បច្ចុប្បន្នជនសង្ស័យទាំង ៣នាក់ រួមទាំងវត្ថុតាង ថ្នាំញៀន ២កញ្ចប់តូច និងឧបករណ៍សម្រាប់សេព មួយចំនួន ត្រូវបញ្ជូនទៅកាន់ ទីបញ្ជាការកងរាជអាវុធហត្ថ រាជធានីភ្នំពេញ ដើម្បី កសាងសំណុំ រឿងបញ្ជូនទៅ សាលាដំបូង រាជធានី ភ្នំពេញ ចាត់ការតាមនីតិវិធីច្បាប់ ៕

អភិបាល ស្រុកជាំក្សាន្ត ចុះធ្វើស្ពានជូន ប្រជាពលរដ្ឋឆ្លងកាត់ នៅឃុំយាង

E-mail Print PDF

ព្រះវិហារ ៖ ដោយសារតែ មានការលំបាក ក្នុងការធ្វើដំណើរ ក៏ដូចជាការដឹកជញ្ជូនទំនិញ និង កសិផល ផ្សេងៗ សម្រាប់ប្រជាពលរដ្ឋ ដែលរស់នៅ ភូមិកំពេញ ឃុំយាង ស្រុកជាំក្សាន្ត ខេត្ត ព្រះវិហារ នាពេល កន្លងទៅនោះ កាលពីព្រឹកថ្ងៃទី៤ ខែឧសភា ឆ្នាំ២០១៥ អភិបាល ស្រុក ជាំក្សាន្ត លោក ជា គឹមសេង បានដឹកនាំក្រុមការងារ ចុះទៅពិនិត្យ និង ធ្វើស្ពានជូន ប្រជាពលរដ្ឋ នៅតំបន់តែម្តង។

ស្ពានធ្វើអំពីឈើ ប្រវែង១០ម៉ែត្រ ត្រូវបានលោក អភិបាលស្រុក ចំណាយថវិកាផ្ទាល់ ព្រមទាំងមានការ ចូលរួម ពីមន្រ្តី សាលាស្រុក មួយចំនួននោះ ត្រូវបានកសាងឡើង សម្រាប់ប្រជាពលរដ្ឋ ឆ្លងកាត់ និងធ្វើដំណើរ ទៅវិញ ទៅមកប្រចាំថ្ងៃ។

នៅចំពោះមុខប្រជាពលរដ្ឋ លោកអភិបាលស្រុកជាំក្សាន្ត ដែលបានចុះទៅ សំណេះសំណាល ដល់ផ្ទះរបស់ពួក គាត់តែម្តង បានថ្លែងថា ដោយមានការសំណូមពររបស់បងប្អូន ចំពោះភាពលំបាក នៃការធ្វើដំណើរប្រចាំថ្ងៃ ដោយសារតែ គ្មានស្ពាន ឆ្លងកាត់នោះ ទើបលោកបានសុំគោលការណ៍ ពីអភិបាលខេត្ត ទើបមាន ការឯកភាពនោះ លោក និងក្រុមការងារ ក៏ចុះមកធ្វើជូនតែម្តង។

សម្រាប់សម្មិទ្ធថ្មីខាងលើនេះ បងប្អូន ប្រជាពលរដ្ឋ រស់នៅតំបន់នោះ មានចិត្តសប្បាយរីករាយ ដោយបាន ឃើញ លោកអភិបាល ស្រុកចុះសួរសុខទុក្ខ និងសំណេះសំណាល ដល់ទីលំនៅរបស់ពួកគាត់៕

អ.ហ ខណ្ឌច្បារអំពៅ ឃាត់ខ្លួនជនសង្ស័យ ៣នាក់ ពាក់ព័ន្ធ ចែកចាយគ្រឿងញៀន

E-mail Print PDF

ភ្នំពេញ : ជនសង្ស័យ ៣នាក់ ត្រូវបានកម្លាំងកងរាជអាវុធហត្ថ ខណ្ឌច្បារអំពៅ ឃាត់ខ្លួន ជាប់ពាក់ព័ន្ធគ្រឿងញៀន កាលវេលាម៉ោង ១៥ និង១០នាទី ថ្ងៃទី០៤ ខែឧសភា ឆ្នាំ២០១៥ ស្ថិតនៅក្នុងបន្ទប់ជួល ភូមិតាងៅក្រោម សង្កាត់ និរោធ ខណ្ឌច្បារអំពៅ ។

