aaa

Wednesday, Feb 10th

| English Version | dapnews: 012 722 337, 097 9999 883, email: soyvicheth@gmail.com

សាកសពប្រជានេសាទ ខ្មែរឥស្លាមម្នាក់ ក្នុងចំណោម ២នាក់ ត្រូវបានរកឃើញហើយ នៅក្បែកោះក្រាស់ ប្រទេសវៀតណាម

E-mail Print PDF

កំពត៖ លោកឧត្តមសេនីយ៍ត្រី ទូច ពលះ អនុប្រធាននាយកដ្ឋាននគរបាលព្រំដែនទឹក និងជាប្រធានបង្ក្រាបបទល្មើស លើផ្ទៃទឹកសមុទ្រខេត្តកំពត និងកែប បានប្រាប់មជ្ឈមណ្ឌលព័ត៌មានដើមអម្ពិលថា សពជនរងគ្រោះ ដែលប្រជានេសាទនៅភូមិដូនតោក ទៅរកឃើញនោះ ឈ្មោះណាប់ ម៉ើត ភេទប្រុស អាយុ៤០ឆ្នាំ រស់នៅភូមិដូនតោក សង្កាត់ត្រើយកោះ ក្រុងកំពត ខេត្តកំពត។

រីឯជនរងគ្រោះម្នាក់ទៀត ឈ្មោះត្មាត ឌុលឡោះ ភេទប្រុស អាយុ៣០ឆ្នាំ រស់នៅក្នុងភូមិជាមួយគ្នាដែរ នៅបន្តការបាត់ខ្លួន នៅឡើយទេ។

លោកទូច ពលះបន្តថា សពជនរងគ្រោះ ត្រូវបានប្រជានេសាទ ស្វែងរក ក៏ប្រទះឃើញសពនៅម៉ោងជាង ២រសៀល ថ្ងៃទី១០ ខែគុម្ភះ ឆ្នាំ២០១៦នេះ កំពុងអណ្តែត លើទឹកសមុទ្រ ចំណុចខាងលិចក្បែកោះក្រាស់ នៃប្រទេសវៀតណាម។ បច្ចប្បន្នសព ត្រូវពួកនេសាទ កំពុងដឹកតាមទូកមកស្រុកវិញហើយ។

គួរបញ្ជាក់ថា ករណីលិចទូកនេសាទ កាលពីយប់ថ្ងៃទី៧ ខែគុម្ភៈ ឆ្នាំ២០១៦ ចំណុចខាងលិចកោះសារាំង ស្ថិតក្នុងភូមិដូនតោក សង្កាត់ត្រើយកោះ ក្រុងកំពតបណ្តាល ឲ្យជនរងគ្រោះ២នាក់ខាងលើ បាត់ខ្លួនរហូតមកដល់ពេលនេះ បានប្រទះឃើញម្នាក់ហើយ៕

អូសខ្សែភ្លើង ឆាបការ៉ូ ឆ្លងចរន្តឆក់ស្លាប់

E-mail Print PDF

កណ្តាល៖ បុរសម្នាក់ជាជាងរៀប ការ៉ូ ត្រូវឆ្លងចរន្តតាមទ្វារដែក ឆក់ស្លាប់ បន្ទាប់ពីអូសខ្សែភ្លើងកាត់ការ៉ូ ហើយបិទទ្វារគៀប ដាច់បណ្តាលឲ្យឆក់ កាលពីម៉ោង ១៤៖៤០នាទី ថ្ងៃទី ១០ ខែកុម្ភៈ ឆ្នាំ២០១៦ នៅចំណុចផ្ទះឈ្មោះ ហ៊ីង វីរះ ភូមិព្រៃពពេល ឃុំក្រាំងម្កាក់ ស្រុកអង្គស្នួល ខេត្តកណ្តាល។

នគរបាលបានឲ្យដឹងថា ជនរងគ្រោះ ឈ្មោះ ហ៊ីង សោ ភ័ណ្ឌ ភេទប្រុស អាយុ ៤០ឆ្នាំ មុខរបរជាងផ្ទះ នៅភូមិព្រៃពពេល មាន ប្រពន្ធឈ្មោះ លួន លៀប អាយុ ៣៩ឆ្នាំ មានមុខរបរ កម្មករកាត់ដេរ មានកូនចំនួន ២នាក់។

នគរបាលបានបន្តទៀតថា មុនពេលកើតហេតុ ជនរងគ្រោះបាន យកម៉ូទ័រ កាត់ការ៉ូ មកតចរន្តភ្លើង ដើម្បីកាត់ការ៉ូបិទបន្ទប់ អោយប្អូនបង្កើតឈ្មោះ ហ៊ីង វីរៈ ដោយប្អូនតរចរន្ត ចេញពីលើផ្ទះ អូសខ្សែតភ្លើង កាត់គងលើមេទ្វាដែក រួចទាញទ្វារបិទ រួចបានកាត់ការ៉ូ ដោយមិនដឹងទ្វារគៀបដាច់ គៀបនិងទ្វារ ពេលអង្គុយឆាបផ្អែកទ្វាតដែក បណ្តាលឲ្យឆក់ស្លាប់។

