left
Safe Home
Safe Home
Safe Home

Thursday, Oct 30th

| English Version | dapnews: 012 571 704, 097 9999 883, email: lim.cheavutha@gmail.com

You are here:
 

នាយករដ្ឋមន្ត្រីថៃ ចូលក្រាបបង្គំគាល់ ព្រះមហាក្សត្រខ្មែរ

E-mail Print PDF

ភ្នំពេញ៖ នាយករដ្ឋមន្រ្តីថៃ លោក ប្រាយុទ្ធ ចាន់អូឆា ក្រោយបញ្ចប់ជំនួបពិភាក្សាការងារជាមួយសម្តេចតេជោ ហ៊ុន  សែន នាយករដ្ឋមន្រ្តី នៃព្រះរាជាណាចក្រកម្ពុជា នៅម៉ោងប្រមាណ ៥ និង៤០នាទីល្ងាចថ្ងៃទី៣០ ខែតុលា ឆ្នាំ២០  ១៤ បានអញ្ជើញចូលក្រាបបង្គំគាល់ព្រះមហាក្សត្រខ្មែរ ព្រះករុណា ព្រះបាទ សម្តេចព្រះបរមនាថ នរោត្តម សីហមុ នី។

សូមបញ្ជាក់ថា នាយករដ្ឋមន្រ្តីកើតចេញពីការធ្វើរដ្ឋប្រហារបស់ថៃ លោក ប្រាយុទ្ធ ចាន់អូឆា បានអញ្ជើញមកដល់ ប្រទេសកម្ពុជា នាម៉ោង ២ និង៥០នាទីរសៀលថ្ងៃនេះ។ ក្រោយការចុះចតយន្តហោះភ្លាមៗ លោក ប្រាយុទ្ធ ក៏ បានផ្តើមកិច្ចពិភាក្សាភ្លាមៗផងដែរ ជាមួយសម្តេចតេជោ ហ៊ុន សែន។ ខ្លឹមសារ នៃជំនួបមិនទាន់រវាងប្រមុខរាជរដ្ឋា  ភិបាលភូមិផងទាំងពីរ មិនទាន់បានដឹងនៅឡើយទេ។

បើតាមការគ្រោងទុកលោក ប្រាយុទ្ធ ក៏នឹងអញ្ជើញទៅគោរពព្រះវិញ្ញាណក្ខន្ធ ព្រះបរមរតនកោដ្ឋ ព្រះវររាជបិតាជាតិ  ខ្មែរ ព្រះករុណា ព្រះបាទ នរោត្តម សីហនុ នៅស្តូបព្រះបរមរូបលើសួនច្បារជិតវិមានឯករាជ្យផងដែរ។

លោក ប្រាយុទ្ធ នឹងបំពេញទស្សនកិច្ចនៅកម្ពុជារយៈពេលពីរថ្ងៃ គឺថ្ងៃទី៣០-៣១ ខែតុលា ឆ្នាំ២០១៤៕

លោក កឹម សុខា ស្នើឲ្យអូស្រា្តលី គិតគូរឡើងវិញ ចំពោះការបញ្ជូន ជនភៀសខ្លួន មកកម្ពុជា

E-mail Print PDF

ភ្នំពេញ ៖ អនុប្រធានទី១ នៃរដ្ឋសភា និងជាអនុប្រធានគណបក្សសង្រ្គោះជាតិ លោក កឹម សុខា បាន ស្នើឲ្យលោកស្រី Alison Burrows ឯកអគ្គរដ្ឋទូតអូស្ត្រាលី ប្រចាំកម្ពុជាឲ្យធ្វើការគិតគូរ ឡើងវិញ ចំពោះ ការបញ្ជូនជនភៀសខ្លួន មកកម្ពុជានៅពេលខាងមុខ ។

ការស្នើសុំរបស់ លោក កឹម សុខា នេះ បានធ្វើឡើង កាលពីថ្ងៃទី៣០ ខែតុលា ឆ្នាំ២០១៤ តាមរយៈ លិខិតមួយច្បាប់ ផ្ញើទៅលោកស្រី Alison Burrows ដើម្បីឲ្យរាជរដ្ឋាភិបាល ត្រូវពិចារណាឡើង អំពី ការបញ្ជូនភៀសខ្លួននេះ ។

