left
Safe Home
Safe Home
Safe Home

Dap News...Admin

Thursday, Jul 30th

| English Version | dapnews: 012 571 704, 097 9999 883, email: lim.cheavutha@gmail.com

You are here:

តុលាការចេញ ដីកាឃុំខ្លួន មុខសញ្ញា ជួញដូរគ្រឿងញៀន ២នាក់ដាក់ពន្ធនាគារ

E-mail Print PDF

កំពង់ចាមៈ នៅថ្ងៃទី៣០ ខែកក្កដា ឆ្នាំ២០១៥ នេះ ចៅក្រមសាលាដំបូងខេត្ត កំពង់ចាម លោក អ៊ុំ ចាន់ថុល បានចេញដីកា បង្គាប់ឲ្យឃុំខ្លួន មុខសញ្ញាជួញដូរ គ្រឿងញៀន២នាក់ ដាក់ពន្ធនាគារ ក្រោយពីកម្លាំងនគរបាល ខេត្តបានធ្វើការ ស្រាវជ្រាវ និងចាប់ខ្លួន បានកាលពីថ្ងៃទី២៧ ខែកក្កដា ឆ្នាំ២០១៥ កន្លងទៅ។

មន្ត្រីនគរបាលខេត្តកំពង់ចាម បានបញ្ជាក់ថា ក្រោយពីទទួលបានដីកាឃុំខ្លួនពីចៅក្រម ហើយមុខសញ្ញា ទាំងពីរត្រូវបាន បញ្ជូនទៅឃុំខ្លួននៅពន្ធនាគារ ធ្វើការឃុំខ្លួន។

យោងតាដីកាបង្គាប់ឲ្យឃុំខ្លួនរបស់លោកអ៊ុំ ចាន់ថុល ជនសង្ស័យទាំងពីរនាក់មាន ១ ឈ្មោះ ព្រុំ ធិន ភេទប្រុស អាយុ៤០ឆ្នាំ មានទីលំនៅភូមិ ថ្មគោល ឃុំបឹងណាយ ស្រុកព្រៃឈរ ខេត្តកំពង់ចាម។ ទី២ឈ្មោះ វង តារ៉ា ភេទប្រុស អាយុ៤៣ឆ្នាំ មានទីលំនៅភូមិ ទួលខ្នោ ឃុំបឹងណាយ ស្រុកព្រៃឈរ ខេត្តកំពង់ចាម៕

ប្រជាពលរដ្ឋ ខ្វះខាត ក្នុងជីវភាពក្រីក្រ ១០គ្រួសារ នៅសង្កាត់ ស្ទឹងមានជ័យ ទទួលអំណោយ មនុស្សធម៌ ពីលោក សេង សាញ់

E-mail Print PDF

ភ្នំពេញ ៖ ប្រជាពលរដ្ឋ ខ្វះខាតក្នុងជីវភាព ក្រីក្រចំនួន១០គ្រួសារ នៅសង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ ទទួលអំណោយ មនុស្សធម៌ ពីលោកសេង សាញ់ចៅសង្កាត់ ស្ទឹងមានជ័យ និងព្រះអង្គ យឹម ឯកវត្ថា គ្រូសូត្រស្តាំវត្តចង្ក្រាន តាព្រហ្មស្ទឹងមានជ័យ ព្រមទាំងលោកសម សុខសែន ប្រធានសសយកសង្កាត់ ។

លោក សេង សាញ់ ចៅសង្កាត់ស្ទឹងមានជ័យ បានបញ្ជាក់ថា អំណោយដែលឧបត្ថម្ភដោយលោកផ្ទាល់ និងពីគ្រូសូត្រស្តាំ វត្តចង្ក្រាន យឹម ឯកវត្ថា នៃវត្តចង្ក្រានតាព្រហ្ម ហៅវត្តស្ទឹងមានជ័យ នាពេលនះ ក្នុងមួយ គ្រួសារទទួលបាន អង្ករ ៤០គីឡូក្រាម , មី១កេស ,ទឹកត្រី១យូ, សំភារៈផ្ទះបាយមួយឈុត និង ថវិកាចំនួន ៣ម៉ឺុនរៀល ។

ការនិមន្ត និងអញ្ជើញ ផ្តល់អំណោយមនុស្ស ដល់ប្រជាជនទីទ័លក្រនេះ ប្រារព្ធធ្វើ ស្ថិតក្នុងបរិវេណ សាលា សង្កាត់ ស្ទឹងមានជ័យ នាល្ងាចថ្ងៃទី៣០ ខែកក្កដា ឆ្នាំ២០១៥ ។

