left
Safe Home
Safe Home
Safe Home

Dap News...Admin

Wednesday, Sep 02nd

| English Version | dapnews: 012 571 704, 097 9999 883, email: lim.cheavutha@gmail.com

You are here:

សិក្សាជាមួយ សាស្ត្រាចារ្យ ដែលមាន បទពិសោធន៍ ជាង១០ឆ្នាំ លើកិច្ចការរដ្ឋបាល និងលេខាធិការ

E-mail Print PDF

២. ខ្លឹមសារមេរៀន(Course description)៖

មុខវិជ្ជានេះ គឺជាមូលដ្ឋានគ្រឹះ នៃការគ្រប់គ្រងរដ្ឋបាល និងការរៀបចំជាស្តង់ដារ ដែលបង្ហាញអំពីដំណើរ ការនៃការធ្វើរៀបចំឯកសារ ដើម្បីធានាបានប្រសិទ្ធភាពការងារ និងមិនមានហានិភ័យ។ ម៉្យាងទៀតវា ក៏ផ្តល់ជាមូលដ្ឋានសម្រាប់ការគ្រប់គ្រង ទ្រព្យសម្បត្តិ និងសម្ភារៈរបស់ក្រុមហ៊ុន សេវាបដិសណ្ឋារកិច្ច ការគ្រប់គ្រងធានារ៉ាប់រងក្នុងក្រុមហ៊ុន ការគ្រប់គ្រងយានយន្តឲ្យមានប្រសិទ្ធភាព ព្រមទាំងការគ្រប់គ្រង សន្តិសុខនិងសុវត្ថិភាពរបស់ស្ថាប័នមួយ។

ជាចុងក្រោយមេរៀននេះ ក៏ផ្តល់នូវគន្លឹះសំខាន់ៗក្នុងការធ្វើលទ្ធកម្ម និងព្រមទាំងចំណេះដឹងផ្នែកការ រៀបចំផែនការលទ្ធកម្មសម្រាប់ឆ្នាំបន្ទាប់ៗដោយយ៉ៗ។

៣. គោលបំណងមេរៀន(Course Objectives)៖                                           ‘

ក្រោយពីបញ្ចប់វគ្គសិក្សា Administration Management for Private Sector នេះសិក្ខាកាម នឹងទទួល បាននូវចំណេះដឹងដូចខាងក្រោម៖