ក្នុងប្រតិបត្តិការ ដែលដឹកនាំដោយ លោកវរៈសេនីយ៍ទោ គិត សុផល មេបញ្ជាការ កងរាជអាវុធហត្ថ ខណ្ឌច្បារអំពៅ បានចុះឆែកឆេរបន្ទប់ជួលរបស់ឈ្មោះ ជា សុភក្តិ ភេទប្រុស អាយុ ២២ឆ្នាំ មុខរបរ ជាងបាញ់ថ្នាំរថយន្ត ស្ថិតក្នុងភូមិ តាងៅក្រោម សង្កាតនិរោធ ខណ្ឌច្បារអំពៅ ហើយឃាត់ខ្លួនជនសង្ស័យបានចំនួន ៣នាក់ ។

លោក គិត សុផល មេបញ្ជាការមូលដ្ឋាន អាវុធហត្ថខណ្ឌច្បារអំពៅ បានឲ្យដឹងថា ជនជាប់សង្ស័យចែកចាយ  គ្រឿង ញៀនដែលឃាត់ខ្លួន ទាំង៣នាក់នេះ មានទី១-តាំង វៀន ភេទ ប្រុស អាយុ៣២ឆ្នាំ មុខរបរ កម្មករសំណង់ ស្នាក់នៅ ភូមិតាងៅក្រោម សង្កាត់និរោធ ខណ្ឌច្បារអំពៅ ទី២- ពៅ សាវឿន ភេទប្រុស អាយុ ២៣ឆ្នាំ មុខរបរ រត់ម្ហូបតុការ ស្នាក់ នៅភូមិតាងៅក្រោម សង្កាត់និរោធ ខណ្ឌច្បារអំពៅ ទី៣-ឈ្មោះ ផា សុភក្តិ ប្រុស អាយុ២២ឆ្នាំ មុខរបរ ជាងបាញ់ថ្នាំ រថយន្ត ស្នាក់នៅភូមិតាងៅក្រោម សង្កាត់និរោធ ខណ្ឌច្បារអំពៅ ។

លោកមេបញ្ជាការ កងរាជអាវុធហត្ថខណ្ឌ បានឲ្យដឹងថា ជារៀងរាល់ថ្ងៃ ដោយអនុវត្ត តាមបទបញ្ជារបស់លោក រ័ត្ន ស្រ៊ាង មេបញ្ជាការ កងរាជអាវុធហត្ថ រាជធានីភ្នំពេញ លោកបានដាក់កម្លាំងល្បាត និងចុះធ្វើរដ្ឋបាល ក្នុងតំបន់ស្មុគ ស្មាញ ក្នុងភូមិសាស្រ្តរបស់ខ្លួន ពេលមកដល់ចំណុចកើតហេតុ ក៏ប្រទះមុខសញ្ញាសង្ស័យ ដោយមានការសង្ស័យ ទើប កម្លាំងល្បាតហៅសួរ ដោយឃើញសមត្ថកិច្ចហៅសួរនាំ ជនសង្ស័យបានឆែកឆេរ រកឃើញថ្នាំក្រាម ពណ៌សថ្លា ២ កញ្ចប់តូច កម្លាំងក៏ឃាត់ខ្លួនយកមកកាន់ស្នាក់ការតែម្តង ចំណែកបក្ខពួក ២នាក់ទៀត បានរត់គេចខ្លួន ។

បច្ចុប្បន្នជនសង្ស័យទាំង ៣នាក់ រួមទាំងវត្ថុតាងថ្នាំញៀន ២កញ្ចប់តូច និងឧបករណ៍សម្រាប់សេពមួយចំនួន ត្រូវ បញ្ជូនទៅកាន់ ទីបញ្ជាការកងរាជអាវុធហត្ថ រាជធានីភ្នំពេញ ដើម្បីកសាងសំណុំ រឿងបញ្ជូនទៅសាលាដំបូង រាជធានី ភ្នំពេញ ចាត់ការតាមនីតិវិធីច្បាប់ ៕

លោក ស ខេង បន្ទោសក្រសួងពាក់ព័ន្ធ មិនព្រមផ្តល់ព័ត៌មាន ទៅខេត្ត រឿងអនុញ្ញាត ឲ្យក្រុមហ៊ុនវិនិយោគ ក្នុងដែន គ្រប់គ្រងខេត្ត