នាឱកាសចុះសាកសួរសុខទុក្ខ និងនាំអំណោយចែកជូន ប្រជាជនទីទ័លក្រ លោក សេង សាញ់ បានលើកឡើង ថា ជានិច្ចកាលសម្តេចកិត្តិព្រឹទ្ឋ បណ្ឌិត ប្រធានកាកបាទក្រហម និងសម្តេចតេជោ ហ៊ុន សែន នាយក រដ្ឋមន្ត្រីកម្ពុជា តែងតែមានការគិតគូរយកចិត្តទុក្ខដាក់ ដល់បងប្អូនប្រជាជន នៅទូទាំងប្រទេស ពិសេស ប្រជាជនទីទ័លក្រ តែងតែផ្តក់អំណោយ ជាស្បៀងអាហារ គ្រឿងឧបភោគបរិភោគ និងថវិកាជូនដល់បងប្អូន ជានិច្ចទុកដោះស្រាយជីវភាព តាមរយ:អាជ្ញាធរមូលដ្ឋាន ជាក់ស្តែងដូចអំណោយផ្តល់ ជូនពេលនេះអីចឹង៕

សាលាក្រុង ចោទប្រកាន់ ផ្ទះ សំណង់ គ្រោងដាក់ តាំងលក់ទំនិញ ដាក់ផ្ទាំងផ្សាយ ពាណិជ្ជកម្ម កសាងរំលោភ ផ្លូវថ្មើរជើង

E-mail Print PDF

បន្ទាយមានជ័យ៖ សាលាក្រុង បានចោទប្រកាន់ផ្ទះ សំណង់មាំគ្រោង ដាក់តាំងលក់ទំនិញ ដាក់ផ្ទាំងផ្សាយពាណិជ្ជ កម្មកសាងរំលោភផ្លូវថ្មើរ ជើងនិងចញ្ចើមផ្លូវ ទុកពេល៧ថ្ងៃ អោយបើមិនរុះរើនិងចាត់វិធានការតាមច្បាប់។

លោកស្រី ចាន់ ផេង អភិបាលក្រុងសិរីសោភ័ណ បានប្រាប់ថា មានសំណង់មួយកន្លែងដែលកសាងគ្មាន ច្បាប់និងការសាងសង់ ខុសពីលិខិតអនុញ្ញាត ដែលសំណង់នេះកសាងគ្រោង ដាក់ទំនិញផ្សេងៗនិងការ ដាក់ផ្ទាំង ផ្សាយពាណិជ្ជកម្មផ្សេងៗ ដែលកសាងរំលោភទៅលើចំណីផ្លូវច្រកចេញចូល សាធារណៈនិងហ៊ុំរបង មកលើចំណីផ្លូវ ដែលជាដីបំរ៉ុងរបស់រដ្ឋមកធ្វើជាកម្មសិទ្ធរបស់ខ្លួន។ ជាមួយគ្នានេះ ការធ្វើជាអាជីវកម្មផ្សេងៗ នៅលើផ្លូវទាំងនេះ ជាហេតុនាំអោយបាត់បង់ សណ្តាប់ធ្នាប់សាធារណៈអនាម័យ បរិស្ថាននិងសោភ័ណ ភាព ទីប្រជុំជននិងសាធារណៈ។

លោកស្រីបានបញ្ជាក់ថា ដោយស្មារតីអង្គ ប្រជុំថ្ងៃទី២០ ខែកក្កដា ឆ្នាំ២០១៥កន្លងមក របស់សាលា ខេត្តបន្ទាយមានជ័យ បានចេញសេចក្តីជូនដំណឹង ស្តីពីការរុះរើសំណង់ការ ដាក់តាំងលក់ទំនិញផ្សេង និងការដាក់ផ្ទាំង ផ្សាយពាណិជ្ជកម្មផ្សេងៗ ដោយទុកពេលរយៈពេល៧ថ្ងៃ ចាប់ពីថ្ងៃជូនដំណឹង អោយរុះសំណង់ ដែលកសាងរំលោភចំណីផ្លូវ ចេញជូលនិងចិញ្ចើមផ្លូវបើមិនអនុវត្តន៍តាមនិងចាត់វិធានកា រតាមច្បាប់។