-ចំណេះដឹងលើនីតិវិធីនិងក្បួនច្បាប់ដែលពាក់ព័ន្ធនឹងរដ្ឋបាល

-ចំណេះដឹងអំពីការទុកដាក់ឯកសារឲ្យបានត្រឹមត្រូវតាមនិយាម

-ចំណេះដឹង ក្នុងការគ្រប់គ្រងទ្រព្យសម្បត្តិ និងភស្តុភារឲ្យមានប្រសិទ្ធភាព

-ចំណេះដឹងទាក់ទិននឹងបដិសណ្ឋារកិច្ច

-ចំណេះដឹង ក្នុងការគ្រប់គ្រងធានារ៉ាប់រង

-ចំណេះដឹង ក្នុងការគ្រប់គ្រងយានយន្ត

-ចំណេះដឹង ក្នុងការគ្រប់គ្រងសន្តិសុខនិងសុវត្ថិភាព

៤. វិធីសាស្ត្រនៃការបង្រៀន (Teaching Methodology)៖

គ្រប់មេរៀននីមួយៗនៅក្នុងវគ្គសិក្សានេះ ត្រូវបានបកស្រាយនូវខ្លឹមសារមេរៀន ដោយសាស្ត្រាចារ្យ និងសិក្ខាកាមពីព្រោះវិធីសាស្ត្របង្រៀន នឹងសិក្សារៀនសូត្រភាគច្រើនផ្អែកលើមូលដ្ឋាន“ការចូលរួម”ដោយក្នុងនោះសាស្ត្រាចារ្យមានភារកិច្ច សម្របសម្រួលការសិក្សា របស់សិក្ខាកាមទាំងសិក្សានិងការ ស្រាវជ្រាវ។ មធ្យោបាយទាំងនេះនឹងអាច ជួយឱ្យសិក្ខាកាមសិក្សារៀនសូត្របានកាន់តែច្រើន ជាមួយ កិច្ចការធ្វើនៅពេលសម្រាក, ការពិភាក្សាជាក្រុម, ការសម្រេចជាក្រុម, ការធ្វើការងារជាគូ, ឬជាលក្ខណៈ បុគ្គល ជាពិសេសគឺការរៀបរាប់ ពីបទពិសោធន៍ផ្ទាល់ខ្លួន ប្រាប់សិក្ខាកាមដទៃទៀតក្នុងថ្នាក់។ ម៉្យាងវិញទៀតសាស្ត្រាចារ្យមានតួនាទីជាអ្នកដឹកនាំ ជាអ្នកប្រឹក្សាយោបល់ ការជម្រុញនិងលើកទឹកចិត្ត ឱ្យសិក្ខាកាមខិតខំសិក្សារៀនសូត្រ។ ជាពិសេសសាស្ត្រាចារ្យ  នឹងអាចសង្ខេបនូវរាល់ខ្លឹមសារមេរៀន នីមួយៗ ដើម្បីជួយសិក្ខាកាមឆាប់យល់ និងឆាប់ទទួលយកបាន។

៦. ឯកសារយោង ៖

-Documents and references are based on the real practices from current and previous experience of the trainer

សំគាល់៖ គម្រោងមេរៀននេះរៀបចំឡើង ដោយក្រុមប្រឹក្សាបច្ចេកទេស នៃសាកលវិទ្យាល័យធនធាន មនុស្ស។

កាលបរិច្ឆេទ និង ពេលវេលាបណ្តុះបណ្តាល            ‘’

រយៈពេល         ៖ ៤សប្តាហ៍ (ថ្ងៃចុងសប្តាហ៍)

ថ្ងៃសៅរ៍           ៖ ១:៣0 រសៀល -៥:៣0  រសៀល

ថ្ងៃអាទិត្យ         ៖ ៨:00 ព្រឹក -១២:០0 ថ្ងៃត្រង់

កាលបរិច្ឆេទ     ៖ ថ្ងៃទី២២ ខែសីហា ឆ្នាំ២០១៥

តម្លៃសិក្សា៖

-តម្លៃសិក្សា ១២០ ដុល្លារអាមេរិក

-១០០ដុល្លារអាមេរិក សម្រាប់ធ្វើការចុះឈ្មោះមុនថ្ងៃទី០៩ ខែសីហា ឆ្នាំ២០១៥

-ចំពោះការចុះឈ្មោះជាក្រុម៥នាក់ នឹងបន្ថែមជូនម្នាក់ដោយឥតគិតថ្លៃ

-ផ្តល់ជូននូវអាហារសម្រន់សម្ភារៈ ឯកសារសិក្សា និងវិញ្ញាបនបត្របញ្ជាក់ការសិក្សា

ទីកន្លែងចុះឈ្មោះ និងទីកន្លែងនៃការសិក្សា៖                                           ‘

ក្រុមហ៊ុនអេជអាខេមបូឌា (HR CAMBODIA)

អគារប៊ីសាកលវិទ្យាល័យធនធានមនុស្ស លេខ៥C ជាប់ខាងត្បូងវត្តមហាមន្ត្រី ផ្លូវលេខ២៨៤ កែងផ្លូវ លេខ១៦៣ សង្កាត់អូឡាំពិក ខណ្ឌចំការមន រាជធានីភ្នំពេញ ។