ក្រោយពេលកើតហេតុ នគរបាលបាន ចុះទៅដល់ពិនិត្យ សាកសពជនរង ពិតជាស្លាប់ ដោយសារចរន្តអគ្គិសនី ឆក់ពិតប្រាកដមែន ក្រោយពីពិនិត្យ រួចបានប្រគល់ សាកសពទៅឲ្យក្រុមគ្រួសារ យកទៅធ្វើបុណ្យតាមប្រពៃណី៕

ក្រុមអាជីវករ កាប់ជ្រូក ប្រតិកម្មចំពោះ មន្ត្រីពេទ្យសត្វ ខេត្តកំពង់ឆ្នាំង

E-mail Print PDF

កំពង់ឆ្នាំង៖ បន្ទាប់ពីក្រុមអាជីវករកាប់ជ្រូក ចំនួន ១២នាក់ តវ៉ាក្នុងអង្គប្រជុំនៃ មន្ទីរកសិកម្មខេត្តកំពង់ឆ្នាំង កន្លងទៅថ្មីៗនេះ  រហូតមកដល់ រសៀលថ្ងៃទី១០ ខែកុម្ភៈ ឆ្នាំ២០១៦ មជ្ឈមណ្ឌលព័ត៌មានដើមអម្ពិល បានទទួលព័ត៌មាន ស្តីពីភាពមិនប្រក្រតី បានបញ្ចេញពីក្រុមអាជីវករ កាប់ជ្រូកថា ក្រុមអាជីវករចាស់ ដែលបានធ្វើការតវ៉ាពីមុន មកមានតែត្រឹម ៨នាក់ ប៉ុណ្ណោះ ក្នុងចំណោម ១២នាក់ ប៉ុន្តែកាលពីរសៀលថ្ងៃទី០៨ ខែកុម្ភៈ ឆ្នាំ២០១៦ កំនើនអ្នកតវ៉ាបានកើនឡើង រហូតដល់ ១១នាក់ បានធ្វើការជជែកតវ៉ា នៅក្នុងអង្គប្រជុំមួយក្រោមវត្តមានលោក ស៊ុន ស៊ន នាយរងនាយកដ្ឋានផលិតកម្ម និងបសុព្យាបាល  និងប្រធានមន្ទីរកសិកម្ម ខេត្តលោក ងិន ហ៊ុន រួមនិងមន្ត្រីការិយល័យផលិតកម្ម និងបសុព្យាបាល និងក្រុមអាជីវករចាស់ និងអាជីវករថ្មីទាំងអស់ចូលរួម ។

ការប្រជុំដោះស្រាយខាងលើ ត្រូវបានអាជីវករកាប់ជ្រូកទាំងអស់ និយាយថា មិនទាន់បានលទ្ធផលជាផ្លែផ្កានៅឡើយទេ មិនតែប៉ុណ្ណោះ ប្រភពពីអាជីវករបានទម្លាយ អោយដឹងនៅថ្ងៃទី១០ ខែកុម្ភៈ នេះថាមានការគំរាមកំហែងដោយប្រជុំថ្នាក់ដឹកនាំនៅក្នុងមន្ទីរ ដកឈ្មោះអាជីវករណា ដែលជាមេក្លោងធ្វើការតវ៉ា ចេញពីអាជីវកម្ម កាប់ជ្រូក នៅទីសត្តឃាតភូមិទី១ សង្កាត់ខ្សាម ក្រុងកំពង់ឆ្នាំង ។

ពាក់ព័ន្ធព័ត៌មាននេះអភិបាលនៃគណៈអភិបាលខេត្តកំពង់ឆ្នាំង លោក ឈួរ ច័ន្ទឌឿន បានអោយដឹងតាមរយៈទូតស័ព្ទថា លោកមិនទាន់ បានទទួលព័ត៌មានខាងលើ នេះនៅឡើយទេ ប៉ុន្តែអះអាងថា មិនអាចធ្វើបែបនេះនោះទេ។ ដោយឡែក ប្រធានមន្ទីរកសិកម្មខេត្តកំពង់ឆ្នាំង លោក ងិន ហ៊ុន បានអះអាងថា នៅក្នងជួរមន្ត្រីអង្គភាព មិនមានការប្រជុំការដក ឬលុបឈ្មោះអាជីវករ ណាឡើយ ការប្រជុំថ្ងៃមុន គឺបានធ្វើរបាយការណ៍ និងលើកយកសំណូមពររបស់អាជីវករចាស់ ដែលសុំនៅត្រឹម១២នាក់ ដដែលដាក់ជូនទៅក្រសួងកសិកម្ម ដើម្បីលោករដ្ឋមន្ត្រីសម្រេច។