E-mail Print PDF

ភ្នំពេញ ៖ ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ លោក ស ខេង បានធ្វើការបន្ទោស ទៅដល់ក្រសួងពាក់ ព័ន្ធមួយចំនួន ដែលមិនព្រមផ្តល់ដំណឹងទៅខាងខេត្ត ទាក់ទងនឹងការអនុញ្ញាត ឲ្យក្រុមហ៊ុនមួយចំនួន ទៅធ្វើការវិនិ យោគ នៅក្នុងដែនដីគ្រប់គ្រងរបស់ខេត្ត ។

ថ្លែងនៅក្នុងកិច្ចប្រជុំ ផ្សព្វផ្សាយផែនការ ការពារសន្តិសុខ សុវត្ថិភាព ជូនវិនិយោគិន និងអ្នកទេសចរបរទេស នៅ រសៀលថ្ងៃទី៤ ខែឧសភា ឆ្នាំ២០១៥ លោកឧបនាយករដ្ឋមន្ត្រី ស ខេង បានមានប្រសាសន៍ថា គណៈមេបញ្ជាការឯក ភាពទាំងអស់ ត្រូវតែក្តាប់នូវសភាពការទាំងអស់ នៅក្នុងដែនគ្រប់គ្រងរបស់ខ្លួន ប៉ុន្តែ មានក្រសួងសមត្ថកិច្ចខ្លះនោះ គាត់បានសម្រេចឲ្យគេវិនិយោគ ទៅធ្វើការវិនិយោគនៅក្នុងខេត្ត ដោយមិនទៅសួរខេត្តទេ ។ តើឲ្យខេត្តក្តាប់យ៉ាងម៉េច ? បញ្ហាហ្នឹងក៏មានដែរ ដល់ទៅសួរខេត្ត ខេត្តថា អត់ដឹងផង ដល់ពេលអស់ដី អស់ព្រៃឈើ នាំគ្នាទៅបន្ទោសខេត្ត ដល់ ពេលនិយាយទៅ ដូចជារាលដាលបន្តិច តែជាការពិត ។

លោកឧបនាយករដ្ឋមន្ត្រី បន្តថា “សូមអំពាវនាវ ទៅដល់ក្រសួងពាក់ព័ន្ធដែរ ជាពិសេស គឺគណៈកម្មការវិនិយោគ ពេលឲ្យគេវិនិយោគនៅកន្លែងណា សូមឲ្យខេត្តដឹងផងថា ឥឡូវនេះ គេមកវិនិយោគនៅកន្លែងនេះ ដីប៉ុន្មានហិកតា ធ្វើនេះ ជនជាតិអី មកពីណាអីចឹង មានទុនប៉ុន្មាន សូមឲ្យខេត្តដឹងផង ដើម្បីឲ្យខេត្តជួយមើលការខុសត្រូវ នៅកន្លែង ហ្នឹង ជៀសវាងមានបញ្ហាបានឲ្យគ្នាដឹង ដល់ពេលមានបញ្ហាបានបន្ទោសខេត្ត ហ្នឹងអត់ត្រូវទេ...។បើឲ្យក្រសួងនីមួយៗ ឲ្យផ្ទេរទៅខេត្ត គឺមិនងាយទេ គាត់មិនផ្ទេរទេ បើផ្ទេរទៅហ្នឹង គឺថា វាអស់ផលប្រយោជន៍ អាហ្នឹងនិយាយឲ្យចំ”។

ក្នុងឱកាសនោះ លោក ស ខេង ក៏បានអំពាវនាវ ទៅដល់អ្នកពាក់ព័ន្ធទាំងអស់ ក៏ត្រូវតែមើលការខុសត្រូវ ការពារអ្នក វិនិយោគឲ្យបានល្អប្រសើរ ដើម្បីឲ្យអ្នកវិនិយោគដទៃ គេមានទំនុកចិត្តចង់មកធ្វើការវិនិយោគនៅកម្ពុជាផងដែរ ៕

ក្រុមជិះ ក្តារស្គីបញ្ចេញ​​ក្បាច់រាំ​ ផ្អើលពេញភ្នំពេញ?