លេខទូរស័ព្ទ៖   855(0) 93 888 772 / 092 777 525

អ៊ីម៉ែល៖ men.tum@hrcambodia.com

Website: www.hrcambodia.com

ថ្ងៃផុតកំណត់   ថ្ងៃទី២១ ខែសីហា ឆ្នាំ២០១៥  

ស្រវឹង​ធ្លាក់​ភ្នែក​ជិះម៉ូតូ​ ទៅ​បុក​ឃឿន​ ផ្លូវ​របួសធ្ងន់ស្រាល ​២​នាក់​

E-mail Print PDF

ភ្នំពេញៈ បុរសពីនាក់ជិះម៉ូតូមួយគ្រឿង ក្នុងស្ថានភាពស្រវឹងស្រា ជោគបានជ្រុលទៅបុកឃឿន ផ្លូវបណ្តាលអោយរងរបួសធ្ងន់ម្នាក់ ស្រាលម្នាក់
ហេតុការនេះកើត នៅវេលាម៉ោង 12និង14នាទី រំលងអធ្រាតឈាន ចូលថ្ងៃទី16 ខែ សីហា ឆ្នាំ 2015 ស្ថិតនៅក្នុងភូមិជម្ពូវន្ត សង្កាត់ចោមចៅ ខណ្ឌពោធិសែនជ័យ រាជធានីភ្នំពេញ។

តាមប្រភពពីសមត្ថកិច្ច បានដឹងថា មុនពេលកើតហេតុ បុរសពីរនាក់មិនស្គាល់អត្តសញ្ញាណ ជិះម៉ូតូមួយគ្រឿងម៉ាកសេ125សេរី ឆ្នាំ 2012 ពណ៌ខ្មៅពាក់ស្លាកលេខ ភ្នំពេញ1BO-0484 ធ្វើដំណើក្នុងទិសដៅ ពីត្បូងទៅជើងក្នុងស្ថានភាព ស្រវឹងជោគលុះ មកដល់ចំណុចកើតហេតុ ស្រាប់តែជ្រុលចង្កូត ទៅបុកនិងឃឿនផ្លូវបណ្តាលឲ្យ ដួលបោកទៅនឹងថ្នល់ រងរបួសធ្ងន់ស្រាល ២នាក់ ក្រោយកើតហេតុជនរងគ្រោះ ត្រូវរថយន្តសង្រ្គោះដឹកយក ទៅព្យាបាលនៅមន្ទីពេទ្យ រាជធានីភ្នំពេញដើម្បី ជួយសង្គ្រោះអាយុជីវិតជាបន្ទាន់៕

នៅព្រឹកនេះ លោក ហុង សុខហួរ ត្រូវបានបញ្ជូនទៅ​ដល់​តុលាការ​វិញហើយ ដើម្បីសាកសួរ​បន្តទៀត

E-mail Print PDF

ភ្នំពេញ៖ មន្រ្តីនគរបាលក្រុងភ្នំពេញ បានថ្លែងប្រាប់ឲ្យដឹងថា នៅម៉ោងប្រមាណ៧ព្រឹកថ្ងៃទី១៦ ខែសីហានេះ លោក ហុង សុខហួរ ត្រូវបានបញ្ជូនពីស្នងការដ្ឋាននគរបាល រាជធានីភ្នំពេញ ទៅកាន់តុលាការក្រុងភ្នំពេញវិញហើយ ដើម្បីសាកសួរនាំបន្ត បន្ទាប់ពីបានសាកសួរ អស់ជាច្រើនម៉ោង នៅល្ងាចថ្ងៃសៅរ៍ម្សិលមិញ។

លោក ហុង សុខហួរ សមាជិកព្រឹទ្ធសភា គណបក្ស សម រង្ស៊ី ត្រូវបានកម្លាំងនគរបាល ចាប់ខ្លួន នៅវេលាម៉ោង ៦៖០០នាទីព្រឹក ថ្ងៃទី១៥ ខែសីហា ឆ្នាំ២០១៥នេះ នៅក្នុងភូមិគ្រឹះលេខ១០៦A ផ្លូវ២០១១ ភូមិគោកឃ្លាង សង្កាត់ភ្នំពេញថ្មី ខណ្ឌសែនសុខ ក្រោយរត់គេចខ្លួន អស់រយ:ពេល២ថ្ងៃមកនេះ។