ម្ចាស់សំណង់បានប្រាប់ថា ប្រជាពលរដ្ឋដែលរស់នៅមុខពនាគារ ខេត្តបន្ទាយមានជ័យ ចាស់នៅកណ្តាលក្រុង សិរីសោភ័ណ នៅខាងលិចផ្លូវគឺមានប្រមាណ៤០ ផ្ទះល្វែងហើយមានសំណង់រឹងមាំ ប្រមាណ ជិត២០ខ្នង ដីចំណុចនេះប្រជាពលរដ្ឋរស់នៅតាំងពីឆ្នាំ១៩៧៩ រហូតដល់បច្ចុប្បន្ននេះ។ ហើយពនាគារខេត្តចាស់ ត្រូវបានដោះដូរ ពីក្រុងទៅដាក់ជាយក្រុងសិរីសោភ័ណ ហើយដីពនាគារចាស់ត្រូវបានលក់អោយលោក លី អ៊ុតនី ប្រធានសភាពាណិជ្ជកម្ម ខេត្តបន្ទាយមាជ័យ ហើយប្រើល្បិចកលចង់ បានដីប្រជាពលរដ្ឋនៅចន្លោះខាងលិច ផ្លូវ។ ហើយបានប្តឹងប្រើល្បិចថា កសាងរំលោភចំណីផ្លូវច្រកចេញចូលសាធារណៈនិងយកដីធ្វើជាកម្មសិទ្ធិ៕

នាំគ្នាផឹក ស្រាស្រវឹង រួចទាស់ សម្តី វាយគ្នា បណ្តាលអោយ បុរសម្នាក់ រងរបួសធ្ងន់ម្នាក់

E-mail Print PDF

បន្ទាយមានជ័យ៖ បុរស២នាក់នាំគ្នាផឹកស៊ី លុះផឹកស្រវឹង ប្រកែកគ្នាមិនស្តាប់បង្កហិង្សា រហូតបណ្តាល អោយបុរសម្នាក់រងរបួសធ្ងន់។ ហេតុការណ៍ ថ្ងៃទី២៩ ខែកក្កដា ឆ្នាំ២០១៥ ស្ថិតនៅអូរអំពិល ឃុំ ទួលពង្រ ស្រុកម៉ាឡៃ ខេត្តបន្ទាយមានជ័យ។

លោកឱ បូរិន្ទ មេបញ្ជាការអហ ខេត្តបានប្រាប់ឱ្យដឹងនៅល្ងាច ថ្ងៃទី៣០ ខែកក្កដានេះ ថា មុនកើតរឿងរ៉ាវនេះ ជនបង្ក និងជនរងគ្រោះ បាននាំគ្នា ផឹកស្រាក្នុងខ្ទម កន្លែងលក់ដូរ ហើយជនបង្កមានឈ្មោះសៀន រ៉េន ភេទប្រុស អាយុ៣៨ឆ្នាំ រស់នៅកន្លែងកើតហេតុខាងលើ បានស្រវឹងស្រា ប្រើពាក្យសម្តីធ្ងន់ ដាក់ជនរងគ្រោះ ឈ្មោះឆែម លឿម ប្រុសអាយុ៤៩ ឆ្នាំ រស់នៅភូមិជាមួយគ្នាកើតរឿង វាយប្រតប់ ប្រតាយគ្នា ទៅវិញទៅមករហូតរបួសធ្ងន់ ចូលដេកពេទ្យរៀងៗខ្លួន។

លោកបានបន្តថា ជនសង្ស័យឈ្មោះសៀន រ៉េន ភេទប្រុស អាយុ៣៨ឆ្នាំ បានយក កាំបិតខ្វេវកាប់ទៅលើ ជនរងគ្រោះ បណ្តាលអោយ រងបួសធ្ងន់ត្រង់ដៃកឆ្វេង បាត់ដៃឆ្វេង ដាច់ម្រាមដៃ ខ្នងដៃ។

ក្រោយពីកើតហេតុ សមត្ថកិច្ចបានតាម ប្រមាញឃាត់ខ្លួនជនដៃដល់ យកមកសួរនាំ និងបានឆ្លើយសារភាពថា ខ្លួនពិតជាបានប្រព្រឹត្ត ករណីខាងលើនេះពិតមែន ។

បច្ចុប្បន្នសមត្ថកិច្ចកំពុងកសាងសំណុំរឿងបញ្ជូនទៅកាន់ សាលាដំបូងខេត្ត ដើម្បីចាត់ការតាមនិតិវិធីច្បាប់៕