ជនភៀសខ្លួនទាំងនោះ បច្ចុប្បន្នកំពុងស្នាក់នៅលើកោះ Nauru ប្រទេសអូស្រ្តាលី ហើយ នឹងមកដល់ កម្ពុជាប្រហែលជាចុងឆ្នាំ២០១៤ ឬក៏ដើមឆ្នាំ២០១៥ ដែលជាជំហាន ដំបូងប្រហែលជាមកត្រឹមតែ ១០ នាក់នោះទេ ក្នុងជនភៀសខ្លួនជិត១០០០នាក់ ៕

សាលារាជធានីភ្នំពេញ ត្រៀមលក្ខណៈ ទទួលស្វាគមន៍ ព្រះរាជពិធីបុណ្យអុំទូក

E-mail Print PDF

ភ្នំពេញ៖ មិននៅសល់តែប៉ុន្មានថ្ងៃទៀតនោះទេ ព្រះរាជពិធីបុណ្យអុំទូក អកអំបុក សំពះព្រះខែ បណ្តែតប្រទីបនឹងឈានចូលមកដល់ ក្នុងនោះអាជ្ញាធរភ្នំពេញ និងស្នងការនគរបាលរាជធានី បានត្រៀមលក្ខណៈរួចរាល់ហើយសម្រាប់ទទួលស្វាគមន៍។

លោក ឡុង ឌីម៉ង់ អ្នកនាំពាក្យសាលារាជធានីភ្នំពេញ បានមានប្រសាសន៍ ប្រាប់មជ្ឈ មណ្ឌលព័ត៌មានដើមអម្ពិលថា នៅព្រឹកថ្ងៃទី៣០ ខែតុលា ឆ្នាំ២០១៤នេះ នៅសាលប្រជុំ សាលារាជធានីបានរៀបចំកិច្ចប្រជុំមួយ ដោយមានការចូលរួមពីគ្រប់ភាគី ពាក់ព័ន្ធ ដើម្បីដាក់ចេញនូវផែនការក្នុងបុណ្យប្រពៃនេះ បន្ទាប់ពីកម្ពុជាបានអាកខាន អស់រយៈពេល៣ឆ្នាំកន្លងមក។


លោកបន្តថា សាលារាជធានីភ្នំពេញនិងស្នងការនគរបាល ជាតិបានត្រៀមពង្រាយ កំលាំងគ្រប់គោលដៅ និងច្រកល្ហក់មិនឲ្យមានបញ្ហាអ្វីកើតមានឡើងឡើយ។

លោកបញ្ជាក់ថា«យើងបានត្រៀមកំលាំងរួចរាល់ ដើម្បីការពារសុវត្ថិភាពជូ ប្រជាពលរដ្ឋក្នុងឱកាសពួកគាត់មកទស្សនាកំសាន្តបុណ្យអុំទូក»។

នៅក្នុងកិច្ចប្រជុំព្រឹកថ្ងៃទី៣០ តុលានេះ លោកជួន សុវណ្ណស្នងការនគរបាលរាជធានីភ្នំពេញបានលើកឡើងថា ក្នុងឱកាសនោះបានត្រៀមកំលាំង ប្រហែលជា៦ពាន់នាក់ ដោយបានដាក់នៅតាមគោលដៅរៀងៗខ្លួន៕

រដ្ឋមន្ដ្រីក្រសួង ធនធានទឹក ចែកម៉ូតូជូន មន្ទីរធនធានទឹក ទាំង២៥រាជធានី ខេត្ដ

E-mail Print PDF

ភ្នំពេញ  ៖ ម៉ូតូចំនួន២៥គ្រឿង ជាប្រភេទស្មាស់ ស៊េរី២០១៤ ត្រូវបានរដ្ឋមន្ដ្រីក្រសួងធនធានទឹក និងឧតុនិយម លោកលឹម គានហោ ចែកជូនទៅមន្ទីរធនធានទឹក ២៥រាជធានី ខេត្ដ ដើម្បីចែកបន្ដដល់មន្ដ្រីរបស់ខ្លួន សម្រាប់ បម្រើការងារ នៅក្នុងអង្គភាព កាន់តែមានភាពងាយស្រួលថែមទៀត ។