E-mail Print PDF

(ពាណិជ្ជកម្ម)៖ ក្រុមអ្នកជិះក្តាររអិល ប្រមាណជា១០នាក់ នាថ្មីនេះ បានប្រមូលផ្តុំគ្នា នៅតាមសួនច្បារនានា ក្នុងទីក្រុងភ្នំពេញ ដោយបញ្ចេញក្បាច់ហក់ចុះឡើង ប្រៀបដូចគេ សម្តែងក្បាច់រាំ ភ្ញាក់ផ្អើលដល់អ្នកដំណើរ ពេញទីក្រុងភ្នំពេញ ទៀតហើយ។

ក្រុមអ្នកជិះក្តាររអិលទាំងនេះ សុទ្ធតែមានពាក់អាវយឺត និងមួកពណ៌បៃតង ដែលមានលម្អដោយភ្លើងយ៉ាងភ្លឺ ដែលមិនធ្លាប់មានពីមុនមក ជិះក្តារស្គីទៅមក បង្វិលខ្លួនចុះឡើង ទៅអាកាស ធ្វើឲ្យអ្នកទស្សនាទះដៃមិនឈប់។

ពួកគាត់បានបង្ហាញខ្លួននៅតាមសួនសម្តចហ៊ុន សែន សួនកាណាឌីយ៉ា សួនសូគីម៉ិចក្បែរស្ពានជ្រោយចង្វារ និងទីតាំងជាច្រើនក្នុងទីក្រុងភ្នំពេញ។ នៅអាវរបស់គាត់ម្នាក់ៗសុទ្ធតែមានសរសេរអក្សរថា “មកដល់ឆាប់ៗនេះ” ប៉ុន្តែមិនបានបញ្ជាក់ថា ជាអ្វីនោះទេ គ្រាន់តែគេដឹងថា ទំនងជាភេសជ្ជៈថ្មីមួយប្រភេទ ដែលនឹងចាប់ផ្តើមវាយលុកទីផ្សារប្រទេសកម្ពុជា នាពេលឆាប់ៗនេះ ។

អ្នកដែលបានទស្សនាមួយចំនួន កំពុងតាមដាន ក្រុមអ្នកជិះក្តារអិលទាំងនេះថា តើមានអ្វីនឹងកើតឡើង នាពេលបន្តិចទៀត។ តើមានអ្វីនៅពីក្រោយការសម្តែងសមត្ថភាពដ៏អស្ចារ្យនេះ?                

កាត់ទោស បុរសជាប់ចោទ២នាក់ ដាក់គុកម្នាក់ៗ ២៧ឆ្នាំ និងពិន័យម្នាក់ៗ ៤០លានរៀល ពីបទ«ជួញដូរគ្រឿងញៀន»

E-mail Print PDF

ភ្នំពេញ ៖ លោក ឆែ វីរៈ ប្រធានក្រុមប្រឹក្សា ចៅក្រមជំនុំជម្រះ នៃសាលាដំបូង រាជធានីភ្នំពេញ កាលពីរសៀល ថ្ងៃច័ន្ទទី៤ ខែឧសភា បានប្រកាស សាលក្រមផ្តន្ទាទោស ជនជាប់ចោទ ចំនូន២នាក់ ដាក់ពន្ធនាគារ ម្នាក់ៗ កំណត់២៧ឆ្នាំ និងពិន័យជាប្រាក់ សម្រាប់ដាក់ចូលក្នុងថវិកា ជាតិម្នាក់ៗ ចំនួន៤០លានរៀលពីបទ «ជួញដូរគ្រឿងញៀន» ចំនួនជាង១គីឡូក្រាម ប្រព្រឹត្តនៅ ក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ កាលពី ឆ្នាំ២០១៤។

ជនជាប់ ចោទទាំង២នាក់នេះមាន ឈ្មោះ ទី១- រស់ សំអាត ភេទប្រុស អាយុ៥០ឆ្នាំ រស់នៅក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ ទី២-ឈ្មោះ សេង មៀន ភេទប្រុស អាយុ៣០ឆ្នាំ  រស់នៅ សង្កាត់ប៉ោយប៉ែត សង្កាត់ប៉ោយប៉ែត ខេត្តបន្ទាយមានជ័យ ។

ពួកគេទាំង២នាក់ ត្រូវបាន តុលាការសម្រេចផ្តន្ទាទោស ដាក់ពន្ធនាគារម្នាក់ៗ កំណត់២៧ឆ្នាំ និងពិន័យជាប្រាក់ សម្រាប់ដាក់ចូល ក្នុងថវិកាជាតិម្នាក់ៗ ចំនួន៤០លានរៀល ពីបទ «ជួញដូរដោយខុសច្បាប់ នូវសារធាតុ ញៀន» ។