ប្រទះឃើញ មនុស្សម្នាក់ស្លាប់ ក្នុងបន្ទប់ទឹក កន្លែងទិញអេតចាយ ក្នុងក្រុងបានលុង

E-mail Print PDF

រតនគិរីៈ មានការភ្ញាក់ផ្អើលដល់ អាជ្ញាធរមូលដ្ឋាន និងប្រជាពលរដ្ឋ ដោយសារតែ មនុស្សម្នាក់ ត្រូវបាន គេប្រទះឃើញ ស្លាប់នៅក្នុងបន្ទប់ទឹក ខណៈដែលកម្មករឡើង ទៅប្រុងដាំបាយ នៅលើផ្ទះ។ហេតុការណ៍នេះ កើតឡើងកាលពី វេលាម៉ោងប្រមាណ ៥ល្ងាច ថ្ងៃទី៣០ ខែកក្កដា ឆ្នាំ២០១៥  ស្ថិតក្នុងភូមិអូរកន្សែង  សង្កាត់បឹងកន្សែង  ក្រុងបានលុង ខេត្តរតនគិរី។

បើតាមថៅកែទិញអេតចាយ ដែលមានប្តីឈ្មោះ ង្វៀង វ៉ាន់លីម អាយុ៤៥ឆ្នាំ  និងប្រពន្ធឈ្មោះ វិន ធីយ៉យ អាយុ៤៣ឆ្នាំ  (ជនជាតិវៀតណាម)  ប្រាប់ឲ្យដឹងថា ជនរងគ្រោះមានឈ្មោះ  ប្រិម ញ៉ុក  ភេទប្រុស  អាយុ៣៥ឆ្នាំ  ជនជាតិខ្មែរ  មុខរបរបើករថយន្ត  មានស្រុកនៅភូមិដូង  ឃុំរូង ស្រុកមេម៉ត់  ខេត្តត្បូងឃ្មុំ  បានមកស្នាក់នៅ ជាមួយក្រុមគ្រួសារគាត់ប្រមាណ១០ឆ្នាំ កន្លងមកហើយ។

ប្រភពពត៌មានខាងលើប្រាប់បន្តទៀតថា ជនរងគ្រោះកាលពីវេលាម៉ោង ២រសៀលនេះប្តី  ប្រពន្ធគាត់បាន ឲ្យឈប់សម្រាក ដើម្បីទៅរៀនបើកបររថយន្ត (យកប័ណ្ណបើកបរ) ។  លុះដល់ម៉ោងប្រមាណ ៥ល្ងាចដល់ម៉ោង ដាំបាយត្រូវបានកម្មករ ផ្សេងទៀតឡើងទៅលើផ្ទះប្រុងដាំបាយ ក៏ឃើញស្បែកជើង ជនរងគ្រោះ នៅក្រៅបន្ទប់ទឹកហើយ បើកទ្វារបន្ទប់ទឹកឃើញជនរងគ្រោះ ស្លាប់បាត់ទៅហើយ។

ប្រភពបន្តថាជនរងគ្រោះ ជាមនុស្សស្លូតបូត ពុំដែលមានទំនាស់ ជាមួយកម្មករ ដ៏ទៃទៀតឡើយ  ហើយរូបគាត់ពីអ្នកប្តីប្រពន្ធ (ថៅកែទិញអេតចាយ)  ស្រលាញ់ចាត់ទុកដូច ជាកូនបង្កើតអញ្ចឹង។  នៅល្ងាច ថ្ងៃទី៣០ ខែកក្កដា ឆ្នាំ២០១៥ សមត្ថកិច្ចមូលដ្ឋាន និងនគរបាលជំនាញនៃស្នងការនគរបាលខេត្តដឹកនាំ ដោយលោក ជា សុភ័ក្ត្រ ព្រះរាជអាជ្ញារងអមសាលាដំបូងខេត្តបានធ្វើកោសល្យវិច្ច័យលើសព។  ប៉ុន្តែទោះជាយ៉ាងណាក៏ដោយ សពជនរងគ្រោះមិនទាន់ដឹងមូលហេតុ ពិតប្រាកដ នៅឡើយទេ រងចាំសមត្ថកិច្ចស្រាវជ្រាវបន្តទៀត។ 

សពជនរងគ្រោះត្រូវបានក្រុមគ្រួសារមកដឹកយកទៅធ្វើបុណ្យតាមប្រពៃណីខ្មែរនៅស្រុកកំណើត៕

ចោរកាច់កម៉ូតូ ដ៏សកម្ម២នាក់ ត្រូវប្រជាពលរដ្ឋ វាយឡើងទ្រោមខ្លួន ទើបប្រគល់ ឲ្យសមត្ថកិច្ច

E-mail Print PDF

ភ្នំពេញៈ នៅម៉ោង៧ និង១០នាទី ថ្ងៃទី៣០ ខែកក្កដា ឆ្នាំ២០១៥ ជិតរោងចក្រអូរសេអង់ សង្កាត់កាកាប ខណ្ឌពោធិ៍សែនជ័យ មានក្រុមកាច់ម៉តូ២នាក់ ត្រូវបានប្រជាពលរដ្ឋ ចាប់និងវាយ ខណៈពួកគេទាំង២ប៉ុនប៉ង កាច់កម៉ូតូ គេនៅក្បែរោងចក្រ។