វិដេអូ បញ្ជូនលោក ហុង សុខហួរ ចេញពីតុលាការ ទៅកាន់ស្នងការដ្ឋាននគរបាលក្រុងភ្នំពេញវិញ កាលពីម្សិលមិញ៖

តុលាការសម្រេចបញ្ជូនលោក ហុង សុខហួរ ទៅកាន់ស្នងការដ្ឋាននគរបាលវិញ នឹងបន្តសួរនាំនៅថ្ងៃស្អែកទៀត

Posted by Lim Cheavutha on Saturday, August 15, 2015

លោក ហុង សុខហួរ ត្រូវ​បញ្ជូន​ទៅកាន់​ស្នងការ​ដ្ឋាន​នគរបាល​វិញ ហើយនឹង​បន្ត​សួរ​នាំនៅ​ថ្ងៃ​ស្អែក​ទៀត

E-mail Print PDF

ភ្នំពេញ៖ មន្ត្រីតុលាការក្រុងភ្នំពេញ បានថ្លែងប្រាប់ឲ្យដឹងថា លោក ហុង សុខហួរ នៅម៉ោង ៧៖១៥នាទីយប់ថ្ងៃទី១៥ ខែសីហានេះ ត្រូវបានបញ្ជូនទៅកាន់ ស្នងការដ្ឋាននគរបាលរាជធានីភ្នំពេញវិញ ហើយនឹងបន្តសួរនាំនៅថ្ងៃស្អែកបន្តទៀត បន្ទាប់ពីបានសាកសួរ អស់ជាច្រើនម៉ោង នៅល្ងាចថ្ងៃសៅរ៍នេះ។

លោក ហុង សុខហួរ សមាជិកព្រឹទ្ធសភា គណបក្ស សម រង្ស៊ី ត្រូវបានកម្លាំងនគរបាល ចាប់ខ្លួន នៅវេលាម៉ោង ៦៖០០នាទីព្រឹក ថ្ងៃទី១៥ ខែសីហា ឆ្នាំ២០១៥នេះ នៅក្នុងភូមិគ្រឹះលេខ១០៦A ផ្លូវ២០១១ ភូមិគោកឃ្លាង សង្កាត់ភ្នំពេញថ្មី ខណ្ឌសែនសុខ ក្រោយរត់គេចខ្លួន អស់រយ:ពេល២ថ្ងៃមកនេះ៕

ក្រុមការងារ ចុះជួយភូមិអូរឫស្សី ដើម្បីពង្រឹង រចនាសម្ព័ន្ធ និងធ្វើបច្ចុប្បន្នភាព សមាជិកបក្ស

E-mail Print PDF

បន្ទាយមានជ័យ៖ នៅព្រឹកថ្ងៃទី១៥ ខែសីហា ឆ្នាំ២០១៥ លោកស្រី អៀង កណ្ណារ៉ា អភិបាលរងក្រុង និងជាសមាជិកអចិន្ត្រៃយ៍៍ គណបក្សប្រជាជនកម្ពុជា ក្រុងប៉ោយប៉ែត និងជាប្រធានក្រុមការងារ ចុះជួយភូមិអូរឫស្សី រួមលោក សុខ ពេញណន សមាជិកក្រុមការងារយុវជន ដើម្បីចលនាការងារសង្គម និងមនុស្សធម៌ក្រុង និងជាសមាជិក ក្រុមការងារចុះជួយសង្កាត់ផ្សារកណ្តាល បានចុះសំណេះសំណាល សាខាបក្សភូមិអូរឫស្សី ដើម្បីពង្រឹងរចនាសម្ព័ន្ធ និងធ្វើបច្ចុប្បន្នភាពសមាជិកបក្ស។