ពួកគេត្រូវបានចាប់ខ្លួន កាលពី ថ្ងៃទី២៨ ខែសីហា ឆ្នាំ២០១៤។ ក្រោយឃាត់ខ្លួន សមត្ថកិច្ចនគរបាលប្រឆាំង គ្រឿងញៀន ដកហូត បានថ្នាំញៀនប្រភេទមេតំហ្វីតាមីន ចំនូន ជាង១ គីឡូក្រាម និងសម្ភារពាក់ព័ន្ធមួយចំនួនទៀតពីពួកគេ៕

នគរបាល ខណ្ឌច្បារអំពៅ ឃាត់ខ្លួន ជនសង្ស័យ២នាក់ ករណីជួញ ដូរគ្រឿងញៀន

E-mail Print PDF

ភ្នំពេញ ៖ កម្លំាងល្បាតនគរបាល ច្បារអំពៅទី២ ខណ្ឌច្បារអំពៅ កាលពីវេលាម៉ោង ១១៖៣០នាទី យប់ថ្ងៃទី០៣ ខែឧសភា ឆ្នាំ២០១៥ បានធ្វើការឃាត់ខ្លួន ជនសង្ស័យ ចំនួន២នាក់ ពេលល្បាត មកដល់ផ្ទះជួល ផ្លូវលេខ៣៦៩ ក្រុមទី២ ភូមិដើមចាន់ សង្កាត់ច្បាររអំពៅទី២ ខណ្ឌច្បារអំពៅ។

មន្រ្តីនគរបាល ព្រហ្មទណ្ឌ ខណ្ឌច្បារអំពៅ បានឲ្យដឹងថា ខណៈចុះល្បាតនោះកម្លាំងនគរបាលបាន ជួបជនសង្ស័យ២នាក់ កំពុងឈរ ដោយមានការសង្ស័យ ក៏ឃាត់ធ្វើការត្រួតពិនិត្យ រកឃើញថ្នំា ក្រាមពណ៌សថ្លាចំនួន០៣ កញ្ចប់តូច ។

ជនសង្ស័យឈ្មោះ គង់ ប៊ុនវិបុត្រា ភេទប្រុស អាយុ២៧ឆ្នំា មុខរបរ មិនប្រាកដ ស្នាក់នៅផ្ទះជួល ក្រុមទី២ ផ្លូវលេខ ៣៦៩ ភូមិដើមចាន់ សង្កាត់ច្បារអំពៅទី២ ខណ្ឌច្បារអំពៅ និងជនសង្ស័យម្នាក់ទៀត ឈ្មោះ ប្រាក់ ស្រីវិនហៅ អ៊ិន ចែ ភេទស្រី អាយុ២៣ឆ្នំា មុខរបរ នៅផ្ទះ ស្នាក់នៅផ្ទះជួល ក្រុមទី២ ផ្លូវលេខ៣៦៩ ភូមិដើមចាន់ សង្កាត់ច្បារអំពៅទី២ ខណ្ឌ ច្បារអំពៅ ក៏ឃាត់ខ្លួនយកមកធ្វើការ សាកសួរនៅអធិការដ្ឋាន ដើម្បីកសាងសំណុំរឿង៕

ប្រមូលលុយ ពីជនអន្តោប្រវេសន៍ ខុសច្បាប់បានជាង ១ពាន់លានរៀល

E-mail Print PDF

ភ្នំពេញ ៖ នាយឧត្តមសេនីយ៍ សុខ ផល អគ្គនាយក នៃអគ្គនាយកដ្ឋាន អន្តោប្រវេសន៍ បានថ្លែងឲ្យដឹងនៅថ្ងៃទី៤ ខែ ឧសភា ឆ្នាំ២០១៥ ថា កម្ពុជាប្រមូលបានថវិកាពីជនអន្តោប្រវេសន៍បរទេស ដែលរស់នៅដោយខុសច្បាប់ បានចំនួន ១៥០០លានរៀល ។

លោក សុខ ផល បានមានប្រសាសន៍ប្រាប់ក្រុមអ្នកសារព័ត៌មាន បន្ទាប់ពីបញ្ចប់កិច្ចប្រជុំផ្សព្វផ្សាយ ផែនការ ការពារ សន្តិសុខ សុវត្ថិភាព ជូនវិនិយោគិន និងអ្នកទេសចរ នាទីស្តីការក្រសួង នៅថ្ងៃទី៤ ខែឧសភា ថា ស្របពេលដែល ប្រមូលថវិកាពីជនអន្តោប្រវេសន៍ខុសច្បាប់ហើយ ក្នុងនោះកម្លាំងសមត្ថកិច្ចក៏បានដាក់ពិន័យទៅលើពួកគេផងដែរ ។