តាមប្រភពព័ត៌មានបានឲ្យដឹងថា នៅមុនពេលកើតហេតុប្រជាពលរដ្ឋ ដែលរស់នៅក្បែរនោះ បានឃើញក្រុមកាច់កទាំងនោះ មកលេងផ្ទះជួលសង្សារ នៅជិតរោងចក្រ ខាងលើក៏មានការសង្ស័យ ចំពោះយុវជន២នាក់ ស្រាប់តែភ្លាមនោះ ពួកគេទាំង២រៀបនឹងធ្វើសកម្មភាព ពេលនោះប្រជាពលរដ្ឋ បានស្រែកមានចោរ កាច់កម៉ូតូហើយភ្លាមនោះអ្នកនៅក្បែរនោះបានរត់មកចាប់ និងវាយជិតស្លាប់ ទើបកម្លាំងនគរបាល បានទៅដល់ យកមកសួរនាំ នៅប៉ុស្តិ៍កាកាប

ក្រោយធ្វើការសួរចុះឡើងពីសមត្ថកិច្ច ក៏មានរឿងមួយទៀតកាលពីយប់ថ្ងៃទី២៨ ខែកក្កដា ឆ្នាំ២០១៥ នៅជិតកន្លែងចាក់សំរាម ស្ទឹងមានជ័យ សង្កាត់ស្ទឹងមានជ័យ ក្រុមកាច់កទាំង២នេះ បានកាច់ក យកម៉ូតូអាសង់ប៊ិច ពណ៌ខ្មៅ ពីប្រជាពលរដ្ឋនៅក្បែរ កន្លែងចាក់សំរាមនោះ។

បន្ទាប់ពីសួរចប់ខាងសមត្ថកិច្ចប៉ុស្តិ៍កាកាប បានបញ្ចួនជនទាំង២នាក់នេះ មកប៉ុស្តិ៍ស្ទឹងមានជ័យវិញ៕

បាក់ដី សង្កត់កម្មករ ម្នាក់ស្លាប់ ក្នុងការដ្ឋាន សំណង់ នៅក្រុង ប៉ោយប៉ែត

E-mail Print PDF

បន្ទាយមានជ័យ: កាលពីវេលាម៉ោង ៥ល្ងាច ថ្ងៃទី៣០ ខែកក្កដា នៅចំណុចការដ្ឋាន សំណង់មួយកន្លែង ទល់មុខធនាគារហត្ថាកសិករ តាមបណ្តោយផ្លូវជាតិលេខ៥ នៅក្នុងភូមិប៉ាលិលេយ្យ ១ សង្កាត់-ក្រុងប៉ោយប៉ែត ខេត្តបន្ទាយមានជ័យ មានករណីបាក់ដីសង្កត់លើកម្មករម្នាក់ ដែលក្នុងរណ្តៅបណ្តាលអោយស្លាប់បាត់បង់ជីវិត។

យោងតាមប្រភពពីកម្មករសំណង់ដូចគ្នា បានអោយដឹងថា បុរសដែលស្លាប់មានឈ្មោះ ឌុច ធឿង អាយុ ៣៧ឆ្នាំ មានទីលំនៅក្នុងភូមិវាល ឃុំដងរុន ស្រុកសូទ្រនិគម ខេត្តសៀមរាប មកស្នាក់នៅក្នុងការដ្ឋានសំណង់ ជាមួយប្រពន្ធនិងកូន។

តាមប្រភពដដែលបានឲ្យដឹងទៀតថា នៅមុនពេលកើតហេតុជនរងគ្រោះ និងកម្មករឯទៀត បាននាំគ្នាឈប់សំរាក តែមិនដឹងជាមូលហេតុអ្វី ជនរងគ្រោះក៏ចុះទៅក្នុងរណ្តៅមួយដែលមានជម្រៅជាង២ម៉ែត្រ ហើយក៏ត្រូវដីបាក់គ្របពីលើតែម្តង។