លោកស្រី អៀង កណ្ណារ៉ា អភិបាលរងក្រុង និងជាសមាជិកអចិន្ត្រៃយ៍គណបក្សក្រុង ក្នុងឱកាសនោះបានធ្វើការសំណេះសំណាល សួរសុខទុក្ខពីសំណាក់លោក ង៉ោ ម៉េងជ្រួន ប្រធានគណបក្សក្រុង រួមទាំងពិភ្សា ដើម្បីពង្រឹងរចនាសម្ព័ន្ធ និងធ្វើបច្ចុប្បន្នភាព សមាជិកបក្សទាំងអស់។

នាឱកាសនោះ ក្រុមការងារបានក្តាប់នូវបញ្ហាប្រឈមនានា របស់សាខាបក្សភូមិជាមូលដ្ឋាន សម្រាប់ដោះស្រាយ និងបានឧបត្ថម្ភថវិកា ជូនសាខាបក្សភូមិ និងសមាជិកចូលរួម ដោយថវិកាផ្ទាល់ពីលោកស្រី អៀង កណ្ណារ៉ា ចំនួន ២០ ម៉ឺនរៀល លោក សុខ ពេញណន ចំនួន ២០ ម៉ឺនរៀល៕

Photo by DAP-News

Photo by DAP-News

Photo by DAP-News

Photo by DAP-News

ក្រុម១៥៧ ប្រកាសទទួលស្គាល់ សមាជិកថ្មី ១០០នាក់ រួមនិងផ្តល់អំណោយ ដល់ពលរដ្ឋក្រក្រី ១០៧គ្រួសារ នៅខេត្តក្រចេះ

E-mail Print PDF

ក្រចេះ៖ ប្រធានចលនាយុវជនកម្ពុជា ក្រុម១៥៧ លោកមឹុង ពន្លក នារសៀលថ្ងៃទី១៥ ខែសីហា ឆ្នាំ២០១៥ នេះ បានប្រកាសទទួលស្គាល់ សមាជិកថ្មីចំនួន១០០នាក់ នៅសាខាខេត្តក្រចេះ ជាមួយគ្នានោះក្រុម១៥៧ ក៏បានផ្តល់អំណោយ ជូនប្រជាពលរដ្ឋក្រីក្រចំនួន ១០៧គ្រួសារផងដែរ។

ប្រធានចលនាយុវជនកម្ពុជា ក្រុម១៥៧ លោក មឹុង ពន្លក បានមានប្រសាសន៍ ទៅកាន់សមាជិកថ្មីសាខា ខេត្តក្រចេះទាំង១០០រូបនោះថា កាតព្វកិច្ច និងកិច្ចការដែលក្រុម១៥៧ បាននឹងកំពុងធ្វើបច្ចុប្បន្ននេះ គឺកិច្ចការមនុស្សធម៌នៅក្នុងសង្គម សមាជិកក្រុម១៥៧ កន្លងមកតែងតែរួមគ្នា តាមលទ្ធភាពជួយដល់ ប្រជាពលរដ្ឋក្រីក្រ ប្រជាពលរដ្ឋជួបបញ្ហា និងការខ្វះខាតផ្សេងៗ ដោយមិនប្រកាន់និន្នាកានយោបាយ ពូជសាសន៌ និងពណ៌សម្បុរ។