លោកបន្តថា ព្រមជាមួយគ្នានេះ ជនបរទេស ៣០០០នាក់ បានស្ថិតនៅក្នុងបញ្ជីខ្មៅរបស់កម្ពុជា ដោយពួកគេ គ្មាន សិទ្ធិមកទស្សនាលេងកំសាន្តនៅកម្ពុជាទេ ។

នាយឧត្តមសេនីយ៍ សុខ ផល បានបន្ថែមថា បទល្មើសដែលបានកើតឡើងច្រើនជាងគេ មាននៅរាជធានីភ្នំពេញ និង ក្រុងព្រះសីហនុ ៕

គណៈបញ្ជាការ ឯកភាព ខណ្ឌសែនសុខ ចុះបិទទីតាំង ហ្គេមបាញ់ត្រី ឃាត់ខ្លួន មនុស្ស៤នាក់

E-mail Print PDF

ភ្នំពេញ ៖ គណៈបញ្ជាការ ឯកភាព រដ្ឋបាល ខណ្ឌសែនសុខ នៅរសៀលថ្ងៃទី០៤ ខែឧសភា ឆ្នាំ២០១៥ នេះ ដឹកនាំដោយលោក ម៉ូវ ម៉ានិត អភិបាលរងខណ្ឌ បានចុះបិទទីតាំងអាជីវកម្ម ហ្គេមបាញ់ត្រីមួយកន្លែង នៅ ផ្ទះលេខ២១ ក្រុមទី១១ ភូមិត្រពាំងឈូក សង្កាត់ទឹកថ្លា ខណ្ឌសែនសុខ ។

មន្រ្តីនគរបាល ដែលបានចូលរួម ការចុះបិទទីតាំងហ្គេម ខាងលើនេះ គណៈបញ្ជាការខណ្ឌ បានរឹបអូសទូហ្គេម បាញ់ត្រី ចំនួន០២ទូ មករក្សា ទុកនៅសាលាខណ្ឌ ។

ដោយឡែក ការចុះបិទទីតាំងហ្គេម ខាងលើនេះ កម្លាំងសមត្ថកិច្ច ក៏បាន ឃាត់ខ្លួន មនុស្សចំនួន៤នាក់ ក្នុងនោះ ស្រ្តីមេកាម្នាក់ផងដែរ ហើយអ្នកលេងហ្គេម៣នាក់ ។

មន្រ្តីនគរបាល បានបន្តទៀតថា អ្នកលេងទាំង៣នាក់ខាងលើនេះ ត្រូវបានយកទៅសួរនាំ ហើយមានជនម្នាក់ ជាប់ពាក់ព័ន្ធ និងករណីប្រើប្រាស់ គ្រឿងញៀនផងដែរ៕

យកលេស នាំកូនស្រីចុង ទៅរកសោម៉ូតូ ក្នុងព្រៃស្ងាត់ ឆ្លៀតឱកាស ចាប់រំលោភ

E-mail Print PDF

រតនគិរី ៖ គ្រូស្នេហ៍ដែលជាឪពុកចុង បានប្រើល្បិចកលថោកទាប ដោយបានបោកបញ្ឆោត យកកូនស្រីដើម ដែល មានសម្រស់ស្រស់ស្អាតថា ខ្លួនបានជ្រុះបាត់កូនសោក្នុងព្រៃឲ្យទៅជួយរក ហើយឃើញឱកាសល្អ ក៏ឆ្លៀតឱកាស ប្រព្រឹត្តអំពើមិនគប្បីមកនារីរងគ្រោះតែម្តង ។ នេះបើយោងតាមបណ្តាញទំនាក់ទំនងសង្គមហ្វេសប៊ុករបស់ លោក ឆាយ ធី មន្រ្តីស៊ើបអង្កេត អង្គការអាដហុក ប្រចាំខេត្តរតនគិរី ។