ពិធីប្រគល់ម៉ូតូជូនដល់មន្ដ្រីរបស់ខ្លួនទាំង ២៥រាជធានី ខេត្ដខាងលើនេះ បានធ្វើឡើងនារសៀលថ្ងៃទី៣០ ខែតុលា ឆ្នាំ២០១៤ នៅក្រសួងធនធានទឹកតែម្ដង។

នាយកខុទ្ទកាល័យក្រសួងធនធានទឹក  លោកចាន់ យុត្ថា បានថ្លែងថា ម៉ូតូទាំង២៥ គ្រឿង គិតជាទឹកប្រាក់ ចំនួន ៣៥៧៥០ដុល្លារ ត្រូវបានលោករដ្ឋមន្ដ្រី ប្រគល់ទៅឱ្យមន្ទីរធនធានទឹក ២៥រាជធានី ខេត្ដ ដោយមួយអង្គភាព ទទួល បានម៉ូតូ ១គ្រឿង ។

លោកចាន់ យុត្ថា បានបញ្ជាក់ថា ការ ចែកម៉ូតូជូនដល់មន្ដ្រីរបស់ខ្លួនខាងលើនេះ ធ្វើឡើងដើម្បីជាមធ្យោបាយ ចុះពិនិត្យមើល ការបង្កបង្កើនផលរបស់ប្រជាកសិករ ប្រព័ន្ធធារាសាស្ដ្រ ប្រឡាយទឹក ជាដើមនៅក្នុង ភូមិសាស្ដ្រ របស់ខ្លួន។

លោក ចាន់ យុត្ថា (រូបស្តាំ) សាកល្បងឡើងជិះ ម៉ូតូដែលត្រូវ ប្រគល់ជូន តាមមន្ទីរទាំង២៥រាជធានី-ខេត្ត

កុំព្យុទ័រ HP ProOne 400 G1 AiO ទទួលបាន ការពេញនិយម នៅកម្ពុជា

E-mail Print PDF

កុំព្យូទ័រ បានដើរតួនាទីយ៉ាងសំខាន់ ក្នុងការជួយសម្រួល ដល់ការងារប្រចាំថ្ងៃ ជាពិសេសចំពោះ សហគ្រាស ខ្នាតតូច និងមធ្យម។ ជាមួយនឹងការវិវត្ដន៍ ឥតឈប់ឈរ ពីមួយថ្ងៃទៅមួយថ្ងៃ កុំព្យូទ័របានផ្លាស់ប្ដូររូបរាង និងបច្ចេកវិទ្យា កាន់តែទំនើប ៗ ជាលំដាប់។

ជាទូទៅកុំព្យូទ័រ ១ឈុត មានសមាសភាពចំនួន ៣ផ្សេងៗ គ្នា គឺ Monitor, System Unit, and Input Devises។ ដោយយល់ឃើញពីតម្រូវការចាំបាច់របស់អ្នកប្រើប្រាស់ ក្រុមហ៊ុន Hewlett-Packard បានផលិតនូវកុំព្យូទ័រលើតុ ដែលរួមបញ្ចូល នូវសមាសភាពទាំង ៣ខាងលើនេះ ក្នុងម៉ាស៊ីនតែមួយមានឈ្មោះថា HP ProOne 400 G1 AiO ។
ជាមួយនឹងរូបរាងស្ដើងស្អាតរបស់ All-in-One PC ប្រភេទនេះ វាផ្ដល់នូវភាពងាយស្រួលក្នុងការទុកដាក់ ចំណេញ ទីកន្លែង និងនាំមកនូវសោភណភាពល្អទៀតផង។ ទំហំ និងភាពភ្លឺរបស់អេក្រង់ 19.5 អ៊ីង Resolution 1600 x 900 (16:9) ផ្ដល់នូវរូបភាព និងពណ៌ធម្មជាតិច្បាស់ល្អគួរជាទីគាប់ចិត្ត។