លោក មឹុង ពន្លក បានបន្តទៀតថា ក្រៅពីកិច្ចការងារមនុស្សធម៌ ក្រុម១៥៧ ក៏បានរួមចំណែកជួយកិច្ចការងារ ជាច្រើនផ្សេងៗទៀត ដែលជាប្រយោជន៍សង្គម និងផលប្រយោជន៍ប្រជាពលរដ្ឋ ជាមួយគ្នានេះ លោកក៏បានអំពាវនាវឱ្យយុវជន ទាំងអស់ត្រូវរួមគ្នាធ្វើកិច្ចការ មនុស្សធម៌ក្នុងសង្គម ជួយប្រជាពលរដ្ឋ និងត្រូវចូលរួមក្នុងការ ការពារសន្តិសុខ សុវត្ថិភាពប្រទេសជាតិផងដែរ។

លោក មិត ឆៃយុត្ត ប្រធានចលនាយុវជនកម្ពុជា ក្រុម១៥៧ សាខាខេត្តក្រចេះ ជំនួសមុខឱ្យសមាជិកថ្មី នៅចំពោះមុខលោក មឹុង ពន្លក បានសន្យា ហើយប្តេជ្ញាថា ក្រុម១៥៧ សាខាខេត្តក្រចេះ និងខិតខំប្រឹងប្រែងអស់លទ្ធភាព ក្នុងសកម្មភាពមនុស្សធម៌ ក្នុងការស្វែងរក និងជួយដល់ប្រជាពលរដ្ឋ ក្រីក្រគ្រប់ច្រកល្ហក់ទូទាំងខេត្ត។
លោក មិត ឆែយុត្ត បានបន្តទៀតថា ជាក់ស្តែងនៅថ្ងៃទី១៥ ខែសីហា នេះ សមាជិកចលនាយុវនកម្ពុជា ក្រុម១៥៧ សាខាខេត្តក្រចេះ បានផ្តល់អំណោយមនុស្សធម៌ដល់ប្រជាពលរដ្ឋក្រីក្រចំនួន១០៧គ្រួសារ មកពីស្រុកទាំង៦ របស់ខេត្តក្រចេះ។

សូមបញ្ជាក់ថា ក្រោពីបញ្ចប់ពិធីប្រកាស ទទួលស្គាល់សមាជិកថ្មី និងការផ្តល់អំណោយ មនុស្សធម៌របស់ក្រុម១៥៧ ប្រជាពលរដ្ឋចំនួន១០៧ ដែលមកពីស្រុកស្នួល ស្រុកឆ្លូង ស្រុកព្រែកប្រសព្វ ស្រុចិត្របុរី ស្រុកសំបូរ និងក្រុងក្រចេះ ក៏បានទទួលបាយសាមគ្គី រួមគ្នាជាមួយសមាជិកក្រុម១៥៧ ដើម្បីក្តីសប្បាយរីករាយផងដែរ៕

រថយន្ត Lexus មួយគ្រឿង ត្រូវរថយន្តដឹកដែក រអិលធ្លាក់ដែក បុកចំរថយន្ត ខូចខាតមួយចំនួន

E-mail Print PDF

ភ្នំពេញ៖ ភ្នាក់ងារ មជ្ឈមណ្ឌលព័ត៌មានដើនអម្ពិល បានរាយការណ៍ថា នៅវេលាម៉ោងប្រមាណ៤៖៥០នាទី ល្ងាចថ្ងៃសៅរ៍នេះ ទី១៥ ខែសីហា នេះ មានករណីគ្រោះថ្នាក់មួយ ដោយរថយន្តដឹកដែក បានរអិលធ្លាក់ដែកប៉ះចំរថយន្ត ស៊េរីទំនើបមួយគ្រឿង ម៉ាក Lexus GS300 ដែលបើកនៅពីខាងក្រោយ ស្ថិតនៅតាមបណ្តោយផ្លូវមាត់ទន្លេ ម្តុំផ្សារអ៉ីអន ក្នុងសង្កាត់ ទន្លេបាសាក់ ខណ្ឌចំការមន ប៉ុន្តែសំណាងល្អអ្នកបើកបររថយន្ត មិនមានរងរបួស និងគ្រោះថ្នាក់អ្វីនោះទេ, ដោយគ្រាន់តែបែកកញ្ចក់ និងដំបូលរថយន្តតែប៉ុណ្ណោះ៕