តាមការបញ្ជាក់ពីកម្មករម្នាក់សុំមិនបញ្ចេញឈ្មោះ បានប្រាប់ថា ពេញមួយថ្ងៃនេះក្រុងប៉ោយប៉ែតមានភ្លៀងធ្លាក់ រហូតធ្វើអោយដីមានសភាពទន់ជ្រាយ ងាយនិងរបេះធ្លាក់ណាស់។ មួយវិញទៀតជនរងគ្រោះរូបនេះពេលសំរាកពីការងារ បានប្រាប់គាត់ថា ចុះទៅយកម៉ូទរ័បូបទឹក ដែលគេដាក់បូមទឹកចេញតាំងពីថ្ងៃ តែបន្ទាប់ពីចុះបានបន្តិចចៃដន្យ ដីក៏បានបាក់គ្របទៅលើគាត់តែម្តង។ ក្រុមការងារក៏បានធ្វើការកាយដីចេញដើម្បី ជួយសង្គ្រោះជនរងគ្រោះ តែទំរាំជួយបានជនរងគ្រោះ បានបាត់បង់ជីវិតក្នុងរណ្តៅបាត់ទៅហើយ។

ក្នុងហេតុការណ៍នេះសមត្ថកិច្ចគេបានឃើញ មានសមត្ថកិច្ចអាវុធហត្ថ និងនគរបាលមូលដ្ឋាន ជាច្រើនបានចុះមកជួយអន្តរាគមន៍ ដើម្បីរំដោះជនរងគ្រោះ ចេញពីរណ្តៅនោះផងដែរ។ គេនៅមិនដឹងថាតើអាជ្ញាធរ មានសមត្ថកិច្ច និងចាត់វិធានការយ៉ាងណាលើម្ចាស់បឬមេជាងការដ្ឋាននេះនោះទេ៕

មុខសញ្ញា ចោរគាស់ផ្ទះ ត្រូវបាន ប្រជាពលរដ្ឋ ចាប់វាយទ្រោមខ្លួន ប្រគល់ឲ្យនគរបាល

E-mail Print PDF

ភ្នំពេញ៖ ជនសង្ស័យម្នាក់ត្រូវ ប្រជាពលរដ្ឋ ចាប់បាននាំគ្នាវាយ១ដៃ១ជើង ឡើងទ្រោមខ្លួន ទើបប្រគល់ឲ្យ នគរបាលចាត់ការ ទៅតាមផ្លូវច្បាប់។ ហេតុការណ៍នេះកើតឡើង កាលពីវេលាម៉ោង ៣និង៣០នាទី ថ្ងៃទី៣០ ខែកក្កដា ឆ្នាំ២០១៥ ស្ថិតនៅក្រោយផ្សារ ឯករាជ្យ១ ភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ។

នគរបាលបានឲ្យដឹងថា ជនសង្ស័យមានឈ្នោះ សំ បញ្ញា ភេទប្រុសអាយុ២៥ឆ្នាំមានមុខរបរ មិនពិតប្រាកដស្នាក់នៅក្នុងភូមិ ត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ។

នគរបាលបានបន្តថា មុនពេលកើតហេតុ ប្រពលរដ្ឋបានឃើញ ជនសង្ស័យ នៅចំណុចកើតហេតុ ក៏មានការសង្ស័យហៅ សាកសួរ ភ្លាមនោះជនសង្ស័យរត់គេច រំពេចនោះប្រជាពលរដ្ឋ នាំគ្នាដេញចាប់បាន  ឆែករកឃើញកូនសោរ១ចង្កោម និងទុណាវីស១ នៅជាប់និងខ្លួនរួចក៏បានស្វាគមន៍១ដៃ១ជើងម្នាក់ ឡើងទ្រោមខ្លួនទើបប្រគល់ ឲ្យនគរបាលចាត់ការ ទៅតាម ផ្លូវច្បាប់។

បច្ចុប្បន្នជនសង្ស័យឃុំខ្លួនជាបណ្តោះអាសន្ន នៅអធិការដ្ឋានដើម្បីកសាង សំណុំរឿងបន្ថែមចាត់ការទៅ តាមនីតិវិធីច្បាប់៕

រថយន្តយីឌុប ជ្រុលចង្កូត បើកធ្លាក់ប្រឡាយ តែសំណាងល្អ គ្មានអ្នករងរបួស

E-mail Print PDF

ភ្នំពេញៈ នៅម៉ោង១៩ :៣០នាទី ថ្ងៃទី៣០ ខែកក្កដា ឆ្នាំ២០១៥ មានករណី រថយន្តយីឌុបដឹកដី បើកធ្លាក់ចូលប្រឡាយ ស្ថិតនៅចំណុចផ្លូវវេងស្រេង ត្រង់ចំណុចលូប្រាំ ភូមិដំណាក់ធំ២ សង្កាត់ស្ទឹងមានជ័យ។ 