ទន្ទឹមព័ត៌មានខាងលើនេះផងដែរ ក្រុមអាជីវករ បានទម្លាយអោយដឹងថា កុំថាឡើយអាជីវករថ្មី មិនបានចំណាយប្រាក់ សម្រាប់ចូលក្នុង អាជីវកម្មកាប់ជ្រូក សូម្បីតែពួកគាត់ ជាអាជីវករចាស់ក្នុងម្នាក់ៗ ត្រូវចំណាយប្រាក់ទៅលើឯកសារផ្សេងៗ ដោយគេអះអាងថា យកទៅស៊ីញ៉េ តាំងពីថ្នាក់ភូមិ រហូតដល់ថ្នាក់លើក្នុងម្នាក់ៗ អស់២៥ម៉ឺនរៀល ដែលនៅក្នុងច្បាប់ គឺត្រឹមតែ៨ម៉ឺនរៀលប៉ុណ្ណោះ ត្រង់ចំណុចទាំងនេះ បើយោងតាមប្រភពដែលទទួលបានកន្លងមកថា  មន្ត្រីពេទ្យសត្វទាំងនោះ ទទួលសំណែនពីអាជីវករក្នុងម្នាក់ៗ ចាប់ពី ៣ពាន់ ទៅ៥ពាន់ដុល្លា  និង ជារៀងរាល់ដងប្រចាំថ្ងៃ គឺជ្រូក១ក្បាលដែលកាប់នៅទីសត្តឃាដ គេយកតម្លៃផាស៊ី ៥ពាន់រៀល និងបង់អោយពេទ្យសត្វ៤ពាន់រៀល ពន្ធដារ១៥០០រៀល និងក្នុងម្នាក់ៗបង់ជូនសាច់ចំឡក១ដើម និងមានថ្លៃសាំងផងដែរគឺ៣ថ្ងៃ១២០០០រៀល។

លោក ក្រឹង សំអាត ប្រធានករិយាល័យផលិតកម្ម និងបសុព្យាបាល ខេត្តកំពង់ឆ្នាំង បានច្រានចោលទាំងស្រុង ដោយលោកដិសេធថា មិនមាន ការប្រព្រឹត្តអំពើពុករលូយនោះទេ ព្រោះពី ៣ពាន់ទៅ៥ពាន់ដុល្លា គឺចំនួនច្រើនណាស់ ហើយការបញ្ចូលអាជីវករថ្មី គឺមិនអាចហាមឃាត់បានទេ ដោយយោងលើទីផ្សារសេរី។ ទោះយ៉ាងណា ករណីនេះត្រូវបានក្រុមអាជីវករចាស់ លើកឡើងផងដែរ ទីផ្សារសេរី គឺចាប់ពី ២នាក់ឡើងទៅ គឺសេរីហើយ ដោយពួកគាត់លើកឡើងថា ទីផ្សារតូចមួយបញ្ចូលអាជីវករច្រើន ហួសហេតុ គឺលើសចំនួន ស្ថិតចូលទៅក្នុងភាពអាណាធិបតេយ្យ ទីផ្សារសេរី គឺស្ថិតនៅក្នុងរង្វង់ច្បាប់៕

សម្តេចតេជោ សរសើរលោក ឆាយ សុផល ដែលចងក្រង សៀវភៅប្រវត្តិសាស្ត្រ កម្ពុជា

E-mail Print PDF

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា បានកោតសរសើរ លោក ឆាយ សុផល អ្នកកាសែតជើងចាស់ និងល្បីមួយរូបនៅកម្ពុជា ដែលបានខិតខំ ស្រាវជ្រាវចងក្រងសៀវភៅ ប្រវត្តិសាស្ត្ររបស់កម្ពុជា សម្រាប់កូនចៅជំនាន់ក្រោយ បានសិក្សាស្រាវជ្រាវ៕

ផ្ទុះសឺទែនសាំង ឡានប្រេងភីធីធី រងរបួសធ្ងន់៣នាក់

E-mail Print PDF

ភ្នំពេញ៖ ជាងផ្សារសឺទែនសាំងប្រេងឡានPTT បានរងរបួសធ្ងន់ខណះជនរងគ្រោះ ទាំង៣នាំគ្នាផ្សារសឺទែន ប្រេងសាំងឡានរបស់ ក្រុមហ៊ុនPTT ដោយខ្វះការប្រុងប្រយ័ត្ន បណ្តាលឲ្យផ្ទុះ ស្ទើរតែខ្ទេចទាំងស្រុង ហេតុការនេះកើតឡើង កាលពីវេលាម៉ោងជិត៥ ថ្ងៃទី១០ខែកុម្ភះ ឆ្នាំ២០១៦ នៅក្នុងហ្រ្គារ៉ាសជួសជុលភូមិអង្គ សង្កាត់ចោមចៅ ខណ្ឌពោធិ៍សែនជ័យ។

បើយោងតាមសាក្សីក្នលែងកើតហេតុបានឲ្យដឹងថា ជនរងគ្រោះទាំង៣មិនត្រូវបានគេស្គាល់ឈ្មោះនោះទេ គ្រានតែដឹងថា ជាជាងជួសជុស របស់ក្រុមហ៊ុនប្រេងPTT ។