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News

លោក ប៊ុន ហុន ចុះសួរសុខ​ទុក្ខ​គ្រួសារ​សម្រាល​កូន​១៥គ្រួសារ

E-mail Print PDF

ភ្នំពេញ៖ លោក ប៊ុន ហុន តំណាងដ៏ខ្ពង់ខ្ពស់របស់ លោកបណ្ឌិតសភាចារ្យ សុខ អាន ឧបនាយករដ្ឋមន្រ្តី និងប្រធានក្រុមការងារថ្នាក់ជាតិចុះមូលដ្ឋានខេត្តតាកែវ នៅព្រឹកថ្ងៃអាទិត្យទី១៥ ខែសីហា ឆ្នាំ២០១៥នេះ បានអញ្ជើញចុះសាកសួរទុក្ខបងប្អូនប្រជាពលរដ្ឋសម្រាលកូននៅឃុំព្រៃល្វា ចំនួន១៥គ្រួសារ។

ដំណើរចុះសាកសុខទុក្ខនេះ ក៏បានមានការចូលរួមដោយលោកស្រីអភិបាលរងស្រុក ព្រៃសប្បាស លោកមេឃុំ និង ក្រុមប្រឹក្សាព្រៃកប្បាស ព្រមទាំងតំណាងសាខា កាកបាទក្រហមស្រុកព្រៃកប្បាស និង តំណាងសហព័ន្ឋសហភាពយុវជនកម្ពុជា និង កាយរិទ្ឋិកម្ពុជាផងដែរ។

លោក ប៊ុន ហុន បានផ្តាំផ្ញើនូវការសាកសួរសុខទុក្ខរបស់ថ្នាក់ដឹកនាំចំពោះបងប្អូនប្រជាពលរដ្ឋ និងផ្តាំផ្ញើឱ្យចិត្តទុកដាក់លើការបង្កបង្កើនផល ឱ្យបានទិន្នផលខ្ពស់ ក្នុងរដូវវស្សានេះ។

មិនតែប៉ុន្តែ លោក ប៊ុន ហុន ក៏បាននាំយកអំណោយមនុស្សធម៌របស់សាខាកាកបាទក្រហមកម្ពុជាប្រចាំខេត្តតាកែវ និង ថវិកា គួចដៃទារក៕

ប្រព័ន្ធហ្វ្រេកង់ស៍ របស់សា្ថនីយរ៉ាដា តេជោសែន ទទួលរងការរំខាន ពីសញ្ញាខាងក្រៅ ក្រុមបច្ចេកទេស កំពុងជួសជុល

E-mail Print PDF

ភ្នំពេញ : មន្រ្តីជាន់ខ្ពស់ ក្រសួងធនធានទឹក និងឧតុនិយម បានថ្លែងថា នៅពេលនេះក្រុមបច្ចេកទេស របស់ក្រសួងប្រៃណីយ៍ និងក្រុមបច្ចេកទេស របស់ស្ថានីយ៍រ៉ាដា តេជោ សែន បាននិងកំពុងជួសជុល ក្រោយពីប្រព័ន្ធហ្វ្រេកង់ស៍ របស់សា្ថនីយរ៉ាដាតេជោសែន ទទួលរងការរំខានពីសញ្ញាខាងក្រៅ មិនអាចដំណើរការបានដោយរលូន ។

លោក ចាន់ យុត្ថា បានប្រាប់ថា ក្រសួងធនធានទឹក មានគេហទំព័រមួយ www.cambodiameteo.com ដើម្បីធ្វើការផ្សព្វផ្សាយ ពីទិន្នន័យអាកាសធាតុ របស់ប្រព័ន្ធរ៉ាដាតេជោ សែន ប៉ុន្តែមួយរយ:ចុងក្រោយនេះ ស្រាប់តែអ្នកបើកមើល និងចូលទៅកាន់គេហទំព័រមួយនេះ បានលើកឡើងជាចម្ងល់ថា មានភាពមិនប្រក្រតីកើតឡើង ។