តាមប្រភពព័ត៌មានពីកន្លែងកើតហេតុបានឲ្យដឹងថា នៅម៉ោង១៩ :៣០នាទី ថ្ងៃទី៣០ ខែកក្កដា ឆ្នាំ២០១៥ មានរថយន្តយីឌុប មួយគ្រឿងបើកធ្លាក់ចូលមាត់ប្រឡាយ តែសំណាងល្អ ទើលើទុយោទឹករដ្ឋករ និងមានអោយមានអ្នករបួសអ្វីទេ។

ប្រភពដដែលបានបន្តទៀតថា នៅមិនទាន់មានប្រភពណាមួយបញ្ជាក់ពីអត្តសញ្ញាណរបស់អ្នកបើករថយន្តនៅឡើយទេ៕

កិច្ចប្រជុំ​រដ្ឋមន្ត្រី​ទេសចរណ៍ CLMV និង ACMECS សម្រេច​បាន​ផែនការ​ថ្មី​មួយ​ចំនួន សម្រាប់​រយៈពេល ៣ឆ្នាំ

E-mail Print PDF

ភ្នំពេញ៖ កិច្ចប្រជុំថ្នាក់រដ្ឋមន្ត្រីទេសចរណ៍ ក្របខណ្ឌCLMV និង ACMECS នាថ្មីៗនេះ បានអនុម័តផែនការសកម្មភាពលើ កិច្ចសហប្រតិបត្តិការ ទេសចរណ៍ថ្មីមួយចំនួន សម្រាប់ឆ្នាំ២០១៦-២០១៨ ។

តាមការប្រកាស របស់ក្រសួងទេសចរណ៍ ក្រោយបញ្ចប់កិច្ចប្រជុំខាងលើនេះ បានឱ្យដឹងថា កិច្ចប្រជុំថ្នាក់រដ្ឋមន្ត្រីទេសចរណ៍ ក្របខណ្ឌ CLMV (កម្ពុជា ឡាវ ភូមា និងវៀតណាម បានសម្រេចគោលការណ៍ចំនួន ៥ចំណុច រួមមាន ៖
១. ការសម្រួលការធ្វើដំណើរ (Travel facilitation)
២. ការបណ្តុះបណ្តាលធនធានមនុស្ស (Human resource development)
៣. ការចូលរួមចំណែកពីផ្នែកឯកជន និងសហគមន៍មូលដ្ឋាន (Involvement of private sectors and local community)
៤. ការសម្របសម្រួលជាមួយដៃគូអភិវឌ្ឍន៍ អង្គការអន្តរជាតិ ស្ថាប័នហិរញ្ញវត្ថុអន្តរជាតិ (Coordination with development partners, international organizations and international financial institutions) និង
៥. ការអភិវឌ្ឍទេសចរណ៍ប្រកបដោយនិរន្តរភាព (Sustainable tourism development)។

ក្នុងនោះដែរកម្ពុជា បានទទួលភារកិច្ចដឹកនាំការងារ សម្របសម្រួលជាមួយដៃគូអភិវឌ្ឍ ដើម្បីស្វែងរកជំនួយបច្ចេកទេស និងហិរញ្ញប្បទាន សម្រាប់គម្រោងអភិវឌ្ឍទេសចរណ៍ ។

ចំណែក កិច្ចប្រជុំក្នុងក្របខណ្ឌ ACMECS (កម្ពុជា ឡាវ មីយ៉ាន់ម៉ា វៀតណាម និង ថៃ) ក៏បានសម្រេចលើផែនការសកម្មភាពថ្មី ២០១៦ ២០១៨ (Action Plan on ACMECS Tourism Cooperation 2016 2018) ដែលផ្តោតលើ៧ចំណុចសំខាន់ៗ ដូចជា៖
១. ការរៀបចំផែនការសិក្សាទីផ្សារ និងសកម្មភាពផ្សព្វផ្សាយទេសចរណ៍រួមគ្នា “ប្រទេស៥ គោលដៅទេសចរណ៍តែមួយ”
២. ការតភ្ជាប់គោលដៅទេសចរណ៍ (សម្រួលការធ្វើដំណើរឆ្លងកាត់ព្រំដែននៅក្នុងប្រទេសទាំង៥)
៣. ការផ្លាស់ប្តូរព័ត៌មានទេសចរណ៍ (ដែលប្រទេសសមាជិកនីមួយៗ ត្រូវពង្រឹងលើការរៀបចំបញ្ចូលព័ត៌មានឲ្យបានច្រើននៅលើគេហទំព័រទេសចរណ៍)
៤. បង្កើតឲ្យមានកម្មវិធីបណ្តុះបណ្តាលកសាងសមត្ថភាពអ្នកជំនាញវិជ្ជាជីវទេសចរណ៍ និងភាគីពាក់ព័ន្ធក្នុងវិស័យទេសចរណ៍
៥. ការអភិវឌ្ឍផលិតផលទេសចរណ៍ (ដោយជំរុញឲ្យមានការវិនិយោគដើម្បីពង្រឹងគុណភាពផលិតផលទេសចរណ៍)
៦. ការពង្រឹងសុវត្ថភាពដល់ទេសចរ និងកិច្ចការពារបរិស្ថាននៅតាមតំបន់ទេសចរណ៍
៧. ការជំរុញការអភិវឌ្ឍទេសចរណ៍ស្របតាមទស្សនទានបៃតងប្រកបដោយការទទួលខុសត្រូវ (Green and responsible tourism) នៅក្នុងប្រទេសទាំង៥។