កុំព្យូទ័រលើតុប្រភេទនេះប្រើប្រាស់ Processor Core i3, i5, i7 ជំនាន់ទី៤ របស់ក្រុមហ៊ុន Intel ដែលផ្ដល់នូវ សមត្ថភាពការងារ ដ៏ឆ្លាតវៃ។ បំពាក់ដោយអង្គចងចាំប្រភេទ DDR3 1600 MHz  1TB។ មិនតែប៉ុណ្ណោះ វាមានភ្ជាប់ រួចជាស្រេចនូវ Webcom 1MP និង dual microphone ដែលអាចឲ្យលោកអ្នកសន្ទនាតាមប្រព័ន្ធ អ៊ីនធឺណេតបាន យ៉ាង ល្អប្រសើរ។ លើសពីនេះទៅទៀត HP ProOne 400 G1 AiO អាចជួយសន្សំសំចៃថាមពលអគ្គីសនីដល់ទៅ 20% ។

អាស្រ័យដោយការផ្ដល់នូវអត្ថប្រយោជន៍ដ៏ច្រើនដល់អ្នកប្រើប្រាស់ ទើបធ្វើឲ្យ HP ProOne 400 G1 AiO បានក្លាយ ទៅជាផលិតផលដ៏ពេញនិយមបំផុតនាពេលបច្ចុប្បន្ននេះ ដោយទទួលបាននូវការគាំទ្រ និងមានការប្រើប្រាស់ ពីបណ្ដា សហគ្រាសអាជីវកម្មជាច្រើន ដូចជា ACLEDA Bank Plc., Cambodian Public Bank Plc. និង ក្រុមហ៊ុន Chip Mong ជាដើម។

សូមបញ្ជាក់ថា HP ProOne 400 G1 AiO ត្រូវបាននាំចូល និងចែកចាយដោយក្រុមហ៊ុន តែ អៀកហុង ហើយមាន ការធានា ៣ឆ្នាំលើគ្រឿងបន្លាស់៕

Photo by DAP-News

Photo by DAP-News

កម្មវិធីជិតដល់ថ្ងៃបញ្ចប់ ពេទ្យសត្វម្នាក់ មានសំណាងឈ្នះ ៣ម៉ឺនដុល្លារ

E-mail Print PDF

 ភ្នំពេញ៖ ក្នុងនាមជាពេទ្យសត្វ និង រកស៊ីលក់ថ្នំាចំណីសត្វ លោក ខេន ឌីរ៉ុង ឆ្លៀតពេលទំនេរ ផ្ញើសារចូលក្នុងកម្មវិធី "ឈ្នះរង្វាន់១ម៉ឺនដុល្លារ ជារៀងរាល់ថ្ងៃរបស់ក្រុមហ៊ុន CellCard" ហើយក៏មានសំណាង ឈ្នះ៣ម៉ឺនដុល្លារ កាលពីថ្ងៃទី២៨ ខែតុលាកន្លងទៅ ។

ការផ្តល់រង្វាន់នេះត្រូវបានក្រុមការងាររបស់ CellCard ធ្វើការប្រគល់ជូនដល់គេហដ្ឋាន របស់អតិថិជនដោយផ្ទាល់ នៅថ្ងៃទី៣០ ខែតុលា ឆ្នាំ ២០១៤នេះ នូវរង្វាន់ធំ៣ម៉ឺនដុល្លារ ។

លោក ខេន ឌីរ៉ុង ជាពេទ្យសត្វ រស់នៅភ្នំពេញ និយាយថា” សឹងតែមិនជឿថា មានសំណាងនោះទេ ព្រោះថា កម្មវិធីជិតដល់ទីបញ្ចប់ទៅហើយ មិននឹកស្មានថា មានសំណាងបែបនេះសោះ។ ខ្ញុំនឹងយកទឹកប្រាក់ទាំងអស់នេះធ្វើផ្ទះជួល និងទិញរបស់របរឲ្យកូន ហើយក៏នឹងអាច ពង្រីកមុខរបរបន្ថែមទៀត “។