សាក្សីបានបន្តថា មុនពេលកើតហេតុជនរងគ្រោះទាំង ៣នាក់បាននាំគ្នាផ្សារសឺទែនសាំង ប៉ុន្តែទំនងជា ខ្វះការប្រុងប្រយ័ត្នបន្តិច ក្រោយមក ក៏លឺសូរសំឡេងផ្ទុះឡើង ភ្លាមនោះបាននាំគ្នាទៅមើល ស្រាប់តែឃើញជនរងគ្រោះទាំដេកដួលទៅនិងដី ក្រោយមកក្រុមហ៊ុនបានដឹក ជនរងគ្រោះ ទាំងបីទៅកាន់មន្ទីរពេទ្យ ដើម្បីជួយសង្គ្រោះជាបន្ទាន់ ។ ទៅបីជាយ៉ាងណាអ្នកយកព័ត៌មានយើង មិនអាចសុំការបំភ្លឺពីតំណាង ក្រុមហ៊ុន ពីមូលហេតុនៃការផ្ទុះនេះបានឡើយ៕

ប្រធានអង្គការផ្ទះយើង ជាប់ពន្ធនាគា ៣ឆ្នាំ ពិន័យ ៨លានរៀល ពាក់ព័ន្ធនឹងអំពើអាស លើអនីតិជន ជាច្រើននាក់

E-mail Print PDF

ភ្នំពេញ៖ សាលាដំបូងរាជធានីភ្នំពេញ នៅរសៀលថ្ងៃទី១០ ខែកុម្ភៈ ឆ្នាំ២០១៦ នេះ បានសម្រេចផ្តន្ទាទោស ជនជាប់ចោទ ដែលជាអតីតប្រធានអង្គការផ្ទះយើង ដាក់ពន្ធនាគា ៣ឆ្នាំ និងពិន័យជាប្រាក់ចំនួន ៨លានរៀល ពីបទអំពើអាស លើអនីតិជន ជាច្រើននាក់ កាលពីខែមីនា កំឡុងឆ្នាំ២០១៥។

ក្នុងអង្គសវនាការ ប្រធានក្រុមប្រឹក្សាជំនុំជម្រះ នៃសាលាដំបូងរាជធានីភ្នំពេញ លោកចៅក្រុម គឹម រ័ត្នណារិន បានសម្រេច ផ្តន្ទាទោស ជនជាប់ចោទ ហង្ស វិបុល ភេទប្រុស អាយុ ៤៦ឆ្នាំ ដាក់ពន្ធនាគា រយៈពេល ៣ឆ្នាំ និងពិន័យជាប្រាក់ចំនួន ៨លានរៀល បទបៀតបៀនផ្លូវភេទកុមារជាច្រើននាក់ ដែលបានប្រព្រឹត្តកាលពីកំឡុងខែមីនា ឆ្នាំ២០១៥។

គួររំលឹកថា នៅថ្ងៃទី១៥ ខែមករា ឆ្នាំ២០១៦ កន្លងទៅនេះ សាលាដំបូងរាជធានីភ្នំពេញ បានបើកសវនាកា ជំនុំជម្រះ លើជនជាប់ចោទ ឈ្មោះ ហង្ស វិបុល ជាអតីតនាយកអង្គការ ផ្ទះយើង ដែលជាប់ពាក់ព័ន្ធពីបទ អំពើអាសប្រឆំាង នឹងអនីតិជនក្រោមអាយុ ១៥ឆ្នាំ ជាច្រើននាក់ តែសវនាកានេះ ត្រូវបានលោកចៅក្រម គឹម រ័ត្នណារិន ពន្យាពេល ដោយលើកយកមកប្រកាសនៅថ្ងៃទី១០ ខែកុម្ភៈនេះ។

ជនជាប់ចោទ ហង្ស វិបុល ភេទប្រុស អាយុ ៤៦ឆ្នាំ ត្រូវបានចាប់ខ្លួន ដោយកម្លាំងនគរបាលនាយកដ្ឋាន ប្រឆាំងការជួញដូរមនុស្ស និងការពារអនីតិជនរាជធានីភ្នំពេញ កាលពីថ្ងៃ ទី២ ខែមីនា ឆ្នាំ២០១៥ ដោយសង្ស័យថា ជាប់ពាក់ព័ន្ធ នឹងករណីបៀតបៀនផ្លូវភេទ លើកុមាររងគ្រោះជាច្រើននាក់ ស្នាក់នៅក្នុងមណ្ឌលអង្គការផ្ទះយើង។ ទង្វើដែលជនជាប់ចោទ ហង្ស វិបុល បានប្រព្រឹត្តត្រូវបានគេរាយការណ៍មកថា ជនជាប់ចោទរូបនេះ បាន ហៅកុមារ រងគ្រោះទាំងនោះ ចូលក្នុងបន្ទប់ ដោយបង្គាប់ឲ្យក្មេងៗ ចាប់លេងប្រដាប់ភេទរបស់ខ្លួន រហូតដល់សម្រេចចេញទឹកកាម បន្ទាប់មក ក៏បានចាប់ស្ទាប លេងប្រដាប់ភេទរបស់កុមាររងគ្រោះនោះវិញផងដែរ។