កាលពីព្រឹកថ្ងៃទី៤ ខែឧសភា ឆ្នាំ២០១៥ អ្នកភូមិចារ៉ាយ ព្រមទាំងសាច់ញាតិ បងប្អូនក្មេងស្រីរងគ្រោះ ស្ថិតនៅភូមិ គងធំ ឃុំប៉ាតេ ស្រុកអូរយ៉ាដាវ ខេត្តរតនគិរី ខឹងគ្រូស្នេហ៍រំលោភ ដែលជាឪពុកចុងរំលោភកូនស្រីដើម បានផ្តល់ព័ត៌ មាន មកឲ្យលោក ឆាយ ធី ដើម្បីឲ្យជួយអន្តរាគមន៍ ។

ក្មេងស្រីមានអាយុ ១៧ឆ្នាំ ឈ្មោះ ស/ភ ជនជាតិចារ៉ាយ រស់នៅផ្ទះជាមួយ ម្តាយបង្កើត និងលោកពូយ ស្វាញ អាយុ ៦៤ឆ្នាំ ជាឪពុកចុង ។

ប្រភពខាងលើ បានឲ្យដឹងទៀតថា រឿងរ៉ាវនេះបានកើតឡើង កាលពីដើមឆ្នាំ២០១៥ ដោយពុកចុងប្រាប់ថា បាត់សោ ម៉ូតូក្នុងព្រៃ បន្ទាប់ពីកើតរឿងនេះរួចមក នាងមិនហ៊ានប្រាប់អ្នកណាទេ ដោយឪពុកចុងគំរាមសម្លាប់ ។

ទាក់ទងនឹងបញ្ហានេះដែរ កាលពីថ្ងៃទី២៩ ខែមេសា ឆ្នាំ២០១៥ សាច់ញាតិបងប្អូនបានដឹង និងបែកការណ៍ ទើបបាន នាំនាងប្តឹង លោកអធិការស្រុកអូរយ៉ាដាវ ឲ្យជួយចាត់វិធានការតាមច្បាប់ ប៉ុន្តែពេលពេលនគរបាលសាកសួរ ទល់មុខ គ្នា ធ្វើឲ្យនាងមានការភិតភ័យខ្លាំង ក៏មិនហ៊ាននិយាយអ្វីទាំងអស់ ដោយប្រាប់ទៅវិញថា ខ្លួនស្រលាញ់គ្នា ស្មោះត្រង់ ទៅវិញ ជាមួយឪពុកជាគ្រូស្នេហ៍ ហើយនគរបាលបានដោះលែងលោកតា ពូយ ស្វាញ ឲ្យរួចខ្លួន ៕

បាញ់៤-៥គ្រាប់ ក្នុងប្រតិបត្ដិការបង្ក្រាប មុខសញ្ញាគ្រឿងញៀន នៅសង្កាត់ចាក់ អង្រែលើ

E-mail Print PDF

ភ្នំពេញ ៖ ប្រតិបត្ដិការចាប់មុខសញ្ញា ចែកចាយគ្រឿងញៀនដ៏ធំម្នាក់ នៅចំណុច ភូមិព្រែកតាគង់ សង្កាត់ ចាក់អង្រែលើ ខណ្ឌ មានជ័យ កម្លាំងនគរបាលការិយាល័យប្រឆាំង គ្រឿងញៀនក៩ នៃមន្ទីរប្រឆាំង គ្រឿងញៀន ក្រសួងមហាផ្ទៃ បានបាញ់៤-៥គ្រាប់ ដើម្បី ចាប់មុខសញ្ញាមួយនេះ ។

ប្រតិបត្ដិការបង្ក្រាបមុខសញ្ញាជួញដូរនិង ចែកចាយគ្រឿងញៀនដ៏ធំខាងលើនេះបាន ធ្វើឡើងនៅល្ងាចថ្ងៃទី៤ ខែឧសភា ឆ្នាំ២០១៥ នេះ ក្រោមការដឹកនាំបញ្ជាផ្ទាល់ពីសំណាក់ លោក ពៅ សំអេង នាយរងមន្ទីរ ប្រឆាំងគ្រឿងញៀន និងលោកយិន បញ្ញារិទ្ធ នាយការិយាល័យប្រឆាំងគ្រឿងញៀនក៩ និងមានការ សម្របសម្រួលតាមផ្លូវច្បាប់ពីព្រះរាជអាជ្ញារងអមសាលាដំបូងរាជធានីភ្នំពេញ លោកសៀង សុខ ។