ពេទ្យសត្វរូបនោះសូមផ្តំាផ្ញើទៅអតិថិជនរបស់ CellCard ទំាងអស់ព្យាយាម នឹងអាចមានសំណាង ដូចរូបលោក ដោយគ្រាន់តែ ហៅទូរស័ព្ទ ទៅកាន់លេខ ៨៨៨៨ ឬផ្ញើសារ ដោយសរសេ អក្សរ ១០k ទៅកាន់លេខ ៨៨៨៨ ឱ្យបានមុនម៉ោង ៤ល្ងាចប៉ុណ្ណោះ នឹងទទួលបាន លេខកូដ៧ខ្ទង់ ដើម្បីចាប់រង្វាន់។ ប៉ុន្តែការផ្ញើសារ នេះ មួយលើក ត្រូវចំណាយ ១៥សេន ផងដែរ៕

រឿង "វីរជនដ៏ធំទាំង ៦" ឬBIG HERO 6 គំនូរជីវចល មានគ្រប់រសជាតិ (Trailer Inside)

E-mail Print PDF

ភ្នំពេញ៖ រឿង “វីរជនដ៏ធំទាំង៦” ឬ Big Hero 6 របស់ Disney ជារឿងផ្សងព្រេង បែបកំប្លែង និយាយអំពីអ្នកបង្កើតមនុស្សយន្ត ដ៏អស្ចារ្យមួយរូប គឺHiro Hamada ដែលបានបង្កនូវមហន្តរាយ ដ៏ធំមួយដោយអចេតនា បានធ្វើឲ្យទីក្រុង San Fransokyo ជួបជាមួយភាពចលាចល។ ដើម្បីជួយសង្គ្រោះ ទីក្រុងវិញ Hero និង មិត្តភ័ក្រ្តរបស់គាត់ បានរិះរកមធ្យោបាយ កម្ចាត់នូវមន្តរាយនោះចោល ដោយបានប្រើប្រាស់ នូវបច្ចេកវិទ្យាទំនើបៗ និងពោរពេញ ទៅដោយភាពច្នៃប្រឌិត ខុសប្លែកពីធម្មតា។

រឿង “វីរជនដ៏ធំទាំង៦” ជារឿងគំនូរជីវចល ដែលពោរពេញទៅដោយ មនោសញ្ចេតនា រវាងសម្ព័ន្ធភាពបងប្អូន និង មិត្តភក្ដិ ដែលតាំងចិត្តជួយសង្គ្រោះ ពិភពលោក មិនថាក្នុងកាលៈទេសៈ ណាក៏ដោយ។ រឿងនេះ ត្រូវបានបង្កើតឡើង ដោយផ្អែក ទៅលើសៀវភៅថ្លុក ដ៏ល្បីរបស់ Marvel ដែលមានចំណង ជើងដូចគ្នា រឿងរ៉ាវទាំងមូល បាននិយាយ អំពីការប៉ិនប្រសប់ របស់ក្មេងប្រុស១៤ឆ្នាំ ខាងផ្នែកវិទ្យាសាស្រ្ត ការតស៊ូប្រឆាំងនឹងមនុស្ស អាក្រក់ ដើម្បីសង្គ្រោះ ពិភពលោក និងការចេះសាមគ្គីគ្នា។

ចំណែកឯអ្នកផលិតរឿងវិញ គឺជាអ្នកដែលធ្លាប់ផលិតរឿង ល្បីៗដូចជា Frozen & Wreck-It Ralph ដែលទទួលបានភាពជោគជ័យជាខ្លាំង លើសពីនេះ Wreck-It Ralph បានទទួលនូវពាន រង្វាន់ Academy Award & Golden Globe Award ខាងផ្នែក Best Animated Film ទៀតផង។ ដូច្នេះ រឿង “វីរជនដ៏ធំទាំង៦” ប្រាកដជាទទួលបាន នូវការគាំទ្រយ៉ាងខ្លាំងដែរ ពីទស្សនិកជន ដោយផ្អែកទៅកត្តា ទាំងលើនេះ រួមជាមួយសាច់រឿង ដ៏គួរឲ្យទាក់ទាញ ដកជាប់ក្នុងចិត្ត ជាពិសេសគឺមនោសញ្ចេតនា រវាងមនុស្ស និងមនុស្សយន្ត។