យ៉ាងណាក៏ដោយ លោក ស៊ុយ សុខុន មេធាវីការពារក្តីរបស់ លោក ហង្ស វិបុល បានឆ្លើយបដិសេធយ៉ាងដាច់អហង្ការ ចំពោះការចោទប្រកាន់របស់តំណាងអយ្យការ ថាកូនក្តីរបស់ខ្លួន មិនបានប្រព្រឹត្តអ្វី ដូចការឆ្លើយដាក់របស់កុមាររងគ្រោះនោះទេ ហើយថា តាមពិតរឿងក្តីនេះ គឺជារឿងគំនុំ និង ការទាស់ទែងគ្នា រវាងកូនក្តីរបស់លោក ហង្ស វិបុល ជាមួយនឹងនាយករងអង្គការរបស់គាត់ម្នាក់ និងបុរសជនបរទេសបានរៀបចំផែនការ ដើម្បីធ្វើការទម្លាក់កំហុស៕

អ្នកទេសចរ មកលេង មណ្ឌលគិរី ក្នុងឱកាសបុណ្យចូលឆ្នាំ ប្រពៃណីចិន-វៀតណាម មានការកើនឡើង តិចតួច

E-mail Print PDF

មណ្ឌលគិរី៖ ប្រធានមន្ទីរទេសចរណ៍ ខេត្តមណ្ឌលគិរី លោក ង៉ិន សុវិមាន បានថ្លែងអោយដឹងថា រយៈពេលពេល៣ថ្ងៃ នៃពិធិបុណ្យចូលឆ្នាំ ប្រពៃណីចិន-វៀតណាម ខេត្តមណ្ឌលគិរី ភ្ញៀវទេសចរណ៍មកលេង មានការកើនឡើងតិចតួច បើប្រៀបធៀបទៅឆ្នាំទៅ។

លោក ង៉ិន សុវិមាន បានបញ្ជាក់ថា ភ្ញៀវទេសចរ ដែលបានមកកម្សាន្តនាឆ្នាំនេះ សរុបចំនួន ៨៧៦៨នាក់ ភ្ញៀវទេសចរ មានការកើនឡើងចំនួន ១១.១៧ ភាគរយ ក្នុងនោះភ្ញៀវជាតិ មានការកើនឡើងចំនួន ១០.៨៦ភាគរយ នឹងភ្ញៀវអន្តរជាតិ កើនឡើង ២៣.០៣ភាគរយ ផងដែរ នេះបើប្រៀបនឹងឆ្នាំកន្លងទៅ មានភ្ញៀវទេសចរមកកម្សាន្ត ពេលចូលឆ្នាំចិន ៣ថ្ងៃដូចគ្នាត្រឹមតែ ៧៨៨២នាក់។

ទោះបីបុណ្យចូលឆ្នាំចិន មិនមែនជាបុណ្យប្រពៃណីជាតិ នឹងគ្មានកាលវិភាគឈប់សម្រាក ក្នុងប្រតិទិនប្រចាំឆ្នាំក៏ដោយ តែគេសង្កេតឃើញ អ្នកទេសចរជាជនជាតិខ្មែរ ជាប់សែស្រឡាយចិន នឹងមន្ត្រីរាជការ សិក្សានុសិស្សមួយចំនួនធំ បាននាំគ្នាឈប់ពីការងារ នឹងការរៀនសូត្រ ដើម្បីដើរកម្សាន្ត ជាមួយក្រុមគ្រួសារ នឹងមិត្តភ័ក្រ។ ក្នុងនោះខេត្តមណ្ឌលគិរី ក៏មានសកម្មភាពដើរលេងកម្សាន្តរបស់អ្នកទេសចរក្នុងស្រុក ក្នុងថ្ងៃបុណ្យចូលឆ្នាំចិន យ៉ាងច្រើនកុះករ មិនចាញ់តំបន់ទេសចរណ៏ ដទៃទៀតឡើយ ម៉្យាងរយៈពេលពីរបីថ្ងៃនេះ ខេត្តមណ្ឌលគិរី បានទទួលរង នូវអាកាសធាតុត្រជាក់ប្លែក ដោយនៅតាមតំបន់ទឹកជ្រោះខ្លះ មានសីតុណ្ហភាពត្រឹម ត្រជាក់ចុះ ពី១០ មក ៨ អង្សាសេ ចំណែកនៅក្រុងសែនមនោរម្យ ដែលជាបេះដូងរបស់ខេត្ត ក៏មានសីតុណ្ហភាពត្រជាក់ដែរ គឺត្រឹមពី១៣ ចុះមក ១០អង្ស សេ។