តាមរយៈផែនការសកម្មភាពថ្មីនេះ អង្គប្រជុំបានប្រគល់ភារកិច្ចដល់កម្ពុជាដឹកនាំការងារជំរុញការ តភ្ជាប់គោលដៅទេសចរណ៍ នៃប្រទេសទាំង៥។

ព្រមជាមួយនេះ អង្គប្រជុំក៏បានកត់សម្គាល់ផែនការសកម្មភាពពាក់ព័ន្ធ នឹងវិស័យទេសចរណ៍ ក្នុងក្របខណ្ឌ ACMECS ដូចជាការជំរុញឲ្យ បណ្តាប្រទេសសមាជិក ACMECS ផ្សេងទៀតយកចិត្តទុកដាក់ លើផែនការទិដ្ឋាការទោល (ACMECS Single Visa Scheme) និងការជំរុញការតភ្ជាប់ និងអភិវឌ្ឍទេសចរណ៍ តាមព្រំដែន៕

គ្រោះថ្នាក់ចរាចរ ម៉ូតូបុករ៉ឺម៉កម៉ូតូ ស្លាប់ម្នាក់ និងរបួសធ្ងន់ម្នាក់ នៅក្រុងព្រះសីហនុ

E-mail Print PDF

ព្រះសីហនុ៖ ថ្ងៃទី៣០ ខែកក្កដា ឆ្នាំ២០១៥ វេលាម៉ោង ៣:៣០នាទី លើដងផ្លូវជាតិលេខ៣ ចន្លោះគីឡូម៉ែត្រលេខ ១៩០ -១៩១ នៅចំណុចភូមិទួល ឃុំទឹកល្អក់ មានករណីគ្រោះថ្នាក់ចរាចរមួយកើតឡើង (ម៉ូតូបុករ៉ឺម៉កម៉ូតូ) ម៉ូតូម៉ាក Honda ស៊េរី២០០៨ ពណ៌ខ្មៅ ពាក់ស្លាកលេខ ព្រះសីហនុ1A.5269 បើកបរដោយឈ្មោះ បេ វ៉ាន់ ភេទប្រុស អាយុ ៣៣ឆ្នាំ មុខរបរកម្មករនេសាទ ទីលំនៅអូ១ សង្កាត់២ ក្រុងព្រះសីហនុ បើកបរក្នុងទិសដៅ ពីលិចទៅកើត ស្រាប់តែមកដល់ចំណុចកើតហេតុខាងលើ បានជ្រុលចង្កូតបុកគូថរ៉ឺម៉ក១គ្រឿង ដែលកំពុងចតនៅចិញ្ចើមផ្លូវ ម៉ាកសាន់យ៉ាន់ ពាក់ស្លាកលេខព្រះសីហនុ 1B.7703 ។ ជនរងគ្រោះឈ្មោះ ១.ឈ្មោះ បេ វ៉ាន់ (អ្នកបើកម៉ូតូ) ស្លាប់នៅនឹងកន្លែង, ២.ឈ្មោះ ជួប ឌឿន ភេទប្រុស អាយុ៣៣ ឆ្នាំ មុខរបរកសិករ ទីលំនៅភូមិកំពង់ចិន ឃុំទឹកថ្លា ស្រុកព្រៃនប់ (អ្នករួមដំណើរ) របួសធ្ងន់ (សម្រាកព្យាបាលនៅគ្លីនិកឯកជនវាលរេញ)។

បច្ចុប្បន្ន សាកសពត្រូវបានក្រុមគ្រួសារ យកទៅធ្វើបុណ្យតាមប្រពៃណី រីឯវត្ថុតាង (ម៉ូតូ និង រ៉ឺម៉ក) រក្សាទុកនៅបណ្តោះអាសន្ន នៅអធិការដ្ឋាន ៕

Photo by DAP-News

Photo by DAP-News

Photo by DAP-News

Photo by DAP-News

Page 1 of 250