ការប្រើប្រាស់ឧបករណ៍ Render ដ៏ទំនើបដែល ហៅថា Hyperion របស់ក្រុមការងារ Walt Disney Animation Studio បានបង្កើតនូវ ទីក្រុងដ៏អស្ចារ្រមួយហៅថា San Fransokyo ដែលជាការបង្រួមគ្នា រវាងទីក្រុង San Francisco និងទីក្រុង Tokyo ដែលគួរឲ្យកត់សម្គាល់ បំផុតសម្រាប់ទស្សនិកជន តាមដានសាច់រឿងទាំងមូល។

ក្រុមតន្រ្តី រ៉ក់ Fall Out Boy ដ៏ល្បីរបស់សហរដ្ឋអាមេរិក បាននិពន្ធបទចម្រៀង ដ៏មានអត្ថន័យ និងសាច់ភ្លេង ដ៏ពីរោះមួយ សម្រាប់ធ្វើជា Theme Song របស់រឿង “វីរជនដ៏ធំ ៦” ដោយមានចំណងជើងថា Immortals ។

ខ្សែភាយន្ត ដ៏ធំសម្រាប់ចុងឆ្នាំ ២០១៤ របស់ Disney “វីរជនដ៏ធំទាំង៦” នឹងចាក់បញ្ចាំង នៅថ្ងៃទី ១៣ វិច្ឆិកា ២០១៤ នៅគ្រប់រោងភាពយន្ត ទាំងអស់ជាលក្ខណៈ 3D៕

សូមទស្សនាវីដេអូខ្លី នៅខាងក្រោម៖

អាជ្ញាធរ ខេត្ដព្រះវិហារ និងខេត្ដចំប៉ាសាក់ ជួបគ្នាបន្ដកិច្ចសហការ លើបញ្ហា សន្ដិសុខព្រំដែន និងបើកច្រក

E-mail Print PDF

ព្រះវិហារ ៖ អាជ្ញាធរខេត្ដព្រះវិហារ ដែលដឹកនាំដោយអភិបាលខេត្ដ លោកអ៊ុំ ម៉ារ៉ា និងអាជ្ញាធរខេត្ដចំប៉ាសាក់ ប្រទេសឡាវ ដែលដឹកនាំលោកអភិបាលខេត្ដបណ្ឌិត ប៊ុនថង ឌីវីសៃ ព្រមទាំងមន្ដ្រីពាក់ព័ន្ធរបស់ ខេត្ដទាំងពីរ ជាច្រើននាក់ បានជួបពិភាក្សាគ្នានៅលើទឹកដីខេត្ដព្រះវិហារ នារសៀលថ្ងៃទី៣០ ខែតុលា ឆ្នាំ២០១៤ ដើម្បី បង្កើនកិច្ចសហប្រតិបត្ដិការលើគ្រប់ វិស័យជាពិសេស ផ្ដោតទៅលើការងារសន្ដិសុខតាមព្រំដែន និងការបើក ច្រកជាដើម ។

មន្ដ្រីសាលាខេត្ដព្រះវិហារ បានឱ្យដឹងថា ឆ្លងតាមរយៈកិច្ចពិភាក្សា ដែលធ្វើឡើងនៅ សាលាខេត្ដរួចមក ភាគីទាំងពីរ បានផ្ដោតលើការងារសំខាន់ៗ រួមមានទី១ បន្ដកិច្ចសហប្រតិបត្ដិការលើការងារសន្ដិសុខ តាមព្រំដែនរវាង ខេត្ដទាំង ពីរ ទី២ បន្ដកិច្ច សហប្រតិបត្ដិការលើគ្រប់វិស័យដែលធ្លាប់មានកន្លងមកកាន់តែរីកចំរើនខ្លាំងឡើង ទី៣ ការពិនិត្យ និងជំរុញបើកច្រកនៅទន្លេល្ពៅ ក្នុងស្រុកឆែប ខេត្ដព្រះវិហារ ជាប់ព្រំប្រទល់ ស្រុកមុនឡាប៉ាម៉ុក ខេត្ដចំប៉ាសាក់ ទី៤ រៀប ចំទិវាវប្បធម៌នៅដើមឆ្នាំ២០១៥ ដោយខេត្ដចំប៉ាសាក់ធ្វើជាម្ចាស់ផ្ទះ និងទី៥ ភាគីទាំងពីរ បន្ដកិច្ចប្រជុំលើកទី៦ និងរៀបចំធ្វើឡើងនៅឆ្នាំ២០១៥ ដោយខេត្ដព្រះវិហារធ្វើជាម្ចាស់ផ្ទះ ។