នៅតាមភោជនីដ្ឋាន អាហារដ្ឋាន ផ្ទះសំណាក់ សណ្ឋាគារ ក្នុងខេត្តស្ទើរ តែមិនមានកន្លែងសេសសល់ សម្រាប់ភ្ញៀវមកសម្រាក នឹងទទួលទានអាហារទេ ព្រោះមានមនុស្សម្នាពេញប្រៀបតែម្តង។ ហើយនៅតាមរមណីយដ្ឋាននានាវិញ ក្រុមអ្នកទេសចរទាំងប្រុសទាំងស្រី មានក្មេងមានចាស់ បានចូលទស្សនា នឹងលេងកម្សាន្ត ពេញណែន ស្ទើររកកន្លែងចតរថយន្ត ម៉ូតូមិនបាន ដោយសារតែទស្សនីយ៍ភាពដ៏សែនប្លែកភ្នែក នៅតំបន់ភូមិភាគឦសាន នឹងអាកាសធាតុ ក៏អស្ចារ្យកម្រមានក្នុងព្រះរាជជាណាចក្រកម្ពុជា។

កត្តាសំខាន់ៗ ជាច្រើនធ្វើឱ្យអ្នកទេសចរ នៅក្នុងព្រះរាជាណាចក្រកម្ពុជា និងបណ្តាប្រទេសជាច្រើន លើពិភពលោក មានការចាប់អារម្ភ និងខេត្តរតនគិរីនេះ រួមមានប្រព័ន្ធគមនាគមន៍ ត្រូវបានស្ថាបនា មានជ្រោះ អូរ គំរបព្រៃឈើបៃតង សត្វព្រៃគ្រប់ប្រភេទ សីតុណ្ហភាពត្រជាក់ ជាងនេះទៅទៀតខេត្តនេះ ភាគច្រើនសម្បូរទៅដោយបងប្អូនជនជាតិភាគតិចព្នងជាច្រើនពួករស់នៅ។ ជាងនេះទៅទៀត អាជ្ញាធរ នឹងសមត្ថកិច្ចបានយកចិត្តទុកដាក់ទាំងយប់ទាំងថ្ងៃ ដោយមានកងកម្លាំងអន្តរាគមន៍ យាមកាមគ្រប់គោលដៅសំខាន់ៗ ក្នុងក្រុង និងទីរមណីដ្ឋាននានា ប្រយោជន៍ការពារសុខសុវត្ថិភាព ជូនប្រជាពលរដ្ឋនឹងភ្ញៀវ ទេសចរណ៏។

សូមជំរាបថា ប្រជាពលរដ្ឋ និងភ្ញៀវទេសចរ បានស្នើរអោយអាជ្ញាធរខេត្ត និងមន្ទីរជំនាញ ឱ្យខិខំប្រឹងប្រែថែមទៀត រាល់ការគៀងគរ រកដៃគូរអភិវឌ្ឍន៍ល្អៗ ថែមទៀតពាក់ព័ន្ធវិស័យទេសចរ ពិសេសខាងមន្ទីរទេសចរ ដើម្បីជាការទាក់ទាញអ្នក

ទេសចរឱ្យកាន់តែមានការកើនឡើង៕

កម្លាំងប៉េអឹម ខណ្ឌពោធិ៍សែនជ័យ ឃាត់ខ្លួនមុខសញ្ញា ចែកចាយថ្នាំញៀន បាន៣នាក់ និងថ្នាំញៀន ១៣កញ្ចប់

E-mail Print PDF

ភ្នំពេញ៖ មុខសញ្ញាចែកចាយគ្រឿងញៀនចំនួន៣នាក់ ត្រូវបានកម្លាំងកងរាជអាវុធហត្ថ ខណ្ឌពោធិ៍សែនជ័យ ឃាត់ខ្លួនបានកាលពីរសៀល ថ្ងៃទី១០ ខែកុម្ភះ ឆ្នាំ២០១៦ ស្ថិតនៅក្នុងភូមិតាងួន សង្កាត់កាកាប ខណ្ឌពោធិ៍សែនជ័យ។

ប៉េអឹមខណ្ឌបានឲ្យដឹងថា ជនសង្ស័យដែលត្រូវឃាត់ខ្លួនបានទី១ឈ្មោះ យឿន ចាន់ដារ៉ា ភេទប្រុសអាយុ១៩ឆ្នាំ ជាសិស្សស្នាក់នៅភូមិប៉ប្រកខាងត្បូង សង្កាត់កាកាប ខណ្ឌពោធិ៍សែនជ័យ ទី២ឈ្មោះ ជា វណ្ណី ហៅអាខ្មៅ ភេទប្រុសអាយុ២៤ឆ្នាំ មានមុខរបរជាកម្មកររោងចក្រ រស់នៅភូមិដំណាក់ធំ សង្កាត់ភ្នំពេញថ្មី ខណ្ឌសែនសុខ និងទី៣ឈ្មោះ ហួត ស្រីលក្ខ ភេទស្រីអាយុ២០ឆ្នាំ មានមុខរបរមិនពិតប្រាកដ។