មន្ដ្រីនគរបាលដែលចូលរួមនៅក្នុងប្រតិ បត្ដិការបង្ក្រាបមុខសញ្ញាចែកចាយគ្រឿង ញៀនដ៏ធំម្នាក់នេះ បានបញ្ជាក់ថា ជនសង្ស័យ ឈ្មោះម៉េង រតនៈ អាយុ២៧ឆ្នាំ រស់នៅភូមិ អូរអណ្ដូង សង្កាត់ព្រែកប្រា ខណ្ឌច្បារអំពៅ រាជធានីភ្នំពេញ ហើយក្នុងប្រតិបត្ដិការមួយ នេះ កម្លាំងសមត្ថកិច្ចបានដកហូតថ្នាំញៀន ពីរកញ្ចប់ធំៗ ថ្នាំញៀនជាប្រភេទម្សៅ ពណ៌ ស ចំនួន២កញ្ចប់ធំៗ ស្មើនិង២០០ក្រាម ។

តាមមន្ដ្រីនគរបាលរូបនេះ មុខសញ្ញាខាង លើ តែងតែធ្វើសកម្មភាពជាញឹកញាប់នៅ តំបន់នោះ ប៉ុន្ដែមិនទាន់ មានការបង្ក្រាប ឡើយ ទើបតែមួយរយៈចុងក្រោយនេះសមត្ថ កិច្ចបានប្រើប្រាស់ជំនាញរបស់ខ្លួនធ្វើការតាម ដាននិងស្រាវជ្រាវរហូតឈានទៅដល់ការ ចាប់ខ្លួនតែម្ដង ។

សេចក្ដីរាយការណ៍ពីភ្នាក់ងាររបស់មជ្ឈ មណ្ឌលព័ត៌មានដើមអម្ពិល ដែលទៅយក ព័ត៌មាននៅកន្លែង ចុះបង្ក្រាបនោះ លោកប៉ិច នរៈ បានរាយការណ៍មកថា នៅពេលដែល កម្លាំងសមត្ថកិច្ចចុះទៅ ដល់ជន សង្ស័យដឹង ខ្លួន បានបម្រុះរត់គេចខ្លួន ប៉ុន្ដែត្រូវបានសមត្ថ កិច្ចបានបាញ់៤-៥គ្រាប់ ជាការគំរាមដើម្បី ឱ្យឈប់រហូតចាប់ខ្លួនបានតែម្ដង រួមជាមួយ វត្ថុតាងជាគ្រឿងញៀន ។

បច្ចុប្បន្នជនសង្ស័យ ត្រូវបានបញ្ជូនទៅ កាន់ការិយាល័យប្រឆាំងគ្រឿងញៀនក៩នៃ មន្ទីរប្រឆាំង គ្រឿងញៀនក្រសួងមហាផ្ទៃ ដើម្បីចាត់វិធានការតាមផ្លូវច្បាប់។

តាមមន្ដ្រីនគរបាល ដដែលនេះ បានបញ្ជាក់ ថា ការចុះបង្ក្រាប និងចាប់ខ្លួនមុខសញ្ញាជួញ ដូរគ្រឿងញៀន ខាងលើនេះ បានធ្វើឡើង ក្រោយពីកម្លាំងសមត្ថកិច្ច ការិយាល័យប្រឆាំង គ្រឿងញៀន ក្រសួងមហាផ្ទៃ បានចុះបង្ក្រាប និងចាប់ខ្លួន ជនសង្ស័យម្នាក់ ក្នុងប្រតិបត្ដិការ កាលពីវេលាម៉ោង៧និង០៥នាទី យប់ថ្ងៃទី៣ ខែឧសភា ឆ្នាំ២០១៥ ស្ថិតនៅច្រមុះជ្រូក ផ្លូវលេខ២៧១ ត្រង់ស្ថានីយប្រេងសូគីម៉ិច សង្កាត់ផ្សារដើមថ្កូវ ខណ្ឌចំការមន ។

មន្ដ្រីនគរបាល រូបនេះ បានបញ្ជាក់ថា ជនសង្ស័យឈ្មោះ ជា សំណាង អាយុ៣០ឆ្នាំ រស់នៅ សង្កាត់ច្បារអំពៅទី១ ខណ្ឌច្បារអំពៅ រួចហើយសមត្ថកិច្ច បានដកហូតម្សៅក្រាម ពណ៌សថ្លា ចំនួន២កញ្ចប់ស្មើនឹងប្រមាណ១០០ក្រាមផងដែរ៕

Page 92 of 362