លោក ចាន់ យុត្ថា បានបញ្ជាក់ថា ក្រោយក្រុមបច្ចេកទេសធ្វើការពិនិត្យទៅឃើញថា ប្រព័ន្ធហ្វ្រេកង់ស៍ របស់សា្ថនីយរ៉ាដាតេជោសែន ទទួលរងការរំខានពីសញ្ញាខាងក្រៅ ទាំងទិន្នន័យទទួលនិងបញ្ចេញ ហេតុដូច្នេះហើយ លោករដ្ឋមន្រ្តី ក្រសួងធនធានទឹក លោក លឹម គានហោ បានទាក់ទៅរដ្ឋមន្រ្តីក្រសួងប្រៃណីយ៍ និងទូរគមនាគមន៍ភ្លាម ដើម្បីឲ្យក្រុមបច្ចេកទេស មកធ្វើការជួសជុល ហើយនៅពេលនេះ ក្រុមបច្ចេសទេសទាំងពីរអង្គភាព បាននិងកំពុងយកចិត្តទុកដាក់ជួសជុលលើបញ្ហានេះ និងលទ្ធផលអាចដឹងនាពេលឆាប់ៗនេះ៕

Photo by DAP-News

អគ្គិភ័យ​ដែលបាន​ឆាបឆេះ​ទីតាំង​សិប្បកម្ម​កែច្នៃ និងឃ្លាំង​ស្តុក​ឈើ នៅសង្កាត់​ភ្នំពេញ​ថ្មី បាន​រលត់​វិញ​ហើយ (មានវីដេអូ)

E-mail Print PDF

ភ្នំពេញ៖ នៅវេលាម៉ោងប្រមាណ ៤៖៣០នាទីរសៀលថ្ងៃសៅរ៍នេះ អគ្គិភ័យដែលបានឆាបឆេះទីតាំង សិប្បកម្មកែច្នៃ និងឃ្លាំងដាក់ឈើ ភូមិច្រេះ សង្កាត់ភ្នំពេញថ្មី ខណ្ឌសែនសុខ បានរលត់វិញហើយ ក្រោយមានពីមានការអន្តរាគមន៍ ឡានទឹកអស់ប្រមាណ ៤គ្រឿង។

ប្រជាពលរដ្ឋនៅក្បែរនោះបាននិយាយ ករណីឆាបឆេះនេះអាចបណ្តាលមកពី កម្មករជក់បារី ហើយបោះកន្ទុយបារីចោលលើកំណាត់ឈើ ហើយឆេះរាលដាលតែម្តងទៅ។

លោក ម៉ក់ ហុង អធិការខណ្ឌសែនសុខ បានឲ្យដឹងថា សិប្បកម្ម និងទីតាំងស្តុកឈើខាងលើនេះ ទំនងជាគ្មានច្បាប់អនុញ្ញាតនោះទេ, លោកចាត់វិធានការពិនិត្យមើលលើបញ្ហានេះ។

ជាមួយគ្នានោះ ក្រុម៧១១ របស់កងពល តូច ង ៧០ក៏បានបញ្ជូន រថយន្ត ពន្លត់អគ្គិភ័យ ចំនួន៣គ្រឿង ទៅជួយបាញ់ពន្លត់ផងដែរ ។

សូមជំរាបថា ទីតាំងសិប្បកម្មកែច្នៃ និងឃ្លាំងស្តុកឈើ ខាងលើនេះត្រូវបានអគ្គិភ័យឆាបឆេះ នៅវេលាម៉ោងប្រមាណ ១៥៖៤០នាទីរសៀលថ្ងៃសៅរ៍នេះ៕

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News

Page 92 of 416