ប៉េអឹមបានបន្តទៀតថា មុនពេលកើតហេតុជនសង្ស័យបំរុង ធ្វើសកមក្មភាពចែកចាយនៅចំណុចផ្លូវរថភ្លើង ហើយប្រជាពលរដ្ឋ បានរាយការណ៍ មកដោយសំងាត់មកប៉េអឹមបានឃើញមុខសញ្ញា ខាងលើបំរុងធ្វើសកម្មភាព ភ្លាមនោះកម្លាំងបានចុះទៅដល់ រួចក៏ឃាត់ខ្លួនជនសង្ស័យ បានជា បន្តបន្ទាប់ និងទៅឆែកឆេរ បន្ទប់របស់ ជនសង្ស័យ រកឃើញថ្នាំញៀនចំនួន១៣កញ្ចប់ រួចបានបញ្ជូនទៅកាន់បញ្ជាការ កងរាជអាវុធហត្ថ រាជធានីភ្នំពេញដើម្បីសាកសួរបន្ត៕

ហត្ថាកសិករ រកឃើញម្ចាស់ រង្វាន់ធំទឹកប្រាក់ ១៥.០០០ដុល្លារ ពីកម្មវិធី លុយ ៗ ឈ្នះៗ

E-mail Print PDF

ភ្នំពេញ៖  គ្រឹះស្ថានមីក្រូហិរញ្ញវត្ថុ ឈានមុខគេ ហត្ថាកសិករ លីមីតធីត កាលពីល្ងាចថ្ងៃទី៦ ខែកុម្ភៈ ឆ្នាំ២០១៦បានធ្វើការចាប់ ឆ្នោតផ្សងសំណាង ជូនអតិថិជនដាក់ ប្រាក់បញ្ញើសន្សំ មានកាលកំណត់ដែលបានចូលលេងក្នុងកម្មវិធីលុយៗ ឈ្នះៗ ក្នុងឆ្នាំ២០១៥ កន្លងទៅថ្មីនេះទាំងអស់គ្នា។ ការចាប់ឆ្នោតនេះធ្វើឡើងនៅ ស្ថានីយ៍ទូរទស្សន៍ស៊ីធីអិន ក្នុងកម្មវិធីរាត្រី កម្សាន្ត ដែលមានទស្សនិកជនទស្សនាដោយផ្ទាល់ រាបរយនាក់ចូលរួម ធ្វើជាសក្ខីភាពផងដែរ។

បន្ទាប់ពីធុងឆ្នោតបានបង្វិល យ៉ាងច្រើនជុំច្រើនដង ជាមួយនឹងការចាប់សន្លឹកឆ្នោត ប្រកបដោយតម្លាភាពពីសំណាក់ បុគ្គលិកហត្ថាកសិករ ដែលមានតំណាងដ៏ខ្ពង់ខ្ពស់ របស់លោក ឧកញ៉ា ហួតអៀងតុង ប្រធានអគ្គនាយកហត្ថាកសិករ នោះ ម្ចាស់រង្វាន់ធំទឹកប្រាក់១៥,០០០ដុល្លារ បានទៅលើលោកស្រី គុត សុភាព រស់នៅក្រុងតាខ្មៅ ខេត្តកណ្តាល ។

ចំណែកឯរង្វាន់ធំទី២ ទឹកប្រាក់៥០០០ដុល្លារ ចំនួនពីររង្វាន់ត្រូវបានទៅលើឈ្មោះ ខេង ស្រី រស់នៅក្រុងកែប ខេត្ត កែប និងឈ្មោះ ចុង សុខមួយ រស់នៅសង្កាត់ មនោរម្យ ខណ្ឌ៧មករា ក្រុងភ្នំពេញ។ ហើយរង្វាន់ធំទី៣ ទឹកប្រាក់ ២០០០ ដុល្លារចំនួន១០រង្វាន់បានទៅលើឈ្មោះ ឡេង យូ រស់នៅ ស្រុកព្រៃឈរ ខេត្តកំពង់ចាម  ឈ្មោះ ស៊ឹម គឹមយ៉ា រស់នៅក្រុងសំរោង ខេត្តឧត្តរមានជ័យ  ឈ្មោះ លី ហ៊ុយ រស់នៅស្រុកបាកាន ខេត្តពោធិ៍សាត់ ឈ្មោះ ជួ សែ រស់នៅ ស្រុកបាទី ខេត្តតាកែវ ឈឹម សឹងហ៊ន រស់នៅស្រុកពារាំង ខេត្តព្រៃវែង ឈ្មោះ ចាន់ ណេង រស់នៅស្រុក បន្ទាយស្រី ខេត្តសៀមរាប និងអតិថិជនដែលមានសំណាង ឈ្នះរង្វាន់ផ្ទួនៗ រហូតដល់៤ដងនៃចំនួនទឹកប្រាក់ ២០០០ដុល្លារ គឺឈ្មោះ  យី ណារិន រស់នៅក្រុងតាខ្មៅ ខេត្តកណ្តាល។