មន្ដ្រីសាលាខេត្ដព្រះវិហារ បានបញ្ជាក់ ទៀតថា ភាគីទាំងពីរ បានប្ដេជ្ញាធ្វើយ៉ាងណា ឱ្យការរស់នៅ និងរកស៊ីរបស់ ប្រជាពលរដ្ឋទាំងពីរ ខេត្ដព្រះវិហារនិងខេត្ដចំប៉ាសាក់ ប្រព្រឹត្ដទៅដោយសុខសប្បាយ តបតាមអ្វី ដែលប្រមុខ រដ្ឋា ភិបាលកម្ពុជាឡាវ បានសន្យាជាមួយគ្នា ។

មន្ដ្រីសាលាខេត្ដព្រះវិហារបានបន្ដទៀត ថា ភាគីទាំងពីរ ក៏បានសន្យាលើការផ្ដល់ព័ត៌មានជូនគ្នាទៅវិញទៅមក ភ្លាមៗក្នុងករណីមានបញ្ហាអ្វីមួយ កើតឡើង ជាពិសេសនៅតាមបណ្ដោយព្រំដែន រវាងខេត្ដទាំងពីរ ។

ក្រោយកិច្ចប្រជុំពិភាក្សារួចមក អភិបាល ខេត្ដទាំងពីរ ក៏បានផ្ដល់កាដូអនុស្សាវរីយ៍ ជូនគ្នាទៅវិញ ទៅមកប្រកប ដោយភាពស្និទ្ធស្នាលនិងរាក់ទាក់ជាទីបំផុត ៕

អភិបាល​ខណ្ឌ​ច្បារ​អំពៅ រៀប​ចំ​ពិធី​ក្រុង​ពាលី​​ដាក់​ទូក​ចូល​ទឹក ត្រៀម​ចូលរួម​ប្រកួត (មានវីដេអូ)

E-mail Print PDF

ភ្នំពេញ ៖  ដើម្បីចូលរួមអបអរសាទរ ក្នុងពិធីប្រណាំងទូក នៅក្នុងព្រះរាជពិធីបុណ្យអុំទូក អកអំបុក សំពះព្រះខែ នាថ្ងៃទី៥ ដល់ថ្ងៃទី៧ ខែវិច្ឆិកា ឆ្នាំ២០១៤ខាងមុខនេះ អភិបាលខណ្ឌច្បារ អំពៅ លោកអ៊ាង  ស៊ីផាន និងមន្ដ្រីក្រោមឱវាទ សហការជាមួយគណៈកម្មការវត្ដវាលស្បូវ និងអ្នកគ្រប់គ្រងក៏ដូចជាកីឡាករ អុំទូកជាច្រើននាក់ នៅរសៀល ថ្ងៃទី៣០ ខែតុលា ឆ្នាំ២០១៤នេះ បានរៀបចំពិធីក្រុងពាលី ដាក់ទូកចុះទឹក ដើម្បីចូលរួមប្រកួត ។

មន្ដ្រីសាលាខណ្ឌច្បារអំពៅ បានឱ្យដឹង ថា ទូកចំនួន៤ ក្នុងនោះទូកចែវ ២ ដែលមាន អ្នកអុំ ចំណុះ ៧៧នាក់ គឺទូកឈ្មោះវាលស្បូវ សែនជ័យ និងឈ្មោះគងពិសី មហាតេជះ រីឯ អុំ ពីរមានចំណុះ២២នាក់ ដែលត្រូវបាន អាជ្ញាធរខណ្ឌ រួមជាមួយគណៈកម្មការវត្ដវាលស្បូវ រៀបចំ ក្រុងពាលី ដាក់ចូលទឹកនាថ្ងៃនេះ ។