សូមបញ្ជាក់ថា៖  ដើម្បីឆ្លើយតបទៅនឹងការគ្រាំទ្រ របស់អតិថិជនប្រាក់បញ្ញើសន្សំទាំងអស់ ក៏ដូចជាសាធារណៈជនទូទៅ ដែលមានតម្រូវការ ក្នុងការរក្សានូវសាច់ប្រាក់ របស់ពួកគាត់ជាមួយស្ថាប័នមួយដែលមានភាពរឹងមាំ សុវត្ថិភាព និងមាន អត្ថប្រយោជន៍ច្រើនទ្វេដងនោះ។ ថ្នាក់គ្រប់គ្រងហត្ថាកសិករបានសម្រេច បង្កើតឲ្យមាន កម្មវិធីដាក់ប្រាក់បញ្ញើ សន្សំថ្មី មួយបន្តទៀតដែលមានឈ្មោះថា “ ដាក់បាន! ដាក់បាន! ” ដែលកម្មវិធីនេះ អតិថិជនគ្រាន់តែដាក់បា្រក់បញ្ញើសន្សំ ចាប់ពី២០០០ដុល្លារ ឡើងទៅ នឹងទទួលបានរង្វាន់ភ្លាមៗ ដូចជាកាបូបស្ពាយ ទូរសព្ទដៃ ឆ្នាំដាំបាយអគ្គិសនី កង្ហារបញ្ឍរ ទូរទស្សន៍LED៣២អ៊ិញ  ម៉ាស៊ីនបោកខោអាវ និងទទួលបានអត្រា ការប្រាក់ប្រចាំឆ្នាំ៩.៨% ព្រម ទាំងមានឱកាស ឈ្នះរង្វាន់បន្តោងខ្សែកមាស សរុប ២៣តម្លឹងផងដែរ៕

ជនជាតិកូរ៉េ ២៣នាក់ ត្រូវបានតុលាការឃុំខ្លួន ពាក់ព័ន្ធ និងករណី លួចបើកលេងល្បែងស៊ីសង

E-mail Print PDF

ភ្នំពេញ៖ ចៅក្រមស៊ើបសួរ នៃសាលាដំបូងរាជធានីភ្នំពេញ នៅរសៀលថ្ងៃទី១០ កុម្ភៈ ឆ្នាំ២០១៦ នេះ បានសម្រេចឃុំខ្លួន បុរសជនជាតិកូរ៉េចំនួន ២៣នាក់ ដែលត្រូវបានចោទប្រកាន់ពីបទ បើកកន្លែងលេងល្បែងស៊ីសងខុសច្បាប់ និងភ្នាក់ងារល្បែងស៊ីសង ក្នុងភូមិគ្រឹះពីរកន្លែង ក្នុងរាជធានីភ្នំពេញ។

ជនសង្ស័យជនជាតិកូរ៉េ ទំាង២៣នាក់នេះ ត្រូវបានកម្លាំងនគរបាលប្រឆាំងភេវកម្មក្រសួងមហាផ្ទៃ ធ្វើការឃាត់ខ្លួន នៅរសៀលថ្ងៃទី៥ ខែកុម្ភៈ ឆ្នាំ២០១៦ ក្នុងភូមិគ្រឹះពីរ កន្លែងដោយសង្ស័យថា ជាក្រុមជំរិតទារប្រាក់តាម ប្រព័ន្ធអ៊ីធឺណេត។ ក្នុងប្រតិបត្តិការ បង្ក្រាបនេះ សមត្ថកិច្ចបានឆែកឆេរភូមិគ្រឹះទី១ នៅទីតាំងលេខ១៥ ក្នុងបុរីពិភពថ្មី សំរោងអណ្ដែត ចាប់ខ្លួនបាន មនុស្សចំនួន ១២នាក់ និងភូមិគ្រឹះទី២ នៅទីតាំងលេខ២៧ ក្នុងបុរីពិភពថ្មី ចាប់ខ្លួនមនុស្សចំនួន ១១នាក់ និងដកហូតសម្ភារៈ ពាក់ព័ន្ធមួយចំនួនរួមមាន កុំព្យូទ័រ ភ្ជាប់ប្រព័ន្ធអ៊ីនធឺណិត ជាច្រើនគ្រឿង និងសម្ភារៈផ្សេងទៀត។

ក្រោយការស៊ើបអង្កេត និងសាកសួរពីមន្រ្តីជំនាញ បុរសជនជាតិកូរ៉េ ទំាង២៣នាក់នេះ ត្រូវបាននគរបាល នាយកដ្ឋានប្រឆាំងភេរវកម្ម ក្រសួងមហាផ្ទៃ បញ្ជូនមកអយ្យការ អមសាលាដំបូងរាជធានីភ្នំពេញ ដើម្បីចាត់ការតាមច្បាប់ ដោយភ្ជាប់សេចក្ដីសន្និដ្ឋាន ចោទប្រកាន់ពីបទ បើកកន្លែងលេងល្បែងស៊ីសងខុសច្បាប់ និងភ្នាក់ងារល្បែងស៊ីសង៕

Page 1 of 820