អភិបាលខណ្ឌច្បារអំពៅ បានលើកទឹក ចិត្ដ និងជំរុញឱ្យក្រុមកីឡាករទូកទាំង៤ ត្រូវ ត្រៀមលក្ខណៈ និងខិតខំយក ជ័យជំនះ ពេលចូលរួមប្រកួត ក្នុងពិធីប្រណាំងទូកនាពេលខាងមុខនេះ ដើម្បីលើកមុខមាត់ខណ្ឌច្បារអំពៅ។

លោកអភិបាលខណ្ឌ ក៏បានចូលរួមឧបត្ថម្ភចំពោះទូកទាំង៤ ក្នុងទូកង វាលស្បូវសែនជ័យ ទទួលបាន ១លាន រៀលផងដែរ ហើយក៏សូមអំពាវនាវដល់សប្បុរសជនទាំងឡាយណា ចូលរួមឧបត្ថម្ភដល់ក្រុមកីឡាករ ទូក ដើម្បីឱ្យពួកគេមានកម្លាំងចិត្ដ ពេលចូលរួមប្រកួត ។

ក្រោយបញ្ចប់ពិធីក្រុងពាលី រួចមក ក្រុម កីឡាករ ក៏បានសាកល្បងកម្លាំងគ្នាផង ដែរ ដែលធ្វើឡើងនៅខាងក្រោយ វត្ដវាលស្បូវ សង្កាត់វាលស្បូវ ខណ្ឌច្បារអំពៅ យ៉ាងសប្បាយរីករាយផងដែរ ។

ទស្សនារូបភាព នៃការមកដល់ របស់នាយករដ្ឋមន្រ្តីថៃ និងគណៈប្រតិភូ នៅព្រលានយន្តហោះ អន្តរជាតិភ្នំពេញ

E-mail Print PDF

រូបថតនៅក្នុង Facebook របស់លោក ហ៊ុន យុទ្ធគុណ

សមត្ថកិច្ច បន្ដឃាត់ខ្លួន ជនជាតិវៀត ណាម រស់នៅខុសច្បាប់ ក្បែរវត្ដនាគវ័ន

E-mail Print PDF

ភ្នំពេញ ៖  កម្លាំងនគរបាលអគ្គអន្ដោប្រ វេសន៍ក្រសួងមហាផ្ទៃ នៅរសៀលថ្ងៃទី៣០ ខែតុលា ឆ្នាំ២០១៤ នេះ បានបន្ដប្រតិបត្ដិការ ចុះឆែកឆេរនិងឃាត់ខ្លួន ជនជាតិវៀតណាម ដែលរស់នៅលើទឹកដីកម្ពុជា គ្មានលិខិតស្នាម និងឯកសារត្រឹមត្រូវ សម្រាប់ការស្នាក់អាស្រ័យ និងរកស៊ីរបស់ពួកគេ ។

ប្រតិបត្ដិការខាងលើនេះ បានធ្វើឡើង នៅក្បែរវត្ដនាគវ័ន សង្កាត់បឹងកក់ទី២ ខណ្ឌ ទួលគោក រាជធានី ភ្នំពេញ ដែលជាជំហាន ដំបូង សមត្ថកិច្ចបានឃាត់ខ្លួនជនជាតិវៀតណាម ៩នាក់ ក្រោមពីរកឃើញថា ពួកគេទាំងនោះ គ្មានលិខិតស្នាមត្រឹមត្រូវក្នុងការរស់នៅលើទឹកដីកម្ពុជានោះ។

ជនជាតិវៀតណាមទាំងនេះ ត្រូវបានដឹក តាមរថយន្ដភ្លាមៗយកទៅសួរនាំបន្ដនៅ អគ្គនាយកដ្ឋាន អន្ដោប្រវេសន៍ក្រសួងមហាផ្ទៃ ដើម្បីរៀបចំបែបបទបញ្ជូនពួកគេត្រឡប់ ទៅប្រទេស កំណើតវិញ ។

Page 1 of 387

Photo by DAP-NEWS